မလေးရှားနိုင်ငံရောက် အထောက်အထားမဲ့ မြန်မာနိုင်ငံသား ၆၀ ဖမ်းဆီးခံရ

ဇန်နဝါရီ ၂၄

မလေးရှားနိုင်ငံ၊ ကွာလာလမ်ပူမြို့၊ ဂျလန်အာလောနှင့် ဘူကစ်ဘင်တန်းတို့တွင် အထောက်အထားမဲ့ မြန်မာနိုင်ငံသား အမျိုးသမီး၊ အမျိုးသားအပါအဝင် ၆၀ ဦး အဖမ်းခံရကြောင်း ဒေသတွင်းသတင်းများအရ သိရသည်။

ပြီးခဲ့သည့် ဇန်နဝါရီလ ၂၂ ရက် ည ၇ နာရီ ၁၅ မိနစ်အချိန်ခန့်က မလေးရှား ရဲတပ်ဖွဲ့၊ လဝကနှင့် အာဏာပိုင်အဖွဲ့များက ရှောင်တခင် ဝင်ရောက်စစ်ဆေးစဉ် အဆိုပါ မြန်မာနိုင်ငံသားများကို ဖမ်းမိခြင်းဖြစ်ကြောင်း သိရသည်။

ဖမ်းဆီးခံရသူများထဲတွင် မြန်မာနိုင်ငံသား ၆၀ ဦးအပြင် ဘင်္ဂလားဒေ့ရှ် နိုင်ငံသား ၇၁ ဦး၊ အင်ဒိုနီးရှားနိုင်ငံသား ၂၄ ဦး၊ နီပေါနိုင်ငံသား ၁၆ ဦး၊ ပါကစ္စတန်နိုင်ငံသား ၃ ဦး၊ အီဂျစ်နိုင်ငံသား ၁ ဦးနှင့် ဆူဒန်နိုင်ငံသား ၁ ဦးတို့ ပါဝင်ကြောင်း သိရသည်။

လက်ရှိတွင် ၎င်းတို့ကို ကွာလမ်လာပူမြို့၊ လဝကရုံးတွင် ထိန်းသိမ်းထားပြီး လူဝင်မှုကြီးကြပ်ရေး အက်ဥပဒေ ပုဒ်မ ၆(၁)(ဂ) နှင့် လူဝင်မှုကြီးကြပ်ရေး ဥပဒေပုဒ်မ ၁၅(၁)(ဂ) ၁၉၅၉ ၊ ၁၉၆၃ အပြင် လူဝင်မူကြီးကြပ်ရေး ဥပဒေ ၃၉(ခ) ၁၉၆၃ နှင့်ပါ စစ်ဆေးသွားမည် ဖြစ်ကြောင်း မလေးရှား လဝက၏ ထုတ်ပြန်ချက်ကို ကိုးကား၍ ဒေသတွင်း သတင်းများက ရေးသားထားကြသည်။

ပြီးခဲ့သည့် ဇန်နဝါရီလ ၁၅ ရက်၊ ဇန်နဝါရီလ ၁၆ ရက်ကလည်း ပါဟန်းပြည်နယ်အတွင်း အထောက်အထားမဲ့ မြန်မာရွှေ့ပြောင်းအလုပ်သမား ၁၄ ဦး ဖမ်းဆီးခံခဲ့ရသေးကြောင်း သိရသည်။

Credit - Myanmar Transparency News Ahency

#သတင်းဟင်းလေးအိုးကြီး

အမြန်လမ်းမှာ သာသနာနံပါတ်ပြားနဲ့ ယာဉ်ငယ်တစ်စီး အရှိန်လွန်တိမ်းမှောက်

ဇန်နဝါရီ ၂၄

အမြန်လမ်း ၁၅၁ မိုင်မှာ သာသနာနံပါတ်ပြားနဲ့ ယာဉ်ငယ်တစ်စီး မတော်တဆမှု ဖြစ်ပွားပြီး ရဟန်းနှစ်ပါး မစိုးရိမ်ရ ထိခိုက်ဒဏ်ရာတွေရရှိခဲ့တယ်လို့ မြေပြင်အကူအညီရောက်ရှိခဲ့တဲ့ တောင်ငူအခြေစိုက် လူမှုကူညီရေးအသင်းထံကနေ သိရပါတယ်။

ကားမှာ အရှိန်လွန်တိမ်းမှောက်တယ်လို့ ကနဦးသိရပြီး မောင်းနှင်လာတဲ့ ကပ္ပိယပါမပါတော့ သေချာမသိရဘူးလို့လည်း ဆိုပါတယ်။ ဒဏ်ရာရ ရဟန်းနှစ်ပါးက တောင်ငူမြို့အနီး ဖားအောက်တောရကျောင်းတိုက်ကလို့ သိရှိရပြီး ရန်ကုန်ဘက်ကိုဦးတည်တဲ့လားရာအတိုင်းမောင်းနှင်လာစဉ် မတော်တဆဖြစ်ပြီး လမ်းဘေးထိုးကျ တိမ်း‌မှောက်ခဲ့တာလို့ ကနဦးသတင်းတွေအရ သိရှိရပါတယ်။

ဒဏ်ရာရရှိတဲ့ ရဟန်းနှစ်ပါးကို ရွှေမင်းဝံ လူမှုကူညီရေးအသင်း ၊ Save The Trees Rescue Team လူမှုကူညီရေးအသင်းတို့က သူနာတင်ယာဉ်တွေနဲ့ တောင်ငူဆေးရုံကြီးဆီ ပို့ဆောင်ပေးခဲ့တယ်လို့ သိရပါတယ်။

#centralnewsnaypyitaw

ငရုတ်သီးပင်စိမ်းထောင်း
°°°°°°°°°°°°°°°°°°°°°°

ငရုတ်သီးစိမ်း...............၃၀တောင့်ခန့်
ကြက်သွန်ဖြူ................. ၇တက်
ပင်စိမ်း........................၁စည်း
သံပုရာသီး...................၁လုံး

ငရုတ်သီးစိမ်းတွေကိုရေဆေး၊အညှာခြွေပါ။
ကြက်သွန်ဖြူ ကိုအခွံခွာပြီးလေးစိတ်လောက်ပိုင်းလှီးပါ။

ဒယ်အိုးတစ်လုံးကိုမီးရှိန်အနည်းဆုံးနှင့်အပူပေးထားပြီးငရုတ်သီးတွေစိမ်းရောင်မပြောင်းပဲကျက်သည်အထိလှော်ပါ။

ပင်စိမ်းတွေကိုအရွက်ခြွေပြီးပွက်ပွက်ဆူနေတဲ့နေနွေးထဲသို့ထည့်ဖျောပါ။ပြန်လည်ဆယ်ယူစစ်ပြီးရေအေးလောင်းအအေးခံထားပါ။
(ငရုတ်သီးကိုမလှော်ပဲ၊ ပင်စိမ်းရွက်ကိုရေနွေးမ
ဖျောပဲထောင်းလျှင်မည်းသွားတတ်ပါသည်)

ချက်ချင်းစားမည့်သူများကအစိမ်းကိုထောင်းစားနိူင်ပါသည်။

လှော်ထားတဲ့ငရုတ်သီး+ကြက်သွန်ဖြူ ကိုဆား၊ဟင်းခတ်မှုတ်တို့နှင့်အတူညှက်အောင်ထောင်းပါ။

ငရုတ်သီးညှက်ခါနီးလျှင်ရေနွေးဖျောထားတဲ့ပင်စိမ်းရွက်တွေကိုပါးပါးလှီးပြီးထည့်ကာသမသွားအောင်ထောင်းပါ။

သံပုရာသီးလေးညှစ်ပေးပါ။ဆီကြိုက်သူများကပဲဆီမွှေးမွှေးလေးဆမ်းနိူင်ပါတယ်။

Crd.winnaing thein

Nelly Rapp – Monster Agent (2021)
=================
IMDb Rating - 6.2

မိခင်မရှိတော့ဘဲ ဖခင်ဖြစ်သူနဲ့နေနေရတဲ့ နယ်လီရာ့ပ်…

မိခင်ဖြစ်သူနဲ့ဦးလေးဖြစ်သူလို Monster agent ကြီးဖြစ်ချင်နေတဲ့သူ နွေရာသီကျောင်းပိတ်ရက်မှာ ဦးလေးဖြစ်သူဆီမှာနေရဖို အကြောင်းဖန်လာခဲ့ပါတယ်

Monster agentဆိုတာကတော့ လူတွေကိုမွန်းစတားတွေရန်ကနေကာကွယ်ဖိုဖွဲထားတဲ့အဖွဲပါ

နဂိုကတည်းက monster agent ဖြစ်ချင်နေသူ နယ်လီက ဦးလေးနဲ့အတူနေရတဲ့အခါမှာတော့ သူဟာအေးဂျင့်တစ်ယောက်လုပိဖိုအသင့်ဖြစ်ပြီဆိုတာကို ဦးလေးဖြစ်သူကိုသက်သေပြဖိုလုပ်လာပါတယ်

နယ်လီတစ်ယောက် အမျိုးမျိုးအဖုံဖုံသောမွန်းစတားတွေအကြောင်းလေ့လာရင်း လက်တွေ့လုပ်ချင်လာတဲ့အခါမှာတော့…

ဇာတ်လမ်းလေးက နယ်လီလေးရဲ့စွန့်စားခန်းလေးတွေနဲ့အတူ ပေါ့ပေါ့ပါးပါးဟာသလေးနှောကာရိုက်ကူးထားပြီး

ဆုနှစ်ဆုအပြင် ဇကာတင်စာရင်းလေးခုထဲဝင်ထားတဲ့ကားလေးဖြစ်တာကြောင့် စိတ်အပန်းဖြေချင်သူတွေအတွက် သင့်လျော်တဲ့ကားလေးတစ်ကားပါလိုညွှန်းပါရစေ။
#movie

ကလေးမေမေတွေကို လှလှလေးနေကြဖို့ အကြံပြုလိုက်တဲ့ ခင်လွှမ်း

သရုပ်ဆောင် စည်ဖြိုးရဲ့ အမျိုးသမီးဖြစ်သူ ခင်လွှမ်းက ကမ်းခြေကိုရောက်ခဲ့တုန်းကပုံတွေကို တင်လာခဲ့တာပါ။ သမီးလေးတစ်ယောက်ရဲ့ မိခင်ဖြစ်တဲ့သူမကတော့ သူမလိုပဲ ကလေးမေမေတွေကို လှလှလေးနေကြဖို့ကို တိုက်တွန်းအကြံပြုလိုက်ပါသေးတယ်။ ကမ်းခြေကနေပြန်လာခဲ့ပြီဖြစ်ပေမယ့် အခုမှပုံတင်ဖြစ်တဲ့အကြောင်း သူမက ပြောပြလာတာပါ။

#celecele

ဂါနာချိုက အများကြီးပိုကောင်းလာနိုင်တယ်လို့ အာမိုရင်ပြော

ဇန်နဝါရီ ၂၄

ယူနိုက်တက်အသင်းနည်းပြ အာမိုရင်က ချယ်လ်ဆီးနဲ့ နာပိုလီအသင်းတို့ရဲ့ အပြောင်းအရွှေ့ ပစ်မှတ်ဖြစ်နေတဲ့ ဂါနာချိုဟာ အများကြီး ပိုကောင်းလာနိုင်တယ်လို့ ရိန်းဂျားစ်အသင်းကို အနိုင်ရခဲ့တဲ့ ယူရိုပါလိဂ်ပွဲစဉ်အပြီးမှာ ပြောခဲ့ပါတယ်။

အာမိုရင်က “ကျနော်ဟာ ပွဲတွေကို အာရုံစိုက်နေပြီး ဂါနာချိုက ဒီမှာရှိနေသလို သူဟာ ယူနိုက်တက်အသင်း ကစားသမားတစ်ဦးပါ။ သူဟာ ဒီပွဲမှာ ကျနော်တို့အတွက် အလွန်အရေးပါခဲ့ပါတယ်။ သူဟာ ပွဲရဲ့နေရာတိုင်းမှာ တိုးတက်လာခဲ့ပြီး ကူညီပေးခဲ့တာတွေကို မြင်တွေ့နိုင်ပါတယ်။ သူဟာ စိတ်ပျက်မှု အချို့ကိုလည်း ပြသခဲ့ပြီး ဒါက သူဟာ ပိုပြီးလိုချင်မှုရှိတဲ့အတွက် ကောင်းပါတယ်။ သူဟာ ပိုပြီးကောင်းလာနိုင်တဲ့ အလားအလာရှိတယ်လို့ ကျနော် ထင်ပါတယ်။ ကျနော်ပြောချင်တာတွေကို သူသိပါတယ်”လို့ ပြောခဲ့တာပါ။

ဂါနာချိုဟာ အပြောင်းအရွှေ့ သတင်းတွေ ထွက်နေပေမယ့် နည်းပြအာမိုရင်ဟာ ယူနိုက်တက်အသင်းက ရိန်းဂျားစ်အသင်းကို ၂ ဂိုး-၁ ဂိုးနဲ့ အနိုင်ရခဲ့တဲ့ ယူရိုပါလိဂ်ပွဲစဉ်မှာ ဂါနာချိုကို ပွဲချိန် အပြည့်အသုံးပြုသွားခဲ့တာ ဖြစ်ပါတယ်။

ဂါနာချိုဟာ ဒီပွဲမှာ ယူနိုက်တက်အသင်းအတွက် အကောင်းဆုံး စွမ်းဆောင်ရည် ပြသနိုင်ခဲ့တဲ့ ကစားသမားတွေ ထဲက တစ်ဦးဖြစ်ခဲ့သလို ဂိုးသွင်းနိုင်ဖို့လည်း နီးစပ်ခဲ့တာပါ။

ယူနိုက်တက်အသင်း ပရိသတ်တွေဟာ ပွဲချိန်အတွင်းမှာ ဂါနာချိုရဲ့နာမည်ကို သီဆိုမှုတွေ ပြုလုပ်ခဲ့ကြပါတယ်။

ဂါနာချိုကို ခေါ်ယူဖို့ နာပိုလီအသင်းဟာ ပေါင် ၄၅ သန်းကနေ ပေါင်သန်း ၅၀ အထိ ကမ်းလှမ်းမှု ပြုလုပ်ထားသလို ချယ်လ်ဆီးအသင်းကလည်း တရားဝင် ကမ်းလှမ်းမှုတွေ ပြုလုပ်ပြီး ယူနိုက်တက်အသင်းကို ချဉ်းကပ်နေပြီ ဖြစ်ပါတယ်။

ယူနိုက်တက်အသင်းဟာ ပရီးမီးယားလိဂ်ရဲ့ ဘဏ္ဍာရေးစည်းမျဉ်း အခြေအနေကြောင့် ဂါနာချိုကို သူတို့ သတ်မှတ်ထားတဲ့ ပြောင်းရွှေ့ကြေးရရင် လက်လွှတ်ဖွယ်ရှိနေတယ်လို့ သတင်းတွေ ထွက်ပေါ်နေတာပါ။

ယူနိုက်တက်အသင်းနည်းပြ အာမိုရင်ကတော့ အပြောင်းအရွှေ့ မပိတ်မချင်း ဘာမဆို ဖြစ်သွားနိုင်တာကြောင့် ဂါနာချိုအသင်းအတွက် နောက်ဆုံးပွဲ ကစားခဲ့လားဆိုတာ မသိဘူးလို့လည်း မီဒီယာသမားတွေရဲ့မေးမြန်းမှုကို ဖြေခဲ့ပါတယ်။

ယူနိုက်တက်အသင်းဟာ ရိန်းဂျားစ်အသင်းကို အနိုင်ရရှိခဲ့တာကြောင့် ယူရိုပါလိဂ်ပြိုင်ပွဲမှာ အမှတ်ပေးဇယား အဆင့် ၄ နေရာ ရပ်တည်နေပြီး နောက်ဆုံးပွဲမှာ ရလဒ်ကောင်းရယူနိုင်ရင် ၁၆ သင်းအဆင့်ကို တိုက်ရိုက် တက်ရောက်နိုင်မှာပါ။

ယူနိုက်တက်အသင်းဟာ ဒီတစ်ပတ် ပရီးမီးယားလိဂ် ပွဲစဉ်အဖြစ် ဖူလ်ဟမ်အသင်း အိမ်ကွင်းသွားရောက် ယှဉ်ပြိုင်ရမှာ ဖြစ်ပါတယ်။

Source: Goal

ပုံ - ဂါနာချိုကို တွေ့ရစဉ်

#ဘောလုံးသတင်းစုံ

ကိုယ်ပိုင်သံစဥ်တွေ အဓိကသီဆိုခဲ့တဲ့ အဆိုတော်မာရဇ္ဇ ကွယ်လွန်

ဇန်နဝါရီ ၂၄

ကိုယ်ပိုင်သံစဥ်တေးသီချင်းတွေကိုသာ အများဆုံးသီဆိုခဲ့တဲ့နိုင်ငံကျော် အဆိုတော် မာရဇ္ဇ ဇန်နဝါရီ၂၃ ရက်နေ့ညပိုင်းက ရန်ကုန် ဗဟိုရ်စည်ဆေးရုံမှာ ကျောက်ကပ်ရောဂါနဲ့ ကွယ်လွန်သွားပြီဖြစ်တယ်လို့ သိရပါတယ်။

အဆိုတော်မာရဇ္ဇရဲ့စျာပနအခမ်းအနားကို မနက်ဖန်မှာပြုလုပ်ဖို့စီစဥ်ထားတယ်လို့သိရပါတယ်။

" ညက ၁၁ နာရီ ၅မိနစ်လောက်မှာဆုံးတယ်လို့သိရတယ်။ ကျောက်ကပ်ကုနေတာ ။အိပ်ယာထဲလဲနေတဲ့အခြေအနေမျိုးတော့လည်းမဟုတ်ဘူး။ကိုမာကြီးကွယ်လွန်သွားတာတော့ ဂီတလောကအတွက်တကယ်ဆုံးရှုံးမှုပါ။အချိန်မတန်သေးဘူးဗျာ။သူက သီချင်းကိုသိပ်ရူးသွပ်တာ။အဆိုတော်အသစ်တွေကိုလည်း ကိုယ်ပိုင်သံစဥ်တွေအဓိကလုပ်ကြဖို့အမြဲပြောတယ်။ " လို့ မိသားစုနဲ့ရင်းနှီးသူက ပြောပါတယ်။

အဆိုတော်မာရဇ္ဇက ကွယ်လွန်ချိန်မှာ အသက်၅၈ နှစ်ရှိပြီဖြစ်ပြီး မကွေးတိုင်း ၊အထက်မင်းလှမြို့နယ်ဇာတိဖြစ်ကာ ၁၉၆၇နှစ်မှာမွေးဖွားခဲ့ပြီးသားအကြီးဆုံးဖြစ်တယ်လို့သိရပါတယ်။

အဆိုတော်မာရဇ္ဇက ငယ်ငယ်ကလေးဘဝကတည်းက ဂီတကိုဝါသနာပါသူဖြစ်ပြီး အဆိုတော်မဖြစ်ခင် ကိုယ်ပိုင်သီချင်းတွေရေးသားခဲ့ကာ အဆိုတော်ဘဝကို သူရဲ့ကိုယ်ပိုင်သီချင်းတွေနဲ့စတင်ခဲ့တာဖြစ်ပါတယ်။

မာရဇ္ဇဟာ တကိုယ်တော်တေးသီချင်းအယ်လ်ဘမ်ပေါင်း ခုနှစ်ခု ထက်မနည်းထွက်ရှိထားပြီး တကိုယ်တော်ဖျော်ဖြေပွဲတွေလည်းကျင်းပခဲ့ပါတယ်။

မာရဇ္ဇရဲ့ဂီတလောကတလျှောက်မှာ "မိစ္ဆာနဲ့ကိုရုပ်ဆိုး "ဆိုတဲ့စီးရီးနှစ်ခွေသာ ကော်ပီသီချင်းသီဆိုခဲ့ပြီး ကျန်တေးသီချင်းအားလုံးဟာ ကိုယ်တိုင်ရေးသားထားတဲ့ကိုယ်ပိုင်သံစဥ် တေးသီချင်းတွေသာဖြစ်တယ်လို့သိရပါတယ်။

မာရဇ္ဇရဲ့တေးသီချင်းတွေထဲမှာဆိုရင် " ဆွဲအား " ကဥ္စနာ " မျှော်လင့်ခြင်းလေး " ရည်းစားဦးအတွက်သီချင်း " ချစ်လို့ "မုန်းခိုင်းတိုင်းမမုန်းနိုင်ဘူး "ရင်သို့တိုးဝှေ့ဆဲပါခိုင် " စတဲ့တေးသီချင်းတွေက အပါအဝင်ကျော်ကြားခဲ့ပါတယ်။

မာရဇ္ဇကတော့သူကိုယ်တိုင်းရေးသထားတဲ့ကိုယ်ပိုင်သံစဥ်တေးသီချင်းတွေကို သူသက်ရှိထင်ရှားရှိစဥ်အချိန်ကလည်း ပြန်လည်သီဆိုခွင့်မပြုခဲ့သလို သူကွယ်လွန်သွားပါကလည်း သီချင်းတွေကိုဆက်ထိန်းသိမ်းဖို့ လုပ်မယ်လို့အင်တာဗျူးတွေမှာပြောဆိုခဲ့ပါတယ်။

Photo:CJ

#centralnewsnaypyitaw

အပူရှပ်ခြင်းနှင့် ရှေးဦးသူနာပြုကုထုံးများ
*************************************

အပူရှပ်တယ်ဆိုတာ ကိုယ်ခန္ဓာအပူချိန်ဟာ ရုတ်တရက် တစ်ဟုန်ထိုးတက်လာပြီး အေးသွားအောင် ဘယ်လိုမှမထိန်းနိုင်တဲ့အခြေအနေကို ခေါ်ပါတယ်။ ဦးနှောက်နဲ့ တခြားကိုယ်ခန္ဓာအင်္ဂါအစိတ်အပိုင်းတွေကို ထိခိုက်နိုင်တာမို့ အသက်အန္တရာယ်ရှိတဲ့ အခြေအနေလို့ ဆိုနိုင်ပါတယ်။ ပူပူလောင်လောင်အခြေအနေမှာ လှုပ်လှုပ်ရှားရှား ပြင်းပြင်းထန်ထန် လုပ်မိလို့သော်လည်းကောင်း၊ အပူထဲ အချိန်အကြာကြီး နေမိလို့သော်လည်းကောင်း ဖြစ်နိုင်ပါတယ်။
အပူရှပ်ခြင်းဟာ တခြားအပူလွန်ကဲခြင်းပြဿနာဖြစ်တဲ့ heat exhaustion အပူလွန်ကဲခြင်း စတာတွေ မဖြစ်ဘဲလည်း ဖြစ်နိုင်ပါတယ်။

>> အပူရှပ်ခြင်းရဲ့လက္ခဏာတွေကတော့ -
● အပူချိန် ၁၀၄° နဲ့ အထက်တက်ခြင်း
● စိတ်အခြေအနေပြောင်းလဲခြင်း (ဥပမာ - စိတ်ကယောင်ခြောက်ခြားဖြစ်ခြင်း၊ စိတ်တိုစိတ်ဆတ်ခြင်း၊ အာလေးလျှာလေးဖြစ်ခြင်း)
● အရေပြား ပူပြီးခြောက်သွေ့ခြင်း၊ ချွေး မတရားထွက်ခြင်း
● ပျို့ချင်၊ အန်ချင်ခြင်း
● သွေးခုန်နှုန်းမြန်လာခြင်း
● အသက်ရှူမြန်လာခြင်း
● ခေါင်းကိုက်ခြင်း
● မူးလဲခြင်း (အသက်ကြီးသူတွေမှာ ပထမဆုံးလက္ခဏာအနေနဲ့ လာနိုင်ပါတယ်။)

>> အရေးပေါ်ကို ခေါ်ပါ။
ဒီလိုလက္ခဏာတွေ ဖြစ်လာပြီဆိုရင် အရေးပေါ်ကား ခေါ်ပါ။ ပြီးရင် လူနာကိုအရိပ်၊ အေးတဲ့နေရာကို ချက်ချင်းရွှေ့ပြီး အဝတ်အစား အပိုတွေကို ချွတ်၊ အေးအောင် ချက်ချင်းလုပ်ပါ။ အေးအောင်လုပ်ဆိုရာမှာ -
● ရေအေးအေးထဲ စိမ်စေတာ
● ရေပိုက်နဲ့ဖြန်းပေးတာ
● ရေအေးဝတ်တိုက်တာ
● ရေငွေ့ပေးပန်ကာခံတာ
● လည်ပင်း၊ ချိုင်းနဲ့ ပေါင်ခြံမှာ ရေခဲကပ်တာ
● ရေအေးတဘတ်နဲ့ ပတ်ထားတာ စတာတွေ လုပ်ပေးနိုင်ပါတယ်။

>> ရေသောက်နိုင်ရင် ရေတိုက်ပေးပါ။
သကြားပါတဲ့၊ ကဖိန်းဓာတ်ပါတဲ့၊ အရက်ပါတဲ့ သောက်စရာ မတိုက်ပါနဲ့။ ဗိုက်အောင့်စေနိုင်တာမို့ ရေ အရမ်းအေးတာမျိုး မတိုက်ပါနဲ့။
သတိမေ့သွားပြီး အသက်ရှူတာ၊ ချောင်းဆိုးတာ၊ လှုပ်ရှားတာ စတဲ့ အသက်ရှင်တဲ့လက္ခဏာမျိုး မရှိတော့ရင် အသက်ကယ် CPR နှလုံးဖိထားမျိုး ချက်ချင်းလုပ်ဆောင်ပေးပါ။

#ကျန်းမာရေးဗဟုသုတ
#sharing

ယနေ့ ရွှေဈေးနဲ့ နိုင်ငံခြားငွေလဲနှုန်းများ

ဇန်နဝါရီ ၂၄

#ရွှေဈေး

-ကမ္ဘာ့ရွှေဈေး
တအောင်စ ၂၇၇၀ ဒေါ်လာ

ရန်ကုန်တိုင်းရွှေလုပ်ငန်းရှင်များအသင်း (YGEA) ရဲ့ရွှေစျေးကွက် အဖွင့်ဈေးနှုန်း

- အကယ်ဒမီ မီးလင်းရွှေ တကျပ်သား
၅၄၅၀၀၀၀ ကျပ်

ပြင်ပ အရောင်းအဝယ် ရွှေဈေးနှုန်း

-အခေါက်ရွှေ တကျပ်သား (ပြင်ပဈေးကွက်)
ရောင်းဈေး ၆၅၀၀၀၀၀ ကျပ်
ဝယ်ဈေး ၆၄၆၀၀၀၀ ကျပ်

-၁၅ ပဲရည် တကျပ်သား
ရောင်းဈေး ၆၃၀၀၀၀၀ ကျပ်
ဝယ်ဈေး ၆၂၆၀၀၀၀ ကျပ်

“လက်ရှိ ရွှေဈေးကွက်အတွင်း ဈေးနှုန်းအတက်အကျ မငြိမ်သေးတဲ့အတွက် ရောင်းမှား၊ ဝယ်မှား မဖြစ်ဖို့ သတိပြုစေလိုပါတယ်။”

(ရွှေဈေးနှုန်းများ အချိန်နှင့်အမျှ ပြောင်းလဲနိုင်သည်။)

#နိုင်ငံခြားငွေလဲလှယ်နှုန်း

-မြန်မာနိုင်ငံတော်ဗဟိုဘဏ် ရည်ညွှန်းငွေလဲနှုန်း
အမေရိကန် တဒေါ်လာ - ၃၅၉၃ ကျပ်

ပြင်ပပေါက်စျေး

-အမေရိကန်ဒေါ်လာ‌
ရောင်းဈေး - ၄၆၀၀ ကျပ်
ဝယ်ဈေး - ၄၅၀၀ ကျပ်

-စင်္ကာပူဒေါ်လာ
ရောင်းဈေး - ၃၃၈၀ ကျပ်
ဝယ်ဈေး - ၃၂၈၀ ကျပ်

-ယူရို
ရောင်းဈေး - ၄၇၇၅ ကျပ်
ဝယ်ဈေး - ၄၆၄၅ ကျပ်

-ထိုင်းဘတ်
ရောင်းဈေး - ၁၃၅.၁၄ ကျပ်
ဝယ်ဈေး - ၁၃၁.၅၈ ကျပ်

-မလေးရှားရင်းဂစ်
ရောင်းဈေး - ၁၀၃၀ ကျပ်
ဝယ်ဈေး - ၁၀၀၂ ကျပ်

-တရုတ်ယွမ်
ရောင်းဈေး - ၆၃၀ ကျပ်
ဝယ်ဈေး - ၆၁၃ ကျပ်

-ဂျပန်ယန်း
ရောင်းဈေး - ၂၉.၃၁ ကျပ်
ဝယ်ဈေး - ၂၈.၅၄ ကျပ်

-အိန္ဒိယရူပီး
ရောင်းဈေး - ၅၂.၉၆ ကျပ်
ဝယ်ဈေး - ၅၁.၅၇ ကျပ်

-ကိုရီးယားဝမ်
ရောင်းဈေး - ၃.၁၉ ကျပ်
ဝယ်ဈေး - ၃.၁၀ ကျပ်

-စတာလင်ပေါင်
ရောင်းဈေး - ၅၆၅၅ ကျပ်
ဝယ်ဈေး - ၅၅၀၅ ကျပ်

-ဩစတြေးလျဒေါ်လာ
ရောင်းဈေး - ၂၈၈၀ ကျပ်
ဝယ်ဈေး - ၂၈၀၅ ကျပ်

-ကနေဒါဒေါ်လာ
ရောင်းဈေး - ၃၁၈၅ ကျပ်
ဝယ်ဈေး - ၃၁၀၀ ကျပ်

-ဟောင်ကောင်ဒေါ်လာ
ရောင်းဈေး - ၅၈၇ ကျပ်
ဝယ်ဈေး - ၅၇၁ ကျပ်

-ယူအေအီး
ရောင်းဈေး - ၁၂၄၅ ကျပ်
ဝယ်ဈေး - ၁၂၁၃ ကျပ်

ငွေလဲနှုန်းများ အချိန်နှင့်အမျှ ပြောင်းလဲနိုင်သည်။

#သတင်းဟင်းလေးအိုးကြီး

မွန်ဂိုလီးယားနိုင်ငံ မှာ မြင်းကောင်ရေ အရေအတွက်
ဟာ နိုင်ငံ ရဲ့ လူဦ်းရေထက်ပိုများပါတယ် မြင်း ကောင်ရေ 4.09 သန်း ခန့်ရှိပြီး လူဦးရေကတော့ 3.35 သန်း ခန့်
ရှိပါတယ် ဒါကြောင့် ကမ္ဘာပေါ်က မြင်း အကောင်ရေ
2 % ဟာ မွန်ဂိုလီးယားနိုင်ငံကဖြစ်ကြပါတယ်

#knowledge #timespectrum