WNBA ချန်ပီယံ နယူးယော့ခ်လေဘာတီအသင်း အောင်ပွဲခံ
-------------------
အမေရိကန် အမျိုးသမီးဘတ်စကက်ဘောလိဂ်ပြိုင်ပွဲဖြစ်တဲ့ WNBA ပြိုင်ပွဲရဲ့ ၂၀၂၄ ချန်ပီယံ နယူးယော့ခ် လေဘာတီအသင်းဟာ အောက်တိုဘာ ၂၄ ရက်နေ့က နယူးယော့ခ်မြို့အတွင်း အမိုးဖွင့်ဘတ်စကားနဲ့ လှည့်လှည် အောင်ပွဲခံခဲ့ပါတယ်။ အမိုးဖွင့်ကားနဲ့အောင်ပွဲခံရာ လမ်းတစ်လျှောက်မှာ လေဘာတီအသင်း ပရိသတ်တွေကလည်း ချန်ပီယံဖြစ်ခဲ့တဲ့ အသင်းသားတွေနဲ့အတူ အောင်ပွဲခံခဲ့ကြပြီး အောင်ပွဲခံမှုကို နယူးယော့ခ်မြို့တော်ခန်းမမှာ အဆုံး သတ်ခဲ့ပါတယ်။
လေဘာတီအသင်းဟာ အောက်တိုဘာ ၂၀ ရက်နေ့က ယှဉ်ပြိုင်ခဲ့တဲ့ WNBA ချန်ပီယံရှစ် ဖိုင်နယ်ရဲ့ ၅ ပွဲမြောက် ပွဲစဉ်မှာ မင်နီဆိုးတားအသင်းကို အနိုင်ရခဲ့ပြီးနောက် ၃ ပွဲ -၂ ပွဲ ဆိုတဲ့ ရလဒ်နဲ့ အသာရခဲ့ပြီး အသင်းသမိုင်း တစ်လျှောက် ပထမဆုံး WNBA ချန်ပီယံဆုကို ရယူနိုင်ခဲ့တာဖြစ်ပါတယ်။ လေဘာတီအသင်းဟာ ၂၀၂၄ WNBA ပြိုင်ပွဲရဲ့ ပုံမှန်ရာသီပွဲစဉ်တွေမှာလည်း ချန်ပီယံအရည်အသွေးကို ပြသနိုင်ခဲ့တာဖြစ်ပြီး ပွဲစဉ် ၄၀ ကစားခဲ့ရာမှာ ၃၂ ပွဲအထိ အနိုင်ရခဲ့ကာ ၈ ပွဲသာ ရှုံးနိမ့်ခဲ့တာပါ။
မင်နီဆိုးတားအသင်းနဲ့ ကစားခဲ့တဲ့ ဖိုင်နယ်ပွဲ စဉ်မှာလည်း ပထမပွဲမှာ ရှုံးနိမ့်ခဲ့ပြီး နောက်ကနေ လိုက်ကစားခဲ့ ရပေမယ့် နောက်ပွဲတွေမှာ ရလဒ်ကောင်းတွေ ရယူနိုင်ခဲ့လို့ အခုလိုမျိုး ချန်ပီယံဆုကို ရယူသွားနိုင်ခဲ့တာ ဖြစ်ပါ တယ်။
