စင်ကာပူ လေယာဉ်တစင်း မြန်မာနိုင်ငံပေါ်က ဖြတ်အပျံမှာ လေထုမငြိမ်မသက်မှုကြောင့် ထိုင်းမှာ အရေးပေါ်ဆင်းသက်၊ တယောက်သေပြီး ၃၀ ကျော်ဒဏ်ရာရ

စင်ကာပူလေကြောင်းလိုင်းမှ လေယာဉ်တစင်းဟာ ပျံသန်းနေစဉ်အတွင်း ပြင်းထန်တဲ့ လေထုမငြိမ်မသက်မှု ဖြစ်ပေါ်ပြီးနောက်မှာ ခရီးသည်တွေထဲက Geoff Kitchen ဆိုသူ ဗြိတိန်နိုင်ငံသား တယောက်သေဆုံးသွားပါတယ်။

ခရီးသည်နဲ့ လေယာဉ်အမှုထမ်း ၂၀၀ ကျော်ကို တင်ဆောင်ပြီး လန်ဒန်ကနေ စင်ကာပူကို ပျံသန်းတဲ့ အဲဒီလေယာဉ်ဟာ မတော်တဆဖြစ်စဉ်အတွင်း အသက် ၇၃ နှစ်အရွယ် ဗြိတိန်နိုင်ငံသားဟာ နှလုံးရောဂါနဲ့ သေဆုံးသွားတာလို့ ဘန်ကောက်လေဆိပ် အာဏာပိုင်တွေက ပြောပါတယ်။

လေယာဉ်ဟာ ခရီးစဉ်အတွင်း မြန်မာနိုင်ငံအပေါ်က ဖြတ်အပျံမှာ ပြင်းထန်တဲ့ လေထုမငြိမ်မသက်မှုကြောင့် တုန်လှုပ်ခြောက်ခြားဖွယ် စိတ်ထိခိုက်စရာတွေ ကြုံတွေ့ခဲ့ရတဲ့အတွက် တောင်းပန်ကြောင်း စင်ကာပူလေကြောင်း လိုင်းက ထုတ်ပြန်ထားပါတယ်။

လေထုမငြိမ်သက်မှုကြောင့် လေယာဉ်ဟာ ပြုတ်ကျတဲ့အရှိန်မျိုးဖြစ်ပေါ်ခဲ့တာကြောင့် ထိုင်ခုံခါးပတ်ပတ်မထားသူတွေဟာ လေယာဉ်မျက်နှာကျက်နဲ့ ရိုက်မိတာမျိုး ၊ ခုံနဲ့ရိုက်မိတာမျိုးတွေ ဖြစ်ပေါ်ခဲ့တယ်လို့ ခရီးသည်တွေက ဆိုပါတယ်။

ဒီလိုအခြေအနေကြောင်း လေယာဉ်ဟာ ထိုင်းနိုင်ငံ ဘန်ကောက်ရှိ သု၀ဏ္ဏဘူမိလေဆိပ်ကို လမ်းကြောင်းပြောင်းပြီး အရေးပေါ်ဆင်းသက်ခဲ့ရကာ လေယာဉ်ပေါ်ပါခရီးသည် ၃၀ ကျော်ဒဏ်ရာရပြီး ခုနှစ်ယောက်ကတော့ စိုးရိမ်ဖွယ်အခြေအနေရှိနေပါတယ်။

ဒညင်းသီးပေါင်း ပြုလုပ်နည်း
━━━━━━━━━━━
ပါဝင်ပစ္စည်း

ဒညင်းသီး ၃၀လုံး
ကြက်သွန်နီ ၆ လုံး
ကြက်သွန်ဖြူ ၁ လုံး
ထန်းညက် ၃ လုံး
ပုဇွန်ခြောက်မှုန့် ၅ ကျပ်သား
cook နေကြာဆီ ၇ ကျပ်သား
မြိတ်ငပိ ကွမ်းသီးလုံးခန့်

ချက်နည်း

၁. ဒညင်းသီးကို အခွံနွှာ ၊ ဇလုံ တခုထဲ ရေထည့် ၊ ဆား တဆုတ် ထည့်ထား ။
၂. ဒညင်းကို ငြုပ်ဆုံထဲ တလုံးချင်း ထည့်ပြီး ၊ တဖက် တချက်စီ ထုပြီး ဆားရေ ထည့်ထားတဲ့ ဇလုံထဲ ထည့်ထားပါ ။
၃. ကြက်သွန်ဖြူ/နီကို ဆနွင်း အနည်းငယ် ၊ ငြုပ်စိမ်းမှုန့် ထည့်ပြီး၊ ငြုပ်ဆုံတွင်
ထည့် ၊ ညက်အောင် ထောင်းပါ ။
၄. ဒယ်အိုး တလုံးထဲ ဆီထည့်ပါ ။
ဆီပူ လာရင် ကြက်သွန်ဖြူ/နီ ထောင်းကိုဆီသတ်ပါ ။
၅. နီရဲ လာရင် ငပိထည့် ၊ ထန်းလျက်ခဲထည့် ၊ ရေ အနည်းငယ် ထည့်ပြီး ၊ ငပိနံ့ပျောက်တဲ့ အထိ မွှေပေးပါ ။
၆. ဆီပြန် လာရင် ပုဇွန်ခြောက်
မှုန့်ထည့်ပါ ။
၇. ဆားရေ စိမ်ထားတဲ့ ဒညင်းသီးတွေကို ရေ ၃ ခါလောက် ဆေးပြီး ၊ ရေစစ် ထားပါ ။
၈. ကြက်သွန် အနှစ် ဆီပြန် လာရင် ဒညင်းသီးတွေထည့် ၊ ရေထည့် ၊ အိုးအဖုံးအုပ်ပြီး ၊ ဒညင်းသီး နူးလာတဲ့ အထိ
ရေ အနည်းငယ်ချင်း ထည့်ပြီး တည်ပါ ။
၉. ဒညင်းသီး နူးပြီး ဆီပြန် လာရင် အရသာ အပေါ့ အငန် မြည်းပြီး ၊ စားသုံး
နိုင်ပါပြီ ။

ဒညင်းသီးက တခါတရံ အဆိပ်
တောက် ဖြစ်စေတဲ့ အတွက် ထန်းလျက်ခဲ ထည့်ချက် ရတာပါ ။

ဆား ၊ အရသာမှုန့်မထည့် လို့လည်း ရပါတယ် ။
ငပိ ၊ ပုဇွန်ခြောက်နဲ့ ထန်းလျက်ခဲ ထည့်ထားတဲ့ အတွက်ပါ ။

ဒညင်းသီးကို အလွယ်ပြုတ်ပြီး ထု၍ ချက်လို့လည်း ရပါတယ် ။
ဒါပေမယ့် ခုလို အစိမ်း ချက်တာနဲ့ လုံးဝအရသာ မတူပါဘူး ။ တမူထူးတဲ့ အရသာမို့ စိတ်ရှည်စွာနဲ့ ချက်စားကြည့်ကြပါ..
#cooking

လူ့ဘဝဟာ တိုတောင်းလွန်းပါတယ်။ ဘယ်အရာမှလည်း မတည်မြဲတာမို့၊ အခုအချ်ိန်ဘာကို ဂရုစိုက်သလဲလို့​မေးရင် ကိုယ့်အတွက် တစ်နည်းအားဖြင့် လူ့ဘဝအတွက် တန်းဖိုးရှိတယ်၊ အချိန်ပေးသင့်တယ်လို့ ထင်တဲ့အရာတွေကို ပိုဦးစားပေးလုပ်ဖြစ်ပါတယ်။

ဘယ်သူ့မှ ကိုယ့်ကိုအသိအမှတ်မပြုရင်လည်း ကိုယ့်ကိုယ်ကိုအားပေးပြီး ရှေ့ဆက်ပါတယ်။ အဲ့လိုလုပ်တဲ့အခါမှာ ခရာအကျဆုံးလို့ မှတ်ယူတဲ့အရာက "နောင်တနည်းအောင် အသက်ရှင်နေထိုင်နည်း"ပဲ။ လွယ်မလိုနဲ့ သိပ်ခက်တယ်။ ဥပမာ- ကိုယ်လုပ်ချင်တဲ့အရာကို အချိန်မဆွဲဘဲ ထလုပ်ရတာမျိုး၊ ချည်နှောင်ထားချင်ပေမယ့် ခွင့်လွှတ်ရတာမျိုး၊ သယ်ဆောင်ထားချင်ပေမယ့်လည်း လွှတ်ချခဲ့ရတာမျိုးပေါ့။

ခက်ခဲပေမယ့် အခုနောက်ပိုင်း အဲ့ဒီအချက်ကို အမြဲခေါင်းထဲမှာတွေးဖြစ်တယ်။ ဒါမှသာ မနက်​ဖြန်မှာ ကိုယ်မရှိတော့ရင် နောင်တနည်းမှာ မဟုတ်လား?

ဟာ နေအတော်ပူတာပဲ ကော်ဖီသောက်အုံးမှ

ဟာ မိုးရွာတော့မယ်ထင်တယ် ကော်ဖီသောက်လိုက်အုံးမယ်

နည်းနည်းချမ်းသလိုပဲ ကော်ဖီလေး သောက်လိုက်မှပါ

စိတ်ညစ်ထာဟယ် ကော်ဖီတစ်ခွက်တော့ သောက်လိုက်အုံးမယ်

ပျော်ထာဟယ် ကော်ဖီတောင် သောက်ချင်လာပြီ

အလုပ်တွေအများကြီးပါ့လား ကော်ဖီတစ်ခွက် အရင်ထဖျော်လိုက်အုံးမယ်

ဘာမှလုပ်စရာသိပ်မရှိပါလား ကော်ဖီသောက်အုံးမှပါ

ဪ ကွယ်ရာမှာ ငါ့ကိုအဲလိုအတင်းပြောတယ်ပေါ့လေ နေအုံးကော်ဖီအရင်သောက်အုံးမယ်

ဟယ် အဲလိုချီးမွမ်းနေတယ်တဲ့လား ကော်ဖီသောက်လိုက်အုံးမယ်အေ

ကဆုန်လပြည့် ဗုဒ္ဓနေ့မှာ
လူ၊ နတ်၊ ဗြဟ္မာ၊ သတ္တဝါ များအားလုံး
စိတ်ချမ်းသာ ကိုယ်ကျန်းမာကြပါစေ
လိုအင်ဆန္ဒအားလုံးပြည့်ဝကြပါစေ
မြန်မာပြည်သူ၊ပြည်သားအပေါင်း
ဘေးဘယာဝေးကွာကြပါစေလို့
ဆုတောင်းမေတ္တာပို့သလိုက်ပါတယ်🙏🙏🙏
#ကဆုန်လပြည့်

အိမ်ထောင်ပြုချင်စိတ်ကုန်သွားတဲ့နေ့
ကျွန်မက နောက်နှစ် နှစ်ဆန်းဆိုရင် လက်ထပ်တော့မယ်သတို့သမီးလောင်းပေါ့.. ကိုယ်ချစ်တဲ့သူနဲ့ပဲ အိုသည်အထိ အတူရှိချင်တဲ့ မိန်းကလေးတွေအများကြီးထဲကတစ်ယောက်ပါ ။

ကျွန်မဖြစ်ချင်တဲ့ ဆန္ဒသေးသေးလေးကို စိတ်အ‌နှောင့်အယှက်ကင်းကင်းနဲ့ဖြစ်ခွင့်မပေးဘူး ။
“ယောကျာ်းတိုင်းက ဒီလိုမဟုတ်ပါဘူး သမီးရယ်” ဆိုတဲ့အမေ့စကားလည်း နားမဝင် “ကိုကို ကတိပေးပါတယ်”ဆိုတဲ့ ချစ်သူရဲ့စကားနဲ့ “သူကတော့ လူကောင်းပါဟယ်” ဆိုတဲ့သူငယ်ချင်းတွေရဲ့ စကားတွေကိုပါနားမဝင်တော့ဘဲ ယောကျာ်းတွေအကုန်တူတူပဲဆိုတဲ့ နေ့ကိုရောက်လာခဲ့တယ် ။

ကျွန်မ မျက်မှန်းတန်းမိနေပြီး သူငယ်ချင်းတွေရော တော်တ်ောများများသဘောကျတဲ့အတွဲလေးရှိပါတယ် ။ တွဲလာတာသိပ်မကြာသေးပေမယ့် ဘာလို့လူတိုင်းက သဘောကျလဲဆိုရင် အစ်ကိုကြီးက အစ်မကြီးကို သိပ်ချစ်ပေးတာ ၊‌ သိပ်ရိုးသားတာ ဆိုပြီးအများကြီးအားကျခဲ့ရတာပေါ့။ ချစ်သူသဘာဝအရ အတူနေရင်း ကိုယ်ဝန်ရသွားတော့ မကြာခင်ယူကြတော့မယ်ဆိုပြီးထင်ခဲ့ကြတာပေါ့ ။ ဒါပေမယ့် မထင်မှတ်ခဲ့ဘဲ သိခဲ့ရတာ အစ်ကိုကြီးက ကလေးအဖေ အိမ်ထောင်သည်တဲ့ ။ သူ့ကို အဆက်အသွယ်မရလို့ သူ့နယ်ကို လိုက်သွားခဲ့တော့မှသိခဲ့ရတာတဲ့ ။ ဒီသတင်းကို ကြားကြားချင်းကျွန်မ စိတ်ထဲ ယောကျာ်းတွေကို ကြောက်လိုက်တာ စိတ်ပျက်လိုက်တာဆိုတာ တွေးမရအောင်ပါဘဲ ။
ဒီသတင်းကိုကြားကြားချင်း သူငယ်ချင်းတစ်ယောက်က သူ့အစ်မရဲ့အိမ်ထောင်ရေးအကြောင်းကိုပြောပြတယ် ။ သူ့အစ်မယောကျာ်းက ဖောက်ပြန်နေခဲ့တာတဲ့ ။ သမီးလေးကိုသိပ်ချစ်တဲ့ ယောကျာ်းဖြစ်လို့ ဒီအလုပ်ကိုမလုပ်‌လောက်ပါဘူးဆိုပြီး ရုံးပြန်နောက်ကျရင် ၊ အလုပ်ကိစ္စနဲ့ ခရီး ခဏခဏ ထွက်ရတာတွေကိုယုံကြည်ခဲ့သမျှဟာ သူနောက်တစ်ယောက်နဲ့ ကောင်းကောင်းကြီး ဖောက်ပြန်ဖို့အတွက်လိုဖြစ်နေခဲ့တယ်ဆိုတာ မယားငယ် နဲ့ ခရီးတူတူသွားတာကို ကားဂိတ်မှာ ပက်ပင်းတိုးမှ သိခဲ့ရတာတဲ့ ။

အိမ်ထောင်သက် ၄နှစ်လောက်ရောက်နေပြီးမှ နောက်မိန်းမက ကိုယ်ဝန်ရသွားလို့ဆိုပြီး ကွာရှင်းလိုက်ကြတဲ့ ငယ်သူငယ်ချင်းမကလည်း ဒီကိစ္စတွေကို ပြောရင်း ငိုရင်းနဲ့ အဲ့နေ့ဟာ ကျွန်မအတွက်ဘယ်ယောကျာ်းကိုမှ မယုံကြည်တော့ပါဘူး ။

သူ့ကိုဘယ်လောက်ပဲချစ်ချစ် သူကပဲဘယ်လောက်ချစ်ပေးချစ်ပေး ယောကျာ်းတွေကို ကြောက်လာခဲ့တဲ့အချိန်ကစပြီး သူက မယုံကြည်စရာကောင်းတဲ့ ယောကျာ်းတစ်ယောက်အပြင်မပိုတော့ပါဘူး ။

အိမ်ထောင်ပြုဖို့လက်တစ်ကမ်းအလိုမှာရောက်နေတဲ့ ကျွန်မက သူဖောက်ပြန်ရင် ဘယ်လိုလုပ်မလဲဆိုတဲ့ စိတ်နဲ့ ဘယ်လိုမှအိမ်ထောင်သည်ဘဝကို မရောက်ချင်တော့ဘူး ။

Me right now 🙂

ကိုဗစ်ကူးစက်မှုတွေအကြောင်း စတင်ဖော်ထုတ် ရေးသားခဲ့တဲ့ တရုတ်သတင်းထောက် ထောင်ကပြန်လွတ်ပြီ

တရုတ်နိုင်ငံ ဝူဟန်မြို့မှာ ကိုဗစ်-၁၉ ကပ်ရောဂါ ကူးစက်ပျံ့နှံ့နေကြောင်း ဖော်ထုတ် သတင်းရေးသား မှုကြောင့် ထောင်ကျနေတဲ့ တရုတ် သတင်းထောက်ဟာ အကျဉ်းထောင်ကနေ ပြန်လည်လွတ်မြောက်လာပြီဖြစ်ပါတယ်။

ရှန်ဟိုင်းမှ ရှေ့နေဟောင်းတယောက်လည်းဖြစ်သူ သတင်းထောက် Zhang Zhan ဆိုသူ အမျိုးသမီးဟာ တရုတ်နိုင်ငံ ဟူဘေးပြည်နယ်ရှိ ဝူဟန်မြို့ကို ၂၀၂၀ ခုနှစ်က သွားရောက်ခဲ့ပြီး ဒေသခံတွေ ကူးစက်ခံရတဲ့ အခြေအနေတွေနဲ့ အာဏာပိုင်တွေရဲ့ တုံ့ပြန်မှုတွေကို သတင်းထုတ်ဖော်ရေးသားခဲ့ပါတယ်။

ဒါပေမယ့် သူမကို အာဏာပိုင်များက သတင်းမှားဖြန့်ဝေမှုအပါအဝင် စွဲချက်တွေနဲ့ တရားစွဲဆိုပြီး ထောင်လေးနှစ်ချမှတ်ခဲ့တာကြောင့် အမေရိကန်အပါအဝင် နိုင်ငံတကာက ဒီပြစ်ဒဏ်အပေါ် ဝေဖန်မှုများ ပြုလုပ်ခဲ့ပါတယ်။

သူမထောင်ကျနေစဉ်အချိန်အတွင်း စီရင်ချက်ချမှတ်မှုနဲ့ အာဏာပိုင်များရဲ့ ဆောင်ရွက်မှုတွေအပေါ် အစာအငတ်ခံဆန္ဒပြမှုများ ပြုလုပ်ခဲ့ပြီး ၂၀၂၁ ခုနှစ်မှာတော့ သူမဟာ ကိုယ်အလေးချိန် ပေါင် ၉၀ သာရှိခဲ့ ပါတယ်။

သူမလွတ်မြောက်လာပြီးမိသားစုနဲ့ အတူနေထိုင်ခွင့်ရပေမယ့် သူမရဲ့ လှုပ်ရှားမှုများအပေါ် အာဏာပိုင်တွေရဲ့ ကန့်သတ်စောင့်ကြည့်ခံရဖွယ်ရှိကြောင်း ထောက်ခံသူများက ပြောဆိုထားပါတယ်။

ယနေ့ ငွေစျေး

နော်