❝တက္ကသိုလ်၏ အသက်သွေးကြောဖြစ်သည့် “သုတေသန”များကို ဆောင်ရွက်ကြရမည်ဟု ယာယီသမ္မတပြောကြား❞

အောက်တိုဘာ ၅

တက္ကသိုလ်များတွင် ဝိဇ္ဇာနှင့် သိပ္ပံဘာသာရပ်များ၊ ခေတ်မီဘာသာရပ်များကို ထည့်သွင်းသင်ကြားရုံဖြင့် မလုံလောက်ဘဲ တက္ကသိုလ်၏ အသက်သွေးကြောဖြစ်သည့် “သုတေသန”များကိုလည်း ဆောင်ရွက်ကြရမည်ဖြစ်ကြောင်း ပြည်ထောင်စုသမ္မတ မြန်မာနိုင်ငံတော် ယာယီသမ္မတ နိုင်ငံတော်လုံခြုံရေးနှင့် အေးချမ်းသာယာရေးကော်မရှင် ဥက္ကဋ္ဌ ဗိုလ်ချုပ်မှူးကြီး မင်းအောင်လှိုင်က ပြောကြားသည်။

အောက်တိုဘာ ၄ ရက်၊နံနက်ပိုင်းက မန္တလေးတက္ကသိုလ် နှစ်(၁၀၀)ပြည့် ရာပြည့်သဘင် အထိမ်းအမှတ် ဖွင့်ပွဲအခမ်းအနားတွင် ထည့်သွင်းပြောကြားခဲ့ခြင်းဖြစ်ပြီး သုတေသနကျမ်းများ ပြုစုရာတွင်ဖြစ်စေ၊ သင်ကြားသင်ယူရာတွင်ဖြစ်စေ စာကြည့်တိုက် အခြေပြုလေ့လာမှု အားကောင်းစေရေးဆောင်ရွက်ကြရန်ကိုလည်း တိုက်တွန်းမှာကြားခဲ့သည်။

ဆက်လက်၍လည်း ယာယီသမ္မတက တက္ကသိုလ်များတွင် ရတုအဆက်ဆက် ပညာအမွေပေးနိုင်ရန် အစိုးရမှာသာမက သက်ဆိုင်သူအားလုံးနှင့် ပြည်သူတစ်ဦးချင်းစီတွင် တာဝန်ရှိကြောင်း ပြောကြားခဲ့သလို အဓိကမှာ တိုင်းပြည်တည်ငြိမ် အေးချမ်းရန်လိုကြောင်းနှင့် တည်ငြိမ်အေးချမ်းပြီး အဖျက်အမှောင့်များကင်းဝေးမှသာ ပညာကိုအေးချမ်းစွာသင်ယူနိုင်မည်ဖြစ်ကြောင်း၊ အသိပညာ၊ အတတ်ပညာရှိမှ နိုင်ငံချစ်စိတ်၊ မျိုးချစ်စိတ်ဖြင့် ငြိမ်းချမ်းရေးကို တည်ဆောက်နိုင်ကြမည်ဖြစ်သဖြင့် ပြည်သူလူထုတစ်ရပ်လုံး ပညာတတ်ရန်၊ နိုင်ငံရေးအသိရှိရန်လိုကြောင်း ပြောကြားသည်။

အလားတူ ယနေ့ နည်းပညာဖွံ့ဖြိုးတိုးတက်မှုနှင့်အတူ နိုင်ငံတကာတွင် ဉာဏ်ရည်တု Al နည်းပညာကို နယ်ပယ်စုံတွင် ကျယ်ကျယ်ပြန့်ပြန့် အသုံးချနေကြပြီဖြစ်သဖြင့် မြန်မာနိုင်ငံ တက္ကသိုလ်များကလည်း သင်ကြားသင်ယူမှုတွင် နည်းပညာ (Technology) နှင့်အတူ AI ပညာရပ်ကို ကျယ်ကျယ်ပြန့်ပြန့် အသုံးပြုနိုင်ရေးအတွက် ပညာရှင်များက ကြိုးပမ်းဆောင်ရွက်ကြရန် တိုက်တွန်းမှာကြားသည်။

ထို့ပြင် နိုင်ငံတကာနှင့် ရင်ပေါင်တန်းနိုင်သည့် လူသားအရင်းအမြစ်များ၊ ပညာတတ်များ၊ အသိပညာရှင်၊ အတတ် ပညာရှင်၊ ကျွမ်းကျင်သူများ၊ ပါရဂူများကို မွေးထုတ်ပေးပြီး နိုင်ငံတော်ဖွံ့ဖြိုးတိုးတက်ရေးအတွက် ကြိုးစားအားထုတ်ကြရန်လည်း တိုက်တွန်းပြောကြားခဲ့သည်ဟု သိရသည်။

#centralnewsnaypyitaw

ဘယ်သူမှ မလိုချင်တဲ့ မှတ်တမ်းဆိုးကို ပိုင်ဆိုင်လာတဲ့ အာဆင်နယ်အသင်းခေါင်းဆောင်မာတင်အိုဒီဂတ်

အောက်တိုဘာ ၅

လွန်ခဲ့တဲ့ သုံးရက်တုန်းက အိုလံပီယာကို့စ်နှင့် ချန်ပီယံလိဂ်ပွဲစဉ်မှာ အပျံစားခြေစွမ်းကို ပြသခဲ့ပြီးတဲ့နောက် မာတင်အိုဒီဂတ်ဟာ နောက်ထပ် စိတ်ပျက်စရာတစ်ခု ထပ်မံ ကြုံလာရပြန်ပြီ ဖြစ်ပါတယ်။

အာဆင်နယ်အသင်းခေါင်းဆောင်ဟာ စနေနေ့တုန်းက ဝက်စ်ဟမ်းကို ၂-၀ ဂိုးဖြင့် အနိုင်ရတဲ့ပွဲစဉ်ရဲ့ ပွဲချိန် မိနစ် ၃၀ မှာပင် လူစားလဲလှယ်ခြင်းခံရပြီးတဲ့နောက် ပရီးမီးယားလိဂ်သမိုင်းတွင် ပထမဆုံး သုံးပွဲဆက် ပထမပိုင်းမပြီးခင် လူစားလဲလှယ်ခံရတဲ့ ပွဲထွက်ကစားသမားအဖြစ် ဘယ်သူမှ မလိုချင်တဲ့ မှတ်တမ်းဆိုးကို ပိုင်ဆိုင်လာပါတယ်။

အသက် ၂၆ နှစ်ရှိ အိုဒီဂတ်ဟာ ဝက်စ်ဟမ်းပွဲမတိုင်မီ လိဒ်၊ နော်တင်ဟမ်ဖောရက်စ်တို့နှင့်ပွဲစဉ်တွေမှာလည်း ပထမပိုင်းမှာပင် လူစားလဲလှယ်ခဲ့ရတာပါ။

ယခင်ပွဲတွေတုန်းက အိုဒီဂတ်ဟာ ပုခုံးဒဏ်ရာကြောင့် လူစားလဲလှယ်ခံခဲ့ရတပါ။ ဒါပေမယ့် ဒီတစ်ကြိမ်မှာတော့ အိုဒီဂတ်ဟာ ဝက်စ်ဟမ်းတိုက်စစ်မှူးဆမ်းမားဗီလီနှင့် ဒူးချင်းတိုက်မိပြီးတဲ့နောက် လူစားလဲလှယ်ခဲ့ရတာ ဖြစ်ပါတယ်။

အာတီတာက "ခုလေးတင် သူနဲ့ စကားပြောလာတယ်။ အပြုသဘောမဆောင်ဘူး။ နာနေတယ်။ ကျွန်တော်တို့ စောင့်ရမယ်။ ဆရာဝန်တွေ စစ်ရဦးမယ်။ ဒါပေမယ့် ကံကောင်းလာမှာတော့ မဟုတ်ဘူး။ ရာသီစကတည်းက အခြားပြဿနာကြောင့် သူ့ကို မသုံးလာနိုင်ခဲ့ဘူး။ ပုခုံးဒဏ်ရာ ၂ ကြိမ်ရတယ်။ အခု ဒီဒဏ်ရာထပ်ရတယ်။ ဒဏ်ရာအခြေအနေ ဘယ်လိုလဲ ကြည့်ရဦးမယ်။ အဖြေရှာမယ်။ ဒါပေမယ့် သူက ကျွန်တော်တို့ရဲ့ အသင်းခေါင်းဆောင်ပါ။ သူက အထူးသဖြင့် အသင်းရဲ့ တိုက်စစ်မှာ ကွဲပြားတဲ့ အမြင်နဲ့ ကစားတဲ့ ကစားသမားပါ။ ဘာဖြစ်လာမလဲ ကြည့်ရမယ်။ မဆိုးဖို့တော့ မျှော်လင့်တယ်"လို့ ပြောကြားသွားပါတယ်။

အိုဒီဂတ်ဟာ ပြီးခဲ့တဲ့ရာသီတုန်းကလည်း ခြေကျင်းဝတ်ဒဏ်ရာပြဿနာကြုံခဲ့ရပြီး အာဆင်နယ်အတွက် ပြိုင်ပွဲအရပ်ရပ်တွင် ၄၅ ပွဲကစားနိုင်ခဲ့ပါတယ်။

အာဆင်နယ်ဟာ နွေရာသီတုန်းက အပြောင်းအရွှေ့အသုံးစရိတ် ပေါင်သန်း ၂၅၀ အသုံးပြုခဲ့မှုနှင့်အတူ အိုဒီဂတ် ဒဏ်ရာရရှိချိန်မှာ ကြီးမားတဲ့ ပြဿနာကြုံလာမှာတော့ မဟုတ်ဘူး။

အာတီတာအနေဖြင့် အိုဒီဂတ်နေရာမှာ ဆိုစီဒက်မှ ပေါင်သန်း ၆၀ ဖြင့် ခေါ်ယူထားတဲ့ ဇူဘီမန်ဒီနှင့် အစားထိုး အသုံးပြုနိုင်ပါတယ်။

အာဆင်နယ်အတွက် နောက်ထပ် ထိုးနှက်ချက်တစ်ခု ဝက်စ်ဟမ်းနှင့်ပွဲတွင် ကွင်းလယ်ကစားသမားဒီကလန်ရိုက်စ် ကျောဒဏ်ရာရရှိခဲ့တာပါ။ လက်ရှိအချိန်မှာ အင်္ဂလန်ကွင်းလယ်ကစားသမားရဲ့ ဒဏ်ရာအတိမ်အနက်ကို မသိရသေးပါဘူး။

Credit - Playmaker Journal

#ဘောလုံးသတင်းစုံ

နိုင်ငံတော်ဖွဲ့စည်းပုံအခြေခံဥပဒေဆိုင်ရာခုံရုံး အတွက် အမှုထမ်းနေရာ ၂၀ ခေါ်ယူစာ

#govjob

အောက်တိုဘာ ၅ ရက်နေ့ စက်သုံးဆီစျေးနှုန်းများ

#democracynowmm

အောက်တိုဘာ ၅ ရက်နေ့ စက်သုံးဆီစျေးနှုန်းများ

#သတင်းဟင်းလေးအိုးကြီး

အောက်တိုဘာ ၅ ရက်နေ့ စက်သုံးဆီစျေးနှုန်းများ

#centralnewsnaypyitaw

စစ်ဘေးရှောက် ကျောက်မဲသားများ ကျောက်မဲမြို့သို့ ပြန်လည်ဝင်ရောက်
Crd ကိုခိုင်ဇော်

ကျောက်မဲမြို့ စစ်ဘေးရှောင်တွေ ပြန်ဝင်ရောက်လာ
Crd ကိုခိုင်ဇော်

မြန်မာ-အိန္ဒိယနယ်စပ်ဖြတ်ကျော်လက်နက် နှင့် မူးယစ်မှောင်ခိုမှုများတွင် ပါဝင်ပတ်သက်နေသော ကူကီးလက်နက်ကိုင်အဖွဲ့ CKMA မှ စစ်ဦးစီးချုပ်ကို အိန္ဒိယ ဖမ်းဆီး

အောက်တိုဘာ ၄

မြန်မာ - အိန္ဒိယနယ်စပ်ဖြတ်ကျော် လက်နက်နှင့်မူးယစ်မှောင်ခိုမှုများတွင် ပါဝင်ပတ်သက်နေသော ကူကီးလက်နက်ကိုင်အဖွဲ့ CKMA မှ စစ်ဦးစီးချုပ်ကို အိန္ဒိယလုံခြုံရေးတပ်ဖွဲ့က ဖမ်းဆီးခဲ့ကြောင်း The Sangai Express ၏ သတင်းတွင် ဖော်ပြထားသည်။

ဖွဲ့စည်းထားသည်မှာ မကြာသေးသော Chin Kuki Mizo Army – CKMA သည် မှ ခေါင်းဆောင်ကို လက်နက်များနှင့်အတူ အောက်တိုဘာ (၁) ရက်တွင် ဖမ်းမိခဲ့ခြင်းဖြစ်ပြီး အိန္ဒိယရဲတပ်ဖွဲ့ ၏ သတင်းထုတ်ပြန်ချက်အရ Paokholen Guite အဖြစ် သိရှိရကာ မဏိပူရ ပြည်နယ်၊ Churachandpur မြို့နယ် ရှိ P Mongjang ကျေးရွာတွင် နေထိုင်သူ ဖြစ်ကြောင်း ယင်း သတင်းတွင် ဖော်ပြထားသည်။

ဖမ်းမိချိန် AK 47 ရိုင်ဖယ် နှစ်လက်၊ AK 47 ကျည်အိမ် နှစ်ခု၊ 7.62 AK ကျည် ၃၁ တောင်၊ 7.62 SLR/LMG ကျည် ၁၅၀ တောင်၊ ငွေသား ရူပီးတစ်သိန်း၊ ကျည်ကာအိတ်တစ်ခု၊ Hyundai Creta ကားတစ်စီးနှင့် မိုဘိုင်းဖုန်း နှစ်လုံးတို့ကို သိမ်းဆည်းရမိခဲ့သည်ဟု အိန္ဒိယရဲတပ်ဖွဲ့က ပြောကြားသည်။

တစ်ချိန်တည်းမှာပင် ရဲအဖွဲ့သည် ယင်းနေ့တွင်ပင် Chandel ခရိုင်၊ Sajik Tampak ဒေသရှိ T Kotlen ကျေးရွာသို့ မူးယစ်ဆေးဝါးဂိုဏ်းခေါင်းဆောင်ဟု သံသယရှိသူတစ်ဦးကို ဖမ်းဆီးစဉ် လူအုပ်စု တစ်စု ၏ တိုက်ခိုက်ခြင်းကို ခံခဲ့ရသောကြောင့် အာသံရိုင်ဖယ် နှင့် ဗဟိုလက်နက်ကိုင် ရဲတပ်ဖွဲ့၊ ဒေသခံ ခေါင်းဆောင်များ၏ အကူအညီကို ရယူ ဖြေရှင်းခဲ့ရကြောင်းလည်း သတင်းတွင် ရေးသားထားသည်။

ထို့ပြင် အောက်တိုဘာလ ၁ ရက် နှင့် ၂ ရက်တို့တွင် ငွေညှစ်ခြင်း နှင့် အခြား ရာဇဝတ်မှုများတွင် ပါဝင်ပတ်သက်သည်ဟု စွပ်စွဲခံထားရသော မဏိပူရလက်နက်ကိုင်အဖွဲ့တစ်ခုဖြစ်သော RPF/PLA မှ တပ်ဖွဲ့ဝင် သုံးဦး ဖမ်းဆီးခဲ့သေးကြောင်း ယင်း သတင်းအရ သိရသည်။

Credit - NP News Agency

#centralnewsnaypyitaw

မန္တလေးတက္ကသိုလ် ရာပြည့်ပွဲ ကော်မရှင်ဥက္ကဋ္ဌ တက်ရောက်

အောက်တိုဘာ ၄

မန္တလေးတက္ကသိုလ် နှစ်(၁၀၀)ပြည့် ရာပြည့်သဘင်အား နိုင်ငံတော်လုံခြုံရေးနှင့်အေးချမ်းသာယာရေးကော်မရှင် ဥက္ကဋ္ဌ ဗိုလ်ချုပ်မှူးကြီးမင်းအောင်လှိုင် တက်ရောက်ခဲ့သည်။

မန္တလေးတက္ကသိုလ် ရာပြည့်သဘင် အခမ်းအနားကို ၂၀၂၅ ခုနှစ်၊ အောက်တိုဘာ ၄ ရက်က မန္တလေးတက္ကသိုလ် ပင်မဆောင်ရှေ့နှင့် ဘွဲ့နှင်းသဘင် ခန်းမ၌ ကျင်းပခဲ့သည်။

တခြားတစ်ဖက်မှာတော့ ဗိုလ်ချုပ်မှူးကြီးမင်းအောင်လှိုင် တက်ရောက်နေသည့် မန္တလေးတက္ကသိုလ် ရာပြည့်သဘင် အခမ်းအနားကို ပြည်သူ့ကာကွယ်ရေးတပ်ဖွဲ့(PDF)ဘက်က ရှော့တိုက်ဒုံး ပစ်ခတ်ခဲ့ကြောင်း သတင်းများ ထွက်ပေါ်နေသည်။

Credit - Central News Independence News Agency

#centralnewsnaypyitaw