MMQR သုံးပြီး ငွေသားကိုင်တွယ်သုံးစွဲမှု လျှော့ချနိုင်မည်ဟု နစကခေါင်းဆောင်ပြော
- အွန်လိုင်းလိမ်လည်မှုမဖြစ်အောင် စောင့်ကြည့်ထိန်းကျောင်းရန် လိုအပ်ဟုဆို
ရန်ကုန်၊ ဖေဖော်ဝါရီ ၂၈
နိုင်ငံတော်အဆင့် ကျူအာကုတ်စနစ်၊ မြန်မာကျူအာ (MMQR) ကို အသုံးပြုပြီး ငွေသားကိုင်တွယ်သုံးစွဲမှုကို လျှော့ချနိုင်မယ်လို့ နစကခေါင်းဆောင်က ပြောကြားလိုက်ပါတယ်။
ဖေဖော်ဝါရီလ ၂၇ ရက်နေ့က မြန်မာအပြည်ပြည်ဆိုင်ရာ ကွန်ဗင်းရှင်းဗဟိုဌာန-၁ မှာ ပြုလုပ်ခဲ့တဲ့ MMQR စတင်အသုံးပြုခြင်း အခမ်းအနားမှာ အထက်ပါအတိုင်း ပြောခဲ့တာပါ။
MMQR ကို အသုံးပြုခြင်းကြောင့် ဘဏ်လုပ်ငန်းဝန်ဆောင်မှု အသုံးပြုနိုင်ခြင်း မရှိသေးသူတွေသာမက ရှိပြီးသားသူတွေကိုပါ ငွေရေးကြေးရေးစနစ်မှာ ပိုမိုပါဝင်လာနိုင်ပြီး ငွေကြေးဝန်ဆောင်မှုရယူဖို့ အထောက်အကူပြုနိုင်မယ်လို့ ဆိုပါတယ်။
ဒါ့အပြင် မတူညီတဲ့ ဘဏ်စာရင်းတွေ၊ မတူညီတဲ့ ဒီဂျစ်တယ်မိုဘိုင်းပိုက်ဆံအိတ်တွေ၊ မတူညီတဲ့ ငွေပေးချေမှုစနစ်တွေကို ချိတ်ဆက်အသုံးပြုနိုင်မှာဖြစ်လို့ ကုန်သည်တွေနဲ့ အသုံးပြုသူတွေအကြား ငွေကြေးစီမံခန့်ခွဲမှုဆိုင်ရာတွေမှာ လျင်မြန်လွယ်ကူပြီး ရှုပ်ထွေးမှုတွေကို ဖြေရှင်းနိုင်မယ်လို့ ဆက်ပြောပါတယ်။
MMQR ကို အသုံးပြုပြီး ငွေပေးချေမှုနဲ့ အစိုးရကို အခွန်အခ၊ မီတာခပေးဆောင်ခြင်း၊ ခရီးသွားလုပ်ငန်း၊ နိုင်ငံ့ဝန်ထမ်းတွေ လစာပေးခြင်း၊ ပင်စင်ထုတ်ပေးခြင်း၊ အသေးစားစီးပွားရေးလုပ်ငန်း၊ စက်သုံးဆီအရောင်းဆိုင်၊ ပုဂ္ဂလိကဆေးရုံတွေ၊ ကျောင်းတွေနဲ့ လူသုံးကုန်ပစ္စည်းရောင်းချခြင်း စတဲ့ စီးပွားရေးလုပ်ငန်းတွေမှာ အသုံးပြုနိုင်မယ်လို့ သိရပါတယ်။
ကဏ္ဍစုံက စီးပွားရေးလုပ်ငန်းတွေ စုံစုံလင်လင် ပါဝင်လာနိုင်မှာဖြစ်တဲ့အတွက် လွယ်ကူထိရောက်မြန်ဆန်ပြီး စွမ်းဆောင်ရည်ပြည့်တဲ့ ငွေပေးချေမှုစနစ်တစ်ရပ်ကို ဖော်ဆောင်နိုင်မယ်လို့ နစကခေါင်းဆောင်က ပြောထားပါတယ်။
တဖက်မှာလည်း အွန်လိုင်းလိမ်လည်မှုတွေ မဖြစ်အောင် စနစ်တကျ စောင့်ကြည့်ထိန်းကျောင်း ကြီးကြပ်ဖို့ လိုအပ်မယ်လို့လည်း ဆိုထားပါတယ်။
MMQR ကို ကနဦးစတင်တဲ့အစီအစဉ်မှာ ပထမအဆင့်အနေနဲ့ AYA Pay ၊ KBZ Pay ၊ Wave Money ၊ OK $ ၊ CB Pay ၊ uabpay ၊ A+ Wallet ၊ CTZ Pay ၊ Yoma ၊ Trusty ၊ Zego နဲ့ Mpitesan တို့ ပါဝင်လာပါတယ်။

(၂၈.၂.၂၀၂၅) ရက်နေ့ ပြည်တွင်း ရွှေစျေး၊ နိုင်ငံခြား ငွေလဲလှယ်နှုန်းနှင့်စက်ဆီဈေးနှုန်းများ
-----------------------
👉၁၆ ပဲရည် ရွှေတစ်ကျပ်သား
YGEA စျေး - ၅,၄၆၀,၀၀၀ ကျပ်
ပြင်ပပေါက်စျေး- ၆,၆၇၀,၀၀၀ ကျပ်
👉အမေရိကန်ဒေါ်လာ
ဗဟိုဘဏ်စျေး- ၂၁၀၀ ကျပ်(ဝယ်)၊ ၂၁၁၀ ကျပ်(ရောင်း)
ပြင်ပပေါက်စျေး- ၄၄၀၀ ကျပ်(ဝယ်)၊ ၄၄၅၀ ကျပ်(ရောင်း)
👉စက်သုံးဆီ(ရန်ကုန်)
Octane 92 - ၃၂၃၀ ကျပ်
Octane 95 - ၃၂၈၀ ကျ​ပ်
Premium Diesel - ၃၄၁၀ ကျပ်
Diesel - ၂၇၆၀ ကျပ်
ဖော်ပြပါ စျေးနှုန်းများမှာ အချိန်နှင့်နေရာအလိုက် အပြောင်းအလဲ ရှိနိုင်ပါတယ်။

လီဗာပူးလ်အသင်းနည်းပြအာလ်နေးစလော့ဒ်က နောက်ထပ်ကစားရမဲ့ပွဲစဉ် ၁၀ ပွဲအထိရှိနေတာကြောင့်သူ့အနေနဲ့ ဒီရာသီကာလမှာပရီးမီးယားလိဂ်ချန်ပီယံဆုရယူနိုင်ရေးအထိမတွေးသေးကြောင်းအတည်ပြုပြောဆိုလာခဲ့ပါတယ်။

လီဗာပူးလ်အသင်းနည်းပြအာလ်နေးစလော့ဒ်အနေနဲ့ အသင်းကို ပြီးခဲ့တဲ့ ဖေဖော်ဝါရီ ၂၆ ရက်နေ့တုင်္နးက ပရီးမီးယားလိဂ်ပွဲစဉ်မှာ နယူးကာဆယ်အသင်းကို ၂-၀ နဲ့အနိုင်ရအောင်လုပ်ဆောင်ပေးနိုင်ခဲ့ပါတယ်။ဒီဟာကအဝေးကြီးမှာရှိနေပါသေးတယ်။နောက်ထပ်ကစားရမဲ့ပွဲစဉ် ၁၀ ပွဲကျန်ရှိနေပါသေးတယ်။ငါတို့မတ်လမှာပရီးမီးယားလိဂ် ၁ ပွဲပဲ့ကစားရပါလိမ့်မယ်။ဒီနောက်ပိုင်းမှာတော့ ကာရာဘောင်ဖလားဖိုင်နယ်ပွဲစဉ်ကစားရမှာဖြစ်ပြီးနိုင်ငံတကာပွဲစဉ်ကာလဖြစ်ပါတယ်။နောက်ပိုင်းမှာတော့ပဲရစ်စိန့်ဂျာမိန့်အသင်းနဲ့အရေးကြီးတဲ့ပွဲစဉ်ရှိပါတယ်။ဒါကြောင့်ငါတို့ဝေးဝေးမကြည့်သေးပါဘူး။

ကျနော်လည်းသိပါတယ်။ကစားသမားအသီးသီးကလည်း ချန်ပီယံလိဂ်ပွဲစဉ်ဟာဘယ်လောက်ခက်ခဲမလဲဆိုတာသိပါတယ်။သူတို့လည်းငါတို့အသင်းလိုမျိုးကောင်းမွန်တဲ့ကစားပုံအနေအထားမှာရှိနေပါတယ်။သူတို့အသင်းမှာရှုံးပွဲမရှိသေးဘဲ ဒီဟာက ၂ သင်းစလုံးအတွက်ခက်ခဲတဲ့ပွဲစဉ်ဖြစ်ပါတယ်။

ကစားသမားတွေလည်းအနားရမှာဖြစ်ပြီးလက်ရှိမှာတော့ငါတို့အနေနဲ့ ပရီးမီးယားလိဂ်အမှတ်ပေးဇယားကိုဂရုစိုက်တာထက်ပီအက်စ်ဂျီနဲ့ပွဲစဉ်ကိုပိုအာရုံစိုက်နေပါတယ်လို့ ချန်ပီယံဖြစ်ဖို့ကိစ္စတွေးရမဲ့အချိန်ကာလရောက်ပြီလားဆိုတာနဲ့ပတ်သက်ပြီး TNT Sports သတင်းနဲ့အင်တာဗျူးမှာ ကြိုးကြာနီအသင်းနည်းပြကြီးကပြောဆိုခဲ့တာဖြစ်ပါတယ်။
 
#ဘောလုံးသတင်းစုံ

ဂျပန်တွင် ကလေးမွေးဖွားနှုန်း စံချိန်တင်ကျဆင်းခဲ့

တိုကျို၊ ဖေဖော်ဝါရီ ၂၈

၂၀၂၄ ခုနှစ်က ဂျပန်တွင် မွေးဖွားခဲ့သည့် ကလေးအရေအတွက်သည် ၇၂၀,၉၈၈ ဦး(၇ သိန်းကျော်)အထိ စံချိန်တင် ကျဆင်းခဲ့သည်ဟု ရိုက်တာမှ ဖော်ပြခဲ့သည်။

ထိုအခြေအနေသည် ၉ နှစ်ဆက်တိုက် ကလေးမွေးဖွားနှုန်း ကျဆင်းခြင်းဖြစ်သည်ဟု ကျန်းမာရေးဝန်ကြီးဌာနက ဖေဖော်ဝါရီ ၂၇ ရက်တွင် ပြောကြားခဲ့သည်။

၂၀၂၃ ခုနှစ်က ဝန်ကြီးချုပ်ဟောင်း ဖူမီယို ကီရှီဒါ (Fumio Kishida) သည် ကလေးမွေးဖွားမှုကို မြှင့်တင်ရန် အစီအစဉ်များ ဖော်ဆောင်ခဲ့သည့်တိုင် ၂၀၂၄ ခုနှစ်အတွင်း ကလေးမွေးဖွားနှုန်း ၅ ရာခိုင်နှုန်း ကျဆင်းခဲ့သည်။

ထို့ပြင် ၂၀၂၄ ခုနှစ်က ဂျပန်နိုင်ငံတွင် သေဆုံးသူ အရေအတွက် ၁ ဒသမ ၆၂ သန်းရှိခဲ့သဖြင့် ကလေးမွေးဖွားနှုန်းနှင့် သေဆုံးမှုနှုန်းသည် အချိုးအစားမမျှတခဲ့ဘဲ အချိုးကျ တွက်ကြည့်ရမည်ဆိုပါက သေဆုံးသူ ၂ ဦးကျော်ရှိနေချိန်တွင် မွေးဖွားသူ ၁ ဦးသာ ရှိခဲ့သည်။

၂၀၂၄ ခုနှစ်အတွင်း ဂျပန်၏ အိမ်နီးချင်း တောင်ကိုရီးယားနိုင်ငံတွင် ၉ နှစ်အတွင်း ပထမဆုံးအကြိမ်အဖြစ် သေဆုံး သူနှုန်း မြင့်တက်ခဲ့သော်လည်း တောင်ကိုရီးယား လူငယ်များသည် အိမ်ထောင်ပြုပြီး ကလေးယူမှု မြင့်တက်ခဲ့ သဖြင့် ဂျပန်လောက် သေဆုံးနှုန်းနှင့် မွေးဖွားနှုန်း အချိုးမညီသည့် ပြဿနာနှင့် ရင်ဆိုင်ခဲ့ရခြင်းမရှိပေ။

ဂျပန်တွင် COVID-19 ကပ်ရောဂါ ဖြစ်ပွားပြီးနောက်ပိုင်း ပြီးခဲ့သည့်နှစ်များအတွင်း အိမ်ထောင်ပြုသည့် အရေအတွက် ကျဆင်းခဲ့သဖြင့် ကလေးမွေးဖွားနှုန်းလည်း ကျဆင်းခြင်းဖြစ်ကြောင်း ဂျပန်သုတေသနဌာနမှ စီးပွားရေးပညာရှင် တာကူမီ ဖူဂျီနာမီ (Takumi Fujinami) က ပြောကြားခဲ့သည်။

၂၀၂၄ ခုနှစ်အတွင်း ဂျပန်တွင် အိမ်ထောင်ပြုသူ အရေအတွက် ၄၉၉,၉၉၉ ဦး(၅ သိန်းဝန်းကျင်)ရှိခဲ့ပြီး ရာခိုင်နှုန်း အားဖြင့် ၂ ဒသမ ၂ ရာခိုင်နှုန်းသာရှိခဲ့သည်။ ၂၀၂၀ ပြည့်နှစ်တွင်မူ ၁၂ ဒမသ ၇ ရာခိုင်နှုန်းအထိ ကျဆင်းခဲ့သည်။

“အဲဒီလို အိမ်ထောင်ပြုတဲ့ လူဦးရေ ကျဆင်းခဲ့တဲ့ နောက်ဆက်တွဲ ဂယက်ဟာ ၂၀၂၅ ခုနှစ်ကိုလည်း ရိုက်ခတ် နိုင်ခြေရှိပါတယ်”ဟု ဖူဂျီနာမီက ပြောကြားခဲ့သည်။

အနောက်နိုင်ငံများနှင့် မတူသည့် အချက်မှာ ဂျပန်တွင် လက်မထပ်ဘဲ အတူနေသည့် စုံတွဲများသည် ကလေးယူရန် တွန့်ဆုတ်နေခြင်းဖြစ်သဖြင့် လက်ထပ်ပြီးမှ ကလေးယူသော အလေ့အထက ပိုမိုအားကောင်းနေခြင်း ဖြစ်သည်။

Source: ရိုက်တာ

ပုံ - ဂျပန်မိခင်နဲ့ကလေးငယ်ကို တွေ့ရစဉ်

#centralnewsnaypyitaw

အမည်မဖော်လိုသူ သတင်းရင်းမြစ်အသုံးပြု ဖော်ပြချက် အရေးယူနိုင်တယ်လို့ မီဒီယာတွေကို ထရန့်သတိပေး

ဝါရှင်တန်၊ ဖေဖော်ဝါရီ ၂၈

အမည်မဖော်လိုသူ သတင်းရင်းမြစ်တွေကို အသုံးပြု သတင်းရေးသားမှုနဲ့ အသုံးပြုဖော်ပြမှုတွေကို ဥပဒေအရ အရေးယူနိုင်တယ်လို့ အမေရိကန်သမ္မတ ဒေါ်နယ်ထရန့်က သတင်းမီဒီယာ၊ စာအုပ်ရေးသားသူ၊ ထုတ်ဝေသူတွေကို သတိပေးလိုက်ပါတယ်။

အမည်မဖော်လိုသူ ဒါမှမဟုတ် မှတ်တမ်းမဟုတ်တဲ့ ကိုးကားချက်တွေနဲ့ အတုအပဇာတ်လမ်းတွေ အသရေဖျက်တဲ့ စိတ်ကူးယဉ်တွေ ဖန်တီးနေကြတာလို့ ထရန့်က ဖေဝန်ပြောဆိုပါတယ်။

နောက်ဆိုရင် ဒီလိုမရိုးသား ရေးသားဖော်ပြမှုလုပ်တဲ့ စာရေးဆရာတွေ၊ ထုတ်ဝေသူတွေနဲ့ မီဒီယာတွေကို အမည်မသိ သတင်းရင်းမြစ်အသုံးပြုတာနဲ့ပတ်သက်ပြီး ဥပဒေနဲ့ တရားစွဲဖို့ လုပ်မယ်လို့ ဒေါ်နယ်ထရန့်က ပြောပါတယ်။

အမည်မသိ သတင်းရင်းမြစ်တွေကို အသုံးပြုတဲ့ သတင်းမီဒီယာဖော်ပြချက်တွေနဲ့ အခြားထုတ်ဝေမှုတွေကို ထိန်းညှိဖို့အတွက် အမေရိကန်အစိုးရအနေနဲ့ ဥပဒေတွေ ဖန်တီးပြဌာန်းနိုင်တယ်လို့လည်း သူကဆိုပါတယ်။

သီးခြားအနေနဲ့ အမေရိကန်အစိုးရရဲ့ အခွန်စည်းကြပ်မှု မူဝါဒကြောင့် အမေရိကန်မော်တော်ယာဉ်လုပ်ငန်းရှိ အလုပ်သမားတွေ ထိခိုက်နစ်နာနေရတယ်ဆိုတဲ့ ဝေါလ်စရိဂျာနယ်ရဲ့ အယ်ဒီတာ အာဘော်ကိုလည်း ဝေဖန်ခဲ့ပြီး ဒါဟာ မှားယွင်းတဲ့ အချက်အလက်တွေလို့ ပြောပါတယ်။

ဒါအပြင် အမေရိကန်ပင်လယ်ကွေ့လို့ သူကအမည်ပြောင်းလိုက်ပြီးနောက် မက္ကဆီကိုပင်လယ်ကွေ့လို့ ဆက်လက်သုံးစွဲဖော်ပြနေတဲ့ အေပီသတင်းဌာနကိုလည်း အိမ်ဖြူတော် ဘဲဥပုံရုံးခန်းနဲ့ သမ္မတလေယာဉ်တွေပေါ် သတင်းရယူခွင့်ကို ထရန့်က ပိတ်ပင်တားမြစ်ထားခဲ့ပါတယ်။

Ref:NHK
Photo:White House

#သတင်းဟင်းလေးအိုးကြီး

fuck love - Nay,Reload

လက်စတာတိုက်ပွဲဝင်နေဆဲလို့ နစ္စတယ်ရွိုင်းပြော

ဖေဖော်ဝါရီ ၂၈

လက်စတာအသင်းဟာ ဝက်စ်ဟမ်းအသင်းကို ၂ ဂိုး-ဂိုးမရှိနဲ့ အရေးနိမ့်ပြီး ရလဒ်တွေ ဆိုးရွားနေပေမယ့် အသင်းဟာ ပရီးမီးယားလိဂ်မှာ ဆက်ပြီးရှိနေနိုင်ဖို့ တိုက်ပွဲဝင်နေဆဲလို့ နည်းပြနစ္စတယ်ရွိုင်းက ပြောခဲ့ပါတယ်။

နစ္စတယ်ရွိုင်းက “ကျနော်တို့ဟာ ရလဒ်ကောင်းတွေရရှိအောင် ပြန်လုပ်ရတော့မှာဖြစ်ပြီး ဒီတိုက်ပွဲထဲမှာရှိနေဆဲပါ။ သင်္ချာနည်းအရ ကျနော်တို့ ဒီမှာရှိနေတဲ့အတွက် ကျနော်တို့ဟာ ကျနော်တို့ လုပ်နိုင်သလောက် ဆက်တိုက်ပွဲ ဝင်သွားမှာဖြစ်ပါတယ်။ ဒါပေမယ့် ဒီနေ့တိုက်ပွဲက တစ်ပိုင်းပဲရှိခဲ့တဲ့အတွက် မလုံလောက်ဘူးဆိုတာ ရှင်းပါတယ်”လို့ ပြောခဲ့တာပါ။

နစ္စတယ်ရွိုင်းဟာ လက်စတာအသင်းကို တာဝန်ယူ ကိုင်တွယ်ခဲ့တဲ့ ပရီးမီးယားလိဂ် ၁၄ ပွဲမှာ ၂ ပွဲသာ နိုင်ပွဲ ရရှိအောင် ကိုင်တွယ်နိုင်ခဲ့ပြီး အသင်းဟာ နောက်ဆုံးကစားခဲ့တဲ့ ၁၂ ပွဲမှာ ၁၁ ပွဲအထိ အရေးနိမ့်ခဲ့တာ ဖြစ်ပါတယ်။

လက်စတာအသင်းဟာ ဒီရလဒ်တွေကြောင့် ပရီးမီးယားလိဂ် အမှတ်ပေးဇယား အဆင့် ၁၉ နေရာမှာ ရပ်တည်နေ ပြီး တန်းဆင်းဇုန်အထက်က ဝုလ်ဗ်စ်အသင်းနဲ့ ၅ မှတ်ကွာဟနေတာပါ။

နစ္စတယ်ရွိုင်းအတွက်လည်း လက်စတာအသင်းရဲ့ ရလဒ်ဆိုးတွေကြောင့် နည်းပြရာထူးကနေ ထုတ်ပယ်ခံရမယ့် ဖိအားတွေ ပိုပြီးများလာခဲ့တာ ဖြစ်ပါတယ်။

နစ္စတယ်ရွိုင်းကတော့ သူဟာ အလုပ်ကို ဆက်လုပ်သွားမှာဖြစ်ပြီး အမှတ်ပေးဇယား အခြေအနေကို သိပေမယ့် ရလဒ်ကောင်းတွေ ပြန်ရအောင် လုပ်နိုင်မယ်လို့ ယုံကြည်နေတာပါ။

လက်စတာအသင်းဟာ ပရီးမီးယားလိဂ် နောက်ဆုံး ၄ ပွဲစလုံး ဂိုးမသွင်းနိုင်ဘဲ အရေးနိမ့်ခဲ့တာဖြစ်ပြီး ဒီရာသီ လိဂ်ပြိုင်ပွဲမှာ ပေးဂိုးမပေးရတာ ၁ ပွဲပဲရှိခဲ့ပါတယ်။

လက်စတာအသင်းဟာ လာမယ့် ပရီးမီးယားလိဂ် ပွဲစဉ်အဖြစ် မတ်လ ၉ ရက်မှာ ချယ်လ်ဆီးအသင်း အိမ်ကွင်း သွားရောက် ယှဉ်ပြိုင်ရမှာဖြစ်ပါတယ်။

Source: Dailymail

ပုံ - နစ္စတယ်ရွိုင်းကို တွေ့ရစဉ်

#ဘောလုံးသတင်းစုံ

TNLA ထိန်းချုပ်ထားတဲ့ မိုးကုတ်ကို နစကတပ်တွေ ပိတ်ဆို့ထား

ဖေဖော်ဝါရီ ၂၈

မန္တလေးတိုင်း၊ မိုးကုတ်မြို့ကို နစကတပ်တွေ ဝိုင်းဝန်းပိတ်ဆို့ထားတယ်လို့ နစက လုံခြုံရေးတပ်ဖွဲ့နဲ့ နီးစပ်သူတွေက ဖေဖော်ဝါရီ ၂၇ ရက်မှာ ပြောပါတယ်။

မိုးကုတ်မြို့ကို တအာင်းတပ်မတော် (TNLA) ဦးဆောင်တဲ့ လက်နက်ကိုင်တပ်တွေက ပြီးခဲ့တဲ့ ၂၀၂၄ ခုနှစ်၊ ဇွန်လ ၂၅ ရက်နေ့မှ စတင်ကာ တိုက်ခိုက်ခဲ့ပြီး ဇူလိုင်လ ၂၄ ရက်နေ့မှာတော့ မြို့ကို အပြီးသတ် ထိန်းချုပ်ထားခဲ့တာဖြစ်ပါတယ်။

လက်ရှိမှာတော့ မိုးကုတ်မြို့ကို ပြန်လည် ထိန်းချုပ်နိုင်ဖို့ နစကဘက်က လုပ်ဆောင်လာနေပြီး မြို့ပတ်ပတ်လည်ကနေ ဝိုင်းဝန်း ပိတ်ဆို့ထားတယ်လို့ သိရပါတယ်။

“မိုးကုတ်မှာ TNLA အဖွဲ့က လိုက်ကြေညာနေတယ်လို့ သိရပါတယ်။ အရပ်သားတွေကို ဘေးကင်းရာနေဖို့ ဆော်ဩနေတယ်” လို့ နစက လုံခြုံရေးတပ်ဖွဲ့နဲ့ နီးစပ်သူက ပြောပါတယ်။

မနေ့ ဖေဖော်ဝါရီ ၂၇ ရက်၊ မနက်ပိုင်းကလည်း မိုးကုတ်မြို့ရှိ ဟိုဝိတ်ကျေးရွာမှာ လေကြောင်းတိုက်ခိုက်မှု ဖြစ်ပွားခဲ့ပြီး မီးလောင်မှုတွေ ရှိနေကာ လူထိခိုက်မှု၊ နေအိမ်ပျက်စီးမှု အခြေအနေကိုတော့ မသိရသေးဘူးလို့ ဒေသခံတွေက ပြောပါတယ်။

ပြီးခဲ့တဲ့ ဖေဖော်ဝါရီ ၁၀ ရက်နေ့ကလည်း မိုးကုတ်မြို့ အနောက်ပိုင်း ဝင်းထရံကျောက်တွင်းအနီးမှာ လေကြောင်း တိုက်ခိုက်မှု ဖြစ်ပွားခဲ့တာကြောင့် ငါးယောက် သေဆုံးပြီး ၁၉ ယောက် ထိခိုက်ဒဏ်ရာ ရရှိခဲ့တယ်လို့ TNLA က သတင်း ထုတ်ပြန်ထားပါတယ်။

“မိုးကုတ်ပြည်သူတွေကတော့ လေကြောင်းရန်ကို ကြိမ်းသေ ကြုံကိုကြုံရမယ်ဆိုတာ သိနေပြီးသားပါ။ ဘယ်လို ပြင်ဆင်ထားရမယ် ဆိုတာကိုလည်း သိတယ်။ ဒါပေမယ့် မြို့အနေအထားအရ၊ ငွေရေးကြေးရေး အနေအထားအရ ဘာမှ မတတ်နိုင်ကြလို့သာ ဒီအတိုင်း နေနေကြရတာ။ အခု မိုးကုတ်ကို ပြန်နေကြတဲ့သူတွေကလည်း မတတ်သာလို့သာ ပြန်နေကြရတာ။ အပြင်မှာ အိမ်ငှားခဈေးကြီးသေးတယ်။ စားဝတ်နေရေး အကုန် အစစအရာရာ ဒုက္ခရောက်ကြရတာ။ ကူညီမယ့်သူလည်း မရှိနဲ့မို့၊ မတတ်သာတဲ့အဆုံး လာမယ့်ဘေး ပြေးတွေ့ရုံပဲ ဆိုတဲ့စိတ်နဲ့ မထူးဇာတ်ခင်းပြီး ကိုယ့်အိမ်ကိုယ် ပြန်နေကြရတာ” လို့ ဒေသခံတယောက်က ပြောပါတယ်။

၁၀၂၇ စစ်ဆင်ရေး ဒုတိယပိုင်းကာလ ၂၀၂၄ ခုနှစ်၊ ဇူလိုင်အတွင်းမှာ မိုးကုတ်မြို့ကို TNLA နဲ့ မဟာမိတ်တွေ သိမ်းယူခဲ့ပြီးနောက် မိုးကုတ်ဒေသခံအများစု မြို့ထဲမှာ ပြန်လည်ဝင်ရောက် နေထိုင်နေကြတာ ဖြစ်တယ်လို့ သိရပါတယ်။

ပြီးခဲ့တဲ့ ဇန်နဝါရီလ ၈ ရက်နေ့ကလည်း မိုးကုတ်မြို့အရှေ့ပိုင်း၊ ဂေါက်ကွင်းအနီးက ကျောက်လုပ်ကွက်နေရာတချို့မှာ လေကြောင်း တိုက်ခိုက်မှု ဖြစ်ပွားခဲ့ပြီး ဘုန်းကြီးကျောင်းနဲ့ လူနေ အဆောက်အအုံ ငါးလုံး ပျက်စီးခဲ့တယ်လို့ သိရပါတယ်။

ဒါအပြင် မိုးကုတ်နဲ့ ထိစပ်နေတဲ့ သပိတ်ကျင်းမြို့နယ်မှာလည်း နစကတပ်နဲ့ ဒေသတွင်း လက်နက်ကိုင် ပူးပေါင်းတပ်တွေကြား တိုက်ပွဲ ပြင်းထန်နေပြီး နစကတပ်အနေနဲ့ လက်လွှတ်ခဲ့ရတဲ့ ဒေသတွေကို ပြန်လည်ရယူဖို့ အပြင်းအထန် ထိုးစစ်ဆင်နေတာ ဖြစ်တယ်လို့ သိရပါတယ်။

သပိတ်ကျင်းမြို့နဲ့ တွင်းငယ်ကျေးရွာ အပါအဝင် သပိတ်ကျင်းနယ်က မြို့၊ ရွာနဲ့ စစ်စခန်းတချို့ကို ဒေသတွင်း လက်နက်ကိုင်တပ်တွေက ပြီးခဲ့တဲ့ ၂၀၂၄ ခုနှစ်၊ နှစ်လယ်ပိုင်းကတည်းက ထိန်းချုပ်နိုင်ခဲ့တာ ဖြစ်တယ်လို့ ဒေသခံတွေက ပြောပါတယ်။

ဒါပေမယ့် တွင်းငယ်ရွာအနီးက တကက ၁၃၊ ၇ မိုင်ရွာအနီးက စခတ (၂) ခေါ် အမှတ် - ၂ စစ်အခြေခံလေ့ကျင့်ရေးတပ်နဲ့ ကျောက်ကြီး (နည်းပညာတပ်) တပ်တွေကို သိမ်းယူဖို့ ကျန်နေသေးတာ ဖြစ်တယ်လို့ ဆိုပါတယ်။

ဒါအပြင် မန္တလေးတိုင်းအတွင်းက မတ္တရာမြို့နယ် အရှေ့ခြမ်းမှာလည်း တိုက်ပွဲတွေ ပြင်းထန်နေပြီး လေကြောင်းတိုက်ခိုက်မှုနဲ့ လက်နက်ကြီး ပစ်ခတ်မှုတွေကြောင့် လူထိခိုက် သေဆုံးမှုတွေအပြင် နေအိမ် ပျက်စီးမှုတွေလည်း ရှိနေတယ်လို့ ဒေသခံတွေက ပြောပါတယ်။

တိုက်ပွဲတွေကြောင့် မတ္တရာနယ်မှာ စစ်ရှောင်အရေအတွက် သောင်းဂဏန်းဝန်းကျင်အထိ မြင့်တက်လာနေပြီး စားနပ်ရိက္ခာ အကူအညီတွေလည်း အရေးပေါ် လိုအပ်နေတယ်လို့ သိရပါတယ်။

ဒေသတွင်း လက်နက်ကိုင်တပ်တွေဟာ ပြီးခဲ့တဲ့ ၂၀၂၄ ခုနှစ်၊ ဇွန်လ ၂၅ ရက်နေ့မှ စတင်ကာ မတ္တရာမြို့နယ်အတွင်း ထိုးစစ် စတင်ခဲ့ခြင်းဖြစ်ပြီး လက်ရှိမှာ မတ္တရာမြို့နယ်က စစ်စခန်း ၃၂ ခု၊ ပုသိမ်ကြီးမြို့နယ်မှ Alpha ဘိလပ်မြေစက်ရုံ၊ ဖယောင်းတောင် သတ္တုတွင်းတို့ကို သိမ်းပိုက် ရရှိထားပြီးဖြစ်တယ်လို့ သိရပါတယ်။

လက်ရှိ မိုးကုတ်၊ သပိတ်ကျင်း၊ မတ္တရာ တိုက်ပွဲအခြေအနေနဲ့ ပတ်သက်လို့ နစကဘက်ကရော ဒေသတွင်း လက်နက်ကိုင် တပ်ဖွဲ့တွေဘက်ကပါ တရားဝင် သတင်းထုတ်ပြန်ထားခြင်း မရှိသေးပါဘူး။

Photo - CJ

#centralnewsnaypyitaw

To the bone

(၃)နှစ် ကျော်ကာလအတွင်းတရားမဝင်ကုန်သွယ်မှုမှ ကျပ် ၄၅၈ ဘီလီယံကျော် ဖမ်းဆီးရမိ

ဖေဖော်ဝါရီ ၂၈

၂၀၂၂ ခုနှစ်၊ ဇန်နဝါရီလမှ ၂၀၂၅ ခုနှစ်၊ ဇန်နဝါရီလအထိ (၃)နှစ် နှင့် (၁)လတာကာလအတွင်း တရားမဝင်ကုန်သွယ်မှုနှင့်ပတ်သက်၍ ဖမ်းဆီးရမိအမှုတွဲ ၁၉,၀၀၀ ကျော်ရှိပြီး ခန့်မှန်းတန်ဖိုး ကျပ် ၄၅၈ ဘီလီယံကျော် ဖမ်းဆီးရမိခဲ့ကြောင်း နိုင်ငံတော် စီမံအုပ်ချုပ်ရေးကောင်စီ၏ အချက်အလက်များအရ သိရသည်။

၂၀၂၄ ခုနှစ်၊ ဒီဇင်ဘာလ နှင့် ၂၀၂၅ ခုနှစ်၊ ဇန်နဝါရီလအတွင်း ဖမ်းဆီးရရှိမှုများတွင် အကောက်ခွန်ဦးစီးဌာနက အများဆုံးဖမ်းဆီးရမိခဲ့ပြီး နေပြည်တော်ကောင်စီအပါအဝင် တိုင်းဒေသကြီး/ပြည်နယ်အလိုက် ဖမ်းဆီးရရှိမှုများတွင် စစ်ကိုင်းတိုင်းဒေသကြီးသည် အများဆုံး၊ မန္တလေးတိုင်းဒေသကြီးသည် ဒုတိယအများဆုံးနှင့် ရန်ကုန်တိုင်းဒေသကြီးသည် တတိယအများဆုံးဖမ်းဆီးရမိခဲ့ကြောင်း သိရသည်။

ကုန်ပစ္စည်းအုပ်စုအလိုက် ဖမ်းဆီးရရှိမှုများတွင် လိုင်စင်မဲ့မော်တော်ယာဉ်နှင့် တရားမဝင်ကုန်စည်တင်မော်တော်ယာဉ် ဖမ်းဆီးရရှိမှုများသည် အများဆုံးဖြစ်ပြီး၊ လုပ်ငန်းသုံးကုန်ကြမ်းပစ္စည်းများသည် ဒုတိယအများဆုံးနှင့် တတိယအများဆုံးအနေဖြင့် ရင်းနှီးမြှုပ်နှံမှုကုန်ပစ္စည်းများဖြစ်ကြောင်း နစက၏ အချက်အလက်များအရ သိရသည်။

၂၀၂၄ ခုနှစ် တစ်နှစ်တာအတွင်း ဖမ်းဆီးရမိမှုများကိုကြည့်ပါက ဒီဇင်ဘာလတွင် ငွေကျပ် ၄၄ ဒသမ ၁၈၃ ဘီလီယံနှင့် အများဆုံးဖမ်းဆီးရမိခဲ့သည်ကိုတွေ့ရပြီး နှစ်အလိုက် ဖမ်းဆီးရမိမှုများကို နှိုင်းယှဉ်ကြည့်ပါက ၂၀၂၂ ခုနှစ်တွင် ဖမ်းဆီးရမိမှုတန်ဖိုး ကျပ်(၆၅)ဘီလီယံ၊ ၂၀၂၃ ခုနှစ်တွင် ငွေကျပ်(၁၃၅)ဘီလီယံကျော် တိုးတက်ဖမ်းဆီးနိုင်ခဲ့ကြောင်း၊ ၂၀၂၄ ခုနှစ်တွင် ငွေကျပ်(၂၂၃) ဘီလီယံ ဖမ်းဆီးနိုင်ခဲ့ကြောင်း နစက၏ အချက်အလက်များအရ သိရသည်။

၂၀၂၄ ခုနှစ် တစ်နှစ်လုံးတွင် တစ်ကမ္ဘာလုံး၏ GDP ခန့်မှန်းတန်ဖိုးသည် အမေရိကန် ဒေါ်လာ ၁၀၅ ထရီလီယံရှိသည့်အနက် တရားမဝင်ကူးသန်းရောင်းဝယ်မှုနှင့် ငွေကြေးခဝါချမှုများက အမေရိကန် ဒေါ်လာ ၂ ဒသမ ၆ ထရီလီယံအများဆုံး ဆုံးရှုံးမှုဖြစ်သည်ကို ထုတ်ပြန်ထားပြီး နိုင်ငံဖြတ်ကျော်မှုခင်းကဏ္ဍတွင် အမေရိကန်ဒေါ်လာ ၂ဒသမ၂ ထရီလီယံ၊ လာဘ်ပေးလာဘ်ယူမှုကဏ္ဍတွင် အမေရိကန်ဒေါ်လာ ၁ ထရီလီယံ၊ မူးယစ်ဆေးဝါး ကူးသန်းမှုတွင် အမေရိကန်ဒေါ်လာ ၅၀၀ ဘီလီယံကျော်၊ အတုပြုလုပ်မှုနှင့် ခိုးကူးမှုများတွင် အမေရိကန်ဒေါ်လာ ၅၀၀ ဘီလီယံ၊ သဘာဝပတ်ဝန်းကျင်ဆိုင်ရာ ရာဇဝတ်မှုများတွင် အမေရိကန်ဒေါ်လာ၂၅၈ ဘီလီယံ၊ လူကုန်ကူးမှုများတွင် အမေရိကန်ဒေါ်လာ ၁၅၀ ဘီလီယံတို့ဖြစ်သည်ကို ဖော်ပြထားချက်များအရ သိရသည်။

#သတင်းဟင်းလေးအိုးကြီး