❝ အိမ်ဆိုတာ ကျွန်တော်တို့လူသားတွေ အားလုံးအတွက် အမြဲတမ်း မျက်နှာမူရာ အရပ်လေ။
သံလိုက်အိမ်မြှောင်မှာ လက်တံတစ်ခုက မြောက်အရပ်ကို အမြဲညွှန်ပြနေသလိုမျိုး၊ ကျွန်တော်တို့ရဲ့ အသိစိတ်တွေကလည်း ဘယ်နေရာရောက်ရောက် အိမ်ရှိရာအရပ်ကို ညွှန်ပြနေကြတာပါ။
ဒါပေမယ့် ဒီကမ္ဘာလောကထဲမှာပဲ အိမ်မပြန်နိုင်တဲ့ ခြေထောက်တွေ ဘယ်လောက်ရှိခဲ့ပြီလဲ။ ❞
▪️မိုးကျော်ဇင်
(ငါးဖမ်းသမားစာအုပ်မှ…)

🔸 Haikyu!! ကတော့ သူရဲ့ Final Movie 2 ကို ဒီနေ့မှာပဲ Movie Title ရယ် Teaser Trailer နဲ့ကြေညာသွားခဲ့ပြီဖြစ်ပါတယ်။
🔸 ဒီ Movie ရဲ့ Title ကတော့ Haikyu!!: VS The Little Giant လို့အမည်ရပြီး ဒီ Movie မှာဆိုရင် Karasuno နဲ့ Kamomedai တို့ကြားကယှဉ်ပြိုင်မှုကိုလည်း မြင်တွေ့ရမှာဖြစ်ပါတယ်။
🔸 နောက်ပြီး ဒီ Movie အပြင်ကိုမှ နောက်ထပ် Short Tv Anime ဖြစ်တဲ့ The Place Where Monsters Go ဆိုတဲ့ဟာကိုလည်း ထွက်ဖို့ကြေညာသွားပါတယ်။
🔸 ဒီထဲမှာဆိုရင် Fukurodani နဲ့ Mujinazaka တို့ရဲ့ ယှဉ်ပြိုင်မှုကို ပြထားတာဖြစ်ပါတယ်။

"ခတ္တာပွင့်ချိန်”
(လူထုဒေါ်အမာ)
ကျွန်မခင်ပွန်း ဦးလှ ဆုံးသွားတာ ဒီနှစ် သြဂုတ်လဆိုရင် ၁၄ နှစ်ပြည့်ပါတော့မယ်။ သူ့ကို မေ့တယ် လို့ ကျွန်မအနေနဲ့ မရှိပေမယ့် ခတ္တာတွေ ပွင့်ပြီဆိုရင် ထူးထူးလည်လည် သူ့ကို သတိရတယ်။ ဦးလှက မနက်တစ်ကြိမ် ညတစ်ကြိမ် ဘုရားမှန်မှန်ရှိခိုးတဲ့လူပါ။ သူနဲ့ ကျွန်မ အိမ်ထောင်ကျလို့ သူ မန္တလေး ပြောင်းလာတဲ့ အခါမှာတော့ သူ သယ်ယူရွှေ့ပြောင်းလာတဲ့ ပစ္စည်းထဲက ဘုရားကျောင်းဆောင်ကလေး တစ်ခုထဲမှာ ဒက္ခိဏသာခါ ဆင်းတုကလေးတစ်ဆူ ပါလာပါတယ်။
သူက ဒီဆင်းတုကလေးဟာ သူ့ကို ဆန်းကဖေး ဦးထွန်းရင် ရဲ့ အစ်ကို “ဦးလေးကြီး” လို့ အများက ခေါ်ကြတဲ့ ဦးတင်ပွက “ကိုလှ ကိုးကွယ်ဖို့ဆိုပြီး” ပေးထားတာတဲ့။ သူ မန္တလေးကို ပြောင်းရတာက ကြီးပွားရေး မဂ္ဂဇင်း တစ်ဘက်နဲ့မို့ အကုန်မပြောင်းနိုင်သေးဘဲ ရန်ကုန်နေလိုက် မန္တလေးနေလိုက်ဖြစ်နေတော့ သူနဲ့အတူ မန္တလေး လိုက်ပြောင်းလာတဲ့ သူ့တပည့် ကိုကံရှိန်ကို ဦးလှက သူ့ဘုရားဆွမ်းတော် မပြတ်ကပ်ဖို့ တာ၀န်ပေးလိုက်သတဲ့။
သူ ဘုရားမှန်မှန်ရှိခိုးတဲ့အလေ့ကလည်း သူကျွန်မနဲ့ အိမ်ထောင် မကျခင် လူပျိုဘ၀ကတည်းက ဖြစ်တယ်လို့ ပန်းချီဆရာ ဦးအုန်းလွင်က ပြောပါတယ်။
ရန်ကုန်မှာ နေကြတော့ နံနက်တိုင်ရင် မုန့်ဟင်းခါးစားရအောင် ပန်းချီဆရာ ဦးအုန်းလွင်နဲ့ ဆရာဇ၀န ကိုသိန်းတို့က ကြီးပွားရေးတိုက် ကိုလှဆီလာကြရောတဲ့။ လာရင် ကိုလှက ဘုရားရှိခိုးလို့ မပြီးသေးဘူး။ အဲ့ဒီတော့ သူပြီးတဲ့အထိ အောင့်အည်းစောင့်ပြီးမှ မုန့်ဟင်းခါး စားကြရသတဲ့။
ကျွန်မတို့ မန္တလေးမှာ နေကြတော့လည်း ရတနာ သုံးပါးကို ကိုင်းရှိုင်းတာက ကျွန်မထက် လေးနက်လေတော့ သူစိတ်ချမ်းသာအောင် ဘုရားစင်မှာ ပန်းလှလှပပ လန်းလန်းဆန်းဆန်းရှိအောင် ကျွန်မက ဂရုစိုက်ပါတယ်။ ဘုရားပန်းတွေ သိပ်လှနေတဲ့ အခါဆိုရင် “ကောင်းတယ်ကွာ ၊ စိတ်ချမ်းသာတယ်” လို့ သူက ပြောတတ်တယ်။ ဒါပေမယ့် ဘာပန်းတင်ပါ ၊ ဘာပန်းမတင်ပါနဲ့ လို့ ပြောလေ့မရှိပါဘူး။
အဲ ခတ္တာပွင့်ကို ပန်းသည်ခေါင်းပေါ်မှာဖြစ်ဖြစ် မြင်လိုက်ရင်တော့ “ခတ္တာပွင့် ဘုရားတင်ကွာ” တဲ့လေ။
သူက “ခတ္တာပွင့်” လို့ပဲ ခေါ်တယ်။ ခတ္တာပန်း လို့ မခေါ်ဘူး။ ကျွန်မကိုလည်း အဲ့ဒီလိုပဲ အခေါ်ခိုင်းတယ်။
ခတ္တာပွင့်က ကျွန်မတို့ဆီမှာ မတ်လကုန် ဧပြီလဆန်းရင် ပေါ်ပါပြီ။ ကျွန်မသမီးက ခတ္တာဥတွေ ရှာလာပြီး အိမ်က ပန်းအိုး တွေထဲမှာ စိုက်ထားတော့လည်း ရေလောင်းပေးပြီး နေပူတဲ့နေရာမှာ ရှိတဲ့ ပန်းအိုးထဲက ဥဟာ မတ်လဆန်းတယ် ဆိုရင် အဖူးကြီးတွေ ဘွားခနဲ ဥထဲက ထွက်လာပြီး ရက်ပိုင်းအတွင်းမှာ ပွင့်တော့တာပဲ။
မေမြို့ (ပြင်ဦးလွင်) ကတော့ ပန်းရောင် ခတ္တာပွင့်တွေ အများကြီး လာတာပဲ။ အဲ့ဒီခတ္တာတွေက တစ်ခိုင်မှာ အပွင့်လေးပွင့် ပွင့်လို့ သူ့ကို တချို့က “လေးကျွန်းစကြာ” တဲ့။ တချို့က “လေးပွင့် တစ်ခိုင်” တဲ့။ အဲ့ဒီခတ္တာပွင့်တွေက စိုက်ရတာ မဟုတ်ဘဲ အလေ့ကျပေါက်တာတွေကို ခူးပြီး ရောင်းတာမို့ ဈေးလည်းပေါပါတယ်။
ခတ္တာပွင့် အနီရဲရဲကြီးတွေ၊ အဖြူကြီးတွေ အကျားကြီးတွေ ကတော့ လူစိုက်တဲ့ ခတ္တာပန်းတွေမို့ ဈေးလည်းကြီးတယ်၊ ဘုရား ပန်းအိုးမှာလည်း ပန်းရောင်မျိုးထက် ပိုပြီးရက်ထားခံတယ်။ သူက အပွင့်ကြီးတွေလည်း ကြီးတယ်လေ။
ပြီးခဲ့တဲ့ ၄ ၊ ၅၊ ၁၀ နှစ်ကတော့ Easter Lily လို့ အင်္ဂလိပ်လိုခေါ်တဲ့ အဖြူပွင့်ကြီးတွေ ပေါ်လာပြန်တယ်။ ကျွန်မတို့ဆီကို မိုးကုတ်ကလာတာ ဖြစ်လို့ ကျွန်မတို့ပန်းသည်တွေက “မိုးကုတ်ခတ္တာ” လို့ ခေါ်ကြတယ်။ သူက အပွင့်ကတော့ ခတ္တာပွင့်ပုံစံပါပဲ။ ဒါပေမယ့် အရိုးတွေ အရွက်တွေကရှည်ပြီး ခတ္တာတွေနဲ့ မတူလှဘူး။ သူက ပန်းထိုးထားရင် အပွင့်ရော အဖူးရော အငုံရော တဖြည်းဖြည်း ချင်း ပန်းအိုးထဲမှာပဲ ပွင့်လိုက်လာတာမို့ ပူပြင်းတဲ့ မန္တလေးမှာ တောင် ဆယ့်လေးငါးရက် အထိုးခံတယ်။
ဒါကြောင့် ဒီခတ္တာပွင့်ကြီးတွေ ဘုရားအိုးမှာ ထိုးရတာ လန်းနေတာ ကြာကြာတွေ့ရတော့ ဘုရားရှိခိုးရင်းလည်း ဦးလှကို သတိရ ရတယ်။
ဦးလှက “ခတ္တာပန်းလို့ မခေါ်ပါနဲ့ကွ ၊ “ခတ္တာပွင့်” လို့ ခေါ် “ လို့ ကျွန်မကို ပြောတာ ဘာလို့လဲလို့ မေးတော့ ဒီအပွင့် ဘုရားတင်တော့ ခတ်ထားတာတွေ ပွင့်လာပါစေလို့ ဆုတောင်းလို့ ကောင်းသတဲ့လေ။
သြော် -ဦးလှ၊ ဦးလှ။
ငယ်ကကျွမ်းတဲ့ ခင်ပွန်းသည်ရယ်…
ခုနေများ သူနဲ့ ကျွန်မ ဆက်သွယ်လို့ ရသေးတယ် ၊ ဆက်သွယ်နိုင်တယ် ဆိုရင်ဖြင့်-
“အဖေကြီးရေ - အဖေကြီး မရှိတော့ပေမယ့် ခတ္တာပွင့်တွေကို ကျွန်မ မပြတ်ဘုရားတင်ပါတယ်။ ခုလည်း ဘုရားတင်တုန်း ဆုတောင်းတုန်းပါပဲ” လို့ ပြောချင်လှပါတယ်။
-လူထုဒေါ်အမာ-

ဖြစ်ချင်စိတ်သာရှိလိုက် တူငယ်လေးတစ်လက်ကြောင့်လည်း အနာဂတ်သစ်ဆီရောက်နိုင်တယ်
" ခင်ဗျားဘယ်သူလဲဆိုတာ ဘယ်သူမှစိတ်မဝင်စားဘူး
ခင်ဗျားဘယ်ရောက်နေလဲဆိုတာကိုလည်း
ဘယ်သူမှ သိချင်နေမှာမဟုတ်ဘူး
ဒီ့အတွက် ဘာမှခံစားမနေနဲ့ လုပ်စရာရှိတာသာ
ဆက်လုပ် "
Shawshank redemption ထဲက
အန်ဒီ့ဇာတ်ကောင်ဟာ ဒီစကားတွေကိုထုတ်မပြောခဲ့
ပေမဲ့ သူ့ရဲ့စိတ်ဓာတ်ကို သူ့ကိုယ်နှုတ်အမူအရာတွေမှာ
မြင်ခဲ့ရတယ်
အန်ဒီတစ်ယောက် သူဘယ်ရောက်နေလဲဆိုတာ
သူသိခဲ့တယ် ၊ သူဘယ်လိုအနေအထားနဲ့
ဘယ်ကိုသွားချင်လဲဆိုတာ သူကောင်းကောင်းသိသလို
သူတွေးလည်းတွေးထားခဲ့တယ်
သူ့အစီအစဉ်တွေကိုလည်း သူ့စိတ်ထဲမှာပဲထားပြီး
ဆက်လုပ်သွားခဲ့တယ် ၊ လူတိုင်းကို ငါတော့ဒါလုပ်မယ်
ဆိုပြီး လိုက်မပြောနေခဲ့သလို အကျဉ်းအကြပ်ထဲရောက်
လို့ သူဇွဲလျော့ခဲ့တာမျိုးလည်း လုံးလုံးမရှိခဲ့ဘူး
အန်ဒီ့စိတ်ထားနဲ့ သူ့အစီအစဉ်တွေကို
Personal View အရ ကျွန်တော်ဒီလိုသွားမြင်တယ်
- သူ့မှာ လူတွေနဲ့ Communication
ကောင်းကောင်းလုပ်နိုင်တဲ့ စွမ်းရည်ရှိတယ်
အဲ့ဒါတွေကိုသူကောင်းကောင်းသုံးသွားတယ်
- သူယုံရတဲ့ လူတွေကို သူ့မိတ်ဆွေဖြစ်လာစေတယ်
ဒီကနေပဲ သူလမ်းစပေါ်ခဲ့တယ်
- သူ့ကိုဖိနှိပ်ခဲ့သမျှ အပြစ်မတင်ပဲ
ဒုက္ခပေးတဲ့သူတွေကိုပါ သူစိတ်ကောင်းထားပြီး
ကူညီခဲ့တယ် သို့သော် တစ်ဖက်က ကျွံလာတဲ့အခါ
သူ့အတွက် အကာအကွယ်ဖြစ်အောင် ကြိုစီစဉ်ထား
ခဲ့တယ် ၊ ဒီလိုနဲ့ သူ့အဟန့်အတားတချို့ကို
သူရှင်းနိုင်ခဲ့တယ်
- လူတွေယုံကြည်အောင်နေတယ် လူတွေယုံလာပြီး
သူ့ကိုအားကိုးလာစေတယ် ၊ ဒီ့အတွက် သူဘယ်သူ့ကိုမှ
ဒုက္ခမပေးပဲ သူသွားချင်တဲ့ပန်းတိုင်ကိုပဲ
ရအောင်သွားဖို့စီစဉ်တယ်
- မိတ်ဆွေတွေကို မေ့မသွားဘူး
အနာဂတ်အစီအစဉ်တွေထဲထည့်ဆွဲပြီး လက်တွဲခေါ်တယ်
သူ့တို့အတွက်လည်း ထည့်တွေးပေးခဲ့တယ်
အဲ့အတွက် လူတိုင်းကသူ့ကိုအမှတ်တရရှိကြတယ်
- အချိန်တွေကို ကောင်းကောင်းအသုံးချခဲ့တယ်
ဒီလိုနဲ့ ကျောက်ခွဲတူအသေးလေးတစ်လက်ကနေ
သူလွတ်လပ်မှုကို ပြန်ရှာနိုင်ခဲ့တယ်
- ကိုယ့်အစီအစဉ်တိုင်းကို လူတိုင်းကိုလိုက်ပြောပြ
မနေခဲ့ဘူး ၊ အဲ့အတွက် သူလုံခြုံခဲ့တယ်
အဓိကကတော့ အန်ဒီတစ်ယောက် သူ့ဘဝကို
သူမမေ့ပစ်လိုက်ဘူး ၊ သူဖြစ်ချင်တာကိုသူမမေ့ပစ်
လိုက်ပဲ ဖြစ်နေတဲ့နေရာကနေ စပြီး ဖြည်းဖြည်းချင်း
လုပ်နေခဲ့တယ်
မဖြစ်နိုင်ပါဘူးလို့ သူများတွေးထားတဲ့ အရာကို
အန်ဒီတစ်ယောက် သူ့လမ်းစအဖြစ်မြင်ခဲ့တယ်
အဲ့အတွက်ဘယ်သူမှမထင်ထားတဲ့နည်းနဲ့
သူလွတ်မြောက်သွားခဲ့တယ်
ဒီ့အတွက် အန်ဒီဟာ Stephen King ရေးတဲ့
စာအုပ်ထဲက Shawshank Redemption ရဲ့
ဇာတ်ကောင်ဖြစ်ပေမဲ့
အန်ဒီ့စိတ်သဘောထားနဲ့ သူ့ညဏ်ရည်ညဏ်သွေးကို
ကျွန်တော် အရမ်းသဘောကျခဲ့ရပါတယ်
အန်ဒီတကယ်ပေးသွားတဲ့ သင်ခန်းစာက
- ဖြစ်ချင်တာကို မမေ့နဲ့
- မိတ်ဆွေတွေပိုရှာ
- အချိန်ကိုအကျိုးရှိရှိသုံး
- ကိုယ်လုပ်မယ့်ဟာတွေကို လိုက်အာမချောင်နဲ့
- လွတ်မြောက်မယ့်လမ်းမှာ မတွေဝေနဲ့
စသဖြင့်ပါပဲ

#tattooideas

#tattooideas

#tattooideas

#tattooideas

#tattooideas

#tattooideas