စင်ကာပူရောက် မြန်မာနိုင်ငံသားများ ကြိုတင်ဆန္ဒမဲပေး

ဒီဇင်ဘာ ၂၈ ရက်တွင် ကျင်းပမည့် ပါတီစုံဒီမိုကရေစီအထွေထွေရွေးကောက်ပွဲအတွက် စင်ကာပူမြို့၊ မြန်မာသံရုံး၌ မြန်မာနိုင်ငံသားများ ကြိုတင်ဆန္ဒမဲပေးခဲ့သည်ဟု သိရသည်။
ကြိုတင်မဲပေးနိုင်ရန် စင်ကာပူမြို့၊ မြန်မာသံရုံးက ဒီဇင်ဘာလ ၁၃ရက်နှင့် ၁၄ရက်တို့တွင် ဆောင်ရွက်ပေးခဲ့ခြင်း ဖြစ်သည်။
ကြိုတင်မဲကို မြန်မာသံရုံးဝန်ထမ်းများနှင့် မိသားစုများ၊ စင်ကာပူနိုင်ငံတွင်ရောက်ရှိနေထိုင်ကြသော မြန်မာနိုင်ငံသား မဲဆန္ဒရှင်များက ပေးခဲ့သည်ဟု သိရသည်။

တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်အား လေယာဉ်၊ ရဟတ်ယာဉ်များက သရုပ်ပြအုပ်ဖွဲ့ပျံသန်းအလေးပြုပြီး စွမ်းရည်ပြသ
တပ်မတော်(လေ)ဖွဲ့စည်းတည်ထောင်မှု (၇၈)နှစ် မြောက် နှစ်ပတ်လည်နေ့အခမ်းအနားကို ယနေ့ ဒီဇင် ဘာ ၁၅ ရက်နံနက်ပိုင်းက နေပြည်တော်လေတပ်စခန်းဌာနချုပ်၌ကျင်းပရာ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင် တက်ရောက်ခဲ့ကြောင်း သိရသည်။
ဗိုလ်ချုပ်မှူးကြီးမင်းအောင်လှိုင်အား Mi-17 ရဟတ် ယာဉ်(၄)စီးက Arrow Head Formation ပုံစံ၊ Bell 206 ရဟတ်ယာဉ်(၂)စီး၊ H-125 ရဟတ်ယာဉ်(၂)စီး၊ H - 120 ရဟတ်ယာဉ်(၂)စီးတို့က Composite Formation ပုံစံ၊ MTX-1B ကင်းထောက်လေယာဉ်(၁)စီးနှင့် Grob-120 TP အမောင်းသင်လေယာဉ်(၃)စီးတို့က Composite Formation ပုံစံ၊ K-8 ဂျက်တိုက်လေယာဉ်(၅)စီးက Kite Formation ပုံစံ၊ F - 7 တိုက်လေယာဉ်(၄)စီးက Box Formation ပုံစံ၊ MiG-29 ဘက်စုံသုံးဂျက်တိုက် လေယာဉ်(၅)စီးက Arrow Head Formation ပုံစံ၊ Su-30 SME ဘက်စုံသုံးအကြီးစားဂျက်တိုက်လေယာဉ် (၂)စီးနှင့် FTC 2000G တိုက်လေယာဉ်(၂) Compoစီးကsite Formation ပုံစံတို့ဖြင့် အသီးသီးသရုပ်ပြပျံသန်းခဲ့ကြကြောင်း သိရသည်။
ထို့ပြင် MiG-29 ဘက်စုံသုံးဂျက်တိုက်လေယာဉ်များနှင့် စတုတ္ထမျိုးဆက်လွန်ဘက်စုံသုံးအကြီးစားတိုက်လေယာဉ်ဖြစ်သည့် Su-30 SME တိုက်လေယာဉ်များက အဆင့်မြင့်လှုပ်ရှားစစ်ကစားမှုများအား စွမ်းရည်ပြပျံသန်းခဲ့ကြကြောင်း သိရသည်။
ထိုသို့ စွမ်းရည်ပြပျံသန်းရာ၌ MiG-29 ဘက်စုံသုံးဂျက်တိုက်လေယာဉ်(၁)စီးက ရှုရပ်၏ရှေ့တည့်တည့်မှဝင်ရောက်လာပြီး Victory Roll Maneuver နှင့် Level 8 Maneuver၊ Combat Turn နှင့် Multiple Roll Maneuver၊ Slow Flight နှင့် Zoom Climb Maneuver၊ Vertical Roll Maneuver တို့ကိုစွမ်းရည်ပြပျံသန်းပြီး MiG-29 ဘက်စုံသုံးဂျက်တိုက်လေယာဉ်(၄)စီးက ရှုရပ်၏ရှေ့တည့်တည့်မှ Box Formation ပုံစံဖြင့်အုပ်ဖွဲ့ပျံသန်းပြီး ဗိုလ်ချုပ်မှူးကြီးမင်းအောင်လှိုင်အား အလေးပြုခဲ့ကြကြောင်း သိရသည်။
ထို့ပြင် စတုတ္ထမျိုးဆက်လွန်ဘက်စုံသုံးအကြီးစားတိုက်လေယာဉ်ဖြစ်သည့် Su-30 SME တိုက်လေယာဥ်(၁)စီးက Point Roll Maneuver၊ High-G Turn Maneuver၊ Derry Turn Maneuver၊ Oblique Loop Maneuver၊ Combat Turn Maneuver၊ Flap Spin Maneuver တို့ဖြင့်စွမ်းရည်ပြပျံသန်းပြီး Slow Flight Maneuver ဖြင့်လည်း ပျံသန်းသရုပ်ပြသပြီးနောက် မီးကျည်များကိုပစ်လွှတ်ကာ ဗိုလ်ချုပ်မှူးကြီးမင်းအောင်လှိုင်အားအလေးပြုခဲ့ကြောင်း သိရသည်။
ထို့နောက် ဗိုလ်ချုပ်မှူးကြီးမင်းအောင်လှိုင်သည် တပ်မတော်(လေ)(၇၈)နှစ်မြောက်နှစ်ပတ်လည်နေ့အထိမ်းအမှတ်အဖြစ် ဇီဝီတဒါနငှက်လွှတ်ပြီး သရုပ်ပြအုပ်ဖွဲ့ပျံသန်းမှုတွင်ပါဝင်သော လေသူရဲများအား ဂုဏ်ပြုနှုတ်ဆက်စကားပြော၍ ဂုဏ်ပြုချီးမြှင့်ငွေများပေးအပ်ခဲ့ကြောင်း သိရသည်။

တပ်မတော်(လေ)ကို ခေတ်မီပြီးစွမ်းရည်ထက်မြက်အင်အားတောင့်တင်းခိုင်မာသည့် လေတပ်တစ်ခုအဖြစ် အဆင့်ဆင့်တည်ဆောက်ပေးလျက်ရှိ

တပ်မတော်(လေ)ကို ခေတ်မီပြီးစွမ်းရည်ထက်မြက်အင်အားတောင့်တင်းခိုင်မာသည့် လေတပ်တစ်ခုအဖြစ် အဆင့်ဆင့်တည်ဆောက်ပေးလျက်ရှိသည်ဟု တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်မှ ယနေ့ ဒီဇင်ဘာ ၁၅ ရက်နံနက်ပိုင်းကနေပြည်တော် လေတပ်စခန်းဌာနချုပ်၌ကျင်းပသော တပ်မတော်(လေ)ဖွဲ့စည်းတည်ထောင်မှု (၇၈)နှစ်မြောက် နှစ်ပတ်လည်နေ့အခမ်းအနားတွင် ပြောကြားခဲ့ခြင်းဖြစ် သည်။
နိုင်ငံတစ်နိုင်ငံ၏ အချုပ်အခြာအာဏာတည်တံ့ခိုင်မြဲရေး၊ နိုင်ငံဖွံ့ဖြိုးတိုးတက်ရေး၊ ပြည်သူလူထု၏ အသက်အိုးအိမ်စည်းစိမ်ကိုအကာအကွယ်ပေးရေးနှင့် အမျိုးသားအကျိုးစီးပွားကို ထိန်းသိမ်းကာကွယ်စောင့်ရှောက်ရေးတို့အတွက် တည်ဆောက်ကြိုးပမ်းရာတွင် ခိုင်မာတောင့်တင်းသည့် ကာကွယ်ရေးစွမ်းအားစုတစ်ရပ်ပိုင်ဆိုင်ထားရန် မဖြစ်မနေလိုအပ်သည်ဟု ပြော သည်။
ထို့ကြောင့် တပ်မတော်(လေ)ကို ခေတ်အဆက်ဆက် ကြုံတွေ့ခဲ့ရသည့် အတွေ့ အကြုံများအပေါ်သင်ခန်းစာဖော်ထုတ်ကာ ခေတ်မီပြီးစွမ်းရည်ထက်မြက်အင်အားတောင့်တင်းခိုင်မာသော လေတပ်တစ်ခုအဖြစ် အဆင့်ဆင့်တည်ဆောက်ပေးလျက်ရှိရာ စတင်ဖွဲ့စည်းချိန်က အခြေစိုက်စခန်း(၁)ခုနှင့် ပျံသန်းရေးအုပ်အနည်းငယ်သာရှိခဲ့ရာမှ ယခုတွင်မြန်မာ့ဝေဟင်ပိုင်နက်တစ်ခုလုံးကို အလှမ်းမီစိုးမိုးနိုင်ရန် ဖြန့်ကျက်ချထားနိုင်ပြီဟု ပြောသည်။
"စွမ်းဆောင်ရည်ပိုင်းမှာလည်း သောင်းကျန်းမှုနှိမ်နင်းရေးလေတပ်အဆင့်ကနေ နည်းဗျူဟာမြောက်လေတပ်တစ်ခုအဖြစ် တိုးတက်တည်ဆောက်နိုင်ခဲ့ပါတယ်။ ဒါ့ကြောင့် ထိရောက်အစွမ်းထက်မြက်တဲ့ လေကြောင်းစွမ်းအားကိုပိုင်ဆိုင်အသုံးချနိုင်ဖို့ လေတပ်ရဲ့တိုက်စွမ်းအားနဲ့ တိုက်စွမ်းရည်(၂)မျိုးလုံး မြင့်မားပြည့်စုံအောင် တည်ဆောက်ထားဖို့အထူးလိုအပ်ပါတယ်"ဟု ဗိုလ်ချုပ်မှူးကြီးမင်းအောင်လှိုင်က ပြောသည်။
ထိုသို့ တိုက်စွမ်းအားတိုးတက်ကောင်းမွန်စေရန် နိုင်ငံတော်မှ လေယာဉ်၊ ရဟတ်ယာဉ်နှင့် စစ်ဆင်ရေး အထောက်အကူစနစ်များကို ဖြည့်တင်းပေးလျက်ရှိရာ ယင်းစနစ်များ အမြဲကောင်းမွန်ပြီး စွမ်းအားပြည့်တိုက်ပွဲဝင်နိုင်မှသာ တိုက်စွမ်းအားရရှိမည်ဖြစ်၍ တပ်မတော် (လေ) ၏စစ်သည်တော်များအနေဖြင့် အမြတ်တနိုးတန်ဖိုးထားကာ စနစ်တကျကိုင်တွယ်အသုံးပြုပြီး ပြုပြင်ထိန်းသိမ်းကြရန် ဗိုလ်ချုပ်မှူးကြီးမင်းအောင်လှိုင်က တိုက်တွန်းပြောကြားခဲ့သည်။

အွန်လိုင်းလိမ်လည်လောင်းကစားမှုများတွင် ဆက်စပ်ပတ်သက်သူများကို သက်ဆိုင်ရာနိုင်ငံများသို့ပြန်လည်လွှဲပြောင်းရာ၌ အဆင်ပြေချောမွေ့စေရေးဆွေးနွေး

အွန်လိုင်းလိမ်လည်လောင်းကစားမှုများတွင် ဆက်စပ်ပတ်သက်သူများကို သက်ဆိုင်ရာနိုင်ငံများသို့ပြန်လည်လွှဲပြောင်းရာ၌ အဆင်ပြေချောမွေ့စေရေးအတွက် မြန်မာ-တရုတ်-ထိုင်း နိုင်ငံတို့မှတာဝန်ရှိသူများ ယနေ့ ဒီဇင်ဘာ ၁၅ ရက်က ကရင်ပြည်နယ်၊ မြဝတီမြို့၌တွေ့ဆုံဆွေးနွေးခဲ့ကြသည်။
၎င်းတို့သည် မြဝတီမြို့ရှိ မြန်မာ-ထိုင်း အမှတ် (၂)ချစ်ကြည်ရေးတံတားအစည်းအဝေးခန်းမတွင် အွန်လိုင်းလိမ်လည်မှုနှင့် အွန်လိုင်းလောင်းကစားမှုများတို-က်ဖျ-က်ရေးဆိုင်ရာ Myanmar-China-Thailand Tri-lateral meeting for Combating Telecom Fraud and Online Gambling ညှိနှိုင်းအစည်းအဝေးအဖြစ်ပြုလုပ်ပြီး ဆွေးနွေးခဲ့ကြခြင်းဖြစ်သည်။
မြဝတီဒေသရှိ အွန်လိုင်းလိမ်လည်မှုများ ကင်းစင်ပ ပျောက်သည်အထိရှင်းလင်းဆောင်ရွက်ရေး၊ အွန်လိုင်းလိမ်လည်မှုနှင့် ဆက်စပ်ပတ်သက်သူများကို သက်ဆိုင်ရာနိုင်ငံများသို့ ပြန်လည်လွှဲပြောင်းရာတွင် အဆင်ပြေချောမွေ့စေရေး ပူးပေါင်းဆောင်ရွက်ရမည်များကို ရှင်းလင်းဆွေးနွေးခဲ့ကြသည်။
အဆိုပါ (၃)နိုင်ငံမှတာဝန်ရှိသူများသည် KK Park နယ်မြေအတွင်းရှိ အွန်လိုင်းလိမ်လည်လောင်းကစားမှုများတွင်အသုံးပြုခဲ့သည့် တရားမဝင်အဆောက်အဦးများ ဖြိုချဖျ-က်ဆီးထားမှုများ၊ ရွှေကုက္ကိုလ်နယ်မြေ၌ တရားမဝင် နိုင်ငံခြားသားများထားရှိရာအဆောက်အဦးများနှင့် မိုင်းခွဲဖျ-က်ဆီးထားသော "ရထိုက်"ကုမ္ပဏီပိုင် အွန်လိုင်းလိမ်လည်မှုလုပ်ငန်းလုပ်ကိုင်ခဲ့သည့် အဆောက်အဦးများ၊ မြဝတီမြို့ရှိ နယ်ခြားစောင့်တပ်(BGF)လုံခြုံရေးနှင့် စည်းကမ်းထိန်းသိမ်းရေးကွပ်ကဲရေးရုံးတွင်ထိန်းသိမ်းထားသော တရုတ်နိုင်ငံသားများကိုကြည့်ရှုစစ်ဆေးခဲ့ကြသည်။

မြန်မာနိုင်ငံ၌ရွေးကောက်ပွဲကျင်းပပြီးပါက ပိုမိုကောင်းမွန်သောနယ်ပယ်များပေါ်ထွန်းလာမည့် အခြေအနေများကိုဆွေးနွေး

မြန်မာနိုင်ငံ၌ရွေးကောက်ပွဲကျင်းပပြီးပါက ပိုမိုကောင်းမွန်သောနယ်ပယ်များပေါ်ထွန်းလာမည့် အခြေအနေများကို နိုင်ငံတော်လုံခြုံရေးနှင့် အေးချမ်းသာယာရေးကော်မရှင်အဖွဲ့ဝင် ညှိနှိုင်းကွပ်ကဲရေးမှူး(ကြည်း၊ ရေ၊ လေ)ဗိုလ်ချုပ်ကြီးကျော်စွာလင်းနှင့် မြန်မာနိုင်ငံဆိုင် ရာ အိန္ဒိယသံအမတ်ကြီး H.E.Mr. Abhay Thakur တို့ ယနေ့ ဒီဇင်ဘာ ၁၅ ရက်မွန်းလွဲပိုင်းကတွေ့ဆုံဆွေးနွေးခဲ့ကြသည်။
တွေ့ဆုံစဥ် မြန်မာနိုင်ငံ၌ရွေးကောက်ပွဲအောင်မြင်စွာကျင်းပပြီးပါက ပိုမိုကောင်းမွန်သောနယ်ပယ်များပေါ် ထွန်းလာမည့်အခြေအနေများ၊ မြန်မာနိုင်ငံသည် ငြိမ်းချမ်းစွာအတူယှဉ်တွဲနေထိုင်ရေးမူကြီး(၅)ကို စတင်ချမှတ်သည့်(၃)နိုင်ငံတွင်အပါအဝင်ဖြစ်ပြီး လက်ရှိအချိန်အထိ ၎င်းမူများအတိုင်း ခိုင်မာစွာလိုက်နာဆောင်ရွက်လျက်ရှိမှုတို့ကို ဆွေးနွေးခဲ့ကြသည်။
ထို့ပြင် မြန်မာနိုင်ငံနှင့် အိန္ဒိယနိုင်ငံတို့သည် အိမ်နီးချင်း မိတ်ဆွေကောင်းနိုင်ငံများဖြစ်၍ နှစ်နိုင်ငံတပ်မတော်နှစ်ရပ်ကြား ချစ်ကြည်ရင်းနှီးမှုနှင့် ဆက်ဆံရေးတိုးတက်ကောင်းမွန်လျက်ရှိမှု၊ နှစ်နိုင်ငံနယ်စပ်ဒေသ လုံခြုံရေး၊ တည်ငြိမ်အေးချမ်းရေး၊ တရားဥပဒေစိုးမိုးရေးတို့အတွက် နှစ်နိုင်ငံတပ်မတော်နှစ်ရပ်ကြားပူးပေါင်းဆောင်ရွက်မှုများ ပိုမိုတိုးမြှင့်ဆောင်ရွက်ရေးတို့ကို ဆွေးနွေးခဲ့ကြသည်။
ထို့အတူ နှစ်နိုင်ငံတပ်မတော်နှစ်ရပ်ကြား စစ်ဘက် ဆိုင်ရာသင်တန်းများ အပြန်အလှန်ဖွင့်လှစ်ရေးနှင့် လေ့ကျင့်ရေးဆိုင်ရာများတွင် ပိုမိုပူးပေါင်းဆောင်ရွက်ရေးတို့ကိုလည်း ဆွေးနွေးခဲ့ကြသည်။

ရန်ကုန်လေဆိပ်အဝင် Y တံတားအနီးရှိ တိုက်တစ်လုံးမီးလေ-ာင်

ရန်ကုန်တိုင်း၊ မြောက်ဥက္ကလာပမြို့နယ်၊ ရန်ကုန်လေဆိပ်အဝင် Y တံတားအနီးရှိ တိုက်တစ်လုံးတွင် ယနေ့ ဒီဇင်ဘာ ၁၆ ရက်နံနက် ၄ နာရီကျော်ခန့်က မီးလောင်မှုဖြစ်ပွားခဲ့ကြောင်း မီးသတ်တပ်ဖွဲ့ထံမှ သိရသည်။
မြောက်ဥက္ကလာပမြို့နယ်၊ ကျောက်ရေတွင်းရပ်ကွက်၊ ရန်ကုန်လေဆိပ်အဝင်လမ်းဖြစ်သည့် Y တံတားအနီးရှိ တိုက်တစ်လုံးတွင်မီးလေ-ာင်မှုဖြစ်ပွား၍ မြောက်ဥက္ကလာပမြို့နယ်မီးသတ်စခန်းမှတပ်ဖွဲ့ဝင်များ၊ ရန်ကုန်နာရေးကူညီမှုအသင်းဝင်များက ငြှိမ်းသတ်ခဲ့ကြကြောင်း သိရသည်။
ထို့ကြောင့် နံနက် ၄ နာရီ ၁၃ မိနစ်တွင် မီးငြိမ်းသွားခဲ့ပြီး စတင်လေ-ာင်ကျွမ်းရသည့်အကြောင်းရင်းနှင့် ပျ-က်စီး ဆုံးရှုံးမှုတန်ဖိုးကို သက်ဆိုင်ရာ မီးသတ်တပ်ဖွဲ့တာဝန်ရှိသူများက စစ်ဆေးလျက်ရှိကြောင်း သိရသည်။

နွားထိုးကြီးမြို့နယ်၌ လျှပ်စစ်မီးပြန်လည်ရရှိ

အကြမ်းဖက်အဖွဲ့ဝင်များ၏ ဖျ-က်ဆီးမှုများကြောင့် မန္တလေးတိုင်း၊ နွားထိုးကြီးမြို့နယ်၌ လျှပ်စစ်ဓာတ်အားလိုင်းနှင့် ဓာတ်အားခွဲရုံများထိခို-က်ပျ-က်စီးခဲ့ပြီး လျှပ်စစ်ဓာတ်အားပြ-တ်တောက်မှုများဖြစ်ပေါ်ခဲ့ကြောင်း သိရသည်။
ထို့ကြောင့် လုံခြုံရေးအဖွဲ့ဝင်များက လုံခြုံရေးလုပ်ငန်းများဆောင်ရွက်ပေးပြီးနောက် ၂၃၀ ကေဗွီ မြင်းခြံ(သံမဏိ)-သပြေဝဓာတ်အားလိုင်းနှင့် ၁၃၂ ကေဗွီ သာစည်- မြင်းခြံ ဓာတ်အားလိုင်းတို့အား လျှပ်စစ်ဓာတ်အားပို့လွှတ်ရေးနှင့်ကွပ်ကဲရေးဦးစီးဌာနမှ အင်ဂျင်နီယာများ ဦးဆောင်၍ လျှပ်စစ်ကျွမ်းကျင်ဝန်ထမ်းများက စစ်ဆေးပြုပြင်ခဲ့ရာ ၂၀၂၅ ခုနှစ်၊ စက်တင်ဘာလတွင်ပြီး စီးခဲ့ကြောင်း သိရသည်။
ထို့အတူ ၁၃၂ ကေဗွီ မြင်းခြံပင်မဓာတ်အားခွဲရုံမှ နွားထိုးကြီးမြို့သို့ ဓာတ်အားဖြန့်ဖြူးပေးထားသော ၃၃ ကေဗွီ မြင်းခြံ-နွားထိုးကြီးဓာတ်အားလိုင်းအား ဆက် လက်ပြုပြင်ခဲ့ရာ နိုဝင်ဘာလတွင်ပြီးစီးခဲ့ပြီး မြို့တွင်းဖြန့်ဖြူးရေးဓာတ်အားလိုင်းများ၊ ဓာတ်အားခွဲရုံနှင့် ထရန်စဖော်မာများအား မြို့နယ်လျှပ်စစ်အင်ဂျင်နီယာဦးဆောင်၍ ၂၀၂၅ ခုနှစ်၊ နိုဝင်ဘာ ၂၀ ရက်တွင်စစ်ဆေးပြုပြင်ခဲ့ကြောင်း သိရသည်။
ထို့ပြင် ပထမအဆင့်အဖြစ် နွားထိုးကြီးမြို့ပေါ် အရေးကြီးနေရာများနှင့် ဌာနဆိုင်ရာရုံးများအား ဓာတ်အားအမြန်ရရှိနိုင်ရေးအတွက် မူလမြို့မဓာတ်အားခွဲရုံရှိ ပျ-က်ဆီးသွားသော ထရန်စဖော်မာအား ယာယီအစားထိုးခြင်း၊ ၃၃ ကေဗွီ မြင်းခြံ-နွားထိုးကြီး ဓာတ်အားလိုင်းအားပြန်လည်စစ်ဆေးပြုပြင်ခြင်း၊ မြို့ပေါ်ရပ်ကွက်များရှိ ဖြန့်ဖြူးရေးထရန်စဖော်မာအချို့အားပြန်လည်စစ်ဆေးပြုပြင်ခြင်း၊ ၁၁ ကေဗွီ ဓာတ်အားလိုင်းနှင့် ၄၀၀ ဗို့ ဓာတ်အားလိုင်းများ စစ်ဆေးပြုပြင်ခြင်းလုပ်ငန်းများအားဆောင်ရွက်ခဲ့ကြကြောင်း သိရသည်။
ထို့ကြောင့် ၂၀၂၅ ခုနှစ်၊ ဒီဇင်ဘာ ၁၄ ရက်နေ့လည် ၃ နာရီခန့်မှစတင်၍ မြို့နယ်ပြည်သူ့ဆေးရုံ၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန၏ ယာယီအခြေစိုက်ရုံးများနှင့် အရေးကြီးနေရာအချို့အား လျှပ်စစ်ဓာတ်အားပြန်လည်ရရှိအောင်ဆောင်ရွက်ပေးခဲ့ပြီး တစ်မြို့နယ်လုံးအနေဖြင့်( ၂၅)ရာခိုင်နှုန်းခန့်ကို လျှပ်စစ်ဓာတ်အားဖြန့်ဖြူးပေးနိုင်ခဲ့ပြီးဖြစ်ကြောင်း သိရသည်။
ထို့ပြင် ဌာနဆိုင်ရာရုံးများ၊ မြို့ပေါ်ရပ်ကွက်များနှင့် ကျေးရွာများကို လျှပ်စစ်ဓာတ်အားတိုးချဲ့ဖြန့်ဖြူးပေးနိုင်ရေးအတွက် ပြုပြင်ရန်ကျန်ရှိသော ဓာတ်အားလိုင်းနှင့် ဓာတ်အားခွဲရုံများပြန်လည်ပြုပြင်ခြင်းလုပ်ငန်းများကို ဆက်လက်ဆောင်ရွက်လျက်ရှိကြောင်း သိရသည်။
နွားထိုးကြီးမြို့နယ်အား ၂၃၀ ကေဗွီ မြင်းခြံ(သံမဏိ)- သပြေဝဓာတ်အားလိုင်းနှင့် ၁၃၂ ကေဗွီ သာစည်-မြင်းခြံဓာတ်အားလိုင်းတို့ဖြင့် နိုင်ငံတော်ဓာတ်အားစနစ်မှ ဓာတ်အားကို ၁၃၂ ကေဗွီ မြင်းခြံပင်မဓာတ်အားခွဲရုံမှ ၃၃ ကေဗွီ မြင်းခြံ-နွားထိုးကြီး ဓာတ်အားလိုင်းဖြင့် ဓာတ်အားရယူထားပြီး နွားထိုးကြီးမြို့ပေါ်ရှိ ရပ်ကွက် (၈)ရပ်ကွက်နှင့် ကျေးရွာအချို့အား ၃၃/ ၁၁ ကေဗွီ မြို့ မထပ်ဆင့်ဓာတ်အားခွဲရုံ၊ ကျန်ကျေးရွာများအား ၃၃/ ၁၁ ကေဗွီ ပြင်စည် ထပ်ဆင့်ဓာတ်အားခွဲရုံနှင့် ဝက်လူးထပ်ဆင့် ဓာတ်အားခွဲရုံ၊ မြို့ပေါ်ရပ်ကွက်(၈)ရပ်ကွက်နှင့် ကျေးရွာပေါင်း(၁၈၈)ရွာမှ မီးသုံးသူဦးရေ (၂၇,၉၃၁)ဦးအား လျှပ်စစ်ဓာတ်အားဖြန့်ဖြူးပေးခဲ့ကြောင်း သိရသည်။

ဆီးဂိမ်းတွင် မြန်မာက ရွှေတံဆိပ် သုံးခုဖြင့် နိုင်ငံအလိုက် အဆင့် (၇) တွင် ရှိနေ

ထိုင်းနိုင်ငံ၌ ကျင်းပနေသည့် အရှေ့တောင်အာရှအားကစားပြိုင်ပွဲ၏ ဆုတံဆိပ်ရရှိမှုဇယား၌ မြန်မာက ရွှေတံဆိပ် သုံးခုဖြင့် နိုင်ငံအလိုက် အဆင့် (၇) တွင် ရှိနေသည်။
ယင်းဇယားသည် ယမန်နေ့ (ဒီဇင်ဘာလ၁၅)ရက်နေ့ ယှဉ်ပြိုင်မှုများ ပြီးဆုံးသွားချိန်အထိ ရပ်တည်မှုဇယား ဖြစ်သည်။
ဒီဇင်ဘာ ၁၅ ရက်နေ့တွင်မူ မြန်မာနိုင်ငံအတွက် ဝူရှူးအားကစားနည်းမှ ငွေတံဆိပ် (၃)ခု၊ ကြေးတံဆိပ် (၁)ခု၊ ပြေးခုန်ပစ် အားကစားနည်းမှ ငွေတံဆိပ် (၂)ခု၊ ရွက်လှေအားကစားနည်းမှ ကြေးတံဆိပ် (၁) ခု ထပ်မံ ဆွတ်ခူးရရှိခဲ့ခြင်း ဖြစ်သည်။
ရွှေတံဆိပ်ဆု (၃)ခုမှာမူ ရိုးရာခြင်းလုံး အသင်းလိုက်အုပ်စုပတ်လည်ပွဲစဉ် Linking (Event 3) ပြိုင်ပွဲမှ မြန်မာအမျိုးသားအသင်းနှင့် အမျိုးသမီးအသင်းက ဆွတ်ခူးထားပြီး ဘိလိယက် အမျိုးသား ၃ယောက်တွဲမှ ဆွတ်ခူးပေးထားသည်။

မန္တလေးတိုင်းတွင် ရွေးကောက်ပွဲအပိုင်း(၁)အတွက် မဲရုံခင်းကျင်းမှုနှင့် လျာထားမဲရုံများပြင်ဆင်

လာမည့်ပါတီစုံဒီမိုကရေစီအထွေထွေရွေးကောက်ပွဲ အပိုင်း(၁)အတွက် မန္တလေးတိုင်းဒေသကြီး မြို့နယ်များအတွင်း မဲရုံခင်းကျင်းမှုနှင့် လျာထားမဲရုံများ ပြင်ဆင်နေပြီးဖြစ်ကြောင်း သိရသည်။
အပိုင်း(၁)တွင်ပါဝင်သော အောင်မြေသာစံမြို့နယ်အတွင်း မဲရုံခင်းကျင်းမှုနှင့် လျာထားမဲရုံနေရာများကိုလည်း မန္တလေးတိုင်းဝန်ကြီးချုပ်နှင့် တာဝန်ရှိသူများက သွားရောက်ကြည့်ရှုခဲ့ကြောင်းလည်း သိရသည်။
ရွေးကောက်ပွဲတွင် အသုံးပြုမည့်အီလက်ထရောနစ်မဲပေးစက်နှင့် ဆက်စပ်ပစ္စည်းများထားရှိမှု သက်ဆိုင်ရာမဲရုံများအတွင် စနစ်တကျဖြန့်ဝေမှုများကို စီစဉ်ဆောင်ရွက်နေကြောင်းလည်း သိရသည်။
မဲပေးစက်များ ပျ-က်ဆီးမှုမရှိစေရေး မီးဘေးကင်းရှင်းစေရန်နှင့် အထူးဂရုစိုက်ဆောင်ရွက်ရန်လည်း မန္တလေးတိုင်းဝန်ကြီးချုပ် ဦးမျိုးအောင်ကပြောသည်။
မန္တလေးတိုင်းဒေသကြီး၌ ၂၀၂၅ ခုနှစ် ဒီဇင်ဘာ ၂၈ ရက်တွင် အပိုင်း(၁)ကို မြို့နယ် ၈ မြို့နယ်၌ ကျင်းပသွားမည်ဖြစ်ပြီး လျာထားမဲရုံပေါင်း ၁၂၄၂ ရုံ ၊ ၂၀၂၆ ခုနှစ် ဇန်နဝါရီလ ၁၁ ရက်နေ့တွင် အပိုင်း (၂) ကို မြို့နယ် ၉ မြို့နယ်တွင် ကျင်းပသွားမည်ဖြစ်ပြီး လျာထားမဲရုံပေါင်း ၁၀၇၃ ရုံ ဖြင့် ဆောင်ရွက်သွားမည်ဖြစ်ကြောင်း သိရသည်။

ဟောင်ကောင် မီဒီယာလုပ်ငန်းရှင်ကြီး ဂျင်မီလိုင် ထောင်ဒဏ်တသက် ကျခံရဖွယ်ရှိ

ဟောင်ကောင် မီဒီယာလုပ်ငန်းရှင်ကြီး ဂျင်မီလိုင်ဟာ ဟောင်ကောင်ရဲ့ အငြင်းပွားဖွယ်ရာ အမျိုးသားလုံခြုံရေးဥပဒေကိုချိုးဖောက်ကာ ပြည်ပအင်အားစုတွေနဲ့ ပူးပေါင်းကြံစည်မှုနဲ့ အပြစ်ရှိကြောင်း ဟောင်ကောင်တရားရုံးက ဒီကနေ့မှာ ဆုံးဖြတ်လိုက်ပါတယ်။
တရားရုံံကနေ ခေါ်ဆောင်သွားခံရစဉ် မိသားစုကို လက်ပြနှုတ်ဆက်ခဲ့တဲ့ အသက် ၇၈ နှစ်အရွယ်ရှိ ဂျင်မီလိုင်ဟာ ပြစ်မှုတွေအတွက် ထောင်ဒဏ်တသက် ချမှတ်ခံရနိုင်ပါတယ်။ သူဟာ နိုင်ငံရေးရည်မှန်းချက်အချို့အတွက် သတင်းတွေကို လိမ်လည်ဖန်တီးခဲ့တယ်လို့ စီရင်ချက်နဲ့ပတ်သက်ပြီး ရဲတပ်ဖွဲ့က ကာကွယ်ပြောဆိုပါတယ်။
ဒါပေမယ့် လူ့အခွင့်အရေးအဖွဲ့တွေကတော့ ဒါဟာ ရက်စက်တဲ့ စီရင်ချက်ဖြစ်ပြီး တရားစီရင်ရေး ပြက်လုံးတခုလို့ ဝေဖန်ပါတယ်။ ဗြိတိန် နိုင်ငံသားတယောက်ဖြစ်ပြီး တရုတ်ကွန်မြူနစ်ပါတီ ခေါင်းဆောင်ပိုင်းကို ပြင်းထန်စွာ ဝေဖန်လေ့ရှိသူ ဂျင်မီလိုင်ဟာ ၂၀၁၉ ခုနှစ်က ဟောင်ကောင်မှာ ဖြစ်ပွားခဲ့တဲ့ ဒီမိုကရေစီလိုလားတဲ့ ဆန္ဒပြပွဲတွေမှာ ပါဝင်ခဲ့တဲ့ အဓိကပုဂ္ဂိုလ်တယောက်လည်း ဖြစ်ပါတယ်။
တရုတ်အစိုးရဟာ လပေါင်းများစွာကြာ ဆန္ဒပြပွဲတွေကို တုံ့ပြန်နှိမ်နင်းခဲ့ပြီးနောက် အမျိုးသားလုံခြုံရေးဥပဒေကို ပြဌာန်းခဲ့ကာ ဒါဟာ ဟောင်ကောင် တည်ငြိမ်ရေးအတွက် မရှိမဖြစ်လိုအပ်တယ်လို့ ပြောပါတယ်။ ဝေဖန်သူတွေကတော့ ဒါဟာ အတိုက်အခံသဘောထားကွဲလွဲမှုတွေကို ဖိနှိပ်ထောင်ချဖို့ဖြစ်တယ်လို့ ရှုတ်ချထားပါတယ်။
စွဲချက်များစွာနဲ့ ရင်ဆိုင်နေခဲ့ရတဲ့ Apple Daily သတင်းဌာနတည်ထောင်သူ ဂျင်မီလိုင်ဟာ သူ့ရဲ့အမှုတွေကို ကြားနာနေချိန် ထောင်ထဲမှာ ငါးနှစ်ကျခံနေခဲ့ရပါတယ်။ သူ့အပေါ် ပြစ်ဒဏ်ချမှတ်မယ့် ကြားနာမှုကိုတော့ ဇန်နဝါရီ ၁၂ ရက်မှာ ပြုလုပ်ဖို့ စီစဉ်ထားပါတယ်။
ဆီးချိုရောဂါ၊ သွေးတိုးရောဂါအပါအဝင် ကျန်းမာရေးပြဿနာတွေရှိနေတဲ့ ဂျင်မီလိုင်ဟာ ပုန်ကန်မှု၊ လှုံ့ဆော်တဲ့အကြောင်းအရေးတွေ ရေးသားဖြန့်ဝေမှု၊ ပြည်ပအင်အားစုတွေနဲ့ ပူးပေါင်းကြံစည်မှုစတဲ့ စွဲချက်တွေကို ငြင်းဆိုထားပါတယ်။
သူ့ကို ထောက်ခံသူတွေဟာ မနေ့ကညကတည်းက တရားရုံးပြင်ပမှာ တန်းစီစောင့်ဆိုင်းနေခဲ့ကြပြီး ရဲတပ်ဖွဲ့ကလည်း လုံခြုံရေးတိုးမြှင့်စောင့်ကြည့်ခဲ့ရပါတယ်။ ဟောင်ကောင်မှာ အမျိုးသားလုံခြုံရေး ဥပ‌ဒေပြဌာန်းပြီးနောက်ပိုင်း သတင်းသမား ၉၀၀ ကျော်ဟာ အလုပ်အကိုင်တွေကနေ စွန့်ခွာခဲ့ရပြီး သတင်းလွတ်လပ်ခွင့်လှုပ်ရှားသူ ၂၈ ယောက် တရားစွဲဆိုခံထားရကြောင်း နယ်စည်းမခြားသတင်းထောက်များအဖွဲ့က ပြောပါတယ်။