Discover postsExplore captivating content and diverse perspectives on our Discover page. Uncover fresh ideas and engage in meaningful conversations
ပင်လောင်း
ပင်လောင်း
ပင်လောင်း
ပင်လောင်း
+4
ယူကရိန်းနိုင်ငံရဲ့ မြေအောက်ထဲမှာ ဝှက်ထားတဲ့ ရတနာသိုက်ကြီးများ
ယူကရိန်းနိုင်ငံဟာ ဥရောပရဲ့ ဒုတိယဧရိယာအကြီးဆုံးနိုင်ငံဖြစ်ပြီး သဘာဝအရင်းအမြစ်တွေ အလွန်ကြွယ်ဝတဲ့ နိုင်ငံတစ်နိုင်ငံလည်း ဖြစ်ပါတယ်။
အထူးသဖြင့် မြေရှားသတ္တုတွေဟာ ယူကရိန်းနိုင်ငံရဲ့ မြေအောက်မှာ အများအပြားရှိနေတာကြောင့် ကမ္ဘာ့အာရုံစိုက်မှုကို ရရှိနေပါတယ်။
မြေရှားသတ္တုတွေဆိုတာကတော့ ခေတ်မီနည်းပညာတွေမှာ အသုံးပြုတဲ့ အရေးကြီးတဲ့ သတ္တုတွေဖြစ်ပါတယ်။
စမတ်ဖုန်းတွေ၊ လျှပ်စစ်ကားတွေ၊ လေအားလျှပ်စစ်တာဘိုင်တွေနဲ့ စစ်ဘက်ဆိုင်ရာ အသုံးအဆောင်တွေ ထုတ်လုပ်တဲ့နေရာမှာ မရှိမဖြစ်ပါဝင်နေပါတယ်။ ဒါကြောင့် ဒီသတ္တုတွေကို ကမ္ဘာ့နိုင်ငံတွေက အပြိုင်အဆိုင် လိုချင်နေကြတာဖြစ်ပါတယ်။
ယူကရိန်းနိုင်ငံမှာ နီယိုဘီယမ်၊ လစ်သီယမ်၊ တန်တလမ်နဲ့ ဇာကွန်နီယမ်စတဲ့ မြေရှားသတ္တုတွေ အများအပြားရှိပါတယ်။
ဒီသတ္တုတွေဟာ ကမ္ဘာ့ဈေးကွက်မှာ ဈေးကောင်းရတဲ့ သတ္တုတွေဖြစ်ပြီး ယူကရိန်းနိုင်ငံရဲ့ အရှေ့ပိုင်းဒေသတွေမှာ ဒီသတ္တုတွေ အများဆုံးတွေ့ရပါတယ်။
ဒါပေမယ့် လက်ရှိမှာတော့ ယူကရိန်းနိုင်ငံဟာ စစ်ပွဲကြောင့် အခက်အခဲတွေ အများကြီး ကြုံတွေ့နေရပါတယ်။
စစ်ပွဲကြောင့် သတ္တုတူးဖော်ရေးလုပ်ငန်းတွေ ရပ်တန့်နေရသလို ယူကရိန်းရဲ့ မြေရှားသတ္တုသိုက်အချို့ ဟာလည်း ရုရှားရဲ့ ထိန်းချုပ်မှုအောက်မှာ ရောက်ရှိနေပါတယ်။ ဒါကြောင့် ယူကရိန်းနိုင်ငံရဲ့ မြေရှားသတ္တုတွေကို အပြည့်အဝ အသုံးချဖို့ဆိုတာ မလွယ်ကူသေးပါဘူး။
စစ်ပွဲပြီးသွားရင်တော့ ယူကရိန်းနိုင်ငံဟာ ဒီမြေရှားသတ္တုတွေကို အသုံးချပြီး စီးပွားရေးကို ပြန်လည်တည်ဆောက်နိုင်မယ်လို့ မျှော်လင့်ထားပါတယ်။
ဒါကြောင့် ယူကရိန်းနိုင်ငံရဲ့ မြေရှားသတ္တုတွေဟာ အနာဂတ်မှာ ကမ္ဘာ့စီးပွားရေးအတွက် အရေးပါတဲ့ အခန်းကဏ္ဍတစ်ခုအနေနဲ့ ပါဝင်လာနိုင်တယ် လို့ ပညာရှင်တွေက သုံးသပ်ထားကြပါတယ်။
#thuta City
#crd
ဝန်တွေထဲမှာ မိသားစုဝန်က အလေးဆုံးပဲ
အိမ်တစ်အိမ်မှာ အဲဒီ ဝန်ကို ထမ်းထားတဲ့
လူတစ် ယောက် ရှိကို ရှိတယ်
အဲဒီလူက
အဖေ ဖြစ်ချင်ဖြစ်မယ်
အမေ ဖြစ်ချင်ဖြစ်မယ်
အကြီးဆုံး ဖြစ်ချင်ဖြစ်မယ်
အလတ် ဖြစ်ချင် ဖြစ်မယ်
အငယ် လည်း ဖြစ်ကောင်းဖြစ်နိုင်တယ်
ပင်ပန်းပေမယ့် မရပ်တန့်ဘူး
လေးလံ နေပေမယ့် လွှတ်မချဘူး
ခက်ခဲပင်ပန်းနေတဲ့ ကြားက
အသက်ကို လုရှူရင်း
မောဟိုက်နွမ်းနယ်နေချိန်မှာတောင်
ကိုယ်လွတ်ရုန်းဖို့ စိတ်ကူးမရှိဘူး
မိသားစုဆိုတဲ့ အတွေးနဲ့တင်
ရှေ့ကို ခြေ တစ် လှမ်းတိုးဖို့အတွက်
လုံလောက်တဲ့ အားအင်ရတာမို့ ..
သူတို့အတွက် ..
တွန်းအားဟာ မိသားစုဖြစ်ပြီး
ခွန်အားဟာလည်း မိသားစုပဲ ဖြစ်တယ်။
မိသားစုတွေထဲက
တစ်ဦးတစ်ယောက်ပေါ့ ..
လေးစားချစ်ခင်ရတဲ့
တစ်ဦးတစ်ယောက်ပေါ့ .. ။
#crd
#moti
“ မောင့်ကို ခွင့်လွှတ်ပါ ခိုင်
နောင်ဘဝ ဆိုသည်လည်း ရှိပါစေ ခိုင် …“
စာရေးဆရာကြီး “ တက္ကသိုလ်ဘုန်းနိုင် ” လို့ ဆိုလိုက်တာနဲ့ စာဖတ်ပရိသတ်တွေ အမှတ်ရကြတဲ့ ထိပ်ဆုံးကစာအုပ်တစ်အုပ်ကတော့ ‘ခိုင်’ ဆိုတဲ့ စာအုပ်ပဲ ဖြစ်ပါလိမ့်မယ် ။ ဆရာကြီး တက္ကသိုလ်ဘုန်းနိုင် ရဲ့ “ သူငယ်ချင်းလို့ပဲ ဆက်၍ခေါ်မည် ခိုင် ” စာအုပ်ကို ၁၉၆၄ ခုနှစ်မှာ စတင်ထုတ်ဝေခဲ့ပါတယ် ။ ပထမအကြိမ် ထွက်ခဲ့တာ နှစ်ပေါင်း ၆၀ ပြည့်ခါနီးပြီ ဖြစ်ခဲ့ပေမဲ့ ယနေ့ထိတိုင် ခေတ်အဆက်ဆက် အကြိမ်ကြိမ် ရိုက်နှိပ်ခဲ့ရတဲ့ ဂန္ထဝင် ဝတ္ထုစာအုပ်ကြီး တစ်အုပ်ပါပဲ ။
“ ရွက်ဝါကြွေသော နွေတိုင်လျှင် မမေ့နိုင်ဘဲလျက်က သတိမရရဲချင်သော ဇာတ်လမ်းတစ်ခု ရင်၌ ရှိခဲ့သည် ”
ဆရာကြီးတက္ကသိုလ်ဘုန်းနိုင်ဟာ ‘သူငယ်ချင်းလို့ပဲ ဆက်၍ခေါ်မည် ခိုင်’ ဝတ္ထုကို “သူ့ရဲ့ တကယ့်အတ္ထုပ္ပတ္တိပါ ဟု မဆိုလိုပါ ။ မဟုတ်ဘူး ဟုလည်း မငြင်းဆိုခဲ့ပါ ။
ခိုင် ဝတ္ထုရှည်ကို ရေးစဉ်က “ သူငယ်ချင်းချစ်၏ ဖြူစင်မှု ဟူသော သာမန်ခံစားမှုလေးသည်သာ” လို့ စခဲ့ပေမယ့် ဇာတ်လမ်းအစကို ၁၃၀၀ ပြည့်နှစ်မှာ အခြေခံခဲ့မိရာက ခေတ်ငါးဆက်ခန့်ကို ဖြတ်သန်း ရေးဖွဲ့နိုင်ခဲ့ပါတယ် ။ ဒီလိုနဲ့ စာရေးဆရာ ရဲ့ ဈာန်သက်ရောက်မှု ၊ ဇာတ်ကောင်ဖွဲ့စည်းမှု ၊ ဇာတ်အိမ်တည်ဆောက်မှု ၊ ဇာတ်လမ်းရဲ့ ကာလဒေသနောက်ခံ ၊ အရေးအဖွဲ့ပိုင်း အစချီပြီး ဝတ္ထုရှည်ကောင်းတို့မှာ ပါဝင်ရမယ့် အချက်အားလုံးပါဝင်တဲ့ “ သူငယ်ချင်းလို့ပဲ ဆက်၍ခေါ်မည် ခိုင် ” စာအုပ်လေးဟာဆိုရင် မြန်မာ့ဂန္ထဝင် ဝတ္ထုရှည်များထဲက တစ်အုပ် ဖြစ်လာခဲ့ပါတယ် ။ ဒီစာအုပ်လေးကို ဖတ်ရှုမိသူတိုင်းက
– ခိုင့်အတွက် အသည်းနင့်ကြတယ် ။
– မောင့်အတွက် ရင်ဆို့ကြတယ် ။
– ငြိမ်းမောင်အတွက် ငိုမိကြတယ် ။
– လှိုင့်အတွက် ကြေကွဲကြတယ် ။
ဒါတွေတင်မက သန်လျင်မြို့မှာ ခိုင်နဲ့ မောင်တို့ ကျခဲ့တဲ့ ချောက်ကြီးကို တကူးတက လာရောက်ကြည့်ကြတယ်။ ခိုင်နဲ့ မောင်တို့ရဲ့ နေအိမ်တွေက ဘယ်အိမ်တွေလဲ ဆိုပြီး အငြင်းပွားရာက စာရေးဆရာဆီကို လာမေးကြတဲ့အထိ ခိုင်ဟာ စာဖတ်ပရိသတ်ရဲ့ ရင်ထဲကို ရောက်ရှိခဲ့ပါသည် ။ ထိုအချိန်က စာအုပ်တွေထဲမှာ စွယ်တော်ရွက်ကလေးတွေ မှတ်မှတ်ရရ ညှပ်ကြတာက ခေတ်တစ်ခေတ်ရဲ့ လူငယ်တွေကြား ရေပန်းစားခဲ့တဲ့ Trend တစ်ခု ဖြစ်ခဲ့ပါသေးတယ် ။
#သူငယ်ချင်းလို့ပဲဆက်၍ခေါ်မည်ခိုင်
#တက္ကသိုလ်ဘုန်းနိုင်
