Win Mobile World မှ

ဒီနေ့ (၉၊ ၈၊ ၂၀၂၄) ရက်နေ့ Update စျေးနှုန်းလေးတွေ ဖြစ်ပါတယ်ရှင်။ စျေးနှုန်းတွေက အချိန်နှင့်အမျှ အပြောင်းအလဲ ရှိနေပြီး၊ ဆိုင်ခွဲအလိုက် ပစ္စည်းအနည်းအများတိုပေါ်မူတည်၍ ပစ္စည်းရနိုင်မှု၊ အရောင် အပြောင်းအလဲများ ရှိနိုင်တာမို မဝယ်ယူခင် နောက်ဆုံးအနေနဲ့ ဝယ်ယူလိုတဲ့ဆိုင်ခွဲအလိုက်ကို ပစ္စည်းရနိုင်/မရနိင်ကို ဖုန်းလေးနဲ့ဆက်သွယ်မေးမြန်းပေးဖို အထူးပဲ မေတ္တာရပ်ခံပါတယ်ရှင်။
■ WMW HOTLINE - 09 885 900 800, 09 443 222 888, 09 785 222 888
Win Mobile World (Myaynikone Branch)
09 885 900 100
09 783 400 700
.
Win Mobile World (Myanmar Plaza Branch)
09 885 900 200
09 45 222 888 6
09 45 222 888 7
.
Win Mobile World (City Mall St. John Branch)
09 885 900 300
09 969 796 021
09 969 796 022
.
Win Mobile World (Terminal-M Branch)
09 885 900 400
09 784 500 800
.
Win Mobile World (Times City Branch)
09 885 900 500
09 783 700 500
.
Win Mobile World (Citymall Shwe Pinlon Branch)
09 885 900 600
09 963 200 600
Win Mobile World မှ

HONDA FIT အကြောင်းသိကောင်းစရာ

Honda Fit ဟာ 2001 ခုနှစ်မှာ စတင်ထုတ်လုပ်ခဲ့တာဖြစ်ပြီး ယခုဆိုရင် သက်တမ်းအားဖြင့် နှစ်(၂၀)တိုင်ခဲ့ပြီဖြစ်သလို Generation (၃) ဆက်အထိ ပြောင်းလဲခဲ့ပြီး ဖြစ်ပါတယ်.။ ကမ္ဘာအနှံကို တင်ပို့ရောင်းချခဲ့တဲ့ Honda Fit ကားတွေဟာ Honda Jazz အနေနဲ့လဲ ဈေးကွက်တင်ခဲ့ပြီး နိုင်ငံ (၈) နိုင်ငံမှာ ရှိတဲ့ စက်ရုံ (၁ဝ) ရုံမှ ထုတ်လုပ်တာဖြစ်ပါတယ်.။ တံခါး (၅) ပေါက် Hatchback ကားအမျိုးအစားဖြစ်ပြီး ရှေ့အင်ဂျင်၊ ရှေ့ယက်အမျိုးအစား ကားတစ်စီးဖြစ်ပါတယ်.။

Honda ဟာ Fit Hybrid အမျိုးအစားကိုလဲ ထုတ်လုပ်ခဲ့ပြီး ဂျပန်နိုင်ငံမှာ 2010 နဲ့ ဥရောပမှာ 2011 ခုနှစ်မှာ ဈေးကွက်တင်ခဲ့ပါတယ်.။ Honda Fit EV လို့ခေါ်တဲ့ လျှပ်စစ်ကားတစ်မျိုးကိုလဲ အရေအတွက်အကန့်အသတ်နဲ့ ထုတ်လုပ်ခဲ့ဖူးပြီး အမေရိကန်နဲ့ ဂျပန်တို့မှာ 2012 ခုနှစ်မှာ ဈေးကွက်တင်ခဲ့ပါတယ်.။ အမည်နှစ်မျိုးအနက် "Jazz" ဆိုတဲ့အမည်ကို ဥရောပ၊ သမုဒ္ဒရာပိုင်းဒေသ၊ အရှေ့အလယ်ပိုင်း၊ အာဖရိက၊ သြစတေးလျနဲ့ အာရှအချို့ဒေသတွေမှာ အသုံးပြုခဲ့ပြီး "Fit" အမည်ကိုတော့ ဂျပန်၊ အမေရိကန်နဲ့ တရုတ်တို့မှာ အသုံးပြုခဲ့တာဖြစ်ပါတယ်.။ ကျွန်တော်တို့နိုင်ငံမှာတော့ ဂျပန်မှကားများကို အများဆုံးတင်သွင်းတဲ့အတွက် "Fit" အမည်နဲ့ ကားတွေပဲ တွေ့ရတာဖြစ်ပါတယ်.။

Honda Fit ရဲ့ Generation (၃) ဆက်အနက် 1stGeneration ကို 2001 မှ 2008 အထိ ထုတ်လုပ်ခဲ့ပါတယ်.။ ဂျပန်နိုင်ငံအတွက် ထုတ်လုပ်တဲ့ 1st Gen Honda Fit တွေဟာ 1.3 i-DSI နဲ့ 1.5 VTEC အင်ဂျင် အမျိုးအစား (၂) မျိုးနဲ့ ရရှိနိုင်ပါတယ်.။ ဒီကားတွေကို ဈေးကွက်မှာ chassis code GD1 ကို အစွဲပြုပြီး GD1 လို့ခေါ်ကြပါတယ်.။ GD1 တွေမှာ 4WD တွေ၊ ဂီယာ (၅) ချက် Manual တွေ အစရှိသဖြင့် အခွဲငယ်များ မျိုးစုံရှိပါတယ်.။ Original TV နဲ့ Navigation တွေကတော့ ထပ်တိုးပြီး ဝယ်လို့ရတဲ့ Optional တွေ ဖြစ်ပါတယ်.။

2nd Generaion Honda Fit တွေကိုတော့ 2007 မှာ စတင်ပြသခဲ့ပြီး Car of the Year Japan ဆု ရရှိခဲ့ပါတယ်.။ ဒီကားတွေကိုတော့ Chassis Code GE6 ကိုအစွဲပြုပြီး GE6 လို့ ခေါ်ကြပါတယ်.။ အင်ဂျင် (၂) မျိုးနဲ့ ရရှိနိုင်ပြီး 1.3 L အင်ဂျင်ဟာ မြင်းကောင်ရေ 98 ကောင်အား ထုတ်လုပ်ပေးနိုင်ပြီး 1.5 L အင်ဂျင်ကတော့ 117 ကောင်အားအထိ ရရှိနိုင်ပါတယ်.။ ဂီယာ (၅) ချက် Manual, ဂီယာ (၅) ချက် Auto (4WD) နဲ့ CVT Transmission တွေ ရရှိနိုင်ပါတယ်.။

GE6 ကို အကြမ်းအားဖြင့် Modification / Grade ခွဲချင်တယ်ဆို G, G F package, L package ဆိုပြီး (၃)မျိုးခွဲခြားလို့ ရပါတယ်.။ G Grade မှာ မှန်ကာလာမပါခြင်း၊ ဘေးမှန်မှာ မီးတန်းမပါခြင်း၊ မှန်ချိုးမှန်ခေါက် မရခြင်း စတဲ့အချက်တွေ ရှိပါတယ်.။ GF ကတော့ G ထက် အနည်းငယ် Grade ပိုမြင့်ပြီး G မှာ မပါဝင်တဲ့ အချက်တွေ ပါဝင်လာမှာဖြစ်ပါတယ်.။ အမြင့်ဆုံး L Package မှာတော့ Button Type နဲ့ Digital Aircon ဖြစ်ပါတယ်.။ GE6 ရဲ့ ၂ဝ၁ဝ ခုနှစ် ၁ဝ လပိုင်းနောက်ပိုင်း ထုတ်လုပ်တဲ့ကားတွေမှာ ရှေ့ဘန်ဘာနဲ့ နောက်မီးခွက်ဒီဇိုင်း ကွဲပြားသွားပါတယ်.။ ရှေ့ဘန်ဘာ ရုပ်ပြောင်းသွားပြီး နောက်မီးမှာလဲ အဖြူတစ်တန်းဖြစ်သွားပါတယ်.။

3rd Generation တွေကိုတော့ 2013 ကနေ ယနေ့အထိ ထုတ်လုပ်နေပါတယ်.။
Honda Fit မှာ အခြားမော်ဒယ်များအဖြစ် ပိုပြီးကြီးတဲ့ Fit Shuttle နဲ့ ဆီစားသက်သာတဲ့ Hybrid ကားတွေလဲ ရှိပါသေးတယ်။

အားလုံးပဲ မင်္ဂလာ နံနက်ခင်းပါ။

Hi

အွန်လိုင်းတွင် ပစ္စည်းများကို ဈေးလျှော့ရောင်းပြီး လာယူရန် ချိန်းဆိုကာ လုယက်ခြင်းများ အဖြစ်များလာ

၂၀၂၄၊ သြဂုတ် ၀၈

အွန်လိုင်းပေါ်တွင် ပစ္စည်းများကို ဈေးလျှော့ရောင်းပြီး လာယူရန်အတွက် ချိန်းဆိုပြီးနောက် လုယက်သည့်ဖြစ်စဉ်များ ယခုနောက်ပိုင်းတွင် ပိုမိုများပြားလာခဲ့ကြောင်း ကိုယ်တိုင်ကြုံတွေ့ခဲ့ရသူများထံမှ သိရသည်။

ယခုလို အွန်လိုင်းပေါ်မှတစ်ဆင့် လူသုံးကုန်ပစ္စည်းများအပါအဝင် တခြားအသုံးအဆောင်ပစ္စည်းများကို ဈေးနှုန်းလျှော့ချ၍ ရောင်းချပြီး အပြင်မှာ ကိုယ်တိုင်လာယူရန် ချိန်းဆိုပြီးနောက် ပစ္စည်းလာယူကြသူများကို အုပ်စုဖွဲ့ကာ လုယက်သည့် ဖြစ်စဉ်များ ကြုံတွေ့လာရခြင်းဖြစ်ကြောင်း သိရသည်။

“တစ်လောက လိုင်းပေါ်မှာပေါ့နော် ဆုံလည်ထိုင်ခုံလေးတွေ သင်တန်းတစ်ခုပိတ်လိုက်လို့ အသုံးမလိုတော့လို့ ပြန်ရောင်းမယ်ဆိုပြီး တင်ထားတာ တွေ့လိုက်ရတယ်၊ ဈေးကလည်း အရမ်းတန်နေတော့ ဝယ်မယ်ဆိုပြီး ကိုယ့်အိမ်နားက အသိတစ်ယောက် ကားကို အကူအညီတောင်းပြီး သွားယူတာ၊ သူတို့ချိန်းတဲ့နားရောက်ခါနီး ဖုန်းဆက်ကြည့်တော့ ကားက လမ်းထဲဝင်မရဘူးပေါ့နော်၊ လမ်းမကောင်းတဲ့အတွက် လူပဲလာခဲ့ပြီး ပစ္စည်းလာကြည့်ဖို့ပြောတယ်၊ ပစ္စည်းကြိုက်ရင် သူတို့လည်း ကူပြီးတင်ပေးမယ်ပေါ့နော်၊ အိမ်နားက ကားသမားကို လမ်းထိပ်မှာထားခဲ့ပြီး သူပြောတဲ့ လမ်းထဲ လမ်းလျှောက်ပြီး ဝင်သွားလိုက်တာ လမ်းအလယ်လောက်ရောက်တော့ လူသုံးယောက် သစ်ပင်အကွယ်ကနေ ထွက်လာပြီး ဓားနဲ့ထောက်ပြီး ပါတာတွေပေးဖို့ ပြောတယ်၊ ကျွန်တော်လည်း ဖုန်းနဲ့ ပိုက်ဆံတွေ ပါတာအကုန် ပေးလိုက်တော့ ဆိုင်ကယ်နဲ့မောင်းပြီး ပြေးသွားတယ်၊ လူကိုတော့ ဘာမှမလုပ်သွားဘူး” ဟု ကိုယ်တိုင်ကြုံတွေ့ခဲ့ရသူတစ်ဦးက ပြောသည်။

ယခုလို အွန်လိုင်းပေါ်မှ ပစ္စည်းများကို ဈေးလျှော့ပြီး ရောင်းချကာ လုယက်သည့် ဖြစ်စဉ်များမှာ မကြာခဏဖြစ်ပွားလာခြင်းကြောင့် ပစ္စည်းဝယ်ယူသူများမှာ တစ်ယောက်တည်းသွားရောက်ပြီး ပစ္စည်းဝယ်ယူခြင်းထက် အဖော်ခေါ်၍ သွားရောက်ခြင်းကသာ ပို၍လုံခြုံနိုင်မည်ဖြစ်ကြောင်း တစ်ပတ်ရစ်ပစ္စည်းများ ရောင်းချသူတစ်ဦးက ပြောသည်။

“တချို့ပစ္စည်းအဟောင်းတွေကလည်း Delivery နဲ့ ပို့လို့ကလည်း မရနိုင်ဘူးလေ၊ ပစ္စည်းကောင်း၊ မကောင်းဆိုတာ ကိုယ်တိုင်သွားကြည့်ပြီးဝယ်ရတာ၊ အဲတော့ တချို့ပစ္စည်းတွေဆို ဈေးအရမ်းတန်နေရင် သတိထားရတယ်၊ ဒီဈေးနဲ့ရောင်းတာ ဖြစ်နိုင်ပါ့မလားပေါ့၊ နောက်ပြီးပစ္စည်းဝယ်ဖို့သွားရင်လည်း အဖော်နဲ့သွားမှ စိတ်ချရမယ်၊ မဟုတ်ရင် လုယက်တာတွေဖြစ်နိုင်သလို အသက်အန္တရာယ်အတွက်လည်း စိုးရိမ် ရတယ်” ဟု တစ်ပတ်ရစ်ပစ္စည်းများ ဝယ်ရောင်းလုပ်သူတစ်ဦးက ပြောသည်။

လက်ရှိတွင် ကုန်ဈေးနှုန်းများအဆမတန်မြင့်တက်လာခြင်း၊ အလုပ်အကိုင်ရှားပါးခြင်းနှင့် စားဝတ်နေရေး ခက်ခဲလာခြင်းတို့ကြောင့် အုပ်စုဖွဲ့ကာလုယက်ခြင်း၊ ဓားထောက်လုယက်ခြင်းတို့အပြင် မသမာသည့် နည်းလမ်းပေါင်းစုံဖြင့် အသက်မွေးဝမ်းကျောင်းပြုသူများ ပိုမိုများပြားလာခဲ့ကြောင်း သိရသည်။

ရန်ကုန်၊ ဇော်မင်း

မေတ္တာအားပြိုင်မည့် ဇာတ်လမ်းတွဲ ယခုလအတွင်း ရိုက်ကူးမည်

၂၀၂၄၊ သြဂုတ် ၀၈

ချစ်ခြင်းမေတ္တာများ အားပြိုင်ကြမည့် “သုံးလွန်းတင်ပျို့” ဟုအမည်ရသော ဇာတ်လမ်းတွဲကို ယခုလအတွင်း ရိုက်ကူးသွားမည်ဖြစ်ကြောင်း Mahar Entertainment မှ သိရသည်။

အဆိုပါဇာတ်လမ်းတွဲမှာ Mahar Entertainment ၏ Original Series လည်းဖြစ်ပြီး အပိုင်း ၂၀ ပါဝင်မည်ဖြစ်သလို ယခုလအတွင်း ရိုက်ကူးသွားမည်ဟု သိရသည်။ထိုဇာတ်လမ်းတွဲကို ဝတ္ထု သျှင်မ၊ ဇာတ်ညွှန်း ညမွှေးပန်းနှင့် ငွေစင်သွန်းတို့က ရေးသားပြီး ဒါရိုက်တာ ကြည်ဖြူသျှင်မှ ရိုက်ကူးသွားမည့် အချစ်ဇာတ်လမ်းလည်းဖြစ်ကြောင်း၊ သရုပ်ဆောင်များအဖြစ် ချမ်းမင်းရဲထွဋ်၊ ပိုးမမှီသာ၊ ဆုပန်ထွာ၊ ဖူးစုံ၊ မင်းအာကာ၊ မိုးပွင့်ဖြူ၊ Kai ၊ အောင်လွင်မိုး၊ မြတ်သူရိန်ကျော်၊ တာတာ၊ မေသွယ်၊ မြတ်အမရာ စသည့် သရုပ်ဆောင်များ ပါဝင်ထားကြသည်။

“ကျွန်မနဲ့ မဟာရဲ့ ပထမဆုံး ဇာတ်လမ်းတွဲပါ” ဟုလည်း ဒါရိုက်တာ ကြည်ဖြူသျှင်မှ ဆိုထားသည်။

ထိုဇာတ်ကားအတွင်းပါဝင်မည့် သရုပ်ဆောင် ဆုပန်ထွာကလည်း “ကျွန်မ ဒေါ်မင်းမာလာ မိန်းမသုံးယောက်အားပြိုင်မှုလေး အကောင်းဆုံးဖြစ်အောင် ကြိုးစားပါ့မယ်ရှင့်” ဟုလည်း ယင်းဇာတ်လမ်းတွဲနှင့်ပတ်သက်၍ လူမှုကွန်ရက်တွင် ပရိသတ်များကို အသိပေးထားလျက်ရှိသည်။

ထိုဇာတ်လမ်းတွဲနှင့်ပတ်သက်သည့် ကန်တော့ပွဲပေးသော အခမ်းအနားတစ်ရပ်ကို သြဂုတ် ၆ ရက် နံနက်ပိုင်းက ရန်ကုန်မြို့၊ ဒဂုံမြို့နယ်က အိမ်တော်ရာစေတီ၌ ကျင်းပခဲ့ကြသလို ဇာတ်လမ်းတွဲ ရိုက်ကူးပြီးသည့်အခါ Mahar Application တွင် ထုတ်လွှင့်ပြသသွားမည်ဟုလည်း သိရသည်။

ရန်ကုန်၊ ဇော်မင်း
Photo : Mahar Entertainment

ဒေါ်လာ ၄၄ သန်းကျော်နှင့် ကျပ်သန်း ၅၇,၀၀၀ ကျော် တန်ဖိုးရှိ လုပ်ငန်းငါးခု မြှုပ်နှံခွင့်ပြု

၂၀၂၄၊ သြဂုတ် ၀၈

ရင်းနှီးမြှုပ်နှံမှုတန်ဖိုး ဒေါ်လာ ၄၄ သန်းကျော်နှင့် ကျပ်သန်း ၅၇,၀၀၀ ကျော်တန်ဖိုးရှိ လုပ်ငန်းငါးခုကို မြှုပ်နှံလုပ်ကိုင်ခွင့်ပြုကြောင်း မြန်မာနိုင်ငံ ရင်းနှီးမြှုပ်နှံမှု ကော်မရှင်မှ သိရသည်။

မြန်မာနိုင်ငံ ရင်းနှီးမြှုပ်နှံမှု ကော်မရှင်၏ (၇/၂၀၂၄) ကြိမ်မြောက် အစည်းအဝေးကို နေပြည်တော်၌ ကျင်းပခဲ့ရာ စက်မှုကဏ္ဍ၊ ဝန်ဆောင်မှုကဏ္ဍ၊ အိမ်ရာအဆောက်အအုံ တည်ဆောက်ဖွံ့ဖြိုးမှု ကဏ္ဍတို့မှ ဝင်ရောက်မြှုပ်နှံမည့် အဆိုပါလုပ်ငန်းငါးခုကို ခွင့်ပြုလိုက်ခြင်းလည်းဖြစ်သည်။

ယခု ၂၀၂၄ ခုနှစ်အတွင်း မြန်မာနိုင်ငံတွင် ရင်းနှီးမြှုပ်နှံထားသည့် နိုင်ငံနှင့် ဒေသများမှာ ၅၃ ခုရှိပြီး စင်ကာပူ၊ တရုတ်နှင့် ထိုင်းတို့မှ အများဆုံးရင်းနှီးမြှုပ်နှံမှုပြုလုပ်ထားကြကြောင်း၊ ရင်းနှီးမြှုပ်နှံနိုင်မည့် စီးပွားရေးကဏ္ဍ ၁၂ ခုအနက် စွမ်းအင်ကဏ္ဍတွင် နိုင်ငံခြားရင်းနှီးမြှုပ်နှံမှု အများဆုံးဝင်ရောက်ထားပြီး စုစုပေါင်းရင်းနှီးမြှုပ်နှံမှု၏ ၂၈ ဒသမ ၄၅ ရာခိုင်နှုန်းရှိကြောင်း၊ ရေနံနှင့် သဘာဝဓာတ်ငွေ့ကဏ္ဍတွင် ၂၄ ဒသမ ၄၁ ရာခိုင်နှုန်းနှင့် ကုန်ထုတ်လုပ်မှုကဏ္ဍတွင် ၁၄ ဒသမ ၄၅ ရာခိုင်နှုန်းအထိ ရင်းနှီးမြှုပ်နှံမှုရှိကြောင်း သိရသည်။

ရန်ကုန်၊ ဇော်မင်း

😝😝

ရန်ကုန် အိမ်ခြံမြေစျေးကွက် အဝယ်ပါးသဖြင့် စျေးအနည်းငယ်ချရောင်းမှုရှိလာ

၂၀၂၄၊ သြဂုတ် ၀၆

ဒေါ်လာစျေးနှင့် ရွှေစျေး မြင့်တက်လာမှုကြောင့် စျေးဆွဲတင်ကာ ရောင်းချလာသည့် ရန်ကုန်အိမ်ခြံမြေနှင့် တိုက်ခန်းစျေးမှာ ထင်သလို အဝယ်မလိုက်သဖြင့် ဝယ်ရောင်းလုပ်သူများ ကိုင်ထားသည့် အိမ်ခြံမြေနှင့် တိုက်ခန်းစျေးကို အနည်းငယ်ချကာ တွန်းရောင်းလာနေကြောင်း စျေးကွက်စောင့်ကြည့်နေသူတစ်ဦးက ဆိုသည်။

“လကုန်ခါနီးတုန်းက နှစ်သောင်းတန်ထွက်မယ် ဘာမယ်နဲ့ဆိုပြီး သာကေတက ဒါဘာအခန်း ၁၆ ပေ ၅၅ ပေကို တစ်ထောင်အထိ ခေါ်ထားတာ တွေ့တယ်။လှိုင်မှာလည်း မြေညီထပ်ကို နှစ်ထောင့်နှစ်ရာဆိုပြီး ခေါ်တာ။ရွှေပြည်သာဘက်မှာ အိမ်မဲကြီးဘက်မှာ မြေကြီးသက်သက် ပေ ၂၀ ပေ ၆၀ ထောင့်ကွက်ကို နှစ်ထောင်ကျော် ခေါ်တာ။ကျနော်က စျေးမေးတော့ အဲဒီစျေးတွေ။ကျနော်လည်း မတတ်နိုင်လို့ ငါးရာတန် မြေနဲ့ အိမ်ရှာပြီး ဝယ်တာ ရွှေပြည်သာ သံဒင်းဘက်မှာ ရတယ်။မနေ့က အဲဒီစျေးခေါ်တဲ့ ဝယ်ရောင်းက ညီလေး စျေးတွေကျနေပြီ။စိတ်ဝင်စားလား လှမ်းမေးတယ်” ဟု မကြာခင်က အိမ်ဝယ်ခဲ့သူတစ်ဦးက ဆိုသည်။

လက်ရှိတွင် ခွင့်ပြုချက်မဲ့ ဆောက်လုပ်မှုများ ရန်ကုန်တစ်ဝန်းရှိနေပြီး အများစုမှာ လူနေထိုင်နေသော်လည်း နေထိုင်ခွင့်မကျသေးသလို စျေးမှာလည်း မြှင့်ခေါ်ထားသဖြင့် အခန်းလွတ်များစွာရှိနေရာ အရစ်ကျစနစ်ဖြင့် ရောင်းချမှုများကို တွေ့လာနေရကြောင်း သိရသည်။

“ငွေပေါ်အောင် မြေကွက်မှာ ကန်ထရိုက်ပေးလိုက်တာ။ဘုတ်စိမ်းကျတဲ့အထိ မစောင့်ဘဲ ဒဏ်ကြေးနဲ့ဆောက်မယ်ဆိုပြီး ဆောက်တာ။အခုပြီးတော့ ပြီးတော့ မီတာက အရင်တစ်လုံးပဲရတယ်။ကျန်အခန်းတွေအတွက် မရဘူး။ဂျိုးဖြူရေကလည်း မရဘူး။အခန်းက ကိုယ်ရောင်းမယ်ဆိုမှ အဝယ်က လာကြည့်ပေမယ့် စာရွက်စာတမ်းမစုံ ခွင့်ပြုချက်မပါတော့ အင်တင်တင်နဲ့။ဒီအတိုင်းနေတာမှ ကောင်းသေးတယ်။အခု ဒဏ်ကြေးက ဆောင်ရရင် မနည်းဘူးဆိုတော့။အဲဒီအတွက် ကိုယ်ရတဲ့အခန်းတွေ အတင်းတွန်းရောင်းနေရတယ်” ဟု ကန်ထရိုက်ပေးသည် မြေရှင်တစ်ဦးက ဆိုသည်။

ရန်ကုန်၊ ဇော်မင်း