ရုပ်ရှင် ချစ်သူများ အတွက် ယခုလ အသစ်ထွက်ရှိသော ရုပ်ရှင်
Mothers' Instinct
Anne Hathaway, Jessica Chastain, Josh Charles, Anders Danielsen Lie, Caroline Lagerfelt, Lauren Yaffe, Steve Routman, Alexander Blaise, Baylen D. Bielitz, Keeley Miller
Release Date
2 August 2024
Drama, Thriller
Director Benoît Delhomme
Users Rating
(4.5/5)

Official Trailer

ရွေးကောက်ပွဲမတိုင်ခင် အမေရိကန်အရာရှိကို ပစ်မှတ်ထားတဲ့ အီရန်ရဲ့ ဆိုက်ဘာတိုက်ခိုက်မှု Microsoft အစီရင်ခံ

အီရန်ရဲ့ အစ္စလာမစ်တော်လှန်ရေးအစောင့်တပ်က ဦးဆောင်တဲ့ အဖွဲ့တစ်ဖွဲ့ဟာ အမေရိကန်သမ္မတရွေးကောက်ပွဲ မဲဆွယ်မှုဆိုင်ရာ အဆင့်မြင့်အရာရှိတစ်ဦးကို ပစ်မှတ်ထားပြီး ဇွန်လမှာ ဆိုက်ဘာတိုက်ခိုက်မှုကို စတင်ခဲ့တယ်လို့ Microsoft က ပြောပါတယ်။

အဲဒီနည်းပညာကုမ္ပဏီကြီးဟာ ကမ္ဘာတစ်ဝန်း ရွေးကောက်ပွဲတွေအပေါ် သြဇာလွှမ်းမိုးဖို့ လုပ်ဆောင်ချက်တွေနဲ့ပတ်သက်ပြီး ခြေရာခံတဲ့အဖွဲ့တစ်ဖွဲ့ရဲ့ အစီရင်ခံစာတစ်စောင်ကို သောကြာနေ့မှာ ထုတ်ပြန်ခဲ့ပါတယ်။ အမေရိကန် ရွေးကောက်ပွဲကို ထိခိုက်စေဖို့ အီရန်ဟာ အွန်လိုင်းလှုပ်ရှားမှုကို ဆက်လက်လုပ်ဆောင်လိမ့်မယ်လို့ မျှော်လင့်ရကြောင်း အဲဒီထဲမှာ ဆိုထားပါတယ်။

တော်လှန်ရေးအစောင့်တပ်ရဲ့ ထောက်လှမ်းရေးဌာနဟာ အဲဒီအရာရှိဆီကို သတင်းအချက်အလက်စုဆောင်းဖို့ ရည်ရွယ်ပြီး spear phishing အီးမေးလ်ကို တရားဝင်ပေးပို့ခဲ့တယ်လို့ အစီရင်ခံစာမှာ ဖော်ပြထားပါတယ်။

နောက်အီရန်အုပ်စုတစ်စုဟာ နိုင်ငံရေးသဘောထားအရ ဆန့်ကျင်ဘက်မှာရှိတဲ့ အမေရိကန်မဲဆန္ဒရှင်အုပ်စုတွေကို ပစ်မှတ်ထားတဲ့ လျှို့ဝှက်သတင်း ဝက်ဘ်ဆိုက်ကို ထောင်ခဲ့တယ်လို့ ဆိုပါတယ်။

အဲဒီအစီရင်ခံစာမှာ အီရန်က လုပ်ဆောင်သူတွေဟာ လူမျိုးရေး တင်းမာမှု၊ စီးပွားရေး ကွာဟချက်နဲ့ ကျား-မဆိုင်ရာ ပြဿနာတွေလို အမေရိကန်နိုင်ငံထဲမှာ ရှိနေတဲ့ သဘောထားကွဲလွဲမှုတွေကို မီးထိုးပေးဖို့ သူတို့ရဲ့ ကြိုးပမ်းအားထုတ်မှုတွေကို အရှိန်မြှင့်တင်ရင်း တစ်ချိန်တည်းမှာ အဖွဲ့အစည်းတွေနဲ့ ကိုယ်စားလှယ်လောင်းတွေအပေါ် ဆိုက်ဘာတိုက်ခိုက်မှုတွေကို အသုံးချလိမ့်မယ်လို့ မျှော်လင့်ရကြောင်း ဖော်ပြထားပါတယ်။

အမေရိကန်သမ္မတရွေးကောက်ပွဲဟာ အီရန်က ဝင်ရောက်စွက်ဖက်မှာ မဟုတ်တဲ့ ပြည်တွင်းရေးကိစ္စ တစ်ခုဖြစ်တယ်လို့ နယူးယောက်မြို့မှာရှိတဲ့ ကုလသမဂ္ဂဆိုင်ရာ အီရန်ကိုယ်စားလှယ်အဖွဲ့က ပြောခဲ့တယ်လို့ ရိုက်တာ သတင်းအေဂျင်စီက ဆိုပါတယ်။

ပြင်းထန်တဲ့ အပူပိုင်းမုန်တိုင်း Maria တနင်္လာနေ့မှာ ဂျပန် ကုန်းတွင်းပိုင်းကို ဝင်ရောက်ဖွယ်ရှိ

ပြင်းထန်တဲ့ အပူပိုင်းမုန်တိုင်း Maria ဟာ ဂျပန်နိုင်ငံ မြောက်ပိုင်းကို ချဉ်းကပ်လာပြီး တနင်္လာနေ့ဝန်းကျင်မှာ ကုန်းတွင်းပိုင်းကို ဝင်ရောက်နိုင်တယ်လို့ ခန့်မှန်းရပါတယ်။

Maria မုန်တိုင်းဟာ ဂျပန်နိုင်ငံအရှေ့ဘက်က ရေပြင်မှာ မြောက်ဘက်ကိုဦးတည် ရွေ့လျားနေတယ်လို့ မိုးလေဝသအေဂျင်စီက ပြောပါတယ်။ ဒီမုန်တိုင်းဟာ ပိုပြီးအားကောင်းလာရင်း အနောက်ဘက်ကို လမ်းကြောင်းပြောင်း ရွေ့လျားကာ တနင်္လာနေ့မှာ ဂျပန်နိုင်ငံမြောက်ပိုင်းနဲ့ အတော်နီးကပ်လာမယ်လို့ ခန့်မှန်းရပါတယ်။

တနင်္ဂနွေနေ့မှာ ဂျပန်နိုင်ငံမြောက်ပိုင်းမှာ မိုးထစ်ချုန်းပြီး မိုးပြတ်တောင်း ရွာမယ်လို့ ခန့်မှန်းရပါတယ်။

Tohoku ဒေသမှာ တနင်္ဂနွေနေ့ မွန်းတည့်ချိန်အထိ ၂၄ နာရီအတွင်း မိုးရေချိန် ၁၂၀ မီလီမီတာအထိ ရွာနိုင်ပြီး အဲဒီနောက် တနင်္လာနေ့ မွန်းတည့်ချိန်အထိ ၂၄ နာရီအတွင်း ၃၀၀ မီလီမီတာ ရွာသွန်းနိုင်ဖွယ်ရှိပါတယ်။

အင်္ဂါနေ့မွန်းတည့်ချိန်အထိ ၂၄ နာရီအတွင်း ၁၅၀ မီလီမီတာ မိုးရွာသွန်းမယ်လို့ မျှော်လင့်ရပါတယ်။ အဲဒီဒေသရဲ့ ပစိဖိတ်သမုဒ္ဒရာဘက်ခြမ်းမှာ စုစုပေါင်းမိုးရေချိန်ဟာ သြဂုတ်လတစ်လတာ ပျမ်းမျှပမာဏကို ကျော်လွန်နိုင်ပါတယ်။

အထူးသဖြင့် ဂျပန်နိုင်ငံမြောက်ပိုင်းမှာ တနင်္လာနေ့ကျရင် လေပြင်းတွေ တိုက်ခတ်နိုင်ပါတယ်။

လေပြင်းတိုက်နှုန်းဟာ Tohoku ဒေသမှာ အမြင့်ဆုံး တစ်နာရီကို ၁၂၆ ကီလိုမီတာ၊ ဟော့ကိုင်းဒိုးမှာ တစ်နာရီကို ကီလိုမီတာ ၉၀ ရှိနိုင်ပါတယ်။

Tohoku ဒေသမှာ ပင်လယ်ပြင်အနေအထားတွေ ပြင်းထန်နိုင်ပြီး အမြင့်ဆုံး ၇ မီတာအထိ လှိုင်းကြီးနိုင်တယ်လို့ ခန့်မှန်းရပါတယ်။

မြေပြိုမှု၊ မြေနိမ့်ပိုင်းဒေသတွေမှာ ရေကြီးမှု၊ မြစ်ရေလျှံမှု၊ လေပြင်းတိုက်မှုနှင့် လှိုင်းကြီးမှုတွေ ဖြစ်ပေါ်နိုင်တယ်လို့ မိုးလေဝသတာဝန်ရှိသူတွေက သတိပေးထားပါတယ်။

သြစတြေးလျတွင် ဒေါ်လာ ၄ သိန်းတန် ဘလူးဝီးဒင်္ဂါးပြားများ ခိုးယူခံရ

သြစတြေးလျနိုင်ငံက နာမည်ကြီး ကလေးရုပ်မြင်သံကြားအစီအစဉ် ဘလူးဝီး အထိမ်းအမှတ် ဩစတြေးလျဒေါ်လာ ၆ သိန်းကျော် (အမေရိကန်ဒေါ်လာ ၄ သိန်းနီးပါး) တန်ဖိုးရှိတဲ့ ဒင်္ဂါးပြားတွေကို ခိုးယူမှုနဲ့ ဖမ်းဆီးခံရတဲ့ သြစတြေးလျ အမျိုးသားတဦးကို သြဂုတ် ၇ ရက်မှာ ရုံးထုတ်ဖို့ စီစဉ်ထားတယ်လို့ ရဲတပ်ဖွဲ့က ပြောပါတယ်။

သြစတြေးလျ ဒင်္ဂါးသွန်းစက်ရုံက ထုတ်လုပ်တဲ့ ဒင်္ဂါးတွေဟာ တဒေါ်လာတန် ဩစတြေးလျဒင်္ဂါးနဲ့ ဆင်တူပုံမျိုးဖြစ်ပြီး တရားဝင်တင်ဒါရရှိမှာ ဖြစ်ပါတယ်။

ဘလူးဝီးဒင်္ဂါး ခိုးယူခံရမှုကို စုံစမ်းစစ်ဆေးဖို့ အပြင်းစား ဓားပြမှုဆိုင်ရာ မှုခင်းတပ်ဖွဲ့ဟာ Strike Force Bandit အထူးတပ်ဖွဲ့ကို ဖွဲ့စည်းခဲ့ပါတယ်။

ဆစ်ဒနီမြို့ ဆင်ခြေဖုံးရှိ ဝက်သရင်းလ် ပန်းခြံထဲရှိ ဂိုဒေါင်တခုထဲမှာ မထုတ်ဝေရသေးတဲ့ တဒေါ်လာတန် ဘလူးဝီး ဒင်္ဂါးပြားပေါင်း ၆၃,၀၀၀ ကို သိုလှောင်သိမ်းဆည်းထားတာဖြစ်ပြီး အသက် ၄၇ နှစ်အရွယ် အမျိုးသားဟာဇွန်လတုန်းက ခိုးယူခဲ့တယ်လို့ စွပ်စွဲခံထားရပါတယ်။ သူတို့ဟာ အွန်လိုင်းမှာ အပေါ်ယံတန်ဖိုး ၁၀ ဆနဲ့ ရောင်းချနေတယ်လို့ ရဲတွေက ပြောပါတယ်။

ဘလူးဝီးရှိုးက အရမ်းနာမည်ကြီးပြီး ဒီဒင်္ဂါးပြားတွေ ခိုးယူခံလိုက်ရတာကြောင့် ကလေးတွေလက်ထဲ ဒီဒင်္ဂါးပြားတွေကို ပြန်လည်ရယူပြီး လည်ပတ်ဖို့အတွက် အတတ်နိုင်ဆုံး လုပ်ဆောင်နေပါတယ်လို့ နယူးဆောက်သ်ဝေးလ်စ် ရဲတပ်ဖွဲ့ စုံစမ်းစစ်ဆေးရေးမှူး ဂျိုးဆက်ဖ် ဒိုးဟီးက ပြောပါတယ်။

“တရားဝင် အကြွေစေ့ရောင်းချသူဆီကနေတဆင့် အကြွေစေ့တွေကို တွေ့လိုက်ရတဲ့အချိန်က တကယ့်ကို အံ့ဩစရာအခိုက်အတန့် ဖြစ်သွားခဲ့ပြီး အောင်မြင်ခဲ့ပါတယ်” လို့လည်း ရဲစုံထောက်ကြီး ဒိုးဟီးက ပြောပါတယ်။

ဒီကိစ္စကို ထုတ်လုပ်သူတွေက ဇာတ်လမ်းတွဲထဲ ထည့်ရိုက်ရင်တောင် အဆင်ပြေမှာပဲလို့လည်း ဆိုပါတယ်။

အမေရိကန်ပြည်ထောင်စုမှာ မနှစ်က လူကြည့်အများဆုံး ရုပ်သံအစီအစဉ်တွေထဲက တခုဖြစ်တဲ့ ဘလူးဝီး ရှိုးဟာ ကလေးတွေအတွက် ပစ်မှတ်ထားတဲ့ သြစတြေးလျ ကာတွန်းရှိုးဖြစ်ပြီး အရွယ်ရောက်ပြီးသူတိုင်း နှစ်သက်ကြပါတယ်။

ရုပ်ရှင်ခြေရာခံဝက်ဘ်ဆိုက် IMDB.com အရ တချိန်လုံး အဆင့် ၁၄ ရရှိတဲ့ Rating အမြင့်ဆုံးရှိုးပွဲဖြစ်ကြောင်း သိရပါတယ်။

Source-Reuters

အမေရိကန်အာကာသယာဉ်မှူး ၂ ဦး အာကာသထဲတွင် ၂၀၂၅ အထိ နေရမည်

အမေရိကန်အာကသယာဉ်မှူး ၂ ဦးဟာ အာကသထဲမှာ ၂ လကြာ ရောက်ရှိနေပြီး ၂၀၂၅ ခုနှစ်အထိ ဆက်နေရဖွယ်ရှိပါတယ်။

ဇွန် ၅ ရက်က နိုင်ငံတကာအာကာသစခန်းကို ထွက်ခွါခဲ့တဲ့ ၈ ရက်ကြာခရီးစဉ်မှာ အာကာသယာဉ်မှူး ၂ ဦးဟာ ၂ လကြာ အာကာသထဲမှာ သောင်တင်နေတာပါ။

အမျိုးသား ၁ ဦးနဲ့ အမျိုးသမီး ၁ ဦးတို့ဟာ တနွေလုံး အာကာသထဲမှာ ဖြတ်သန်းခဲ့ရပြီး ခရစ္စမတ်ကာလနဲ့ နှစ်သစ်ကူးချိန်ပါ အာကာသထဲမှာ ဖြတ်သန်းရမယ့် အနေအထား ဖြစ်နေပါတယ်။

အာကာသထဲ စမ်းသပ်သွားရောက်မှုမှာ အသက် ၆၁ နှစ်အရွယ်ရှိ ဝီလ်မိုးနဲ့ အသက် ၅၈ နှစ်အရွယ်ရှိ ဝီလျံတို့ဟာ ဘိုးရင်းစတားလိုင်နာ အာကာသယာဉ်နဲ့ နိုင်ငံတကာ အာကာသစခန်းကို ထွက်ခွါခဲ့တာ ဖြစ်ပါတယ်။

ဒါဟာ လူတွေလိုက်ပါဖို့ ဒီဇိုင်းထုတ်ထားတဲ့ အာကာသယာဉ်အသစ်ရဲ့ စွမ်းဆောင်မှုတွေကို စမ်းသပ်တဲ့ ပထမဆုံးပျံသန်းမှု ဖြစ်ပါတယ်။

ဒါပေမဲ့ ပြဿနာက တွန်းကန်တဲ့စနစ်နဲ့ ဒုံးအငယ်စားတချို့ဟာ သုံးမရဘဲ ပိတ်နေတာကြောင့် သူတို့ ၂ ဦးဟာ စတားလိုင်နာ မြေပေါ်ကို ပြန်ဆင်းသက်မယ့် ၂၀၂၅ ခုနှစ်ရောက်မှာ ကမ္ဘာမြေပေါ် ပြန်ရောက်ဖွယ် ရှိပါတယ်။

နာဆာကတော့ အဲဒီကိစ္စနဲ့ပတ်သက်ပြီး ဗုဒ္ဓဟူးနေ့က ထုတ်ဖော် ပြောဆိုထားပါတယ်။

“ကျနော်တို့ အဓိကရည်ရွယ်ချက်က စတားလိုင်နာပေါ် သူတို့ ၂ ယောက် ပြန်ရောက်ဖို့ပါ။ ဒါပေမဲ့ ကျနော်တို့ အခြားအခွင့်အလမ်းတွေ ပွင့်သွားအောင်လည်း အစီအစဉ်တွေ သေချာပြုလုပ်နေပါတယ်” လို့ နာဆာမန်နေဂျာတဦးဖြစ်တဲ့ စတင့်က ပြောပါတယ်။

ဘိုရင်းစတားလိုင်နာဟာ ၂၀၂၅ ခုနှစ်မှာ ကမ္ဘာမြေကို ပြန်လည်ဆင်းသက်ဖွယ် ရှိတဲ့အကြောင်း နာဆာက ထုတ်ဖော်ပြောဆိုထားတာ ဖြစ်ပါတယ်။

Source-Reuters

၃၂ နှစ်တာအတွင်း ပထမဆုံးအကြိမ် ပါကစ္စတန်အသင်း အိုလံပစ်ဆုတံဆိပ်ရရှိ

ပါကစ္စတန်အသင်းက လှံတံပစ်ပြိုင်ပွဲရဲ့ ရွှေဆုကို ရရှိခဲ့တာကြောင့် ၃၂ နှစ်တာအတွင်း ပထမဆုံးအကြိမ် အောင်မြင်မှု ပြန်ရလာခဲ့ပါတယ်။

ဒီလှံတံပစ်ပြိုင်ပွဲမှာ ပါကစ္စတန်ကစားသမား နာဒင်းဟာ ၉၂ ဒသမ ၉၇ မီတာအထိ ရောက်အောင်ပစ်နိုင်ခဲ့ပြီး အိုလံပစ်စံချိန်နဲ့အတူ ရွှေတံဆိပ်ပါ အရယူနိုင်ခဲ့ပါတယ်။

ဒီစံချိန်ဟာ ၂၀၂၄ ခုနှစ် အတွင်း အကောင်းဆုံး စံချိန်တခုလည်း ဖြစ်ခဲ့ပါတယ်။ လက်ရှိရွှေတံဆိပ်ဆုရှင် အိန္ဒိယနိုင်ငံသား ချောပရာကိုနာဒင်းက ကျော်ဖြတ်ပြီး အောင်မြင်မှုရအောင် စွမ်းဆောင်နိုင်ခဲ့တာပါ။

၁၉၉၂ ခုနှစ် အိုလံပစ်ပြိုင်ပွဲမှာ ပါကစ္စတန် ဟော်ကီအသင်းက အိုလံပစ်ကြေးတံဆိပ် ရရှိခဲ့ပြီးနောက်ပိုင်း ဆုတံဆိပ်ရယူနိုင်ခြင်းမရှိတော့ဘဲ ၃၂ နှစ်အထိ ကြာမြင့်ခဲ့ပါတယ်။

အရှေ့တောင်အာရှမှာလည်း နာဒင်းဟာ မီတာ-၉၀ အထိရောက်အောင် ပစ်နိုင်တဲ့ ပထမဆုံးကစားသမား ဖြစ်လာခဲ့ပါတယ်။

ဒါ့အပြင် နာဒင်းဟာ ၂၀၂၃-ကမ္ဘာ့ချန်ပီယံရှစ် ပြိုင်ပွဲမှာပါ ငွေတံဆိပ်ရရှိခဲ့ဖူးပြီး ပါကစ္စတန်နိုင်ငံအတွက် ကမ္ဘာ့အဆင့်ဆုတံဆိပ်ရရှိအောင် စွမ်းအောင်ပေးနိုင်ခဲ့ပါတယ်။

ပါရီအိုလံပစ်အားကစားနည်း ၃ မျိုးမှာ ပါကစ္စတန်အသင်း ကစားသမား ၇ ဦး ပါဝင်ယှဉ်ပြိုင်နေတာ ဖြစ်ပါတယ်။
Source-Reuters

Lady Gaga က ၂၀၂၄ ပဲရစ် အိုလံပစ်ပွဲတော် ဖွင့်ပွဲမှာ "My Feather Thing" လို့ အဓိပ္ပါယ်ရတဲ့ ၁၉၆၀ တုန်းက ကျော်ကြားခဲ့တဲ့ ပြင်သစ် သီချင်း Mon Truc en Plumes နဲ့ ဖျော်ဖြေခဲ့ပါတယ်။

အိုလံပစ်မှာရွှေတံဆိပ်ဆွတ်ခူးရင်ဘယ်လောက်ရမလဲ။
ပဲရစ် ၂၀၂၄ အိုလံပစ်မှာ အားကစား အမျိုးအစားပေါင်း ၃၂ မျိုးရှိတဲ့အနက် ဆုကြေးပေးတဲ့ အားကစားက ၂ မျိုးထဲသာပါ၊ ပြေးခုန်ပစ်နဲ့ လက်ဝှေ့ပါ။

အပြည့်အစုံဖတ်ရန်
https://www.bbc.com/burmese/articles/cx2yy4v8pj6o

ကြီးကောင်ကြီးမားနဲ့နို့မပြက်သေးဘူး

အသဲကြော်ပဲလှော်လေးတွေ