#တရုတ် နဂါး နှစ် မှာ ကံကောင်းအောင် လုပ်ဆောင်ကြစို့။
ဒီနှစ်က တော့ Year Of Wooden Dagon ! လို့ ခေါ်ကြတဲ့ သစ်သား နဂါး နှစ်ပါ။
တရုတ်ရိုးရာ ဆိုတာကလည်း နှစ်ပေါင်း ထောင်ချီ ရှိနေတာပါ။ တရုတ် နိုင်ငံရဲ့ အောင်မြင်မှုကိုလည်း လူတိုင်းသိမှာပါ။
ဆိုလိုတာက သူတို့ နည်းလမ်းများ ကို သုံးကြည့်လို့တော့ အရှုံးမရှိဘူးလို့ ထင်ပါတယ်။
ခက်ခဲ တာ တွေ မသုံးဘဲ လွယ်ကူပြီး ဘာသာမရွေး ဆောင်ရွက်နိုင် တဲ့ အချက် နှစ်ချက်ကိုသာ ရွေးချယ်ပေးလိုက်ပါတယ်။
* တရုတ်နဂါး ရုပ်ကလေးတခုကို သင့်အိမ်ရဲ့ အရှေ့တောင် အရပ်မှာ ထားလိုက်ပါ။
ဘယ်လိုနဂါး လဲ ဘာအရောင်လဲ ဘာဆိုဒ်လည်း လိုက်မေးမနေပါနဲ့။ ဆိုင်ကိုဘဲသွား၀ယ်၀ယ် အွန်လိုင်းကဘဲ ၀ယ်၀ယ် နဂါးရုပ်လေး တွေကို လိုက်ကြည့်ပါ။
သင့်စိတ်ထဲ သဘောကျတာလေး တွေ့ရင် ၀ယ်လာခဲ့လိုက်ပါ။ ဘယ်နေ့ဘယ်အချိန်မဆို အဆင်ပြေတဲ့ နေ့ အဆင်ပြေတဲ့ အချိန်သာ ထားလိုက်ပါ။
နဂါးရဲ စောင့်ရှောက်မှုကြောင့် သင့်အိမ်ဂေဟာ က တိုးတက် လာမယ် ချမ်းသာ ကြွယ်၀ လာမယ်လို့ ဆိုကြပါတယ်။
* ဒုတိယ နည်းက တော့ နဂါးနှစ်မှာ ကံကောင်းစေမဲ့ အရောင်များကို အသုံးချခြင်းဖြင့် သင့်ကံဇာတာ များလည်း တက်လာမယ် လို့ ဆိုပါတယ်။
ဖုန်းဆွေ ဆရာကြီးများ အဆိုအရတော့ မြစိမ်းရောင် ၊ အနီရင့် နဲ့ ရွှေရောင် သို့မဟုတ် ငွေရောင်များကို သုံးခြင်း ဖြင့် သင့်ကံဇာတာများ တက်လာမယ် ကံကောင်းစေမယ် လို့ဆိုပါတယ်။
- ဒီအရောင်တွေကို ၀တ်ဆင် တာ တင်မဟုတ်ပါ။ သင့်အိမ် ရုံး ဆိုင်ခန်းတွင်းမှာ လိုက်ကာ၊ခန်းစီး၊ အသုံးအဆောင် တွေ အဖြစ်လည်းသုံးနိုင်ပါတယ်။
- တကယ်တော့ ကံကောင်းစေမဲ့ အရောင်တွေက ဝါစိမ်းနီသာ ဖြစ်တဲ့အတွက် ဘုရားပန်းအိုးဘဲ ထိုးထိုး ၊ ခေတ်မှီသူများ အတွက်ကတော့ အိမ်ဧည့်ခန်းမှာ ပန်းအိုး ထိုးမယ် ဆိုရင် ပန်းအိုးအနီမှာ အဝါရောင်ပန်း နဲ့ အစိမ်းရောင်သစ်ရွက်ပါတာမျိုး , အဝါရောင်ပန်းအိုး နဲ့ အနီရောင်ပန်းနဲ့ သစ်ရွက်စိမ်းဆိုတာ မျိုး တွေ သုံးသွားရင်လည်း ဝါစိမ်းနီ သုံးရောင်လုံး သင့်အိမ်မှာ ရှိနေမယ် ကံကောင်းနေစေမှာပါ။
လက်၀တ်ရတနာ များ သို့မဟုတ် ဖန်စီ များမှာလည်း ဒီအရောင်တွေ သုံးပြီး၀တ်ဆင် ခြင်း ဖြင့် သင့်ထံသို့ ပိုမို ကံကောင်ခြင်း တွေ ရောက်ရှိလာမှာပါ။
အရောင်တွေက ဆောင်ကျဉ်းပေးမယ့် ကံကောင်းခြင်း တွေကိုလည်း ရေးပေးလိုက်ပါတယ်။
၁။ Emerald green မြစိမ်းရောင် ။
သင့်ရဲ့ ဂုဏ်ကျက်သရေကို တိုးစေမယ် ကံကောင်ခြင်းတွေ နဲ့ အောင်မြင်ခြင်း တွေကို သယ်ဆောင်လာပေးပါလိမ့်မယ်။
အလုပ်နဲ့ ဆိုင်တဲ့ နေရာ တွေမှာ သုံးသင့်ပါတယ်။ ဉပမာ အလုပ်သွားရင် ကိုင်တဲ့ အိတ်တို့ အလုပ်သွားရင် ၀တ်နေကျ အပေါ်ကုဒ်၊ ထီး ၊ ဉီးထုတ် တို့ကိုလည်း အစိမ်းများများ ပါတာ ရွေး၀ယ်သင့်ပါတယ်။
၂။ Deep Red အနီရင့်။
အနီရင့်ရောင်ကို အသုံးချ ခြင်းဖြင့် လုပ်ငန်း များ အောင်မြင်ခြင်း ။
ခေါင်းဆောင်မှုစွမ်းရည် တိုးတက်လာခြင်း နဲ့ အတူ အနီရင့်ရောင် ၀တ်ဆင် ထားရင် လူတွေ နဲ့ ဆွေ့ဆုံတဲ့ အခါ လူကြားထဲမှာ သင်ဟာ ပေါ်လွင်ထင်ရှားပြီး ဆွဲဆောင်မှုတွေ မြင့်မားလာပါလိမ့်မယ်။
၃၊။ ရွှေရောင် နဲ့ ငွေရောင် ။
ဉာဏ်ရည်များ မြင့်တက်လာခြင်း တည်ထွင်နိုင်စွမ်းများ တိုးပွားလာစေ နိုင်ပါတယ်။ ကလေးများ အတွက် အသုံးအဆောင်များ နဲ့ ပညာရေး ဆိုင်ရာများ မှာ အသုံးချသင့်ပါတယ်။
မိတ်ဆွေအားလုံး ကံကောင်းပျော်ရွှင် နိုင်ကြပါစေ။
ချစ်ခြင်း မေတ္တာဖြင့်။
Myat H.K. Munthe မြတ်မွန်သာ။
