ကျောက်စိမ်းဧကရာဇ်ပင်
===================
- Zanzibar Gem
- အိမ်တွင်းစိုက် လေသန့်ပင်ထဲမှာပါဝင်တဲ့
ကျောက်စိမ်းဧကရာဇ်ပင်ရဲ့ ရုက္ခအမည်မှာ
( Zamioculcas Zamiifolia ) ဖြစ်ပြီးတော့
( Araceae ) မျိုးရင်းဖြစ်ပါတယ် ...
- သူဟာ အမြင့် ( 3 ) ပေခန့်အထိမြင့်နိုင်သော
အလှစိုက်ပင်မျိုးဖြစ်ပြီး ၊ မူရင်းဒေသကတော့
အာဖရိက ဖြစ်ပါတယ် ...
- ဒီအပင်ဟာ မြန်မာနိုင်ငံသို့ ( 1998 ) ခုနှစ်မှာ ထိုင်ဝမ်နိုင်ငံမှ စတင်ရောက်ရှိလာခဲ့ပြီး အစပိုင်းတွင် ကျောက်စိမ်းဂမုန်းပင်လို့ ခေါ်ခဲ့ကြပါတယ် ...
- အဲ့ဒီနောက် ( 2000 ) ခုနှစ်ခန့်ကစတင်ပြီး အပင်တင်သွင်းခဲ့သူက ကျောက်စိမ်းဧကရာဇ် ဟု အမည်မှည့်ခေါ်ခဲ့ပါတယ်....
- သူဟာ မိုးခေါင်သည့်ဒဏ်ကို ခံနိုင်ရည်ရှိပါတယ်
- မြေအောက်တွင် အာလူးကဲ့သို့ အရည်ရွှမ်းသည့် ဥ ရှိပြီး ထိုဥမှနေ၍ ဗေဒါရိုးကဲ့သို့ ရိုးတန်များထွက်လာကာ ထိုရိုးတန်များပေါ်တွင် အစိမ်းရောင်တောက်ပသော အရွက်များက စီတန်းစွာတည်ရှိပါတယ် ...
- ပန်းပွင့်မှာ ဂမုန်းပွင့် ၊ ပိန်းပန်းပွင့်နှင့် ဆင်တူပြီး ပွင့်ခဲလှပါတယ် ... ပန်းပွင့်လျှင် ၊ အရွက်များက အစိမ်းရောင်တောက်ပနေလျှင် လာဘ်ကောင်းသည် ၊ ငွေဝင်သည်ဟု ယုံကြည်ကြပါတယ် ...
- ဒါ့ကြောင့် ကျောက်စိမ်းဧကရာဇ်ပင်ကို ရုံခန်း ၊ စျေးဆိုင် ၊ ဧည့်ခန်း ၊ စားပွဲများပေါ်တွင် အလှထားလေ့ရှိကြပါတယ်....
- နေပူတွင် ထားနိုင်သလို အခန်းတွင်းမှာလည်း ကြာရှည်စွာ ထားနိုင်ပြီး အခန်းတွင်းထားလျှင် တစ်ပတ်ကို ရေ နှစ်ကြိမ်မျှသာ လောင်းရန်လိုအပ်ပါတယ် ...
- ရေများလျှင် အပင်ပုပ်၍ သေတတ်ပါတယ်
- ကျောက်စိမ်းဧကရာဇ်ပင်ဟာ စပျိုးသည့်နေ့မှစ၍ ထိုအတက်ကလေး ( 6 ) လက္မခန့် အမြင့်ရောက်ရန်အချိန်ဟာ တစ်နှစ်ခန့်ကြာမြင့်ပါတယ် ...
- သတိထားရမယ့်အချက်က ဒီအပင်ရဲ့
အစိတ်အပိုင်း တစ်ခုခုကို စားမိက
အဆိပ်သင့်နိုင်ပြီး သူ့အစေးဟာ မျက်လုံးကဲ့သို့
နုညံ့သည့် အရေပါး များကို ရောင်ရမ်းစေနိုင်ပါတယ် ...
| #ကျောက်စိမ်းဧကရာဇ်
#ကျောက်စိမ်းဂမုန်း | #ကျောက်စိမ်းဧကရီ
