Deli ခဈေးစစ်နေသော cusများကိုမင်မင်မှနိပ်စက်နေပုံ🤭🌝

ရခိုင်ဒေသခံ နှစ်သန်းကျော် အငတ်ဘေးဆိုက်ဖွယ်ရှိဟု ကုလသတိပေး

နိုဝင်ဘာ ၈၊ နိုင်ငံတကာ။

မြန်မာနိုင်ငံမှာ ၂၀၂၃- ၂၄ အချက်အလက် ကောက်ယူမှုတွေအရ ရခိုင်ပြည်နယ်ရဲ့ စီးပွါးရေးဟာ လည်ပတ်မှု လုံးဝ မရှိသလောက်နီးပါး ဖြစ်နေတာကြောင့် ဒေသခံ ၂ သန်းကျော် အငတ်ဘေးဆိုက်မယ့် အန္တရာယ် ရှိနေတယ်လို့ ကုလသမဂ္ဂ အတွင်းရေးမှူးချုပ်ရုံး လက်ထောက်ပြောခွင့်ရ Stephanie Tremblay က နယူးယောက်မြို့ ကုလရုံးချုပ် သတင်းစာရှင်းလင်းပွဲမှာ ပြောပါတယ်။

ဒါဟာ ကုလသမဂ္ဂ ဖွံဖြိုးရေးအစီအစဉ် UNDP ရဲ့ နောက်ဆုံးထုတ်ပြန်တဲ့ ဆန်းစစ်ချက်ဖြစ်ပြီး၊ ရခိုင်ပြည်နယ်တွင်း ပဋိပက္ခတွေနဲ့ ပတ်သက်လို့ အထူးပြု ဖေါ်ပြထားတာပါ။

ရခိုင်ပြည်နယ်ထဲမှာ ကုန်သွယ်ရေး၊ စိုက်ပျိုးရေးနဲ့ ဆောက်လုပ်ရေးလို အဓိက ကဏ္ဍကြီးတွေဟာ ရပ်ဆိုင်းနေပါတယ်။ ပြည်ပပို့ကုန်ပေါ် မူတည်ပြီး လည်ပတ် လှုပ်ရှားမှုတွေကလည်း ဈေးကွက်တွေ အပိတ်ခံထားရတာကြောင့် ပျောက်ကွယ်ကုန်တဲ့အပြင် ဘိလပ်မြေဈေးတွေ မြင့်မားလာပြီး တင်ပို့မှုလည်း မရှိတဲ့အတွက် ဆောက်လုပ်ရေးလုပ်ငန်းတွေလည်း ရပ်ဆိုင်းနေခဲ့ရတယ်လို့ ပြောပါတယ်။

ဒါကြောင့် ရခိုင်ပြည်နယ်မှာ ၂၀၂၅ မတ်လ- ဧပြီ လလောက်မှာဆို အငတ်ဘေးကြုံလာမယ့် အန္တရာယ် ရင်ဆိုင်နေရပြီး ဒေသတွင်း စားနပ်ရိက္ခာ ထုတ်လုပ်မှုကလည်း နေထိုင်သူဦးရေရဲ့ ၂၀ ရာခိုင်နှုန်းလောက် အတွက်ပဲ ဖူလုံဖို့ ရှိတယ်လို့ တွက်ချက်ထားတာပါ။

မျိုးစပါးနဲ့ ဓါတ်မြေသြဇာ မလုံလောက်မှုတွေ၊ ရာသီဥတုဆိုးဝါး ပြင်းထန်မှုတွေအပြင် အိုးအိမ်စွန့်ခွါ ထွက်ပြေးရသူ တိုးလာတာကြောင့် စပါးစိုက်ပျိုးမှုမှာလည်း သိသိသာသာ ကျဆင်းလာနေတာ ဖြစ်ပါတယ်။

ကုလသမဂ္ဂ UNDP အဖွဲ့ကတော့ ရခိုင်ပြည်နယ်တွင်း ကုန်စည်စီးဆင်းမှု မပြတ်အောင် ကန့်သတ်ချက်အားလုံးကို ဖယ်ရှားပေးဖို့၊ အကူညီပေးရေး အဖွဲ့အစည်းတွေကို သွားရောက်ခွင့်ပေးပြီး မပိတ်ပင်ဖို့ တောင်းဆိုလိုက်ပါတယ်။ ဒါ့အပြင် ဒီဒေသတွင်း အငတ်ဘေး မကြုံရအောင် စိုက်ပျိုးရေးကဏ္ဍနဲ့ ဈေးကွက်ပြန်ရှင်သန်လာစေမယ့် လုပ်ငန်းတွေလုပ်ဖို့ အရေးပေါ် ရံပုံငွေ လိုအပ်နေတယ်လို့လည်း ပြောပါတယ်

Source - VOA

#centralnewsnaypyitaw

အမေ့အိမ်မှာပဲ ဆက်ပြီးကပ်စားဖို့ ငါးနှစ်စာ စာချုပ် ချုပ်

ဝက်ဆီပြန်ဂျင်းနှပ်

ဝက်သားကို အနေတော်တုံး ဆားနဲနဲ ငံပြာရည် ခရုဆီ ပဲငံပြာရည်အကြည် အနောက်ခပ်များများ စို့ပုန်လို့ရည် ဆနွင်း ကြက်သားမူန့်တို့နဲ့နယ်ပြီးနှပ်ထားပါတယ် ငရုတ်သီး‌ခြောက်အနဲငယ် ကြက်သွန်ဖြူနီ ငပိပါရုံနဲ့ထောင်း ဂျင်းကို‌တော့အခွံမခွာပဲပါးပါးလှီးထားပါ ဆီအနေတော်သတ်ပါ ဆနွင်းမူန့်နဲနဲပြန်ထည့် ငရုတ်ထောင်းထည့်မွှေ မွှေးလာရင် နှပ်ထားတဲ့ဝက်သားထည့် ဂျင်းပြားထည့်မီးအေးအေးနဲ့ဆီပြန်‌အောင်မွှေပါ ဆီလုံးဝပြန်မှ ရေကိုဝက်သားနူးအောင်တစ်ခါထဲထည့်ပါ ဆူရင် အရသာမြည်းကြည့် ရေအလည်အလတ်ကျော်ခမ်းရင် ထမင်းပေါင်းအိုးထဲပြောင်းထည့်ခလုတ်နှိပ်ထား ရေလည်းခမ်းဆီလည်းပြန်လာရင် ခလုတ်ကိုလက်နဲ့အပေါ်တင်ပေးပြီးနှပ်ထားလိုက်ပါ စားချင်တဲ့အနေထားနူးအိပြီဆိုရင် ရပါပြီရှင်

ကျိုင်းတုံနှင့် ရေတာရှည်တို့တွင် အင်အားအနည်းငယ်ရှိ မြေငလျင်များလှုပ်ခတ်

နေပြည်တော်၊ နိုဝင်ဘာ ၈

ကျိုင်းတုံမြို့နှင့် ရေတာရှည်မြို့တို့တွင် အင်အားအနည်းငယ်ရှိ မြေငလျင်များ လှုပ်ခတ်သွားခဲ့ကြောင်း မိုးလေဝသနှင့် ဇလဗေဒညွန်ကြားမှုဦးစီးဌာနမှ သိရသည်။

နိုဝင်ဘာလ ၇ ရက်နေ့၊ ည ၁၁နာရီ အချိန်တွင် ကျိုင်းတုံမြေငလျင်စခန်းမှ အရှေ့တောင်ဘက် (၁၆)မိုင်ခန့် ကွာဝေး သော မြန်မာနိုင်ငံ ပြည်တွင်း (ကျိုင်းတုံမြို့၏ အရှေ့တောင်ဘက် (၁၅) မိုင်ခန့် အကွာ)၊ မြောက်လတ္တီတွဒ် (၂၁.၁၇) ဒီဂရီ၊ အရှေ့လောင်ဂျီတွဒ် (၉၉.၇၉)ဒီဂရီ၊ အနက် (၂၇)ကီလိုမီတာကို ဗဟိုပြု၍ အင်အားရစ်(ခ်) တာစကေး (၄.၂)အဆင့်ရှိ အင်အားအနည်းငယ်ရှိသော မြေငလျင်တစ်ခု လှုပ်ခတ်သွား ကြောင်း သိရသည်။

နိုဝင်ဘာလ ၈ ရက်နေ့၊ နံနက် (၀၀)နာရီ၊ (၃၃)မိနစ်၊ (၁၂) စက္ကန့် အချိန်တွင် တောင်ငူမြေငလျင်စခန်းမှ အနောက်မြောက်ဘက် (၁၀)မိုင်ခန့် ကွာဝေးသော မြန်မာ နိုင်ငံ ပြည်တွင်း (ရေတာရှည်မြို့၏ တောင်ဘက် (၈) မိုင်ခန့် အကွာ)၊ မြောက်လတ္တီတွဒ် (၁၉.၀၃) ဒီဂရီ၊ အရှေ့လောင်ဂျီတွဒ် (၉၆.၃၄)ဒီဂရီ၊ အနက် (၃၃) ကီလိုမီတာကို ဗဟိုပြု၍ အင်အားရစ်(ခ်) တာစကေး (၃.၁)အဆင့်ရှိ အင်အားအနည်းငယ်ရှိသော မြေငလျင် တစ်ခု လှုပ်ခတ်သွားကြောင်း သိရသည်။

Credit - News Vision Media

#သတင်းဟင်းလေးအိုးကြီး

ရပ်ထားတဲ့ (၆)ဘီးကားကို မီနီအိုးဝေ ဝင်တိုက် (၂) ဦး ဒဏ်ရာရ

နိုဝင်ဘာ ၈

ရပ်ထားတဲ့ (၆)ဘီးကားကို မီနီအိုးဝေက အရှိန်မထိန်းနိုင်ပဲ ဝင်တိုက်ရာ (၂)ဦး ထိခိုက်ဒဏ်ရာရရှိမှု ဖြစ်ပွားခဲ့တယ် လို့ သိရပါတယ်။

ဖြစ်စဉ်ကတော့ နိုဝင်ဘာ (၇) ရက်နေ့ ည (၁၁)နာရီ ခွဲလောက်က ရန်ကုန်တိုင်း၊ တိုက်ကြီးမြို့နယ်၊ တာဂွ ကျေးရွာမှာ ဖြစ်ပွားခဲ့တာလို့ သိရပါတယ်။

မီနီအိုးဝေဟာ အရှိန်မထိန်းနိုင်ပဲ (၆)ဘီးကားရဲ့ ဖင်နောက်ပိုင်းကို ဝင်တိုက်မိပြီး မီနီအိုးဝေယာဉ်မောင်းနဲ့လိုက်ပါ လာသူ တို့ (၂) ဦး ထိခိုက်ဒဏ်ရာရရှိမှုတွေ ဖြစ်ပွားခဲ့တယ်လို့ တိုက်ကြီးမြို့နယ် မီးသတ်စခန်းကနေ သိရပါတယ်။

ယာဉ်တိုက်မှုကို မီးသတ်စခန်းက တပ်ဖွဲ့ဝင်တွေနဲ့ လူမှုကူညီရေး အသင်းဝင်တွေက ကူညီကယ်ဆယ်ပေးခဲ့ပြီး ပရဟိတ အသင်းတွေက ထိခိုက်ဒဏ်ရာရရှိသူ (၂)ဦးကို မြို့နယ် ပြည်သူ့ ‌ဆေးရုံသို့ ပို့ဆောင်ပေးထားခဲ့တယ်လို့ သိရပါတယ်။

#centralnewsnaypyitaw

PAOK နဲ့ ပွဲမှာ အနိုင်ဂိုးသွင်းယူခဲ့တဲ့ အာမတ်ကို နစ္စတယ်ရွိုင်း ချီးကျူး

နိုဝင်ဘာ ၈၊ အားကစား။

PAOK အသင်းကို ၂ ဂိုး-ဂိုးမရှိနဲ့ အနိုင်ရခဲ့တဲ့ ယူရိုပါလိဂ်ပွဲစဉ်မှာ ယူနိုက်တက်အသင်းအတွက် အနိုင်ဂိုး ၂ ဂိုး စလုံးသွင်းယူခဲ့တဲ့ တောင်ပံကစားသမား အာမတ်ကို ယာယီနည်းပြ နစ္စတယ်ရွိုင်းက ချီးကျူးဂုဏ်ပြုခဲ့ပါတယ်။

နစ္စတယ်ရွိုင်းက “အာမတ်ဟာ သွင်းဂိုးတွေနဲ့ ဒီပွဲမှာ ခြားနားမှုဖြစ်အောင်လုပ်ခဲ့သလို အလွန်ထက်မြက်ပါတယ်။ သူ့အတွက် အလွန်ကောင်းမွန်တဲ့ပွဲပါ။ ကျနော်တို့ဟာ ဒီပွဲမှာ ပထမပိုင်းမကောင်းခဲ့ပေမယ့် ဒုတိယပိုင်းမှာတော့ ပိုပြီးကောင်းမွန်ခဲ့ပါတယ်။ အာမတ်ဟာ လေ့ကျင့်ရေးကွင်းမှာ မယုံနိုင်လောက်အောင် လုပ်ဆောင်နိုင်တဲ့သူဖြစ်ပြီး အမြဲတမ်းကောင်းမွန်စွာလေ့ကျင့်နေပါတယ်။ ဒါ့အပြင် သူဟာ ဒီထက်ပိုပြီးလုပ်ဆောင်ဖို့ တောင်းဆိုနေတာပါ”လို့ TNT Sports ကို ပြောခဲ့တာပါ။

ယူနိုက်တက်အသင်းဟာ PAOK အသင်းကို အနိုင်ရရှိခဲ့တာကြောင့် ဒီရာသီ ယူရိုပါလိဂ်ပြိုင်ပွဲမှာ ပထမဆုံးနိုင်ပွဲကို ရရှိခဲ့တာဖြစ်ပါတယ်။

ယူနိုက်တက်အသင်းဟာ ပြီးခဲ့တဲ့ ယူရိုပါလိဂ်ပွဲစဉ် ၃ ပွဲစလုံးသရေကျခဲ့တာဖြစ်ပြီး ဒီနိုင်ပွဲ ကြောင့် ပွဲစဉ် ၄ ပွဲကစားအပြီးမှာ ရမှတ် ၆ မှတ်ရရှိထားတာပါ။

ဒီပွဲမှာ ယူနိုက်တက်အသင်းအတွက် ခြေစွမ်း ပြသနိုင်ခဲ့တဲ့ အာမတ်ဟာ PAOK အသင်းနဲ့ပွဲမတိုင်ခင် ပွဲထွက်လူစာရင်းနဲ့ ဝေးကွာနေခဲ့ပြီး လူစားဝင် ကစား သမားအဖြစ်သာ ပါဝင်နေရတာဖြစ်ပါတယ်။

ယူနိုက်တက်အသင်းကွင်းလယ်လူဟောင်း ပေါလ်စခိုးလ်က အာမတ်ဟာ အသင်းရဲ့ပွဲထွက်လူစာရင်းမှာ ပါဝင်ဖို့ ထိုက်တန်တယ်လို့ ပြောခဲ့ပါတယ်။

အာမတ်ဟာ ဒီပွဲမှာ ဒဏ်ရာရရှိခဲ့ပေမယ့် ဒီတစ်ပတ်ကစားမယ့် ပရီးမီးယား လိဂ်ပွဲစဉ်မှာ ပါဝင်နိုင်ဖို့ ယာယီနည်းပြ နစ္စတယ်ရွိုင်းက မျှော်လင့်နေတာပါ။

နစ္စတယ်ရွိုင်းဟာ ယူနိုက်တက် အသင်းကို ယာယီနည်းပြအဖြစ် ၃ ပွဲကိုင်တွယ်ထားပြီး ၂ ပွဲနိုင် ၁ ပွဲသရေ ရလဒ်ထွက်ပေါ်အောင် စွမ်းဆောင် ထားပါတယ်။

ယူနိုက်တက်အသင်းတိုက်စစ်မှူးဟောင်း နစ္စတယ်ရွိုင်းဟာ လာမယ့် လက်စတာအသင်းနဲ့ ပရီးမီးယားလိဂ်ပွဲစဉ်မှာ အသင်းကို ယာယီနည်းပြဘ၀ နောက်ဆုံးပွဲစဉ်အဖြစ် ကိုင်တွယ်သွားမှာပါ။

ယူနိုက်တက်ကစားသမားတွေဟာ နစ္စတယ်ရွိုင်းကို အသင်းမှာ ဆက်ပြီးရှိစေချင်နေပေမယ့် နည်းပြသစ် အာမိုရင်ရောက်ရှိလာပြီးရင်တော့ နစ္စတယ်ရွိုင်းဟာ သူ့ရဲ့အနာဂတ်ကို ဆုံးဖြတ်ဖို့ ရှိနေတာဖြစ်ပါတယ်။

Source:Goa

Credit - Central News Independece

#သတင်းဟင်းလေးအိုးကြီး

ထရမ့် အာဏာပြန်ရလာမှုကို တရုတ်ပို့ကုန်လုပ်ငန်းရှင်များ စိုးရိမ်

နိုဝင်ဘာ ၈၊ နိုင်ငံတကာ။

အမေရိကန်သမ္မတ ရွေးကောက်ပွဲတွင် သမ္မတဟောင်း ဒေါ်နယ်ထရမ့် တစ်ကျော့ပြန် အာဏာရလာမှုအပေါ် တရုတ်၏ ပို့ကုန်လုပ်ငန်းရှင်အများစုက စိုးရိမ်နေကြသည်ဟု Nikkei Asia မှ ဖော်ပြခဲ့သည်။

ယခင်ကတည်းက ရုန်းကန်နေရသည့် စီးပွားရေး အခက်အခဲအတွက် မရေရာမှုများ ပိုမိုဖြစ်စေမည်ကို တရုတ်ပို့ ကုန်လုပ်ငန်းရှင်များက စိုးရိမ်နေကြသည်။

Alexander Wang နှင့် Phillip Lim တို့ကဲ့သို့ နာမည်ကြီး အမေရိကန် အမှတ်တံဆိပ်များအတွက် လက်ကိုင်အိတ် များ တင်ပို့ပေးနေရသည့် Changshu Maydiang Leather Goods ကုမ္ပဏီ၏ မန်နေဂျာတစ်ဦးဖြစ်သူ ကက်သရင်း ယန် (Katherine Yan) က သူသည် ထရမ့် အနိုင်ရရှိမှုအပေါ် မအံ့သြကြောင်း ပြောကြားခဲ့သည်။

သို့သော် တရုတ်၏ ပို့ကုန်များအပေါ် အခွန်များတိုးမြှင့် ကောက်ခံမည်ဆိုသည့် ထရမ့်၏ အစီအစဉ်များကြောင့် ၎င်း၏ စီးပွားရေးလုပ်ငန်းအတွက် အခက်အခဲများ ဖြစ်လာလိမ့်မည်ဟု ခံစားရကြောင်း ပြောကြားခဲ့သည်။

"ကျမတို့က မတိုးသာ၊ မဆုတ်သာ အခြေအနေမှာ ပိတ်မိနေတာပါ။ အခွန်တိုးကောက်တဲ့အပေါ် လျင်မြန်စွာ တုန့်ပြန်ဆောင်ရွက်နိုင်မှာ မဟုတ်ပါဘူး"ဟု ယန်က ပြောကြားခဲ့သည်။

အမေရိကန်ဖောက်သည်များက အော်ဒါများ လျှော့ချ မှာယူနေသဖြင့် သူ့ကုမ္ပဏီ၏ ၂၀၂၄ ခုနှစ် ရောင်းအားသည် ၃၀ ရာခိုင်နှုန်း ကျဆင်းခဲ့ကြောင်း၊ ထရမ့် အစိုးရလက်ထက်တွင်လည်း နောက်ထပ် ရောင်းအားကျဆင်းမှုနှင့် ရင်ဆိုင်ရဖွယ်ရှိကြောင်း ပြောကြားခဲ့သည်။

နယ်စပ်ဖြတ်ကျော် ကုန်သွယ်ရေးများ လုပ်ကိုင်နေသည့် တရုတ်စီးပွားရေး လုပ်ငန်းအများစုသည် အမေရိကန် သမ္မတရွေးကောက်ပွဲကို အနီးကပ်စောင့်ကြည့်ခဲ့ကြသည်။

ထိုတရုတ် စီးပွားရေးလုပ်ငန်းရှင်များက တရုတ်နိုင်ငံမှ တင်ပို့ရောင်းချသည့် ကုန်စည်များအပေါ် ထရမ့်က အခွန်များတိုးမြှင့် ကောက်ခံမည့်အရေးကို စိုးရိမ်နေကြသည်။

ထရမ့်ကမူ အမေရိကန်သို့ တင်သွင်းသည့် တရုတ်ကုန်ပစ္စည်းများအပေါ် အခွန် ၆၀ ရာခိုင်နှုန်း တိုးမြှင့်ကောက်ခံ မည်ဟု ပြောကြားထားသည်။

ထရမ့်၏ ပထမသက်တမ်းကလည်း ဒေါ်လာ ၃၅၀ ဘီလျံ တန်ကြေးရှိသည့် တရုတ်ကုန်ပစ္စည်းများအပေါ် အခွန် ၇ ဒသမ ၅ ရာခိုင်နှုန်းမှ ၂၅ ရာခိုင်နှုန်း တိုးမြှင့်ကောက်ခံခဲ့သည်။

Source: Nikkei Asia

ပုံ - တရုတ်ကုန်သင်္ဘောကို ထရမ့်က ကြည့်နေစဥ်

#centralnewsnaypyitaw

မိုးအေးအေးလေးမှာ ....

ဘယ်သူနဲ့ Food Date ချင်ဆုံးလဲ ....?

မလေးရှားနိုင်ငံရောက် အထောက်အထားမဲ့မြန်မာ၃၀ ကျော်ဖမ်းဆီးခံရ

နိုဝင်ဘာ ၈၊ ရန်ကုန်။

မလေးရှားနိုင်ငံ၊ ကွာလမ်လာပူမြို့ မြန်မာတွေအများစု နေထိုင်နေတဲ့ ဘူကစ်ဘင်တန်ဆိုတဲ့ နေရာက တိုက်ခန်းတခုကို မလေးရှားအာဏာပိုင်တွေက နိုဝင်ဘာလ ၆ ရက်နေ့၊ အင်အား ၅၀ လောက်နဲ့ ဝင်ရောက်စီးနင်း ဖမ်းဆီးရာမှာ လူ ၇၀ လောက် ဖမ်းဆီးခံရပြီး ဒီထဲမှာ မြန်မာ ၃၀ ကျော် ပါဝင်တယ်လို့ မြန်မာ့အရေးလှုပ်ရှားသူတွေက ပြောပါတယ်။

မလေးရှားအာဏာပိုင်တွေဟာ နိုဝင်ဘာလ ၆ ရက်နေ့က အင်အား ၅၀ လောက်နဲ့ အော်ပရာစီ စစ်ဆင်ရေးလုပ်ပြီး ကွာလမ်လာပူမြို့၊ မြန်မာတွေ အများစုနေထိုင်နေတဲ့ ဘူကစ်ဘင်တန် ဆိုတဲ့နေရာက တိုက်ခန်းတခုကို ဝင်ရောက်စီးနင်း ဖမ်းဆီးရာမှာ တရားမဝင် အထောက်အထားမဲ့ မြန်မာ ၃၀ လောက်အဖမ်းခံရတယ်လို့ မြန်မာအရေးလှုပ်ရှားသူ ဦးစိုးထက်သိမ်းက ပြောပါတယ်။

" မြန်မာ အယောက် ၃၀ လောက်ပါသွားပါတယ် စုစုပေါင်းတော့ ဖမ်းခံရသူ ၇၀ ကျော်လောက် ရှိပါတယ်၊ ဘူကစ်ဘင်တန်ဆိုတော့ မြို့လည်ခေါင်မှာဆိုတော့ အဲဒီနေရာမှာ ယူအန်ကဒ် ကိုင်သူတွေကော အထောက်အထားမဲ့တွေကော ပတ်စပို့ ကိုင်တဲ့သူတွေကော အလွှာစုံ လူစုံ နေထိုင်ကြပါတယ်။ "

စစ်ဆေးခံရသူ ၁၅၀ လောက်ရှိပြီး ဒီထဲကမှ အထောက်အထား မရှိသူ မြန်မာ ၃၀ အပါအဝင် ဘင်္ဂလားဒေ့ရှ် နိုင်ငံသား ၂၄ ဦး၊ နီပေါနိုင်ငံသား ၈ ဦး၊ အင်ဒိုနီးရှားနိုင်ငံသား ၇ ဦး၊ ထိုင်းနဲ့ ပါကစ္စတန်မှ တဦးစီ စုစုပေါင်း ၇၁ ဦး ဖမ်းဆီးခံခဲ့ရပါတယ်။

ဖမ်ဆီးခံရသူတွေကိုတော့ မလေးရှား−လ၀က ထိန်းသိမ်းရေးစခန်းကို ပို့ဆောင်သွားမှာဖြစ်ပြီး ပြစ်ဒဏ်ကျခံပြီးရင်မြန်မာပြည်ကို ပြန်လွှဲပြောင်းလေ့ ရှိတယ်လို့လည်း ပြောပြပါတယ်။

" နီးစပ်ရာ လ၀က အကျဉ်းထောင်တွေပို့ပါတယ်။ ရဲစခန်းပို့မယ် ရဲစခန်းကနေ လ၀က ထိန်းသိမ်းရေးစခန်းကို ပို့တယ်၊ အဲဒီကနေ တရားရုံးတင်တယ် တခါတလေမှာလည်း လ၀က ထိန်းသိမ်းရေးစခန်းထဲက တရားရုံးမှာပဲတရားစီရင်တာ ရှိတယ်။ အဲဒီကနေတဆင့် UNHCR က အာမခံပေးရင် လွှတ်တာမျိုးလည်းရှိတယ်။ များသောအားဖြင့် UNHCR က အာမခံပေးလို့ မရအောင် မလေးရှားအစိုးရက ကန့်သတ်ထားတာတွေရှိတော့ အခုဆိုရင် ထောင်ဒဏ် ၃ လလောက် ကျပြီးရင်တော့ မြန်မာပြည်ကို ပြန်ပို့တာပေါ့နော်။ "

မလေးရှားနိုင်ငံမှာ အထောက်အထားမဲ့ မြန်မာတွေ အများအပြားရှိပြီး ဒီရက်ပိုင်းမှာပဲ မလေးရှားလ၀ကရဲ့ အော်ပရာစီစစ်ဆင်ရေးတွေက ဂျိုဟိုး အီပို့ ပီနန်း စတဲ့နေရာတွေမှာလည်း ဒီအပတ်အတွင်း အဖမ်းအဆီးတွေ ရှိနေတယ်လို့ မလေးရှားရောက် မြန်မာတွေက ပြောပါတယ်။

Source - VOA

#centralnewsnaypyitaw