လူမှုကွန်ရက်မှာ လူပြောများနေတဲ့ ခွေးတောင်
တရုတ်နိုင်ငံမှ တောင်တစ်လုံးဟာ ခွေးပေါက်လေးတစ်ကောင်နဲ့ အလွန်တူတာကြောင့် '' ခွေးတောင်'' ဆိုပြီး လူမှုကွန်ရက်မှာ လူသိများနေပါတယ်။ ရှန်ဟိုင်းမြို့မှာ နေထိုင်တဲ့ ဒီဇိုင်းနာ ကွေ့ချင်းရှန်ဟာ ပြီးခဲ့တဲ့ဇန်နဝါရီလက ဟူပေပြည်နယ်၊ ယီချန်းမြို့ကို တောင်တက်ခရီးသွားတုန်း ဓာတ်ပုံတွေ ရိုက်ခဲ့တာပါ။
အိမ်ပြန်ရောက်ပြီး ဓာတ်ပုံတွေ ကြည့်လိုက်ချိန်မှာတော့ ခွေးပေါက်လေးတစ်ကောင် အိပ်နေသလို ဖြစ်နေတဲ့ တောင်တစ်လုံးပုံ ပါနေမှန်း သိလိုက်ရတာပါ။
'' ဒီပုံကို တွေ့တဲ့ အရမ်းစိတ်လှုပ်ရှားပြီး ပျော်မိတယ်။ ခွေးပေါက်လေးက ရေသောက်နေသလိုလို၊ ငါးရှာနေသလိုလို ပုံစံမျိုးပါ။ ယန်ဇီမြစ်ကြီးကို ကာကွယ်ပေးနေသလို ပုံမျိုး''လို့ ကွေ့ချင်းရှန်က ဆိုပါတယ်။
ကွေ့ချင်းရှန်က လူမှုကွန်ရက်ပေါ် တင်ခဲ့ပြီးနောက်မှာတော့ ဒီတောင်က ခွေးတစ်ကောင်နဲ့ တူတယ်လို့ ပြောသူတွေရှိသလို တချို့ကလည်း မတူဘူးလို့ ငြင်းကြတာကြောင့် လူပြောများနေတာပါ။
Ref: China's 'Puppy Mountain' Looks Uncannily Like A Dog. See It For Yoursel
