Mini flower bouquet for your.🥺🫀

ဟင်းသီးဟင်းရွက်နှင့် သစ်သီးဝလံ ကုန်ပိဿာချိန် သုံးသိန်းကျော် သီရိမင်္ဂလာစျေးသို့ နေ့စဉ်ဝင်ရောက်နေ

နိုင်ငံအနှံ့ရှိ ဟင်းသီးဟင်းရွက်နှင့် သစ်သီးဝလံများ ကုန်ပိဿာချိန် သုံးသိန်းကျော် သီရိမင်္ဂလာစျေးသို့ နေ့စဉ်ဝင်ရောက်လျက်ရှိကြောင်း ရန်ကုန်မြို့တော် စည်ပင်သာ‌ယာရေးကော်မတီ၊ ဈေးများဌာနမှ သိရသည်။

သီရိမင်္ဂလာစျေးအတွင်းသို့ နိုင်ငံအနှံ့မှ ဝင်ရောက်လာခြင်းဖြစ်ပြီးကန်စွန်း၊ ချဉ်ပေါင်၊ ငရုတ် စသည့် ရာသီပေါ်ဟင်းသီးဟင်းရွက်များ၊ ပန်းမျိုးစုံ၊ မာလကာသီး၊ ထောပတ်သီး စသည့် သစ်သီး၀လံများလည်း အများဆုံး ဝင်ရောက်နေသည်ဟု ဆိုသည်။

ရန်ကုန်မြို့ စျေးများအသီးသီး၏ ဟင်းသီးဟင်းရွက် ကုန်စိမ်းသီးနှံများအတွက် အဓိကအားထားရာ စျေးဖြစ်သော သီရိမင်္ဂလာစျေးတွင် ဈေးရုံပေါင်း (၁၄) ရုံ၊ ဆိုင်ခန်းပေါင်း (၄၀ ၀၀)ကျော်ဖြင့် ရောင်းဝယ်ဖောက်ကားလျက်ရှိပြီး တစ်ရက်လျှင်ပျမ်းမျှ ဟင်းသီးဟင်းရွက်နှင့် သစ်သီး၀လံကုန်တင်ကား စီးရေ (၃၅၀)ဝန်းကျင်လောက် ဝင်ရောက်နေပြီး ကုန်ပိဿာချိန်အားဖြင့် သုံးသိန်းကျော်၊ တန်ချိန်အားဖြင့် တန် (၅၀၀၀) ကျော်လောက် ဝင်ရောက်နေခြင်း ဖြစ်ကြောင်း သိရသည်။

8 Nov 24
ယနေ့ ငွေဈေး၊ ရွှေဈေး
```````````````````````````````````

USD Buy - MMK 4,450
USD Sell - MMK 4,550
EUR Buy - MMK 4,765
EUR Sell - MMK 4,890
SGD Buy - MMK 3,355
SGD Sell - MMK 3,420
THB Buy - MMK 129.87
THB Sell - MMK 133.33
JPY Buy - MMK 28.83
JPY Sell - MMK 29.60
MYR Buy - MMK 1,005
MYR Sell - MMK 1,035
CNY Buy - MMK 615
CNY Sell - MMK 635

Gold Price
၁၅ ပဲရည် ၁ကျပ်သား - MMK 5,930,000
၁၆ ပဲရည် ၁ကျပ်သား - MMK 6,300,000

*** အထက်ပါဈေးနှုန်းများမှာ အချိန်နှင့်တပြေးညီပြောင်းလဲနိုင်ပါသည်။***
Source: Myanmar Market price application

အပေါ်အမိုးကိုင်းတပ်ဆင်ထားသည့် ဘေးတွဲများ စီမံချက်ဖြင့် ဖမ်းဆီးအရေးယူနေ

ရန်ကုန်တိုင်းမြို့အစွန်များတွင် မောင်းနှင်နေသည့် ဘေးတွဲဆိုင်ကယ်များတွင် အပေါ်အမိုးကိုင်းတပ်ဆင်ထားမှုများကို စီမံချက်များဖြင့် စတင်ဖမ်းဆီးမှုများပြုလုပ်နေကြောင်း သိရသည်။

ဘေးတွဲများအနေဖြင့် အပေါ်အမိုးကိုင်းများဖြုတ်ပြီးမှသာ မောင်းနှင်သွားလာရန်အတွက် ယခုလအတွင်း ညွှန်ကြားချက်တစ်ရပ် ထုတ်ပြန်ပြီးနောက်တွင် လိုက်နာမှုမရှိသည့်ဘေးတွဲများကို စီမံချက်ဖြင့် ယင်းကဲ့သို့ အရေးယူလုပ်ဆောင်နေခြင်းဖြစ်ကြောင်း လှိုင်သာယာမြို့နယ်အုပ်ချုပ်ရေးပိုင်းနှင့် နီးစပ်သူက ပြောသည်။

တစ်ဘက်တွင်လည်း ယင်းကဲ့သို့ အမိုးကိုင်းများ ဖြုတ်ချရခြင်းကြောင့် မိုးရွှာလျှင်ဖြစ်စေ၊ နေပူလျှင်ဖြစ်စေ စီးနင်းသူခရီးသည်များ ဒုက္ခရောက်ရကြောင်း ဘေးတွဲမောင်းနှင်သူ များကပြောသည်။

“အမိုးကိုင်းတွေ ဖြုတ်ချရတော့ ဒီနေ့ မိုးတွေရွာတော့ ကျွန်တော်တို့ရော စီးနင်းသူရော စိုရွှဲပေါ့၊ အမိုးကိုင်းတွေတပ်ပြီး ရမ်းကားမောင်းတဲ့ ဆိုင်ကယ်တွေကို အရေးယူရင်ပိုကောင်းတာပေါ့၊ အခုအကုန်ဖြုတ်ရတော့ အဆင်မပြေဘူး” ဟုဘေး တွဲဆိုင်ကယ်မောင်းနှင်သူတစ်ဦးက ဆိုသည်။

ဘေးတွဲများ အများစုသည် စည်းကမ်းမဲ့မောင်းနှင်ခြင်း၊ အမိုးကိုင်းများဖြင့် ငြိ၍ယာဉ်မတော်တဆများ ကြုံလာခြင်း၊ လမ်းကြိုလမ်းကြားများအတွင်း ဝင်ရောက်သွားလာသည့်အခါတွင် အမိုးကိုင်းနှင့်ငြိ၍ ပြဿနာများစွာဖြစ်ခြင်းများလည်း ကြုံရပြီး သက်ဆိုင်ရာထံသို့ တိုင်ကြားလာသူများလည်းရှိကြောင်း အုပ်ချုပ်ရေးပိုငိးကလည်း ပြောသည်။

ရန်ကုန်မြို့ရှိ မြို့နယ်အချို့တွင် ယခင်ကအနှေးယာဉ် (ဆိုက်ကား)များခေတ်စားခဲ့ပြီး ယခုတွင်မူ ဆိုင်ကယ်ဖြင့် ချိတ်ဆွဲတပ်ဆင်ထားသည့် ဘေးတွဲများ နေရာယူလာလျက်ရှိလာပြီ ဖြစ်သည်။

ရော်နယ်ဒို နဲ့ မက်ဆီ ဆော်ဒီလိဂ် နဲ့ အမေရိကန်လိဂ်သွင်း ဂိုးမပါ စွမ်းဆောင်းရည်
ရော်နယ်ဒို
၁၁၆၅ ပွဲကစား
၈၃၄ ဂိုးသွင်း
၂၃၇ ဂိုးဖန်တီး
မက်ဆီ
၁၀၄၂ ပွဲကစား
၈၁၆ ဂိုးသွင်း
၃၆၀ ဂိုးဖန်တီး

စစ်မှုထမ်းဖို့ ပျက်ကွက်သူတွေကို အရေးယူဖို့ ကာကွယ်ရေးဝန်ကြီးပြော

နိုဝင်ဘာ ၈၊ နေပြည်တော်။

စစ်မှုထမ်းဖို့ ဆင့်ခေါ်တဲ့နေရာမှာ အကြောင်းမဲ့ပျက်ကွက်သူတွေကို ဥပဒေနဲ့ အညီ အရေးယူဖို့ စစ်ကောင်စီကာကွယ်ရေးဝန်ကြီး ဗိုလ်ချုပ်ကြီး တင်အောင်စန်းက စစ်မှုထမ်းဆင့်ခေါ်ရေးဗဟိုအဖွဲ့ အစည်းအဝေးမှာ ပြောပါတယ်။

စစ်မှုထမ်းဖို့ စာရင်းရေးသွင်းပြီးမှ အကြောင်းမဲ့ပျက်ကွက်သူတွေ၊ ဆေးအောင်ပြီးမှ အကြောင်းမဲ့ပျက်ကွက်သူတွေနဲ့ သင်တန်းကျောင်းကိုရောက်ရှိပြီးမှ အကြောင်းမဲ့ ပျက်ကွက်သူတွေကို အရေးယူဖို့ သူကပြောတာဖြစ်ပါတယ်။

စစ်မှုထမ်းဖို့ ဆင့်ခေါ်တဲ့နေရာမှာ အောက်ခြေအဖွဲ့အစည်းတွေအနေနဲ့ ငွေကြေး ဆိုင်ရာ မသမာမှုတွေမရှိဖို့ လိုတယ်လို့လည်း စစ်မှုထမ်းဆင့်ခေါ်ရေးဗဟို ဥက္ကဋ္ဌ ဗိုလ်ချုပ်ကြီး တင်အောင်စန်း က နိုဝင်ဘာ ၇ ရက်က နေပြည်တော်မှာလုပ်ခဲ့တဲ့ အစည်းအဝေးမှာ ပြောပါတယ်။

ဒါအပြင် ပြည်သူ့စစ်မှုထမ်းဖို့ ခေါ်တဲ့နေရာမှာ အတင်းအဓမ္မဆင့်ခေါ်တဲ့ ပုံစံမျိုးမဖြစ်စေဖို့ လိုတယ်လို့လည်း ဗိုလ်ချုပ်ကြီး တင်အောင်စန်း က ပြောပါတယ်။

ဒီအစည်းအဝေးကို ညှိနှိုင်းကွပ်ကဲရေးမှူး (ကြည်း၊ရေ၊လေ) ဗိုလ်ချုပ်ကြီးမောင်မောင်အေးလည်း တက်ခဲ့ပြီး အားနည်းချက်အားသာချက်တွေကို အခြေခံပြီး လိုအပ်ချက်တွေ ဖြည့်ဖို့ ပြောပါတယ်။

စစ်မှုထမ်းခေါ်တာ အပတ်စဉ်(၆)ခုအထိ ရှိနေပြီဖြစ်ပါတယ်။

#centralnewsnaypyitaw