လူသိနည်းသေးတဲ့ Honda ကား မော်ဒယ် တချို့ရဲ့ မူလ နာမည် ဆိုလိုရင်းတွေအကြောင်း
မြန်မာနိုင်ငံမှာ အတွေ့များတဲ့ တချို့သော Honda ကားတွေရဲ့ နာမည်ဆိုလိုရင်းတွေက ဘာလဲဆိုတော့ …
ACCORD
ACCORD ဆိုတာက အင်္ဂလိပ်စကားလုံး "accord" ကနေပဲ ဆင်းသက်လာဖြစ်ပြီး လူနဲ့ကား အကြား သဟဇာတဖြစ်ဖြစ် သက်တောင့်သက်သာစွာ အဆင်ပြေပြေနိုင်တဲ့ ကားအဖြစ် ရည်ရွယ် ဖော်ညွှန်းထားတာဖြစ်ပါတယ်။ ACCORD ကားရဲ့ ပထမဦးဆုံးမော်ဒယ်ကိုတော့ 7 May 1976 မှာ စတင်ထုတ်လုပ်ခဲ့တာပါ။
CIVI
CIVI ဆိုတာကလည်း အင်္ဂလိပ်စကားလုံး "civic" ကနေ ဆင်းသက်လာတာဖြစ်ပြီး မြို့ ပြ ဒါမှဟုတ် မြို့နဲ့ သက်ဆိုင်တဲ့အရာ လို့ အဓိပွါယ်ဖွင့်ဆိုခဲ့ကြပြီး နိုင်ငံသားတွေအတွက် သေချာတီထွင်ဖန်တီးထားတဲ့ လို့လည်း ဖော်ညွှန်းခဲ့ကြပါတယ်။ CIVIC ကားရဲ့ ပထမဦးဆုံးမော်ဒယ်ကိုတော့ July 11, 1972 မှာ စတင်ထုတ်လုပ်ခဲ့တာပါ။
CIVI TYPE R မှာတော့ R ဆိုတာက "racing" ကနေ ဆင်းသက်လာတာဖြစ်ပြီး Honda ရဲ့ highest performance model, sports model နဲ့ Honda ရဲ့ sports car ဆိုတာကို ရည်ရွယ်ဖော်ညွှန်းထားတာဖြစ်ပါတယ်။
CR-V
CR-V ဆိုတာကတော့ အင်္ဂလိပ်စကားလုံး "Comfortable, Runabout, Vehicle" ကနေ ဆင်းသက်လာတာဖြစ်ပြီး CR-V ကားကို လူနေမှု ပုံစံမျိုးစုံမှာ သက်တောင့်သက်သာ ဖြစ်စေတဲ့ကား၊ ပေါ့ပေါ့ပါးပါးမောင်းနှင်နိုင်တဲ့ကား နှင့် ပျော်ရွှင်ဖွယ်မောင်းနှင်နိုင်သော ကားအဖြစ် ရည်ရွယ်ပြီး အစွဲပြု အမည်ပေးခဲ့တယ်လို့ဆိုပါတယ်။ CR-V ကားရဲ့ ပထမဦးဆုံးမော်ဒယ်ကိုတော့ October 1995 ခုနစ် ဂျပန်နိုင်ငံ မှာ စတင်ထုတ်လုပ်ခဲ့တာပါ။
INSIGHT
INSIGHT ဆိုတာကလည်း အင်္ဂလိပ်စကားလုံး "insight", ကနေ ဆင်းသက်လာတာဖြစ်ပြီး အတွင်းစိတ်သဘောသဘာဝကို ထိုးထွင်းပြီး အလိုလိုသိမြင်နိုင်တယ်လို့ သမုတ်ခဲ့ကြပါတယ်။ ကမ္ဘာပေါ်က လှုပ်ရှားမှုတွေကို ပါဝင်ပတ်သက်ပြီး အမြင်အာရုံ ဖမ်းစားနိုင်တဲ့ ကားဆိုတဲ့ အဓိပွါယ်နဲ့အတူ သဘာဝပတ်ဝန်းကျင်နဲ့ လိုက်လျောညီထွေဖြစ်စေပြီး ပျော်ရွှင်စွာမောင်းနှင်နိုင်မယ့်ကားလို့ ရည်ရွယ် ဖော်ညွှန်းထားတာဖြစ်ပါတယ်။ INSIGHT ကားရဲ့ ပထမဦးဆုံးမော်ဒယ်ကိုတော့ November 1999 မှာ စတင်ထုတ်လုပ်ခဲ့တာပါ။
မိတ်ဆွေတို့အနေနဲ့လည်း ကိုယ်သိချင်တဲ့ ကားရဲ့ ဆိုလိုရင်းတွေ ရှိခဲ့ရင် Comment မှာ ပြောခဲ့လို့ ရပါတယ်။ ထပ်မံမျှဝေပေးပါမယ်ခင်ဗျာ။
