မမဆောင်းလို ဖြစ်နေ တဲ့ ပိုစတယ်ဂလူးရဲ့ စပါး

♦️ နိုင်မလိုလိုမနိုင်မလိုလိုနဲ့ ရှုံးခဲ့တဲ့ပွဲစဉ်တွေကြောင့် ပိုစတယ်ဂလူးရဲ့ စပါးအသင်းဟာ ပရီးမီးယားလိဂ် အမှတ်ပေးဇယားရဲ့ အဆင့် ၁၁ နေရာကို ရောက်ရှိနေခဲ့ပြီဖြစ်ပါတယ်။ ဒဏ်ရာပြဿနာ နှိပ်စက်မှုတွေရှိပေမဲ့ နိုင်သင့်နိုင်ထိုက်နိုင်အပ်တဲ့ပွဲစဉ်တွေမှာ စပါးအသင်းကိုယ်တိုင် ကိုယ့်သမိုင်းကိုမရေးနိုင်ခဲ့တယ်လို့ဆိုရမှာပါ။ခြေစွမ်းက မြင့်ပြီဆို မိုး ဆိုးပြီးဆို ဂျိုး ဖြစ်တဲ့အထိ ခြေစွမ်းမငြိမ်တာပါ။ ဒါက အကြီးမားဆုံးပြဿနာဖြစ်ပြီး စပါးကို ဇယားအောက်ပိုင်းကို ဆွဲချနေတဲ့အချက်ဖြစ်ပါတယ်။ တိုက်စစ်ကစားတာပြဿနာမဟုတ်ပေမဲ့ ကောက်သမျှဖား အောက်ကျသွားပြီးသဲထဲရေသွန်သ လို အမှတ်တွေဆက်တိုက် လျော့တာကတော့ ကောင်းတဲ့အရာလို့မထင်မိပါဘူး။

ပိုစတယ်ဂလူးကြီးပြောတဲ့ ဒုတိယရာသီဆို အောင်မြင်မှုတစ်ခုခုရတယ်ဆိုတဲ့ အဖိုးတန်စကားကြီး လေထဲမှာပျောက်ကွယ်မသွားဖို့ တစ်ခုခုတော့ပြင်ဆင်ဖို့ လိုအပ်နေပါပြီ။

ဘရားသားတို့ ရဲ့ စပါးအပေါ်အမြင်ကရော?

❝စားအုန်းဆီ အခြေခံလက်ကား ရည်ညွှန်းဈေးနှုန်း တစ်ပိဿာ ၇၃၀၀ ကျော်ကနေ အနည်းငယ်ကျဆင်း❞

ဒီဇင်ဘာ ၉

ယခုအပတ်အတွင်း ကမ္ဘာ့စားအုန်းဆီထုတ်လုပ်တင်ပို့သည့် နိုင်ငံများတွင် ဈေးကွက်နှင့်ဈေးနှုန်းဖြစ်ပေါ်မှုများအရ ဒီဇင်ဘာ ၉ ရက်မှ ၁၅ ရက်အထိ ရန်ကုန်အထိုင်ဈေး အခြေခံလက်ကားရည်ညွှန်းဈေးနှုန်းမှာ စားအုန်းဆီတစ်ပိဿာလျှင် ၇၂၅၅ ကျပ်ဖြစ်ကြောင်း ထုတ်ပြန်ထားသည်။

အဆိုပါဈေးနှုန်းသည် ကမ္ဘာ့စားအုန်းဆီထုတ်လုပ်တင်ပို့သည့် နိုင်ငံများ၌ ဖြစ်ပေါ်နေသော ဈေးကွက်နှင့် ဈေးနှုန်းများအရ သတ်မှတ်ထားခြင်းဖြစ်ပြီး ယခင်တစ်ပတ်ကရည်ညွှန်းဈေးနှုန်းမှာ ၇၃၀၅ ကျပ် ဖြစ်ခဲ့သဖြင့် ယခုတစ်ပတ်တွင် ၅၀ ကျပ် ကျဆင်းလာခဲ့သည်ကို တွေ့ရသည်။

အဆိုပါ စားအုန်းဆီများကို ပြည်တွင်းဈေးကွက်အတွင်း ဈေးနှုန်းမြှင့်တင်ရောင်းချခြင်း၊ ဈေးကစားရန် ရည်ရွယ်ချက်ဖြင့် သိုလှောင်ခြင်းအပါအဝင် မသမာသည့် လုပ်ဆောင်မှုများပြုလုပ်ပါက အရေးကြီးကုန်စည်နှင့် ဝန်ဆောင်မှုဥပဒေအရ အရေးယူဆောင်ရွက်သွားမည်ဖြစ်ကြောင်းလည်း အသိပေးထုတ်ပြန်ထားသည်။

#သတင်းဟင်းလေးအိုးကြီး

ရန်ကုန် ဘွဲ့နှင်းသဘင်ခန်းမ အပါအ၀င် အဆောက်အအုံ (၄၀) ခုကို ရှေးဟောင်းအဆောက်အအုံများအဖြစ် သတ်မှတ်

ဒီဇင်ဘာ ၉

ရန်ကုန် ဘွဲ့နှင်းသဘင်ခန်းမ အပါအဝင် အဆောက်အအုံ (၄၀)ခုကို ရှေးဟောင်း အဆောက်အအုံများအဖြစ် သတ်မှတ်လိုက်တယ်လို့ သာသနာရေးနဲ့ ယဉ်ကျေးမှု ဝန်ကြီးဌာနက ပြောပါတယ်။

အဲ့ဒီလို သတ်မှတ်လိုက်တဲ့အထဲမှာ ဗိုလ်ချုပ်အောင်ဆန်း ပြတိုက်လည်း ပါဝင်ပြီး က‌မ္ဘောဇရိပ်သာ ချင်းချောင်းနန်းတော်နဲ့ ရေနံချောင်းတက္ကသိုလ် ပင်မဆောင်တို့လည်း ပါဝင်တယ်လို့ သိရပါတယ်။

ယဉ်ကျေးမှုသမိုင်းတန်ဖိုး၊ အနုပညာနဲ့ ဗိသုကာလက်ရာကျန်ရှိမှု စသည့်အချက်တွေနဲ့ ကိုက်ညီတဲ့ တက္ကသိုလ်တွေ၊ အခြေခံပညာအထက်တန်းကျောင်းတွေက အဆောင်များနဲ့ ရုံးတွေကို ရှေးဟောင်းအဆောက်အုံများကာကွယ်ထိန်းသိမ်းရေး ဥပဒေပုဒ်မ ၃၄ ၊ ပုဒ်မခွဲ (ခ)အရ သတ်မှတ်ခဲ့တာလို့ သိရပါတယ်။

ရှေးဟောင်းအဆောက်အအုံတွေ အဖြစ်သတ်မှတ်ရာမှာ ရန်ကုန်တိုင်းမှာ (၁၅) ခု၊ မန္တလေးတိုင်းမှာ (၅) ခု၊ ဧရာဝတီတိုင်းမှာ (၂) ခု၊ ပဲခူးတိုင်းမှာ (၆) ခု၊ မကွေးတိုင်းမှာ (၂) ခု၊ မွန်ပြည်နယ်မှာ (၉) ခု နဲ့ ရှမ်းပြည်နယ်မှာ (၁)ခုတို့ ပါဝင်တယ်လို့ သိရပါတယ်။

#centralnewsnaypyitaw

food
လိုအပ်သောအစားအစာများ 👍

❝ဆင်ဖြူဂိတ်မှ တစ်ရက်ကို ကားအစီးရေ (၅၀) နှင့် ဆိုင်ကယ်အစီးရေ (၂၀ဝ) တို့ဖြင့် ကုန်စိမ်းနှင့် စားသောက်ကုန်ပစ္စည်းများ သယ်ယူခွင့်ပြုမည်❞

ဒီဇင်ဘာ ၉

မူဆယ်မြို့ရှိ ဆင်ဖြူဂိတ်မှတစ်ဆင့် ကုန်စိမ်းနှင့် စားသောက်ကုန်ပစ္စည်းများကို တစ်ရက်လျှင် ကားအစီးရေ (၅၀) နှင့် ဆိုင်ကယ်အစီးရေ (၂၀ဝ) တို့ဖြင့် သယ်ယူခွင့်ပြုမည်ဖြစ်ကြောင်း သိရသည်။

ထိုသို့ သယ်ယူခွင့်ပြုရာ၌ တရုတ်နိုင်ငံ နံပါတ်တပ် ဆိုင်ကယ်များနှင့် လိုင်စင်မရှိသည့် ‌မော်တော်ဆိုင်ကယ်များကို သယ်ဆောင်ခြင်း ခွင့်ပြုမည် မဟုတ်ဘဲ ကုန်းလမ်းပို့ဆောင်ရေး ညွှန်ကြားမှုဦးစီးဌာနမှ မှတ်ပုံတင်ထားသည့် မော်တော်ယာဉ်နှင့် ဆိုင်ကယ်များဖြင့်သာ ယာယီ သယ်ဆောင်ရမည်ဖြစ်သည်။

လက်ရှိတွင် မူဆယ်မြို့ရှိ တရုတ်- မြန်မာ နယ်စပ်ဂိတ်များ ဖြစ်သော နန်းတော်ဂိတ်၊ ဆင်ဖြူဂိတ်၊ မန့်ဝိန်းဂိတ်၊ ကျင်စန်းကျော့ ဂိတ်နှင့် ပန်ဆိုင်းဂိတ်တို့အနက်မှ ဆင်ဖြူဂိတ် တစ်ခုတည်းကိုသာ ဒီဇင်ဘာ (၁) ရက်နေ့မှစတင်ကာ ကုန်ပစ္စည်းသယ်ယူခွင့်ပေးထားခြင်းဖြစ်သည်။

ထိုသို့ ကုန်ပစ္စည်း သယ်ယူခွင့်ပြုရာတွင်လည်း စားသောက်ကုန်များ၊ မီးဖိုချောင်သုံး အသီးအနှံများနှင့် အသားငါးများကိုသာ ခွင့်ပြုထားခြင်းဖြစ်သည်ဟု သိရသည်။

#သတင်းဟင်းလေးအိုးကြီး

အမရပူရမြို့တွင် ရာအိမ်မှူးတစ်ဦး ကလေးကျောင်းကြိုနေစဉ် သေနတ်ပစ်ခံရ၍ သေဆုံး

နေပြည်တော်၊ ဒီဇင်ဘာ ၉

မန္တလေးတိုင်းဒေသကြီး၊ အမရပူရမြို့နယ်၊ သာယာအေးရွာရှိ စာသင်ကျောင်းတွင် ကျောင်းတတ်ရောက်နေ သော ကလေးကိုကျောင်းကြိုနေသည့် ရာအိမ်မှူးတစ်ဦး သေနတ်ပစ်ခံရ၍ သေဆုံးသွားကြောင်း သိရသည်။

ယင်းဖြစ်စဉ်မှာ ဒီဇင်ဘာလ ၆ ရက် ညနေ ၅ နာရီအချိန်ခန့်တွင် ရာအိမ်မှူးဦးဇော်သူရထွန်းမှာ ကလေး ကျောင်းကြိုနေစဉ် မော်တော်ဆိုင်ကယ်တစ်စီးဖြင့် PDF နှစ်ဦးရောက်ရှိလာပြီး ထိုရာအိမ်မှူးကို သေနတ်ဖြင့် ပစ်ခတ်သွားကြောင်း သိရသည်။

ထိုသေနတ်ပစ်ခတ်ခံရသူမှာ အမရပူရမြို့နယ်၊ မြစ်ငယ်ရပ်ကွက်ရှိ ရာအိမ်မှူး ဦးဇော်သူရထွန်းဖြစ်ပြီး ၎င်းမှာ ဘယ်ဘက်ရင်အုံ၌ ကျည်ဖောက်ထွက်ဒဏ်ရာရရှိပြီး အခင်းနေရာတွင် သေဆုံးသွားကြောင်း သိရသည်။

Photo - Credit

#centralnewsnaypyitaw

Monk Funny
Funny

😄

ကျောက်ဆည်မြို့နယ်တွင် ကျပ်သိန်း ၄၃၀၀ တန်ဖိုးရှိ မူးယစ်ဆေးဝါးများ ဖမ်းဆီးရမိ

ရန်ကုန်၊ ဒီဇင်ဘာ ၉

မန္တလေးတိုင်းဒေသကြီး၊ ကျောက်ဆည်မြို့နယ်တွင် HUMMER ယာဉ်ပေါ်မှ ငွေကျပ်သိန်း ၄၃၀၀ တန်ဖိုးရှိ မူးယစ်ဆေးဝါးများ ဖမ်းဆီးရမိခဲ့ကြောင်း မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့မှ သိရသည်။

ဒီဇင်ဘာလ ၄ ရက်နေ့ ည ၆ နာရီအချိန် တပ်ဖွဲ့ဝင်များသည် သက်သေများနှင့်အတူ ကျောက်ဆည်မြို့နယ်၊ သံရွာကျေးရွာအနီးတွင် မော်တော်ယာဉ်များအား စစ်ဆေးရှာဖွေစဉ် အောင်ထွန်းလင်း(ခ)အားဝေ မောင်းနှင်လာသည့် HUMMER အမျိုးအစား မော်တော်ယာဉ်အား ရပ်တန့်စစ်ဆေးရှာဖွေရာ ယာဉ်ပေါ်တွင် သိုဝှက်သယ်ဆောင်လာသော ဘိန်းဖြူ အလေးချိန် ၈.၈ ကီလို(ဒေသကာလပေါက်ဈေးတန်ဖိုးငွေကျပ်သိန်း ၂,၂၀၀)၊ စိတ်ကြွရူးသွပ်ဆေးပြား ၁၄၀,၀၀၀ ပြား(ဒေသကာလပေါက်ဈေးတန်ဖိုးငွေကျပ်သိန်း ၂,၁၀၀)နှင့် လက်ကိုင်ဖုန်း ၄ လုံးတို့အား တွေ့ရှိသိမ်းဆည်းရမိခဲ့ကြောင်း သိရသည်။

သို့ဖြစ်၍ အောင်ထွန်းလင်း(ခ)အားဝေ (၂၅) နှစ်အား သံရွာနယ်မြေရဲစခန်းတွင် မူးယစ်ဆေးဝါးနှင့် စိတ်ကို ပြောင်းလဲစေသောဆေးဝါးများဆိုင်ရာဥပဒေအရ အမှုဖွင့် အရေးယူထားရှိပြီး ကွင်းဆက်များ ဖော်ထုတ်လျက်ရှိကြောင်း သိရသည်။

#သတင်းဟင်းလေးအိုးကြီး

ပြည်တွင်းပြည်ပရွေးကောက်ပွဲစောင့်ကြည့်လေ့လာရေးအဖွဲ့များအား စံနှုန်းနှင့်အညီ ခွင့်ပြုမည်ဖြစ်ကြောင်း UEC ဥက္ကဋ္ဌပြောကြာ

နေပြည်တော်၊ ဒီဇင်ဘာ ၉

ပြည်တွင်းပြည်ပ ရွေးကောက်ပွဲစောင့်ကြည့်လေ့လာရေးအဖွဲ့များအား စောင့်ကြည့်လေ့လာခွင့်စံနှုန်းနှင့်အညီ ခွင့်ပြုသွားမည်ဖြစ်ကြောင်း ပြည်ထောင်စုရွေးကောက်ပွဲကော်မရှင်ဥက္ကဋ္ဌ ဦးကိုကိုက မှတ်ပုံတင်ခွင့်ပြုပြီးသော နိုင်ငံရေးပါတီများ တွေ့ဆုံပွဲတွင် ပြောသည်။

ပြည်ထောင်စုရွေးကောက်ပွဲကော်မရှင်ဥက္ကဋ္ဌက ပြည်ထောင်စုရွေးကောက်ပွဲကော်မရှင်အနေဖြင့် နိုင်ငံရေး ပါတီများ တည်ထောင်ခွင့်နှင့် မှတ်ပုံတင်ခွင့်လျှောက်ထားခြင်းများကို ဥပဒေနှင့်အညီ စိစစ်ဆောင်ရွက် လျက်ရှိရာ တည်ဆဲနိုင်ငံရေးပါတီ ၅၃ ပါတီရှိပြီး တည်ထောင်ခွင့်စိစစ်ဆဲပါတီအနေဖြင့် တစ်ပါတီရှိကြောင်း၊ နိုင်ငံရေးပါတီများအနေဖြင့် နိုင်ငံရေးပါတီများ မှတ်ပုံတင်ခြင်းဥပဒေပါ ပြဋ္ဌာန်းချက်ဖြစ်သည့် ရွေးကောက်ပွဲ ကျင်းပမည့် နေ့ရက်မတိုင်မီ အနည်းဆုံးရက်ပေါင်း ၉၀ ကြိုတင်၍ကော်မရှင်က အမိန့်ကြော်ငြာစာဖြင့် ထုတ်ပြန်သည့်နေ့ရက်အတွင်း ပါတီဝင်အင်အားပြည့်မီရေးနှင့် ပါတီရုံးခန်းများ သတ်မှတ်ချက်နှင့်အညီ ဖွင့်လှစ်နိုင်ရေးတို့ကို သတ်မှတ်ကာလအတွင်း သတ်မှတ်အရေအတွက် ပြည့်မီရေးဆောင်ရွက်ကြရန် တိုက်တွန်းလိုကြောင်း ပြောသည်။

ပါတီရုံးခန်းဖွင့်လှစ်ခြင်း၊ ပါတီဆိုင်းဘုတ်တင်ခြင်း၊ ပါတီအလံလွှင့်ထူခြင်းတို့နှင့်စပ်လျဉ်း၍ နိုင်ငံတော်ပိုင် အဆောက်အအုံ၊ ဘာသာရေးဆိုင်ရာ အဆောက်အအုံများမှလွဲပြီး အခြားအဆောက်အအုံများတွင် သက်ဆိုင်ရာဒေသန္တရအဖွဲ့အစည်းများ၏ စည်းကမ်းများနှင့်အညီ ရုံးခန်းဖွင့်လှစ်ရန်နှင့် ပါတီရုံးခန်းဖွင့်လှစ်ခြင်း၊ ဆိုင်းဘုတ်တင်ခြင်းမပြုလုပ်မီ သက်ဆိုင်ရာ မြို့နယ်ရွေးကောက်ပွဲကော်မရှင်အဖွဲ့ခွဲများသို့ အသိပေးရန် ဖြေလျှော့ဆောင်ရွက်ပေးခဲ့ကြောင်း၊ ပါတီတွင်းနှင့် ပါတီပြင်ပစည်းရုံးရေးဆောင်ရွက်မှုကို မှတ်ပုံတင်ခွင့်ရရှိ ပြီးသည့် နိုင်ငံရေးပါတီများအနေဖြင့် ပြည်သူလူထုအကျိုး၊ ဒေသအကျိုးများကို တတ်နိုင်သမျှ စည်းရုံး ဆောင်ရွက်ကြစေလိုကြောင်း ပြည်ထောင်စုရွေးကောက်ပွဲကော်မရှင်ဥက္ကဋ္ဌက ပြောသည်။

ပြည်ထောင်စုရွေးကောက်ပွဲကော်မရှင်ဥက္ကဋ္ဌက ပြည်ထောင်စုရွေးကောက်ပွဲကော်မရှင်အနေဖြင့် ပါတီစုံ ဒီမိုကရေစီ အထွေထွေရွေးကောက်ပွဲကျင်းပနိုင်ရေး ကြိုတင်ပြင်ဆင်ဆောင်ရွက်လျက်ရှိကြောင်း၊ ပြည်တွင်း ပြည်ပ ရွေးကောက်ပွဲစောင့်ကြည့်လေ့လာရေးအဖွဲ့များ စောင့်ကြည့်လေ့လာခွင့်နှင့် စပ်လျဉ်း၍ ၂၀၂၀ ပြည့်နှစ် အထွေထွေရွေးကောက်ပွဲတွင် စောင့်ကြည့်ခွင့်မပြုဘဲ လေ့လာခွင့်သာပြုခဲ့ခြင်းနှင့် ၂၀၁၅ ခုနှစ် အထွေထွေ ရွေးကောက်ပွဲတွင် စောင့်ကြည့်လေ့လာခွင့်ပြုခဲ့သည့် အချက် ၁၃ ချက်အနက် လေ့လာခွင့်မပြုခဲ့သည့် ရွေးကောက်ပွဲဥပဒေ၊ နည်းဥပဒေ၊ လုပ်ထုံးလုပ်နည်း၊ အမိန့်၊ ညွှန်ကြားချက်များ စောင့်ကြည့်လေ့လာခြင်း၊ မဲလက်မှတ်များ ရိုက်နှိပ်ခြင်းတို့ကို စောင့်ကြည့်လေ့လာခြင်း၊ ရွေးကောက်ပွဲကန့်ကွက်လွှာအမှုများ စစ်ဆေး ခြင်းနှင့် ဆုံးဖြတ်ခြင်း စသည့်အချက်များကို ၂၀၁၅ ခုနှစ် အထွေထွေရွေးကောက်ပွဲအတိုင်း ပြန်လည် ထည့်သွင်းပြီး စောင့်ကြည့်လေ့လာခွင့်စံနှုန်းနှင့်အညီ ခွင့်ပြုသွားမည်ဖြစ်ကြောင်း ပြောကြားခဲ့သည်။

#centralnewsnaypyitaw

FACT: ဆန်ချိုဟာ ချဲလ်ဆီးကို ရောက်ရှိလာပြီးချိန်မှစ ၂ ဂိုးသွင်းပြီး ၅ ဂိုးဖန်တီးထားနိုင်ခဲ့ပြီဖြစ်ပါတယ်။

မနေ့ညကပွဲစဉ် မှာလည်း Come Back ရဲ့ အစဖြစ်စေမဲ့ဂိုးကို လှလှပပ သွင်းယူပေးခဲ့တာဖြစ်ပါတယ်။

#ဘောလုံး #footballworld #sports