ဘယ်လောက်ပဲ ထက်မြက်နေပါစေဦး
နားထောင်ပေးတဲ့ နားတစ်စုံ ရှိနေမှ
ဘဝက သက်တောင့်သက်သာ ပိုရှိလာတယ်။

သိလား ဒီနေ့ ဒီမှာမိုးတွေ ရွာနေတယ်
ညနေ 7 နာရီမှ ဒီမှာ နေဝင်တယ်
ဘာတွေ ဖြစ်နေလဲ သိလား
စသဖြင့် နေ့တိုင်း ပြောစရာကို မကုန်နိုင်ဘူး။

ရီစရာ ဟာသတွေကိုလည်း
သူနဲ့ပြန်ပြောပြီး ရီနိုင်တယ်။

အဆင်မပြေတဲ့အကြောင်းအရာတွေကိုလည်း
သေးသေးလေးကအစ ဘယ်သူက မျက်လုံးနဲ့
ဘယ်လိုဝေ့လိုက်လဲ ဆိုတာအဆုံး
မျက်လုံးထဲ မြင်အောင် သေချာပြောပြတယ်။

သူကလည်း ကိုယ်ပြောတာတွေကို
သေချာ အာရုံစိုက်ပြီး
နားထောင်ပေးတယ်၊ အကြံဉာဏ်ပေးတယ်။

ဘဝမှာ နားထောင်ပေးတတ်တဲ့
နားတစ်စုံရှိနေတာ ကံကောင်းခြင်းပါပဲ။

တောင်ကိုရီးယားသမ္မတကို တရားရေးဝန်ကြီးဌာနက ပြည်ပထွက်ခွင့်ပိတ်

ဆိုးလ်၊ ဒီဇင်ဘာ ၁၀

တောင်ကိုရီးယားတရားရေးဝန်ကြီးဌာနက ဒီဇင်ဘာ ၉ ရက်တွင် သမ္မတယွန်းဆော့ရွဲ(Yoon Suk Yeol )ကို ပြည်ပ ထွက်ခွာခွင့် ပိတ်ပင်လိုက်သည်ဟု အေပီမှ ဖော်ပြခဲ့သည်။

အာဏာပိုင်များသည် လွန်ခဲ့သည့် သီတင်းပတ်က ယွန်း၏ စ-စ်အုပ်ချုပ်ရေး ကြေညာမှုနှင့်ဆက်နွှယ်ပြီး ပုန်ကန်မှု အပါအဝင် အခြားစွဲချက်များအတွက် စုံစမ်းစစ်ဆေးနေချိန်တွင် ယခုကဲ့သို့ ပိတ်ပင်ခဲ့ခြင်းဖြစ်သည်။

ယွန်းသည် ဒီဇင်ဘာ ၃ ရက်က အရပ်ဖက် အုပ်ချုပ်ရေးကို ဆိုင်းငံ့ခဲ့ပြီးနောက် စ-စ်အုပ်ချုပ်ရေးအမိန့် ထုတ်ပြန် ကြေညာခဲ့ကာ စ-စ်သားများနှင့် ရဟတ်ယာဉ်များကို လွှတ်တော်၌ ဖြန့်ကြက်ချထားခဲ့သည်။

နာရီပိုင်းအကြာတွင် လွှတ်တော်က ယွန်း၏ စ-စ်အုပ်ချုပ်ရေးအမိန့် ကြေညာချက်ကို မဲခွဲပြီး ပယ်ချခဲ့ပြီးနောက် မကြာမီ အချိန်အတွင်းမှာပင် ယွန်းသည် စ-စ်အုပ်ချုပ်ရေးအမိန့်ကို ပြန်လည်ရုပ်သိမ်းခဲ့သည်။

အတိုက်အခံများကမူ ယွန်းသည် ဖွဲ့စည်းပုံအခြေခံဥပဒေနှင့် တရားဥပဒေကို ဆိုးရွားစွာ ချိုးဖောက်ကြောင်း ပြောကြားခဲ့ပြီး စွပ်စွဲပြစ်တင်ရန် အဆိုပြုချက် တင်သွင်းခဲ့သည်။

သို့သော် အာဏာရပါတီကမူ လွှတ်တော်တွင် ယွန်းအား စွပ်စွဲပြစ်တင်ရန် အဆိုပြုချက်ကို မဲခွဲဆုံးဖြတ်မှုအား ဆန့်ကျင်ခဲ့သဖြင့် အာဏာရပါတီသည် အာဏာကို ဆက်လက် ဖက်တွယ်ထားပြီး ဒုတိယအကြိမ် အာဏာသိမ်းရန် စီစဉ်နေကြောင်း အတိုက်အခံများက စွပ်စွဲခဲ့သည်။

အာဏာရ ပြည်သူ့အင်အားပါတီကလည်း ယွန်းသည် စွပ်စွဲပြစ်တင် ခံရမည့်အရေးမှ လွတ်မြောက်သော်လည်း နောက်ဆုံးတွင် ရာထူးမှ နုတ်ထွက်ရမည်ဟု ပြောကြားခဲ့သည်။

တောင်ကိုရီးယား တရားရေးဝန်ကြီးဌာနကမူ ယွန်းကို ပုန်ကန်မှု စွဲချက်နှင့်ပတ်သက်ပြီး ရဲတပ်ဖွဲ့က စုံစမ်းစစ်ဆေး နေသဖြင့် ယွန်းအား ပြည်ပထွက်ခွာခွင့် ပိတ်ပင်ကြောင်း ဒီဇင်ဘာ ၉ ရက်က တောင်ကိုရီးယားလွှတ်တော်တွင် ကြားနာ စစ်ဆေးမှု ပြုလုပ်ချိန်အတွင်း ကြေညာခဲ့သည်။

Source: အေပီ

ပုံ - သမ္မတယွန်းဆော့ရွဲ နုတ်ထွက်ရန် တောင်းဆိုနေကြစဉ်

#centralnewsnaypyitaw

ယနေ့ ရွှေဈေးနဲ့ နိုင်ငံခြားငွေလဲနှုန်းများ

ဒီဇင်ဘာ ၁၀

#ရွှေဈေး

-ကမ္ဘာ့ရွှေဈေး
တအောင်စ ၂၆၇၁ ဒေါ်လာ

ရန်ကုန်တိုင်းရွှေလုပ်ငန်းရှင်များအသင်း (YGEA) ရဲ့ရွှေစျေးကွက် အဖွင့်ဈေးနှုန်း

- အကယ်ဒမီ မီးလင်းရွှေ တကျပ်သား
၅၃၅၀၀၀၀ ကျပ်

ပြင်ပရွှေဈေးနှုန်း

-အခေါက်ရွှေ တကျပ်သား (ပြင်ပဈေးကွက်)
ရောင်းဈေး ၆၂၀၀၀၀၀ ကျပ်
ဝယ်ဈေး ၆၁၆၀၀၀၀ ကျပ်

-၁၅ ပဲရည် တကျပ်သား
ရောင်းဈေး ၆၀၀၀၀၀၀ ကျပ်
ဝယ်ဈေး ၅၉၆၀၀၀၀ ကျပ်

“လက်ရှိ ရွှေဈေးကွက်အတွင်း ဈေးနှုန်းအတက်အကျ မငြိမ်သေးတဲ့အတွက် ရောင်းမှား၊ ဝယ်မှား မဖြစ်ဖို့ သတိပြုစေလိုပါတယ်။”

(ရွှေဈေးနှုန်းများ အချိန်နှင့်အမျှ ပြောင်းလဲနိုင်သည်။)

#နိုင်ငံခြားငွေလဲလှယ်နှုန်း

-မြန်မာနိုင်ငံတော်ဗဟိုဘဏ် ရည်ညွှန်းငွေလဲနှုန်း
အမေရိကန် တဒေါ်လာ - ၂၁၀၀ ကျပ်

ပြင်ပပေါက်စျေး

-အမေရိကန်ဒေါ်လာ‌
ရောင်းဈေး - ၄၄၄၀ ကျပ်
ဝယ်ဈေး - ၄၃၄၀ ကျပ်

-စင်္ကာပူဒေါ်လာ
ရောင်းဈေး - ၃၃၈၀ ကျပ်
ဝယ်ဈေး - ၃၃၁၀ ကျပ်

-ယူရို
ရောင်းဈေး - ၄၇၁၀ ကျပ်
ဝယ်ဈေး - ၄၅၉၀ ကျပ်

-ထိုင်းဘတ်
ရောင်းဈေး - ၁၃၂.၄၅ ကျပ်
ဝယ်ဈေး - ၁၂၉.၀၃ ကျပ်

-မလေးရှားရင်းဂစ်
ရောင်းဈေး - ၁၀၁၀ ကျပ်
ဝယ်ဈေး - ၉၈၀ ကျပ်

-တရုတ်ယွမ်
ရောင်းဈေး - ၆၁၅ ကျပ်
ဝယ်ဈေး - ၅၉၉ ကျပ်

-ဂျပန်ယန်း
ရောင်းဈေး - ၂၉.၂၉ ကျပ်
ဝယ်ဈေး - ၂၈.၇၅ ကျပ်

-အိန္ဒိယရူပီး
ရောင်းဈေး - ၅၂.၅၈ ကျပ်
ဝယ်ဈေး - ၅၁.၂၂ ကျပ်

-ကိုရီးယားဝမ်
ရောင်းဈေး - ၃.၁၂ ကျပ်
ဝယ်ဈေး - ၃.၀၄ ကျပ်

-စတာလင်ပေါင်
ရောင်းဈေး - ၅၆၈၀ ကျပ်
ဝယ်ဈေး - ၅၅၃၅ ကျပ်

-ဩစတြေးလျဒေါ်လာ
ရောင်းဈေး - ၂၈၆၀ ကျပ်
ဝယ်ဈေး - ၂၇၈၅ ကျပ်

-ကနေဒါဒေါ်လာ
ရောင်းဈေး - ၃၁၄၅ ကျပ်
ဝယ်ဈေး - ၃၀၆၅ ကျပ်

-ဟောင်ကောင်ဒေါ်လာ
ရောင်းဈေး - ၅၇၂ ကျပ်
ဝယ်ဈေး - ၅၆၀ ကျပ်

-ယူအေအီး
ရောင်းဈေး - ၁၂၁၀ ကျပ်
ဝယ်ဈေး - ၁၁၈၀ ကျပ်

ငွေလဲနှုန်းများ အချိန်နှင့်အမျှ ပြောင်းလဲနိုင်သည်။

Credit - VOM News Agency

#သတင်းဟင်းလေးအိုးကြီး

''အထည်ချုပ်မှာမလုပ်ရဘဲ အပျော်မယ်နဲ့ တရုတ်မယားပဲ လုပ်ရတော့မလိုဖြစ်နေပြီ''

နိုင်ငံအနှံ့က မြန်မာတွေကို တရုတ်ဘက်ခြမ်းမှာ အလုပ်လုပ်ဖို့ နယ်စပ်မူဆယ်မြို့ကိုလာဖို့ခေါ်တဲ့ အလုပ်ခေါ်စာတွေ လူမှုကွန်ရက် ဖေ့ဘွတ်ခ်နဲ့ TikTok ချန်နယ်မှာ ပျံ့နှံ့နေပါတယ်။

မူဆယ်မြို့မှာ ရှိတဲ့ အကျိုးဆောင်လုပ်ငန်းလုပ်ကိုင်သူတွေက မူဆယ်မြို့အထိလာရမယ့်ကားခအပါအဝင် တရုတ်ဘက်ခြမ်းက အလုပ်ခေါ်စာရတဲ့အထိ မူဆယ်မှာနေထိုင်ကုန်ကျတဲ့စရိတ်တွေကိုပါ စရိတ်ငြိမ်းတာဝန်ယူတယ်လို့ ပြောပြီး အလုပ်ခေါ်နေတာပါ။

ဒါပေမဲ့ ဒီလိုတရုတ်မှာအလုပ်ရမယ်ဆိုတဲ့ ဆွဲဆောင်အလုပ်ခေါ်ယူမှုတွေကြောင့် မူဆယ်မြို့ကိုရောက်သွားတဲ့ လူထောင်နဲ့ချီဟာ ဂိုဒေါင်တွေထဲ ပိတ်လှောင်ထိန်းချုပ်ခံနေရသလို တချို့ဆိုရင် နှိပ်စက်ခံရတဲ့အထိရှိပါတယ်။

မူဆယ်မှာ ၂ ပတ်လောက်စောင့်ရုံနဲ့ တရုတ်ဘက်မှာ အလုပ်သွားလုပ်နိုင်မယ်လို့ ပွဲစားတွေက ပြောပြီးခေါ်ခဲ့ပေမယ့် ၂လခွဲကျော်ကြာတဲ့အထိ တရုတ်ဘက်လည်းမရောက်ဘဲ ဂိုဒေါင်ထဲမှာ ပိတ်လှောင်ခံနေရသူ ၃ ဦးထက်မနည်းနဲ့ ဘီဘီစီက စကားပြောခွင့်ရခဲ့ပါတယ်။

အသက် ၃၀ အရွယ်ရှိတဲ့ မစံပယ်ဟာ တရုတ်ဘက်ခြမ်း၊ ရွှေလီမြို့မှာ လစာကောင်းကောင်းနဲ့ အလုပ်လုပ်ခွင့်ရမယ်ဆိုတဲ့ အလုပ်ခေါ်စာကို TikTok လူမှုကွန်ရက်မှာတွေ့ခဲ့ပါတယ်။ အလုပ်ခေါ်ထားတဲ့ပွဲစားနဲ့ဆက်သွယ်ညှိနှိုင်းပြီးတဲ့နောက်မှာတော့ သူ မူဆယ်ကို သွားဖို့ဆုံးဖြတ်ခဲ့ပါတယ်။

တရုတ်အထည်ချုပ်စက်ရုံတွေမှာ တစ်လကို တရုတ်ယွမ်ငွေ ၁,၇၀၀ (လက်ရှိ မြန်မာကျပ်ငွေလဲနှုန်းအရ ကျပ် ၁၀ သိန်းခွဲ ဝန်းကျင်) နဲ့ အလုပ်လုပ်ဖို့အတွက် အကျိုးဆောင် (ပွဲစား) တွေက စီစဉ်ပေးမယ်လို့ ပြောခဲ့တဲ့အကြောင်း မစံပယ်က ပြန်ပြောပြပါတယ်။

ရန်ကုန်က အထည်ချုပ်စက်ရုံတစ်ခုမှာ လုပ်ခဲ့တဲ့ မစံပယ်ဟာ တစ်လကိုလစာ ကျပ် ၂ သိန်းကျော်ပဲရသူပါ။ သူ့လစာက မိသားစုအတွက် မလောက်ငတာကြောင့် ၆ လအရွယ် သားလေးကို ထားပြီး တရုတ်မှာ အလုပ်လုပ်ဖို့ ပွဲစားနဲ့ညှိနှိုင်းပြီး မူဆယ်ကို သွားခဲ့တာပါ။

ဒါပေမဲ့ မူဆယ်ကိုသွားဖို့ မန္တလေးက စုရပ်ကိုအရင်သွားခဲ့ရပါတယ်။ မန္တလေးမှာ မစံပယ် တင်မက ပွဲစားအစီအစဥ်နဲ့ ရောက်နေတဲ့ မြန်မာပြည်အနှံ့ ဒေသတိုင်းက သူတွေလည်းရှိနေပါတယ်။

သူတို့အားလုံးကို မန္တလေးမှာ စုရပ်လုပ်ပြီး မူဆယ်ကိုကားနဲ့ခေါ်ဆောင်သွားခဲ့ပါတယ်။

မစံပယ် နေတဲ့ ရန်ကုန်ကနေ မန္တလေးမြို့အထိ သွားရတဲ့ကားခကိုလည်း ပွဲစားဘက်က စိုက်ထုတ်ပေးခဲ့တာပါ။

“မန္တလေးကနေ မိတ္ထီလာ-ပျော်ဘွယ်-အောင်ပန်း-ပင်းတယအထိသွားရတယ်။ ပင်းတယမှာရှိတဲ့ ဘုန်းကြီးကျောင်းမှာ နှစ်ညအိပ်ခဲ့ရတယ်”လို့ မစံပယ်ကပြောပါတယ်။

အဲဒီနောက် ပင်းတယကနေ ရပ်စောက်-ကျောက်ဂူအထိ ခရီးဆက်ခဲ့ပြီး ကျောက်ဂူ (၁၆) မိုင်မှာ တစ်ညထပ်အိပ်ခဲ့ရတယ်လို့ သူကဆိုပါတယ်။

ကျောက်ဂူကနေမှ နမ့်လန်-လားရှိုး-ကွတ်ခိုင်-နမ့်ဖတ်ကာကို ဖြတ်ပြီးမှ မူဆယ်မြို့ကိုရောက်လာခဲ့တာလို့ သူက ဆက်ပြောပြပါတယ်။

“လာတဲ့လမ်းတစ်လျှောက် တချို့နေရာတွေမှာ တိုက်ပွဲတွေဖြစ်လို့ မန္တလေးကနေ မူဆယ်ရောက်တဲ့အထိ ၉ ရက်ကြာခဲ့တယ်” လို့ မစံပယ်က ရှင်းပြပါတယ်။

မူဆယ်မြို့မရောက်ခင်စပ်ကြား တိုင်းရင်းသားလက်နက်ကိုင်တွေ ထိန်းချုပ်ထားတဲ့ မြို့တချို့က ဂိတ်တွေကိုဖြတ်တဲ့အခါ ကားပေါ်မှာ ပါလာသူအကုန်လုံးရဲ့ ကိုယ်ရေးအချက်အလက်တွေပေးရသလို ငွေကြေးတချို့ လည်းပေးခဲ့ရတယ်လို့ မစံပယ်တို့ကို ကားမောင်းပို့ပေးခဲ့တဲ့ ကားသမားကလည်း ပြောပြပါတယ်။

ကွတ်ခိုင်မြို့မှာရှိတဲ့ တအာင်းတပ် (TNLA) ရဲ့ အလုပ်သမားရုံးအထိ သွားရပြီး မှတ်ပုံတင်နဲ့ စမတ်ကတ်မူရင်းတွေပြခဲ့ရသလို "ရုံးဘက်က ဓာတ်ပုံလည်း ရိုက်ယူထားတယ်” လို့ သူက ဆက်ပြောပါတယ်။

“အဲဒီဓာတ်ပုံတွေကို TNLA ရုံးကနေ နမ့်ဖတ်ကာမှာရှိတဲ့ နောက်ထပ်ဂိတ်တစ်ခုကို လူစာရင်းနဲ့ ဓာတ်ပုံတွေပို့ပေးရတာ” လို့ ကားသမားကပြောပါတယ်။

“ကွတ်ခိုင်ရုံးက ဖုန်းနဲ့ရိုက်ယူထားတဲ့ လူဓာတ်ပုံတွေကို နမ့်ဖတ်ကာမှာရှိတဲ့ ဂိတ်ကို ပုံတွေကြိုပို့ထားမှ နမ့်ဖတ်ကာဂိတ်ကို ဖြတ်ခွင့်ပေးတာ” လို့ သူက ရှင်းပြပါတယ်။

“ပလောင်နဲ့ ကချင်တပ်တွေက သူတို့ချင်းနားလည်မှုနဲ့ ညှိထားတယ်၊ ပုံတွေကိုတော့ WeChat ဆိုတဲ့ (တရုတ်နိုင်ငံပိုင် အပလီကေးရှင်း) လူမှုကွန်ရက်ကနေပဲ ပို့ကြတာ” လို့ သူက ဆိုပါတယ်။

နမ့်ဖတ်ကာမြို့ကိုတော့ ကချင်လွတ်လပ်ရေးတပ် (KIA) က ထိန်းချုပ်ထားတာဖြစ်ပါတယ်။

မစံပယ်ကတော့ လမ်းတလျှောက်က ဂိတ်ဖြတ်ကြေးတွေကို အကျိုးဆောင်(ပွဲစား)တွေဘက်က အကုန်စိုက်ထုတ်ရှင်းပေးတယ်လို့ ပြောပါတယ်။

“ပွဲစားတွေက လက်နက်ကိုင်တွေနဲ့ ချိတ်ထားပြီးသား၊ ဂိတ်ကြေးတွေလည်း ပေးစရာမလိုဘူး” လို့ ပြောပါတယ်။

မန္တလေးမြို့ကနေ မူဆယ်မြို့အထိ သွားတဲ့ကားခ တစ်ကြောင်းစာက ကျပ် ငွေ ၈ သိန်းဝန်းကျင်အထိဈေးပေါက်တယ်လို့ ကားသမားက ထပ်ပြောပြပါတယ်။

ဒါပေမဲ့ ၁၀၂၇ စစ်ဆင်ရေး တစ်နှစ်မပြည့်ခင် ၂၀၂၄ အောက်တိုဘာလထဲမှာပဲ ရှမ်းပြည်နယ်(မြောက်ပိုင်း) မူဆယ်မြို့က ဆင်ဖြူဂိတ်နဲ့ မန့်ဝိန်းဂိတ်အပါအဝင် နယ်စပ်ဂိတ်အားလုံးကို တရုတ်က ပိတ်ခဲ့ပါတယ်။

တရုတ်ဘက်က နယ်စပ်ဂိတ်တွေမပိတ်ခင် တစ်လအလို စက်တင်ဘာလလောက်ကတည်းက မစံပယ် မူဆယ်မြို့ကိုရောက်ရှိခဲ့ပေမယ့် တရုတ်ဘက်ခြမ်းကို အလုပ်သွားလုပ်မယ့်သူတွေ များလွန်းတာကြောင့် သွားရဖို့စောင့်ဆိုင်းနေအချိန်မှာပဲ ဂိတ်ပိတ်တာနဲ့ ကြုံခဲ့ရပါတယ်။

❝အဂတိလိုက်စားမှုပြဿနာဟာ အစိုးရပိုင်းများသာမက ပုဂ္ဂလိကပိုင်းနဲ့ အချို့ကုသိုလ်ဖြစ် လှူဒါန်းရေးအဖွဲ့တွေမှာပါ အမြစ်တွယ်လာနေတယ်လို့ နစကဥက္ကဋ္ဌပြော❞

ဒီဇင်ဘာ ၁၀

အဂတိလိုက်စားမှုပြဿနာသည် မိမိတို့နိုင်ငံတွင်သာမက ကမ္ဘာတစ်ဝန်းတွင် ပျံ့နှံ့နေသည့်ရောဂါဆိုးတစ်ခု ဖြစ်နေသလို ဖွံ့ဖြိုးပြီးနိုင်ငံများနှင့် ဖွံ့ဖြိုးဆဲနိုင်ငံများ၏ အစိုးရပိုင်းများသာမက ပုဂ္ဂလိကပိုင်းနှင့် အမြတ် အစွန်းမဟုတ်သည့် အချို့ကုသိုလ် ဖြစ် လှူဒါန်းရေးအဖွဲ့များတွင်ပါ အမြစ်တွယ်လာနေသည့် ပြဿနာတစ်ခုဖြစ်သည်ဟု နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင်က အပြည်ပြည်ဆိုင်ရာ အဂတိလိုက်စားမှုတိုက်ဖျက်ရေးနေ့ အထိမ်းအမှတ် အခမ်းအနား၌ ပြောကြားသည်။

အဆိုပါ အပြည်ပြည်ဆိုင်ရာ အဂတိလိုက်စားမှုတိုက်ဖျက်ရေးနေ့ အထိမ်းအမှတ် အခမ်းအနားကို ဒီဇင်ဘာ ၉ ရက် နံနက်ပိုင်းက နေပြည်တော်ရှိ မြန်မာအပြည်ပြည်ဆိုင်ရာကွန်ဗင်းရှင်း ဗဟိုဌာန-၁ ၌ ကျင်းပပြုလုပ်ခဲ့ခြင်းပြီး အဂတိလိုက်စားမှုသည် လူ့ဘောင်လောကကို အရုပ်ဆိုး အကျည်းတန်စေသလို ကောင်းမွန်သည့် လူမှုစီးပွားဘဝ ပတ် ဝန်းကျင်ကို ထိခိုက်ပျက်စီးစေသည့် မကောင်းမှု ဒုစရိုက်တစ်ခုပင်ဖြစ်သည်ဟုလည်း နစကဥက္ကဋ္ဌက ထည့်သွင်းပြောကြားသည်။

အလားတူ အဂတိလိုက်စားမှုများကြောင့် လူ့ဘောင်လောကတွင် တရားမျှတမှု ပျောက်ကွယ်ပြီး နိုင်ငံတော်နှင့် အများပြည်သူကို ထိခိုက်စေသည့်အပြင် နိုင်ငံဖွံ့ဖြိုးတိုးတက်ရေး ရည်မှန်းချက်ပန်းတိုင်ကို ပျက်စီးစေရုံသာမက တရားဥပဒေစိုးမိုးရေးနှင့် တည်ငြိမ်အေးချမ်းမှုကိုလည်း ထိခိုက်စေနိုင်သည်ဟုဆိုသည်။

ဆက်လက်၍လည်း နစကဥက္ကဋ္ဌက အဂတိလိုက်စားမှုဆိုသည်ကို သာမန်အားဖြင့် လာဘ်ပေး လာဘ်ယူမှုလောက်သာထင်မှတ်ကြသော်လည်း တကယ်တော့ လူ့ဘောင်လောကတွင် ကျယ်ပြန့်နက်ရှိုင်းသည့် မကောင်းမှုကြီးဖြစ်ကြောင်း၊ ခြိမ်းခြောက် ငွေညှစ်ခြင်း၊ လိမ်လည်ခြင်း၊ နိုင်ငံတော် ဘဏ္ဍာနှင့် ပစ္စည်းများကို အလွဲသုံးစားလုပ်ခြင်း၊ ပြည်သူပိုင်ပစ္စည်း ငွေကြေးများကို ကိုယ်ကျိုးအတွက် မသင့်မလျော်သုံးစွဲခြင်း၊ မလျော်ဩဇာသုံးပြီး ကိုယ်ကျိုးအတ္တ ကိုရယူခြင်း စသည်များသည် အဂတိလိုက်စားမှုများပင်ဖြစ်ကြောင်း၊ အဂတိလိုက်စားမှုကြောင့် ရာဇဝတ်မှုများ အကြမ်း ဖက် တိုက်ခိုက်မှုများကို အားပေး ကျူးလွန်ခြင်းများ ဖြစ်ပေါ်လာစေကြောင်း၊ ထို့အပြင်တရားဥပဒေ စိုးမိုးရေးနှင့် ဒီမိုကရေစီ စနစ်ကို ထိခိုက်စေခြင်းတို့ကို ဖြစ်စေခြင်းကြောင့် ကမ္ဘာလုံးဆိုင်ရာ ပြဿနာကြီးတစ်ခု၊ ရောဂါဆိုးကြီး တစ်ခုဟု ဆိုနိုင်ကြောင်း။

မိမိတို့အစိုးရအနေဖြင့် နိုင်ငံတော်ဖွံ့ဖြိုးတိုးတက်ရေးတွင် အရေးကြီးသည့် အဂတိလိုက်စားမှု လျော့နည်းကျ ဆင်း လာစေရေး၊ အဂတိကင်းစင်သည့် လူ့အဖွဲ့ အစည်းတစ်ရပ်ဖြစ်စေရေးနှင့် အများပြည်သူတို့၏ အကျိုး စီးပွားကို ကာကွယ်ပေးရေး တို့အတွက် ရည်မှန်းချက်၊ ဦးတည်ချက်များ ချမှတ်ထားကြောင်းနှင့် နိုင်ငံတော်အတွက် စိတ်ရင်းစေတနာကောင်းကိုအရင်းခံပြီး အဂတိလိုက်စားမှုတိုက်ဖျက်ရေးကို ကြိုးပမ်း အကောင်အထည် ဖော် ဆောင်ရွက်လျက်ရှိကြောင်းဖြင့် ပြောကြားခဲ့သည်ဟု သိရသည်။

#centralnewsnaypyitaw

နှစ်သစ်မှာကံထူးဖို့
POWER မှာကံစမ်းစို့

နမ့်စန်မြို့မဈေးမှာ ဓားပြတိုက်ဖို့ ကြံစည်နေသူတွေကို ပစ်ခတ်ဖမ်းဆီး

ဒီဇင်ဘာ ၁၀

ရှမ်းပြည်နယ်တောင်ပိုင်း၊ နမ့်စန်မြို့ရှိ မြို့မဈေးမှာ ဒီဇင်ဘာလ ၇ရက်၊ မနက်ပိုင်းအချိန်က ဓားပြတိုက်ဖို့ ကြံစည်နေသူတွေကို ရဲတပ်ဖွဲ့က လိုက်လံဖမ်းဆီးရာ နှစ်ယောက်ဖမ်းမိပြီး တယောက်လွတ်မြောက်သွားတယ်လို့ ဒေသတွင်းသတင်းရင်းမြစ်တွေထံကနေ သိရပါတယ်။

နမ့်စန်မြို့မဈေးမှာ ဓားပြတိုက်ဖို့ ကြံစည်နေသူ သုံးယောက်ကို ဒေသခံတွေက မသင်္ကာတဲ့အတွက် ရဲတပ်ဖွဲ့ကို ဖုန်းဆက်တိုင်ကြားခဲ့ရာ ထွက်ပြေးဖို့ကြိုးစားတဲ့အတွက် ရဲတပ်ဖွဲ့က သေနတ်ပစ်ဖောက်ပြီး လိုက်လံဖမ်းဆီးခဲ့ရတယ်လို့ ဆိုပါတယ်။

“တဆိုင်ဝင်၊ တဆိုင်ထွက်လုပ်ပြီး သွားနေတော့ မသင်္ကာတာနဲ့ ရဲကို ဖုန်းဆက်တိုင်လိုက်တာပါ။ အဓိကက ရွှေဆိုင်တွေကို ဓားပြတိုက်ဖို့ ကြံစည်ထားတာ ထင်တယ်။ ရွှေဆိုင်တွေကို တဆိုင်ပြီးတဆိုင် လိုက်ဝင်ထွက်ပြီး အခြေအနေကြည့်နေတာ။ ဒါနဲ့ပဲ ရဲကဖမ်းတော့ မဖမ်းမခံဘဲ ထွက်ပြေးတာနဲ့ သေနတ်နဲ့ ပစ်ဖောက်ဖမ်းတော့ တဈေးလုံး လန့်ကုန်ကြတယ်”လို့ ဒေသခံတစ်ဦးက ပြောပါတယ်။

ရဲတပ်ဖွဲ့ဝင်တွေနဲ့ တာဝန်ရှိသူတွေ ရောက်လာတဲ့အချိန်မှာ အဲဒီအမျိုးသား ယောက်က ထွက်ပြေးဖို့ ကြိုးစားရင်း တဦးက ရဲတပ်ဖွဲ့ကို ဓားနဲ့ပြန်လည်ခုခံခဲ့တဲ့အတွက် ရဲတပ်ဖွဲ့တွေက သေနတ်နဲ့ ငါးချက်ပစ်ခတ်ဖမ်းဆီးခဲ့ပြီး နှစ်ဖမ်းမိပေမယ့် တယောက်ကတော့ လွတ်မြောက်သွားတယ်လို့ သိရပါတယ်။

နမ့်စန်မြို့မှာ အခု ၂၀၂၄ခုနှစ်အတွင်း ဖုန်းဆိုင်နဲ့ ရွှေဆိုင်တွေ ဓားပြတိုက်ခံရမှု ၈ကြိမ်ထက်မနည်း ဖြစ်ပွားခဲ့ပြီး ဓားပြတိုက်ခံရသူတွေ ထိခိုက်ဒဏ်ရာရတာ မရှိပေမယ့် ဓားပြတိုက်သွားသူတွေကို လက်ရှိအချိန်ထိ ဖမ်းဆီးရမိတာ မရှိသေးဘူးလို့လည်း သိရပါတယ်။

ဓာတ်ပုံ-Local

Credit - VOM News Agency

Free Certificate လည်းရ၊ English စာစွမ်းရည်ကို အရေး၊ အဖတ်၊အပြော၊ နားထောင် နိုင်စွမ်းရည်ကို မြင့်တင်ချင်ပြီး Beginner ကနေ Advance level အထိ သင်ခန်းစာတိုင်းကို အသေးစိတ် လေ့လာချင်တယ်ဆို ဒီCourses တွေကို တက်လိုက်ပါ။
အလုပ်၊ စကော်လားရှစ်လျောက်မဲ့ သူတွေအတွက်လည်း အရမ်းအသုံးဝင်ပါတယ်။ ဉပမာ အနေနဲ့ဆို အလုပ်၊ စကော်လားရှစ် interview တွေမှာ အရမ်းမေးလေ့ရှိတဲ့ Tell me about yourself ဆိုတဲ့ မေးခွန်းတွေကို ဘယ်လိုတုန့်ပြန်ရမလဲဆိုတာ အသေးစိတ်ပြောပြထားပါတယ်။ Courses တစ်ခုဟာဆို အနည်းဆုံး ၁၂ နာရီလောက်ကြာမြင့်မှာဘဲဖြစ်ပါတယ်။
Course Name: ESL001 ESL001: Elementary English as a Second Language
Type: Fee Certificate
Level: Beginner
Duration: 18 hours
ESL002: Intermediate English as a Second Language
Type: Fee Certificate
Level: Beginner
Duration: 15 hours
Course Name: ESL003: Upper-Intermediate English as a Second Language
Type: Fee Certificate
Level: Beginner
Duration: 14 hours
Course Name: ESL004: Advanced English as a Second Language
Type: Fee Certificate
Level: Beginner
Duration: 12 hours
Course Name: ESL005: Business-Proficient English as a Second Language
Type: Fee Certificate
Level: Beginner
Duration: 12 hours
Link: https://learn.saylor.org/cours....e/index.php?category

#crd