Lucky ကောင်းတဲ့ အဝါရောင် လေးတွေ💛💛💛

Lucky ကောင်းတဲ့ အဝါရောင် လေးတွေ💛💛💛

Lucky ကောင်းတဲ့ အဝါရောင် လေးတွေ💛💛💛

Lucky ကောင်းတဲ့ အဝါရောင် လေးတွေ💛💛💛

Lucky ကောင်းတဲ့ အဝါရောင် လေးတွေ💛💛💛

Lucky ကောင်းတဲ့ အဝါရောင် လေးတွေ💛💛💛

အိမ်မှာ မိသားစု စားတဲ့ ထမင်းအိုးကို တည်ရင်တောင် ဘယ်နှယောက်စာ စသဖြင့် လောက်ငှ အောင်ထမင်းချက်ကြပါတယ်။
ငါ တစ်ယောက်တည်း စားလို့ရရင် ရပြီ ဆိုတဲ့ စိတ်နဲ့ တစ်ယောက်စာတင် ချက်ရင်ဖြစ်စေ၊ ငါချည်းပဲ စားမယ် ကွ လို့ အကုန်စားရင် ဖြစ်စေ၊ အဲဒီလို စိတ်ဓာတ်မျိုးရှိသူဟာ အိမ်မှာ မိသားစု အတွက် သူတော်ကောင်း ဖြစ်မလာနိုင်ပါဘူး။ မိသားစုကို ကျေးဇူးပြုသူ၊ ကောင်းကျိုးပြုသူ မဟုတ်နိုင်ပါဘူး။
ဒီဥပမာ အတိုင်းပါပဲ.. ကိုယ့်ရဲ့ ရပ်တည်ချက်၊ လုပ်ဆောင်ချက်တွေဟာ လောက ကောင်းဖို့ကို ရည်စူးနေမှသာ လူကောင်းတစ်ယောက် ဖြစ်လာမှာ ဖြစ်ပါတယ်။
‘ငါ စားပြီးမှ နင်တို့ စား’ ဆိုတဲ့ စိတ်နဲ့ကတော့ အတ္တကို ဗဟိုပြုနေထိုင်ရပ်တည်ခြင်းဖြစ်လို့ လောကကိုလည်း အကျိုးပြုမယ့်သူ မဟုတ်နိုင်ပါဘူး။
အပင်တစ်ပင်ကို ခုတ်လိုက်တယ်၊ အမှိုက်တစ်ခုကို စည်းကမ်းမဲ့ ပစ်လိုက်တယ်၊ ငါ လုပ်ချင်တာ လုပ်မှာပဲ ဆိုတဲ့ လုပ်ရပ်တွေဟာလည်း လောကကို ဖျက်ဆီးခြင်း ပဲ မဟုတ်ပါလား။
ကျန်းမာရေးနဲ့ မညီတဲ့ နည်းတွေနဲ့ အစားအစာတွေကို ထုတ်လုပ်ရောင်းလိုက်တယ်၊ ကိုယ်တော့ ရောင်းကောင်း ချမ်းသာနိုင်ပေမယ့် လူတွေလည်း ပျက်ဆီး၊ လောကလည်း ပျက်ဆီးမှာ မဟုတ်ပါလား။
လောက ဆိုတာ ကိုယ့်ကို နည်း အမျိုးမျိုး နဲ့ ကိုယ်အမှီသဟဲ ပြုနိုင်အောင်ကျေးဇူးပြု ထောက်ပံ့နေတာကြောင့် လောက ကို စောင့်ရှောက်သော စိတ် နဲ့ နေထိုင် ရှင်သန်နိုင်ရမှာ ဖြစ်ပါတယ်။
လောကကို ကျေးဇူးဆပ်တဲ့အခါ ကိုယ့်ဘဝ က လောကကြီး အတွက် ဖြစ်ရမှာပါ။ ဒါမှလည်း လောကကြီးမှာ အတ္တ နဲ့ တစ်ကိုယ်ကောင်း ဆန်သူတွေ ကင်းလာပြီး ငြိမ်းချမ်းသာယာမှာ ဖြစ်ပါတယ်။
ငါကောင်းစားဖို့အရေး လောက ကြီး ကို စတေးရင် ကိုယ်လိုလူတွေ များလာရင် လောကကြီး ပျက်ဆီးမှာပဲ မဟုတ်ပါလား။
လောက ကို ကျေးဇူးဆပ်ရမှာ အခြေခံ လုပ်ငန်း (၁၀) မျိုး ရှိပါတယ်။
ဒါကို ပါရမီ (၁၀) ပါးလို့ လည်း ဆိုပါတယ်။
ပါရမီဆိုတာ မြင့်မြတ်သူတို့ရဲ့ လုပ်ငန်းစဉ် များ ဖြစ်တာကြောင့် မိမိရဲ့ လောကကို ကျေးဇူးဆပ်ခြင်း၊ လောက ကို စိတ် စင်ကြယ်စွာဖြင့် အတ္တ ဗဟိုမပြုပဲ အကျိုးဆောင်နေခြင်းတို့ဟာ နိဗ္ဗာန် ဝင်ရန် အတွက် အကောင်းဆုံး အထောက်အပံ့များဖြစ်သလို၊ သံသရာ တစ်လျှောက်မှာလည်း အကုသိုလ်နည်းပြီး ငရဲကို ပြန်ဆင်းရမယ့် အဖြစ်တွေကနေ နည်းနိုင်သမျှ နည်းသွားမှာ မဟုတ်ပါလား။
ပါရမီဖြည့်တဲ့ စိတ်ဓာတ် ဖြင့် နေထိုင်ခြင်းဟာ ဘဝ ရတုန်း အကျိုးရှိရှိ နဲ့ အလေအလွင့် အဖြုန်းအတီး တစ်စက်မရှိ နေထိုင်ရခြင်းပဲ လို့ မြင်မိပါတယ်။
ကိုယ့်ကိုကိုယ် ကောင်းစွာ ဆောက်တည်ခြင်းဟာ မိသားစု တင်မက လောက အတွက် သူတော်ကောင်း တစ်ဦး တိုးပွါးလာတာမို့ လောကကို ကျေးဇူးတင် ကျေးဇူးဆပ်ခြင်းပဲ လို့ နားလည် သဘောပေါက်မိပါတယ်။
သားနဲ့ သမီးကို ဆုံးမရင်တောင် ကိုယ်ဟာ ကမ္ဘာမှာ အလင်းပေးနိုင်တဲ့သူပဲ ဖြစ်ရမယ်။ သူများအလင်းကို မှိန်စေတတ်သူ၊ လောက အလင်းကို ဖျက်ဆီးတဲ့သူ၊ အသုံးချ နင်းဖျက်တတ်တဲ့သူ မဖြစ်စေနဲ့လို့ ဆုံးမ ဖြစ်ပါတယ်။
မြတ်စွာဘုရားရှင်ရဲ့ standard မှာတော့ ကိုယ်လို
သာမာန်လူက လိုက်မီအောင် ပါရမီ ဖြည့်ဖို့ ခက်ပေမယ့် တတ်နိုင်သလောက်တော့ ကိုယ့်အထွာလေးနဲ့ ကိုယ် လောက ကို ကျေးဇူးဆပ် ပါရမီ ဖြည့်ရင်း နေထိုင်သွား
ရမှာ မဟုတ်ပါလား။

#crd

Part-1
တသက်တာစာပေဆုရှင် သူငယ်ချင်း မောင်သာနိုး
ကျွန်တော့်အဖို့ သူငယ်ချင်း မောင်သာနိုးအကြောင်း ဆောင်းပါးတွေရေးရတာ ဘယ်နှခါရှိမှန်းတောင် မသိတော့ဘူး။ တစ်ကြိမ်က ရေးရင်းနဲ့ လက်လွန်သွားလိုက် တာ စာမျက်နှာလေးဆယ်နီးပါးရှိသွားလို့ မနည်းအရှိန်သတ်ပြီး ‘မဒမ်နိုး’ ဆီကိုပဲ ပို့လိုက်ရပါတယ်။
ဟိုအဝေးကြီးက အမေရိကမှာရောက်နေတဲ့ မောင်စွမ်းရည်ဟာ မောင်သာနိုးနဲ့ အရင်းနှီးဆုံး သူငယ်ချင်းတစ်ဦးပါလို့ အများသိကြတဲ့အတွက် ဝမ်းသာရတယ်။ မန်းတက္ကသိုလ်သမဂ္ဂမှာ လုပ်ဖော်ကိုင်ဖက်၊ ရဲဘော်ရဲဘက်သူငယ်ချင်းဆိုလို့ လေးဦးပဲ ကျန်ရှိပါတော့တယ်။ မုံရွာတင်ရွှေ၊ တင်မိုး၊ မောင်ပေါက်စည်တို့ ဆုံးကုန်ကြပြီ။ မောင်သာနိုး၊ မောင်မိုးသူ၊ မောင်သိန်းနိုင်၊ မောင်စွမ်းရည်တို့ ကျန်တယ်။ မောင် သိန်းနိုင်နဲ့ မောင်မိုးသူတို့ဆီ စာမူတောင်းကြပါဦးပေါ့။
‘ထူးခြားတာ’က မန်းတက္ကသိုလ်စာပေသမားတွေဟာ လူထုတိုက်ထွက်တွေ ချည်း ဖြစ်ကြပြီး သူတို့အားလုံးဟာ တက္ကသိုလ်သမဂ္ဂနဲ့ ကလောင်ရှင်အသင်း၊ တက္ကသိုလ်မဂ္ဂဇင်းကော်မတီတွေမှာ အမှုဆောင်တွေချည်းဆိုတာပါပဲ။ တစ်ခုတော့ ရှိရဲ့၊ မန္တလေးမှာက လူထုသတင်းစာ၊ လူထုဂျာနယ်ပဲ စာရေးစရာ စာနယ်ဇင်း ရယ်လို့ရှိတော့ အားလုံး လူထုတိုက်ထွက်တွေချည်းပဲဆိုတာ “မထူးခြားချက်’ တစ်ခု လည်း ဖြစ်နေပါတယ်။ စာပေသမားဟာ စာပိုဖတ်တယ်။ စာပိုသိတယ်။ ဒါ့ကြောင့် နိုင်ငံရေးလည်းပိုသိပြီး သမဂ္ဂများ ပါဝင်ဆောင်ရွက်ကြပါတယ်။ သမဂ္ဂဆိုတာကိုယ်ပါချင်တိုင်း ပါလို့လည်းမရပါဘူး။ အဖွဲ့အစည်းတစ်ခုကိုဝင်ပြီး ကျောင်းသား ထုရဲ့ အရွေးခံရမှ သမဂ္ဂမှာ ပါဝင်ဆောင်ရွက်ခွင့်ရတာပါ။
ကျောင်းသားသမဂ္ဂဆိုတာ တက္ကသိုလ်ဖွဲ့စည်းပုံ ဥပဒေအရ တက္ကသိုလ်နဲ့အတူ ပေါက်ဖွားလာခဲ့တာဖြစ်သလို တက္ကသိုလ်ကျောင်းသားသမဂ္ဂ သပိတ်မှောက်ကိစ္စ တွေဟာလည်း ဖွားဖက်တော်တွေပါပဲ။ ဒီအချက်ဟာလည်း ခုတော့ မျက်မှောက် ခေတ် မြန်မာနိုင်ငံသမိုင်းကဏ္ဍတွေမှာ ပါဝင်နေခဲ့ပါပြီ။ ပထမ ကောလိပ်သပိတ်တဲ့၊ ဒုတိယ တက္ကသိုလ်သပိတ်၊ တတိယ တက္ကသိုလ်သပိတ်၊ သပိတ်သုံးလုံးလည်းစုံရော လွတ်လပ်ရေးတိုက်ပွဲထဲကို တည့်တည့်ရောက်သွားပြီး လွတ်လပ်ရေးရသည်အထိ ရှေးရှုသွားခဲ့တော့တာပါ။ လွတ်လပ်ရေးသမိုင်းမှာ ကျောင်းသားကဏ္ဍက မသေးလှ ပါဘူး။
မန္တလေးကောလိပ်ဆိုတာ ရန်ကုန်တက္ကသိုလ်ကြီးရဲ့ လက်ခွဲပညာရေးဌာန တစ်ခုပါပဲ။ မန္တလေးတက္ကသိုလ်အက်ဥပဒေဆိုတာလည်း ရန်ကုန်တက္ကသိုလ် အက် ဥပဒေအတိုင်းပါပဲ။ ကျောင်းသားတိုင်းဟာ ကျောင်းသားသမဂ္ဂဝင်ပြီး သမဂ္ဂဝင်ကြေး ကို ကျောင်းဝင်ငွေနဲ့ အတူ တစ်ပါတည်းပေးဆောင်ရပါတယ်။ တက္ကသိုလ်ရုံးကပဲ ကောက်ခံထားပြီး ကျောင်းသားသမဂ္ဂအသုံးစရိတ်ကို တက္ကသိုလ်ကပဲ လိုလားသည် ဖြစ်စေ၊ မလိုလားသည်ဖြစ်စေ ထုတ်ပေးရပါတယ်။ ကျောင်းသားသမဂ္ဂ ရွေးကောက်ပွဲ ကိုလည်း တက္ကသိုလ်ပါမောက္ခကြီးတွေကပဲ သမဂ္ဂအမှုဆောင်ဟောင်းများနဲ့ ရွေး ကောက်ပွဲကော်မတီဖွဲ့ပြီး သမဂ္ဂအမှုဆောင်သစ်ကို ရွေးချယ်ပေးရပါတယ်။ ခုသမဂ္ဂ ရှိသေးရဲ့လား၊ အဲသလို ရွေးကောက်ပွဲလုပ်သေးသလား မသိပါ။ ကျွန်တော်တို့ ခေတ်တုန်းကတော့ သမဂ္ဂအမှုဆောင်ရွေးကောက်ပွဲဟာ တစ်နှစ်တာ ကျောင်းသား လှုပ်ရှားမှုတွေမှာ အကြီးဆုံးလှုပ်ရှားမှုကြီးပါပဲ။

#ဆက်ရန်ရှိ

နီကိုဝီလီယံစ်ကို ရီးရယ်လ်ထံပြောင်းဖို့ မော်ရင်ဟို တိုက်တွန်း

ဒီဇင်ဘာ ၁၂

ဖီနာဘာချီအသင်းနည်းပြ မော်ရင်ဟိုက ဥရောပထိပ်သီးကလပ် အများအပြားရဲ့ ပစ်မှတ်ဖြစ်နေတဲ့ စပိန်ကြယ်ပွင့် နီကိုဝီလီယံစ်ကို ရီးရယ်လ်အသင်းထံ ပြောင်းရွှေ့ဖို့ တိုက်တွန်းမှု ပြုလုပ်ခဲ့ပါတယ်။

မော်ရင်ဟိုက “နီကိုက အံ့သြဖွယ်ကောင်းတဲ့ ကစားသမားပါ။ ပြီးခဲ့တဲ့ ယူရိုပြိုင်ပွဲမှာ လူတိုင်းက ယာမဲလ် အကြောင်းကို ပြောနေကြပါတယ်။ ကျနော်ကတော့ နီကို-ကို ပိုပြီးကြိုက်ပါတယ်။ သူဟာ အလွန်ကောင်းတဲ့ ဘောလုံးသမားတစ်ဦးပါ။ တူရကီကလပ်က သူ့ကိုခေါ်ယူနိုင်မယ်လို့ မထင်ပါဘူး။ ကျနော်ကတော့ သူ ရီးရယ်လ် အသင်းမှာ အဆုံးသ-တ်ဖို့ မျှော်လင့်တယ်”လို့ ပြောခဲ့တာပါ။

နီကိုဝီလီယံစ်ဟာ စပိန်အသင်း ချန်ပီယံဖြစ်ခဲ့တဲ့ ယူရို ၂၀၂၄ ပြိုင်ပွဲမှာ ခြေစွမ်း ပြသနိုင်ခဲ့တာကြောင့် ပြီးခဲ့တဲ့ နွေရာသီ အပြောင်းအရွှေ့မှာ ဥရောပထိပ်သီး ကလပ်တွေက သူ့ကိုခေါ်ယူဖို့ ကြိုးစားခဲ့တာ ဖြစ်ပါတယ်။

ယူရို ၂၀၂၄ ဗိုလ်လုပွဲမှာ အင်္ဂလန်အသင်းဘက်ကို ဂိုးသွင်းခဲ့တဲ့ နီကိုဝီလီယံစ်ကို ပရီးမီးယားလိဂ် ကလပ်တွေဖြစ်တဲ့ အာဆင်နယ်နဲ့ ချယ်လ်ဆီးအသင်းတို့က ချိတ်ဆက်မှုတွေ ပြုလုပ်ခဲ့ပြီး ဘာစီလိုနာအသင်းရဲ့ ပ-စ်မှတ်လည်း ဖြစ်ခဲ့တာပါ။

ဒါပေမယ့် နီကိုဝီလီယံစ်ဟာ ဘီလ်ဘာအိုအသင်းမှာပဲ ဆက်နေဖို့ ဆုံးဖြတ်ခဲ့တာဖြစ်ပါတယ်။

မော်ရင်ဟိုကတော့ နီကိုဝီလီယံစ်ကို ခေါ်ယူမယ့် ပြိုင်ဆိုင်မှုထဲမှာ သူ့ရဲ့အသင်းဟောင်း ရီးရယ်လ်အသင်း အနိုင် ရယူနိုင်ဖို့ မျှော်လင့်နေတာပါ။

နီကိုဝီလီယံစ်နဲ့ ဘီလ်ဘာအိုအသင်းတို့ရဲ့ စာချုပ်ထဲမှာ စာချုပ်ဖျ-က်သိမ်းကြေး ယူရို ၅၈ သန်းသာရှိတဲ့အတွက် လာမယ့်နွေရာသီ အပြောင်းအရွှေ့မှာ အသင်းကြီး အများအပြားက သူ့ကိုခေါ်ယူဖို့ ထပ်ပြီးကြိုးစားဖို့ရှိနေတာ ဖြစ်ပါတယ်။

အသက် ၂၂ နှစ်အရွယ်ရှိ နီကိုဝီလီယံစ်နဲ့ ဘီလ်ဘာအိုအသင်းတို့ရဲ့ စာချုပ်ဟာ ၂၀၂၇ နွေရာသီအထိ သက်တမ်း ရှိနေတာပါ။

ဘီလ်ဘာအို အကယ်ဒမီထွက် နီကိုဝီလီယံစ်ဟာ လက်ရှိအချိန်ထိ သူ့ရဲ့ကလပ်အသင်းအတွက် ပွဲပေါင်း ၁၄၂ ပွဲ ပါဝင်ကစားထားပြီး ၂၂ ဂိုး သွင်းယူကာ ကိုပါဒယ်ရေးဖလား ၁ ကြိမ် ရယူထားနိုင်တာဖြစ်ပါတယ်။

Source: Metro

ပုံ - နီကိုဝီလီယံစ်ကို တွေ့ရစဉ်

#သတင်းဟင်းလေးအိုးကြီး

~~~ အမှတ်တရ ~~~{ ၆ }
ဂျူး
မြတ်နိုးဖော်
ကြင်နာဖက်
အားပေးဖော်
နှစ်သိမ့်ဖက်
၀မ်းနည်းဖော်
၀မ်းနည်းဖက်
ဆင်းရဲဖော်
ဆင်းရဲဖက်
ဖြစ်ခဲ့သော
ဇနီးမောင်နှံနီးပါး
ရင်းနှီးတွယ်တာခဲ့သည့်
ချစ်သူတစ်ယောက်ကို
ရက်ရက်စက်စက်
ထားပစ်ခဲ့ရအောင်အထိ
မောင့်အပေါ်
ဆွဲဆောင်နိုင်မည်
ဆိုလျှင်လည်း
ထိုမိန်းကလေးသည်
အလွန်တရာမှ
လှပပေလိမ့်မည်။
~~~~~~
အခန်း-၆
သတင်းစာတစ်စောင်ကို နှစ်ဦးအတူ ကြည့်ကြပြီဆိုလျှင်လည်း ကျွန်မနှင့်မောင် ဆန္ဒချင်းကွဲလွဲမြဲဖြစ်သည်။ ကျွန်မက တတိယစာမျက်နှာ မှ နိုင်ငံခြားသတင်းကို ပထမဦးစွာ လှန်ကြည့်တတ်ပြီး မောင်ကတော့ လက်ထပ်သတင်း။ နာရေးသတင်းများပါသည့် ကြော်ငြာကဏ္ဍကို အလျင်ကြည့်လေ့ရှိသည်။
မဂ္ဂဇင်းတစ်ခုကို ဖတ်ပြီဆိုလျှင်လည်း မောင်က ကာတွန်းကဏ္ဍကို အလျင်ကြည့်တတ်ပြီး ကျွန်မက ရုပ်ရှင်ကဏ္ဍကို အလျင်ဦးစွာ ကြည့်တတ်၏။ မောင်သည် ရုပ်ရှင်ဂီတ ဝါသနာ ကြီးလှသူ မဟုတ်။ အဆိုတော်များ၏ အသံကိုလည်း နားထောင်ပြီး ခွဲခြားတတ်သူ မဟုတ်။ ရုပ်ရှင်မင်းသား မင်းသမီးများကိုလည်း သိပ်မျက်မှန်းတန်းမိသူ မဟုတ်ပါ။
တွေးကြည့်တော့လည်း ကျွန်မနှင့်မောင် အသွင်တူသည့် အချက်ဟူ၍ စာကျက်ပျင်းခြင်း ၊ ပေါင်မုန့်ကြိုက်ခြင်း နှင့် ဖက်ထုပ်ကြော်ကြိုက်ခြင်းတို့သာ ဖြစ်လေသည်။ သည်မျှ အစစအရာရာ ဆန့်ကျင်နေသည့် ကျွန်မတို့ နှစ်ဦးအတွက် တစ်သက်တာ ခွဲခွာရခြင်းသည် သိပ်တော့ အံ့သြစရာမရှိဘူး ထင်ပါလေရဲ့။
သို့သော် မောင် စဉ်းစားကြည့်ဖို့ကောင်းသည်မှာ ကျွန်မသည် မောင်နှင့်ပတ်သက်လျှင် အစစအရာရာ လိုက်လျော အလျော့ပေးခဲ့သည် မဟုတ်ပါလား။ လက်ဖက်ရည်ဆိုင်မှာ ယောကျာ်းလေးများနှင့်အတူ တွဲသောက်တာ မောင်မကြိုက်ဘူးဆို ၊ မောင်မပါဘဲနဲ့ လက်ဖက်ရည်ဆိုင်သို့ မသွားရဘူးဆို၊ ကျွန်မ မောင့်ကို မလိုက်လျောခဲ့ပေးဘူးလား။ ကျွန်မ ကြိုက်သည့် လက်ဖက်ရည်ကို မောင့်အတွက် လျှော့ခဲ့ရတာ ၊ ကျွန်မ ကြိုက်သည့် ရုပ်ရှင်ကားများကို မောင့်အတွက် လျှော့ခဲ့ရတာ မောင် မသိတာလည်း မဟုတ်ပါဘဲနှင့်။
တကယ်တော့ ကျွန်မနှင့်မောင်၏ဇာတ်လမ်းတွင် ကျွန်မ ဘယ်လိုမျှ မထင်မှတ်သော တတိယဇာတ်ကောင်တစ်ဦး ဖြုန်းခနဲ ပေါ်လာခဲ့ခြင်းက အဓိက အကြောင်းအရင်း ဖြစ်သည်။ မောင့်ချစ်သူ မှာ တစ်လောကလုံး၌ ကျွန်မတစ်ယောက်သာ ဖြစ်သည်ဟု ခိုင်မာစွာ ယုံကြည်ထားခဲ့သော ကျွန်မကိုချောက်ချားယိုင်နွဲ့ သွားလောက်အောင် ဖန်တီးလိုက်သူမှာ မောင်၏ ငယ်ချစ်ဦးဟု မောင်တို့မြို့က သတ်မှတ်ထားသည့် မောင်နှင့် ကျွန်မထက် သုံးနှစ်လောက်ငယ်သော ချစ်စဖွယ် မိန်းကလေး တစ်ဦး ဖြစ်လေသည်။
“အထက်တန်း ကျောင်းသားဘ၀ကတည်းက အသေအလဲ လိုက်ခဲ့တာ”
“အခုဆို ကောင်မလေးက သူတို့ မြို့က ကောလိပ်မှာ ကျန်နေခဲ့တာ”
“မြို့ကို ပြန်ရောက်တိုင်း သူက ကောင်မလေးအတန်းကို သွားသွားပြီးစောင့်တာ”
မောင်ရယ် … ကျွန်မ ဘယ့်နှယ်လုပ်ပြီး ယုံရမလဲ ဖြေပါဦး ။ ကျွန်မသည် မောင့်စကားမှ လွဲပြီး မည်သူ့ ပြောစကားမျှ မယုံကြည်တတ်သူ ဖြစ်၏ မောင့်ကို ဖွင့်ဟ မေးရဲလောက်အောင် ကျွန်မ သတ္တိမရှိခဲ့ပါ။ မောင်သည် ဟန်ဆောင်တတ်သူ တစ်ဦး ဖြစ်ချင်ဖြစ်ပါလိမ့်မည်။ သို့သော် ဗြောင်လိမ်ညာတတ်သူတော့ မဟုတ်ပါ။

#ဆက်ရန်ရှိ