#အသက်၂၅ကနေအသက်၅၀အတွင်းမှာဖြစ်ပွားလေ့ရှိတဲ့တင်းတိတ်ပြဿနာ …

တင်းတိတ်ဟာ များသောအားဖြင့်အသက် ၂၅ကနေ အသက်၅၀အရွယ် အမျိုးသမီးတွေအဖြစ်များပါတယ်။ အမျိုးသားတွေလည်းဖြစ်တယ်ဆိုပေမယ့် တွေ့ရနည်းပါတယ်။

အဖြစ်များတဲ့ အကြောင်းရင်းကတော့ မြန်မာမိန်းကလေး အများစုလိမ်းကြတဲ့သနပ်ခါးကအသားအရေကိုခြောက်သွေ့စေပြီး နေလောင်ဒဏ်ကို အပြည့်အဝမကာကွယ်နိုင်တဲ့အတွက်ကြောင့် မျက်နှာအသားအရေတွေပေါ်ကို တင်းတိတ်ဆိုတဲ့အရာရောက်လာတာပဲဖြစ်ပါတယ်။

ဒါကြောင့် သနပ်ခါးဟာ မျက်နှာအသားအရေကိုအေးမြစေတယ်ဆိုပေမယ့်လည်း နေလောင်ဒဏ်ကိုတော့မကာကွယ်နိုင်ပါဘူးနော်။

ဒါ့အပြင်မျိုးရိုးလိုက်ခြင်း၊အသားအရည်မှာရေဓါတ်နည်းခြင်း၊နေလောင်ဒဏ်မကြာခဏခံရခြင်းနဲ့ဟော်မုန်းပြောင်းလဲမှုတွေကြောင့်လည်း တင်းတိတ်ဖြစ်တတ်ပါတယ်။

တင်းတိတ်နဲ့ပတ်သက်ရင်တော့ ကာကွယ်ခြင်းသည် ကုသခြင်းထက်ပိုကောင်းပါတယ်နော်။ဒါ့ကြောင့် ရေဓာတ်ပြည့်ဝနေစေဖို့ ရေများများသောက်ပါ။

မိမိနဲ့ကိုက်ညီတဲ့ Moisturizer cream တွေလိမ်းပါ။သနပ်ခါးမလိမ်းခင် Sunscreen,Sun Protector ကို နေ့စဉ်မပျက်လိမ်းပါ။Scrub,Peeling လုပ်ပြီးရင် နေပူထဲမထွက်ပါနဲ့။

ရေဘေးသင့်ဒေသများအတွက် အမိုးသွပ်များ စျေးလျှော့ရောင်းမည်
------------------------------
လက်ရှိမှာ ဖြစ်ပေါ်နေတဲ့ ရေကြီးရေလျှံမှုတွေကြောင့် အခက်အခဲရင်ဆိုင်နေရတဲ့ ရေဘေးသင့်ဒေသတွေအတွက် ပြန်လည်ထူထောင်ရေးလုပ်ငန်းတွေမှာ အသုံးပြုနိုင်ဖို့ အမိုးသွပ်တွေကို သက်သာတဲ့ နှုန်းထားနဲ့ စျေးလျော့ ရောင်း သွားမှာ ဖြစ်တယ်လို့ မြန်မာနိုင်ငံ ဆောက်လုပ်ရေးဆိုင်ရာ လုပ်ငန်းရှင်များ အသင်းချုပ်က စက်တင်ဘာ ၁၇ ရက် မှာ ထုတ်ပြန်ပါတယ်၊၊

အဲဒီလို အမိုးသွပ်တွေကို သက်သာတဲ့နှုန်းထားနဲ့ စျေးလျော့ရောင်းချရာမှာ အမိုးသွပ်အချပ် ရေ ၃ သောင်းကျော်ကို ကာလပေါက်စျေးရဲ့ ၄၀ ရာခိုင်နှုန်း လျော့စျေးနဲ့ သက်သာတဲ့ နှုန်းထားဖြစ်တဲ့ ၁ ပေ စျေးနှုန်း ၂၅၀၀ ကျပ်နဲ့ ရောင်း ချပေးသွားမှာ ဖြစ်တယ်လို့ ဆိုပါတယ်၊၊

အဲဒီလို ရောင်းချရာမှာ အလှူရှင်တွေ၊ အသင်းအဖွဲ့အစည်းတွေ၊ ပရဟိတ အသင်းတွေအနေနဲ့ လှူဒါန်းလိုတဲ့ မြို့နယ်၊ သွပ်ပြားအရေအတွက် ဘယ်လောက် လှူဒါန်းမှာကို ဖော်ပြကာ လျှောက်လွှာနဲ့ အမြန်ဆုံး လာရောက် လျှောက်ထားနိုင်ပြီး ဦးရာလူစနစ်နဲ့ စိစစ်ရောင်းချပေးသွားမယ်လို့လည်း ထုတ်ပြန်ချက်မှာ ဖော်ပြထားပါတယ်။

နိုင်ငံတစ်ဝန်း ရေကြီးရေလျှံမှုတွေကြောင့် နောက်ဆုံးကောက်ယူရရှိတဲ့ စာရင်းတွေအရ လူနေအိမ် ပျက်စီးမှု အနေနဲ့ ၁၉၁၅ လုံး လုံးဝ ပျက်စီးခဲ့ပြီး ၂၀၁ လုံးမှာ တစ်စိတ်တစ်ပိုင်း ပျက်စီးခဲ့ကာ ရေဝင်နစ်မြုပ်မှုမှာ ၁၅၈၃၄၃ လုံး ရှိတယ်လို့ နစက ဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင်က စက်တင်ဘာ ၁၇ ရက်က သဘာဝဘေးအန္တရာယ် စီမံခန့်ခွဲမှုဆိုင်ရာ အစည်းအဝေးမှာ ပြောကြားခဲ့ပါတယ်။

ကြိုတင်စစ်ဆေးခဲ့လျှင် တိုင်တန်သင်္ဘောဖြစ်စဉ်ကို တားဆီးနိုင်ဖွယ်ရှိ
-----------------------
အမေရိကန်ဘေးကင်းလုံခြုံမှုရေးရာ အာဏာပိုင်အဖွဲ့(OSHA)ကသာ သူ့ရဲ့တိုင်ချက်ကို အရေးတယူ စုံစမ်းစစ်ဆေး ခဲ့ရင် OceanGate ရေငုပ်သင်္ဘော ပေါက်ကွဲပျက်စီးမှုကို တားဆီးနိုင်ခဲ့မှာဖြစ်တယ်လို့ အဲဒီ ကုမ္ပဏီရဲ့ ဒါရိုက်တာ ဟောင်း ဒေးဗစ် လော့(ခ်)ရစ်က ပြောပါတယ်။

ဒါရိုက်တာဟောင်းဖြစ်သူ လော့(ခ်)ရစ်က OceanGate ကုမ္ပဏီ ဟာ ငွေရှာဖို့ပဲ အဓိကထားပြီး သိပ္ပံပညာဆိုင်ရာ နည်းနာတွေကို အလေးမထားကြောင်း တနင်္လာနေ့က ဝေဖန် သွားခဲ့ပါတယ်။ ၂၀၂၃ ခုနှစ် ဇွန်လတုန်းက အတ္တ လန္တိတ်သမုဒ္ဒရာ ကြမ်းပြင်အောက်က တိုင်တန်းနစ် သင်္ဘောပျက် ရှိရာကို လေ့လာရေးခရီးသွားတဲ့ တိုင်တန် ရေငုပ်သင်္ဘောဟာ ရေအောက်မှာပဲ ပေါက်ကွဲပျက်စီးသွားခဲ့တာပါ။

အဲဒီရေငုပ်သင်္ဘော ပေါက်ကွဲ ပျက်စီးခဲ့ရတဲ့ ဖြစ်စဉ်ကို စုံစမ်းစစ်ဆေးနေတဲ့ အမေရိကန် ကမ်းရိုးတန်း အစောင့် တပ် စုံစမ်းစစ်ဆေးရေးအဖွဲ့ရှေ့မှောက်မှာ ထွက်ဆိုရာမှာ အခုလို ပြောသွားခဲ့တာပါ။ လော့ခ်ရစ်က ၂၀၁၈ ခုနှစ်က အဲဒီရေငုပ်သင်င်္ဘောရဲ့ ဘေးကင်းလုံခြုံမှုနဲ့ ပတ်သက်ပြီး စိုးရိမ်ရကြောင်း ဖော်ပြထားတဲ့ အစီရင်ခံစာ တစ်စောင် ကိုလည်း ဖော်ပြခဲ့ပြီး အဲဒီသင်္ဘောမစ်ရှင်ကို သူ့အနေနဲ့ လက်မှတ်ထိုးအတည်ပြုပေးဖို့ အကြောင်းမရှိခဲ့ကြောင်းနဲ့ သင်္ဘောတည်ဆောက်မှုပိုင်းကိုလည်း အယုံအကြည်မရှိခဲ့ကြောင်း သူက ဆက်ပြောပါတယ်။

သူ့အနေနဲ့ ဘေးကင်း လုံခြုံရေး အာဏာပိုင်အဖွဲ့ OSHA)ထံ အဲဒီသင်္ဘောရဲ့ ဘေးကင်းလုံခြုံမှုအပေါ် စိုးရိမ်ရ ကြောင်း အီးမေးလ်နဲ့ အသိ ပေး အကြောင်းကြားမှု လုပ်ခဲ့ပေမဲ့ တာဝန်ရှိသူတွေက ချက်ချင်း စုံစမ်းစစ်ဆေးမှု မလုပ်ခဲ့တဲ့အတွက် စိတ်ပျက်ခဲ့ ရကြောင်းလည်း ပြောကြားခဲ့ပါတယ်။

အရမ်း သနားမနေကျနဲ့ သူက ttဆော့နေတာ

Wild, Wild, West PUBG မိုက်တယ်

အဘွားတင်းပြီလေ

ဒေါ်ချိုချိုကြွားတို့ဆိုသည်မှာလည်း....ဆိုင်ဆိုင် မဆိုင်ဆိုင်နော်

The First Ever Panenka