ဒဏ်ရာကြောင့် ဘတ်ပီ ၁၀ ရက်ကြာ အနားယူရဖွယ်ရှိ

CNI Sport News

၂၀၂၄ ခုနှစ်၊ ဒီဇင်ဘာ ၁၃

ရီးရယ်လ်အသင်း တိုက်စစ်မှူး ဘတ်ပီဟာ ပေါင်ဒဏ်ရာကြောင့် ၁၀ ရက်ကြာ အနားယူရဖွယ်ရှိတယ်လို့ ESPN က ဖော်ပြထားပါတယ်။

ဘတ်ပီဟာ ရီးရယ်လ်အသင်းက အတ္တလန်တာအသင်းကို ၃ ဂိုး-၂ ဂိုးနဲ့ အနိုင်ရခဲ့တဲ့ ချန်ပီယံလိဂ်ပွဲစဉ်မှာ ဒဏ်ရာ ရရှိခဲ့တာကြောင့် ပွဲချိန် ၃၅ မိနစ်မှာ လူစားလဲခံခဲ့ရတာပါ။

ရီးရယ်လ်အသင်းဟာ ဘတ်ပီရဲ့ ဒဏ်ရာကို စစ်ဆေးမှုတွေ ပြုလုပ်အပြီးမှာ ပေါင်ဒဏ်ရာ ရရှိကြောင်း တွေ့ရှိခဲ့ရပြီး သူ့ရဲ့တိုးတက်မှု အခြေအနေကို စောင့်ကြည့်ရမယ်လို့ ကြေညာချက် ထုတ်ပြန်ထားပါတယ်။

သတင်းတွေမှာ ဘတ်ပီဟာ ၁၀ ရက်ကြာ အနားယူရမယ်လို့ ဖော်ပြထားတာကြောင့် ဗယ်လက်ကာနိုအသင်းနဲ့ ယှဉ်ပြိုင်မယ့် လာလီဂါပွဲစဉ်မှာ ရီးရယ်လ်အသင်းအတွက် ပါဝင်နိုင်တော့မှာ မဟုတ်ပါဘူး။

ဒါအပြင် ဘတ်ပီဟာ ဖီဖာရဲ့ Intercontinental Cup ပြိုင်ပွဲကိုလည်း ပါဝင်နိုင်ဖို့ မသေချာဘူးလို့ သိရပါတယ်။

ရီးရယ်လ်အသင်းဟာ ပြီးခဲ့တဲ့ရာသီက ချန်ပီယံလိဂ်ပြိုင်ပွဲမှာ ဗိုလ်စွဲထားတာကြောင့် ဒီပြိုင်ပွဲကို ဝင်ရောက် ယှဉ်ပြိုင်ခွင့် ရရှိထားတာပါ။

ရီးရယ်လ်အသင်းဟာ Intercontinental Cup ပြိုင်ပွဲမှာ ဗိုလ်လုပွဲ တစ်ပွဲတည်းကိုသာ ယှဉ်ပြိုင်ရမှာဖြစ်ပြီး ပါချူကာအသင်းနဲ့ အယ်လ်အာလီအသင်းတို့ ပွဲစဉ်က အနိုင်ရတဲ့ အသင်းနဲ့ ဒီဇင်ဘာ ၁၈ ရက်ကျရင် ယှဉ်ပြိုင်ရမှာ ဖြစ်ပါတယ်။

ပြီးခဲ့တဲ့ နွေရာသီက ပီအက်စ်ဂျီအသင်းကနေ အလွတ်နဲ့ ပြောင်းရွှေ့လာခဲ့တဲ့ ဘတ်ပီဟာ ရီးရယ်လ်အသင်းမှာ ပုံမှန်ခြေစွမ်း မပြသနိုင်တာကြောင့် ဝေဖန်မှုတွေ ခံထားရပေမယ့် ပါဝင်ကစားထားတဲ့ ၂၂ ပွဲမှာ ၁၂ ဂိုး သွင်းယူထား တာပါ။

ဒဏ်ရာကြောင့် အနားယူနေရတဲ့ ရီးရယ်လ်အသင်း နောက်ခံလူ ကာဗာဟယ်လ်က ဘတ်ပီဟာ အသင်းကို ဆုဖလားတွေ ရယူပေးနိုင်မယ်ဆိုတာ ယုံကြည်မှုရှိတယ်လို့ ပြောထားပါတယ်။

ရီးရယ်လ်အသင်းဟာ ဒီရာသီ လာလီဂါပြိုင်ပွဲမှာ ထိပ်ဆုံးနေရာက ဘာစီလိုနာ အသင်းထက် ၁ ပွဲလျော့ ကစား ထားပြီး ရမှတ် ၂ မှတ်အကွာ အဆင့် ၂ နေရာမှာ ရပ်တည်နေကာ ချန်ပီယံလိဂ် ပြိုင်ပွဲမှာတော့ အဆင့် ၂၀ နေရာမှာ ရပ်တည်နေတာ ဖြစ်ပါတယ်။

Source: ESPN

ပုံ - ဘတ်ပီကို တွေ့ရစဥ်

#centralnewsnaypyitaw

Ba Wa

နေပြည်တော်ခုတင် (၁၀၀၀) ဆေးရုံ၌ ပထမအကြိမ်ကျောက်ကပ်အစားထိုးခွဲစိတ်ကုသမှုဆောင်ရွက်၊ လူနာနှင့် အလှူရှင်နှစ်ဦးစလုံး ကျန်းမာရေးကောင်းမွန်လျက်ရှိ

နေပြည်တော်၊ ဒီဇင်ဘာ ၁၃

နေပြည်တော် ပြည်သူ့ဆေးရုံကြီး (ခုတင်-၁၀၀၀)၌ ကျောက်ကပ်အစားထိုးရန် လိုအပ်သော ကျောက်ကပ် ရောဂါလူနာအတွက် ပထမအကြိမ် ကျောက်ကပ်အစားထိုးခွဲစိတ်ကုသမှုကို ယမန်နေ့က ဆောင်ရွက်ခဲ့ကြောင်း ကျန်းမာရေးဝန်ကြီးဌာနမှ သိရသည်။

ကျောက်ကပ်အစားထိုး ခွဲစိတ်ကုသမှုဆောင်ရွက်ခဲ့သော လူနာသည် ပျဉ်းမနားမြို့နယ်တွင် နေထိုင်သည့် ပြည်သူတစ်ဦးဖြစ်ပြီး ကျောက်ကပ်ကို ၎င်း၏ ဖခင်က လှူဒါန်းပေးခဲ့ခြင်းဖြစ်ကာ ယခုအခါ ဘာသာရပ်ဆိုင်ရာ ပါမောက္ခ/အထူးကု ဆရာဝန်ကြီးများက ဆေးရုံအထူးကြပ်မတ်ကုသဌာန၌ ကျန်းမာရေးစောင့်ရှောက်မှု ပေးလျက်ရှိသည့်အတွက် လူနာနှင့် ကျောက်ကပ်အလှူရှင်နှစ်ဦးစလုံး ကျန်းမာရေးအခြေအနေ ကောင်းမွန်လျက်ရှိသည်။

ထို့အတူ နေပြည်တော် ပြည်သူ့ဆေးရုံကြီး(ခုတင်-၁၀၀၀)မှ ဆေးရုံစီမံအုပ်ချုပ်ရေးအဖွဲ့နှင့် ဆရာဝန်များ၊ ဒုတိယညွှန်ကြားရေးမှူး(သူနာပြုအုပ်ကြီး)နှင့် သူနာပြုများ၊ ရန်ကုန်အထွေထွေရောဂါကု ဆေးရုံသစ်ကြီးမှ ကျွမ်းကျင်သူနာပြု ဆရာမကြီး ဦးဆောင်သော သူနာပြုများအဖွဲ့၊ ကျွမ်းကျင်ဝန်ထမ်းများနှင့် အထောက်အကူပြု ဝန်ထမ်းများအားလုံးကလည်း ပူးပေါင်းဆောင်ရွက်ခဲ့ကြောင်း သိရသည်။

#သတင်းဟင်းလေးအိုးကြီး

ယူကရိန်းပြီးရင် ဥရောပနိုင်ငံတွေနဲ့ ရေရှည်စစ်ပွဲဆင်နွှဲဖို့ ပူတင်ပြင်ဆင်နေကြောင်း နေတိုးအတွင်းရေးမှူးပြော

နိုင်ငံတကာ၊ ဒီဇင်ဘာ ၁၃

ရုရှားသမ္မတဗလာဒီမာပူတင်ဟာ ယူကရိန်းကို မြေပုံပေါ်က ဖျောက်ပစ်ချင်နေသလို ဥရောပဒေသရဲ့ တခြားနယ်မြေတွေ ကိုလည်း ဆက်လက်နယ်ချဲ့တိုက်ခိုက်လာနိုင်ကြောင်း နေတိုးအဖွဲ့အတွင်းရေးမှူး မတ်ရပ်တာက ပြောပါတယ်။

ဥရောပနိုင်ငံတွေကို ကာကွယ်ရေးအသုံးစရိတ်တွေ တိုးမြှင့်သုံးစွဲဖို့ တိုက်တွန်းနေစဉ်အတွင်းမှာပဲ အတွင်းရေးမှူးမတ်ရပ် တာက အခုလိုပြောကြားလိုက်တာဖြစ်ပါတယ်။

“စစ်အတွင်းကာလ တွေးခေါ်ပုံမျိုးဆီကို ပြောင်းလဲတွေးခေါ်ဖို့ အချိန်ရောက်နေပါပြီ။” လို့ ဘရပ်ဆဲလ်မြို့မှာရှိတဲ့ Carnegie Europe အကြံပေးရုံးမှာ လုံခြုံရေးကျွမ်းကျင်သူတွေနဲ့ ဆန်းစစ်လေ့လာသူတွေကို ရပ်တာက ပြောပါတယ်။

ယူကရိန်းစစ်ပွဲမှာ မြင်တွေ့ခဲ့ရသလို ရုရှားနိုင်ငံက ဥရောပဒေသမှာ “ဒရုန်းတွေ အစုလိုက်အပြုံလိုက် အုပ်ဖွဲ့ပျံသန်းတိုက် ခိုက်လာမှာကို” မျှော်မှန်းထားပြီး ဥရောပနိုင်ငံတွေအနေနဲ့ ကြိုတင်ပြင်ဆင်ထားဖို့လိုကြောင်း ၎င်းက ပြောပါတယ်။

“ပူတင်ဟာ ကျွန်တော်တို့ရဲ့ လွတ်လပ်မှုနဲ့ ဘဝတွေကို တို်က်ခိုက်ဖျက်ဆီးဖို့ ကြိုးစားနေပါတယ်။” လို့ ၎င်းက ပြောပါတယ်။

ရုရှားနိုင်ငံဟာ ၂၀၀၈ ခုနှစ်မှာ ဂျော်ဂျီယာကို တိုက်ခိုက်ခဲ့ပြီး ၂၀၁၄ ခုနှစ်မှာ ယူကရိန်းနိုင်ငံ ခရိုင်းမီးယား ကျွန်းဆွယ်ကို ဝင်ရောက်တိုက်ခိုက်ကာ သိမ်းပိုက်ခဲ့သလို ၂၀၂၂ ခုနှစ်မှာလည်း ယူကရိန်းတစ်နိုင်ငံလုံးကို ဝင်ရောက်တိုက်ခိုက်နေကြောင်း ဒတ်ချ်ဝန်ကြီးချုပ်ဟောင်း ရပ်တာက ပြောပါတယ်။

“ကျွန်တော်တို့ အရေးပေါ်ဖုန်းတွေ ဘယ်နှကြိမ်ခေါ်ဖို့ လိုမှာလဲ။ ကျွန်တော်တို့ ဒီကိစ္စကို အလေးထား စိုးရိမ်ရမှာဖြစ်ပါတယ်။ ရုရှားဟာ ရေရှည်စစ်ပွဲအတွက် ပြင်ဆင်နေပါတယ်။ ယူကရိန်းစစ်ပွဲအတွက်ရော ကျွန်တော်တို့အတွက်ရော နှစ် ခုစလုံးအတွက် ပြင်ဆင်နေတာပါ။” လို့ ၎င်းက ပြောပါတယ်။

နေတိုးအဖွဲ့အတွင်းရေးမှူးအဖြစ် စတင်တာဝန်ထမ်းဆောင်ပြီး နှစ်လကျော်ကြာတဲ့အချိန်ရောက်မှ ရပ်တာက ရာထူး လက်ခံတဲ့အဖွင့်မိန့်ခွန်းကို ပြောဆိုခဲ့တာဖြစ်ပါတယ်။

ရပ်တာဟာ ရွေးကောက်ခံအကြိုသမ္မတဒေါ်နယ်ထရမ့်နဲ့ တွေ့ဆုံဖို့အတွက် နေတိုးအဖွဲ့ရဲ့ အရေးအပါဆုံး အဖွဲ့ဝင်နိုင်ငံ ဖြစ်တဲ့ အမေရိကန်ပြည်ထောင်စုအပါအဝင် အဖွဲ့ဝင်နိုင်ငံ ၃၂ နိုင်ငံက မြို့တော်တွေကို သွားရောက်ခဲ့ပါတယ်။

နေတိုးအဖွဲ့ဟာ ရုရှား-ယူကရိန်းစစ်ပွဲမှာ ယူကရိန်းကို အခိုင်အမာထောက်ခံတဲ့အဖွဲ့ဖြစ်ပြီး အဖွဲ့ဝင်နိုင်ငံအများစု ဟာ ယူကရိန်းအတွက် လက်နက်ခဲယမ်းတွေနဲ့ တခြားထောက်ပံ့မှုမျိုးစုံကို ထောက်ပံ့ခဲ့ပါတယ်။

ဒါပေမဲ့ စစ်ပွဲကို အမြန်အဆုံးသတ်မယ်လို့ ကတိပေးထားတဲ့ ဒေါ်နယ်ထရမ့် ရွေးကောက်ပွဲမှာ ပြန်လည်အနိုင် ရလာတဲ့အတွက် တရားမျှတမှုမရှိဘဲ တစ်ဖက်သတ်ဖိအားပေးမှုနဲ့ ယူကရိန်းစစ်ပွဲ အပစ်အခတ်ရပ်စဲရေး ဆောင်ရွက်လာမှာကို စိုးရိမ်ပူပန်နေကြပါတယ်။

Ref: NATO chief warns that Putin wants long-term confrontation with Europe after Ukraine

#centralnewsnaypyitaw

မန်ယူအသင်း ချက်ကလပ်အသင်းကို အနိုင်ရ၊ ခြေစွမ်းတိုးတက်ဟု နည်းပြပြော

မန်ချက်စတာယူနိုက်တက်အသင်းဟာ ချက်ကလပ် ဗစ်တိုရီးယားပလာဇန်နဲ့ ယူရိုပါလိဂ်ပွဲစဉ်မှာ ၂ ဂိုး ၁ ဂိုးနဲ့ အနိုင်ရပြီးနောက်မှာ အသင်းရဲ့စွမ်းဆောင်ရည် တိုးတက်လာတယ်လို့ နည်းပြ အာမိုရင်က သုံးသပ်ပြောကြားလိုက်ပါတယ်။

မန်ယူအသင်းဟာ ဦးဆောင်ဂိုး စတင်ပေးခဲ့ရပေမဲ့ လူစားဝင်တိုက်စစ်မှူး ဟွိုက်လန်းက ချေပဂိုးနဲ့ အနိုင်ဂိုးတွေသွင်းခဲ့တာပါ။

အသင်းရဲ့ တချို့ အစိတ်အပိုင်းတွေမှာ တိုးတက်မှုတွေရှိပြီး ဘောလုံးပေးပို့မှုတွေနဲ့ လိုက်ပါ လုယူမှုတွေမှာ အားကောင်းလာကြောင်း၊ ပြိုင်ဘက်ဂိုးပေါက်ရှေ့မှာတော့ လေ့ကျင့်ပြင်ဆင်ချိန် အများကြီးလုပ်ဆောင်သွားရဦးမှာဖြစ်ကြောင်း နည်းပြက ပြောပါတယ်။

မန်ယူအသင်းဟာ လက်ကျန် ၂ ပွဲအလိုမှာ အဆင့် ၆ ရောက်နေပြီး ယူရိုပါလိဂ် ၁၆ သင်းအဆင့်ကို တိုက်ရိုက်တက်ရောက်နိုင်ဖို့ အခွင့်အရေးကောင်းလာခဲ့ ပါတယ်။
DVB
Photo: Reuters

၂၀၂၄ မှာ အိမ် (၃) လုံး၊ တိုက်ခန်း (၈) ခန်း၊ ကား (၄)စီး ပိုင်ခဲ့တဲ့ မနှင်း
နောက်တယ်နော်

ခွေးလေး Bam အတွက် You Tube ချန်နယ်တစ်ခုဖွင့်ပေးခဲ့တဲ့ BTS အဖွဲ့ဝင် ဂျောင်ကွတ်

ဒီဇင်ဘာ ၁၃

တောင်ကိုရီးယားနာမည်ကျော် အမျိုးသားအဆိုတော်အဖွဲ့ BTS ၏အဖွဲ့ဝင်တစ်ဦးဖြစ်သူ ဂျောင်ကွတ်သည် ၎င်း၏ခွေးလေး Bam အတွက် YouTube ချန်နယ်တစ်ခုကို ဖွင်ခဲ့ကြောင်းသိရသည်။

ခွေးလေး Bam ၏ အင်စတာဂရမ်အကောင့် bio တွင် တင်ထားသော YouTube လင့်ခ်တစ်ခုကို ဂျောင်ကွတ်၏ပရိသတ်များက သတိထားခဲ့ပြီးနောက် ယခုလိုချန်နယ်ကို ရှာတွေ့ခဲ့ခြင်းဖြစ်သည်။ ခွေးလေး Bam ၏ YouTube ချန်နယ်ကို ဖွင့်ထားပြီဖြစ်သော်လည်း မည်သည့်ဗီဒီယိုကိုမှ တင်ခြင်းမျိုးမရှိသေးကြောင်း သိရသည်။

ထို့ပြင် ပရိသတ်များသည် အဆိုပါချန်နယ်နှင့်ပတ်သက်ပြီး စိတ်လှုပ်ရှားနေကြပြီး ဂျောင်ကွတ်က ၎င်း၏ခွေးလေးနှင့်ပတ်သက်သည့် အကြောင်းအရာများကို ဘယ်လိုပုံစံဖြင့် မျှဝေလာမလဲဆိုသည်ကို စောင့်ဆိုင်းနေကြကြောင်းလည်း သိရသည်။ ဂျောင်ကွတ်က ၎င်း၏ခွေးလေး Bam အတွက် YouTube ချန်နယ်တစ်ခုဖွင့်ပေးသည့် သတင်းသည် ဆိုရှယ်မီဒီယာများနှင့် အွန်လိုင်းလူမှုအသိုင်းအဝိုင်းအသီးသီးတွင် ချက်ချင်းပျံ့နှံ့သွားခဲ့ကြောင်းလည်း သိရသည်။

ထို့ပြင် ပရိသတ်များက ဂျောင်ကွတ်နှင့် ၎င်း၏ခွေးလေး Bam တို့ကြား ကြည်နူးစရာကောင်းသည့်အ ခိုက်အတန့်များကို မြင်တွေ့ရနိုင်ရန် မျှော်လင့်စောင့်စားနေကြကြောင်းလည်း သိရသည်။ ဂျောင်ကွတ်သည် (၂၀၂၃) ခုနှစ် ဒီဇင်ဘာလတွင် စစ်မှုထမ်းတာဝန်ကို စတင်ထမ်းဆောင်ခဲ့ပြီး (၂၀၂၅)ခုနှစ် ဇွန်လ (၁၁)ရက်တွင် စစ်မှုထမ်းတာဝန်ပြီးဆုံးမည်ဖြစ်ကြောင်း သိရသည်။

BTS အဖွဲ့ဝင်အားလုံးသည် စစ်မှု ထမ်း တာဝန်ပြီးဆုံးကြမည့် (၂၀၂၅) ခုနှစ်တွင် ပြန်လည်ပေါင်းစည်းကာ ဖျော်ဖြေရေးလုပ်ငန်းများကို ဆက်လက်လုပ်ဆောင်သွားနိုင်ဖွယ်ရှိနေကြောင်း သိရသည်။ BTS အဖွဲ့ဝင်တစ်ဦးဖြစ်သူ Jin သည် ပြီးခဲ့သည့်ဇွန်လ(၁၂) ရက်တွင် ၎င်း၏စစ်မှုထမ်းတာဝန်ကို ပြီးဆုံးသွားပြီဖြစ်ပြီး J-Hope သည် ပြီးခဲ့သည့်အောက်တိုဘာလ(၁၇)ရက်တွင် ၎င်း၏စစ်မှုထမ်းတာဝန်ကို ပြီးဆုံးသွားပြီဖြစ်ကြောင်းသိရသည်။

Credit - NP News Agency

#သတင်းဟင်းလေးအိုးကြီး

Legends
The most memorable M Series M2 and Legend Players တွေပါပဲ M Series ရယ်လို့ဆိုလိုက်ရင် အမှတ်ရဆုံးနဲ့အမှတ်တရအရှိဆုံး လို့ဆိုလို့ရပါတယ် Teamတစ်ခု Strong အဖြစ်ဆုံး Unique အဖြစ်ဆုံး ဆိုလို့ Old Burmese Ghouls ပဲဆိုရမယ်ဗျ Line up မှာသဘောအကျဆုံးဆိုပီး Player ဆိုပီးမရှိခဲ့ပေမယ့် အကုန်လုံးကိုအားကျခဲ့ရတာမို့ Local Team တွေထဲအကြိုက်ဆုံးပဲ သူတို့မရှိတော့တဲ့နောက်ပိုင်း Local Tour တွေမကြည့်ဖြစ်တော့ဘူး M Series တွေလဲကြည့်လိုက်မကြည့်လိုက်ပဲ အရွယ်တစ်ခုနဲ့လဲဆိုင်တာပေါ့ အခုအချိန်နဲ့ယှဉ်လိုက်ရင် နောက်ဆုံးအကြိမ်ပျော်ခဲ့ရသော 2020 ရဲ့ညချမ်းတွေပေါ့ဗျာ လူငယ်ဘဝ Game ကိုရူးသွပ်စဉ်အချိန်အခါမှာတော့ ထမင်းမစားပဲကြည့်ခဲ့ရသောပွဲစဉ်တွေပါလို့ခေါင်းစဉ်တပ်ရမာပေါ့ဗျာ ဘယ်အချိန်မှာပြန်ပျော်ရမယ်မှန်းမသိသေးပေမယ့် လူငယ်ဘဝကိုကောင်းကောင်းခံစားရမယ့်အချိန်‌တွေတော့မမိီနိုင်ဘူးပေါ့ဗျာ အားလုံးလဲအမှတ်ရနေမယ်ထင်လို့ TikTok Video လေးပြန်တွေ့တုန်းတင်ပေးလိုက်ပါတယ်ဗျာ Crd to Original Upload ပါဗျာ
Song Name - Forever Young

လက်ကျန် ၂ ပွဲစလုံးအနိုင်ရမှသာ မြန်မာအသင်းနောက်တဆင့်တက်ရန် မျှော်မှန်းနိုင်မည်

လက်ရှိကျင်းပနေတဲ့ အာဆီယံ ချန်ပီယံရှစ်ဘောလုံးပြိုင်ပွဲမှာ မြန်မာအသင်းက အုပ်စုလက်ကျန် ၂ ပွဲစလုံး အနိုင်ရမှသာ နောက်တဆင့် ဆီမီးဖိုင်နယ်တက်ခွင့် မျှော်မှန်းနိုင်တော့မှာပါ။

ဒီဇင်ဘာ ၁၂ ရက် မနေ့ညနေက ယှဉ်ပြိုင်ကစားခဲ့တဲ့ ဖိလစ်ပိုင်နဲ့ အုပ်စုဒုတိယပွဲစဉ်မှာ မြန်မာအသင်းက တဂိုးစီသရေရလဒ်နဲ့ ကစားနိုင်ခဲ့ပြီး အုပ်စုပွဲစဉ် ၂ ပွဲမှာ နိုင်ပွဲပျောက်ဆုံးနေဆဲ ဖြစ်ပါတယ်။

မြန်မာနဲ့ တအုပ်စုတည်းဖြစ်တဲ့ အင်ဒိုနီးရှားနဲ့ လာအိုတို့ရဲ့ မနေ့ညကပွဲစဉ်မှာတော့ တဖက် ၃ ဂိုးစီ သရေကျသွားပါတယ်။

မြန်မာ့လက်ရွေးစင်အသင်းဟာ ပြီးခဲ့တဲ့ ဒီဇင်ဘာ ၉ ရက်က ရန်ကုန် အိမ်ကွင်းမှာ အင်ဒိုနီးရှား ယူ -၂၁ အသင်းနဲ့ ယှဉ်ပြိုင်ကစားရာမှာ ၁ ဂိုး ဂိုးမရှိနဲ့ ရှုံးနိမ့်ခဲ့ပါတယ်။

မြန်မာအသင်းပါဝင်တဲ့အုပ်စုမှာ အင်ဒိုနီးရှားက ၂ ပွဲ ကစား ၁ ပွဲနိုင် ၁ ပွဲ သရေရလဒ်နဲ့ အုပ်စုပထမနေရာမှာ ရပ်တည်နေပြီး ဗီယက်နမ်က တပွဲကစား တပွဲနိုင်ရလဒ်နဲ့ အဆင့်၂ ၊ ဖိလစ်ပိုင်က တပွဲကစား တပွဲသရေ ရလဒ်နဲ့ အဆင့် ၃ နေရာတွေမှာ သီးသီးရပ်တည်နေတာပါ။

မြန်မာအသင်းဟာလာမယ့် ဒီဇင်ဘာ ၁၈ ရက်မှာ လာအိုအသင်းကို အိမ်ကွင်းမှာ လက်ခံကစားရမှာဖြစ်ပြီး ဒီဇင်ဘာ ၂၁ ရက်မှာ ဗီယက်နမ်နဲ့ အဝေးကွင်းပွဲစဉ် သွားရောက်က စားရမှာပါ။

မြန်မာအသင်းဟာ အဲဒီလက်ကျန် ၂ ပွဲစလုံးအနိုင်ရရှိမှာသာ ဆီမီးဖိုင်နယ်တက်ဖို့ မျှော်မှန်းနိုင်မှာပါ။ လက်ရှိစွမ်းဆောင်ရည်အရတော့ မြန်မာအသင်းရဲ့ ခြေစွမ်းအပေါ် ပရိသတ်တွေက အားမလိုအားမရဖြစ်နေပြီး အုပ်စုအဆင့်ကနေပဲ ပြန်လာရလိမ့်မယ်လို့ ခန့်မှန်းသုံးသပ်နေကြပါ တယ်။
DVB