Dresses 🖤✨

Dresses 🖤✨

Dresses 🖤✨

Dresses 🖤✨

Dresses 🖤✨

Dresses 🖤✨

လေးနှစ်အကြာမှာ ပြန်ကျင်းပတဲ့ ကျွန်းတောလမ်းပွဲဈေး

ဒီဇင်ဘာ ၁၃

ရန်ကုန်တိုင်း၊ စမ်းချောင်းမြို့နယ်က ကျွန်းတောလမ်းပွဲဈေးကို ဒီဇင်ဘာ ၁၀ ရက်နေ့ကနေ ၁၆ ရက်နေ့အထိ ကျင်းပနေတာဖြစ်ပါတယ်။

ဗားဂရာလမ်းမကနေ ဟံသာဝတီလမ်းမအထိ ကျွန်းတောလမ်းမတစ်လျှောက်မှာ အစားအသောက်နဲ့ လူသုံးကုန်ပစ္စည်းတွေ ရောင်းချတဲ့ ဈေးဆိုင်ခန်းတွေနဲ့ စည်ကားနေတာပါ။

ကျွန်းတောလမ်းပွဲဈေးကို လေးနှစ်ဆက်တိုက် မကျင်းပခဲ့ရပေမဲ့ အခုနှစ်မှာ ကျင်းပတဲ့ပွဲဈေးကို ညစဥ် လာရောက်လည်ပတ်သူ အများအပြားရှိနေပါတယ်။

#သတင်းဟင်းလေးအိုးကြီး

ဖိလစ်ပိုင်ဟာ အမေရိကန်အားကိုးနဲ့ တောင်တရုတ်ပင်လယ်ထဲမှာ ဒုက္ခပေးနေကြောင်း တရုတ်ပြော

နိုင်ငံတကာ၊ ဒီဇင်ဘာ ၁၃

အငြင်းပွားရေပြင်အတွင်း နောက်ဆုံးအကြိမ် ထိပ်တိုက်တွေ့ဆုံမှုနဲ့ပတ်သက်ပြီး တရုတ်နဲ့ ဖိလစ်ပိုင် အပြန်အလှန်စွပ်စွဲပြီး တစ်ပတ်အကြာမှာ ဖိလစ်ပိုင်နိုင်ငံဟာ တောင်တရုတ်ပင်လယ်တွင်း အမေရိကန်အားကိုးနဲ့ ဒုက္ခပေးနေကြောင်း တရုတ်နိုင်ငံက ဒီဇင်ဘာ ၁၃ ရက်နေ့ (သောကြာနေ့) စွပ်စွဲပြောဆိုလိုက်ပါတယ်။

“အမေရိကန်ရဲ့ထောက်ပံ့မှုနဲ့ ဖိလစ်ပိုင်နိုင်ငံဟာ တောင်တရုတ်ပင်လယ်ထဲက နေရာအတော်များများမှာ တောက် လျှောက် ဒုက္ခပေးနေပါတယ်။” လို့ တရုတ်ကာကွယ်ရေးဝန်ကြီးဌာန ပြောခွင့်ရပုဂ္ဂိုလ်ဝူကျီယန်က ၎င်းရဲ့ WeChat အကောင့်မှာ ပြောပါတယ်။

“နယ်နိမိတ်အတိုင်းအတာကို နိုင်ငံတကာစာချုပ်တွေအရ ဆုံးဖြတ်ချက်ချရတာနဲ့ အဲဒီအထဲမှာ တရုတ်နိုင်ငံရဲ့ စပရက် တလီကျွန်းစု (Spratly Islands) နဲ့ စကားဘရပ်ကျွန်း (Scarborough Shoal) ဘယ်တော့မှ မပါဘူးဆိုတာ ဖိလစ်ပိုင် နိုင်ငံက ကောင်းကောင်း သဘောပေါက်နားလည်ထားပါတယ်။” လို့ ၎င်းက ပြောပါတယ်။

တရုတ်နဲ့ ဖိလစ်ပိုင်နိုင်ငံဟာ အခုနှစ်အတွင်း တောင်တရုတ်ပင်လယ်ထဲက သောင်စွယ်တန်းတွေ၊ ကျောက်တန်းတွေမှာ ထိပ်တိုက်တွေ့ဆုံမှုတွေ တောက်လျှေက်ဖြစ်ပွားခဲ့ပါတယ်။

တရုတ်နိုင်ငံကတော့ အဲဒီနေရာတွေဟာ တရုတ်ပိုင်နေရာတွေဖြစ်တယ်လို့ ပြောဆိုပါတယ်။

ဖိလစ်ပိုင်၊ ဘရူနိုင်း၊ မလေး ရှား၊ ထိုင်ဝမ်နဲ့ ဗီယက်နမ်တို့ကလည်း တောင်တရုတ်ပင်လယ်ထဲက အစိတ်အပိုင်းတချို့ကို ၎င်းတို့ပိုင်ဆိုင်ကြောင်း ပြောဆိုထားပါတယ်။

တရုတ်နိုင်ငံက တရုတ်ပိုင်နယ်မြေဖြစ်ကြောင်းပြောဆိုရင်း ၎င်းတို့နိုင်ငံရဲ့ သီးသန့်စီးပွားရေးဇုန် (exclusive economic zones- EEZ) တွေထဲကို တရုတ်က ကျူးကျော်ဝင်ရောက်လာမှာကို အဆိုပါနိုင်ငံတွေက စိုးရိမ်နေပါတယ်။

နိုင်ငံတစ်နိုင်ငံရဲ့ သီးသန့်စီးပွားရေးဇုန် (EEZ) ကို ၎င်းနိုင်ငံရဲ့ ကမ်းရိုးတန်းကနေ ပင်လယ်ပြင် ရေမိုင် ၂၀၀ (မိုင် ၃၇၀) အထိ သတ်မှတ်ထားတာဖြစ်ပါတယ်။

ဖိလစ်ပိုင်အမျိုးသားပင်လယ်ရေကြောင်းဆိုင်ရာကောင်စီ၊ အမျိုးသားလုံခြုံရေးကောင်စီနဲ့ အမေရိကန်ရေတပ် အမှတ် ၇ ရေတပ်အုပ်စုကတော့ တရုတ်နိုင်ငံရဲ့ပြောဆိုချက်နဲ့ပတ်သက်ပြီး ပြန်လည်ဖြေကြားခြင်း မရှိသေးပါဘူး။

စကားဘရပ်ကျွန်းတစ်ဝိုက်မှာ ဖိလစ်ပိုင်ရေလုပ်သားတွေကို ရိက္ခာထောက်ပံ့ဖို့သွားရောက်ခဲ့တဲ့ ဖိလစ်ပိုင် ရေလုပ်ငန်းက စက်လှေတစ်စီးကို တရုတ်ကမ်းခြေစောင့်တပ် သင်္ဘောတွေက မီးသတ်ပိုက်နဲ့ ထိုးပက်ပြီး နှောင့်ယှက်ခဲ့ကြောင်း ဖိလစ် ပိုင်အရာရှိတွေက ပြီးခဲ့တဲ့သတီတင်းပတ်က ပြောပါတယ်။

တရုတ်ကမ်းခြေစောင့်တပ်သင်္ဘောတွေရဲ့လုပ်ရပ်ကို အမေရိကန်အစိုးရက ပြင်းပြင်းထန်ထန် ပြစ်တင်ရှုတ်ချ ခဲ့ပါတယ်။

ဖိလစ်ပိုင်သင်္ဘောတွေဟာ တရုတ်က ဟူဝန်ဂျန်ကျွန်း (Huangyan) လို့ ခေါ်တဲ့ စကားဘရပ်ကျွန်းတစ်ဝိုက်မှာ ရှိတဲ့ တရုတ်ရေပိုင် နက်ထဲကို ဝင်ရောက်ဖို့ ကြိုးစားခဲ့ကြောင်း တရုတ်ကမ်းခြေစောင့်တပ်ဖွဲ့ကပြောပါတယ်။

Ref: China says Philippines has 'provoked trouble' in S.China Sea with US backing

#centralnewsnaypyitaw

တာချီလိတ်မှာ ငွေလွှဲလုပ်ငန်း လုပ်ကိုင်တဲ့ အမျိုးသားတယောက်ကို လူတစုက ပြန်ပေးဆွဲမှုဖြစ်ပွား

ဒီဇင်ဘာ ၁၃

ရှမ်းပြည်နယ်(အရှေ့ပိုင်း)၊တာချီလိတ်မြို့မှာ ငွေလွှဲလုပ်ငန်း လုပ်ကိုင်တဲ့ အမျိုးသားတယောက်ကို လူတစုကပြန်ပေးဆွဲသွားတယ်လို့ ဒေသခံတွေရဲ့ ပြောပြချက်နဲ့ ဒေသတွင်း သတင်းတွေအရ သိရပါတယ်။

ဒေသတွင်းသတင်းဌာနတွေရဲ့ဖော်ပြချက်အရ အခုဖြစ်စဉ်ဟာ တာချီလိတ်မြို့ရဲ့ ဗိုလ်ချုပ်လမ်းမပေါ်မှာရှိတဲ့ ခရိုင်ရဲစခန်းနဲ့ KBZ ဘဏ်အနီးမှာဖြစ်ပွားခဲ့တာဖြစ်လို့ သိရပြီး ပြန်ပေးဆွဲတဲ့ ဗီဒီယိုဖိုင်တခု ဒီကနေ့ ဒီဇင်ဘာ ၁၃ ရက်၊နံနက်ပိုင်းကစလို့ လူမှုကွန်ရက်ပေါ်မှာပျံ့နှံ့လို့နေပါတယ်။

ဒေသခံတွေရဲ့ပြောကြားမှုတွေအရ ပြန်ပေးဆွဲခံရတဲ့ အမျိုးသားဟာ တာချီလိတ်မြို့ကငွေလွှဲလုပ်ငန်း လုပ်ကိုင်သူတယောက်ဖြစ်တယ်လို့ သိရပါတယ်။

ဒါအပြင် လူမှုကွန်ရက်မှာထွက်ပေါ်နေတဲ့ CCTV မှတ်တမ်းတွေအရ အဲဒီအမျိုးသားကို ဒီကနေ့ နံနက်အစောပိုင်းအချိန်က သူ့ရဲ့နေအိမ်ရှေ့မှာ ရေဖြန်းနေစဉ် အိမ်စီးကားမတ်တူးအဖြူရောင်ယာဉ်တစီးပေါ်မှ လူငယ်သုံးဦးက အင်အားသုံးကာ ကားပေါ်အတင်းဆွဲတင်ပြီး အတင်းအကြပ်တင်ဆောင်ခေါ်ကာ ကားကို မောင်းနှင်သွားတာကိုလည်းတွေ့ရပါတယ်။

ဒီပြန်ပေးဆွဲမှုကို ဘယ်အဖွဲ့သို့မဟုတ် ဘယ်သူတွေပါဝင်လုပ်ကိုင်တယ်ဆိုတာကို တိတိကျကျ အသေးစိတ်မသိရှိရသေးသလို ဒေသခံရဲတပ်ဖွဲ့ကလည်း အခုကိစ္စရပ်နဲ့ပတ်သက်လို့ သတင်းတစုံတရာထုတ်ပြန်ထားတာမျိုးမရှိသေးပါဘူး။

"​ေငွကလွှဲလုပ်ငန်းလုပ်ကိုင်တဲ့ ဦးလေးကြီးပါ။ ကားပေါ်တင်ခေါ်သွားတုန်းက သူအော်တဲ့သူရဲ့ အသံကိုမှတ်မိနေတယ်"လို့ တာချီလိတ်မြို့ခံတယောက်က ထပ်မံမှတ်ချက်ပြုပြောကြားပါတယ်။

ဒေသတွင်းသတင်းဌာနတခုကတော့ ပြီးခဲ့တဲ့နှစ်တွေမှာ တာချီလိတ်မြို့ပေါ်မှာ ပြန်ပေးဆွဲမှု၊ဓါးမြတိုက်မှုတွေဟာ ဆက်တိုက်ဆိုသလိုဖြစ်ပွားခဲ့ပြီးနောက် အတန်ကြာငြိမ်သက်နေရာမှ အခုနှစ် နိုဝင်ဘာလနဲ့ ဒီဇင်ဘာလတွေအတွင်းမှာ ပြန်ပေးဆွဲမှုဖြစ်စဉ်အချို့တာချီလိတ်မြို့မှာ ပြန်လည်ဖြစ်ပွားလာခဲ့တာဖြစ်တယ်လို့ ရေးသားဖော်ပြထားပါတယ်။

တာချီလိတ်မြို့ဟာ ရှမ်းပြည်နယ်(အရှေ့ပိုင်း)ရှိ နယ်စပ်မြို့တမြို့ဖြစ်ပြီး နာမည်ကျော် ရွှေတြိဂံဒေသအတွင်းမှာ တည်ရှိတဲ့ မြို့လည်းဖြစ်ပါတယ်။

Credit - VOM News Agency

#သတင်းဟင်းလေးအိုးကြီး

Couple Photoshoot 📸