ရာသီစာ မုန့်လက်ဆောင်း😋

ရာသီစာ မုန့်လက်ဆောင်း😋

အညာနွေ🍁

လေရူးက
ကျီစယ်တာဆိုပေမယ့်
လက်ပံက
တစ်ကယ်ကြွေရတယ် 🍁

✏️-ဆန်းကျော်စွာဝင်း

Photo - Ko Maung

ဘဝက တခါတလေသယ်နိုင်တာထက်ပိုတဲ့ဝန်ထုပ်တွေ ကျောပေါ်တင်ပေးတတ်ပါတယ် ။ လှိုင်းလုံးတွေတစ်လုံးပြီးတစ်လုံး.. ဒူးညွတ်ကျတဲ့အထိ အဖြေရှာမရာတဲ့ပုစ္ဆာတွေဖြေရှင်းနေရတယ် ။ အခက်အခဲတိတိပပသိရင်တောင် ရင်ဆိုင်ဖို့အားခဲရနိုင်ဦးမယ် ။ မရေရာတာတွေအများကြီးပေးချလာတဲ့အခါ အသန်မာဆုံးဆိုတဲ့လူတွေတောင် ရှေ့တစ်လှမ်းဆက်တိုးဖို့တွေဝေရစေပါတယ် ။ ဒီလိုအခြေအနေကို ဘယ်လိုရင်ဆိုင်ကြမလဲ ။

အမှတ်ရပါ

ဟုတ်တယ်.. ကိုယ်ဘယ်လောက်ရဲရင့်တယ်ဆိုတာ ပြန်သတိရဖို့လိုတယ် ။ ခက်ခဲတာမှန်ပေမယ့် ဒါကပထမဆုံးကြုံတဲ့လှိုင်းလုံးမဟုတ်ဘူး ။ လှိုင်းကြီးလှေအောက် တောင်ကြီးဖဝါးအောက်မှလား ။ မလုပ်နိုင်ဘူးထင်ပြီးမှ Ellie တို့ဖြတ်ကျော်ခဲ့တဲ့အရာတွေ Survive ဖြစ်ခဲ့တာ ၊ အောင်နိုင်ခဲ့တာတွေအများကြီးရှိပါတယ် ။

ကြင်နာရမယ်

ဘယ်သူ့ကိုလဲမေးရင် ကိုယ့်ကိုကိုယ်ကြင်နာဖို့အရင်ကြိုးစားပါ ။ တာဝန်ဝတ္တရားတွေရှိတာမှန်ပေမယ့် ကိုယ်လဲလို့မရတဲ့အခါမှာ အခြားသူတွေကိုကယ်တင်ဖို့ခနထားပါဦး ။ စိတ်အနားယူရမယ် ၊ အချိန်ခနလောက် လူတွေနဲ့ဝေးချင်ဝေးနေမယ် ။ ရှေ့နှစ်လှမ်းတိုးချင်တယ်ဆို နောက်တစ်လှမ်း Retreat လုပ်လိုက်ဖို့ဘယ်တော့မှမကြောက်လိုက်နဲ့ ။

ခံစားပါ

မြိုသိပ်ခြင်းက သန်မာတာမဟုတ်ပါဘူး ။ ခံစားချက်ကိုမကြောက်ပဲရင်ဆိုင်တာကမှ တကယ်သန်မာသူပါ ။ ဒီရက်တွေမှာ လူတွေအပူတွေ သတင်းတွေအတင်းတွေကြားမှာ စိတ်ဟာအတော်လေးပင်ပန်းနေတယ် ။ ဒေါသထွက်စရာဆိုထွက်လိုက် ၊ အထိန်းအကွပ်လေးတော့ရှိပေါ့ ဘယ်အရာမှထာဝရမတည်မြဲဘူးလေ ။ ဝမ်းနည်းဖို့လည်းမကြောက်နဲ့ ငိုချလိုက်ရင်ပေါ့သွားမယ် ။ စိတ်ရှင်းလင်းနေမှဆုံးဖြတ်ချက်မှန်မှာမို့ ခံစားဖို့လည်းမကြောက်နဲ့ ဥပေက္ခာပြုသင့်တာမှာလည်းရဲရင့်နိုင်ရမယ် ။

အကူအညီတောင်းပါ

စိတ်ရင်းမှန်တဲ့သူအနားရှိတယ်ဆို လိုအပ်တဲ့ Emotional Support ၊ Financial Support အတွက် အကူအညီတောင်းသင့်တောင်းပါ ။ ကြိတ်ဖြေရှင်းနေခြင်းက ပြသနာကိုမလိုအပ်ပဲကြီးထွားစေပါတယ် ။ ပြောပြသင့်တာပြောပါ ရင်ဖွင့်သင့်တာရင်ဖွင့်နိုင်ရမယ် ။ ဒီလိုပဲကိုယ့်အပူသူမျှယူသလို ကိုယ်ကူညီနိုင်တဲ့ဖက်ကနေလည်း သူ့ရဲ့ဘယ်ကွက်လပ်ကိုကူဖြည့်ပေးနိုင်မယ် အမြဲအသင့်ရှိနေပေးပါ ။ လူညီညီနဲ့ကျော်ဖြတ်တဲ့အခါ နှစ်ဆလွယ်ကူစေပါတယ် ။

မပျောက်သွားနဲ့

ဒါကတော့အရေးကြီးဆုံးဖြစ်မယ် ။ ဘယ်လောက်မှောင်မိုက်တဲ့အခိုက်အတန့်ဖြစ်စေ ၊ ဘယ်လောက်ခက်ခဲတဲ့ပြသနာဖြစ်စေ အမှန်ကန်ဆုံးရင်ဆိုင်ပါ ။ အလွယ်လမ်းမလိုက်နဲ့ ရေတိုဆေးမြီးတိုတွေနဲ့မကုစားလိုက်နဲ့ ။ ကိုယ်သွားနေတဲ့ပန်းတိုင် ၊ ကိုယ့်ရဲ့သိက္ခာတရား ၊ အကျင့်သီလတွေကိုမြဲမြဲကိုင်ထားနိုင်ရမယ် ။ လိပ်ပြာသန့်ရှင်းခြင်းကပဲ စိတ်ပေါ့ပါးစွာခေါင်းချနိုင်စေပါတယ် ။

တစ်ဦးနဲ့တစ်ဦးအပူချင်းမတူပေမယ့် နည်းမျိုးစုံနဲ့လောင်ကျွမ်းနေကြပါတယ် ။ ဒီအရာတွေကကိုယ့်ဘဝလမ်းကြောင်းကို မထင်ထားတဲ့အရပ်မျက်နှာကို ပြောင်းလဲကောင်းပြောင်းလဲစေလိမ့်မယ် ။ အောင်မြင်သူတွေကစိန်ခေါ်မှုကို အခွင့်အရေးအဖြစ်သာမြင်ပါတယ် ။ အလှည့်အပြောင်းကို စိတ်လှုပ်ရှားစရာလို့မြင်တယ် ။ လဲမကျဘူးတဲ့သူမရှိဘူး ၊ လဲကျဖူးမှအမှားသိတယ် ။ အမှားပြင်ဆင်ရင်းနဲ့ အောင်မြင်သွားတဲ့သူတွေပဲရှိတယ် ။

စိတ်မွန်းကြပ်ရသောကာလတွေပါ ။ ဒါကြောင့်အတွေးလေး အရင်ပြောင်းရမယ် ။

ယုံကြည်ချက် ၊ လုံ့လ ၊ အကောင်းမြင်စိတ် ၊ နှလုံးသွင်းမှန်ကန်ခြင်းနဲ့ကျော်ဖြတ်ကြမယ်ဆို ပိုကောင်းတဲ့ဘဝစာမျက်နှာအသစ်တွေ ရှာဖွေတွေ့နိုင်မယ့်အခွင့်အရေးတွေပဲ ဖြစ်ပါလိမ့်မယ် ။

Fruitsss

April 6,7,8,9 တွေမှာ အပူလှိုင်းဖြတ်မှာကြောင့်
မိမိအိမ်က တိရစ္ဆာန်လေးတွေ Heat Stroke ဖြစ်ပြီး
ရုတ်တရက်တက်တာမျိုးဖြစ်ပေါ်ပါက
Emergency အသက်ကယ်နည်းလေးတွေ
Sharing လုပ်ပေးချင်ပါတယ် ။

Heat Stroke ဖြစ်တယ်ဆိုတာ
ရာသီဥတုအရမ်းပူပြင်းတာကြောင့်
Body Temperature တွေ တက်လာပြီး
အကောင်းတိုင်းနေရင်းကနေ
ရုတ်တရက်ရှော့ခ်ထဖြစ်တာကိုခေါ်ပါတယ် ။

မိမိအိမ်က Small Pet လေးတွေ
Heat Stroke ဖြစ်နေတာကို
အချိန်မှီမသိရှိ၍ဖြစ်စေ ၊ အချိန်မှီသိရှိသော်လည်း
အရေးပေါ်ကယ်နည်းတွေ မသိရှိ၍ဖြစ်စေ ၊
ကိုယ်မှ လက်မဦးလျှင် Heat Stroke ကလက်ဦးပြီး
အသက်ဆုံးရှုံးတဲ့အထိဖြစ်နိုင်ပါတယ် ။

ဒါကြောင့် ကြိုတင်လေ့လာထားရအောင်
မင်မင် sharing လုပ်ပေးလိုက်ပါတယ်

⭐️Small Pet လေးတွေ Heat Stroke ဖြစ်နေပြီဆိုရင် ဘယ်အချက်တွေကသိသာစေလဲ ?

- အရင်ဦးဆုံး နားရွက်လေးတွေက နီရဲပြီး
သာမာန်အပူချိန်ထက် သာလွန်စွာရှိနေပါလိမ့်မယ်
ဒါကြောင့် မိမိ pet လေးတွေရဲ့
နားရွက် temperature ကို
အမြဲ ကိုင်ကြည့် စမ်းကြည့်ပေးပါ ။

- အသက်ရှုတာ ပုံမှန်မဟုတ်ဘူး
ပုံမှန်ထက်မြန်နေမယ် ပါးစပ်ဟပြီးအသက်ရှုနေမယ်။
သွားရည်တွေ နှာရည်တွေကျနေမယ် ။
နှာခေါင်းနဲ့ ပါးစပ်တစ်ဝိုက်မှာလည်း
ချွေးတွေစိုနေပါမယ် ။ အမြဲစစ်ကြည့်ပေးပါ ။

⭐️အထက်ပါလက္ခဏာတွေ ဖြစ်နေပြီဆိုရင်
အရေးပေါ် ကယ်တင်နည်း

1️⃣မိမိရဲ့ Small Pet လေးကို အိမ်မှာရှိနေတဲ့
အအေးဆုံး နေရာကိုရွှေ့ပြောင်းပေးပြီး
လွတ်လွတ်လပ်လပ်လွှတ်ထားပေးပါ ။

⭐️ဤတွင် သတိပြုရန်အချက်မှာ
Heat Stroke ဖြစ်နေပြီဆိုပြီး စိုးရိမ်လွန်စိတ်နဲ့
အဲကွန်းခန်းထဲထည့်လိုက်တာမျိူးမလုပ်ရပါ⭐️

သာမာန် Room Temperature ထဲမှာကိုမှ
သဘာဝအလျှောက်အေးတဲ့နေရာ
လေဝင်လေထွက်ကောင်းတဲ့နေရာ
နေရောင်ခြည်မကျရောက်ရာနေရာဖြစ်ရပါမယ်။
ဥပမာ - မင်မင်တို့အိမ်ဆိုရင် နေ့ခင်းဘက်တွေ
အိမ်ရှေ့မှာပိုပူပြီး အိမ်နောက်ဖေးဘက်လေးက
နည်းနည်းအပူပိုသက်သာတယ် ။

2️⃣ Body temperature ကျအောင်
အပူချိန်ညှိပေးတဲ့အနေနဲ့ဘဲ ရိုးရိုးရေနဲ့
ရေဘတ်သုတ်ပေးပါ ။ ရေဘတ်သုတ်ပေးပြီးရင်
အဲ့အဝတ်အေးအေးလေးနဲ့ ခန္ဓာကိုယ်လေးကို
ခဏပတ်ထားပေးပါ ။

3️⃣ Heat ကျသွားလို့ သူ့ကြည့်ရတာ နည်းနည်း
သက်တောင့်သက်သာပြန်ဖြစ်လာပြီဆိုရင်တော့
ရေဓာတ်အားဖြည့်ပေးတဲ့ ဓာတ်ဆားရည်တစ်မျိုးကို
တစ်စက်ချင်းစီ syringe လေးနဲ့
Heat stroke ဖြစ်ပြီးကနေ ညနေ နေအေးသည်အထိ
5min ခြားတစ်ခါ နည်းနည်းစီ ဓာတ်ဆား
ဝင်သလောက်တိုက်နေပေးပါ ။

အဲ့တာဆို Heat Stroke အန္တရာယ်ကနေ
ပြန်လည်ကယ်တယ်နိုင်ပါပြီ။
စဖြစ်တာနဲ့ Heat stroke ဖြစ်ကြောင်းသိရှိပြီး
အရေးပေါ်ကယ်တင်နည်းတွေက
အချိန်မှီဖို့တော့လိုတယ်ရှင့်

ဒါကြောင့် Heat stroke ထဖြစ်တော့မှ
သူများလိုက်မေးနေရတာထက်
ဒီစာလေးဖတ်ထားမိတော့ ဖြစ်ရင်
ဘာတွေ ဘယ်လိုလုပ်ပေးရမလဲ တန်းသိနေတော့
အသက်ပိုမှီတာပေါ့နော်

Sharing is Caring မို့ post လေးကိုလည်း
တခြား pet ပိုင်ရှင်တွေမြင်အောင်
Share လုပ်ပေးသွားအုန်းနော် 🫶

အခုချိန်မှာတော့ ကိုယ့်အိမ်က မိသားစုဝင်တွေ နဲ့
Pet လေးတွေကို အရိပ်တကြည့်ကြည့်နဲ့
အမြဲလိုက်ကြည့်နေတာကောင်းပါတယ် ။
ဟူးမန်းတို့လည်း နေ့လည်နေ့ခင်း
Royal D သီးစုံဓာတ်ဆားလေးဘာလေးသောက်ကြပါ

Small pet လေးတွေကိုလည်း
Heat Stroke မဖြစ်သေးပေမယ့်
ကြိုတင်ကာကွယ်တဲ့အနေနဲ့
အေးတဲ့နေရာလေးတွေမှာ ပြောင်းရွှေ့ထားပေးတာတို့
ရေဓာတ်အားဖြည့်ပေးတဲ့ ဓာတ်ဆားလေးတွေ
တိုက်ပေးတာတို့လည်း လုပ်လို့ရပါတယ် ။

ယုန် ၊ ပူး ၊ ဟမ်းစတား ၊ ငှက် ၊
ရှဉ့် နဲ့ Dumbo Rat အတွက်

အစာကို မနက် နေမပြင်းခင် တစ်ခါ
ညနေ နေအေးချိန် တစ်ခါ
တစ်နေ့ အဲ့အချိန် ၂ ချိန်သာ အဓိကထားကျွေးပေးပါ
နေ့ခင်းနေ့လည် အဆာပြေသဘောအနေနဲ့
အသီးအရွက်လေးတွေ အနည်းငယ်ကျွေးပေးပါ။
နံနံပင်၊ မြင်းခွါရွက် ၊ ဆလပ်ရွက် ၊ ပန်းသီး ၊
ပန်းသစ်တော် ၊ သင်္ဘောသီး ၊ ဖရဲသီး
အဲ့အသီးအရွက်လေးတွေ
အဓိကထားကျွေးပေးပါ 🫶

#generalknowledge #heatstroke
#heatstress #pets

ထွက်ခဲ့ကြပါဦး 😮‍💨

Bougainvillea flower(စက္ကူပန်း)

ရနံ့မရှိဘူး၊ အချစ်မခံရဘူး
တစ်စုံတစ်ရာရဲ့ ပန်ဆင်ခြင်းကိုလည်း မခံရဘူး
ဒါပေမဲ့ ကောင်းကောင်းမွန်မွန်ရှင်သန်သွားတယ်

ကြမ်းတမ်းခြောက်သွေ့တဲ့နွေမှာတောင်
အလှဆုံးပွင့်လန်းသွားတယ်

ခြွေသူတစ်ဝက် နင်းသူတစ်ဝက် ဖြစ်ပေမယ့်လည်း
သူပြုံးနေခဲ့တယ်

လောကဓံကို သူ ခံနိုင်ရည်ရှိခဲ့တယ်
ဘာပဲ ဖြစ်ဖြစ် သူ အားမလျော့ခဲ့ဘူး
အေးအေးချမ်းချမ်းနဲ့ တစ်ယောက်တည်း သူ့မှာသူ ရှင်သန်သွားနိုင်ခဲ့တယ်

မစွန့်လွှတ်နိုင်သရွေ့ ခွင့်လွှတ်နိုင်ရမယ်...
မခွင့်လွှတ်နိုင်သရွေ့ စွန့်လွှတ်နိုင်ရမယ် ဆိုတော့...

တချို့တွေက...
မုန်းတဲ့စိတ်တွေနဲ့
မခွင့်လွှတ်နိုင်ကြဘူး ။

တချို့တွေ...
ချစ်တဲ့စိတ်တွေနဲ့
မစွန့်လွှတ်နိုင်ကြဘူး ။

ဘာပဲဖြစ်ဖြစ်ပေါ့...

ကိုယ်ဖမ်းဆုတ်ထားမိတဲ့အရာက
ကိုယ့်ရဲ့ရှင်သန်မှုကိုပါ ထိခိုက်လောက်တဲ့အထိ
နာကျင်နေပြီဆိုလို့ကတော့...

ခွင့်လွှတ်စရာရှိတာ ခွင့်လွှတ်လို့
စွန့်လွှတ်စရာရှိတာ စွန့်လွှတ်ဖို့

လွှတ်ချလိုက်တာဟာ အကောင်းဆုံးပါပဲ ။

၀ုဗ်အသင်း‌ ခေါင်းဆောင် ကို ခေါ်ဖို့ အံ့အားသင့်ဖွယ် ချည်းကပ်လာနေတဲ့ မန်ယူ
.
.
.
မန်ယူအသင်းဟာ လာမယ့်နွေရာသီအပြောင်းအရွေ့မှာ ခံစစ်ကစားသမားတစ်ယောက်ကို ခေါ်ယူဖို့ အမြန်ဆုံးပြင်ဆင်နေပြီး ၀ုဗ်အသင်း‌ ခေါင်းဆောင် ကေးလ်မန်းက မန်ယူရဲ့အဓိိက ပစ်မှတ်ဖြစ်လာခဲ့ပါတယ်။
ကေးလ်မန်း ဟာ ဒီရာသီ ၀ုဗ်အသင်းရဲ့ပွဲစဥ်တိုင်းကို ပါ၀င်ကစားပေးထားသူဖြစ်ပြီး နည်းပြ ဂယ်ရီအိုနေးလ်ရဲ့ စိတ်ကြိုက်ကစားသမားလည်းဖြစ်ပါတယ်။

မန်ယူရဲ့ခံစစ်ကစားသမားတွေဖြစ်ကြတဲ့ မာတီနက်ဇ်၊ လင်ဒီလော့ဖ်တို့ ဒဏ်ရာရသွားချိန်မှာ မန်ယူအနေနဲ့ ခံစစ်ဗဟိုကစားသမားတစ်ယောက်ကို မဖြစ်မနေခေါ်ယူဖို့ လိုအပ်လာခဲ့ပြီး ကေးလ်မန်းက သူတို့ရဲ့စိတ်ကြိုက်အတွေ့ဆုံး ကစားသမားဖြစ်နေခဲ့ပါတယ်။
မန်ယူအသင်းရဲ့ကင်းထောက်တွေဟာ ၀ုဗ်အသင်းရဲ့ပွဲစဥ်‌ တွေဆီ မကြာမကြာရောက်လာတတ်တာကို တွေ့နေရပေမယ့် အသင်းနှစ်သင်းအကြား ဆက်သွယ်မှုတွေကတော့မရှိသေးပါဘူး။

အိုနေးလ်က သူ့ရဲ့အသင်းခေါင်းဆောင်ကို ထိန်းထားဖို့ ကြိုးစားမှာဖြစ်ပြီး ပြီးခဲ့တဲ့ ရာသီတုန်းက နာပိုလီရဲ့ကမ်းလှမ်းမှုကို အောင်မြင်စွာနဲ့ ငြင်းပယ်နိုင်ခဲ့ဖူးတာပါ။ နာပိုလီဟာ ကင်မင်ဂျေးရဲ့နေရာမှာ အစားထိုးဖို့ အသက် ၂၆ နှစ်အရွယ် ကေးလ်မန်းကို ချိတ်ဆက်ခဲ့ပြီး ၀ုဗ်ဖက်က ဒီကမ်းလှမ်းမှုကို ပယ်ချခဲ့ပါတယ်။

ကေးလ်မန်း ကိုယ်တိုင်ကလည်း ပိုပြီးအင်အားကြီးတဲ့အသင်းတစ်သင်းဆီ ပြောင်းရွေ့ချင်နေခဲ့ပြီး မကြာခင်ရောက်လာတော့မယ့် အပြောင်းအရွေ့စျေးကွက်ထဲမှာ ဘာတွေဆက်ဖြစ်လာမလဲဆိုတာ စောင့်ကြည့်ရတော့မှာပါ။

#ဘော်လုံးသတင်းစုံ