Discover postsExplore captivating content and diverse perspectives on our Discover page. Uncover fresh ideas and engage in meaningful conversations
ကမ္ဘာပေါ်မှာအမြန်ဆုံးအဖြစ် ဂင်းနစ်မှတ်တမ်းမှာဖော်ပြထားတဲ့စံချိန်အချို့
#sfact
လူမှုကွန်ယက်မှာပျံ့နှံ့နေတဲ့ပုံကြောင့် သူ့ကျန်းမာရေးနဲ့ပတ်သက်ပြီး စိုးရိမ်နေကြတဲ့ပရိသတ်တွေကို မစိုးရိမ်ကြဖို့ ပြောလာတဲ့ ဂျက်ကီချမ်း
မကြာသေးခင်က ပွဲတစ်ခုအတွင်း မုတ်ဆိတ်မွေးဖြူတွေ၊ ဆံပင်ဖြူတွေနဲ့ဖြစ်နေတဲ့မင်းသားကြီးဂျက်ကီချမ်းရဲ့ပုံတွေဟာ လူမှုကွန်ယက်မှာပျံ့နှံ့ခဲ့ပါတယ်။ အခုလို မင်းသားကြီးဂျက်ကီချမ်းရဲ့အသွင်အပြင်ကို ပရိသတ်တွေမြင်တော့ သူ့ရဲ့ကျန်းမာရေးကို စိုးရိမ်နေကြတာပါ။ အခုဆို ဂျက်ကီချမ်းက သူ့ရဲ့အသက် ၇၀ ပြည့်မွေးနေ့ကို ဆင်နွှဲရင်းနဲ့ သူ့ကျန်းမာရေးနဲ့ပတ်သက်ပြီး စိုးရိမ်နေကြတဲ့ပရိသတ်တွေကို မစိုးရိမ်ကြဖို့နဲ့ ရုပ်ရှင်ကားအသစ်အတွက် ဇာတ်ရုပ်အသွင်အပြင်တစ်ခုသာဖြစ်တယ်လို့ ထုတ်ပြောခဲ့ပါတယ်။
ဂျက်ကီချမ်းက သူ့ရဲ့အသက် ၇၀ ပြည့်မွေးနေ့နဲ့ပတ်သက်ပြီး အင်စတာဂရမ်မှာ ရေးသားရင်းနဲ့ ပရိသတ်တွေကို သူ့ရဲ့အသွင်အပြင်နဲ့ပတ်သက်ပြီး ပြောပြခဲ့တာပါ။
အင်စတာဂရမ်မှာ သူ ထုတ်ပြောပြထားတာက "မွေးနေ့မတိုင်ခင်က ကျွန်တော့်သူငယ်ချင်းတွေက ဂျက်ကီ...မင်း အသက် ၇၀ ပြည့်မြောက်မွေးနေ့ရောက်တော့မယ်လို့ သတိပေးနေခဲ့တာ။ အသက် ၇၀ ဆိုတဲ့ ကိန်းဂဏန်းကို ကျွန်တော်ကြားတဲ့အချိန်တိုင်း ကျွန်တော့်နှလုံးက ၁ စက္ကန့်လောက် ရပ်သွားတယ်။ ငါ အသက် ၇၀ ရှိသွားပြီလားပေါ့။ ဒီလိုဖြစ်ပြီးတဲ့နောက် ကျွန်တော့်စိတ်ထဲရောက်လာတဲ့ အရာက ကျွန်တော့်အစ်ကို ဆမ်မိုဟောင်း ပြောခဲ့ဖူးတဲ့ "အသက်ကြီးလာတာက ကံကောင်းခြင်းတစ်ခုပဲ။ အထူးသဖြင့် ငါတို့လို စတန့်သမားတွေအတွက် အသက်ကြီးလာတာက ဘယ်လောက်ကံကောင်းလဲဆိုတာ ငါတို့မသိဘူး"ဆိုတဲ့စကားပါပဲ"တဲ့။
အဲ့ဒီနောက်မှာတော့ သူ့ကျန်းမာရေးနဲ့ပတ်သက်ပြီး အခုလို ရေးသားပြောဆိုခဲ့တာပါ။ "လူတိုင်းသိအောင် ပြောပြချင်ပါတယ်။ မစိုးရိမ်ကြပါနဲ့။ ကျွန်တော့်ရဲ့ဇာတ်ကားအသစ်အတွက် ဇာတ်ကောင်အသွင်အပြင်တစ်ခုပါပဲ။ ဒီဇာတ်ကောင်က ဆံပင်ဖြူ၊ မုတ်ဆိတ်ဖြူနဲ့ အိုမင်းရင့်ရော်နေတဲ့ပုံဖြစ်ရပါမယ်"
"နှစ်တွေကြာလာတာနဲ့အမျှ ဇာတ်ကားတစ်ကားအတွက် စိန်ခေါ်မှုများတဲ့စတန့်ပဲဖြစ်ဖြစ် ဇာတ်ကောင်ပဲဖြစ်ဖြစ် အသစ်သစ်တွေကို အမြဲကြိုးစားကြည့်ချင်စိတ်ရှိခဲ့တယ်"လို့ သူက ဆက်ပြီးပြောပါတယ်။ သူဟာ အနုပညာနယ်ပယ်မှာ ၆၂ နှစ်ကြာခဲ့ပြီး ဒီနေ့အထိ ရုပ်ရှင်ရိုက်နေရလို့ ကံကောင်းတဲ့အတွက် အခိုက်အတန့်တိုင်းကို မြတ်နိုးမိတယ်လို့လည်း ဆိုပါတယ်။ အင်စတာဂရမ်ပို့စ်ကို ပရိသတ်တွေကို ကျေးဇူးတင်စကားဆိုထားတာနဲ့ အဆုံးသတ်ထားပါတယ်။ "မွေးနေ့ဆုတောင်းတွေအားလုံးအတွက် အားလုံးကို ကျေးဇူးအများကြီးတင်ပါတယ်။ အားလုံးပဲ ကျန်းမာပျော်ရွှင်ကြဖို့ မျှော်လင့်ပါတယ်"
Ref: "Just A Character Appearance": Jackie Chan Shares Health Update As Fans Express Concern
တစ်ယောက်ထဲလည်း အဆင်ပြေတယ်ဆိုတဲ့စိတ် ကျွန်တော့်မှာရှိတယ်
ကမ်းလှမ်းလာတဲ့ မေတ္တာအရိပ်အယောင်တွေမှာ
ကျွန်တော်လိုလားတောင်းတတဲ့ ချစ်ခြင်းမေတ္တာမျိုးသာ မပါခဲ့ရင် တစ်ယောက်ထဲနေသွားဖို့ ကျွန်တော်ရွေးချယ်မိလိမ့်မယ်
တစ်စုံတစ်ယောက်ရှိနေခြင်းဟာ နွေးထွေးသလို
တစ်ယောက်ထဲရှင်သန်ခြင်းဟာလည်း အေးချမ်းကြောင်း အရွယ်တစ်ခုအရောက်မှာသိလာမိတယ်
ပျော်ရွှင်ခြင်းကို ကိုယ်တိုင်ဖန်တီးပြီး
ဘယ်သူ့ကြောင့်မှ မျက်ရည်ကျရခြင်း မရှိတဲ့ဘဝမျိုးဆိုရင် အထီးကျန်ပါစေဦး မွေ့လျော်မိမှာပဲ
ဘဝက ထင်သလောက် သိပ်မကြာဘူးမဟုတ်လား
ဘယ်သူ့မျက်နှာအရိပ်အခြေမှ ကြည့်စရာမလိုဘဲ လုပ်ချင်သမျှအကုန်လုပ်နိုင်တာလည်း ကျွန်တော်သတ်မှတ်တဲ့ နေချင်စဖွယ်လောကပါပဲ။