မင်္ဂလာရှိသော သင်္ကြန် အကျနေ့လေးပါ

ဘီးကြဲကြီးတွေ မှတ်မိကြဦးမှာပေါ့ .....

ရေခွက်လေးနဲ့ တစိမ့်စိမ့်လောင်းပြီး တော်ကီပစ်ရတဲ့ အရသာကို ခုခေတ် ချာတိတ်တွေ ဘယ်သိလိမ့်မလဲ..

အေးစက်နေအောင် ရေခဲရေကို နှပ်ထားပြီး ...
ပုံးသေးသေးလေးကိုင် .. ခွက်ကလေးနဲ့ အနားကိုကပ်..

ဒါလေးကုန်အောင်တော့ လောင်းမယ်နော်လို့ အင်ထရိုလေးဝင် ... (ဒီကောင် မကုန်အောင် စိမ်လောင်းပြီး
လေကြောရှည်တော့မယ်ဆိုတာ သူကလဲသိတယ်။
သင်္ကြန် ဆိုတော့လဲ သိတယ်မဟုတ်လား..
ခေါင်းလေးပဲ ငြိမ့်ပြတာပေါ့၊ မငြိမ့်ရင်လဲ ဒီမောင်တွေက ပေကပ်နေမှာလေ.. )

ခေါင်းကနေစပြီး ရေစက်ချသလို မျှဉ်းပြီးလောင်း ..
ကျောထဲထိစိမ့်နေအောင်လောင်း ..
အမလေး .. အမေကြီးရေ ..
အေးပါတယ်တော့ ဆိုပြီး ပခုံးလေးကျုံ့သွား ..

ထွက်မပြေးဘူးဆိုရင် တဝက်သေချာပြီ..
နာမည်လေးမေး ..
မနက်ဖြန် လာဦးမှာလားလို့မေး ..
အင်း.. တို့ .. ဘာတို့ အသံထွက်လာရင်
နောက်တဆင့်တက်ပြီးတော့ ..
ဖုန်းနံပါတ်လေးတောင်း .. လိပ်စာလေးတောင်း ..
ညဖက်ကျ ဖုန်းကလေးဆက် ..
အဲဒီကနေ .. ဇာတ်လမ်းတွေ .. ဒီလို.. ဒီလို ..😍💘💟

အဖေတို့ခေတ်က ဖုန်းတွေရှားတော့ လိပ်စာအဓိကပေါ့လေ.. ကိုယ်တွေခေတ်ကျတော့ မရှားပေမဲ့
မပေါသေးဘူး ... လိုင်းဖုန်းပဲရှိတာ .. တဆင့်ခေါ်ဖုန်းတွေများတယ် .. လိပ်စာပဲ အားကိုးရတာပါပဲ ..

ဒီလို သင်္ကြန်ဖီလင်တွေ မင်းတို့ကောင်တွေ ဘယ်သိတော့မလဲကွာ .. ခံစားတတ်မယ်လဲ မထင်ပါဘူး။
ခုခေတ် သင်္ကြန်ဆိုတာ သိတဲ့အတိုင်း.. .

ရှော်တီကြီးတွေလဲ မှတ်မိမှာပါ ....အဟေးဟေး ...

😜😬😂😄

ပြန်လည်မျှဝေ ခံစားသည်🤗

လိုဂန်ပေါလ်က ပြီးခဲ့တဲ့ WWE ရဲ့ Wrestle Mania 40
မှာ သူ့ကိုအနိုင်ရအောင် ကူညီပေးခဲ့လို့ဆိုပြီး IshowSpeed ကို စပရိုက်လုပ်ပေးလိုက်ပါတယ်။

ရန်ဒီ အော်တွန်နဲ့ ယှဥ်ပြိုင်ခဲ့တဲ့ပွဲစဥ်မှာ လိုဂန်တစ်ယောက် အမှောက်သိ-ပ်ခံလိုက်ရတဲ့အချိန် Speed က ကြိုးဝိုင်းနားကိုရောက်လာပြီး လိုဂန်ကို ကယ်တင်ပေးသွားခဲ့တာပါ။

ပြီးတော့ ရန်ဒီအော်တွန်ကိုလည်း ဆဲဆိုပြီး ရန်စလိုက်သလို ရင်ဘတ်ကိုပါ စော-င့်တွန်းလိုက်ပါသေးတယ်။ ဒါကြောင့် Speed ဟာ ရန်ဒီရဲ့ RKO နဲ့ အကြုံးခံလိုက်ရပါတော့တယ်။ Speed လည်း (လုံးဝ)ပြန်မထနိုင်တော့ပါဘူး။

ဒါပေမဲ့ လိုဂန်ပေါလ်ကတော့ Speed ကြားဝင်ရောက်လာခဲ့လို့ ရှုံးနိမ့်မဲ့အရေးကနေ ရှောင်လွဲနိုင်ခဲ့ကာ အဆုံးမှာ အနိုင်ရခဲ့ပါတယ်။

တကယ်တော့ ဒါတွေအကုန်လုံးဟာ WWE ဆိုတဲ့အတိုင်း ဇာတ်ညွှန်းအရ သရုပ်ဆောင်ချက်တွေဆိုပေမဲ့လည်း လိုဂန်ကတော့ ရန်ဒီရဲ့ စမတ်ကွက်မိသွားခဲ့တဲ့ Speed ကို ကျေးဇူးတင်တဲ့သဘောမျိုးနဲ့ Tesla Cybertruck တစ်စီးကို လက်ဆောင်ပေးခဲ့တာဖြစ်ပါတယ်။

အီလွန်မက်စ်ရဲ့လျှပ်စစ်စွမ်းအင်သုံးကားဖြစ်တဲ့ ဒီကားက အမေရိကန်မှာဆိုရင် ယူရို ၆၀,၀၀၀ ကျော် (မြန်မာငွေ သိန်းနှစ်ထောင်ကျော်) အထိ ပေါက်ဈေးရှိပါတယ်။

Speed လည်း ကားကိုမြင်ချိန်မှာ အတော်လေး ပျော်သွားခဲ့တာပါ။ ပြီးတော့ သူကိုယ်တိုင်တက်မောင်းခဲ့ပြီး၊ ကားက အနက်ရောင်ဖြစ်နေတာကြောင့် သူက လူမည်းမလို့ အနက်ရောင်ပေးတာလားဆိုပြီး လိုဂန်ပေါလ်ကို စနောက်လိုက်ပါသေးတယ်။

Credit to footballcorner

အဘိုး စိတ်ဆိုးလိမ့်မယ်နော်

ရပ်ပေးရင် နည်းနည်းပဲ လိမ်းမယ်တဲ့
သူတို့လိမ်းပေးတဲ့နည်းနည်း:🙂

အဟေး...ဟေး...😆

ဟောင်းပေမယ့်ကောင်းနေဆဲ CIV VI

ဒီရာသီ ပရီးမီးယားလိဂ် ထိပ်ဆုံး(၆)သင်းထိပ်တိုက်တွေ့ဆုံမှုမှာ ဘယ်အသင်းအသာရမလဲ❓

ယခုရာသီ ပရီးမီးယားလိဂ် ထိပ်ဆုံး(၆)သင်း ပတ်လည်တွေ့ဆုံမှုကို အမှတ်ပေးဇယားသီးသန့်ခွဲထုတ်ကာ Mini-League ပုံစံပြုလုပ်ကြည့်မည်ဆိုပါက နည်းပြ ဂွါဒီယိုလာရဲ့ မန်စီးတီးအသင်းက (၉)ပွဲကစား ရမှတ်(၁၃)မှတ်ဖြင့် ထိပ်ဆုံးတွင်ဦးဆောင်နေသည်ကို တွေ့ရမည်ဖြစ်သည်။သို့သော် လန်ဒန်ကလပ်အသင်းနှစ်သင်းဖြစ်သည့် အာတေတာရဲ့ အာဆင်နယ်နှင့် ပိုစတယ်ဂိုဂလူးစ်ရဲ့ တော့တင်ဟမ်ဟော့စပါးအသင်းများက (၇)ပွဲကစား(၁၂)မှတ်စီရရှိနေသဖြင့် (ထိပ်ဆုံး ၆ သင်းအသင်းများနှင့်)ကစားရန် ပွဲကျန်(၃)ပွဲစီကျန်ရှိနေပြီးပွဲကျန်တစ်ပွဲသာကျန်တော့သည့် မန်စီးတီးအသင်းကို ကျော်ဖြတ်နိုင်ဖွယ်ရှိနေသည်။ထိပ်ဆုံး(၆)သင်းပတ်လည်တွေ့ဆုံမှုတွင် အခြေအနေအဆိုးဆုံးအသင်းမှာ လီဗာပူးလ်အသင်းဖြစ်သည်။လီဗာပူးလ်အသင်းသည် ယခုရာသီ၌ အမှတ်ပေးဇယား ထိပ်ဆုံး(၆)သင်းစာရင်းဝင် အသင်းများနှင့် တွေ့ဆုံမှုများတွင် ရလဒ်မကောင်းဘဲ တစ်ပွဲသာ အနိုင်ရကာ (၅)ပွဲသရေကျပြီး (၂)ပွဲရှုံးနိမ့်ခဲ့သဖြင့် (၈)မှတ်သာရကာ အောက်ဆုံးနေရာတွင် ရပ်တည်နေသည်။

ဖိနပ်မပါပေမဲ့ ရွှေတံဆိပ် ၃ ဆု ယူခဲ့တဲ့ ကျောင်းသူလေးက ပေးသောသင်ခန်းစာ

ဖိလစ်ပိုင်မှာ ဒေသတွင်း ကျောင်းပေါင်းစုံ အားကစားပြိုင်ပွဲလုပ်တော့ အသက် ၁၁ နှစ်အရွယ် ကျောင်းသူလေး ရီယာဘူးလော့စ်က မီတာ ၄၀၀၊ မီတာ ၈၀၀၊ မီတာ ၁၅၀၀ ပြိုင်ပွဲတွေမှာ ရွှေတံဆိပ် ၃ ဆု ဆွတ်ခူးသွားတယ်။ တခြားပြိုင်ပွဲဝင်တွေက အပြေးဖိနပ်ကိုယ်စီနဲ့ ပြိုင်ပွဲဝင်ချိန်မှာ မပြည့်စုံသူလေး ရီယာဘူးလော့စ်က ခြေထောက်ကို ပတ်တီးစည်းပြီး အပြေးဖိနပ်မပါဘဲ ပြိုင်ပွဲဝင်ရင်း ရွှေ ၃ ဆု ရသွားတာဆိုတော့ သူ့သတင်းက ဟိုးလေးတကျော်ကျော် ဖြစ်သွားတယ်။

သူ့ပြိုင်ဘက်တွေမှာ အပြေးဖိနပ်ရှိပြီး သူ့မှာ အပြေးဖိနပ်မရှိတာကို ရီယာက အာရုံမစိုက်ခဲ့ဘူး။ တခြားသူတွေ ဘယ်လိုကဲ့ရဲ့၊ ဝေဖန်ကြမလဲဆိုတာကိုလည်း သူ ဂရုမစိုက်ခဲ့ဘူး။ သူ့ရဲ့အစွမ်းအစကို ထုတ်ပြဖို့ သူ ရနိုင်တဲ့အရာတွေကိုပဲ အသုံးပြုပြီး အခွင့်အရေး တံခါးပေါက်တွေကို ဆွဲဖွင့်နိုင်ခဲ့တယ်။

တခြားသူတွေမှာ ဘာတွေ ရှိတယ်၊ ဘယ်လို လုပ်နေလဲဆိုတာကို မေ့ထားလိုက်ပါ။ သင့်မှာ အောင်မြင်မှု ဆွတ်ခူးဖို့ လုံလောက်တဲ့အရာတွေ ပိုင်ဆိုင်ထားတာ မေ့မထားပါနဲ့။ သင့်မှာရှိတဲ့ အရာတွေနဲ့ပဲ စတင်လိုက်ပါ။

Ref: Rhea Bullos, an 11-year-old track athlete from the Philippines