အချစ်နဲ့တွေ့ခွင့်ရတဲ့ဒီလိုလေးdateမယ်🙆🤗💏

အာဆီယံအသိုက်အဝန်းတည်ဆောက်ရေးကြိုး ပမ်းမှုများအပါအဝင် အခြားကိစ္စရပ်များကိုဆွေးနွေး

အာဆီယံအသိုက်အဝန်းတည်ဆောက်ရေးကြိုး ပမ်းမှုများအပါအဝင် အခြားကိစ္စရပ်များကို အာဆီယံဆိုင်ရာ မြန်မာအမြဲတမ်းကိုယ်စားလှယ် ဦးအောင်မျိုးမြင့်နှင့် အာဆီယံအတွင်းရေးမှူးချုပ် H.E. Dr. Kao Kim Hourn တို့ဆွေးနွေးခဲ့ကြသည်။

ဦးအောင်မျိုးမြင့်နှင့် အာဆီယံအတွင်းရေးမှူးချုပ်တို့သည် ပြီးခဲ့သည့် နိုဝင်ဘာ ၁ ရက်က ဂျကာတာမြို့ရှိ အာဆီယံအတွင်းရေးမှူးချုပ်ရုံး၌ တွေ့ဆုံခဲ့ကြခြင်းဖြစ်သည်။

တွေ့ဆုံစဉ် အာဆီယံအသိုက်အဝန်းတည် ဆောက်ရေးကြိုးပမ်းမှုများ၊ လာအိုနိုင်ငံ၊ ဗီယင်ကျန်းမြို့တွင် မကြာသေးမီကကျင်းပခဲ့သည့် (၄၄)ကြိမ်နှင့်(၄၅)ကြိမ်မြောက် အာဆီယံထိပ်သီး အစည်းအဝေးနှင့် ဆက်စပ်ထိပ်သီးအစည်းအဝေးများမှ ဆွေးနွေးခဲ့မှုများ၏ ရှေ့ဆက်ဆောင်ရွက်ရန်ကိစ္စများကို ဆွေးနွေးခဲ့ကြသည်။

ထို့ပြင် တရုတ်နိုင်ငံ၊ ကူမင်းမြို့၌ ၂၀၂၄ ခုနှစ်၊ နိုဝင်ဘာ ၇ ရက်တွင် ကျင်းပမည့် (၁၁)ကြိမ်မြောက် စီအယ်လ်အမ်ဗွီထိပ်သီးအစည်းအဝေးနှင့် စပ်လျဉ်းသည့်ကိစ္စများ၊ အာဆီယံလူမှုယဉ် ကျေးမှုအသိုက်အဝန်းဆိုင်ရာ ဒုတိယအတွင်း ရေးမှူးချုပ်နေရာအား (၂၀၂၄-၂၀၂၇ ခုနှစ်)အ တွက် မြန်မာနိုင်ငံမှ အငြိမ်းစားသံအမတ်ကြီးဦးစံလွင်အားခန့်အပ်ခဲ့ခြင်းတို့ကိုလည်း ဆွေးနွေးခဲ့ကြကြောင်း သိရသည်။

မှတ်ပုံတင်မော်တော်ယာဉ်အားလုံး ယာဉ်စစ်ပြီးမှသာ မှတ်ပုံတင်လုပ်ငန်းဆောင်ရွက်ပေးတော့မည်ဟုဆို

နိုဝင်ဘာ ၆

မှတ်ပုံတင်မော်တော်ယာဉ် အားလုံး ယာဉ်စစ်ပြီးမှသာ မှတ်ပုံတင်လုပ်ငန်းတွေကို ဆောင်ရွက်ပေးတော့မှာ ဖြစ်တယ်လို့ ကုန်းလမ်းပို့ဆောင်ရေး ညွှန်ကြားမှု ဦးစီးဌာနက ပြောပါတယ်။

ယာဉ်တွေ ကြံ့ခိုင်မှုရှိပြီး အများပြည်သူတွေ အန္တရယ်ကင်းစွာ သွားလာနိုင်ရေးအတွက် ယာဉ်သက်တမ်းတိုး ခြင်းအပါအဝင် ယာဉ်မှတ်ပုံတင်ခြင်းလုပ်ငန်းတွေကို နိုဝင်ဘာ ၁ ရက်နေ့ကနေ စပြီး ယာဉ်စစ်ပြီးမှသာ မှတ်ပုံတင်ခွင့်ပြုတော့တာလို့ သိရပါတယ်။

ကုန်းလမ်းသယ်ယူပို့ဦးစီးဌာနကနေ ခရီးသည်တင်ယာဉ်တွေ၊ ယာဉ်မှန် မမှန် စစ်ဆေးခြင်း၊ နယ်ဝင်ယာဉ်တွေ၊ Taxi တွေ၊ School Bus တွေ၊ နှစ်တန်နဲ့ အထက်အငှားယာဉ်တွေကို စစ်ဆေး သက်တမ်းတိုး ဆောင်ရွက်ပေးတာ ပဲ ဖြစ်ပါတယ်။

#သတင်းဟင်းလေးအိုးကြီး

ကုန်စည်များ ဘက်စုံပို့ဆောင်ရေး ဗဟိုအဖွဲ့ကို ဖွဲ့စည်းကာ နိုင်ငံတော်၏ ကုန်သွယ်မှုနှင့် စီးပွားရေး ဖွံ့ဖြိုးတိုးတက်အောင်ဆောင်ရွက်မည်

နိုင်ငံတော်၏ ကုန်သွယ်မှုနှင့် စီးပွားရေးဖွံ့ဖြိုးတိုးတက်လာစေရန်၊ ပြည်သူတို့၏ လူမှုစီးပွားဘဝ ဖွံ့ဖြိုးတိုးတက်အောင်ဆောင်ရွက်ရန် ကုန်စည်များ ဘက်စုံပို့ဆောင်ရေးဗဟိုအဖွဲ့ကို ဖွဲ့စည်းဆောင်ရွက်သွားမည်ဖြစ်ကြောင်း အဖွဲ့၏ ပထမအကြိမ် လုပ်ငန်းညှိနှိုင်းအစည်းအဝေးမှ သိရသည်။

အဆိုပါ လုပ်ငန်းညှိနှိုင်းအစည်းအဝေးသို့ ကုန်စည်များ ဘက်စုံ ပို့ဆောင်ရေးဗဟိုအဖွဲ့ဥက္ကဋ္ဌ၊ ဒုတိယဝန်ကြီးချုပ်နှင့် ပို့ဆောင်ရေးနှင့် ဆက်သွယ်ရေးဝန်ကြီးဌာန ပြည်ထောင်စုဝန်ကြီး ဗိုလ်ချုပ်ကြီး မြထွန်းဦး တက်ရောက် အမှာစကား ပြောကြားခဲ့ကြောင်း သိရသည်။

ကုန်စည်များ ဘက်စုံပို့ဆောင်ရေး ဗဟိုအဖွဲ့ကို ဘက်စုံပို့ဆောင်ရေးဥပဒေ၊ ပုဒ်မ (၆) အရ ဘက်စုံပို့ဆောင်ရေး ဥပဒေ၊ နည်းဥပဒေများပါ ပြဋ္ဌာန်းချက်များကို အောင်မြင်စွာ အကောင်အထည်ဖော်နိုင်ရန်နှင့် မြန်မာနိုင်ငံမှ ဘက်စုံပို့ဆောင်ရေးလုပ်ငန်းများ၊ ထောက်ပံ့ဖြည့်ဆည်းစီမံဆောင်ရွက်မှုလုပ်ငန်းများ တိုးတက်လာစေရန် ဖွဲ့စည်းခဲ့ခြင်းဖြစ်ကြောင်း သိရသည်။

ဘက်စုံပို့ဆောင်ရေးကဏ္ဍ ဖွံ့ဖြိုးတိုးတက်ရေးမှသည် နိုင်ငံတော်၏ ကုန်သွယ်မှုနှင့် စီးပွားရေးဖွံ့ဖြိုးတိုးတက်မှုများရှိလာပြီး ထိုမှတဆင့် ပြည်သူတို့၏ လူမှုစီးပွားဘဝဖွံ့ဖြိုးတိုးတက်အောင် ဆောင်ရွက်ကြရမည်ဖြစ်ကြောင်း သိရသည်။

ကုန်စည်များ ဘက်စုံပို့ဆောင်ရေးဗဟိုအဖွဲ့ တွဲဖက်အတွင်းရေးမှူး၊ ပို့ဆောင်ရေးစီမံကိန်းဦးစီးဌာန ဒုတိယညွှန်ကြားရေးမှူးချုပ်က ဘက်စုံပို့ဆောင်ရေးဥပဒေ၊ နည်းဥပဒေများနှင့် စပ်လျဉ်း၍ ဆောင်ရွက်ရမည့် လုပ်ငန်းများကို ရှင်းလင်းတင်ပြခဲ့ကြောင်း သိရသည်။

ထို့ပြင် ပြည်ထောင်စုသမ္မတမြန်မာနိုင်ငံ ကုန်သည်များနှင့် စက်မှုလက်မှုလုပ်ငန်းရှင်များအသင်းချုပ် (UMFCCI)၊ မြန် မာနိုင်ငံ သယ်ယူပို့ဆောင်ရေးနှင့် ထောက်ပံ့ဖြည့်ဆည်းစီမံဆောင်ရွက်မှုအသင်းချုပ်(MTLF)နှင့် မြန်မာနိုင်ငံ အပြည်ပြည်ဆိုင်ရာ ကုန်စည်ပို့ဆောင်ရေးဝန်ဆောင်မှုလုပ်ငန်းရှင်များအသင်း(MIFFA)တို့မှ ဥက္ကဋ္ဌနှင့် အလုပ်အမှုဆောင်အဖွဲ့ဝင်များကလည်း အကြံပြုဆွေးနွေးတင်ပြကြကြောင်း သိရသည်။

အိမ်ကွင်းမှာပုံမှန်ခြေစွမ်းပြပြီ လေဗာကူဆင်ကို ဂိုးပြတ်အနိုင်ရခဲ့တဲ့ လေဗာပူး

တကယ် တယ် psycho ပါဆိုမှ 😆

စီးပွားရေး ပြုပြင်ပြောင်းလဲမှုကို စိတ်ရှည်ရန် ရှီကျင့်ဖျင် ပြော

နိုဝင်ဘာ ၆၊ နိုင်ငံတကာ။

စီးပွားရေးပြုပြင်ပြောင်းလဲမှုများ၏ အရှိန်အဟုန်နှင့်ပတ်သက်ပြီး စိတ်ရှည်ရှည်ထားကြရန် တရုတ်သမ္မတ ရှီကျင့်ဖျင် (Xi Jinping) က ပြည်နယ်ဆိုင်ရာ ခေါင်းဆောင်များကို တိုက်တွန်းခဲ့သည်ဟု South China Morning Post မှ ဖော်ပြခဲ့သည်။

ထို့ပြင် ပြဿနာများကို ဖြေရှင်းရာတွင်လည်း အလျင်စလို လုပ်ဆောင်ခြင်းမပြုရန် ရှီက သတိပေးခဲ့သည်ဟု အာဏာရ ကွန်မြူနစ်ပါတီ၏ People’s Daily သတင်းစာက ဖော်ပြခဲ့သည်။

နိုင်ငံတော်အဆင့် စျေးကွက်ကို တိုးတက်ကောင်းမွန်စေရန် သက်ဆိုင်ရာပြည်နယ် တစ်ခုချင်းစီအလိုက် ရင်းနှီး မြှုပ်နှံမှုများအတွက် အဟန့်အတားများအား ဖယ်ရှားရန်လည်း ရှီက တိုက်တွန်းခဲ့သည်။

ပြုပြင်ပြောင်းလဲမှုသည် တစ်ဆင့်ချင်းစီ ပြုလုပ်ရသည့် လုပ်ငန်းစဉ်ဖြစ်ပြီး ချက်ချင်း အောင်မြင်လိမ့်မည် မဟုတ် ကြောင်း ရှီက ပြီးခဲ့သည့် သီတင်းပတ်တွင် ပြုလုပ်ခဲ့သည့် အာဏာရပါတီ၏ စီးပွားရေးဦးတည်ချက်ဆိုင်ရာ အစည်းအဝေးတွင် အရာရှိများကို ပြောကြားခဲ့သည်။

ယခုသီတင်းပတ်အတွင်း ဒေသန္တရအစိုးရ၏ ကြွေးမြီသဘောတူညီချက် ဥပဒေမူကြမ်း ထုတ်ပြန်ရေး၊ စီးပွားရေး ဖွံ့ဖြိုးတိုးတက်မှုကို မြှင့်တင်ရေးနှင့် ကာလတို စီးပွားရေး ထိခိုက်နစ်နာမှုများအား ဖြေရှင်းမည့် ဘဏ္ဍာရေး မူဝါဒ အစီအစဉ်များကို ဆွေးနွေးခဲ့သည့် ထိုအစည်းအဝေးကို စီးပွားရေးလုပ်ငန်းရှင်များက အနီးကပ် စောင့်ကြည့်ခဲ့ကြ သည်။

People’s Daily သတင်းစာတွင်မူ အစည်းအဝေးကို တက်ရောက်ခဲ့သည့် အရာရှိများအား ပြောကြားခဲ့သည့် ရှီ၏ မိန့်ခွန်းအကျဉ်းချုပ်ကို ဖော်ပြခဲ့သလို ရှီ၏ မိန့်ခွန်းအပေါ် အခြေခံသည့် အတွေးအမြင်ကဏ္ဍကိုလည်း ဖော်ပြခဲ့ သည်။

တရုတ်အစိုးရသည် ရုန်းကန်နေရသည့် စီးပွားရေးကို မြှင့်တင်ရန် ရည်ရွယ်ထားသော ဘဏ္ဍာရေး လှုံ့ဆော်မှု အစီအစဉ်သစ်များအား ထုတ်ပြန်ရန် မျှော်မှန်းထားချိန်တွင် တရုတ်သမ္မတရှီ၏ မှတ်ချက်စကားများ ထွက်ပေါ်ခဲ့ ခြင်းဖြစ်သည်။

အောက်တိုဘာ ၁၈ ရက်က ထုတ်ပြန်ချက်တွင် တရုတ်၏ တတိယ သုံးလပတ်ကာလ စီးပွားရေး ဖွံ့ဖြိုးတိုးတက်မှု နှုန်းသည် ၄ ဒသမ ၆ ရာခိုင်နှုန်းရှိခဲ့ပြီး ထိုနှုန်းထားအရ ပြီးခဲ့သည့်နှစ် အစောပိုင်းမှစပြီး အနိမ့်ဆုံးနှုန်းထား ဖြစ်ခဲ့ သည်။

ထို့ကြောင့် ယခုနှစ်အတွက် စီးပွားရေး ဖွံ့ဖြိုးတိုးတက်မှုနှုန်းကို ၅ ရာခိုင်နှုန်းအထိ ရှိစေရန် မျှော်မှန်းထားသည့် ခန့်မှန်းနှုန်းထား ပြည့်မီနိုင်ခြေ ရှိ/မရှိ စိုးရိမ်စိတ်များ ထွက်ပေါ်ခဲ့သည်။


Source: South China Morning Post

ပုံ - တရုတ်သမ္မတ ရှီကျင့်ဖျင်ကို တွေ့ရစဉ်

Credit - Central News Independence

#သတင်းဟင်းလေးအိုးကြီး

နစကဥက္ကဋ္ဌနှင့် ယူနန်ပြည်နယ်ပါတီကော်မတီအတွင်းရေးမှူးတို့တွေ့ဆုံ၊ နှစ်နိုင်ငံအကြား နယ်စပ်ဒေသ တည်ငြိမ်အေးချမ်းရေးကို အရှိန်မြှင့်တင်ဆောင်ရွက်ရန်ကိစ္စများဆွေးနွေး

နိုဝင်ဘာ ၆

နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင်သည် တရုတ်ပြည်သူ့သမ္မတနိုင်ငံ၊ တရုတ်ကွန်မြူနစ်ပါတီ၊ ဗဟိုကော်မတီအဖွဲ့ဝင်နှင့် ယူနန်ပြည်နယ်ပါတီ ကော်မတီအတွင်းရေးမှူး H.E. Mr. Wang Ning နှင့် ယမန်နေ့ညနေပိုင်းတွင် ကူမင်းမြို့ရှိ Haigeng Hotel ဧည့်ခန်းမဆောင်၌ တွေ့ဆုံ ဆွေးနွေးခဲ့သည်။

ယူနန်ပြည်နယ်ပါတီ ကော်မတီအတွင်းရေးမှူးက ယူနန်ပြည်နယ်၏ ဖွံ့ဖြိုးတိုးတက်နေမှုအခြေအနေများနှင့် စီးပွားရေးဖွံ့ဖြိုးတိုးတက်မှုရှိစေရေး ဆောင်ရွက်လျက်ရှိမှု၊ တရုတ်နိုင်ငံ၊ ယူနန်ပြည်နယ်နှင့် မြန်မာနိုင်ငံအကြား သံတမန်ရေးအရ၊ စီးပွားရေးအရ ကူးလူးဆက်ဆံဆောင်ရွက်လျက်ရှိမှု၊ နှစ်နိုင်ငံအကြားအေးအတူပူအမျှ အသိုက်အဝန်းတည်ဆောက်၍ နယ်ပယ်အလိုက် ပူးပေါင်းဆောင်ရွက်မှုများကို တိုးမြှင့်ဆောင်ရွက်သွားနိုင်ရေး ဆက်လက်ဆောင်ရွက်လျက်ရှိမှု၊ နိုင်ငံဖြတ်ကျော်မှုခင်းတိုက်ဖျက်မှုများကို အတူတကွပူးပေါင်းဆောင်ရွက် လျက်ရှိမှု၊ နှစ်နိုင်ငံသဘောတူညီပြီးဖြစ်သည့် စီမံကိန်းလုပ်ငန်းများ အမြန်ဆုံးအကောင်အထည်ဖော် ဆောင်ရွက်နိုင်ရေး ကြိုးပမ်းဆောင်ရွက်လျက်ရှိမှုတို့ကို ဆွေးနွေးပြောကြားသည်။

ယင်းနောက် နိုင်ငံတော်စီမံအုပ်ချုပ်ရေးကောင်စီဥက္ကဋ္ဌက မြန်မာနိုင်ငံနှင့် ယူနန်ပြည်နယ်အကြား နှစ်ဖက် ပူးပေါင်းဆောင်ရွက်မှုများကို ပိုမိုမြှင့်တင်နိုင်ရေးအတွက် နယ်စပ်ဒေသတည်ငြိမ်အေးချမ်းရေးကို အလေးထား ဆောင်ရွက်သွားရန်လိုအပ်မှု၊ နယ်စပ်ဒေသတည်ငြိမ်အေးချမ်းမှသာလျင် သွင်းကုန်၊ ပို့ကုန်ကဏ္ဍကို ပိုမို ဆောင်ရွက်နိုင်မည်ဖြစ်ပြီး စီးပွားရေးအရ ကူးလူးဆက်သွယ်မှုကို ပိုမိုအကောင်အထည်ဖော်နိုင်မည်ဖြစ်သဖြင့် နှစ်နိုင်ငံအကြား နယ်စပ်ဒေသတည်ငြိမ်အေးချမ်းရေးကို အတူတကွပူးပေါင်း၍ အရှိန်မြှင့်တင်ဆောင်ရွက်သွား ရန်လိုအပ်မှု၊ ကမ္ဘာတစ်ဝန်း၌ တိုးတက်လာသည့် လူဦးရေနှင့်အတူ ကြုံတွေ့လာရသည့် စားရေရိက္ခာ လိုအပ်ချက်အား မြန်မာနိုင်ငံအနေဖြင့် ဖြည့်ဆည်းပေးနိုင်မည့် အရင်းအမြစ်ကောင်းများစွာ ပိုင်ဆိုင်ထားသည့် အတွက် စိုက်ပျိုးမွေးမြူရေးဆိုင်ရာ ရင်းနှီးမြှုပ်နှံမှုများတွင် နှစ်နိုင်ငံပူးပေါင်းဆောင်ရွက်နိုင်မှု၊ စိုက်ပျိုးမွေးမြူ ရေးနှင့် ပြန်လည်ပြည့်ဖြိုးမြဲ သစ်တောထွက်သယံဇာတများကို အခြေခံသည့် စက်မှုလုပ်ငန်းများတွင် လာရောက်ရင်းနှီးမြှုပ်နှံမှုများကို ဖိတ်ခေါ်လိုမှု၊ ထို့ပြင် ပညာရေး၊ ကျန်းမာရေး၊ ယဉ်ကျေးမှုတို့အပါအဝင် အခြားသောကဏ္ဍအလိုက် ပူးပေါင်းဆောင်ရွက်မှုများကို မြှင့်တင်ဆောင်ရွက် သွားရန်မြန်မာနိုင်ငံဘက်မှ အသင့်ရှိသည့်အခြေအနေများနှင့် နှစ်ဖက်ကူးလူးဆက်ဆံသွားလာရေးတွင် လုံခြုံချောမွေ့ရေးအတွက် ဆက်လက်ပူးပေါင်းဆောင်ရွက်သွားမည့် အခြေအနေများကို ပြန်လည်ဆွေးနွေးပြောကြားသည်။

ထို့နောက် မြန်မာနိုင်ငံနှင့် ယူနန်ပြည်နယ်အကြား စီးပွားရေးအရ ပူးပေါင်းဆောင်ရွက်မှုများကို တိုးမြှင့် ဆောင်ရွက်နိုင်မည့်အခြေအနေများ၊ နယ်စပ်ဒေသ တည်ငြိမ်အေးချမ်းရေးအတွက် ပူးပေါင်းဆောင်ရွက်နိုင်မည့် အခြေအနေများ၊ ရင်းနှီးမြှုပ်နှံမှု၊ ကုန်သွယ်မှုနှင့် လျှပ်စစ်စွမ်းအင်ထုတ်လုပ်မှုကဏ္ဍတို့တွင် ပူးပေါင်း ဆောင်ရွက်မှုများကို တိုးမြှင့်ဆောင်ရွက်နိုင်မည့်အခြေအနေများ၊ လူသားအရင်းအမြစ် လေ့ကျင့်မွေးထုတ်ရေး တို့ကို ဆွေးနွေးခဲ့ကြသည်။

တွေ့ဆုံပွဲသို့ နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ်နှင့်အတူ ကောင်စီတွဲဖက်အတွင်း ရေးမှူး ဗိုလ်ချုပ်ကြီး ရဲဝင်းဦးနှင့် ခရီးစဉ်တွင်လိုက်ပါ လာကြသည့်အရာရှိကြီးများနှင့်တာဝန်ရှိသူများ တက် ရောက်ကြပြီး တရုတ်ကွန်မြူနစ်ပါတီ၊ ဗဟိုကော်မတီအဖွဲ့ဝင်နှင့် ယူနန်ပြည်နယ်ပါတီ ကော်မတီအတွင်းရေးမှူး နှင့်အတူ တရုတ်နိုင်ငံဆိုင်ရာ မြန်မာနိုင်ငံသံအမတ်ကြီးနှင့် အမြဲတမ်းကော်မတီအဖွဲ့ဝင်များ၊ တာဝန်ရှိသူများ တက်ရောက်ကြသည်။

#centralnewsnaypyitaw

ပုစွန်ကို ဘယ်လိုစားရတာ အကြိုက်ဆုံးလဲ
ကိုယ်တွေ ကတော့ က,င်စားရတာ အကြိုက်ဆုံးပဲ 🦐🤤