ငှက်ပျင်းရွာ ယောမြေ

ငှက်ပျင်းရွာ ယောမြေ

ငှက်ပျင်းရွာ ယောမြေ

ငှက်ပျင်းရွာ ယောမြေ

ငှက်ပျင်းရွာ ယောမြေ

ငှက်ပျင်းရွာ ယောမြေ

ငှက်ပျင်းရွာ ယောမြေ

ငှက်ပျင်းရွာ ယောမြေ

အမေရိကန်အဆိုတော် Vince Neil ရဲ့ လေယာဉ်ဆင်းသက်စဉ် ဂီယာချော်ရာက အခြားလေယာဉ်ဝင်တိုက်လို့ တစ်ဦးသေပြီး လေးဦးဒဏ်ရာရ

ဖေဖော်ဝါရီ ၁၁

အမေရိကန်ရော့ခ်အဆိုတော် Vince Neil ပိုင်ဆိုင်တဲ့ လေယာဉ်ဆင်းသက်ချိန်မှာ ဂီယာချော်သွားရာက အခြားလေယာဉ်တစ်စင်းကို ဝင်တိုက်မိလို့ တစ်ဦးသေပြီး လေးဦးဒဏ်ရာရမှုဖြစ်စဉ် မနေ့က ဖြစ်ပွားခဲ့ပါတယ်။

Motley Crue Band ရဲ့ ခေါင်းဆောင်အဆိုတော် Neil ပိုင်ဆိုင်တဲ့ Learjet aircraft Model 35A ဟာ မနေ့က ဒေသစံတော်ချိန် န်းလွဲ ၂ နာရီ ၃၉ မိနစ်မှာ အရီဇိုးနားပြည်နယ်၊ Scottsdale လေဆိပ်ကို ဆင်းသက်ချိန်မှာ ပြေးလမ်းအတိုင်း ပုံမှန်ဆင်းသက်လာနိုင်ခဲ့ပေမဲ့ ရုတ်ချည်းဆိုသလို ညာဘက်ကို လမ်းချော်သွားပြီး အခြားလေဆိပ်မှာရပ်ထားတဲ့ Gulfstream 200 လုပ်ငန်းသုံးလေယာဉ်ကို ဝင်တိုက်မိခဲ့တာ ရုပ်သံမှာ တွေ့ခဲ့ရတာပါ။

မတော်တဆမှုဖြစ်ပွားတဲ့ Learjet မှာ Neil လိုက်ပါလာမှုမရှိဘူးလို့ ကိုယ်စားလှယ်ဖြစ်တဲ့ Worrick Robinson က ကြေညာခဲ့ပါတယ်။ ဖြစ်ရပ်မှာ လေယာဉ်က တက္ကဆက်ပြည်နယ်ရဲ့ မြို့တော် အော်စတင်လေဆိပ်ကနေ ထွက်ခွာလာခဲ့တာဖြစ်ပြီး ဒီလေယာဉ်တိုက်မိမှုကြောင့် တစ်ဦးသေဆုံးပြီး လေးဦးဒဏ်ရာရခဲ့သလို နှစ်ဦးကတော့ စိုးရိမ်ရအခြေအနေမှာ ရှိနေခဲ့ပါတယ်။ ဒဏ်ရာရသူတွေထဲမှာ လေယာဉ်ပေါ်လိုက်ပါလာတဲ့ Neil ရဲ့ အတူနေချစ်သူ အဆိုတော် ရိန်းက နံရိုးငါးချောင်းကျိုးခဲ့ပေမဲ့ ဒီအဖြစ်ဆိုးကနေ သေကံမရောက် သက်မပျောက် လွတ်မြောက်ခဲ့ပြီး လက်ရှိမှာတော့ သူငယ်ချင်းဖြစ်သူ အက်ရှလေနဲ့အတူ ဆေးရုံမှာ ရှိနေခဲ့ပါတယ်။

ကနဦးစစ်ဆေးချက်အရ လေယာဉ်မတော်တဆမှုဖြစ်စဉ်က Learjet ရဲ့ ဘယ်ဘက်ပင်မဂီယာ ဆင်းသက်ချိန်ချို့ယွင်းမှုကြောင့်ဖြစ်တာလို့ Scottsdale လေဆိပ်ပြောရေးဆိုခွင့်ရှိသူ Kelli Kuester က ပြောပါတယ်။ အခြားသောသတင်းဌာနတွေမှာ တစ်ဦးသေဆုံးပြီး သုံးဦးဒဏ်ရာရတယ်လို့ ဖော်ပြထားပေမဲ့ မီးသတ်အရာရှိတွေကတော့ သုံးဦးကို ဆေးရုံပို့ထားရချိန်မှာ လေယာဉ်ပေါ်ပါ တစ်ဦးသေဆုံးပြီး တစ်ဦးပိတ်မိနေတယ်လို့ ပြောခဲ့တဲ့ ဒီဖြစ်ရပ်နဲ့ ပတ်သက်လို့ လက်ရှိမှာတော့ The National Transportation Safety Board က အသေးစိတ်ဆက်လက်စစ်ဆေးနေပါတယ်။

Ref , hindustantimes, reuters

#သတင်းဟင်းလေးအိုးကြီး

*လွတ်လပ်ခွင့်နှင့် လုံခြုံရေး ထိခိုက်မှု

ဒီမိုကရေစီနိုင်ငံများတွင် အစိုးရနှင့် စာနယ်ဇင်းအကြား မကြာခဏ အငြင်းအခုံ ပြုရတတ်သော ပြဿနာတစ်ခုရှိ၏။
အဲဒါက၊ နိုင်ငံ လုံခြုံရေးနှင့် စာနယ်ဇင်း ရေးပိုင်ခွင့်။
အစိုးရတို့အနေနှင့် နိုင်ငံတော် လုံခြုံရေး၊ အများပြည်သူ့ လုံခြုံရေးကို ကာကွယ် စောင့်ရှောက်ရန် တာဝန်ရှိ၏။ ထို့ကြောင့် လုံခြုံရေး ထိခိုက်နိုင်မည့် အရာမှန်သမျှကို သတိဝီရိယဖြင့် ဆောင်ရွက်ကြ၏။ စောင့်ကြည့် ထိန်းချုပ် ဟန့်တားကြ၏။
တစ်ဖက်တွင်
စာနယ်ဇင်းတို့ အနေနှင့်လည်း “အများပြည်သူ့ သိပိုင်ခွင့် ပြည့်ပြည့်ဝဝ ရရှိရန် အလို့ငှာ အစိုးရသတင်းများကိုလည်း တတ်နိုင်သမျှ အနက်ရှိုင်းဆုံး ရှာဖွေ တူးဆွ ဖော်ပြရန် တာဝန်ရှိ၏။ သည့်အတွက် အားထုတ်ကြိုးပမ်းကြ၏။
သည်အခါ နှစ်ဖက်အကြား အငြင်းပွားရသည်များ ရှိလာသည်။
သတင်းတစ်ရပ်သည် လုံခြုံရေးကို ထိပါးစေနိုင်သည်၊ ထို့ကြောင့် ဖော်ထုတ် ရေးသားခွင့်မပြုနိုင်ဟု အစိုးရပိုင်းက သဘောထားချိန်တွင် စာနယ်ဇင်းသမားက အဆိုပါ သတင်းသည် လုံခြုံရေးအရ ကန့်သတ် လောက်အောင် မကြီးကျယ်၊ အများပြည်သူ့ သိပိုင်ခွင့် နယ်နိမိတ်ထဲမှာပင်ရှိသည်ဟု ယူဆကာ အငြင်းပွား ရခြင်းမျိုး ဖြစ်သည်။
လွတ်လပ်မှုနှင့် လုံခြုံမှုအကြား ပြတ်သားသော စည်းတစ်ခု မူသေ ချထားရန်မလွယ်ကူရာ၊ အကြောင်း အရာတစ်ခုချင်း၊ သတင်းတစ်ရပ်ချင်းအရ ဆွေးနွေး ငြင်းခုံ ညှိနှိုင်းရတတ်သည့် သဘောရှိပေသည်။