စတုဂတ်အသင်းအတွက် တစ်ရာသီအတွင်းဘွန်ဒက်စ်လီဂါ သွင်းဂိုးအများဆုံးစံချိန်တင်ခဲ့တဲ့ ဂူရက်ဆီ
စတုဂတ်အသင်း၏ ဂီနီတိုက်စစ်မှူး ဆီရောက်ဂူရက်ဆီသည် ယခုတစ်ပတ် စတုဂတ် (၃-၀)ဖရန့်ဖတ်ပွဲတွင် အဖွင့်ဂိုးကို သွင်းယူနိုင်ခဲ့ပြီးနောက် ယခုရာသီ ဘွန်ဒက်စ်လီဂါတွင် သူ၏သွင်းဂိုးမှာ (၂၅)အထိရှိလာခဲ့သည်။ဂူရက်ဆီအနေဖြင့် ဘွန်ဒက်စ်လီဂါ (၂၃)ပွဲကစားခဲ့ရာတွင် (၂၅)ဂိုးသွင်းနိုင်ခဲ့ပြီး သူ၏ ဂိုးသွင်းနှုန်းမှာ တစ်ပွဲ ပျမ်းမျှတစ်ဂိုးအထက်တွင်ရှိနေသည်ကို တွေ့ရမည်ဖြစ်သည်။ ယခင်က စတုဂတ်အသင်းတွင် တစ်ရာသီအတွင်း ဘွန်ဒက်စ်လီဂါဂိုးအများဆုံးသွင်းယူသူအဖြစ် စံချိန်တင်ခဲ့သူမှာ ဂျာမန်တိုက်စစ်မှူး မာရီယို ဂိုးမက်ဇ်ဖြစ်ပြီး (၂၀၀၈-၀၉)ဘောလုံးရာသီက တစ်ရာသီအတွင်း (၂၄)ဂိုးသွင်းခဲ့ခြင်းဖြစ်သည်။ပြင်သစ်ကလပ် ရန်းစ်အသင်းမှရောက်ရှိလာသော ဂူရက်ဆီသည် ပြီးခဲ့သည့်ရာသီက အသင်းတွင် အငှားစာချုပ်ဖြင့်သာ ကစားခဲ့ခြင်းဖြစ်ပြီး (၂၀၂၃) နွေရာသီတွင် အသင်းက သူ့အား (၃)နှစ်စာချုပ်ဖြင့် အပြီးသတ်ခေါ်ယူခဲ့ခြင်းဖြစ်သည်။
တိုက်စစ်မှာ ခြေစွမ်းပြနေတဲ့ ဂူရက်ဆီ ကို လာမည့်ရာသီမှာ ဘယ်အသင်းမှာ မြင်တွေ့ရနိုင်မလဲ❓
