ခမ်းခမ်းနားနား အိမ်မက်တွေရှိသည်မို့
ခခယယ နေနေတာပါ

ဗလှိုင်းကြီး လာကျောသမျှကို /
ဘာမှမတုန့်ပြန်ခြင်းဖြင့် ကြိုးစားနေပါတယ်

ဒေါသရှေ့ထား မှားတတ်သည် ဆိုသလို /
ဒီလူငယ် သည်းခံစိတ်ကိုမွေးထားခြင်းပါ

ထင်ရာ၊ မြင်ရာ မဆိုင်းခြင်တဲ့ကောင်မှာ /
ခေါင်းငုံ့၊ မျက်လွှာသာချလိုက်တာပါ

ခပ်ညံ့ညံ့ကောင် မဟုတ်ဘူးဆိုတာ /
တနေ့ ခင်များတို့ကောင်းကောင်းကြီး မြင်ရအုံးမှာပါ။

#ခွန်ထွန်း

ပက်ဒရီ စာချုပ်သစ်ချုပ်ဆိုမယ်လို့ ဒေကို ယုံကြည်

နိုဝင်ဘာ ၁၅

ဘာစီလိုနာအသင်း အားကစားဒါရိုက်တာ ဒေကိုက ကွင်းလယ်လူ ပက်ဒရီဟာ အသင်းနဲ့ စာချုပ်သစ်ချုပ်ပြီး နူးကမ့်မှာ အမွေအနှစ်တစ်ခု ဖန်တီးနိုင်မယ်ဆိုတာ ယုံကြည်တယ်လို့ ပြောခဲ့ပါတယ်။

ဒေကိုက “ပက်ဒရီဟာ ဘာစီလိုနာအသင်းမှာ သမိုင်းမှတ်တမ်း ဝင်ချင်တဲ့သူဖြစ်တဲ့အတွက် စာချုပ်သစ်ချုပ်ဆိုမှုက ဖြစ်လာမယ်လို့ ထင်ပါတယ်။ သူဟာ ဒီမှာ သက်တောင့်သက်သာ ခံစားနေရပြီး ပျော်ရွှင်နေသလို ဆုဖလားတွေ လည်း ရယူချင်ပါတယ်။ ပက်ဒရီဟာ ဒဏ်ရာတွေ အများကြီး ခံစားခဲ့ရတာကြောင့် အလုပ်ကိုကြိုးကြိုးစားစား လုပ်ခဲ့ရပြီး အခုအချိန်မှာ အကောင်းဆုံးပုံစံနဲ့ သူပြန်လာနေပါပြီ”လို့ Mundo Deportivo နဲ့ အင်တာဗျူးမှာ ပြောခဲ့တာပါ။

ဘာစီလိုနာအသင်းဟာ သူတို့ရဲ့ လူငယ်ကြယ်ပွင့် ကစားသမားတွေကို သက်တမ်းတိုး စာချုပ်ချုပ်ဆိုပြီး အသင်းမှာ ဆက်ထိန်းသိမ်းနိုင်ဖို့ လုပ်ဆောင်နေတာ ဖြစ်ပါတယ်။

ဒီကြယ်ပွင့် ကစားသမားတွေထဲက တစ်ဦးဖြစ်တဲ့ ပက်ဒရီကိုလည်း အသင်းမှာ ကာလကြာရှည်ရှိမယ့် စာချုပ်သစ် ချုပ်ဆိုနိုင်မယ်လို့ အားကစားဒါရိုက်တာ ဒေကိုက ယုံကြည်မှုရှိနေတာပါ။

အသက် ၂၁ နှစ်အရွယ်ရှိ ပက်ဒရီဟာ ပြီးခဲ့တဲ့ရာသီက ဒဏ်ရာတွေနဲ့ ရုန်းကန်ခဲ့ရပြီး ကလပ်နဲ့ နိုင်ငံအသင်းအတွက် ၂၅ ပွဲလွဲချော်ခဲ့ပါတယ်။

ဒါပေမယ့် ပက်ဒရီဟာ နည်းပြသစ် ဟန်ဆီဖလစ်လက်ထက်မှာ သူ့ရဲ့ဆိုးရွားတဲ့ ဒဏ်ရာမှတ်တမ်းတွေကို ဖယ်ရှား နိုင်ခဲ့ပြီး အသင်းအတွက် ခြေစွမ်းပြသနေတာပါ။

ပက်ဒရီနဲ့ ဘာစီလိုနာအသင်းတို့ ချုပ်ဆိုထားတဲ့ စာချုပ်ဟာ ၂၀၂၆ နွေရာသီမှ ကုန်ဆုံးမှာဖြစ်ပေမယ့် အသင်း ဘက်က သူ့ကို အမြန်ဆုံး စာချုပ်သစ် ချုပ်ချင်နေတာ ဖြစ်ပါတယ်။

ပက်ဒရီဟာ ဒီရာသီမှာ ဘာစီလိုနာအသင်းအတွက် ၁၇ ပွဲ ပါဝင်ကစားထားပြီး ၃ ဂိုးသွင်းယူကာ ဂိုးဖန်တီးမှု ၂ ကြိမ် ပြုလုပ်ထားတာပါ။

ပက်ဒရီဟာ လက်ရှိအချိန်မှာ နေးရှင်းလိဂ်ပွဲတွေကစားဖို့ စပိန်အသင်းနဲ့ ပူးပေါင်းပြီး လေ့ကျင့်ပြင်ဆင်မှုတွေ ပြုလုပ်နေပါတယ်။

စပိန်အသင်းဟာ နေးရှင်းလိဂ် အုပ်စုနောက်ဆုံးပွဲတွေအဖြစ် ဒိန်းမတ်၊ ဆွစ်ဇာလန်အသင်းတို့နဲ့ ယှဉ်ပြိုင်ရမှာဖြစ်ပါတယ်။

Source: Goal

ပုံ - ပက်ဒရီကို တွေ့ရစဉ်

#centralnewsnayptitaw

ဘယ်အရာမှ မတည်မြဲဘူးဆိုတာ သိလာတဲ့နောက်ပိုင်း တစ်ယောက်တည်းနေဖြစ်ခဲ့တယ် ။ ချစ်နေရင်း ၊ မချစ်တော့တာတွေ ၊ နွေးထွေးနေရင်းအေးစက်လာတွေ ၊ ပိုင်ဆိုင်နေရင်း ဆုံးရှုံးလိုက်ရတာတွေမှာ တကယ်ခံနိုင်ရည်မရှိခဲ့ပါဘူး ။

ရုတ်တရက်ဖြစ်ပျက်သွားတက်တဲ့ အရာတွေဟာ သိပ်ကြောက်စရာ ကောင်းမှန်းလည်းနားလည်ခဲ့လို့ ဘယ်တစ်ဦး တစ်ယောက်ကိုမှ ထပ်ပြီးမရှာဖွေဖြစ်တော့တာပါ ၊ ဒါဟာ အထီးကျန်မှု တစ်ခုဆိုရင်တောင် နာကျင်ရတာတွေ မရှိတဲ့အတွက် ကျွန်တော် နေပျော်ပါတယ်.... ။

#crd

ယနေ့ ရွှေဈေးနဲ့ နိုင်ငံခြားငွေလဲနှုန်းများ

နိုဝင်ဘာ - ၁၅ ရက်

#ရွှေဈေး

-ကမ္ဘာ့ရွှေဈေး
တအောင်စ ၂၅၆၇ ဒေါ်လာ

ရန်ကုန်တိုင်းရွှေလုပ်ငန်းရှင်များအသင်း (YGEA) ရဲ့ရွှေစျေးကွက် အဖွင့်ဈေးနှုန်း

- အကယ်ဒမီ မီးလင်းရွှေ တကျပ်သား
၅၁၈၈၆၀၉ ကျပ်

ပြင်ပရွှေဈေးနှုန်း

-အခေါက်ရွှေ တကျပ်သား (ပြင်ပဈေးကွက်)
ရောင်းဈေး ၆၀၈၀၀၀၀ ကျပ်
ဝယ်ဈေး ၆၀၄၀၀၀၀ ကျပ်

-၁၅ ပဲရည် တကျပ်သား
ရောင်းဈေး ၅၈၈၀၀၀၀ ကျပ်
ဝယ်ဈေး ၅၈၄၀၀၀၀ ကျပ်

“လက်ရှိ ရွှေဈေးကွက်အတွင်း ဈေးနှုန်းအတက်အကျ မငြိမ်သေးတဲ့အတွက် ရောင်းမှား၊ ဝယ်မှား မဖြစ်ဖို့ သတိပြုစေလိုပါတယ်။”

(ရွှေဈေးနှုန်းများ အချိန်နှင့်အမျှ ပြောင်းလဲနိုင်သည်။)

#နိုင်ငံခြားငွေလဲလှယ်နှုန်း

-မြန်မာနိုင်ငံတော်ဗဟိုဘဏ် ရည်ညွှန်းငွေလဲနှုန်း
အမေရိကန် တဒေါ်လာ - ၂၁၀၀ ကျပ်

ပြင်ပပေါက်စျေး

-အမေရိကန်ဒေါ်လာ‌
ရောင်းဈေး - ၄၅၃၀ ကျပ်
ဝယ်ဈေး - ၄၄၃၀ ကျပ်

-စင်္ကာပူဒေါ်လာ
ရောင်းဈေး - ၃၃၇၀ ကျပ်
ဝယ်ဈေး - ၃၃၀၀ ကျပ်

-ယူရို
ရောင်းဈေး - ၄၇၄၅ ကျပ်
ဝယ်ဈေး - ၄၆၂၅ ကျပ်

-ထိုင်းဘတ်
ရောင်းဈေး - ၁၂၉.၀၃ ကျပ်
ဝယ်ဈေး - ၁၂၅.၇၉ ကျပ်

-မလေးရှားရင်းဂစ်
ရောင်းဈေး - ၁၀၁၀ ကျပ်
ဝယ်ဈေး - ၉၈၀ ကျပ်

-တရုတ်ယွမ်
ရောင်းဈေး - ၆၂၂ ကျပ်
ဝယ်ဈေး - ၆၀၆ ကျပ်

-ဂျပန်ယန်း
ရောင်းဈေး - ၂၈.၉၀ ကျပ်
ဝယ်ဈေး - ၂၈.၁၈ ကျပ်

-အိန္ဒိယရူပီး
ရောင်းဈေး - ၅၃.၂၁ ကျပ်
ဝယ်ဈေး - ၅၁.၅၇ ကျပ်

-ကိုရီးယားဝမ်
ရောင်းဈေး - ၃.၂၁ ကျပ်
ဝယ်ဈေး - ၃.၁၃ ကျပ်

-စတာလင်ပေါင်
ရောင်းဈေး - ၅၇၀၀ ကျပ်
ဝယ်ဈေး - ၅၅၅၅ ကျပ်

-ဩစတြေးလျဒေါ်လာ
ရောင်းဈေး - ၂၉၀၅ ကျပ်
ဝယ်ဈေး - ၂၈၃၅ ကျပ်

-ကနေဒါဒေါ်လာ
ရောင်းဈေး - ၃၂၀၀ ကျပ်
ဝယ်ဈေး - ၃၁၂၀ ကျပ်

-ဟောင်ကောင်ဒေါ်လာ
ရောင်းဈေး - ၅၇၈ ကျပ်
ဝယ်ဈေး - ၅၆၃ ကျပ်

-ယူအေအီး
ရောင်းဈေး - ၁၂၃၀ ကျပ်
ဝယ်ဈေး - ၁၁၉၀ ကျပ်

ငွေလဲနှုန်းများ အချိန်နှင့်အမျှ ပြောင်းလဲနိုင်သည်။

Credit - VOM

#သတင်းဟင်းလေးအိုးကြီး

အဲ့ဒီကောင်လေးက အိမ်နဲ့တူတယ်။

နွေးထွေးတယ်။ လုံခြုံတယ်။
ပျော်ရွှင်စရာဖြစ်ဖြစ်၊ ၀မ်းနည်းဖွယ်ဖြစ်ဖြစ် ပထမဆုံးသတိရမိတဲ့ တဦးတည်းသောကောင်လေးက
သူဖြစ်တယ်။

စိတ်ပင်ပန်းတဲ့အခါ အဲ့ဒီရင်ခွင်ထဲ ခိုလှုံချင်တယ်။
အဝေးကြီးမှာရှိနေတဲ့ ရင်ခွင်တစ်စုံဟာ ဘာကြောင့်များ နွေးရပါလိမ့်။

အင်း..သူက နွေးထွေးတဲ့ အိမ်လေးလိုပဲ။

•Hnine•

ချမ်းလာပြီဆိုရင် လူအုပ်တိုးလိုက်ရုံပဲ 😁

မြန်မာဖရဲစိုက်ပျိုးရေး လာအိုနှင့် ဗီယက်နမ်သို့ ရွှေ့သွား

နိုဝင်ဘာ ၁၅

မြန်မာနိုင်ငံတွင် ဖြစ်ပေါ်နေသည့် နိုင်ငံရေး ပဋိပက္ခများကြောင့် နယ်မြေတည်ငြိမ်မှု မရှိသည့်အတွက် တရုတ်နိုင်ငံမှ လာရောက်စိုက်ပျိုးသည့် ဖရဲစိုက်ပျိုးရေးလုပ်ငန်းများသည် လာအိုနှင့် ဗီယက်နမ်နိုင်ငံသို့ ပြောင်းရွှေ့သွားကြောင်း ဖရဲကုန်သည်များထံမှ သိရသည်။

အထူးသဖြင့် ရှမ်းမြောက်တိုက်ပွဲများကြောင့် ကုန်သွယ်ရေးလမ်းကြောင်း အခက်အခဲနှင့် မြန်မာ - တရုတ် နယ်စပ်ကုန်သွယ်ရေးများ ပိတ်ထားသည့်အတွက်ကြောင့် ဖြစ်သည်။

တရုတ်လုပ်ငန်းရှင်များက ထိုသို့ ပြောင်းရွှေ့စိုက်ပျိုးရာတွင် မြန်မာနိုင်ငံတွင် အသုံးပြုခဲ့သည့် မြန်မာအလုပ်သမား များကိုလည်း လာအိုနိုင်ငံသို့ ခေါ်ဆောင်သွားကြောင်း ဖရဲစိုက်တောင်သူတစ်ဦးက ပြောသည်။

၎င်းက “လာအိုနဲ့ ဗီယက်နမ်ကို ရွှေ့သွားကြတာပေါ့နော်။ မြန်မာပြည်က သိတဲ့အတိုင်းပဲ အခုလက်ရှိက လုံခြုံမှု ရော၊ နိုင်ငံရေး အခင်းအကျင်းရော ဘာနဲ့ဆိုတော့ ဒီဘက်ကို မဝင်ကြဘူးလေ။ နောက်တစ်ခုက လာအိုနဲ့ ဗီယက်နမ်နဲ့ကျတော့ ကုန်သွယ်မှုကလည်း အဆင်ပြေတယ်လေ။ လမ်းကြောင်းကလည်း နီးတာကိုး။ တရုတ်ပြည် ကိုသွားဖို့ လမ်းကြောင်းလည်းနီးတော့ အဲဒီဘက်ကို ရွှေ့စိုက်ကြတာ။ မြန်မာနိုင်ငံသားတွေ မပါပါဘူး။ မြန်မာပြည် ထဲမှာ လာစိုက်နေတဲ့ တရုတ်တွေက မြန်မာပြည်ထဲကို လာမစိုက်ကြတော့ဘဲနဲ့ လာအိုနဲ့ ဗီယက်နမ်ကို ပြောင်း စိုက်ကြတာ။ စိုက်တာက တရုတ်တွေ၊ ပြောချင်တာက မြန်မာနိုင်ငံမှာ စိုက်နေတဲ့ တရုတ်တွေက မြန်မာနိုင်ငံမှာ သူတို့ အရင်က ခိုင်းနေတဲ့ အလုပ်သမားတွေ ရှိတယ်။ ခိုင်းနေကျ အလုပ်သမားတွေက အဲဒီကနေ မြစ်ကျော်ပြီး တော့ တရားမဝင် ဝင်သွားတာပေါ့လေ။ နယ်စပ်ကျော်ပြီးတော့ အဲဒီမှာ စရိတ်စက ခံတဲ့ပုံနဲ့ လှမ်းခေါ်လိုက်တာ။ လာအိုမှာက လာအိုနိုင်ငံသူ၊ နိုင်ငံသားတွေက ခိုင်းလို့မှ မရတာ။ ခိုင်းရင် ဈေးတအားကြီးတာ။ မြန်မာရွှေ့ပြောင်း အလုပ်သမားတွေက ဈေးသက်သာတာကိုး။ အလုပ်သမားတွေကျတော့ မြန်မာအလုပ်သမားများတယ်” ဟု ပြော သည်။

မြန်မာနိုင်ငံတွင် ဖရဲစိုက်ဧက ၁ သိန်းခွဲ ဝန်းကျင်တွင် စိုက်ဧက၏ ထက်ဝက်မှာ တရုတ်လုပ်ငန်းရှင်များက မြေ ငှားရမ်း စိုက်ပျိုးခြင်းနှင့် အကျိုးတူပူးပေါင်း၍ စိုက်ပျိုးထားသည့် စိုက်ခင်းများ ဖြစ်သည်။

ထိုသို့ တရုတ်လုပ်ငန်းရှင်များ လာအိုသို့ ပြောင်းရွှေ့သွားသော်လည်း ပြည်တွင်း၏ ဖရဲဈေးကွက်ကို အနည်းငယ် သာ ထိခိုက်စေနိုင်ကြောင်း၊ လာအိုနိုင်ငံတွင် စိုက်ပျိုးရာ၌ ကုန်ကျသည့် ကုန်ကျစရိတ်နှင့် မြန်မာနိုင်ငံမှာ စိုက်ပျိုးရာ၌ ကုန်ကျသည့် ကုန်ကျစရိတ်သည် ထက်ဝက်မက ကွာခြားမှု ရှိနေခြင်းကြောင့် ဖြစ်သည်။

ဖရဲကုန်သည် ကိုသစ္စာက “ဈေးကွက်ရဲ့ အကျိုးသက်ရောက်မှုကတော့ နည်းပါတယ်။ တရုတ်တွေ လာမစိုက်တဲ့ အတွက်ကြောင့် မြန်မာနိုင်ငံ အနေနဲ့ကတော့ ဈေးကွက်ကို ထိခိုက်မှုကတော့ နည်းတယ်။ လာအိုနဲ့ ဗီယက်နမ်တို့ စိုက်နေတဲ့ ကုန်ကျစရိတ်နဲ့ မြန်မာမှာ စိုက်နေတဲ့ ကုန်ကျစရိတ်က မတူဘူး။ လာအိုတို့၊ ဗီယက်နမ်တို့မှာ စိုက်လို့ရှိ ရင် ဥပမာတစ်ခု မြန်မာနိုင်ငံမှာစိုက်လို့ တစ်ဧကကို သိန်း ၇၀ ကုန်ရင် လာအိုတို့၊ ဗီယက်နမ်တို့မှာ သွားစိုက်ရင် သိန်း ၁၅၀ လောက်ကုန်တယ်။ ဒီကုန်ကျစရိတ်က မတူတော့ဘူး။ အဲဒီအခါကျတော့ မြန်မာနိုင်ငံမှာ လာစိုက်တာ ကျတော့ မြေငှားခ ဈေးနှုန်း သက်သာတယ်။ အလုပ်သမားခ အရမ်းသက်သာတယ်။ ဒီအချက်တွေပေါ် မူတည် တယ်”ဟု ပြောသည်။

ထိုသို့ တရုတ်စိုက်ခင်းများ လာအိုနှင့် ဗီယက်နမ်နိုင်ငံသို့ ပြောင်းရွှေ့သွားခြင်းကြောင့်လည်း ကောင်းကျိုးများ ရှိကြောင်း၊ မြန်မာဖရဲစိုက်တောင်သူများသည် တရုတ်နည်းပညာဖြင့် ဖရဲများကို တရုတ်လုပ်ငန်းရှင်များနှင့် ယှဉ်ပြီး စိုက်ပျိုးနိုင်၍ မြန်မာတောင်သူများအတွက် ကောင်းသည့် အလားအလာရှိသည်ဟု တောင်သူများက ပြောသည်။

ထို့ပြင် လာအိုနှင့် ဗီယက်နမ်နိုင်ငံတွင် စိုက်ပျိုးရာ၌ လမ်းပန်းဆက်သွယ်ရေး အဆင်ပြေသော်လည်း မြေငှားရမ်းခ၊ အလုပ်သမားစရိတ် စသည်တို့မှာ မြင့်မားခြင်းနှင့် မြန်မာမှာ စိုက်ပျိုးထားသည့် ဖရဲအရည်အသွေးကို မမှီခြင်း စသည့် အကြောင်းများကြောင့် နောင်တချိန်တွင် တရုတ်လုပ်ငန်းရှင်များ မြန်မာနိုင်ငံသို့ ပြန်လည်ဝင်ရောက် စိုက်ပျိုးလာမည် ဖြစ်သည်။

ပုံ - ဖရဲသီးစိုက်ခင်းကိုတွေ့ရစဉ်

Credit - Central News Independence

#သတင်းဟင်းလေးအိုးကြီး

ဖေ့စ်ဘုတ်- မက်တာကို ဒေါ်လာ သန်း ၈၀၀ ကျော် အီးယူဒဏ်ခတ်

နိုဝင်ဘာ ၁၅၊ နိုင်ငံတကာ။

Facebook ဟာ သူ့ရဲ့ အွန်လိုင်းဈေးကွက် အကျိုးအမြတ် ရစေမယ့် အလွဲသုံးစားမှုတွေ လုပ်ခဲ့တယ်လို့ ဆိုပြီး ပင်မ ကုမ္ပဏီဖြစ်တဲ့ Meta ကို ဒေါ်လာ သန်း ၈၄၀ ကျော် ကြာသပတေးနေ့က ဒဏ်ခတ်လိုက်တဲ့အကြောင်း ဥရောပကျော်မရှင်က ထုတ်ပြန်ပါတယ်။

Facebook အွန်လိုင်းဈေးကွက် ကြော်ငြာဝန်ဆောင်မှုကို ကိုယ်ရေးကိုယ်တာ Facebook လူမှုကွန်ရက် စာမျက်နှာနဲ့ ချိတ်တွဲထားတာဟာ EU ရဲ့ ယုံကြည်မှု- ဖောက်ဖျက်မှု ဆိုင်ရာ စည်းမျဉ်း စည်းကမ်းတွေကို ချိုးဖောက်ရာ ရောက်ပြီး တခြားသော အွန်လိုင်း အရောင်း ဝန်ဆောင်မှုတွေ အတွက်လည်း မမျှမတ ဖြစ်စေတာကြောင့် အခုလို ဒဏ်ခတ်တာလို့ ဥရောပ ကော်မရှင်က ထုတ်ပြန်ပါတယ်။

Meta ကုမ္ပဏီ ကတော့ ဥရောပ ကော်မရှင်ရဲ့ ဆုံးဖြတ်ချက်ကို အယူခံဝင်မယ်လို့ ပြောတဲ့ တချိန်တည်းမှာပဲ ဆုံးဖြတ်ချက်ကို လိုက်နာပြီး လိုအပ်တဲ့ ကိုင်တွယ် ဖြေရှင်းမှုတွေကို လျင်လျင်မြန်မြန်နဲ့ ထိထိရောက်ရောက် လုပ်သွားမယ်လို့လည်း ပြောပါတယ်။ အမေရိကန်နည်းပညာ ကုမ္ပဏီကြီးဖြစ်တဲ့ Meta ဟာ အွန်လိုင်း ကြော်ငြာ ဝန်ဆောင်မှု စာမျက်နှာ Facebook Marketplace နဲ့ ပုဂ္ဂိုလ်ရေး ဆိုရှယ်စာမျက်နှာ တို့ကို တပေါင်းတည်းထားပြီး အွန်လိုင်းဈေးကွက်မှာ မတရားသဖြင့် အမြတ်ထုတ်နေတယ်လို့ ဥရောပ ကော်မရှင်က စွပ်စွဲခဲ့ပြီး ၂ နှစ်အကြာမှာ အခုလို ဒေါ်လာ သန်း ရာနဲ့ချီ ဒဏ်ခတ်လိုက်တာ ဖြစ်ပါတယ်။

Facebook ဟာ အခုလို အွန်လိုင်းဈေးကွက်မှာ ပြိုင်ဆိုင်မှုကို ဆန့်ကျင်တဲ့လုပ်ရပ်တွေ ကျူးလွန်နေသလား ဆိုတဲ့ စုံစမ်းမှုတွေကိုတော့ ဥရောပကော်မရှင်က ၂၀၂၁ ခုနှစ် ဇွန်လက စလို့ တရားဝင် အမှုဖွင့် စစ်ဆေးလာခဲ့တာ ဖြစ်ပါတယ်။

#centralnewsnaypyitaw

ရွာငံမှာ ပစ်ခတ်မှုတွေဖြစ်လို့ တန်ဆောင်တိုင်လာတဲ့ကားတွေ ရာနဲ့ချီ ပိတ်မိနေ

နိုဝင်ဘာ ၁၅

ရှမ်းပြည်နယ်တောင်ပိုင်း၊ ဓနုကိုယ်ပိုင်အုပ်ချုပ်ခွင့်ရဒေသ၊ ရွာငံမြို့အဝင် စစ်ဆေးရေးဂိတ်အနီးမှာ ဒီကနေ့ နိုဝင်ဘာလ ၁၄ရက်၊ မွန်းလွဲပိုင်းအချိန်က ပစ်ခတ်မှုတွေ ဖြစ်ပွားခဲ့တာကြောင့် တောင်ကြီးတန်ဆောင်တိုင်ကိုလာတဲ့ ကားအစီးရေ ရာနဲ့ချီပိတ်မိနေတယ်လို့ ခရီးသွားတွေဆီကနေ သိရပါတယ်။

မန္တလေး- ဟန်မြင့်မိုရ်- ရွာငံ--အောင်ပန်း-ရွှေညောင်-တောင်ကြီးအထိ သွားလို့ရတဲ့ လမ်းပိုင်းမှာရှိတဲ့ စစ်ဆေးရေးဂိတ်၊ ရဲကင်းဂိတ်အနီးမှာ ပစ်ခတ်မှုတွေ ဖြစ်ပွားခဲ့တာကြောင့် လမ်းပိတ်ဆို့စစ်ဆေးနေတဲ့အတွက် ဒီညနေ ပိုင်းအထိ ခရီးသွားကားတွေ ရာနဲ့ချီ ပိတ်မိနေတာဖြစ်ပြီး အများစုဟာက တောင်ကြီးတန်ဆောင်တိုင်မီးပုံးပျံပွဲတော်ကို လာတဲ့ကားတွေ ဖြစ်တယ်လို့ သိရပါတယ်။

“ဟန်မြင့်မိုရ်က တက်လာရင် ရွာငံမြို့အဝင်မရောက်ခင်နားလေးမှာ သေနတ်သံတွေ ဆက်တိုက် ကြားလိုက်ရတယ်။ အဲဒီနားမှာတော့ ရွာငံအဝင် စစ်ဆေးရေးဂိတ်၊ ရဲကင်းဂိတ်လိုဟာမျိုး ရှိတယ်၊ အဲဒါကို လာပစ်တာ ထင်တယ်။ သေနတ်သံတွေကြားတော့ ကားတွေအကုန်လမ်းဘေးချရပ်ထားလိုက်တယ်။ ညနေအထိ စစ်ဆေးနေတာမပြီးသေးတော့ ကားရာနဲ့ချီပိတ်နေတာ”လို့ ခရီးသွားတယောက်က ပြောပါတယ်။

အဲဒီလမ်းပိုင်းကိုဖြတ်သန်းလာတဲ့ ခရီးသည်တင်ယာဉ်၊ ကုန်တင်ယာဉ်တွေကို လုံခြုံရေးစစ်ဆေးနေတာကြောင့် ဖြတ်သန်းခွင့်မပြုသေးတာဖြစ်ပြီး ထိတွေ့ပစ်ခတ်မှုဖြစ်စဉ်အသေးစိတ်ကို သေချာမသိရသေးသလို သေနတ်သံ ၁၀ချက်ထက်မနည်း ကြားလိုက်ရတယ်လို့ ကိုယ်တိုင်ကြုံတွေ့ခဲ့ရသူတယောက်က ဆိုပါတယ်။

ရွာငံမြို့နယ်မှာ အရင်က နစကနဲ့ တိုင်းရင်းသားလက်နက်ကိုင်တပ်ဖွဲ့တွေက အခြေစိုက်ထားတာ မရှိပေမယ့် နစကက အာဏာရယူပြီးနောက်မှာတော့ နစကတပ်ဖွဲ့က တပ်စွဲထားတာရှိသလို ဒေသတွင်းလက်နက်ကိုင် တပ်ဖွဲ့တွေလည်း ပေါ်ပေါက်လာခဲ့ပြီး နစကနဲ့ ထိတွေ့ပစ်ခတ်မှုဖြစ်စဉ်တွေ ဖြစ်ပွားခဲ့တာ ရှိပါတယ်။

ဓာတ်ပုံ-KN

#centralnewsnaypyitaw

ပွဲတော်များစွာရှိနေတဲ့ မြန်မာလူမျိုးတို့ရဲ့ ပျော်ရွှင်စရာ တန်ဆောင်မုန်းလပြည့်နေ့ရက်မြတ်မှသည် လူကြီးမိဘ၊ဆရာသမားများကို ကန့်တော့ပူဇော်ခြင်း၊ကထိန်အလှူအတန်းများနှင့်အတူ ပျော်ရွှင်စွာဖြတ်သန်းရင်း ကုန်ဆုံးနိုင်ကြပါစေလို့ My Space မှ ဆုတောင်းပဏ္ဏာပြု လိုက်ရပါတယ် ခင်ဗျာ …

#myspaceadmin
#frankiestories