လူလုပ်တဲ့ အမှိုက်တွေကြောင့် ဧဝရက်တောင်ပါ ရှုပ်ပွလာရ

ဧဝရက်တောင်ဟာ လူသူအရောက်အပေါက်နည်းလို့ အမှိုက်နည်းလိမ့်မယ်လို့ ထင်နေတယ်ဆိုရင် ကျွန်တော်တို့ ထင်မြင်ချက် မှားသွားခဲ့ပါပြီ။ ဧဝရက်တောင်ဟာလည်း သူ့အတိုင်းအတာနဲ့ သူ အမှိုက်တွေ ပွရှုပ်နေခဲ့ပြီ ဖြစ်ပါတယ်။
ဧဝရက်တောင်ပေါ်ကို ဆယ်စုနှစ်ပေါင်းအများကြီး ချီပြီး တက်ရောက်ခဲ့တဲ့ တောင်တက်သမားတွေရဲ့ အမှိုက်တွေဟာ တစ်စထက် တစ်စပိုများလာခဲ့ပြီ ဖြစ်ပါတယ်။

ဒါပေမယ့် ဒီလို အမှိုက်တွေကို ကိုယ့်စရိတ်ကိုယ်စားပြီး Volunteer လုပ် အမှိုက်ကောက်ပေးတဲ့ အဖွဲ့တွေဟာလည်း ရှိနေပါတယ်။ သူတို့ဟာ အမှိုက်ကောက်ဖို့ လုပ်ထားတဲ့ အစီအစဉ်ရဲ့ ရှေ့နှစ်ပတ်အတွင်းမှာပဲ အမှိုက်ပမာဏ မက်ထရစ်တန် ၃ တန် (၆,၆၁၃ ပေါင်) လောက် ကောက်နိုင်ခဲ့ပါတယ်။ ဒီလို အမှိုက်ကောက်တဲ့ လုပ်ငန်းကို လူပေါင်း ၁၄ ဦးပါတဲ့ အဖွဲ့နဲ့ လုပ်ခဲ့တာ ဖြစ်ပြီး ရက်ပေါင်း ၄၅ ရက်အတွင်း အမှိုက်မက်ထရစ်တန် ၁၀ တန် ကောက်မယ်လို့ ရည်ရွယ်ထားကြတာ ဖြစ်ပါတယ်။

ဧဝရက်တောင် ရှင်းလင်းရေးအစီအစဉ်မှာ စည်သွပ်ဘူးခွံတွေ၊ ပလပ်စတစ်ပစ္စည်းတွေနဲ့ တောင်တက်ရာမှာ သုံးတဲ့ ပစ္စည်းတွေ ပါဝင်ပါတယ်။ စစ်တပ်သုံးရဟတ်ယာဉ်တစ်စီးဟာလည်း ဒီလို အမှိုက်ကောက်တဲ့နေရာမှာ ကူညီပေးခဲ့ပြီး အဖွဲ့ဟာ အမှိုက်များများပိုကောက်နိုင်ဖို့အတွက် နောက်ထပ်မြင့်တဲ့ စခန်းတွေကို တက်ဖို့ ရည်ရွယ်ထားကြပါတယ်။

အမှိုက်ကောက်ရင်းနဲ့ တွေ့တာကတော့ တောင်တက်ရင်းနဲ့ တိမ်းပါးသွားခဲ့တဲ့ သူတွေရဲ့ ရုပ်အလောင်းတွေ ဖြစ်ပါတယ်။ နီပေါ အစိုးရနဲ့ ဒေသခံအဖွဲ့အစည်းတွေဟာ တောင်ပေါ်က အမှိုက်ပြဿနာကို ဖြေရှင်းထိန်းချုပ်ဖို့ ရင်ဆိုင်နေကြရပြီး တကမ္ဘာလုံးက တောင်တက်သမားတွေကလည်း ရာသီချိန်တိုင်း ဧဝရက်တောင်ကို တက်ဖို့ လာကြိုးစားနေကြလို့ပဲ ဖြစ်ပါတယ်။

ဒီလို အမှိုက်တွေကို ထိန်းချုပ်ဖို့ လုပ်တဲ့အထဲမှာ ၂၀၁၄ ခုနှစ်မှာ တောင်တက်သမားတွေကို Deposit ကောက်တဲ့ စနစ်လည်း ပါဝင်ပါတယ်။ တောင်ပေါ်ကပြန်ဆင်းလို့ အမှိုက် ၈ ကီလိုဂရမ်ပြန်သယ်လာခဲ့ရင် Deposit ပြန်ပေးမယ့် အစီအစဉ်ဖြစ်ပါတယ်။

အမှိုက်ကောက်တဲ့ အဖွဲ့အတွက် အမှိုက်ပြီးတော့ နောက်ထပ်ပြဿနာရှိတာက ရာသီဥတု ပြောင်းလဲမှုပါပဲ၊ တောင်ပေါ်မှာ ရှိတဲ့ ရေခဲတွေဟာ အရည်ပျော်တာ မြန်တဲ့အတွက် နှင်းဖုံးနေတဲ့ ရုပ်အလောင်းတွေ တစ်ဦးပြီး တစ်ဦးပေါ်လာတာကိုလည်း ကြုံတွေ့နေရပါတယ်။

၁၉၂၂ ခုနှစ်တည်းကဆိုရင် တောင်တက်သမား ၂၀၀ ကျော်လောက် ဧဝရက်တောင် တက်ရင်း အသက်ဆုံးရှုံးခဲ့ပြီး ဖြစ်ပါတယ်။ အဲဒီမှာ ရုပ်အလောင်းပြန်သယ်နိုင်တဲ့သူတွေက သယ်သွားပြီး ရုပ်အလောင်းအများစုကတော့ နှင်းဖုံးပြီး ကျန်ခဲ့တာ ဖြစ်ပါတယ်။ ဒါကြောင့် အမှိုက်ကောက်တဲ့ အဖွဲ့တွေဟာ အမှိုက်ပြဿနာအပြင် ရုပ်အလောင်းတွေကိုပါ ပြန်သယ်ဖို့ ပြဿနာ ကြုံနေရတာ ဖြစ်ပါတယ်။

အမှိုက်ပြဿနာတွေဟာ ကျွန်တော်တို့ နေ့စဉ်သွားလာလှုပ်ရှားနေတဲ့ ပတ်ဝန်းကျင်မှာတင်မဟုတ်ဘဲ ဧဝရက်တောင်လို နေရာမျိုးထိ ရိုက်ခတ်လာပြီဖြစ်တဲ့အတွက် ကိုယ့်ကြောင့် ပတ်ဝန်းကျင်မထိခိုက်အောင် သတိထားရတော့မှာ ဖြစ်ပါတယ်။

အခရာမိတ်ဆွေများလည်း ခရီးသွားလာဖို့ ကြုံတဲ့အခါ ကိုယ်သွားတဲ့ နေရာမှာ အမှိုက်များမဖွခဲ့ဖို့ မေတ္တာရပ်ခံချင်ပါတယ်။

ဘူဖေး ဘယ်ကဆင်းသက်လာသလဲ

ဘူဖေးစားတာက ဆွီဒင်လူမျိုးတွေကနေ ဆင်းသက်လာတာပါ။ အစကတော့ပေါင်မုန့်၊ ချိစ်နဲ့ အသားတွေကို သွားရေစာအနေနဲ့ တည်ခင်းရာကနေ ၁၉၁၂ ခုနစ်မှာတော့ ဒီစနစ်ကို စတော့ဟုမ်း အိုလံပစ်ပွဲတော်ကြီးမှာ စတင် အသုံးချပါတယ်။ အဲဒီမှာတော့ သွားရေစာတင်မကတော့ဘဲ နေ့လယ်စာလို အဓိကအစားအစာကြီးတွေအတွက်ပါ ပြင်ဆင်လာကြတာပါ။

ဘူဖေးအလေ့အထ

အခုနောက်ပိုင်း ဘူဖေးတည်ခင်းရတာက တချို့ဆိုင်တွေအတွက်တော့ အရှုံးပိုများတယ်လို့ဆိုပါတယ်။ အစားအသောက်အများကြီးကို တည်ခင်းရတယ်။ ချက်ပြုတ်ထားတဲ့ အစားအစာတွေက ဆုံးရှူံးမှုပိုများပါတယ်။ အားသာတာကတော့ အစားအသောက်ခင်းကျင်းဖို့ စားပွဲထိုးအများကြီး မလိုတော့ဘူး။ Customer တွေက သူကိုယ်တိုင် အစားအသောက်တွေကို ကြိုက်သလောက် ကြိုက်သလိုယူစားနိုင်ပါတယ်။ တချို့နေရာတွေဆို ကိုယ်တိုင်ချက်ပြုတ်နိုင်ပါသေးတယ်။

လျှို့ဝှက်ချက်များ

-တခါတလေမှာ ဈေးပေါတဲ့ အသီးအရွက် အသားတွေနဲ့ တည်ခင်းထားကြတာမို့ ဘူဖေးဆိုတိုင်းလည်း ကောင်းချင်မှကောင်းနိုင်မယ်။

-တကယ်တော့ ဗိုက်အရမ်းဆာနေချိန်မှာ သူတို့ကျွေးတာတွေက Carbohydrate မြင့်မားပြီး ဈေးသက်သာတဲ့ အစားအသောက်တွေပါ။ ဗိုက်ဆာနေချိန်မှာ မျက်စိရှေ့မှာမြင်ရတဲ့ အစားအသောက်တွေကို အကောင်းအဆိုးမခွဲခြားနိုင်ဘဲ စားမိမှာပါပဲ။ တရုတ်စာကျွေးတဲ့အချိန်ဆို ခေါက်ဆွဲကြော် ထမင်းကြော်လိုမျိုးကို အခြားအရာတွေထက် ပမာဏအများကြီးတည်ခင်းသလို အာလူးကြော် အာလူးထောင်းတွေဆို ဇွန်းအကြီးကြီးတွေတပ်ထားကြတာကိုတွေ့ရမှာပါ။

-ဘူဖေးတည်ခင်းရာမှာ ပန်းကန်ခပ်သေးသေး ဟင်းချိုပန်းကန်လုံးခပ်သေးသေးတွေကိုသာ သုံးပါတယ်။

-ဈေးကြီးတဲ့ အစားအသောက်တွေဘေးမှာဆို ဈေးပေါတဲ့ အစားအစာတွေဝန်းရံထားတာ တွေ့ရမှာပါ။ ဒါက ဈေးကြီးတာတွေကို များများမယူမိစေဖို့ပါ။

-ဇွန်းတွေ ခက်ရင်းတွေရှာရခက်ပြီး တူလေးတွေပဲထားကြတာက အစားအစာကိုဖြည်းဖြည်းစားစေဖို့ ပြုလုပ်ထားတာပါ။

-ဘူဖေးစားမယ်ဆိုရင် All You Can Eat လို့ဆိုရမှာထက် All You Care To Eat လို့ဆိုရမှာပါ။ ဘာလို့လဲဆို ဆိုရင် အများကြီးတွေ့တိုင်း စားခွင့်ရှိတိုင်းစွတ်စားမိတဲ့အခါ ကျန်းမာရေးနဲ့မညီညွတ်တာတွေ အစားများပြီး သင့်ရဲ့ Diet ကို ထိခိုက်စေလို့ပါ။

-ဘူဖေးစားတတ်သူတော်တော်များများကို မေးကြည့်တဲ့အခါ သူတို့ခံစားမှုတွေက ကျေနပ်တယ် အဆင်ပြေတယ်ဆိုတာထက် မအီမသာဖြစ်မှုတွေ အလေးချိန်တိုးလာမှုတွေကိုကြုံရပြီး နောင်တရမိတယ်လို့ ပြောဆိုသူက ပိုများပါတယ်တဲ့။

အမျိုးသားတွေက ဘာလို့ မမတွေကို ပိုသဘောကျကြတာလဲ

အမျိုးသားတော်တော်များများရဲ့ စိတ်ကူးအိပ်မက်ထဲမှာ ကြိတ်သဘောကျရတဲ့ မမတစ်ယောက်ရှိမယ်ဆိုရင် မငြင်းပါနဲ့။

မမတွေကို မောင်လေးတွေ ဘာလို့ စွဲလမ်းရပါသလဲ။ အတွေ့အကြုံများလို့၊ အသိကြွယ်လို့ ဆိုတာထက်ပိုတဲ့ မမတွေရဲ့ တခြားတန်ဖိုးတွေ ရှိနေပါသေးတယ်။

ဒါတွေကတော့ မမတွေဟာ သူတို့ ဘာလိုချင်လဲဆိုတာ သေချာသိပါတယ်။ ညီမလေးတွေလို ဟိုဟာ ဖြစ်ချင်သလို ၊ ဒီဟာ ဖြစ်ချင်သလို မဟုတ်ဘဲ မမတွေမှာ ပြတ်သားတဲ့ အာရုံစူးစိုက်မှုရှိပါတယ်။ ညီမလေးတွေက RS တစ်ခုမှာ Drama တွေ များနေချိန်မှာ မမတွေကတော့ ဘဝတိုးတက်ဖို့နဲ့ သူ့ချစ်သူဘဝကို မြှင့်တင်ပေးဖို့ပဲ အာရုံရှိကြပါတယ်။

ဒါကြောင့် အမျိုးသားတွေဟာ သူတို့ စိတ်ထဲ ဘာရှိနိုင်မလဲ လိုက်ခန့်မှန်းစိတ်ရှုပ်မနေရတော့ဘဲ ချစ်သူဘဝကို ဖြောင့်ဖြောင့်တန်းတန်းလျှောက်နိုင်တာကြောင့် ဖြစ်ပါတယ်။

(၁) ဘဝအကြောင်းကို ပိုသိကြတယ်
�မမတွေဟာ အချစ်ရေးအချစ်ရာမှာရော ဘဝမှာရော အတွေ့အကြုံတွေ ရှိသင့်သလောက်ရှိပြီး ဖြစ်ပါတယ်။ ဒါကြောင့် အမျိုးသားတွေကို သူတို့ ဘဝအတွက် လိုအပ်တဲ့ အကြံဉာဏ်တွေကို လမ်းညွှန်ပေးနိုင်ကြပါတယ်။

(၂) ကိုယ့်ကိုယ်ကိုယ် ယုံကြည်မှုရှိပြီး အမှီအခိုကင်းကြတယ်
�ညီမလေးတွေက ပတ်ဝန်းကျင်က Attention တွေ တောင်းပြီး စပ်စလူးစိန် ဓာတ်ဗူးပိန်ဖြစ်နေချိန်မှာ မမတွေကတော့ ကိုယ့်ကိုယ်ကိုယ်ယုံကြည်မှုရှိရှိ နေတတ်နေကြပါပြီ။ သူလှတယ်ဆိုတာ သူသိဖို့ တခြားတစ်ယောက်ရဲ့ ခွင့်ပြုချက်မလိုအပ်တော့ဘဲ တည်တည်ငြိမ်ငြိမ်ရှိနေတာမျိုး ဖြစ်ပါတယ်။

(၃) ရင့်ကျက်ပြီး စကားပြောကောင်းကြတယ်
�အမျိုးသားတွေဟာ တီတီတာတာပုံစံကြိုက်ကြပါတယ်။ ဒါပေမယ့် တချို့အမျိုးသားတွေကတော့ ရင့်ကျက်တည်ငြိမ်တဲ့ပုံရှိတဲ့ မိန်းကလေးတွေကို စိတ်ဝင်စားကြတာ ဖြစ်ပါတယ်။ ဒါဟာ မမတွေရဲ့ ဆွဲဆောင်ချက်ပဲ ဖြစ်ပြီး မမတွေဟာ စကားပြောကောင်းကြသူတွေလည်း ဖြစ်ပါတယ်။

ညီမလေးတွေက မင်းသား၊မင်းသမီးတွေ ဘယ်သွား၊ဘာလုပ်နဲ့ တိုင်ပတ်နေချိန်မှာ မမတွေကတော့ အမျိုးသားတွေနဲ့ တူတူ နိုင်ငံရေး၊ သဘာဝပတ်ဝန်းကျင်အကြောင်းနဲ့ ခရီးသွားလာရေးအကြောင်းတွေ ဆွေးနွေးလို့ ရပါတယ်။

(၄) မိခင်လို ကြင်နာတတ်ကြတယ်
�တချို့အမျိုးသားတွေ ရှာနေတဲ့ မိခင်နဲ့ တူတဲ့ မိန်းမတွေကို မမတွေဆီမှာ တွေ့ရများပါတယ်။ မိခင်တစ်ယောက်ဆီမှာ တွေ့ရများတဲ့ ကြင်နာဂရုစိုက်တတ်တာရော၊ ရုပ်ပိုင်းဆိုင်ရာအနေနဲ့ ဝေယျာဝစ္စကူလုပ်ပေးတာ၊ ဂရုစိုက်တတ်တာတွေကိုလည်း မမတွေဆီမှာ ရှာဖွေတွေ့ရှိနိုင်ပါတယ်။

ဒီလောက်ဆိုရင် အမျိုးသားတွေ မမတွေကို ဘာလို့ စွဲလမ်းလဲဆိုတာ အကြမ်းဖျဉ်းသိလောက်ပြီထင်ပါတယ်။

ဘောလုံးလောကမှာ ဒူးအရွတ်ဆုတ်ပြဲဒ-ဏ်ရာ (ACL) ကနေ ပြန်လာနိုင်တဲ့ ကစားသမားတွေဟာ အင်မတန်ကို ရှားပါးပါတယ်။ ဒါပေမဲ့ အဲ့ဒီအိမ်မက်ဆိုးကနေ အကောင်းဆုံးခြေစွမ်းနဲ့ ပြန်လည်နိုးထနိုင်ခဲ့တဲ့ လူနည်းစုထဲမှာ "ဖလော်ရီယန် ဝစ်ဇ်" ဆိုတဲ့ ချာတိတ်လေးလည်း တစ်ယောက်အပါအဝင်ပါပဲ။

ဒီရာသီ လေဗာကူဆင်တို့ ရှုံးပွဲမရှိနဲ့ အသင်းသမိုင်းတလျှောက် ပထမဆုံးအကြိမ် ဘွန်ဒက်စ်လီဂါချန်ပီယံဖြစ်ခဲ့ရာမှာ အဓိကထောက်တိုင်အဖြစ် ပါဝင်ခဲ့သလို၊ သူကိုယ်တိုင်အားဖြင့်လည်း 15 ဂိုးသွင်း 15 ဂိုးဖန်တီးပေးနိုင်ခဲ့တာပါ။

ဒီလိုမှတ်တမ်းကောင်းတွေကြောင့် ဖလောရီယန် ဝစ်ဇ်ဟာ ပြီးခဲ့တဲ့ နှစ် 30အတွင်း ဥရောပထိပ်တန်းလိဂ် 5 ခုမှာ တစ်ရာသီအတွင်း အသင်းတစ်သင်းအတွက် ဂိုးပါဝင်ပတ်သတ်မှု (သွင်းဂိုး + ဂိုးဖန်တီးမှု) အကြိမ်အများဆုံးပြုလုပ်နိုင်ခဲ့တဲ့ ပထမဆုံးဂျာမနီကစားသမား ဖြစ်လာခဲ့ပါတယ်။ 🔥🇩🇪

ဒါ့အပြင် မနေ့ညက လေဗာကူဆင်တို့ရဲ့ဖလားအဆုံးအဖြတ်ပွဲမှာလည်း သူ့ကစားသမားဘဝ ပထမဆုံး ဟက်ထရစ်သွင်းဂိုးနဲ့အတူ အသက် 20 အရွယ်ချာတိတ်လေးဟာ ဟီးရိုးဖြစ်လိုက်ပါသေးတယ်။ 👏

သူ စတုတ္ထမြောက်ဂိုးကို သွင်းလိုက်ချိန်မှာဆို လေဗာကူဆင်ပရိသတ်တွေပါ ပွဲမပြီးခင်မှာတင် ကွင်းထဲထိပြေးဝင်လာပြီး အောင်ပွဲခံခဲ့ကြတဲ့အထိပါပဲ။ ကွင်းလုံခြုံရေးဆိုရင် သူ့ရဲ့အလုပ်ကိုပါ မေ့သွားလောက်တဲ့အထိ ဂျာမန်သားလေးရဲ့ဂိုးက အပျော်တွေကူးစက်စေခဲ့တာဖြစ်ပါတယ်။ 🏆❤

#footballcorner

https://www.youtube.com/live/R....rqF1aFguoM?si=z8BJBR

ဘယ်လိုတွေတောင်လားဟယ်

ကမ္ဘာမှာ နာမည်ကြီးသွားခဲ့တဲ့ .. ဂျပန်က ဓါတ်ပုံလေး တပုံ အကြောင်းပါ။
.
၁၉၄၆ ခုနှစ်က Tokyo မြို့ရဲ့ Yoyogi Park မှာ ရိုက်ခဲ့တဲ့ ဒီဓါတ်ပုံထဲက လူတယောက်အကြောင်းကို .. နှောင်းခေတ်က လူတော်တော်များများ သိကြမယ် မထင်ပါဘူး။
.
သူ့နာမည်က Ken Shimura ဖြစ်ပါတယ်။
ဒီပုံရိုက်တဲ့အချိန် သူက အသက် ၃၅ နှစ်ပါ။
သူ့မှာ ကလေး ၂ ယောက်ရှိတယ်။
Shimura က ဘယ်တော့မှ မပြေးဘူး။
နောက်ကျမှ အိပ်တတ်ပါတယ်။
စားချင်သမျှ စားပါတယ်။
ရေအစား Cola ကဲ့သို့ အချိုရည်မျိုးစုံ၊ ဘီယာ၊ အရက် ကဲ့သို့ ယာမကာတွေလဲ မှီဝဲပါတယ်။
ညစာကိုလည်း အမျိုးအစားများစွာဖြင့် နောက်ကျပြီးမှ စားတတ်ပြန်ပါသေးတယ်။
.
သို့ပေမယ့် ဒီလိုခန္ဓာကိုယ်မျိုးရဖို့ Shimura က ဘာတွေ လုပ်သလဲ???
.
သူ့လျှို့ဝှက်ချက်က ဘာလဲ???
.
တကယ်တော့ Shimura မှာ ဘာလျှို့ဝှက်ချက် တခုမှ မရှိပါဘူး။
.
Shimura က ဓာတ်ပုံရဲ့ ဘယ်ဘက်အောက်ခြေထောင့်မှာ ထိုင်နေသူတယောက်ပါ … အလယ်မှာ အဆီကင်းတဲ့ ကြွက်ဖုတွေနဲ့ ရပ်နေတဲ့သူက ဘယ်သူမှန်း မသိလို့ .. မေးနေကြတုန်းပါ။
.
I am just reporting ပါ။
.
Credit မလာတာ

https://www.youtube.com/live/L....d7HYDWMY_Y?si=XIiKqQ

သင်္ကြန်အပြီး စကင်းအခြေအနေလေး

‼️ ဒီနှစ် ချန်ပီယံလိဂ်ကို ကြည့်လိုက်မယ်ဆိုရင် အားလုံး ချဲလ်ဆီး လက်နဲ့ခြေဆိုတာ တွေ့ရမှာပါ...

မန်စီးတီးကို ပင်နယ်တီလွဲအောင် ကန်ပေးလိုက်တဲ့ ကိုဗာဆစ်ဆိုလည်း ချဲလ်ဆီးကစားသမားဟောင်းပါပဲ...
ဘိုင်ယန်ကို တစ်ဂိုးမှ မသွင်းနိုင်တဲ့ ဟာဗက်ဆိုလည်း ချဲလ်ဆီးကပဲ ရောင်းပေးလိုက်တာပါ...

ပြီးတော့ မန်စီးတီးနဲ့ အာဆင်နယ်ကို ထွက်ရအောင် လုပ်လိုက်တာလည်း ချဲလ်ဆီးနည်းပြဟောင်း အန်ဆယ်လော့တီနဲ့ တူချယ်ပဲ ဖြစ်ပါတယ်...

ချန်ပီယံလိဂ်မှာ ချဲလ်ဆီးမရှိပေမယ့် ချန်ပီယံလိဂ်ကို လွှမ်းမိုးထားတာက‌ ချဲလ်ဆီးပဲဖြစ်နေခဲ့ပါတယ်... 🔥

#footballdiary