အသက် ၈၂ နှစ်အရွယ် အယ်ဇိုင်းမားဝေဒနာခံစားနေရသူ အဘိုးအိုကို ရိုက်နှက်ထိန်းကျောင်းသည့် မြန်မာအိမ်အကူအား စင်ကာပူတရားရုံးက ထောင်တစ်နှစ်ကျော်ချ

ဖေဖော်ဝါရီ ၁၂

စားပြီးမှ ချမှတ်ခဲ့တာလည်းဖြစ်ပါတယ်။

စင်ကာပူနိုင်ငံဟာ သက်ကြီးရွယ်အိုဦးရေများပြားမှုကြောင့် မိသားစုများစွာဟာ သက်ကြီးရွယ်အိုတွေကို ပြုစုစောင့်ရှောက်ဖို့ အိမ်အကူတွေဆီက အကူအညီ ရယူနေရချိန်မှာ သန့်ဇင်ဦးရဲ့ လုပ်ရပ်ဟာ လူထုကို အကြီးအကျယ် စိတ်အနှောင့် အယှက်ဖြစ်စေခဲ့တာ သတိပြုမိကြောင်းနဲ့ ပြုစုစောင့်ရှောက်ဖို့ လွှဲအပ်ထားတဲ့ ယုံကြည်မှု အလွဲသုံးစားလုပ်​တာကို တရားရုံးက လက်ခံမှာ မဟုတ်ကြောင်း တရားသူကြီး ဆယ်လီနာက ပြောကြားခဲ့ပါတယ်။

Ref, CNA & The Straits Times

#centralnewsnaypyitaw

ရွှေတိဂုံစေတီတော် (၁၇) ကြိမ်မြောက် မြန်မာ့ရိုးရာထမနဲထိုးပြိုင်ပွဲနှင့် ဩဝါဒပါတိမောက် ပူဇော်ပွဲ ကျင်းပ

ဖေဖော်ဝါရီ ၁၂

ရွှေတိဂုံစေတီတော်ဘဏ္ဍာတော်ထိန်းဂေါပကအဖွဲ့က ကြီးမှူးကျင်းပသည့် (၁၇)ကြိမ်မြောက် မြန်မာ့ရိုးရာထမနဲထိုးပြိုင်ပွဲအခမ်းအနားနှင့် ဩဝါဒပါတိမောက် ပူဇော်ပွဲတို့ကို ဖေဖော်ဝါရီ ၁၁ ရက်နှင့် ယနေ့ ၁၂ ရက်နေ့တို့တွင် ကျင်းပခဲ့သည်။

ထမနဲထိုးပြိုင်ပွဲကို ယမန်နေ့ ညနေ ၄ နာရီတွင် ရွှေတိဂုံစေတီတော်အရှေ့ဘက်အောက်ပစ္စယာရှိ ထန်းပင်ကုန်းကွင်း၌ ကျင်းပခဲ့ပြီး အခမ်းအနားသို့ ရန်ကုန်တိုင်းဒေသကြီး၀န်ကြီးချုပ် ဦးစိုးသိန်း၊ တိုင်းဒေသကြီး၀န်ကြီးများ၊ ဂေါပကအဖွဲ့၀င်များ၊ ပညာရှင်များ၊ အကဲဖြတ်အမှတ်ပေးဒိုင်လူကြီးများ၊ စေတနာရှင်အလှူရှင်များ၊ ဂေါပကရုံး၀န်ထမ်းများ၊ ပြိုင်ပွဲ၀င်အသင်းနှင့် ဖိတ်ကြားထားသူများတက်ရောက်ကြပြီး ရွှေတိဂုံစေတီတော်ဗုဒ္ဓ‌ ဝေယျာ၀စ္စအသင်းများ၊ အခွန်ထမ်းများ၊ မိတ်ဖက်အသင်းများနှင့် ဘဏ္ဍာတော်ထိန်းဂေါပကအဖွဲ့ရုံးဌာနများအပါအ၀င် ပြိုင်ပွဲ၀င်အသင်းပေါင်း ၃၂ သင်းပါ၀င်ယှဥ်ပြိုင်ကြပြီး ပထမဆုရရှိသည့် လုပ်ငန်းမြို့ပြဌာနကို ကျပ်(၁၀)သိန်း၊ ဒုတိယဆုရရှိသည့် ဓာတ်ပုံကန်ထရိုက်လုပ်ငန်းအဖွဲ့ကို ကျပ်(၇)သိန်း၊ တတိယဆုရရှိသည့် ဝန်ထမ်းရေးရာနှင့်မှတ်တမ်းဌာနကို ကျပ်(၆) သိန်း၊ စတုတ္တဆုရရှိသည့် မေတ္တာပါရမီအသင်းကို ကျပ်(၅)သိန်း၊ ပဥ္စမဆုရရှိသည့် အထက်ပစ္စယံအသင်းကို ကျပ်(၄)သိန်း၊ နှစ်သိမ့်ဆုရရှိကြသည့် ပေါင်းမြက်သန့်ရှင်းရေးအသင်း၊ ပြတိုက်ပြခန်းဌာန၊ ဥပဒေရုံးများဆိုင်ရာဝတ်အသင်းနှင့် စီမံအုပ်ချုပ်ရေးဌာနတို့ကို ကျပ်(၃)သိန်း အသီးသီးပေးအပ်ချီးမြှင့်ခဲ့သည်။

ထို့နောက် ရန်ကုန်တိုင်းဒေသကြီးဝန်ကြီးချုပ်ဦးစိုးသိန်း ချီးမြှင့်ပေးအပ်သောဂုဏ်ပြုဆုငွေ တစ်သင်းလျှင် ကျပ်တစ်သိန်းနှုန်းဖြင့် ပြိုင်ပွဲအသင်း ၃၂သင်းတို့ကို ရွှေတိဂုံစေတီတော်ဘဏ္ဌာတော်ထိန်းဂေါပကအဖွဲ့ဝင်အလှည့်ကျသဘာပတိ ဦးလှမြင့်က ဝန်ကြီးချုပ်ကိုယ်စား ပြိုင်ပွဲဝင်အသင်းများအသီးသီးကို ပေးအပ်ချီးမြှင့်ခဲ့သည်။

#သတင်းဟင်းလေးအိုးကြီး

ချဲလ်ဆီးအသင်းဟာ ဘုန်းမောက်အသင်းတိုက်စစ်မှူး အွန်တီယွန်ဆီမန်ယိုကို ဒီနွေရာသီကစားသမားအပြောင်းအရွှေ့ကာလမှာ အသင်းဆီခေါ်ယူဖို့အတွက်ပြောင်းရွှေ့ကြေးပေါင် ၄၂ သန်းဖြင့်ကမ်းလှမ်းမှုပြုလုပ်ဖို့စီစဉ်နေတယ်လို့ သတင်းတွေကဖော်ပြခဲ့ပါတယ်။

အသက် ၂၅ နှစ်အရွယ်တိုက်စစ်မှူး အွန်တီယွန်ဆီမန်ယိုဟာ ၂၀၂၄/၂၅ ရာသီကာလမှာဘုန်းမောက်အသင်းနဲ့အကောင်းမွန်ဆုံးခြေစွမ်းပြကစားနေပြီး ပြိုင်ပွဲစုံ ၂၆ ပွဲပါဝင်ကစားထားရာမှာ ၉ ဂိုးသွင်းယူထားပြီး ၄ ဂိုးဖန်တီးထားနိုင်ခဲ့ပါတယ်။

အွန်တီယွန်ဆီမန်ယိုရဲ့ကစားပုံကြောင့် လီဗာပူးလ်အသင်းအပါအဝင် ကလပ်အသင်းကြီးအတော်များများဆီကစိတ်ဝင်စားမှုရရှိခဲ့ပါတယ်။ဘုန်းမောက်အသင်းကလည်း အဆိုပါတိုက်စစ်မှူးကိုဆက်ထိန်းထားဖို့ခက်ခဲမှုတွေနဲ့ရင်ဆိုင်နေရပါတယ်။

ချဲလ်ဆီးအသင်းဟာ အွန်တီယွန်ဆီမန်ယိုကိုအသင်းဆီခေါ်ယူဖို့စိတ်ဝင်စားနေတဲ့နောက်ထပ်တသင်းဖြစ်လာခဲ့ပြီး ခြင်္သေ့ပြာအသင်းအနေနဲ့အဆိုပါကစားသမားကိုခေါ်ယူဖို့အတွက်ဒီနွေရာသီကစားသမားစျေးကွက်မှာ ပြောင်းရွှေ့ကြေး ၄၂ သန်းနဲ့ခေါ်ယူဖို့စီစဉ်နေတယ်လို့ Fichajes သတင်းကဖော်ပြခဲ့ပါတယ်။

ဒါပေမဲ့လည်းလက်ရှိမှာတော့ ဘုန်းမောက်အသင်းအနေနဲ့ အွန်တီယွန်ဆီမန်ယိုကိုအသင်းမှာဆက်ထိန်းထားဖို့ကောင်းမွန်တဲ့အဆင့်မှာရပ်တည်နေပြီး အသင်းအနေနဲ့အဆင့် ၇ နေရာမှာရပ်တည်နေတာကြောင့်လာမဲ့ရာသီကာလမှာဥရောပပြိုင်ပွဲသွားရောက်ကစားခွင့်ရှိနေတာကြောင့်ဖြစ်ပါတယ်။ဒါ့အပြင်အဆိုပါကစားသမားအနေနဲ့လည်းအသင်းမှာစာချုပ်သက်တမ်းအရ ၂၀၂၉ ဇွန်လအထိကျန်ရှိနေသေးတာဖြစ်ပါတယ်။

#ဘောလုံးသတင်းစုံ

ဝန်ကြီးချုပ်များ ဒေသအလိုက် တည်ငြိမ်အောင်လုပ်ဖို့ နစကဥက္ကဋ္ဌပြော

ဖေဖော်ဝါရီ ၁၂

တိုင်းဒေသကြီးနှင့်ပြည်နယ်ဝန်ကြီးချုပ်များ အနေဖြင့် မိမိတို့ တာဝန်ယူထားရသည့် ဒေသများအလိုက် နယ်မြေ ဒေသတည်ငြိမ် အေးချမ်းအောင် လုပ်ကြဖို့ နစကဥက္ကဋ္ဌ ဗိုလ်ချုပ်မှူးကြီးမင်းအောင်လှိုင်က ပြောသည်။

၂၀၂၅ ခုနှစ်၊ ဖေဖော်ဝါရီ ၁၁ ရက်က တိုင်းဒေသကြီးနှင့် ပြည်နယ်ဝန်ကြီးချုပ်များအား တွေ့ဆုံ၍ နေရပ်စွန့်ခွာ နေရသည့် ပြည်သူများအတွက် အမျိုးသားသဘာဝအန္တရာယ်ဆိုင်ရာ စီမံခန့်ခွဲမှုရန်ပုံငွေမှ ထောက်ပံ့ငွေများ ပေးအပ်ခြင်း အခမ်းအနားမှာ ၎င်းက ပြောကြားလိုက်ခြင်း ဖြစ်သည်။

နစကဥက္ကဋ္ဌက “ မိမိတို့အနေဖြင့် နိုင်ငံတော်တွင် ဖြစ်ပေါ်နေသည့် အခြေအနေများအရ တာဝန်ထမ်းဆောင်ခွင့်ကို ၆ လ သက်တမ်းထပ်မံတိုးမြှင့်ခဲ့ရကြောင်း၊ ယခု ၆ လတာ ကာလအတွင်း တည်ငြိမ်အေးချမ်းမှု ရှိစေရေး အလေး ထား ဆောင်ရွက်သွားရမည်ဖြစ်ပြီး တိုင်းဒေသကြီးနှင့်ပြည်နယ်ဝန်ကြီးချုပ်များ အနေဖြင့်လည်း မိမိတို့တာဝန်ယူ ထားရသည့် ဒေသများအလိုက် နယ်မြေဒေသတည်ငြိမ် အေးချမ်းရေး၊ လူမှုစီးပွားဘဝများ ဖွံ့ဖြိုးတိုးတက်ရေး အတွက် ကြိုးပမ်းဆောင်ရွက်သွားကြရန်လိုသည်”ဟု ပြောသည်။

နေရေးလုံခြုံမှုနှင့် ပတ်သက်၍ ကမ္ဘာပေါ်တွင် ရာနှုန်းပြည့်လုံခြုံရေးဟူ၍ မည်သည့် နိုင်ငံတွင်မျှ မရရှိနိုင်ကြောင်း၊ ရာဇဝတ်မှုများ၊ လုံခြုံရေးကျိုးပေါက်မှုများသည် နိုင်ငံတိုင်း၌ဖြစ်ပေါ်လျက်ရှိကြောင်း၊ ၂၀၂၃ ခုနှစ်မှစ၍ ပြည်သူ့ လုံခြုံရေးစနစ်ကို စတင် အကောင်အထည်ဖော် ဆောင်ရွက်ခဲ့ကြောင်း ၎င်းက ပြောသည်။

နစကဥက္ကဋ္ဌက “နိုင်ငံတော်တွင် နိုင်ငံသားတိုင်း အနေဖြင့် ပြည်ထောင်စုမပြိုကွဲရေး၊ တိုင်းရင်းသား စည်းလုံးညီ ညွတ်မှု မပြိုကွဲရေးနှင့်အချုပ်အခြာအာဏာ တည်တံ့ခိုင်မြဲရေးဟူသည့် ဒို့တာဝန်အရေးသုံးပါးကို စောင့်ထိန်းရန် တာဝန်ရှိကြပြီး ယင်းတာဝန်များကို ထမ်းဆောင်ရန်အတွက် စစ်ပညာသင်ကြားရန်နှင့် နိုင်ငံတော် ကာကွယ်ရေး အတွက် စစ်မှုထမ်းဆောင်နိုင်ရန် ပြည်သူ့စစ်မှုထမ်းဥပဒေကို ပြဋ္ဌာန်း ဆောင်ရွက်လျက်ရှိသည်”ဟု ပြောသည်။

ထို့နောက် လုံခြုံရေးနှင့်ပတ်သက်၍ အဓိက ဆောင်ရွက်ရမည်မှာ မြန်မာနိုင်ငံရဲတပ်ဖွဲ့ဝင်များဖြစ်ပြီး သက်ဆိုင်ရာ နယ်မြေဒေသအလိုက် ဖွဲ့စည်းထားရှိပြီးဖြစ်ကြောင်း၊ ပြည်သူက အားကိုးရသည့် ရဲတပ်ဖွဲ့ဝင်များဖြစ်ရန်လိုပြီး တိုင်းဒေသကြီးနှင့် ပြည်နယ်ဝန်ကြီးချုပ်များအနေဖြင့်လည်း ၎င်းတို့ တာဝန်ထမ်းဆောင်မှုများအပေါ် လိုအပ်သည် များ အားပေးထောက်ပံ့ခြင်းများကို ဆောင်ရွက်ပေးသွားရန်လိုကြောင်း ၎င်းကပြောသည်။

နေရာဒေသအလိုက် လုံခြုံရေး၊ တရားဥပဒေစိုးမိုးရေးအတွက် မှန်မှန်ကန်ကန်ဖြင့် တာဝန်ပေးအပ်နိုင်ရေး၊ မိမိတိုံ ဒေသ တည်ငြိမ်အေးချမ်းရေးနှင့် တရားဥပဒေစိုးမိုးရေး၊ ဒေသ၏ လူမှုစီးပွားဘဝဖွံ့ဖြိုးတိုးတက်ရေးတို့အတွက် နိုင်ငံတော်အစိုးရ၊ တပ်မတော်၊ ဒေသအလိုက်ရှိ ပြည်သူ့စစ်ဌာနေတပ်ဖွဲ့ဝင်များနှင့် ပြည်သူလူထုတို့ အတူတကွ လက်တွဲ၍ ဝိုင်းဝန်းကြိုးပမ်း ဆောင်ရွက်ကြရန်လိုကြောင်း နစကဥက္ကဋ္ဌက ပြောသည်။

အကြမ်းဖက်အဖွဲ့များ အနေဖြင့် လုံခြုံရေးတပ်ဖွဲ့ဝင်များ၏ အလစ်အငိုက်ကို အခွင့်ကောင်းယူ၍ အများပြည်သူ အသုံးပြုလျက်ရှိသည့် ဆက်သွယ်ရေးလမ်းကြောင်းများပေါ်၌ အကြမ်းဖက်မှုကို ကျူးလွန်လျက်ရှိကြောင်း၊ ထို့ ကြောင့် ဒေသအလိုက် နယ်မြေစိုးမိုးမှုနှင့် လမ်းပန်းဆက်သွယ်ရေး လုံခြုံမှုကို အထူးအလေးထား ဆောင်ရွက်သွား ကြရန်လိုကြောင်း၊ လမ်းပန်းဆက်သွယ်ရေး လုံခြုံမှုမရှိခြင်းကြောင့် ကုန်စည်စီးဆင်းမှုများကို ထိခိုက်စေနိုင်မည် ဖြစ်ပြီး စားရေသောက်ရေးနှင့်လူမှုစီးပွားဘဝများလည်း ထိခိုက်နိုင်ကြောင်း ၎င်းက ပြောသည်။

လက်ရှိ မြန်မာနိုင်ငံ၏ စစ်ကိုင်းတိုင်းဒေသကြီး၊ မကွေးတိုင်းဒေသကြီး၊ မန္တလေးတိုင်းဒေသကြီး၊ တနင်္သာရီတိုင်း ဒေသကြီး၊ ဧရာဝတီတိုင်းဒေသကြီး၊ ပဲခူးတိုင်းဒေသကြီး၊ ကချင်ပြည်နယ်၊ ရခိုင်ပြည်နယ်၊ ရှမ်းပြည်နယ်၊ ချင်းပြည် နယ်၊ ကရင်ပြည်နယ်၊ ကယားပြည်နယ်၊ မွန်ပြည်နယ် တို့တွင် မြန်မာ့တပ်မတော်နှင့် လက်နက်ကိုင်အင်အားစုများ ကြား တိုက်ပွဲများ အပြင်းအထန်ဖြစ်ပွားနေသည်။

အလားတူ ရန်ကုန်တိုင်းဒေသကြီးတွင်လည်း ခိုးဆိုးလုယက်မှုများ၊ ဓားပြတိုက်မှုများ၊ လူပျောက်မှုများ၊ ဖောက်ခွဲမှု များဖြစ်ကာ တရားဥပဒေစိုးမိုးမှုအားနည်းလျက်ရှိနေသည်။

မြန်မာပြည်တစ်ဝှမ်း ဖြစ်ပွားနေသော တိုက်ပွဲများကြောင့် လမ်းပန်းဆက်သွယ်ရေးများ လုံခြုံမှုကင်းမဲ့လာကာ ပြည်သူလူထု အနေဖြင့် ခရီးသွားလာရေး အခက်အခဲများ ကြုံတွေ့လာရသလို ကုန်စည်စီးဆင်းမှုများ အဟန့် အတားဖြစ်၍ လူမှုကုန်ကျစရိတ်များလည်း မြင့်တက်မှုဒဏ်ကို ခံနေကြရသည်။

ထို့နောက် ပြည်တွင်း ခရီးသွားလုပ်ငန်းများ ကျဆင်းလာကာ နိုင်ငံခြားဝင်ငွေများလည်း ရရှိမှုနည်းပါးလာခဲ့သည်။

ပုံ - တိုင်းဒေသကြီးနှင့်ပြည်နယ် ဝန်ကြီးချုပ်များကို နစကဥက္ကဋ္ဌ တွေ့ဆုံစဉ်

#centralnewsnaypyitaw

ထရန့်ရဲ့ အခွန်ကောက်ခံမှုကြောင့် ကိုကာကိုလာအချိုရည် ထုတ်ပိုးမှု ပလတ်စတစ်ဗူးသာ ပိုမိုအသုံးပြုရဖွယ်ရှိနေ

ဝါရှင်တန်၊ ဖေဖော်ဝါရီ ၁၂

အမေရိကန်သမ္မတ ဒေါ်နယ်ထရန့်ရဲ့ အခွန်စည်းကြပ်မှုကြောင့် အလူမီနီယံဗူးများ စျေးကြီးလာပါက အမေရိကန်မှာ ကိုကာကိုလာအချိုရည်ကို ပလတ်စတစ်ဗူးနဲ့ ပိုမိုထုတ်လုပ်ရောင်းချရဖွယ်ရှိနေတယ်လို့ ကုမ္ပဏီ အမှုဆောင်အရာရှိချုပ် James Quincey ကပြောပါတယ်။

ထရန့်ဟာ အမေရိကန်ကို တင်သွင်းလာတဲ့ သံမဏိနဲ့အလူမီနီယံတွေကို အခွန် ၂၅ ရာခိုင်နှုန်းကောက်မယ်လို့ အမိန့်ထုတ်လိုက်ပြီးနောက်မှာ အမေရိကန်မှာ စည်းသွတ်ဗူးနဲ့ သောက်သုံးကုန်တွေ စျေးတက်နေပါတယ်။

အဖျော်ယမကာကုမ္ပဏီတွေဟာ သူတို့ရဲ့ ထုတ်ပိုးမှုမှာ ၅၀ ရာခိုင်နှုန်းပြန်လည်အသုံးပြုလို့ရတဲ့ ရေရှည်တည်မြဲရေး ရည်မှန်းချက်တွေကို ၂၀၃၀ ခုနှစ်မှ စတင်ဖို့ ရည်မှန်ထားပေမယ့် လက်ရှိမှာတော့ ၂၀၃၅ ခုနှစ်ရောက်မှာ ၃၅ ရာခိုင်နှုန်းကနေ ၄၀ ရာခိုင်နှုန်း အသုံးပြုနိုင်ဖွယ်ရှိနေပါတယ်။

ကိုကာကိုလာကို ကမ္ဘာ့ပလတ်စတစ်ညစ်ညမ်းမှု ထိပ်ဆုံးကုမ္ပဏီအဖြစ် သဘာ၀ပတ်ဝန်းကျင်ဆိုင်ရာအဖွဲ့တွေက ခြောက်နှစ်ဆက်တိုက် သတ်မှတ်ထားခဲ့ပါတယ်။ သွင်းအားစုကုန်ကျစရိတ် မြင့်တက်နေတယ်ဆိုရင် အခြားထုတ်ပိုးမှုပုံစံတွေကို ရွေးချယ်ရတော့မယ်လို့ ကိုကာကိုလာ အမှုဆောင်အရာရှိချုပ်က ပြောပါတယ်။

ကိုကာကိုလာဟာ သူ့ရဲ့စျေးကွက်ချဲ့ထွင်မှုနဲ့ရေရှည်တည်တံ့မှုဆိုင်ရာမဟာဗျူဟာတွေရဲ့ တစိတ်တပိုင်းအဖြစ် အလူမီနီယံနဲ့ ထုတ်ပိုးထားတဲ့ အချိုရည်ဗူးပုံစံတွေကို မကြာသေးမီနှစ်တွေအတွင်း ထုတ်လုပ်ရောင်းချခဲ့ပါတယ်။ ဒီထုတ်ပိုးမှုပုံစံဟာ ပုံမှန်အားဖြင့် ကုန်ကျစရိတ်ကြီးမြင့်ပေမယ့် ရေရှည်မှာ ပြန်လည်အသုံးပြုနိုင်ပါတယ်။

အမေရိကန်ဟာ နိုင်ငံတွင်းမှာ အသုံးပြုနေတဲ့အလူမီနီယံရဲ့ ထက်ဝက်နီးပါးကို တင်သွင်းနေရပါတယ်။ အခုလိုအခွန်ကြောင့် ဗူးခွံစျေးတွေပါမြင့်တက်လာမှာဖြစ်ပြီး ၂၀၁၈ ခုနှစ်က အခုလိုအခွန်ကောက်ခံဖူးပေမယ့် ကိုကာကိုလာလို ကုမ္ပဏီတွေအတွက် တင်သွင်းမှုအခွန် ကင်းလွတ်ခွင့်ရရှိခဲ့ပါတယ်။

Ref:BBC
Photo:Getty Images

#သတင်းဟင်းလေးအိုးကြီး

ရှိတ်ဟာစီနာကို ဖြုတ်ချခဲ့သည့် ကျောင်းသားများ နိုင်ငံရေးထဲဝင်လာ

ဖေဖော်ဝါရီ ၁၂

ဘင်္ဂလားဒေ့ရှ်ဝန်ကြီးချုပ် ရှိတ်ဟာစီနာကို ဖြုတ်ချခဲ့သည့် ကျောင်းသားများသည် နိုင်ငံရေးလောထဲသို့ ဝင်ရောက်လာနေသည်ဟု Nikkei Asia မှ ဖော်ပြခဲ့သည်။

၂၀၂၄ ခုနှစ် နှစ်လယ်ပိုင်းက ဘင်္ဂလားဒေ့ရှ်တွင် ကျောင်းသားများဦးဆောင်သည့် ဆူပူအုံကြွမှု ဖြစ်ပွားခဲ့ပြီးနောက် ဝန်ကြီးချုပ် ရှိတ်ဟာစီနာ (Sheikh Hasina) သည် နိုင်ငံအတွင်းမှ ထွက်ပြေးခဲ့ကာ အစိုးရအဖွဲ့ ပြုတ်ကျခဲ့သည်။

ထိုဆူပူအုံကြွမှုများသည် ပြီးခဲ့သည့်နှစ် ဇူလိုင်လ အစောပိုင်းက စတင်ဖြစ်ပွားခဲ့သည်။

တက္ကသိုလ်ကျောင်းသားများသည် အစိုးရ အလုပ်အကိုင်များ၏ ၃၀ ရာခိုင်နှုန်းကို ၁၉၇၁ ခုနှစ် လွတ်လပ်ရေး စစ်ပွဲတွင် ပါဝင်တိုက်ခိုက်ခဲ့သူများ၏ သားစဉ်မြေးဆက်များအတွက် သီးသန့်လျာထားသည့် အလုပ်အကိုင် ခွဲတမ်း ချသည့်စနစ်ကို ဆန့်ကျင်သည့် အနေဖြင့် ဆန္ဒပြခဲ့ကြခြင်းဖြစ်သည်။

ထိုစနစ်သည် ခေတ်မမီတော့ဘဲ တရားမျှတခြင်းမရှိကာ များပြားသည့် လူဦးရေအတွက် အခွင့်အလမ်းများကို ကန့်သတ်ထားခြင်းဖြစ်သည်ဟု ကျောင်းသားအများစုက ရှုမြင်ခဲ့ကြသည်။

ဆန္ဒပြမှုများကို လုံခြုံရေးတပ်ဖွဲ့များနှင့် ဟာစီနာ၏ အာဏာရ Awami League ပါတီမှ ကျောင်းသားအဖွဲ့ ဖြစ်သည့် Bangladesh Chhatra League တို့က အင်အားသုံးဖြိုခွင်းချိန်တွင် ဆန္ဒပြမှုများ ပိုမိုပြင်းထန်လာပြီး ဆူပူအုံကြွမှုများ ဖြစ်ပွားခဲ့သည်။

ထိုဆူပူအုံကြွမှုအတွင်း လူပေါင်း ၁၅၀ ထက်မနည်း သေဆုံးကာ ဒါဇင်နှင့်ချီ ဖမ်းဆီးခံခဲ့ရကြောင်း မီဒီယာများက ဖော်ပြခဲ့သည်။

ထို့နောက် ဝန်ကြီးချုပ် ဟာစီနာသည် ၂၀၂၄ ခုနှစ်၊ ဩဂုတ် ၅ ရက်တွင် ရာထူးမှ နုတ်ထွက်ပြီး အိန္ဒိယနိုင်ငံသို့ ထွက်ပြေးတိမ်းရှောင်သွားခဲ့သည်။

ထို့နောက် ငြိမ်းချမ်းရေး နိုဘယ်ဆုရှင် မိုဟာမက် ယူနွတ် (Muhammad Yunus) ဦးဆောင်သည့် ကြားဖြတ်အစိုးရ အဖွဲ့ ဖွဲ့စည်းခဲ့သည်။

ထိုကြားဖြတ်အစိုးရအဖွဲ့အတွင်း ဆန္ဒပြမှုကို ဦးဆောင်ခဲ့သည့် ကျောင်းသားခေါင်းဆောင်အချို့သည် အဓိက ရာထူးနေရာများတွင် ခန့်အပ်ခံခဲ့ရသည်။

ဥပမာပြရပါက ခွဲခြားဆက်ဆံမှုတိုက်ဖျက်ရေး ကျောင်းသားများ လှုပ်ရှားမှုအမည်ရှိ ဆန္ဒပြမှုကို ဦးဆောင်ခဲ့သည့် ကျောင်းသားခေါင်းဆောင် နာဟစ် အစ္စလာမ် (Nahid Islam) သည် ဆက်သွယ်ရေး၊ သတင်းအချက်အလက် နည်းပညာရေးရာ အကြံပေးပုဂ္ဂိုလ်အဖြစ် ခန့်အပ်ခံခဲ့ရသည်။

ထိုကျောင်းသားခေါင်းဆောင်များသည် နိုင်ငံကို အုပ်ချုပ်နေသည့် ယာယီအစိုးရအဖွဲ့တွင် တက်ကြွစွာ ပါဝင်နေပြီး ၎င်းတို့ ဆန့်ကျင်ခဲ့သည့် စနစ်များကို ပြုပြင်ပြောင်းလဲမှုများ ပြုလုပ်ရန် ရည်ရွယ်လုပ်ဆောင်နေသည်။

ရွေးကောက်ပွဲများ မကျင်းပမီ ပြည့်စုံကျယ်ပြန့်သည့် ပြုပြင်ပြောင်းလဲမှုများ ပြုလုပ်ရန် လိုအပ်ကြောင်းကို ကြားဖြတ်အစိုးရအဖွဲ့အတွင်းရှိ ကျောင်းသားခေါင်းဆောင်များက အလေးထား ပြောဆိုနေကြသည်။

ထို့ကြောင့် အဂတိလိုက်စားမှု ဖြစ်စေသည့် စနစ်များကို ဖျက်သိမ်းခြင်း၊ မျှတသည့် စနစ်များကို ဖော်ဆောင်ခြင်း တို့ကို ပြုလုပ်နေသည်။

ဘင်္ဂလားဒေ့ရှ် ကျောင်းသားများ၏ ဆန္ဒပြမှုသည် ကမ္ဘာပေါ်တွင် ပထမဆုံး အောင်မြင်သည့် Gen Z တော်လှန်ရေး အဖြစ် သုံးနှုန်းဖော်ပြခံခဲ့ရပြီး နိုင်ငံရေး အခင်းအကျင်းများတွင် လူငယ်တက်ကြွလှုပ်ရှားသူများ၏ အဓိကကျသည့် အခန်းကဏ္ဍတွင် ပါဝင်နေသည်ကို နောက်ထပ်တစ်ကြိမ် မီးမောင်းထိုးပြသရာ ရောက်ခဲ့သည်။

Source: Nikkei Asia

ပုံ - ဘင်္ဂလားဒေ့ရှ် ဆန္ဒပြသူများကို တွေ့ရစဉ်

#centralnewsnaypyitaw

EV တက္ကစီတွေနဲ့ ရန်ကုန် - မော်လမြိုင်ခရီးစဉ်ကို စတင်ပြေးဆွဲ

ဖေဖော်ဝါရီ ၁၂

EV တက္ကစီတွေနဲ့ ရန်ကုန် - မော်လမြိုင်ခရီးစဉ်ကို ယခု ဖေဖော်ဝါရီ ၉ ရက်နေ့မှ စတင်ပြေးဆွဲနေပြီဖြစ်တယ်လို့ သိရပါတယ်။

"မော်လမြိုင်ကို EV တက္ကစီတွေ စရောက်လာပြီ။စင်းလုံးဌားရော၊တယောက်ချင်း၀န်ဆောင်မှုရောရတယ် ပြောတယ်။ရန်ကုန်-မော်လမြိုင်(တယောက်ကိုပရိုမိုးရှင်းဈေး ၂၅ဝဝဝ)လို့ သိရပါတယ်။သူက EV ကုမ္ပဏီနဲ့ ဒီက ယာဉ်ပိုင်ရှင်တွေနဲ့ ပူးပေါင်းပြီးတော့ အကျိုးတူပြေးဆွဲတဲ့ ခရီးစဥ်လို့ သိရပါတယ်။အခုယာဉ်လိုင်းပြေးဆွဲတဲ့အထိမ်း အမှတ်အနေနဲ့ ခရီးသည်တယောက်ကို ဒစ်စကောင့်ကို ၅ဝ ရာခိုင်နှုန်း ပေးတယ်လို့ ပြောတယ်"လို့ မော်လမြိုင်မြို့ခံတယောက်က ပြောပါတယ်။

တံတားဖွင့်ချိန်၊လမ်းပိတ်ချိန်နဲ့ လမ်းအခြအနေတွေကြောင့် ရန်ကုန် - မော်လမြိုင်ခရီးစဉ်ကို ခရီးသည်တင် Express ကားကြီးတွေတောင် အချိန်နဲ့ ပြေးဆွဲနေရချိန်မှာယခုလို EV ကားတွေရောက်လာတော့တချို့ခရီးသည်တွေအတွက် အဆင်ပြေသွားစေပြီး ခရီးသည်တွေရဲ့အိမ်တိုင် ရာရောက် အကြို/အပို့ လုပ်ပေးတဲ့အစီအစဉ်လည်းပါဝင်တာသိရတယ်လို့ မော်လမြိုင် မြို့ခံတွေက ပြောပါတယ်။

"အဆင်ပြေတာပေါ့။ကိုယ့်ဆီအရောက်လာကြိုခိုင်းလို့ရသလို ကိုယ့်အိမ်ထိအရောက်လဲ ပို့ခိုင်းလို့ရမယ်။ရန်ကုန် - မော်လမြိုင် လမ်းတလျှောက်မြို့တွေမှာလဲ အကြောင်းအမျိုးမျိုးကြောင့် Express ကားတွေမမှီလိုက်ပဲ ပြန်ဖို့အခက်အခဲ ဖြစ်နေရင်လဲ ဒီလိုကားတွေကိုဖုန်းနဲ့ ချိတ်ဆက်ပြီး ပြန်လာလို့ရတာပေါ့။အရင်ကလဲ Probox တွေ ၊ အံစာတုံးတွေနဲ့ ပြေးတွဲတာ ရှိပေမဲ့ ဒီလိုမျိုး EV တက္ကစီတွေ ထပ်ပေါ်လာတော့ ကိုယ့်စိတ်ကြိုက် ၀န်ဆောင်မှုနဲ့ စီးလို့ရသလို ဒီလိုအပြိုင်အဆိုင်တွေ ပေါ်လာမှလဲ ကာစတန်မာတွေအတွက်ပိုပြီးအကျိုးဖြစ်စေမှာပါ"လို့ မော်လမြိုင်မြို့ခံ တယောက်က ထပ်လောင်း ပြောပြပါတယ်။

ယာဉ်လိုင်းကုမ္ပဏီဘက်ကတော့ မော်လမြိုင်-ရန်ကုန် ခရီးစဥ်အတွက် EV ကားသစ်၀န်ဆောင်မှုကိုစတင်ပေးနေပြီဖြစ်ပြီး Promotions ကာလကို (၉.၂.၂ဝ၂၅ ကနေ ၁၅.၂.၂ဝ၂၅) သတ်မှတ်ကာ အကျိုးခံစားခွင့် ၅ဝ ရာခိုင်နှုန်းအထိ ပေးနေပြီဖြစ်တယ်လို့ ကြော်ငြာထားပါတယ်။

ခရီးစဉ်/အစအဆုံးသက်တောင့်သက်သာစီးနင်းလိုက်ပါနိုင်ခြင်း၊A/C ကို ခရီးအစအဆုံးရရှိခြင်း၊ဆူညံမှုကင်းဝေးကာသက်တောင့်သက်သာစီးနင်းနိုင်ခြင်း၊အိမ်တိုင် ရာရောက်ကြိုပို့ပေးခြင်း အစရှိသောဝန်ဆောင်မှုတွေလည်း ပေးနေပြီဖြစ်တယ်လို့ EV ယာဉ်လိုင်းကုမ္ပဏီဘက်က ပြောပါတယ်။

ရန်ကုန် - မော်လမြိုင် EV Taxi ဂိတ်ကို ရန်ကုန်မြို့မှာဆိုပါက သခင်မြပန်းခြံ၊ အထက်ကြည့်မြင်တိုင်လမ်း ဝင်ပေါက်မှာ သတ်မှတ်ထားပြီး မော်လမြိုင်မြို့မှာဆိုပါက အမှတ် (၄၁/က)၊ဗိုလ်ချုပ်အောင်ဆန်းလမ်း၊ မြိုင်သာယာရပ်မှာ သတ်မှတ်ထားတယ်လို့ ဆိုပါတယ်။

"ယခု EV တက္ကစီယာဉ်လိုင်းစတင်ပြေးဆွဲခြင်း အထိမ်းအမှတ်အနေနဲ့ ပရိုးမိုရှင်းဈေးနဲ့ ပြေးဆွဲပေးနေပါတယ်။ပရိုမိုရှင်းပြီးလို့ ပုံမှန်ကာလဆိုရင် နောက်ခန်းက ၅ဝဝဝဝ ပါ၊ရှေ့ခန်းက ၆ဝဝဝဝ ပါ။ကြာချိန်က အခြားအိမ်စီးကားတွေအတိုင်းပါပဲ။လမ်းမှာလည်း ပုံမှန်ရပ်နေကျနေရာတွေမှာ ခရီးသည်တွေအတွက်ရပ်နားပေးပါတယ်။လမ်းမှာအားသွင်းတာမျိုးတော့မရှိပါဘူး။တိုက်ရိုက်ပဲမောင်းပေးမှာပါ"လို့ EV တက္ကစီဂိတ်က တာဝန်ရှိသူတယောက်က ဆက်လက် ပြောပြခဲ့ပါတယ်။ယခင် ၂ဝ၂၃ ခုနှစ်ကလည်း ပြင်ဦးလွင်မြို့မှာ EV Taxi ကားဂိတ်ဖွင့်လှစ်ပြီး ပြင်ဦးလွင် - မန္တလေး - မန္တလေးလေယာဉ်ကွင်း ခရီးစဉ်တွေကိုပြေးဆွဲပေးခဲ့တယ်လို့ သိရပါတယ်။

Photo - CJ

Credit - VOM News Agency

#သတင်းဟင်းလေးအိုးကြီး

ဓါးစာခံတွေ စနေ့နေ့မှာ ပြန်မလွှတ်ရင် ဟားမတ်စ်နဲ့သဘောတူညီချက် အဆုံးသတ်ပြီး စစ်ဆင်ရေးပြန်စမယ်လို့ အစ္စရေး ခြိမ်းခြောက်

တဲလ်အဗစ်၊ ဖေဖော်ဝါရီ ၁၂

ဟားမတ်စ်တို့အနေနဲ့ လာမယ့်စနေနေ့မွန်းတည့်ချိန်မှာ ဓါးစာခံတွေကို ပြန်လွှတ်မပေးရင် အပစ်အခတ်ရပ်စဲရေး အဆုံးသတ်ပြီး ပြင်းထန်တဲ့ စစ်ဆင်ရေးတွေ ပြန်လည်စတင်မယ်လို့ အစ္စရေးဝန်ကြီးချုပ် နေတန်ယာဟုက သတိပေးလိုက်ပါတယ်။

အစ္စရေးဓါးစာခံတွေ ပြန်လွှတ်ပေးဖို့ကို ရွေ့ဆိုင်းကြောင်း ဟားမတ်စ်အဖွဲ့က ကြေညာပြီးနောက် နေတန်ယာဟုက အခုလိုသတိပေးလိုက်တာဖြစ်ပြီး အစ္စရေးတပ်တွေကို ဂါဇာအတွင်းနဲ့ ဝန်းကျင်မှာ စုဝေးဖို့ အမိန့်ပေးထားပါတယ်။

ကျန်ရှိနေတဲ့ ဓါးစာခံ ၇၆ ယောက်စလုံးကို လွှတ်ပေးဖို့ တောင်းဆိုတာလား၊ စနေနေ့မှာ လွှတ်ပေးရမယ့် ဓါးစာခံသုံးယောက်ကိုလွှတ်ပေးရေးလား နေတန်ယာဟုက အသေးစိတ်မပြောပေမယ့် ဓါးစာခံအားလုံးကို ဆိုလိုတယ်လို့ အစိုးရဝန်ကြီးတယောက်က ပြောပါတယ်။

အပစ်အခတ်ရပ်စဲရေး သဘောတူညီချက်ကို အစ္စရေးက ချိုးဖောက်တာလို့ ဟားမတ်စ်တို့က စွပ်စွဲထားပါတယ်။ အခုလို ဓါးစာခံတွေပြန်လွှတ်ပေးရေး ရွှေ့ဆိုင်းမှုဟာ သဘောတူညီချက်ကို ဗြောင်ချိုးဖောက်လိုက်တာလို့ အစ္စရေးကလည်း ဆိုပါတယ်။

အရပ်သားတွေကို တိုက်ခိုက်တာ၊ အရေးကြီး လူသားချင်းစာနာမှုအကူအညီတွေကို ပိတ်ဆို့တာအပါအဝင် အပစ်အခတ်ရပ်စဲရေး သဘောတူညီချက်တွေကို အစ္စရေးက ချိုးဖောက်ခဲ့တာလို့ ဟားမတ်စ်တို့က ဆိုပါတယ်။

ဟားမတ်စ်တို့က ဓါးစာခံတွေကို စနေနေ့မှာ ပြန်မလွှတ်ရင် အပစ်အခတ်ရပ်စဲရေးသဘောတူညီချက်ကို လုံးလုံးလျားလျား ဖျက်သိမ်းဖို့ အမေရိကန်သမ္မတ ဒေါ်နယ်ထရန့်က ပြောပါတယ်။ ထရန့်ကတော့ ဂါဇာကို လက်လွှဲရယူမယ်လို့ အခိုင်အမာပြောဆိုထားပြီး ဂျော်ဒန်ဘုရင်နဲ့တွေ့ဆုံချိန်မှာလည်း ဒီကိစ္စကို ထပ်မံပြောဆိုခဲ့ပါတယ်။

Ref:BBC
Photo:Reuters

#သတင်းဟင်းလေးအိုးကြီး

လျှပ်စစ်ထမင်းပေါင်းအိုး ခလုတ်မတက်ဘဲ ချို့ယွင်းရာမှ နေအိမ် ၁ လုံး မီးလောင်ကာ ၉၈ နှစ်အရွယ်အဘိုးအို ဒဏ်ရာရ

ဖေဖော်ဝါရီ ၁၂

လျှပ်စစ်ထမင်းပေါင်းအိုး တည်ထားစဥ် ခလုတ်မတက်ဘဲ ချို့ယွင်းရာမှ လူနေအိမ် ၁ လုံး မီးလောင်ကာ အသက် ၉၈ နှစ်အရွယ် အဘိုးအို မီးဟပ်ဒဏ်ရာများရရှိမှု ဖေ​ဖော်ဝါရီလ ၁၁ ရက် ညနေ ၃ နာရီ ၃၄ မိနစ်ခန့်က ရန်ကုန်တိုင်းဒေသကြီး၊ ဒဂုံမြို့သစ်(မြောက်ပိုင်း)မြို့နယ်၊ ၄၃ ရပ်ကွက်၊ စေတနာ (၄)လမ်းတွင် ဖြစ်ပွားခဲ့ကြောင်း စစ်ဆေးသူများထံမှ သိရသည်။

“မီးလောင်မှုဖြစ်တာက လျှပ်စစ်ထမင်းပေါင်းအိုး ခလုတ်မတက်ရာကနေ စတာ။ အိမ်မီးလောင်တဲ့အိမ်က အဘိုးအိုတစ်ယောက်တော့ မီးဟပ်ဒဏ်ရာတွေရတယ် အသက်အန္တရာယ် မစိုးရိမ်ရပါဘူး”ဟု မီးငြှိမ်းသတ်သူတစ်ဦးက ပြောသည်။

ဆယ်မိနစ်ကျော်ကြာ လောင်ကျွမ်းခဲ့သော မီးလောင်မှုကြောင့် အလျားပေ၂၀၊ အနံ ၄၀ရှိ သွပ်မိုး၊ ကျောက်ပြားကာ ပျဥ်ခင်း အုတ်ညှပ် ၂ ထပ် နေအိမ် ၁ လုံးနှင့် အတွင်းပစ္စည်းများ၊အလျား ၁၀ ပေ အနံ ပေ ၆၀ ရှိ နေအိမ်၏ ပြတင်းပေါက်၊ မွေ့ယာ ၊သစ်သားမှန်တင်ခုံတို့ မီးဟပ်ခံရကာ ပျက်စီးခဲ့သည်။

ထို့အပြင် အသက် ၉၈ နှစ်အရွယ် အဘိုးအို ဦးသောင်းရွှေ၏ ဘယ်ဘက်လက်မောင်း၊ လက်ဖျံ ညာခြေသလုံးနှင့် ပေါင်တို့တွင် မီးဟပ်ဒဏ်ရာရရှိခဲ့သဖြင့် ဝန်းရံမှူး လူမှုကူညီကယ်ဆယ်​ရေးအသင်းမှ အသင်းဝင်များက သူနာတင်ယာဥ်ဖြင့် မြောက်ဥက္ကလာပပြည်သူ့ဆေးရုံသို့ ပို့ဆောင်ပေးခဲ့ကြောင်း သိရသည်။

မီးလောင်မှုကို မီးငြှိမ်းသတ်ယာဥ် ၄ စီး၊ ရေသယ်ယာဥ် ၂ စီး၊ သန္ဓေအရန်မီးသတ်တပ်ဖွဲ့ဝင် ၄၀ ကျော်ဖြင့် ငြှိမ်းသတ်ခဲ့ရာ ညနေ ၃ နာရီ ၄၄ မိနစ်တွင် မီးငြိမ်းခဲ့ကြောင်း သိရသည်။

နေအိမ် မီးလောင်မှုကြောင့် အသက် ၅၁ နှစ်အရွယ် အမျိုးသားကြီးကို ရာဇသတ်​ကြီးပုဒ်မ ၂၈၅၊ ၃၃၈ဖြင့် ဒဂုံမြို့သစ်(မြောက်ပိုင်း)မြို့မရဲစခန်းက အမှုဖွင့်ထားသည်။

#centralnewsnaypyitaw

လီဗာပူးလ်အသင်းတိုက်စစ်မှူးဒီယေဂိုဂျိုတာရဲ့ဒဏ်ရာပြသနာတွေကြောင့်အန်ဖီးလ်ကွင်းမှာသူ့ရဲ့အနာဂတ်နဲ့ပတ်သက်ပြီးစိုးရိမ်မှုတွေရှိလာစေခဲ့ပါတယ်။

အသက် ၂၈ နှစ်အရွယ်တိုက်စစ်ကစားသမား ဒီယေဂိုဂျိုတာဟာ ၂၀၂၀ ခုနှစ်မှာပြောင်းရွှေ့ကြေးပေါင် ၄၅ သန်းနဲ့ပြောင်းရွှေ့လာခဲ့ပေမဲ့သူ့အနေနဲ့ ကြိုးကြာနီအသင်းအတွက် ဒဏ်ရာပြသနာကြောင့် ၉၅ ပွဲအထိလွဲချော်ထားခဲ့တာအပါအဝင်ဒီရာသီကာလမှာလည်း ၁၆ ပွဲအထိလွဲချော်ထားခဲ့ပါတယ်။

ဒီယေဂိုဂျိုတာအနေနဲ့ ပြီးပြည့်စုံတဲ့ကြံ့ခိုင်မှုရှိနေတဲ့အချိန်မှာခြေစွမ်းပြကစားနိုင်ပေမဲ့သူ့အနေနဲ့ အသင်းရဲ့ပွဲထွက်ကစားသမားနေရာဆက်ထိန်းထားနိုင်ရေးအတွက်ရုန်းကန်နေရပါတယ်။သူ့အနေနဲ့ ဒီရာသီပြိုင်ပွဲစုံမှာ ပွဲထွက်ကစားသမားအဖြစ် ၁၁ ပွဲသာပါဝင်ကစားထားခဲ့ရပါတယ်။

အာဆင်နယ်အသင်းအနေနဲ့ ပြီးခဲ့တဲ့နွေရာသီကာလတုန်းကပေါ်တူဂီတိုက်စစ်ကစားသမားကိုချိတ်ဆက်နေတဲ့သတင်းတွေထွက်ပေါ်ခဲ့ပြီး လက်ရှိမှာလည်းသူ့တို့အနေနဲ့အသင်းဆီခေါ်ယူအားဖြည့်မှုပြုလုပ်ချင်နေသေးတာဖြစ်ပါတယ်။

ဒီယေဂိုဂျိုတာဟာ ဂန်းနားအသင်းဆီပြောင်းရွှေ့ကစားဖို့အခွင့်အရေးရှိနေပြီး လီဗာပူးလ်အသင်းကလည်း သူ့ကိုသင့်တော်တဲ့ပြောင်းရွှေ့ကြေးရမယ်ဆိုရင်တော့ အသင်းကနေလက်လွှတ်ဖို့အဆင်သင့်ဖြစ်ဖွယ်ရှိနေပါတယ်။

ဒီယေဂိုဂျိုတာဟာ ဒီရာသီကာလမှာ ၂၁ ပွဲပါဝင်ကစားထားခဲ့ပြီး ၈ ဂိုးသွင်း ၂ ဂိုးဖန်တီးထားနိုင်ခဲ့တာဖြစ်ပါတယ်။

#ဘောလုံးသတင်းစုံ