MySPACE

24 w - Translate

တစ်သက်လုံး ရည်းစားမရတော့မယ့် လူတွေရဲ့လက္ခဏာများ

တွေးမိဖူးလား တစ်ခါတစ်လေပေါ့ ၊ ရည်းစားဘယ်တော့မှ မရနိုင်တော့မယ့်သူတွေ ကမ္ဘာပေါ်မှာရှိလားလို့။

စာရေးသူမှာ အမည်မဖော်ပြချင်တဲ့ သူငယ်ချင်းတစ်ယောက်တောင်ရှိသေး။ သူဆိုရင် အိမ်ထောင်ကျဖို့မပြောနဲ့ ရည်းစားတောင်ရပါတော့မလား မပြောတတ်ဘူး။

သူ့ဆီမှာဖြစ်နေတဲ့အမူအကျင့်တွေ ၊ လက္ခဏာတွေက ဘယ်တော့မှ မစွံနိုင်တော့သူတစ်ယောက်ရဲ့ လက္ခဏာဖြစ်နိုင်တယ်လို့တွေးမိလို့ စာရေးသူရဲ့အတွေးတွေကို မျှဝေပေးတာဖြစ်ပါတယ်။

(၁) ပူးပူးကပ်ကပ်ပွေ့ပွေ့ဖက်ဖက်နေရတာကို မကြိုက်ဘူး

�ကိုယ့်ရည်းစားဖြစ်မယ့်သူကို ဖက်ဖို့မပြောနဲ့ ကိုယ့်ရဲ့သူငယ်ချင်းတွေ ၊ ကိုယ်နဲ့အရမ်းနီးစပ်တဲ့သူတွေ ၊ မိသားစုတွေကို ဖက်ဖို့တောင် စိတ်မသက်မသာဖြစ်တတ်တဲ့သူတွေက ရည်းစားရနိုင်ခြေအရမ်းနည်းပါတယ်။

အိပ်ရာမှာအိပ်ရမယ်ဆိုရင်လည်း ဘယ်သူ့ကိုမှဖက်ပြီး မအိပ်နိုင်ဘူး။ ခွခေါင်းအုံးကိုတောင် မဖက်ဘူး။ ကိုယ့်ဟာကိုယ် လွတ်လွတ်လပ်လပ်အိပ်တတ်တဲ့သူတစ်ယောက် ၊ ဘယ်လောက်ကုတင်ကြီးပါစေ ဘယ်သူ့ကိုမှ မဝေမျှနိုင်ဘူး။ ဖက်အိပ်ဖို့ဆိုတာ ဝေလာဝေးသေးဆိုရင်တော့ ရည်းစားရဖို့ မဖြစ်နိုင်တော့ပါဘူး။

(၂) အစားအစာဆိုရင် မျှပြီးမစားနိုင်ဘူး

�ဘယ်သူမှကိုယ့်ရဲ့အစားအစာကို ထိတာမကြိုက်ဘူး။ အစားထိဓားကြည့်ဆိုတဲ့ စိတ်မျိုးရှိတဲ့သူ ၊ ရည်းစားမရရင်နေပါစေ ၊ Blind Date တွေဘာတွေမှာတောင် ကိုယ့်မုန့်ကို မျက်စောင်းထိုးတာ လုံးဝလုံးဝမကြိုက်ဘူးဆိုရင် သေချာပါတယ် ရည်းစားရဖို့ဆိုတာ သိပ်မဖြစ်နိုင်တော့ပါဘူး။ ရည်းစားထက်အစားအသောက်ကို ပိုချစ်နေမှာလေ။

အထူးသဖြင့် အချိုပွဲတွေက အဓိကအားနည်းချက်ပဲ ၊ ဘယ်သူဆိုဘယ်သူမှ ၊ သူငယ်ချင်းအရင်းခေါက်ခေါက်တောင် ၊ ကိုယ့်အချိုပွဲကို ငေးပိုင်ခွင့်မရှိဘူး။ ပြောချင်တာက ရည်းစားကိုချစ်တာထက် အစားအစာကိုပိုပြီးတော့ ချစ်မိနေမှာမို့လို့။

(၃) Flirt လုပ်တယ်ဆိုတာ ဘာမှန်းမသိဘူး

�ကိုယ်ကရည်းစားလိုချင်လွန်းပါတယ်ဆိုရင်တောင် ကိုယ့်ကိုလာကြောင်လို့ လာကြောင်နေမှန်းမသိဘူး။ ရေလာမြောင်းပေးလုပ်ဖို့မပြောနဲ့ ကိုယ့်ကိုဝေ့ဝှက်ပြောတာတောင် မသိဘူး။

Kiss တွေ ဘာတွေ ၊ ရည်းစားတွေလုပ်နေကြဟာတွေကိုလည်း မသိဘူး။ ရုပ်ရှင်ကြည့်ရင်တောင် Romantic Scene ဆိုတာနဲ့ မျက်လုံးကိုလက်ဝါးနဲ့အုပ်လိုက်တာမျိုး ၊ ရှက်လို့ထထအော်အော်နေတတ်တယ်။ ဒီလိုလက္ခဏာတွေရှိနေပြီဆိုရင်တော့ ရည်းစားရဖို့က မလွယ်တော့ပါဘူး။

(၄) ပြင်ပြင်ဆင်ဆင်မနေတတ်ဘူး

�ပြင်ပြင်ဆင်ဆင်နေတယ်ဆိုတာ မိတ်ကပ်တွေလိမ်း ၊ အလှတွေသေချာပြင်မှရယ်လို့ မဟုတ်ဘူးနော်။ အနည်းဆုံး ကောင်းကောင်းမွန်မွန်လေး ဝတ်စားတတ်တာမျိုးလောက်နဲ့တင် ကိုယ့်ကိုလူစိတ်ဝင်စားအောင်လုပ်လို့ရပါတယ်။

ဒါပေမယ့်တချို့တွေရှိတယ် ၊ အိမ်မှာပဲနေနေ အပြင်ဘဲသွားသွား ဝတ်နေကျအားကစားဘောင်းဘီနဲ့တီရှပ်ကြီးတကားကား ဖရိုဖရဲလျှောက်သွားပြီး လောကကြီးကိုလျစ်လျူရှုထားနိုင်သူတွေလေ။ သူတို့တွေက ရည်းစားရဖို့ သိပ်မလွယ်တော့ပါဘူး။ အချစ်မှာမျက်စိမပါဘူးလို့ ဘယ်လောက်ပြောပါစေ ၊ မြင်မြင်ချင်းတော့ အလှမှာအရင်မြောကြတာပါပဲ။

(၅) မျက်နှာက ၂၄ နာရီ တင်းနေလို့

�ကိုယ်ရဲ့ရည်းစားမရနိုင်တဲ့ အဓိကတရားခံ မွေးမိခင် ၊ ကျွေးသဖခင်တို့ရဲ့ ဗီဇလက္ခဏာကြောင့်လို့လည်း ပြောလို့ရတယ်။ ကိုယ့်မှာက ဒီတိုင်းလေးအေးဆေးနေနေတာကို မွေးကတည်းမျက်နှာက တည်နေတော့ ကိုယ့်ကိုကြိုက်တဲ့ ကောင်းလေးတွေကတောင် အနားမကပ်ရဲတော့ဘူး။

ကိုယ့်ရဲ့တည်နေတဲ့မျက်နှာကြီးကိုကြည့်ပြီး ရည်းစားစကားပြောရင် ဆဲလွတ်ခံရမှာစိုးလို့ ဝေးဝေးရှောင်သွားကြတယ်။ တစ်ခါတစ်လေ အားအားနေနေ မာနကြီးတယ်လို့တောင် ကင်ပွန်းတပ်ခံရသေးတယ်။ ဒါကြောင့်အလိုလိုနေရင်းမျက်နှာတည်နေတဲ့သူတွေခမျာမှာလည်း ရည်းစားစကားပြောခံချင်ပေမယ့် ပြောရဲတဲ့သူတွေမရှိတော့ခက်တယ်လေ။

ဒီတော့အပေါ်ကပြောခဲ့တဲ့ စရိုက်လက္ခဏာတွေကို ပိုင်ဆိုင်ထားတဲ့သူတွေက ရည်းစားရဖို့မလွယ်ကူတော့ဘူးလို့ တော်တော်များများလည်း လက်ခံထားကြပါတယ်။

ဒီအချက်တွေက လူတိုင်းအတွက်တော့မှန်ချင်မှမှန်မယ် ၊ ဒါပေမယ့် တစ်သက်လုံးရည်းစားမရတဲ့သူတွေမှာ ဒီလိုလက္ခဏာလေးတွေ ရှိတတ်ပါတယ်😁😁