US App Store မှာ TikTok ပြန်ရောက်လာပြီ
၂၅ ရက်ကျော်ကြာ ပိတ်ထားပြီးနောက် Apple App Store နှင့် Play Store တွေမှာ TikTok ပြန်ရောက်လာပါပြီ။ Trump အနေနဲ့ TikTok ကို ဧပြီ ၅ ရက်နေ့အထိ ရွေ့လိုက်တာကြောင့်ပါ။ (၇၅ ရက် ဆိုင်းငံ့ဆိုတော့လည်း တွက်ကြည့်ရင်တော့ ဒီတိုင်းပါပဲ)
US မှာ TikTok ကို ဇန်နဝါရီ ၁၈ ရက်မှာ ပိတ်လိုက်ပြီလို့ ကြေညာခဲ့ပေမဲ့ ၁၉ ရက်နေ့မှာ ပြန်သုံးနိုင်ခဲ့ပါတယ်။ ဒါပေမဲ့ App Store တွေမှာတော့ ဖယ်ရှားခဲ့တာပါ။ ဒါကြောင့် App ကို Uninstall လုပ်ခဲ့တဲ့သူတွေ download လုပ်လို့မရဖြစ်ခဲ့တာပါ။ အခုတော့ Download ပြန်လုပ်နိုင်ပါပြီ။
သို့ပေမဲ့လည်း ByteDance အနေနဲ့ ၇၅ ရက်အတွင်း US ကုမ္ပဏီတစ်ခုခုကို ရောင်းချရန်နဲ့ ရောင်းချခြင်းမရှိပါက ဆိုင်းငံ့ကာလပြည့်ရင်တော့ တားမြစ်မိန့် ပြန်ရင်ဆိုင်ရမှာပါ။ လက်ရှိမှာလည်း ဘီလီနာသူဌေးကြီးတွေ အများစုကလည်း TikTok ကို ဝယ်ယူဖို့ အစီအစဉ်တွေရှိကြောင်း ဖော်ပြထားပါသေးတယ်။
TikTok အပြင် CapCut, Lemon8 တို့လည်း App Store တွေမှာ ပြန်လည်ရရှိနေပြီပဲဖြစ်ပါတယ်။

ပြင်သစ်လူစာရင်းထဲ ဘတ်ပီ ပြန်ပါဝင်မယ်လို့ ဒက်ချမ့်အတည်ပြု

ဖေဖော်ဝါရီ ၁၅

ပြင်သစ်အသင်းနည်းပြ ဒက်ချမ့်က မတ်လထဲကစားမယ့် နိုင်ငံတကာပွဲတွေအတွက် နိုင်ငံအသင်းလူစာရင်းမှာ ရီးရယ်လ်အသင်းကြယ်ပွင့် ဘတ်ပီ ပြန်ပါဝင်မယ်လို့ အတည်ပြုခဲ့ပါတယ်။

ဘတ်ပီဟာ ပြီးခဲ့တဲ့ ပြင်သစ်အသင်းရဲ့ အောက်တိုဘာနဲ့ နိုင်ငံတကာပွဲစဉ်တွေမှာ မပါဝင်ခဲ့ပေမယ့် အခုအချိန်မှာ နိုင်ငံအသင်း လူစာရင်းထဲ ပြန်ပါဝင်နိုင်ဖို့ အဆင်သင့် ဖြစ်နေပြီဖြစ်တာပါ။

ဘတ်ပီဟာ ပြင်သစ်အသင်း နိုင်ငံတကာပွဲတွေ ယှဉ်ပြိုင်ချိန် ဆွီဒင်မှာ ပါတီပွဲ ကျင်းပနေမှုတွေကြောင့် ဝေဖန်မှု တွေလည်း အများအပြား ခံခဲ့ရပါတယ်။

ပြင်သစ်ဂျာနယ်လစ် မိုလီနာက ဘတ်ပီဟာ နိုင်ငံတကာပွဲတွေ မပါဝင်နိုင်ချိန် ရရှိခဲ့တဲ့ တုန့်ပြန်မှုတွေကြောင့် လက်ရွေးစင်အသင်းကနေ အနားယူဖို့ စဉ်းစားခဲ့တယ်လို့ ဖော်ပြခဲ့တာပါ။

ဒါပေမယ့် ဘတ်ပီဟာ ဒီသတင်းတွေကို ငြင်းဆန်ခဲ့ပြီး ပြင်သစ်အသင်းထက် ပိုပြီးအရေးကြီးတာ ဘာမှမရှိဘူးလို့ ပြောခဲ့ပါတယ်။

ဒါအပြင် ဘတ်ပီက သူဟာ နိုဝင်ဘာနိုင်ငံတကာပွဲတွေ ကစားချိန်မှာ ပြင်သစ်အသင်းအတွက် ပါဝင်ကစားပေးဖို့ ဆန္ဒရှိခဲ့ပေမယ့် နည်းပြက သူ့ကိုလူစာရင်းထဲမခေါ်ယူခဲ့ဘူးလို့ ပြောခဲ့တာပါ။

အခုအချိန်မှာတော့ နည်းပြဒက်ချမ့်က သူ့ကို ပြင်သစ်အသင်း လူစာရင်းထဲ ပြန်လည်ခေါ်ယူမယ်လို့ L'Equipe ရဲ့မေးမြန်းမှုကို အတည်ပြုခဲ့ပါတယ်။

ပြင်သစ်အသင်းအတွက် ၈၆ ပွဲ ကစားထားပြီး ၄၈ ဂိုးသွင်းယူထားတဲ့ ဘတ်ပီဟာ ရီးရယ်လ်အသင်းမှာ ခြေစွမ်းပြသ နေပြီး သူ့ရဲ့အကောင်းဆုံး ပုံစံတွေကို ပြန်လည် ရရှိနေပြီဖြစ်ပါတယ်။

ဘတ်ပီဟာ ပြီးခဲ့တဲ့ မန်စီးတီးအသင်းနဲ့ ချန်ပီယံလိဂ် ပလေးအော့ဖ် ပထမအကျော့ပွဲစဉ်မှာ ဂိုးသွင်းယူနိုင်ခဲ့တာ အပါအဝင် ရီးရယ်လ်အသင်းအတွက် ကစားထားတဲ့ ၃၆ ပွဲမှာ ၂၄ ဂိုး သွင်းယူထားတာပါ။

ပြင်သစ်အသင်းဟာ မတ်လထဲမှာ နေးရှင်းလိဂ် ကွာတားဖိုင်နယ်ပွဲစဉ်အဖြစ် ခရိုအေးရှားအသင်းနဲ့ အိမ်ကွင်း၊ အဝေးကွင်းယှဉ်ပြိုင်ရမှာ ဖြစ်ပါတယ်။

Source: Goal

ပုံ - ဘတ်ပီကို တွေ့ရစဉ်

#ဘောလုံးသတင်းစုံ

ကျားဖြန့်နှိမ်နင်းရေး တရုတ်ပြည်သူ့လုံခြုံရေးဒုဝန်ကြီးနှင့် မြန်မာ ဆွေးနွေး

ဖေဖော်ဝါရီ ၁၄

နယ်စပ်ဒေသရှိ အွန်လိုင်း လောင်းကစားနှင့် လိမ်လည်မှုကွန်ရက်(ကျားဖြန့်ဂိုဏ်း)များ နှိမ်နင်းရေး တရုတ်နိုင်ငံ ခြားရေးဝန်ကြီးဌာန၊ ပြည်သူ့လုံခြုံရေးဝန်ကြီးဌာန ဒုဝန်ကြီး မစ္စတာလျှိုကျုံးရီနှင့် နစက၏ ဒုဝန်ကြီးချုပ်နှင့် နိုင်ငံခြားရေးဝန်ကြီး ဦးသန်းဆွေတို့ ဖေဖော်ဝါရီ ၁၄ ရက် နေပြည်တော်မှာ တွေ့ဆုံ ဆွေးနွေးခဲ့သည်။

အဆိုပါ နှစ်နိုင်ငံ ဆွေးနွေးပွဲကို ဖေဖော်ဝါရီ ၁၄ ရက်နေ့ နေ့လယ် ၂ နာရီက ကျင်းပခဲ့ခြင်းဖြစ်ပြီး မြန်မာနိုင်ငံဆိုင် ရာ တရုတ်သံအမတ်ကြီး မစ္စမာကျားလည်း ပါဝင်ခဲ့သည်။

ထို့နောက် မြန်မာ-တရုတ် နှစ်နိုင်ငံ ပူးပေါင်းဆောင်ရွက်မှုဆိုင်ရာ စီမံကိန်းများ ဆက်လက် အကောင်အထည်ဖော် ရေး၊ နယ်စပ်ဖြတ်ကျော် မှုခင်းများ တိုက်ဖျက်ရေးအတွက် တရားဥပဒေဆိုင်ရာ ပူးပေါင်းဆောင်ရွက်မှုမြှင့်တင်ရေး၊ နယ်စပ်ဒေသရှိ အွန်လိုင်းလောင်းကစားနှင့် လိမ်လည်မှုကွန်ရက်(ကျားဖြန့်ဂိုဏ်း)များ ပူးပေါင်းတိုက်ဖျက်ရေး အတွက် နှစ်နိုင်ငံ သက်ဆိုင်ရာဌာနများအကြား ပူးပေါင်းဆောင်ရွက်မှု တိုးမြှင့်ဆောင်ရွက်သွားရေးတို့ကို ဆွေးနွေး ခဲ့ကြသည်။

အလားတူ မြန်မာ-တရုတ် နှစ်နိုင်ငံနယ်စပ်ဒေသများ တည်ငြိမ်အေးချမ်းရေး ပိုမိုမြှင့်တင်ရန် ဆက်လက် ပူးပေါင်း ဆောင်ရွက်သွားရေးကိစ္စရပ်များကိုလည်း ဆွေးနွေးခဲ့ကြသည်။

တရုတ်ပြည်သူ့လုံခြုံရေးဒုဝန်ကြီး မစ္စတာလျှိုကျုံးရီသည် ပြည်ထဲရေးဝန်ကြီး ဒုဗိုလ်ချုပ်ကြီးထွန်းထွန်းနောင်နှင့် လည်း တွေ့ဆုံ၍ ကျားဖြန့်ဂိုဏ်းများ နှိမ်နင်းရေး ဆွေးနွေးခဲ့ကြသည်။

မြန်မာနိုင်ငံ၊ ကရင်ပြည်နယ်၊ မြဝတီဒေသရှိ အွန်လိုင်းအသုံးပြုလိမ်လည်မှုနှင့် အွန်လိုင်းလောင်းကစားမှု တိုက်ဖျက်ရေးလုပ်ငန်းများကို ထိရောက်စွာ အကောင်အထည်ဖော်နိုင်ရေးအတွက် တရုတ်-မြန်မာ-ထိုင်း ၃ နိုင်ငံ အကြား အဆင့်မြင့် အရာရှိကြီးများ အစည်းအဝေး ကျင်းပရေးကိစ္စများကိုလည်း ဆွေးနွေးခဲ့ကြောင်း နစက-က ထုတ်ပြန်ခဲ့သည်။

ထိုင်း-မြန်မာနယ်စပ် မြဝတီမြို့၊ ရွှေကုက္ကိုလ်မြို့၊ ဘုရားသုံးဆူမြို့တို့တွင် ကျားဖြန့်ဂိုဏ်းများနှင့် လူမှောင်ခို ကူးခံရသူများ ရှိနေပြီ တရုတ်က နှိမ်နင်းပေးရန် ထိုင်းနှင့်မြန်မာကို ဖိအားပေးလျက်ရှိသည်။

ထို့နောက် ထိုင်းအစိုးရက မြဝတီမြို့၊ ရွှေကုက္ကိုလ်မြို့၊ ဘုရားသုံးဆူမြို့တို့ကို လျှပ်စစ်ဓာတ်အား၊ အင်တာနက်၊ လောင်စာဆီများ ဖြတ်တောက်လိုက်ပြီး ကျားဖြန့်ဂိုဏ်များ နှိမ်နင်းရေးနှင့် လူမှောင်ခို ကူးခံထားရသော နိုင်ငံ ခြားသားများကို လွှဲပြောင်းပေးရန် ဒီမိုကရေစီအကျိုးပြုကရင်တပ်မတော်(DKBA)နှင့် ကရင်နယ်ခြားစောင့်တပ် (BGF)တို့ကို ဖိအားပေးခဲ့သည်။

အဆိုပါ ဒေသများကို DKBA နှင့် BGF က ထိန်းချုပ်ထားခြင်းဖြစ်ပြီး ဖေဖော်ဝါရီ ၁၂ ရက်နှင့် ၁၃ ရက်များက လူမှောင်ခို ကူးခံထားရသူ နိုင်ငံခြားသား ၄၀၀ ကျော်ကို ထိုင်းဘက်သို့လွှဲပြောင်းပေးခဲ့သလို ရွှေကုက္ကိုလ်မြို့ အတွင်း BGF က စစ်ဆေးမှုများ ပြုလုပ်နေသည်။

#centralnewsnaypyitaw

#ကိုယ်တွင်းတိုက်ပွဲ
--------------------
တိုက်ပွဲတွေနေ့တိုင်းဖြစ်နေသည်။
စစ်တလင်းတွင်မဟုတ်၊ မိမိ၏ ကိုယ်တွင်း၌ဖြစ်သည်။
တိုက်ပွဲဟု ဆိုလိုက်လျှင် ဓားလှံလက်နက် သေနတ်တွေနှင့် တိုက်ခိုက်နေသည်ကိုသာ ပြေးမြင်ကြလိမ့်မည်။
လူတိုင်းသတိမထားမိသည့် တိုက်ပွဲမှာ နှလုံးသားနှင့် ဦးနှောက်ကြားက တိုက်ပွဲဖြစ်သည်။
နှလုံးသားက စိတ်ကူးယဉ်အိပ်မက်တွေဖြစ်နေစဉ် … ဦးနှောက်က သံသယဖြစ်နေပြီ။ အတွေးတွေနှင့် ရစ်ပတ်နှောင်ဖွဲ့ထားပြီး လှုပ်ချင်သောလက်နှင့် ခြေထောက်တွေကို တုံ့ဆိုင်းအောင် လုပ်စေသည်။
ထိုအချိန်လေးတွင်
လုပ်မလား … မလုပ်ဘူးလား ဆုံးဖြတ်ရ အခက်ဆုံးတိုက်ပွဲဝင်နေချိန်လည်းဖြစ်သည်။
ဆုံးဖြတ်ချက် ရဲရဲချနိုင်ရန် သတ္တိလိုသည်။
လူတစ်ယောက်ကို ဘာဟု ဆုံးဖြတ်ရန်ဆိုသည်မှာ ထိုသူ၏ ပြောင်မြောက်သော လုပ်ဆောင်ချက်တွေ အပေါ်တွင် မူတည်သည်။
မလုပ်၊ မရှုပ်၊ မပြုတ် ဆိုသူတွေကို ထည့်တွက်နေရန် မလိုပြီ။ ထိုသူတွေသည် သူရဲဘောကြောင်သူတွေသာ ဖြစ်သည်။
ကိုယ့်နှလုံးသားကို အောင်နိုင်ရန် ဦးနှောက်ကအရေးကြီးသည်။
ထို့ကြောင့်လည်း အရာရာတိုင်းကို နှလုံးသားနှင့် ဆုံးဖြတ်ခြင်းထက် ဦးနှောက်နှင့် ဆုံးဖြတ်ခြင်းကသာ အောင်ပွဲကို ရနိုင်သည်။
မိမိကိုယ်ကို အောင်နိုင်ခြင်းသည်သာလျှင် အောင်မြင်မှုအားလုံးထဲတွင် အောင်နိုင်ခြင်းဖြစ်သည်။
အချို့သော ကိစ္စများတွင် ဦးနှောက်ကို အားမဖြည့်ဘဲ နှလုံးသားအပေါ် အားဖြည့်ပေးလိုက်ခြင်းဖြင့် ဘဝတွင် ကျဆုံးရန် ဖြစ်လာလျှင် မိမိကိုယ်မိမိ အရှုံးပေးလိုက်ခြင်းသာဖြစ်သည်။
(Photo Credit: Freepik)
တင်ညွန့်
၆.၂.၂၀၂၅
#credit

YBS ဘတ်စ်ကားတွေပေါ်မှာ ခါးပိုက်နှိုက် ၁၂၀ ကို သက်သေခံပစ္စည်းတွေနဲ့အတူ ဖမ်းမိထား

ဖေဖော်ဝါရီ၁၅

YBS ယာဉ်များပေါ်တွင် ခါးပိုက်နှိုက်သူ အရေအတွက်၁၂၀ဦးကိုသက်သေခံပစ္စည်းများနဲ့အတူ ဖမ်းဆီးရမိထားကြောင်းရန်ကုန်တိုင်းဒေသကြီးပုဂ္ဂလိက သယ်ယူပို့ဆောင်ရေးကြီးကြပ်မှုကော်မတီ (YRTC)ကနေသိရပါတယ်။

ပြီးခဲ့တဲ့လ ဇန်နဝါရီ ၁၄ ရက် မှ ၃၁ ရက်နှစ်ပတ်ေကျာ်အချိန်အတွင်း YBS ယာဉ်များပေါ်တွင် ခါးပိုက်နှိုက်သူ ၁၂၀ ဦး၊ဖုန်း ၂၈၂ လုံး၊အိတ် ၁၁ လုံး၊ ငွေသား ၁၀ သိန်း တို့နဲ့အတူ သက်သေခံ ယာဉ်တစီးတို့ကိုပါ ဖမ်းဆီးထိန်းသိမ်းခဲ့ရတယ်လို့ဆိုပါတယ်။

“ခါးပိုက်နှိုက် ကျား ၁၁၄ ဦး နဲ့ မ ၆ ဦး စုစုပေါင်း ၁၂၀ဦး ဖမ်းဆီးရမိခဲ့တာပါ။ YBS ယာဉ်တွေပေါ်မှာ ခါးပိုက်နှိုက်သတိပြုဖို့သတိပေးထားသလို CCTV တွေလည်းတပ်ထားတာကို အချောင်သမားတွေ သိစေချင်ပါတယ်။ခါးပိုက်နှိုက်တွေဖမ်းမိ တဲ့YBS ယာဉ်လိုင်း တွေကတော့အစုံပါပဲ။"လို့ YRTCရဲ့တွဲဖက်အတွင်းရေးမှူးဦးလျန်ကျင့်မန် ကပြောပါတယ်။

ပြီးခဲ့တဲ့ဇန်နဝါရီ ၁ ရက်က ရန်ကုန်မြို့၊ဗိုလ်ချုပ်အောင်ဆန်းစျေးသစ်ရှေ့မှာတာဝန်ကျတဲ့ YRTCရဲ့ စစ်ဆေးရေးဝန်ထမ်းနှစ်ဦးကို ခါးပိုက်နှိုက်အဖွဲ့ကနေ အသက်အန္တရာယ်ကိုခြိမ်းခြောက်ခဲ့ရာ အဆိုပါဖြစ်စဉ်အား YRTCမှ ရန်ကုန်တိုင်းအစိုးရအဖွဲ့ နဲ့သက်ဆိုင်ရာ ရဲတပ်ဖွဲ့ကိုတင်ပြတိုင်ကြားခဲ့ပြီးနောက် ဇန်နဝါရီ ၂၀ ရက် နဲ့ ၃၀ ရက်မှာ ခြိမ်းခြောက်ခဲ့သူနှစ်ဦးအား ရဲတပ်ဖွဲ့မှ ဖမ်းဆီးရမိခဲ့တယ်လို့သိရပါတယ်။

ဒါကြောင့်အဲ့ဒီကနေ တဆင့် ဆက်စပ်လိုက်လံဖမ်းစီးခဲ့ရာမှာ ခါးပိုက်နှိုက်တွေကိုအရေအတွက်တရာကျော်အထိဆက်တိုက်ဖမ်းမိခဲ့တာဖြစ်ပြီးဖမ်းစီးရမိတဲ့YBSဘတ်စ်ကားတွေပြေးဆွဲနေတဲ့မြို့နယ်တွေထဲလှိုင်သာယာအနောက်ပိုင်းက၈၉ယောက်နဲ့အင်းစိန်မြို့နယ်ကအယောက်၃၀အများဆုံးဖမ်းမိပြီး ကျန်မြို့နယ်တွေကလည်းဖမ်းမိမှုတွေရှိနေတယ်လို့ဆိုပါတယ်။

" အခုက ခိုးဆိုးလုယက်တာတွေက များလာတာ။YBSပေါ်က ခါးပိုက်နှိုက်တွေဆိုလည်း တစ်ချို့ကမသိအောင်ယူတယ်။တစ်ချို့ကြတော့သိသွားရင်ရန်မူတာရှိတယ်။တစ်ချို့ခါးပိုက်နှိုက်ကြတော့လက်ထဲကိုင်ထားတာကိုလုပြေးတာမျိုး ဟိုတလောကဆို တာမွေကယုဇနပလာဇာရှေ့မှတ်တိုင်ခဏရပ်တဲ့YBS၆၄ ပေါ်ကအမျိုးသမီးရဲ့ဖုန်းကို ကားအောက်ကနေ ပြတင်းပေါက်ကတဆင့်လုပြေးတာ လုခံရတဲ့အမျိုးသမီးရောကားပေါ်ကလူတချို့ရောပြေးဆင်းပြီးလိုက်ကြတာပဲ ဖုန်းပြန်ရမရတော့သေချာမသိလိုက်ဖူး။ကားပေါ်မှာဖုန်းထုတ်သုံးမိတာကအစ အဲ့လိုလုတော့ ဆင်ခြင်နေရပြီပေါ့။အခုလည်း ခါးပိုက်နှိုက်တွေ ဖုန်းတွေနဲ့ပါမိထားတော့ အဲဒီဖုန်းတွေကို မူလပိုင်ရှင်တွေ ကိုပြန်ပေးဖို့ကြေညာတာတွေရှိမရှိ ဖုန်းလုခံရသူတွေကသိချင်နေကြတာရှိတယ်။YBSယာဉ်လိုင်းတွေနဲ့ လုံခြုံရေးတပ်ဖွဲ့တွေဘက်ကတော့ ဘာသတင်းမှထုတ်ပြန်တာမတွေ့မိဘူး"လို့ အင်းစိန်မြို့နယ်မှာနေထိုင်တဲ့ YBSစီးခရီးသွားတယောက်ကပြောပါတယ်။

YBS ယာဉ်လိုင်းများပေါ်တွင် ခါးပိုက်နှိုက်ခံရသူများ များပြားနေပြီး ဓားထောက်လုယက်ခြင်း နဲ့ရိုက်နှက်လုယက်ခံရတဲ့ဖြစ်စဉ်များလည်း နေ့စဉ်နဲ့အမျှဖြစ်ပွားလျက်ရှိ နေတာကြောင့်ခါးပိုက်နှိုက်များကို အမြစ်ပြတ်တဲ့အထိဖမ်းစီးအရေးယူသွားနိုင်ဖို့ YBSစီးနင်းသူ ခရီးသွားပြည်သူများက တာဝန်ရှိသူတွေကို တိုက်တွန်းပြောဆိုထားပါတယ်။

Photo:CJ

Credit - VOM News Agency

#သတင်းဟင်းလေးအိုးကြီး

အပြာလား လိမ္မော်လား

မြဝတီဒေသရှိ ကျားဖြန့်တိုက်ဖျက်ရေးကိစ္စ တရုတ် နှင့် မြန်မာ ဆွေးနွေး
----------------------------
ကရင်ပြည်နယ်၊ မြဝတီဒေသရှိ အွန်လိုင်းလိမ်လည်မှု နှင့် အွန်လိုင်းလောင်းကစားမှု တိုက်ဖျက်ရေး ပူးပေါင်း ဆောင်ရွက်နေတဲ့ ကိစ္စရပ်တွေနဲ့ပတ်သက်ပြီး ပြည်ထဲရေးဝန်ကြီးဌာန ပြည်ထောင်စုဝန်ကြီး ဒုတိယဗိုလ်ချုပ်ကြီး ထွန်းထွန်းနောင်ဟာ မြန်မာနိုင်ငံဆိုင်ရာ တရုတ်ပြည်သူ့သမ္မတနိုင်ငံ သံအမတ်ကြီး မစ္စ မာကျား၊ တရုတ်ပြည်သူ့ လုံခြုံရေး ဝန်ကြီးဌာန လက်ထောက်ဝန်ကြီး မစ္စတာ လျိုကျုံးရီ တို့နဲ့ တွေ့ဆုံဆွေးနွေးခဲ့ပါတယ်။
ဖေဖော်ဝါရီ ၁၄ ရက်က နေပြည်တော်၊ ပြည်ထဲရေးဝန်ကြီးဌာန အစည်းအဝေးခန်းမမှာ တွေ့ဆုံဆွေးနွေးခဲ့တာ ဖြစ် ပြီး ပြည်ထဲရေးဝန်ကြီးဌာနက အဆင့်မြင့် အရာရှိကြီးတွေ နဲ့ တရုတ်နိုင်ငံဘက်က ကိုယ်စားလှယ်တွေ နဲ့ တရုတ် သံရုံးက တာဝန်ရှိသူတွေ တက်ရောက်ခဲ့ကြပါတယ်။
တွေ့ဆုံစဉ် မြန်မာ-တရုတ် နှစ်နိုင်ငံအကြား လုံခြုံရေး နှင့် တရားဥပဒေစိုးမိုးရေးဆိုင်ရာ ကိစ္စရပ်တွေမှာ ပူးပေါင်း ဆောင်ရွက်မှု တိုးမြှင့်ရေး အွန်လိုင်းအသုံးပြု လောင်းကစားမှုတွေ နဲ့ ဆက်သွယ်ရေး လိမ်လည်မှုတွေ အပါအဝင် နယ်စပ်ဖြတ်ကျော် မှုခင်းတွေကို နှစ်နိုင်ငံ ပူးပေါင်းတားဆီးနှိမ်နင်းရေး ကိစ္စရပ်တွေ နှစ်နိုင်ငံ ချစ်ကြည်ရင်းနှီးစွာ ပူး ပေါင်းဆောင်ရွက်ရေးဆိုင်ရာ ကိစ္စရပ်တွေကို ဆွေးနွေးခဲ့ကြပါတယ်။
အဲဒီအပြင် မြန်မာနိုင်ငံမှာ အခက်အခဲကြုံတွေ့နေရတဲ့အတွက် ကူညီကယ်တင်ပေးဖို့ မေတ္တာရပ်ခံထားတဲ့ တရုတ် နိုင်ငံသားတွေနဲ့ ပတ်သက်တဲ့ အခြေအနေနဲ့ သူတို့ကို ကူညီကယ်တင်/လွှဲပြောင်းနိုင်မှု အခြေအနေတွေ တရားမဝင် ဝင်ရောက်လာတဲ့ နိုင်ငံခြားသားတွေကို ဥပဒေနဲ့အညီ အမြန်ဆုံး အရေးယူပြည်နှင်လွှဲပြောင်းမှုတွေနဲ့ပတ်သက်ပြီး ဆွေးနွေးခဲ့ပါတယ်။
ဆက်လက်ပြီး ကရင်ပြည်နယ်၊ မြဝတီနယ်မြေအတွင်း တရားမဝင် ရောက်ရှိနေတဲ့ နိုင်ငံခြားသားတွေကို လုပ်ထုံး လုပ်နည်းနဲ့အညီ ပြည်နှင်နိုင်ရေး ဆောင်ရွက်နေမှု မြဝတီဒေသရှိ အွန်လိုင်းအသုံးပြု လိမ်လည်မှုနဲ့ အွန်လိုင်းလောင်းကစားမှု တိုက်ဖျက်ရေးလုပ်ငန်းတွေကို ထိရောက်စွာ အကောင်အထည်ဖော်နိုင်ရေးအတွက် တရုတ်-မြန်မာ-ထိုင်း ၃ နိုင်ငံအကြား အဆင့်မြင့် အရာရှိကြီးများ အစည်းအဝေး ကျင်းပပြုလုပ်နိုင်ရေး ကိစ္စရပ်တွေ ကိုပါ ဆွေးနွေးကြပါတယ်။
အဲဒီနောက်မှာတော့ နှစ်နိုင်ငံ ဝန်ကြီးဌာန ၂ ခုအကြား လက်ရှိ ပူးပေါင်းဆောင်ရွက်နေတဲ့ ကိစ္စရပ်တွေ နဲ့ အနာ ဂတ်မှာ ဆက်လက်ပူးပေါင်းဆောင်ရွက်သွားမယ့် ကိစ္စရပ်တွေအပေါ် အမြင်ချင်း ဖလှယ်ဆွေးနွေးခဲ့ကြပါတယ်။

Other -နင့်ကိုနင် ဘယ်လိုမြင်လဲ
Me-