Toner သုံးတဲ့အခါ
မှားတတ်ကြသော အမှားများ❗
အားလုံးပဲ မင်္ဂလာပါ၊ ဒီနေ့မှာတော့ Nyi က toner သုံးတဲ့အခါ လူတော်တော်များများ မှားနေကြတဲ့ အချက်လေးတချို့ကို အမှန်ပြင်ပေးချင်တယ်နော်။ လုံးဝကြီးမှားတယ်ဆိုတာထက် ဒီလိုလေးတွေ ပြုပြင်ပြီးသုံးပေးရင် ပိုကောင်းသွားမယ်ပေါ့။ အသားအရေကောင်းဖို့လဲ အထောက်အကူပြုမယ်၊ အကုန်အကျလဲ သက်သာစေမယ်ဆိုတော့ ဘာတွေဖြစ်မလဲ ဖတ်ကြည့်လိုက်ပါဦး...
1. Viscous toner ကို cotton pad နဲ့သုံးတာ✅
Viscous toner ဆိုတဲ့နေရာမှာ Nyi က toner တခုရဲ့ texture က gel type, ampoule type, serum type, lotion type စတဲ့အမျိုးအစားတွေကို ဆိုလိုချင်တယ်။ ဒီလို viscous toner တွေကို ကိုယ်ကသုံးမယ်ဆိုရင် အကောင်းဆုံးနည်းလမ်းက လက်နဲ့လိမ်းတာပဲနော်။ မျက်နှာပေါ်လိမ်းရတာလဲ smooth ဖြစ်မယ်၊ ပမာဏနဲနဲနဲ့ ကိုယ့်မျက်နှာအတွက်လဲ လုံလောက်စေမယ်၊ အကုန်အကျလဲ သက်သာမယ်ပေါ့နော်။ အဓိကကတော့ Nyi အနေနဲ့ အဲ့လို toner တွေကို cotton pad နဲ့ လုံးဝမသုံးစေချင်ဘူး။ ဘာလို့ဆို Nyi ကိုယ်တိုင် သုံးကြည့်ဖူးလို့သိတယ်၊ လုံးဝကိုမလိုက်ဖက်ဘူး။ အဆိုးဆုံးက မျက်နှာပေါ်ဖြန့်ရတာ ခက်သွားတဲ့အပြင် တခြား toner တွေနဲ့ယှဉ်ရင် သူတို့ကို cotton pad က ပိုစုပ်လို့ toner လဲ ပိုကုန်တယ်၊ user experience လဲ မကောင်းဘူး။ ဒါကြောင့် consistency ပျစ်တဲ့ toner တွေဆိုရင် လက်နဲ့ပဲ apply ဖြစ်ဖို့ Nyi အနေနဲ့ အကြံပြုပါရစေ။
2. Toner သုံးပြီး နောက်ကဘာမှလိုက်မလိမ်းတာ✅
Toner ဆိုတာ တကယ်တမ်း skincare routine ထဲမှာ အဖြည့်ခံ supporting step တခုသာသာပဲ။ သုံးပေးရင် အနည်းနဲ့အများ အကျိုးကျေးဇူးရစေမယ်၊ မသုံးရင် ဘာဖြစ်မလဲဆို ဘာမှမဖြစ်ဘူး It's okay! မသုံးမဖြစ်ထဲမှာ သူမပါဘူး။ ဒါကြောင့် Nyi အမြဲမှာလေ့ရှိတယ်၊ skincare ဝယ်တဲ့အခါ toner ကနေ စမဝယ်ပါနဲ့လို့။ Toner အရင်ဝယ်ပြီး တခြားအရေးကြီးတာတွေ ဝယ်ဖို့ ပိုက်ဆံမလောက်တော့ရင် အခက်တွေ့နိုင်တယ်။ အထူးသဖြင့် သူ့တမျိုးထဲနဲ့ မပြီးတဲ့ toner မျိုး ဝယ်မိရင်ပေါ့။ ဘာပဲဖြစ်ဖြစ် toner ဆိုတာ ဘာမှမလိမ်းဘဲ သူ့တမျိုးထဲလိမ်းရုံနဲ့ perfect ဖြစ်တဲ့ step မျိုးမဟုတ်တော့ သူ့လိမ်းပြီး အနောက်ကနေ moisturizer, sunscreen တို့လိုက်ပေးဖို့ လိုအပ်ပါတယ်။ မဟုတ်ရင် ကိုယ်သုံးတဲ့ toner အမျိုးအစား(oil control, exfoliating toner) ပေါ်မူတည်ပြီး side effects ကြုံရတာမျိုး ရှိနိုင်တယ်နော်။ Moisturizer တော့ အနည်းဆုံး လိုက်လိမ်းပေးပါ။
3. ကိုယ်သုံးနေတဲ့ toner က ဘာအမျိုးအစားလဲ မသိတာ✅
ကိုယ်စီးတဲ့မြင်း အထီးလားအမလား မသိဘူးဆိုတာမျိုး။ Toner ဆိုတဲ့နေရာမှာ သူ့ function နဲ့သူ အမျိုးအစားတွေကွဲသေးတယ်။ ဒါကို Nyi တို့က မသိနားမလည်ဘဲ 'toner ဆိုတာ မျက်နှာလိမ်းတဲ့ဟာပဲ' ဆိုပြီး ရမ်းသမ်းလိမ်းမိနေရင် ကျိန်းသေပေါက် ကောင်းကျိုးထက် ဆိုးကျိုးပိုလိမ့်မယ်။ ကောင်းတာက toner မှမဟုတ်ဘူး၊ ကိုယ့်မျက်နှာပေါ်တင်မယ့် ဘယ်ပစ္စည်းအကြောင်းကိုမဆို နည်းနည်းပါးပါး နားလည်အောင်တော့ လုပ်ထားသင့်တယ်လို့ Nyi တော့မြင်တယ်။ သူက ဘာအတွက်ကောင်းလဲ? သူ့ထဲမှာ ဘာတွေပါလဲ? ဘယ်လိုသုံးရလဲ? ဆောင်ရန်ရှောင်ရန် ဘေးထွက်ဆိုးကျိုးတွေ ဘာရှိလဲ? စသဖြင့် သိထားဖို့အရေးကြီးပါတယ်။ ဘာကြောင့်လဲဆိုရင် ဘယ်လောက်ကောင်းပါတဲ့ နာမည်ကြီးလှတဲ့ product ဖြစ်စေကာမူ သူ့အညွှန်းအတိုင်း သုံးမှပဲ Nyi တို့ အကျိုးကျေးဇူးရနိုင်လိမ့်မယ်။ Especially, exfoliating toner/dark spot toner တွေသုံးတဲ့အခါ ဒါသိပ်ကိုအရေးကြီးတယ်။
4. Exfoliating toner ကို လက်နဲ့သုံးတာ✅
Exfoliating effect ပါတဲ့ toner တွေဆိုတာ ခုနောက်ပိုင်းမှာ အရမ်းကိုတွေ့ရများလာတဲ့ အုပ်စု။ Active ingredients တွေ ခေတ်စားလာတာနဲ့ထပ်တူ သေချာသုံးနိုင်ရင် result လဲ ကောင်းမွန်တာမလို့ Brand တွေကနေ ပိုထုတ်လာတယ် ပြောရမှာပေါ့နော်။ အဲ့လို exfoliating toner တွေ သုံးတဲ့အခါမျိုးမှာဆိုရင် တွေ့ရများတဲ့အမှားတခုက cotton pad နဲ့မသုံးဘဲ လက်နဲ့သုံးနေကြတာပဲ။ တချို့ Influencers တွေ Bloggers တွေကအစ မှားနေကြတုံး, တွေ့ရတယ်။ Nyi အပေါ်မှာ စကားခံခဲ့သလို လုံးဝကြီးလက်ခံလို့မရတာတော့ မဟုတ်ပေမဲ့လို့ လက်နဲ့သုံးမယ်ဆိုရင် acids တွေက skin ပေါ်မှာ even application မရတာမျိုး ဖြစ်နိုင်တယ်။ တချို့နေရာတွေ မရောက်၊ တချို့နေရာတွေမှာ အိုင်ကုန်လို့ မလိုအပ်တဲ့ skin irritation တွေ ကြုံနိုင်တယ်။ နောက်ပြီး ရှောင်လိမ်းရမယ့် နှုတ်ခမ်း မျက်လုံးတဝိုက်နေရာတွေပါ ရောက်ကုန်နိုင်လို့ exfoliating toner ဆိုရင် cotton pad နဲ့ပဲ သုံးပေးပါ။
5. Toner ကို တွေ့ကရာဝယ်သုံးတာ✅
Nyi တို့ပတ်ဝန်းကျင်မှာ 'toner မသုံးလို့ ချွေးပေါက်ကျယ်တာ၊ ချွေးပေါက်ကျဉ်းချင် toner သုံး၊ toner မသုံးရင် pH balance မဖြစ်လို့ အသားအရေထိခိုက်နိုင်တယ်၊ toner က မသုံးမဖြစ်၊ အရေးကြီးဆုံးပဲ' ဆိုတဲ့စကားတွေ bloggers တွေအစ skincare shop တွေအဆုံး အမြဲပြောလေ့ရှိတာ သတိထားမိမယ်ထင်တယ်။ မှားတာမှန်တာ အသာထား! အဲ့စကားတွေနောက်ကနေ အကြောက်လွန်ပြီး တွေ့ရာ toner ဆွဲဝယ်သုံးမှာက skincare အကြောင်း နားမလည်တဲ့ user တချို့ပဲ။ အဲ့ဒီမှာ ကိုယ့်အသားအရေနဲ့ ကိုက်ညီတာကို သေချာရွေးမသုံးတော့ မတည့်တာတွေဖြစ်ပြီး ငါးပါးမှောက်ကရော။ Nyi အပေါ်မှာကို ပြောခဲ့တယ်၊ toner က မရှိမဖြစ်မဟုတ်ဘူးလို့။ Toner မဖြစ်မနေသုံးဖို့ ကိုယ့်ကိုကိုယ် force ပေးဖို့မလိုသလို toner ဖြစ်ရင်ပြီးရော ပြီးစလွယ်ဝယ်သုံးတာလဲ မဖြစ်သင့်ဘူး။ အဲ့အတွက် မှာချင်တာက 'toner မသုံးလို့ ဘာမှမဖြစ်ဘူး၊ မှားသုံးရင်တော့ skin ထိမယ်'။
ဒီလောက်ပါပဲ။ ဖတ်ရအဆင်ပြေမယ်လို့ မျှော်လင့်ပါတယ်နော်။ Nyi ရေးတဲ့စာတွေကို အချိန်ဖဲ့ပြီး ဖတ်ရှုပေးတဲ့ blog readers တဦးတယောက်ချင်းစီတိုင်းကို ကျေးဇူးအများကြီးတင်ပါတယ်🫶
#knowledgesharingbynyi
#reviewbynyi
