မော်တင်စွန်းဘုရားသမိုင်းနှင့် အံ့ဖွယ် ၁၈ ပါး 🙏🙏🙏
မော်တင်စွန်းဘုရားသည် ဧရာဝတီတိုင်း ပုသိမ်ခရိုင် ငပုတောမြို့နယ်မော်တင်စွန်းတွင်တည်ရှိသည် မော်တင်စွန်းကို နဂါးရစ်တောင် . သရဏတောင် ( သို့မဟုတ် ) နီဘန်တောင် ဟုခေါ်တွင်သည်။
ဘုရားသမိုင်း
ဆံတော်ရှင်စေတီတော်မှာ မြတ်စွာဘုရားပွင့်တော်မူစဉ် ဥက္ကလာပတိုင်းသားများဖြစ်သောကုန်သည် တဖုသနှင်ဘလ္လိက ညီနောင်တို့သည်သက္ကရစ် ၁၀၃ ခုနှစ်တွင် မြတ်စွာဘုရားရှင်ထံတော်မှ ဆံတော်ရှစ်ဆူကိုပထမဦးစွာ ပင့်ဆောင်ပူဇော်ခွင့်ရခဲ့လေသည်။
ကုန်သည်ညီနောင်တို့သည်ရေလမ်းခရီးဖြင့်မြန်မာနိုင်ငံသို့ပြန်လာခဲ့ရာ ဇေယျသေန နဂါးမင်း၏ပိုင်နက်ဖြစ်သောနဂရအငူသို့ဖြတ်သန်းရာတွင် ဇေယျသေန နဂါးမင်းမှ ဆံတော်နှစ်ဆူ ပင့်ဆောင်ယူပြီး မော်တင်ထိပ်၌ စိုင်တမော့အရွယ် စေတီတဆူ ဌာပနာတော်မူ၍ တည်ထားကိုးကွယ်ခဲ့သည်။ ယခင်ဘွဲ့အမည်အားဖြင့် '' မဟာမကုဋရံသီ ''မည်တွင်ခဲ့သည်။
ပြုပြင်မှုများ
သီရိဓမ္မာ အာသောကမင်းကြီးမှ သာသနာတော်သက္ကရာစ် ၂၃၆ တွင် အရှင်မဟာမောဂလ္လိ တိဿမထေရ်နှင့်အရှင်ဥတ္တရမထေရ်မြတ်ကြီးနှစ်ပါး၏တန်ခိုးတော်ဖြင့် မင်း မိဖုရားမောင်းမ မိဿန်စုံညီစွာပြုပြင်မွမ်းမံခဲ့သည်။
သက္ကရာဇ် ( ၄၅၇ ) တွင် ပုဂံပြည့်ရှင် အလောင်းစည်သူမင်းကြီးသည် ပင်လယ်ရပ်ခြား တိုင်းနိုင်ငံများသို့ရေလမ်းခရီးဖြင့်လှည့်လည်ရာတွင် မော်တင်တောင်ထိပ်ရှိ ဆံတော်ရှင်စေတီတော်မှရောင်ခြည်တော်ကွန့်မြူး၍ ဖေါင်တော်ဆိုက်ခါ တက်ရောက်ဖူးမျှော်ခဲ့လေသည်။ မူလစေတီတော်ကိုငုံ၍ သံတောင် ၄၀ အရွယ် စေတီတော်မြတ်ကြီးအဖြစ်ထည်ထားပြုပြင်ခဲ့သည်။ဖောင်တော်ဦးဘုရား '' ဘွဲ့တော်တွင်စေခဲ့ပြန်သည်။
စတင်တည်ထားသည်မှစ၍ ယနေ့အထိ ၁၂၇၈ သက်တမ်း နှစ်ရှိပြီဖြစ်ကြောင်းမှတ်သားရသည်။ ဖောင်တော်ဆိုက်ရောက်၍ ဖေါင်တော်ဦးဘုရားအဖြစ် တပေါင်းလတွင်ဗုဒ္ဓပူဇနိယ ပွဲတော်ကျင်းပခဲ့သည်။ ထိုအစဉ်အလာကို အစပြု၍ ဘုရားပွဲတော်ကို တပေါင်းလတွင် ယနေ့တိုင်ကျင်းပခဲ့ကြသည်။
မော်တင်စွန်းစေတီတော်မြတ်ကြီး၏ ထူးခြားအံ့ဖွယ် ( ၁၈ ) ပါး
( ၁ ) ညအခါစေတီတော်တွင်တစ်ယောက်တည်းအဓိဌာန်ပြီး(၇)ပတ်ပြီး ရစ်ပတ်ပါက ရွှေသံငွေသံကြားရခြင်း။
( ၂ ) ဒုတိယကမ္ဘာစစ်အတွင်းကအင်္ဂလိပ်များအမြောက်မိုး၊စက်သေနတ်မိုး၊ဗုံးမိုးရွာသော်လည်းကျည်ဆန်တစ်ခုမျှမခခြင်း။
( ၃ ) လပြည့်-လကွယ်ရောင်ခြည်တော်လွှတ်လေ့ရှိခြင်း။
( ၄ ) တောင်ကုန်းနှင့်ပရ၀ဏ်တွင်ရာသီပန်းတို့မပြတ်ပွင့်ခြင်း။
( ၅ ) ညချမ်းအခါစေတီကုန်းတော်တွင်အမွှေးရနံ့လှိုင်တက်ခြင်း။
( ၆ ) ခေါင်းလောင်းများမတီးဘဲမြည်တတ်ခြင်း။
( ၇ ) ယခုထက်တိုင်ရံဖန်ရံခါဆွမ်းများဦးအောင်မတင်နိုင်ခြင်း။
( ၈ ) နှစ်စဉ်နှစ်တိုင်းဘုရားပွဲတော်ဖြစ်သော်လည်းခိုက်ရန်ဖြစ်ပွားသော ဘေးအန္တရာယ်မရှိခြင်း။
( ၉ ) နတ်ကျား၊နတ်နဂါးတို့ဘုရားလာဖူးသော်လည်းလူတို့ကိုဒုက္ခမပေးခြင်း။
( ၁၀ ) လပြည့်-လကွယ်တွင်စေတီကုန်းတော်မှမောင်းသံ၊ဗုံသံစသော တူရိယာအမျိုးမျိုးတို့၏အသံကိုအရုဏ်ဦးတွင်ကြားရတတ်ခြင်း။
( ၁၁ ) ဘေးအန္တရာယ်များကျရောက်ပါကစေတီတော်ကြီးအားအာရုံပြုဆုတောင်းလိုက်ပါကဘေးအန္တရာယ်မှကင်းဝေးခြင်း။
( ၁၂ ) တပေါင်းလပွဲတော်ကြီးဖြစ်ခါနီးတွင်ကျီးအုပ်ကြီးများ၊အမျိုးအမည်မသိသောငှက်အုပ်ကြီးများ တောင်တော်နှင့်စေတီတော်အားပျံဝဲကြခြင်း။
( ၁၃ ) ဘုရားပွဲတော်တွင်လူအပေါင်းသိန်းသန်းချီရောက်သော်လည်းတောင်တော်တွင်လူပြည့်သည်ဟုမရှိခြင်း။
( ၁၄ ) ဘုရားပွဲတော်တွင်ဆွမ်းတော်တင်တောင်ပုံရာပုံစွန့်ထားသော်လည်း ကျီးတစ်ကောင်မျှလာရောက်စားသောက်မှုမရှိခြင်း။
( ၁၅ ) ဘုရားပွဲတော်တွင်လူအပေါင်းသိန်းသန်းချီရောက်သော်လည်းတောင်တော်တွင်လူပြည့်သည်ဟုမရှိခြင်း။
( ၁၆ ) ယုံကြည်စွာဖြင့်စေတီတော်ရင်ပြင်တွင်သစ္စာအဓိဌာန်ကာ ပုတီးစိပ်ပါကရင်ပြင်တော်မှမြည်ဟိန်းသံကြားရတတ်ခြင်း။
( ၁၇ ) နှစ်စဉ်တပေါင်းလတွင်အကြောင်းတစ်စုံတစ်ရာကြောင့်ဘုရားပွဲတော်မကျင်းပနိုင်ပါကတောင်တော်မြည်ဟိန်းခြင်း။
( ၁၈ ) စေတီတော်ကိုအဝေးမှမြင်ရလျှင်လည်းကောင်းး စေတီတော်ပရဝိဏ်သို့ကြည်ညိုစိတ်ဖြင့်ရောက်မိသည်နှင့်ဖူးမြော်ဦးတိုက်လျှင်ကာယသုခ၊စိတ္တသုခနှစ်ပါးချမ်းမြေ့ရခြင်း တို့ဖြစ်ပါသည်။
ထူးခြားအံ့ဖွယ် ဤ (၁၈)သွယ် နောင်တော်နဂါးမင်းသစ္စာပြုတည် မြတ်မော်တင်ဘုရား နဂါးဆက်များဦးတိုက်ကြ တစ်နှစ်တစ်လဖူးမဝ မော်တင်စွန်းမှာ မြူးပျော်ကြ တပို့တွဲလ တပေါင်းည ထူးခြားပွင့်မည်ည
ဓာတ်အပေါင်းစုံညာ တို့သာသနာ နေရောင် လရောင်ထွန်းလင်းမည် .....
နတ်နဂါး သိုက်နဂါး ကောင်းကင်နဂါး တောတောင်နဂါး ကုန်းနဂါး ရေနဂါး နဂါးနီ နဂါးဖြူ နဂါးစိမ်း ရွှေနဂါး မြွေနဂါးများ အရှေ့ အနောက် တောင် မြောက် ဘောဂဝတီဆွေတော်မျိုးတော်များ နဂါးမင်းကြီး နဂါးမယ်တော်ကြီး၏ အခြွေတော်အရံတော် အနွယ်ဝင်များ ရေစင်္ကြဝဠာနဂါးသိုက်ချုပ်ဘိုးဘိုးများ မယ်တော်ကြီးများ ဇေယျသေနနဂါးမင်းနှင့် ညီမတော်များ အမတော်မြနန်းနွယ်တို့မိသားစုနှင့် ၁၀၂၄မျိုးသော သာသနာအကျိုးပြုနဂါးမျိုးနွယ်စုအားလုံးတို့ကြွရောက်ဦးတိုက်သည့် မဟာအောင်မြေဘုရား ဘောဂဝတီမျိုးနွယ်စုအားလုံး၏ ထူးခြားသည့်နယ်မြေ မော်တင်စွန်းဘုရားအောင်မြေသို့ အရောက်လှမ်းဖို့ ဖိတ်ခေါ်ချက်ဖြင့် အောင်စေ ပိုင်စေ အေးချမ်းစေဖို့ ဘဝဘောဂတောင်းတိုင်းတ လိုတိုင်းရစေမည့် မြတ်မော်တင်စွန်းဘုရားမှာ ဆုတောင်းသစ္စာပြုပြီး အောင်မြင်မူအပေါင်းရရှိနိုင်ကြစေသတည်း
လမ်းညွှန်
ဘုရားဖူးမျှော်ရန် ကုန်းလမ်း ရေလမ်း နှစ်သွယ် ရှိပါသည်။
အနယ်နယ်အရပ်ရပ်မှ ဘုရားဖူးများ စိတ်ချမ်းမြေ့စွာကုသိုလ်ပြုနိုင်ရန် ပုသိမ်ကမ်းနားမှ
ရွှေစင်ကြယ် ပုသိမ်သူ ကမ်းရိုးတန်း အမြန်ယဉ် များဖြင့်လည်ကောင်း
ကုန်းလမ်းမှ
ပုသိမ်- သလပ်ခွာ - မော်တင်စွန်း ကားလမ်းမှကားများဖြင့်လည်းကောင်း
သွားရောက်နိုင်ပါသည်။
#သွားမယ်&တည်းမယ်
