၄ပွဲကန် ၃ပွဲ MVP
မှားနေတာ မန်ယူလားဘယ်သူလဲ

Gulliver's Travels ( 2010 )
အညွှန်း*
လူပုလေးတွေနေတဲ့ကျွန်းပေါ်ထူးထူး ဆန်းဆန်းရောက်ရှိသွားတဲ့အကြောင်းကို ဇာတ်အိမ်ဖွဲ့တင်ဆက်ထားတဲ့ စွန်းစားခန်း (Fantasy/Adventure) ရုပ်ရှင်ကောင်းပဲဖြစ်ပါတယ်။ ဒီဇာတ်လမ်းကို ပိုပြီးအားကောင်းအောင်လို့ ကျွန်တောတို့ရဲ့ ဟာသမင်းသားကြီး (Jack Black) က အားဖြည့်သရုပ်ဆောင်ပေးထားပါတယ်။
ဇာတ်လမ်းအကျဉ်းကတော့ စာတိုက်ရုံးမှာအလုပ်လုပ်တဲ့ မင်းသား Jack Black ကတစ်နေ့တာ့ ဘာမြူဒါ တြိဂံ ကိုလေ့လာရေးခရီးထွက်တဲ့အခါမှာ မုန်တိုင်းမိပြီးတော့ လူပုလေးတွေနေတဲ့ကျွန်းကိုရောက်သွားတာ ပါ။ ပထမတော့ ရန်သူအဖြစ် ဆက်ဆံကြပေမယ့် နောက်ပိုင်းလူပုလေးကျွန်းနှစ်ကျွန်းတိုက်ပွဲကိုဝင်ရောက် ကူညီဖြစ်သွားတဲ့ဇာတ်လမ်းလေးပါ။ ကြည့်လို့တကယ်ကောင်းသလို ရီနေရမယ့် ဇာတ်လမ်းလေးဖြစ်တာ မို့ ကြည့်ရူ့လိုက်ပါအုံးနော်။

ManU VS Spur
ဇယားအောက်က အပေါ်အောက်က အထည်ကြီးပျက်နှစ်သင်းတွေ့တဲ့ပွဲပီပီ နှစ်သင်းစလုံးပြောစရာတွေများခဲ့ပါတယ်။ ဒီထက်ဂိုးပြတ်သင့် အဆုံးသတ်တွေသေချာသင့်တဲ့ စပါးလည်း ဂိုးမပြတ်ခဲ့သလို ဟုတ်ကိုမဟုတ်တဲ့ငဆိုက်တို့ကတော့ ရှုံးစရာရှိသလောက် အဝရှုံးခဲ့ပြီး အိမ်ကွင်းအဝေးကွင်း နှစ်ပွဲလုံး ရှုံးခဲ့ကာ အဆင့် ၁၅ ထိ ရောက်ခဲ့ပါပြီ။

ကျားဖြန့်နှိမ်နင်းရေး တရုတ်-မြန်မာ-ထိုင်း ဆွေးနွေး

ဖေဖော်ဝါရီ ၁၇

မြန်မာနိုင်ငံ၊ ကရင်ပြည်နယ်အတွင်းက ကျားဖြန့်(အွန်လိုင်းငွေလိမ်လည်ဂိုဏ်း)နှိမ်နင်းရေးအတွက် တရုတ်-ထိုင်း-မြန်မာ သုံးနိုင်ငံမှ အဆင့်မြင့်အရာရှိကြီးများ တွေ့ဆုံ၍ ၂၀၂၅ ခုနှစ်၊ ဖေဖော်ဝါရီ ၁၇ ရက်က ဆွေးနွေးခဲ့ကြသည်။

အဆိုပါ တွေ့ဆုံဆွေးနွေးပွဲကို မြန်မာဘက်ခြမ်းတွင် ပြုလုပ်ခဲ့ပြီး မြန်မာဘက်က ပြည်ထဲရေးဒုဝန်ကြီး ဗိုလ်ချုပ် အောင်ကျော်ကျော်နှင့် ဒုတိယရဲချုပ်တို့ ဦးဆောင်တက်ရောက်ခဲ့သလို တရုတ်ဘက်က ပြည်သူ့လုံခြုံရေးဒုဝန်ကြီး မစ္စတာလျှိုကျုံးရီနှင့် တရုတ်-မြန်မာ-ထိုင်း သုံးနိုင်ငံညှိနှိုင်းရေးအဖွဲ့ အတွင်းရေးမှူးတို့ ဦးဆောင်တက်ရောက်ခဲ့ သည်။

ထို့နောက် ထိုင်းဘက်က ကာကွယ်ရေးဝန်ကြီးကိုယ်စား General Trisak Indraransmi နှင့် ကာကွယ်ရေးဝန်ကြီး ဌာနအကြံပေး Mr. Sakhorn Boongullaya တို့ ဦးဆောင်တက်ရောက်ခဲ့သည်။

ထိုသုံးနိုင်ငံ အဆင့်မြင့်ကိုယ်စားလှယ်များသည် မြန်မာနိုင်ငံ၊ ကရင်ပြည်နယ်၊ မြဝတီမြို့၊ ရွှေကုက္ကိုလ်မြို့နှင့် KK Park နယ်မြေများသို့ သွားရောက်၍ ကျားဖြန့်ဂိုဏ်းများမှ လူကုန်ကူးခံထားရသူများကို တွေ့ဆုံခဲ့သည်။

ထို့နောက် သုံးနိုင်ငံကိုယ်စားလှယ်များသည် မြဝတီမြို့၌ ထိန်းသိမ်းထားသည့် ပြည်ပနိုင်ငံသားများကို သက်ဆိုင်ရာ နိုင်ငံများသို့ အမြန်ဆုံး လွှဲပြောင်းပေးအပ်နိုင်ရေး ဆွေးနွေးခဲ့ကြသည်။

မြန်မာအစိုးရသည် ကရင်ပြည်နယ်၊ မြဝတီမြို့၊ ရွှေကုက္ကိုလ်မြို့နှင့် KK Park နယ်မြေများရှိ ကျားဖြန့်ဂိုဏ်းများနှင့် လုပ်ငန်းများကို စစ်ဆေးဖော်ထုတ်ခဲ့ရာ ၂၀၂၅ ခုနှစ်၊ ဇန်နဝါရီ ၃၀ ရက်မှ ဖေဖော်ဝါရီ ၁၆ ရက်အထိ ပြည်ပနိုင်ငံသား ၁၀၃၀ ဦးကို ထိန်းသိမ်းနိုင်ခဲ့သည်။

အဆိုပါ ထိန်းသိမ်းထားသည့် ပြည်ပနိုင်ငံသားများအား ဥပဒေနှင့်အညီ သက်ဆိုင်ရာနိုင်ငံများသို့ ပြန်လည် လွှဲပြောင်းပေးအပ်နိုင်ရေး ဆောင်ရွက်လျက်ရှိသည်။

မြဝတီ၊ ရွှေကုက္ကိုလ်နှင့် KK Park နယ်မြေများကို ဒီမိုကရေစီအကျိုးပြုကရင်တပ်မတော်(DKBA)၊ ကရင်နယ်ခြား စောင့်တပ်ဖွဲ့(BGF)တို့က ထိန်းချုပ်ထားသည်။

#သတင်းဟင်းလေးအိုးကြီး

လေယာဉ်ခရီးစဉ်‌တွေက မျဉ်းဖြောင့်အတိုင်း မပျံသန်းဘဲ ကွေ့ဝိုက်တဲ့လမ်းကြောင်းကနေ ဘာကြောင့်ပျံသန်းကြတာလဲ...?
˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚
လေယာဉ်ခရီးစဉ်တစ်ခုကို ကြည့်လိုက်တဲ့အခါ မြေပုံပေါ်မှာ မျဉ်းဖြောင့်အတိုင်း ပျံသန်းတာထက် ကွေ့ဝိုက်တဲ့လမ်းကြောင်းတွေကနေ ပျံသန်းနေတာကို သတိထားမိကြပါလိမ့်မယ်။
ဒါဟာ မတော်တဆဖြစ်ရပ်တစ်ခု မဟုတ်ပါဘူး။ လေ ယာဉ်တွေဟာ အကြောင်းအမျိုးမျိုးကြောင့် မျဉ်းဖြောင့်တွေအစား ကွေ့ကွေ့ကောက်ကောက် လမ်းကြောင်းတွေအတိုင်း ပျံသန်းကြပါတယ်။
ဒီတစ်ခေါက်အကြောင်းအရာမှာတော့ လေယာဉ်တွေက မျဉ်းဖြောင့်အတိုင်း မပျံသန်းဘဲ ကွေ့ဝိုက်တဲ့လမ်း ကြောင်း ကနေ ဘာကြောင့်ပျံသန်းကြရလဲဆိုတာကို
အကျဉ်းချုပ်ပြောပြပေးသွားမှာဖြစ်ပါတယ်။
လေယာဉ်တွေဟာ မျဉ်းဖြောင့်အတိုင်း မပျံသန်းရတဲ့ အဓိကအကြောင်းရင်းကတော့ ကျွန်တော်တို့ နေထိုင်တဲ့ ကမ္ဘာဂြိုဟ်ဟာ လုံးဝန်းနေတာကြောင့်ပါ။
မြို့နှစ်မြို့ကို ဆက်သွယ်မယ့် အတိုဆုံးလမ်းကြောင်းဟာ မျဉ်းဖြောင့်မဟုတ်ဘဲ ကွေ့ဝိုက်နေတဲ့ လမ်းကြောင်း တစ်ခု ဖြစ်ပါတယ်။ ဒီလမ်းကြောင်းကို "Great Circle Route" (သို့မဟုတ်) "Geodesic Route" လို့ ခေါ်ပါတယ်။
ဥပမာအနေနဲ့ မြောက်အမေရိကတိုက်ကနေ အာရှတိုက်ကို ပျံသန်းတဲ့အခါ လေယာဉ်ဟာ ပစိဖိတ်သမုဒ္ဒရာကို ဖြတ်ပြီး တည့်တည့်ပျံသန်းမယ့်အစား အလာစကာပြည်နယ်ဘက်ကို ကွေ့ဝိုက်ပြီး ပျံသန်းတာဟာ အမှန်တကယ်တော့ အတိုဆုံးလမ်းကြောင်းဖြစ်နေတာကို တွေ့ရမှာပါ။
ဒါ့အပြင် လေထုထဲမှာ ဖြစ်ပေါ်နေတဲ့ လေတိုက်နှုန်းနဲ့ လေစီးကြောင်းတွေ (Jet Streams) ဟာလည်း လေယာဉ်တွေရဲ့ ပျံသန်းမှုလမ်းကြောင်းကို အများကြီး သက် ရောက်မှုရှိပါတယ်။
လေယာဉ်မှူးတွေဟာ လေယာဉ်ဆီ သက်သာစေဖို့နဲ့ ခရီး စဉ်ကြာချိန်ကို လျှော့ချဖို့အတွက် အကျိုးရှိတဲ့ (Tailwind) လေတိုက်နှုန်း တွေကို အသုံးချပြီး ပျံသန်းလေ့ရှိပါတယ်။
တစ်ခါတလေမှာတော့ အန္တရာယ်ရှိနိုင်တဲ့ လေတိုက်နှုန်း (Headwind) တွေကို ရှောင်ရှားဖို့အတွက် ပုံမှန်လမ်း ကြောင်းကနေ သွေဖည်ပြီး ပျံသန်းရတာမျိုးလည်း ရှိပါတယ်။
လေယာဉ်တွေဟာ ကောင်းကင်မှာ လမ်းကြောင်းအတိုင်း မောင်းနှင်နေတဲ့ ကားတွေနဲ့ ဆင်တူပါတယ်။ လေကြောင်းထိန်းချုပ်ရေးစနစ် (Air Traffic Control) က လေယာဉ်အချင်းချင်း မတိုက်မိစေဖို့နဲ့ လေကြောင်းလုံခြုံရေးအတွက် သတ်မှတ်ထားတဲ့ လမ်းကြောင်းတွေ၊ အမြင့်ပေတွေကို ချမှတ်ပေးထားပါတယ်။
ဒီလို သတ်မှတ်ထားတဲ့ စည်းမျဉ်းတွေကြောင့်လည်း လေယာဉ်တွေဟာ မျဉ်းဖြောင့်အတိုင်း မပျံသန်းနိုင်ဘဲ သတ်မှတ်ထားတဲ့ လမ်းကြောင်းအတိုင်း ကွေ့ဝိုက်ပျံသန်းရခြင်း ဖြစ်ပါတယ်။
ဒါကြောင့် လေယာဉ်တွေဟာ မျဉ်းဖြောင့်အတိုင်း မပျံသန်းဘဲ ကွေ့ဝိုက်တဲ့ လမ်းကြောင်းတွေကနေ ပျံသန်းရတဲ့ အကြောင်းရင်းတွေဟာ ရှုပ်ထွေးတယ်လို့ ထင်ရပေမယ့် အခြေခံအားဖြင့်တော့ ကမ္ဘာမြေကြီးရဲ့ ပုံသဏ္ဍာန်၊ လေတိုက်နှုန်း အခြေအနေတွေနဲ့ လေကြောင်းထိန်းချုပ်မှု လိုအပ်ချက်တွေကြောင့် ဖြစ်ပါတယ်။
ဒီအချက်တွေအားလုံးဟာ လေယာဉ်ခရီးစဉ်တွေရဲ့ ဘေးကင်းလုံခြုံမှု၊ ထိရောက်မှုနဲ့ စီးနင်းလိုက်ပါသူတွေရဲ့ သက်တောင့်သက်သာရှိမှုကို အဓိကထားပြီး စီစဉ်ထားတာဖြစ်ပါတယ်။
#knowledge

(၁၇.၂.၂၀၂၅) ရက်နေ့ ပြည်တွင်း ရွှေစျေး၊ နိုင်ငံခြား ငွေလဲလှယ်နှုန်းနှင့်စက်ဆီဈေးနှုန်းများ
-----------------------
၁၆ ပဲရည် ရွှေတစ်ကျပ်သား
YGEA စျေး - ၅,၅၂၀,၀၀၀ ကျပ်
ပြင်ပပေါက်စျေး- ၆,၆၅၀,၀၀၀ ကျပ်
အမေရိကန်ဒေါ်လာ
ဗဟိုဘဏ်စျေး- ၂၁၀၀ ကျပ်(ဝယ်)၊ ၂၁၁၀ ကျပ်(ရောင်း)
ပြင်ပပေါက်စျေး- ၄၄၀၀ ကျပ်(ဝယ်)၊ ၄၅၀၀ ကျပ်(ရောင်း)
စက်သုံးဆီ(ရန်ကုန်)
Octane 92 - ၃၁၆၀ ကျပ်
Octane 95 - ၃၂၂၀ ကျ​ပ်
Premium Diesel - ၃၃၆၅ ကျပ်
Diesel - ၂၇၃၀ ကျပ်
ဖော်ပြပါ စျေးနှုန်းများမှာ အချိန်နှင့်နေရာအလိုက် အပြောင်းအလဲ ရှိနိုင်ပါတယ်။
#news

အသက်ကြီးတဲ့ကစားသမားဆိုရင် လစာအများအပြားနဲ့စာချုပ်သစ် ကမ်းလှမ်းတာမျိုး လုပ်လေ့မရှိတဲ့ လီဗာပူးလ်အနေနဲ့ ဆာလာကို လက်လွှတ်ရင်တော့ တော်တော်ကောင်းတဲ့ ကစားသမားတစ်ယောက်အစားထိုးပေးမှ ရမှာပါ။
32 နှစ်အရွယ်နဲ့ ဒီရာသီ ပရီးမီးယားလိဂ်မှာ သွင်းဂိုးကော Assist ကော ဦးဆောင်နေတာ အီဂျစ်ဘုရင်ကြီးပါပဲ။ 👑🇪🇬

“မန်ချက်စတာယူနိုက်တက်ရဲ့ ကွင်းလယ် အခင်းအကျင်းက တော်တော်ရှက်ဖို့ကောင်းပါတယ်။ Space တွေက နည်းတာမဟုတ်ပါဘူး။ အံ့ဩစရာပါ။ U-9 တို့ U-10 တို့မှာတောင် ဒီလိုနည်းစနစ်နဲ့နည်းပြ တွေ့ရမှာမဟုတ်ပါဘူး"
🗣️ ကမ္ဘာ့အညံ့ဆုံးနည်းပြလို့ အသင်းဟောင်းရဲ့ဥက္ကဋ္ဌက အပြောခံရတဲ့ ဂယ်ရီနဗီးလ်

မြေးမချောချောလေး နှစ်ယောက်ပိုင်ဆိုင်ထားရပြီဖြစ်တဲ့ အိချောပိုရဲ့ မေမေ 🥰🥰🥰

Izzy လေးရဲ့ အမ တော်စပ်သူလေး Lily ပါ။ သရုပ်ဆောင်အိချောပိုတို့ ညီအမတွေက မွေးဖွားထားကြတာဖြစ်ပြီး အိချောပိုရဲ့ မိခင်ကတော့ မြေးမလေး နှစ်ဦးကို ရရှိပိုင်ဆိုင်ထားပြီဖြစ်ပါတယ်။ မြေးမလေးနှစ်ယောက်နဲ့ ပျော်ရွှင်နေတဲ့ မေမေဖြစ်သူရဲ့ ပုံတွေကို အိချောပိုက မျှဝေလာတာပါ။ အိချောပိုရဲ့ ဖခင်ဖြစ်သူ ဦးချိုမောင် ဆုံးပါးသွားခဲ့တာလည်း ဒီကနေ့မှာ ၁ လပြည့်ခဲ့ပြီဖြစ်ပါတယ်။

#celenews

နယ်မြေမတည်ငြိမ်မှုများကြောင့် စစ်ကိုင်းမြို့၌ နေရပ်စွန့်ခွာနေထိုင်ကြသူများအတွက် ထောက်ပံ့ရေးအစီအစဥ◌်များကို မကြာမီရက်ပိုင်းအတွင်း ဖြန့်ဝေပေးမည်

ဖေဖော်ဝါရီ ၁၇

နယ်မြေမတည်ငြိမ်မှုများကြောင့် စစ်ကိုင်းမြို့၌ နေရပ်စွန့်ခွာနေထိုင်ကြသူများအတွက် ထောက်ပံ့ရေးအစီအစဥ်များကို မကြာမီရက်ပိုင်းအတွင်း ဖြန့်ဝေထောက်ပံ့ပေးသွားမည် ဖြစ်ကြောင်း IBEC ကျောင်းတိုက်၏ ထုတ်ပြန်ချက်အရ သိရသည်။

IBEC ကျောင်းတိုက်၏ ယမန်နေ့(ဖေဖော်ဝါရီ ၁၅ ရက်) တွင် ထုတ်ပြန်သည့် IBEC လူသားချင်းဆိုင်ရာအကူအညီပေးရေးအစီအစဥ် (IBEC - Humanitarian Assistance Program) သတင်းထုတ်ပြန်ချက်တွင် အထက်ပါကဲ့သို့ အသိပေးထားခြင်းဖြစ်သည်။

စစ်ကိုင်းမြို့တွင် နယ်မြေမတည်ငြိမ်မှုများကြောင့် နေရပ်စွန့်ခွာနေထိုင်ကြသော ပြည်သူပြည်သားများအတွက် ထောက်ပံ့ရေးအစီအစဥ်များကို IBEC ကျောင်းတော်မှတဆင့် မကြာမီရက်ပိုင်းအတွင်း ဖြန့်ဝေထောက်ပံ့ပေးသွားတော့မည်ဖြစ်ကြောင်း ထုတ်ပြန်ချက်တွင် ဖော်ပြထားသည်။

IBEC ဆရာတော်သည် နိုင်ငံတကာအဖွဲ့အစည်းများ၊ ကမ္ဘာ့စားနပ်ရိက္ခာအစီအစဥ် ကမ္ဘာ့ကုလသမဂ္ဂ အပါအဝင် အာဆီယံလူမှုကူညီရေးအဖွဲ့အစည်းများ၊ နိုင်ငံတွင်းတရားဝင် ခွင့်ပြုထားသော လူသားချင်းဆိုင်ရာအကူအညီပေးရေးအဖွဲ့အစည်းများနှင့် ပူးပေါင်းဆောင်ရွက်ကာ ဆင်းရဲဒုက္ခရောက်နေကြသူများနှင့် နေရပ်စွန့်ခွာလာကြသော စစ်ဘေးရှောင် ပြည်သူများ၏ နေထိုင်စားသောက်ရေးအတွက် ထောက်ပံ့ပေးမည့်အစီအစဥ် များ မကြာခင် စတင်ဆောင်ရွက်သွားတော့မည်ဖြစ်ကြောင်း သိရသည်။

ယခုနှစ်ထောက်ပံ့ပေးမည့် ကမ္ဘာ့စားနပ် ရိက္ခာထောက်ပံ့မှုအစီအစဉ်ကို (၆)ကြိမ်ဆောင် ရွက်သွားမည်ဖြစ်ပြီး အညာဒေသတွင်ထောက်ပံ့မည့်မြို့နယ်အရေအတွက် တိုးလာကြောင်း ပြီးခဲ့သည့် ဇန်နဝါရီလက IBEC ဆရာတော် ဦးသောဘိတက မိန့်ကြားထားသည်။

ပြီးခဲ့သည့် (၂၀၂၃)ခုနှစ် စက်တင်ဘာလ (၂၆)ရက်က အမေရိကန်နိုင်ငံ နယူးယောက်မြို့ရှိ ကမ္ဘာ့ကုလသမဂ္ဂအဖွဲ့ချုပ်၌ ကျင်းပခဲ့သော (၇၈) ကြိမ်မြောက် ကမ္ဘာ့ကုလသမဂ္ဂ အထွေထွေညီလာခံသို့ IBEC ဆရာတော်တက်ရောက်ခဲ့ပြီး စစ်ကိုင်းတိုင်းဒေသကြီးနှင့် မကွေးတိုင်းဒေသကြီးအတွင်းရှိ စစ်ဘေးရှောင်ပြည်သူများကို စားနပ်ရိက္ခာများ ထောက်ပံ့ကူညီပေးရေးတောင်းဆိုခဲ့ကြောင်း သိရသည်။

အဆိုပါတောင်းဆိုချက်များအရ ကမ္ဘာ့စားနပ်ရိက္ခာထောက်ပံ့မှုအစီအစဉ် (WFP) မှ Pilot Project အဖြစ် စစ်ကိုင်း၊ မြင်းမူ၊ ချောင်းဦး၊ မုံရွာ၊ ‌ရွှေဘိုနှင့် ဟုမ္မလင်းမြို့နယ်တို့ရှိ စစ်ရှောင်ပြည်သူများကို ပြီးခဲ့သည့် (၂၀၂၄) ခုနှစ် ဇွန်လမှစ၍ စတင်ထောက်ပံ့ခဲ့ကြောင်း သိရသည်။

#centralnewsnaypyitaw