#နိုင်ငံတကာသတင်း
◾️ယူကရိန်းသို့ငြိမ်းချမ်းရေးထိန်းသိမ်းမှုတပ်ဖွဲ့များစေလွှတ်ရေးတွင် ဥရောပခေါင်းဆောင်များသဘောထားကွဲ
ဥရောပ၏ ကာကွယ်ရေးစွမ်းရည်များကို မြှင့်တင်သွားရေးအတွက် ကာ ကွယ်ရေးအသုံးစရိတ် တိုးမြှင့်သွားရမည်ဖြစ်ကြောင်း ပါရီမြို့တွင် အရေးပေါ် ဆွေး နွေးပွဲပြုလုပ်နေသော ဥရောပခေါင်းဆောင်များက တိုက်တွန်းကြသော်လည်း ငြိမ်းချမ်းရေးသဘောတူညီချက်ကို ပံ့ပို့ရေး ငြိမ်းချမ်းရေးထိန်းသိန်းမှု တပ်ဖွဲ့များ ယူကရိန်းသို့ စေလွှတ်ရေးတွင် သဘောထားကွဲလွဲခဲ့ကြကြောင်းရိုက်တာသတင်းကဆိုသည်။
ငြိမ်းချမ်းရေးသဘောတူညီချက်ကို တစ်ပြိုင်နက်တည်းမလုပ်ဘဲ ယူကရိန်းစစ်ပွဲအပစ်ရပ်ရေးလုပ်ဆောင်ခြင်းမှာ အန္တရာယ်ရှိကြောင်း ဥရောပ ခေါင်း ဆောင်များက သဘောတူကြသည်။
ထို့ပြင် အမေရိကန်၏ အထောက်အပံ့ပေါ်မူတည်၍ ၎င်းတို့ကလည်း ယူကရိန်းအတွက် လုံခြုံရေးအာမခံချက်များ ပေးရန်အသင့်ရှိကြောင်းကိုလည်းဥရောပခေါင်းဆောင်များက သဘောတူခဲ့ကြသည်ဟု ဥရောပ အရာရှိ ကြီး တစ်ဦးက ပြောသည်။
မိမိတို့အနေဖြင့် ‘အင်အားတောင့်တင်းမှုမှတစ်ဆင့်ငြိမ်းချမ်းရေးဆီသို့’ ဆိုသော သမ္မတထရန့်၏ နည်းလမ်းကို သဘောတူကြောင်း အမည်မဖော်သူ အရာရှိကြီးက ပြောကြားသည်။
အမေရိကန်အရာရှိများနှင့် ရုရှားအရာရှိများ ဆော်ဒီအာရေးဗီးယားနိုင်ငံ၌ အ စည်းအဝေးကျင်းပရန်ရှိနေစဉ် ပြင်သစ်သမ္မတ မက်ခရွန်က ပါရီမြို့အရေးပေါ် အစည်းအဝေးကို ခေါ်ယူခြင်းဖြစ်သည်။
အဆိုပါအစည်းအဝေးများမတိုင်မီတွင် မက်ခရွန်က အမေရိကန် သမ္မတ ထရန့်အား ဖုန်းပြောဆိုခဲ့ကြောင်း နှစ်ဖက်စလုံးမှ အရာရှိများက ပြောကြားကြသည်။
ထို့ပြင်ပြင်သစ်သမ္မတ မက်ခရွန်နှင့် အချိန်ကြာဖုန်းပြောခဲ့ကြောင်း ယူကရိန်းသမ္မတ ဇီလန်စကီးကလည်း ပြောကြားသည်။
ယူကရိန်းစစ်ပွဲအဆုံးသတ်ရေး ဆွေးနွေးရန် ရုရှားသမ္မတ ပူတင်ထံ ဖုန်းခေါ်ဆို စကားပြောခဲ့ကြောင်း ပြီးခဲ့သည့်သီတင်းပတ်အတွင်း ဒေါ်နယ်ထရန့်က ကြေ ညာခဲ့ရာ ယူကရိန်းနှင့် ဥရောပမဟာမိတ်များအား အံ့အားသင့်စေခဲ့သည်။
ထို့နောက်ယူကရိန်းသို့ ငြိမ်းချမ်းရေးထိန်းသိမ်းမှုတပ်ဖွဲ့များ စေလွှတ်သွားရန် စိတ်အားထက်သန်ကြောင်း အရေးပေါ် အစည်း အဝေးမတိုင်မီ ပြောကြားခဲ့သော ဗြိတိန်ဝန်ကြီးချုပ် ကီယာစတာမာက ဥရောပအနေနှင့်တပ်ဖွဲ့များ စေလွှတ်နိုင်ရန် အမေရိကန်ထံမှ လုံခြုံရေးအာမခံချက် ရရှိရန် လိုအပ်ကြောင်းဆိုသည်။
ငြိမ်းချမ်းရေးထိန်းသိမ်းမှုတပ်ဖွဲ့များယူကရိန်းသို့စေလွှတ်ရေးကိုဗြိတိန်ဝန် ကြီးချုပ်ကတွန်း အား ပေးနေသော်လည်း ယင်းကိစ္စအပေါ် အခြားဥရောပ ခေါင်း ဆောင်များကြား သဘောထားကွဲလွဲနေကြပြီး ၎င်းတို့ထဲတွင် ဂျာမနီအဓိပတိ အိုလက်ရှိုးဇ် နှင့် အီတလီ ၊ ပိုလန် နှင့် စပိန်ဝန်ကြီးချုပ်များလည်း ပါဝင်ကြသည်။
ယူကရိန်း၏သဘောထားမပါဘဲနှင့် ငြိမ်းချမ်းရေးသဘောတူညီချက်မရှိနိုင်သကဲ့သို့ တစ်ဖက်တွင်လည်း ငြိမ်းချမ်းရေးသဘောတူညီချက် မရှိဘဲ ဂျာမနီငြိမ်းချမ်းရေးထိန်းသိမ်းမှုတပ်များ ယူကရိန်းသို့ စေလွှတ်ခြင်းက အလွန်မသင့်လျော်ကြောင်း အိုလက်ရှိုးဇ် ကပြောသည်။
သတင်း-ရဲမင်း
