နည်းပညာသူဌေးတွေ အစွမ်းပြကြတော့လို့ တရုတ်သမ္မတပြော

ဒီတစ်ပတ်ထဲ တရုတ်နည်းပညာလောကထဲ ထူးခြားတဲ့သတင်းစကားတစ်ခု ရောက်လာပါတယ်။

တရုတ်သမ္မတ ရှီကျင့်ဖျင်က နိုင်ငံရဲ့ထိပ်သီးနည်းပညာခေါင်းဆောင်တွေနဲ့ တွေ့ဆုံပြီး မိန့်ခွန်းပြောသွားလို့ပါ။ တရုတ်သမ္မတက အခုလို လူကိုယ်တိုင်တွေ့တာ ရှားပါတယ်။ အခုက နိုင်ငံရဲ့အရေးပါဆုံးနည်းပညာသူဌေးတွေ အကုန်လုံးနီးပါးနဲ့ တွေ့သွားတာပါ။

အမေရိကန်ဘက်က သွင်းကုန်အခွန်တိုးကောက်မယ့်ကိစ္စနဲ့ တရုတ်နည်းပညာကုမ္ပဏီတွေပေါ် ဖိအားပေးလာတဲ့ကိစ္စအရှိန်မြင့်လာချိန်မှာ သမ္မတရှီနဲ့ နည်းပညာသူဌေးတွေ တွေ့လာတာပါ။ တနင်္လာနေ့က တံခါးပိတ်ကွန်ဖရင့်တွေ့ဆုံပွဲမှာ သမ္မတရှီက နည်းပညာခေါင်းဆောင်တွေကို နိုင်ငံရဲ့စီးပွားရေးအတွက် ခေတ်သစ်မှာ အစွမ်းပြကြဖို့ တိုက်တွန်းသွားပါတယ်။

"ခေတ်သစ် ခရီးသစ်ဟာ ပုဂ္ဂလိကစီးပွားရေးဖွံ့ဖြိုးရေးအတွက် ကျယ်ပြန့်တဲ့ မျှော်မှန်းချက်တွေ ၊ ကြီးကျယ်တဲ့အလားအလာတွေ ရှိတယ်။ ဒီအချိန်က ပုဂ္ဂလိကလုပ်ငန်းစုတွေ နဲ့ စွန့်ဦးတီထွင်သူတွေ သူတို့ရဲ့ ကိုယ်စွမ်းကိုယ်စကို ပြသရမယ့်အချိန်ပဲ" လို့ ပြောသွားတာပါ။

တရုတ်သမ္မတက စီးပွားရေးလုပ်ငန်းနဲ့ အစိုးရအကြား သန့်ရှင်းတဲ့ဆက်ဆံရေးတစ်ခု ရှိဖို့ပါ ညွှန်ကြားခဲ့ပြီး ပုဂ္ဂလိကစီးပွားရေးအကျိုးအမြတ်နဲ့ ရပိုင်ခွင့်တွေကို ဥပဒေနဲ့အညီ ထိထိရောက်ရောက် ကာကွယ်သွားမယ်လို့လည်း ပြောခဲ့ပါတယ်။

တရုတ်ဟာ သိပ္ပံနဲ့ နည်းပညာ ဆန်းသစ်တီထွင်မှုတွေ မြှင့်တင်ဖို့ ကြိုးပမ်းရမယ်လို့လည်း သမ္မတရှီက ပြောသွားပါတယ်။ ဒီအချက်က ရှေ့လျှောက် အစိုးရနဲ့ နည်းပညာကုမ္ပဏီကြီးတွေအကြား ဆက်ဆံရေးပိုကောင်းလာမယ့်ပုံလို့ ယူဆရပါတယ်။

သမ္မတနဲ့ နည်းပညာခေါင်းဆောင်တွေ တွေ့ဆုံပွဲမှာ လူမြင်ကွင်းက ပျောက်ကွယ်နေတာ ကြာပြီ ဖြစ်တဲ့ Alibaba သူဌေး ဂျက်မားလည်း မြင်တွေ့ခဲ့ရပြီး သမ္မတနဲ့ လက်ဆွဲနှုတ်ဆက်တဲ့ ဓါတ်ပုံတွေ တက်ခဲ့ပါတယ်။ ဒီပွဲမှာ Huawei သူဌေး ရန်ကျန်ဖေ့ ၊ BYD က ဝမ်ချွမ်ဖူး ၊ DeepSeek တည်ထောင်သူ လျန်ဝမ်ဖန်းတို့လည်း တက်ခဲ့တာ တွေ့ရပါတယ်။

ထူးထူးခြားခြား Baidu တည်ထောင်သူ ရော်ဘင်လီတော့ ဒီပွဲတက်ခဲ့တာ မရှိခဲ့ပါဘူး။ လီတစ်ယောက် သမ္မတနဲ့ကွန်ဖရင့်မှာ မမြင်ခဲ့တဲ့နောက် နာရီပိုင်းအတွင်းမှာ Baidu ရှယ်ယာဈေး ၈.၈% ကျဆင်းခဲ့ပြီး ဈေးကွက်တန်ဖိုး ဒေါ်လာ ၂.၄ ဘီလျံ ဆုံးရှုံးသွားခဲ့ပါတယ်။

အချိန်ဆိုတာကုန်ဆုံးမှန်းမသိကုန်ဆုံးသွားတယ်။
🍃ကိုယ်ကြိုက်တဲ့အရာတစ်ခုကို ဖန်တီးနေရင် အချိန်ဆိုတာ ၁၂ ထိုးထိုး 1 နာရီထိုးထိုး ဘယ်အချိန်ပဲရှိနေနေ လုပ်ကိုလုပ်ချင်နေတာမျိုး။
🍃ညဥ့်နက်နက် မနက်မိုးလင်းလင်း ဒီအကြောင်းတွေးလိုက်ရင်ကို ဘယ်လောက်ပဲခက်ခဲခက်ခဲ အဆင်ပြေနေတာမျိုး။
🍃သူ့ကြောင့် အဆင်မပြေဖြစ်သွားရင်တောင်မှ အလိုလိုတွေးတတ်နေတာမျိုး။
အမြဲတစေလုပ်နေရင်လဲမပျင်းတဲ့အရာမျိုး။
ဝါသနာပါတဲ့အရာဆိုတာက တကယ်တော့ သိပ်ကို နက်နဲတယ်။ သူ့ကိုလုပ်နေရရင်ကို အချိန်တွေကော နေ့ရက်တွေကော မေ့ပြီးတော့ လုပ်စရာရှိတာတွေ အမြဲလုပ်နေတာ။ ပျော်ဖို့ကောင်းတယ်။
တစ်ခါတစ်လေ လုံးဝစိတ်လဲအဆင်မပြေဘူး၊ အိပ်လဲအိပ်ချင်နေတယ်၊ အနားလဲယူချင်တယ်။ တစ်ဖက်ကနေလဲ ဒီဝါသနာပါတယ်ဆိုတဲ့အရာကို လုပ်ချင်စိတ်က ပြင်းပြနေတယ်။ လုပ်ချင်နေတယ်။
ဘာမဟုတ်တဲ့ 9-5အလုပ်ကို ဆက်မလုပ်ချင်ကြတော့ဘူး။ မုန်းလာတယ် ပင်ပန်းလာတယ်။ ကိုယ်ပိုင် business တစ်ခုထောင်ချင်တယ်။ ကိုယ်ပိုင်ခြံလေးနဲ့မွေးမြူရေးလုပ်ချင်တယ်။ အိမ်မက်တွေရှိတယ်။ ဒီအိမ်မက်တွေအတွက် အချိန်ဘယ်လောက်ပေးရပေးရ ပေးနိုင်တယ်။
ဒါက သင်တို့အတွက်ဘာများဖြစ်မလဲ။ ကိုယ့်ဘဝရဲ့လက်ရှိလုပ်ရပ်တွေ အနာဂတ်planတွေကကော မိမိလိုချင်တဲ့အိမ်မက်ကိုတွန်းပို့နိုင်တဲ့အထိ ဆုံးဖြတ်ချက်တွေမှန်ကန်ခဲ့လား။ ဘယ်နားပြင်ဆင်ရမလဲ။

ကျောင်းသူ/သားတွေအတွက် အကောင်းဆုံး Digital Notepad App ၅ ခု
----------------------------------
ဒီခေတ်မှာ ကျောင်းသားတွေအတွက် Digital Notepad တွေဟာ မရှိမဖြစ် အရေးပါလာပါတယ်။ Digital ခေတ်ဖြစ်တာနဲ့အညီ တစ်ချို့ကျောင်းတွေမှာ စာအုပ်တွေအစား Digital Learning နဲ့ သင်ထောက်ကူတွေကိုလည်း Digital တွေနဲ့အစားထိုးလာပါပြီ။ ဒါ့ကြောင့် မှတ်စုတွေ၊ အိမ်စာတွေကို Digitally သုံးစွဲဖို့ဆိုရင်အောက်က App ၅ ခုက အထူးသင့်တော်ပါတယ်။
၁။ Microsoft OneNote
OneNote ကကျောင်းသားတွေအတွက် အထူးသင့်တော်တဲ့ App တစ်ခုပါ။ ဘာသာရပ်အလိုက် Notebook တွေ ခွဲခြားထားနိုင်ပြီး၊ သင်ခန်းစာအလိုက် အပိုင်းလိုက် မှတ်စုတွေ ရေးနိုင်ပါတယ်။ Apple Pencil သို့မဟုတ် Stylus နဲ့ လက်ရေးဖြင့် မှတ်သားနိုင်သလို၊ ဓာတ်ပုံတွေ၊ ဗီဒီယိုတွေကိုပါ ထည့်သွင်းနိုင်ပါတယ်။ Microsoft Office နဲ့ ချိတ်ဆက်ထားတဲ့အတွက် PowerPoint Slide တွေကနေ တိုက်ရိုက် Note ကူးယူနိုင်ပါတယ်။
၂။ GoodNotes 6
iPad အသုံးပြုတဲ့ ကျောင်းသားတွေအတွက် GoodNotes က အကောင်းဆုံး ရွေးချယ်စရာတစ်ခု ဖြစ်ပါတယ်။
လက်ရေးကို Digital စာသားအဖြစ် အလိုအလျောက် ပြောင်းပေးနိုင်တဲ့ စွမ်းရည်ရှိပါတယ်။ စာမျက်နှာပုံစံ အမျိုးမျိုး (ruled, grid, dotted) ကို ရွေးချယ်နိုင်ပြီး၊ PDF ဖိုင်တွေပေါ်မှာလည်း တိုက်ရိုက် မှတ်ချက်ရေးနိုင်ပါတယ်။ ဒါ့အပြင် တစ်နှစ်ကို မြန်မာငွေ ၅ သောင်းလောက်နဲ့ Premium သုံးလို့ရတာလည်း ဈေးမကြီးဘူးလို့ဆိုနိုင်ပါတယ်။ နောက်ပိုင်း AI Features အသစ်တွေကြောင့် စာသင်ခန်းထဲမှာ သုံးရတာ အတော်လေးအဆင်ပြေပါတယ်။
၃။ Notability
Notability ဟာ Audio Recording နဲ့ Note Taking ကို တွဲဖက်အသုံးပြုနိုင်တဲ့ App တစ်ခုဖြစ်ပါတယ်။
စာသင်ချိန်မှာ ဆရာ၊ဆရာမတွေ ပြောတာကို အသံဖမ်းယူရင်း တစ်ပြိုင်နက်တည်း Note ရေးနိုင်ပါတယ်။ နောက်ပိုင်း ပြန်ဖွင့်ကြည့်တဲ့အခါ Note ရေးခဲ့တဲ့ အချိန်နဲ့ Audio Recording တွေက Sync ဖြစ်နေမှာပါ။ Math conversion tool ပါဝင်တာကြောင့် သင်္ချာညီမျှခြင်းတွေကိုလည်း လွယ်ကူစွာ ရေးသားနိုင်ပါတယ်။ Goodnotes နဲ့ စဥ်ပြိုင်တွေဖြစ်ပေမယ့် သူ့ Fan နဲ့သူမို့ အပေါ်က GoodNotes 6 နဲ့ Notability ကို ကြိုက်ရာရွေးသုံးနိုင်ပါတယ်။
၄။ Nebo
Nebo ဟာ လက်ရေးကနေ Digital စာသားအဖြစ် အလိုအလျောက် ပြောင်းလဲပေးနိုင်တဲ့ စွမ်းရည်မှာ အားသာဆုံး App တစ်ခုဖြစ်ပါတယ်။ သင်္ချာညီမျှခြင်းတွေ၊ ဂရပ်တွေ၊ ဇယားတွေကို လက်ရေးနဲ့ ရေးဆွဲရုံနဲ့ သပ်သပ်ရပ်ရပ် Digital ပုံစံအဖြစ် ပြောင်းလဲပေးနိုင်ပါတယ်။ Multiple language support ရှိတဲ့အတွက် ဘာသာစကားပေါင်းစုံနဲ့ မှတ်စုရေးနိုင်ပါတယ်။ Cross-platform ဖြစ်တဲ့အတွက် Device အမျိုးမျိုးကနေ အသုံးပြုနိုင်ပါတယ်။
၅။ Notes+
Notes+ ကတော့ အပေါ်က App တွေလိုမဟုတ်ပဲ လုံးဝ "အခမဲ့" သုံးနိုင်တဲ့ App တစ်ခုပါ။ အခမဲ့ဖြစ်တဲ့အတွက် Cross Platform လိုမျိုး သုံးလို့ရတာ၊ ကိုယ်ပိုင် Server နဲ့ Syn ထားတာမျိုးတော့ မပါပါဘူး။ ဒါပေမယ့် iPad သုံးသူဆိုရင်တော့ iCloud နဲ့ချိတ်ပြီး ပုံမှန်လိုပဲ သုံးလို့ရပါတယ်။​ ဖုန်းနဲ့ Tablet နှစ်မျိုးစလုံးမှာ အဆင်ပြေပြေ သုံးနိုင်အောင် Design လုပ်ထားပါတယ်။ ရိုးရှင်းတဲ့ Interface ကြောင့် စာမှတ်ဖို့ အချိန်ကုန်သက်သာပြီး၊ စာမှတ်ရတာ ပိုမိုထိရောက်စေပါတယ်။ နောက်ပိုင်းမှာ ChatGPT အကောင့်နဲ့ ချိတ်ပြီး Note ထဲမှာ ChatGPT သုံးလို့ရအောင်ပါ လုပ်ထားပေးပါသေးတယ်။
နောက်ဆုံးအနေနဲ့ အကြံပြုချင်တာကတော့
ကျောင်းသားတွေအနေနဲ့ Digital Notepad App တစ်ခုကို ရွေးချယ်တဲ့အခါ အောက်ပါအချက်တွေကို ထည့်သွင်းစဉ်းစားသင့်ပါတယ်။
- မိမိအသုံးပြုတဲ့ Device နဲ့သင့်တော်မှုရှိမရှိ၊
- Stylus Pen တွေနဲ့သုံးရတာအဆင်ပြေမပြေ၊
- Backup system ကောင်းမွန်မှု
- တစ်လစာ(ဒါမှမဟုတ်)တစ်နှစ်စာ subscription ကုန်ကျစရိတ် တွေပါ။

အာရှနိုင်ငံတစ်ချို့ရဲ့ လူကြိုက်များဆုံး Social Media များ
ဖုန်းနဲ့လူနဲ့ ကင်းကွာလို့မရတဲ့ ဒီနေ့ခေတ်မှာ Social Media Platform တွေဟာ လူတိုင်းရဲ့ နေ့စဉ်ဘဝမှာ တစ်စိတ်တစ်ပိုင်း ဖြစ်လာပါပြီ။ မြန်မာနိုင်ငံမှာ Viber ဟာအရင်တုန်းက လူသုံးများဆုံးဖြစ်ခဲ့ပေမယ့်၊ Social Media Boom ဖြစ်လာတဲ့ 2015 နောက်ပိုင်းမှာတော့ မြန်မာနိုင်ငံရဲ့ အဓိကအသုံးများဆုံးက Facebook ဖြစ်လာပြီး Messenger ကပါအတူနေရာယူလာပါပြီ။ ဆိုတော့ ဒီနေ့မှာ အာရှနိုင်ငံတစ်ချို့ရဲ့ အသုံးများဆုံး platform တွေအကြောင်းကို တစ်ချက်ကြည့်ရအောင်ပါ။
တရုတ်နိုင်ငံ - WeChat
WeChat ဟာ တရုတ်နိုင်ငံရဲ့ အကြီးဆုံး social platform ဖြစ်ပြီး သုံးစွဲသူ ဘီလီယံနဲ့ချီရှိပါတယ်။ WeChat မှာ Message ပို့တာထက်ပိုတဲ့ လုပ်ဆောင်ချက်တွေ နောက်ပိုင်းမှာပါဝင်လာပါတယ်။ WeChat Pay နဲ့ ငွေပေးချေတာမျိုး၊ တက္ကစီခေါ်တာမျိုး၊ ဟိုတယ်အခန်း ဘွတ်ကင်လုပ်တာမျိုးအပြင် နေ့စဥ် ဘတ်စ်ကားစီးတာ၊ ရထားစီးတာကအစ သုံးနိုင်လို့ "Super App" လို့တောင် ခေါ်ကြပါတယ်။ တရုတ်နိုင်ငံသားတွေရဲ့ နေ့စဉ်ဘဝမှာ မရှိမဖြစ် အပ်ပလီကေးရှင်း ဖြစ်နေပါပြီ။ ဒါ့အပြင် မြန်မာနိုင်ငံက တရုတ်နိုင်ငံနဲ့ ထိစပ်နေတဲ့ဒေသတွေမှာလည်း WeChat ကမရှိမဖြစ်ပါပဲ။
တောင်ကိုရီးယား - KakaoTalk
KakaoTalk ဟာ တောင်ကိုရီးယားနိုင်ငံသားတွေရဲ့ နံပါတ်တစ် messaging app + Social Media Platform ဖြစ်ပါတယ်။ လူဦးရေ ၅၀ သန်းကျော်ရှိတဲ့ တောင်ကိုရီးယားမှာ KakaoTalk သုံးစွဲသူ ၄၅ သန်းကျော် ရှိပါတယ်။ ကိုရီးယားတွေရဲ့စတိုင် ချစ်စရာကောင်းတဲ့ ဒီဇိုင်းတွေ၊ စတစ်ကာတွေနဲ့ အထူးကျော်ကြားပြီး၊ တခြား ဝန်ဆောင်မှုတွေဖြစ်တဲ့ ဂိမ်း၊ သီချင်းနားထောင်တာ၊ ငွေလွှဲတာတွေလည်း လုပ်နိုင်ပါတယ်။
ထိုင်းနိုင်ငံ - LINE
LINE က ထိုင်းနိုင်ငံမှာ အသုံးအများဆုံး social app ဖြစ်ပါတယ်။ မူလက ဂျပန်နိုင်ငံရဲ့ App ဖြစ်ပေမယ့် ထိုင်းနိုင်ငံမှာလည်း မရှိမဖြစ် App တစ်ခုပါ။ သူ့မှာထူးခြားချက်က စာပို့တာ၊ ဖုန်းခေါ်တာအပြင် LINE TV ဆိုပြီး ဗီဒီယိုပလက်ဖောင်းလည်း ပါဝင်ပါတယ်။ ထိုင်းနိုင်ငံက စီးပွားရေးလုပ်ငန်းတွေကလည်း LINE ကို Customer Service channel အဖြစ် အသုံးပြုကြပါတယ်။ နောက်ပိုင်းမှာတော့ LineMan လို့ အစားအစာမှာလို့ရတဲ့ Service တွေ၊ Line Wallet ကိုသုံးပြီး ထိုင်းနိုင်ငံက တစ်ချို့နေရာတွေမှာ ငွေကြေးပေးလို့ရတဲ့ Service တွေလည်း ပါဝင်လာပါပြီ။
ဂျပန်နိုင်ငံ - LINE
ဂျပန်နိုင်ငံမှာလည်း LINE က နံပါတ်တစ် social platform ပါ။ ၂၀၁၁ ခုနှစ်က ဆူနာမီဖြစ်အပြီး ဂျပန်နိုင်ငံမှာရောက်နေတဲ့ တောင်ကိုရီးယား Naver ဝန်ထမ်းတစ်ဦးက အရေးပေါ်ဆက်သွယ်ရေးအတွက် App တစ်ခုတော့ရှိသင့်တယ်ဆိုပြီး ဖန်တီးခဲ့တာ ဖြစ်ပါတယ်။ ဂျပန်လူမျိုးတွေရဲ့ privacy ကို အလေးထားတဲ့ယဉ်ကျေးမှုနဲ့ ကိုက်ညီတဲ့အတွက် LINE က အရမ်းအောင်မြင်ခဲ့ပါတယ်။ အခုဆိုရင် ဂျပန်နိုင်ငံသား ၈၈% လောက်က LINE သုံးနေကြပါပြီ။
အိန္ဒိယနိုင်ငံ - WhatsApp
WhatsApp ဟာ အိန္ဒိယနိုင်ငံမှာ အကြီးဆုံး social platform ဖြစ်ပြီး သုံးစွဲသူ သန်း ၅၀၀ ကျော်ရှိပါတယ်။ အိန္ဒိယနိုင်ငံမှာ မိသားစု၊ သူငယ်ချင်းတွေကြား Messaging App အဖြစ်သုံးကြသလို နောက်ပိုင်းမှာ စီးပွားရေးလုပ်ငန်းတွေကလည်း WhatsApp Business ကို အသုံးပြုပြီး customer တွေနဲ့ ဆက်သွယ်ကြပါတယ်။ လွယ်ကူရိုးရှင်းပြီး data သုံးစွဲမှု သက်သာလို့ အိန္ဒိယပြည်သူတွေကြား ရေပန်းစားတဲ့ Platform တစ်ခုဖြစ်လာခဲ့တာပါ။
Messaging App တွေနဲ့ Social Media Platform တွေဟာ နိုင်ငံတိုင်းရဲ့ မတူညီတဲ့ ယဉ်ကျေးမှု၊ နည်းပညာအသုံးပြုပုံနဲ့ လိုအပ်ချက်တွေကြောင့် အလုပ်လုပ်ပုံတွေက အကုန်ဆင်တူဖြစ်ပေမယ့် ရေပန်းစားပုံခြင်းကတော့ မတူပါဘူး။ ကျွန်တော်တို့နိုင်ငံမှာလည်း လိုအပ်ချက်တွေအရ ခုနောက်ပိုင်း Telegram နဲ့ iMessage တွေက နေရာဝင်ယူလာတာ တွေ့နိုင်ပါတယ်။

"ကျွန်မကို ချစ်တယ်ဆိုတဲ့ စကားမပြောပါနဲ့လား...
ကျွန်မအမြင်မှာတော့ ချစ်တယ် ဆိုတဲ့စကားဟာ
အရပ်ပြောစကား မဟုတ်ဘူး...........

သူ့မှာ မြင့်မြတ်တဲ့တန်ဖိုး တစ်စုံတစ်ရာ ပါဝင်နေတယ်... သူဟာ အစွန်းထင်း ကင်းတယ် ......

ရေရှည် မစောင့်ထိန်းနိုင်ဘဲ ချစ်တယ် ဆိုတဲ့ စကားကို လွယ်လွယ် ပြောဖြစ်ကြတဲ့အခါ... လိမ်ညာခြင်းတစ်မျိုးဖြစ်တယ် ဆိုတာကလွဲပြီး တခြားအဓိပ္ပာယ်တွေ
ကျွန်မ မမြင်မိတော့ဘူး .......

ကျွန်မလေ သူတို့ အတွက်... "ချစ်တယ်" ဆိုတဲ့

ဒီစကား နှစ်ခွန်းကို သိပ်နှမြောတာပဲ .........."

သိုးဆောင်း
ဤအရပ်တွင် မိုးရွာခဲ့သည်

AI benchmark မှာ စံချိန်ချိုးနိုင်တဲ့ Grok 3 ထွက်ပြီ
အီလွန်မတ်စ်က အခု AI က ထွက်ဖူးသမျှထဲမှာ အကြမ်းဆုံးလို့ ပြောပါတယ်။
သူပြောတာလည်း မလွန်ပါဘူး။ Grok 3 က Chatbot Arena ရဲ့ benchmarking မှာ ထိပ်ဆုံးရောက်သွားလို့ပါ။ Chatbot Arena ဆိုတာက AI chatbots တွေရဲ့ စွမ်းဆောင်ရည်ကို အကဲဖြတ်ရာမှာ ထိပ်တန်း ranking system အဖြစ် AI Benchmarking နယ်ပယ်က လက်ခံထားတဲ့ ပလက်ဖောင်းပါ။
ချောကလက်ကုဒ်နာမည်နဲ့ Grok 3 early ဗားရှင်းကို Chatbot Arena မှာ score 1400 ပေးထားပါတယ်။ score 1400 ရတဲ့ ပထမဆုံး AI model လို့ ပြောရမှာပါ။ Chatbot Arena မှာ အကြမ်းဆုံးဆိုပြီး 1385 score ရထားတဲ့ Gemini 2.0 Flash ကိုပါ ကျော်သွားတာပါ။
ယှဉ်ကြည့်မယ်ဆိုရင် OpenAI ရဲ့ GPT -4o နဲ့ o1 က ၁၃၇၇ မှတ်နဲ့ ၁၃၅၃ မှတ်စီ ရထားပါတယ်။ အခု Grok 3 က အရင် Grok 2 ထက် တွက်ချက်မှုစွမ်းရည် compute power ၁၀ ဆကျော် ပိုကောင်းတယ်လို့ ပြောပါတယ်။ AI chatbots တွေကို သင်္ချာ ၊ သိပ္ပံ နဲ့ coding benchmark တိုင်းရာမှာလည်း Grok 3 က Google Gemini , DeepSeek V3 model , Anthropic Claude နဲ့OpenAI ထုတ် GPT -4o တို့ထက် သာခဲ့တာပါ။
မော်ဒယ်ကို နေ့တိုင်း ‌တောက်လျှောက်ပိုကောင်းအောင် လုပ်နေတာမို့ ပိုအဆင့်မြင့်လာမယ်လို့လည်း အီလွန်မတ်စ်က ပြောထားပါတယ်။ ဒီမော်ဒယ်ရဲ့ ထူးခြားချက်က တရားရုံးမူခင်းနဲ့ ဥပဒေစီရင်ထုံးတွေပါ ထည့်ပြီး train ထားတာပါ။ ဥပဒေဖြတ်ထုံးတွေဘက်မှာ တော်တော့်ကို ကြမ်းမယ့်မော်ဒယ်လို့ ဆိုနိုင်ပါတယ်။
Grok 3 မှာ ရှုပ်ထွေးနက်နဲတဲ့ မေးခွန်းတွေကို ဖြေဖို့ လေ့ကျင့်ထားတဲ့ reasoning mode နှစ်မျိုးရှိပါတယ်။ Grok ရဲ့ reasoning လုပ်ပုံကို ပြတဲ့ Think mode နဲ့ computional power ပိုများပြီး ရှုပ်ထွေးတဲ့ tasks တွေ လုပ်နိုင်တဲ့ Big Brain ဆိုတဲ့ mode ပါ။
ဒါတွေအပြင် AI search engine သစ်ဖြစ်တဲ့ Deep Search လို့ခေါ်တဲ့ product လည်း ထွက်ထားပါတယ်။ Deep Search ကလည်း တွေးခေါ်ဆင်ခြင်နိုင်တဲ့ reasoning chatbot ဖြစ်ပြီး ချပေးတဲ့ query ကို နားလည်နိုင်စွမ်းရှိပြီး သုတေသနလုပ်တာ ၊ brainstorm ဝင်တာနဲ့ ဒေတာဆန်းစစ်သုံးသပ်တာတွေ လုပ်နိုင်တယ်လို့ ပြောပါတယ်။ မကြာခင်မှာ Deep Search က အသံစနစ် ပါလာဖို့ ရှိပါတယ်။
အီလွန်မတ်စ်က သူ့ Grok 3 ကို train ဖို့လည်း ရှယ်အကုန်အကျခံထားတာပါ။ တင်နက်ဆီပြည်နယ် မမ်ဖစ်မှာ ရှိတဲ့ ဧရာမ Colossus စူပါကွန်ပျူတာကြီးနဲ့ လေ့ကျင့်ထားတာပါ။ Grok 3 ကို လေ့ကျင့်ဖို့ Nvidia H100 GPU ပေါင်း ၁ သိန်းလောက် သုံးထားတယ်လို့ ဆိုပါတယ်။
H100 တွေက တစ်ခုဒေါ်လာ ၂ သောင်းခွဲလောက် ရှိပါတယ်။ မကြာခင် GPU ၂ သိန်းအထိ တိုးမှာ ဖြစ်ပြီး Nvidia ရဲ့ အသစ်ထွက်လာမယ့် H200 GPU တွေပါ ပါလာမယ်လို့ ဆိုပါတယ်။ ဒေါ်လာဘီလျံချီ ရှယ်သုံးထားတာ ဖြစ်လို့ အီလွန်မတ်စ်ကလည်း သူ့ chatbot ကို အလကားပေးမသုံးပါဘူး။ အမေရိကန်က ‌တစ်လ ဒေါ်လာ ၄၀ တန် X premium plus ဝယ်ထားသူတွေပဲ ရမှာပါ။
SuperGrok ဆိုပြီး app နဲ့ Grok ဝက်ဘ်ဗားရှင်းတွေမှာလည်း subscription သစ်နဲ့ ဖွင့်တော့မယ်လို့ ပြောပါတယ်။ SuperGrok က တစ်လ ဒေါ်လာ ၃၀ နဲ့ တစ်နှစ် ဒေါ်လာ ၃၀၀ နှုန်း ကောက်ဖို့ ရှိပြီး အရင်ထွက်ထားတဲ့ Gork 2 လည်း မကြာခင် open-source ပေးသွားဖို့လည်း ရှိပါတယ်။

CLUB NEWS:

ရလဒ်များ ဆိုးဝါးလာသည်နှင့်အတူ ကစားသမားအချို့သည် နည်းပြ Amorim ၏ နည်းစနစ်များအပေါ် အယုံအကြည် ကင်းမဲ့လာကြောင်း သိရှိရသည်။ အနိုင်ရရှိသော ပွဲများ၌ပင် နည်းပြ၏ နည်းစနစ်ထက် ကစားသမားများ၏ တစ်ကိုယ်ရည် အရည်အသွေး သို့မဟုတ် ကံကောင်း၍ အနိုင်ရသည်ဟု ယူဆလာကြသည်။

အဝတ်လဲခန်းအတွင်း ပြောဆိုချက်များအရ-
"လက်ရှိခံစားချက်ကတော့ တစ်ပွဲတစ်လေ ကံကောင်းလဲ နောက်ပွဲတွေတော့ မချောင်ဘူး" ဟူ၍ ဖြစ်သည်။
[mail]

#ဘောလုံးသတင်းစုံ

“ကိုယ့်ကို မလိုအပ်တဲ့အခါ…” 🦋

ဘယ်လောက်ပဲ ချစ်ခင်ရင်းနှီးနီးစပ်တဲ့သူတွေပဲဖြစ်ပါစေ…ကိုယ့်ကို အမြဲတမ်းလိုအပ်နေလိမ့်မယ်လို့ မျှော်လင့်မထားတာ အကောင်းဆုံးပါပဲ..။ တစ်ချို့သော အချိန်တွေမှာ..ကိုယ့်ကို မလိုအပ်တဲ့အချိန်..ကိုယ့်ရဲ့ဝင်ရောက်စွက်ဖက်လွှမ်းမိုးမှုတွေ..အကြံပြုချက်တွေကို မလိုအပ်တဲ့အချိန်မျိုး ရှိနိုင်ပါတယ်.။

ပြဿနာတစ်ခုကို သူ့ဘာသာတစ်ယောက်တည်း ခေါင်းအေးအေးနဲ့ စဉ်းစားဖြေရှင်းချင်တဲ့အချိန်..သူတစ်ယောက်တည်း အေးအေးဆေးဆေး ငြိမ်ငြိမ်သက်သက် နေချင်တဲ့အချိန်မျိုးမှာ…တစ်စုံတစ်ယောက်ရဲ့ တိုက်တွန်းနှိုးဆော်စကားတွေ..ဝေဖန်အကြံပြု စကားတွေက..သူ့အတွက် အကူအညီမဖြစ်ဘဲ..ပိုလို့တောင် အနှောင့်အယှက် ဖြစ်စေတတ်ပါတယ်…။

သမီးလေးမှာ စာနဲ့ပတ်သက်လို့ဖြစ်စေ..သူငယ်ချင်းတွေကြောင့်ဖြစ်စေ..စိတ်ဖိစီးမှုတွေ ကြုံရတဲ့အခါ..သူမျက်နှာမကောင်းတဲ့အခါ..ကိုယ်ကလည်း မိခင်ပီပီ..စိတ်ပူစိုးရိမ်မိတတ်ပါတယ်..။ သူ့ကို မေးခွန်းတွေ ဇွတ်မေး..အကြံဥာဏ်တွေ ဇွတ်ပေးမိတဲ့အခါ..သမီးလေးက..” Please leave me alone.” လို့ ပြောတတ်ပါတယ်..။ အဲ့ဒီအခါ..ကိုယ့်ကို သူမလိုအပ်သေးဘူးဆိုတာ..ကျွန်မက နားလည်သဘောပေါက်လိုက်ပါတယ်..။

ကိုယ့်ကို..သူတစ်ပါးက မလိုအပ်တဲ့အခါ..ကျေနပ်စွာ နောက်ဆုတ်ရှောင်ဖယ်ပေးခြင်းဟာလည်း..သူ့အပေါ် အလိုက်သိနားလည်ပေးခြင်းတစ်မျိုးပါပဲ..။ သူ့ရဲ့ စိတ်ခံစားမှုတွေကို ကိုယ်က လေးစားအသိအမှတ်ပြုပေးရာ ရောက်သလို..သူ့အတွက် ကိုယ်ပိုင်လွတ်လပ်မှုလေး ပေးလိုက်တာမျိုး ဖြစ်ပါတယ်..။ ဒီနေရာမှာ….သူဘာပဲဖြစ်နေဖြစ်နေ..မရဘူး..ငါပါရမှ..ငါလွှမ်းမိုးရမှ..ငါအကြံပေးရမှ…ဆိုပြီး ဇွတ်အတင်း ဝင်ပါမိရင်..ပြဿနာက မလိုအပ်ဘဲ..ပိုမိုကြီးမားပြင်းထန်လာတတ်ပါတယ်…။

ကိုယ့်ကိုမလိုအပ်တဲ့အခါ..သူ့ကို အချိန်လေးတစ်ခုပေးပြီး..ငြိမ်းချမ်းခွင့်ပြုလိုက်တာဟာ..နှစ်ဖက်စလုံးအတွက်..စိတ်သက်သာရာရစေပါတယ်..။ သူ စိတ်ညစ်နေချိန်မှာ..ကိုယ့်ကြောင့် သူ့ကို ပိုပြီးစိတ်ညစ်အောင်..မလိုအပ်ဘဲ ပေါက်ကွဲအောင် မလုပ်ဘဲ..အေးအေးငြိမ်းငြိမ်းတိတ်တိတ်ဆိတ်ဆိတ်လေး နေပေးလိုက်တာက အလိုက်သိပေးရာလည်း ရောက်ပါတယ်..။ အဲ့ဒီအချိန်မျိုးမှာ ကိုယ်လုပ်ပေးနိုင်တာက..သူ့ကို တိတ်တိတ်ဆိတ်ဆိတ်ကလေး မေတ္တာပို့ပေးနေမိတာပါပဲ..။

သူ အေးချမ်းပါစေ..စိတ်ချမ်းသာပါစေ..အခုရင်ဆိုင်နေရတဲ့ အခက်အခဲ ပြဿနာကနေ အေးချမ်းစွာ လွတ်မြောက်ပါစေ..ပြဿနာကို ရင်ဆိုင်ဖြေရှင်းနိုင်စွမ်းလည်း ရှိပါစေ..စသဖြင့်..အေးအေးချမ်းချမ်းလေး..မေတ္တာပို့ပေးနေလိုက်တာက..သူ့အတွက်အများကြီး အထောက်အကူ ပြုရာရောက်ပါတယ်..။ ကိုယ့်မေတ္တာရဲ့ သိမ်မွေ့နက်ရှိုင်းတဲ့ မေတ္တာလှိုင်းတွေဟာ..လေလှိုင်းကနေတဆင့်..သူ့နှလုံးသားဆီ လွှမ်းခြုံအေးမြစေနိုင်ပါတယ်…။

တကယ်ပါပဲ…သိပ်မကြာခင်မှာ…သမီးလေးက ကိုယ့်ဆီ အလိုလိုရောက်လာတာပါပဲ…။ သူဖြစ်နေတဲ့ ပြဿနာအကြောင်းပြောပြပါတယ်..။ သူ့ရဲ့လက်ရှိခံစားမှုကို ပြောပြပါတယ်..။ အဲ့ဒီအချိန်မျိုးမှာ..ကိုယ်က သူ့စကားကို ကြားဖြတ်ဝင်ပြောတာ..အကြံဥာဏ်တွေ ချက်ချင်းပေးတာ..သင်ခန်းစာတွေ သင်ပေးနေတာမျိုးတွေ လုံးဝမလုပ်ဘဲ..သူ့ပြဿနာကို နားလည်အောင်..သူ့ခံစားမှုတွေကို အသိအမှတ်ပြုမိအောင်စိတ်နဲ့ စိတ်ပါလက်ပါ နားထောင်ပေးနေလိုက်ပါတယ်..။

သူလိုအပ်မှ..သူတောင်းမှ..ကိုယ်က မေမေ့တုန်းကလည်း..ဒီလိုအဖြစ်အပျက်မျိုးကြုံဖူးတယ်..ဆိုပြီး ကိုယ့်အတွေ့အကြုံလေးတွေကို မျှဝေပြောပြလိုက်ပါတယ်..။ အဲ့ဒီတုန်းက ဒီလို အခက်အခဲတွေကို ကိုယ်ဘယ်လို ရင်ဆိုင်ဖြတ်သန်းခဲ့သလဲဆိုတာကိုပါ…ပြောပြလိုက်ပါတယ်…။ မှားခဲ့ဖူးတယ်ဆိုရင်လည်း..အဲ့ဒီအမှားကနေ သင်ယူခဲ့တာကိုပါ ပြောပြပါတယ်..။ သူ့အတွက် အဖြေတစ်ခု..ရှာတွေ့သွားတဲ့အခါ…သမီးလေးလည်း ကျေကျေနပ်နပ် မျက်နှာလေးနဲ့ သူ့အခန်းဆီပြန်သွားပါတယ်…။

တစ်ခါတစ်ရံမှာ…ဆက်ဆံရေးတစ်ချို့မှာလည်း…ကိုယ့်ကိုမလိုအပ်တော့တဲ့ ဆက်ဆံရေးမျိုး တွေ့ဖူးပါတယ်…။ သူငယ်ချင်းအပေါင်းအသင်းတွေကြားမှာပဲဖြစ်စေ..ကိုယ်နဲ့ နီးနီးကပ်ကပ် ခင်မင်ပေါင်းသင်းနေရာကနေ..ကိုယ့်ထက်ပိုပြီး ခင်မင်ရင်းနှီးတဲ့သူမျိုး တွေ့သွားတဲ့အခါ..ကိုယ့်ကို မလိုအပ်တော့သလို..ခံစားမိတတ်ပါတယ်..။

အဲ့ဒီလိုအချိန်မျိုးမှာ..ကိုယ့်ရဲ့ခံစားမှုတွေနောက်ကို အရမ်းမလိုက်မိဖို့ အရေးကြီးပါတယ်..။ သူများနဲ့ ပိုပြီးခင်မင်ရင်းနှီးပေါင်းသင်းနေတာကို ကိုယ်က မနာလိုတဲ့စိတ်..ခံပြင်းတဲ့စိတ်..မကျေနပ်တဲ့စိတ်တွေ ဖြစ်နေမိပြီဆိုရင်..ဒါဟာ အကုသိုလ်စိတ်ဖြစ်ပါတယ်..။ ကုလမစ္ဆရိယ..လို့ခေါ်ပါတယ်..။ ကိုယ် နာကျင်နေသမျှ..အကုသိုလ်စိတ်ကို မွေးမြူနေမိတော့တာပါပဲ..။

ကိုယ့်ကို သူများက မလိုအပ်တော့တဲ့အခါ…ကိုယ့်ဘက်က ကောင်းမွန်နေပါလျက်နဲ့ သူတစ်ပါးက ကိုယ့်ရဲ့ဖြစ်တည်မှုကို..အလေးအနက်တန်ဖိုးမထားတော့တဲ့အခါ..ထိုဆက်ဆံရေးကို ဇွတ်ကုပ်တွယ်ဆုပ်ကိုင်ထားချင်နေသမျှ ကိုယ်ပဲ စိတ်ပင်ပန်းနာကျင်ရမှာ ဖြစ်ပါတယ်..။ ဆူးဆိုတာ ဆုပ်ကိုင်ထားလေ..နာကျင်ရလေ..သွေးထွက်လေပါပဲ..။ ပိုတင်းတင်းဆုပ်မိလေ...ဆူးက ပိုနက်နက် စူးနစ်လေပါပဲ…။

အဲ့ဒီလိုအခါမျိုးမှာ…နှလုံးသွင်းမှန်ကန်စွာ လက်လွှတ်လိုက်နိုင်ဖို့ အရေးကြီးပါတယ်..။ ရေစက်ပါလာသလောက်..ငါတို့ခင်မင်ပေါင်းသင်းခဲ့ကြတယ်..ခင်မင်ခဲ့တဲ့အချိန်ကာလတစ်ခုမှာ.ကိုယ့်ဘက်က သူ့အပေါ်…ရိုးသားပွင့်လင်းစွာ ဆက်ဆံခဲ့တယ်..သစ္စာရှိခဲ့တယ်..မလှည့်စားခဲ့ဘူး..အနိုင်မကျင့်ခဲ့ဘူး..လေးစားတန်ဖိုးထားခဲ့တယ်..။ တာဝန်ကျေခဲ့တယ်…။ ပြန်တွေးမိတိုင်း နောင်တရစရာ..စိတ်မလုံခြုံစရာ အပြစ်မျိုး..လုပ်မထားခဲ့ဘူး..။

အခု..သူကိုယ့်ကို မလိုအပ်တော့တဲ့အချိန်မှာ…သူလွတ်လပ်စွာ သွားပါစေ..ရေစက်ပါသလောက်ပဲ ခင်မင်ခွင့်ရတာပါ…လို့ နှလုံးသွင်းလိုက်ရင်..သူ့အပေါ် ကိုယ့်ရဲ့ ငြိတွယ်နှောင်ဖွဲ့မှုတွေ..တင်းကျပ်သမျှ ပြေလျော့ရတာပါပဲ..။

ကိုယ့်ကို မလိုအပ်တဲ့သူအနားမှာ ဇွတ်ပေကပ်ကုပ်တွယ်ပြီး နာကျင်စွာ ရှင်သန်နေမယ့်အစား…ကျေနပ်စွာ လွတ်မြောက်ခွင့်ပေးလိုက်တာက ကိုယ်ရောသူပါ လွတ်လပ်ပေါ့ပါးစွား..ရှေ့ခရီးဆက်နိုင်ပါလိမ့်မယ်..။ တစ်ချို့သော အရာတွေက ဆုပ်တွယ်ထားခြင်းထက်..လက်လွှတ်လိုက်ရတာက ကိုယ့်ကိုပိုပြီး လွတ်မြောက်ပေါ့ပါးစေပါတယ်…။

#လွန်းထားထား
#ကိုယ့်ကိုမလိုအပ်တဲ့အခါ

တဖက်လူ ဖြေရခက်မယ့် မေးခွန်းမျိုးတွေ မမေးသင့်ပါ

မွေးနေ့မှာ ပင်လယ်ကြီးကို ဆုတောင်းရင် ပင်လယ်နတ်လေးကထွက်လာပြီး ဆုတောင်းတွေကို ဖြည့်ပေးလိမ့်မယ်တဲ့……

Deep Sea (2023)

စိမ်းရှို့ဆိုတဲ့ ကလေးမလေးဟာ အမေထွက်သွားပြီးနောက်မိဘမေတ္တာကို ငတ်နေသူလေးတစ်ယောက်ပေါ့။အတူတူရှိနေတဲ့ အဖေက ဂရုမစိုက်ပေးတဲ့အတွက်ထွက်သွားတဲ့ အမေ့ဆီက မေတ္တာကို တမ်းတနေသူလေးတစ်ယောက်ပေါ့။တစ်နေ့မှာ သူတို့ မိသားစု ၄ ယောက် ပင်လယ်ထဲကို ခရီးထွက်ကြတဲ့အခါစိမ်းရှို့ဟာ အမေ့ရဲ့ သီချင်းသံကို ကြားခဲ့ရတယ်။ထိုသီချင်းသံနောက်ကနေ အမေကိုလိုက်ရှာတုန်းမှာစိမ်းရှို့တစ်ယောက် ပင်လယ်ထဲကျသွားပြီးပင်လယ်အောက်က လျှို့ဝှက်ကမ္ဘာထဲကို ရောက်သွားပါတယ်။စိမ်းရှို့လေးတစ်ယောက် ပင်လယ်အောက်က ကမ္ဘာကြီးထဲမှာဘယ်လို ထူးခြားဆန်းကြယ်မှုတွေကို မြင်တွေ့ရမလဲ……သူမရဲ့ အမေကိုရော ရှာတွေ့နိုင်ပါ့မလား ……ဆိုတာကို ကာတွန်းဇာတ်လမ်းလေးရဲ့ လှပတဲ့သရုပ်ဖော်မှုတွေနဲ့အတူ ခံစားကြည့်ရှုလိုက်ပါနော်။

ဇာတ်ကားကြည့်ရန် ချန်နယ် အရင်Joinပါ

https://t.me/+nqhhs6tGKeRjZjA1

ဇာတ်ကားကြည့်ရန်နှိပ်ပါ

https://t.me/c/2088510221/1436