马圭 ( မကွေးမြို )

马圭 ( မကွေးမြို )

ဟ?

ထိုင်းနိုင်ငံရုပ်ရှင်အစည်းအရုံးဟာ လာမယ့် ၂၀၂၅ ခုနှစ်အော်စကာဆုပေးပွဲရဲ့ အကောင်းဆုံးနိုင်ငံတကာရုပ်ရှင်ဆုအတွက် ထိုင်းနိုင်ငံကိုယ်စားပြု ပါဝင်ယှဥ်ပြိုင်ဖို့ How to Make Millions Before Grandma Dies ရုပ်ရှင်ကို ရွေးချယ်လိုက်ပြီလို့ သိရပါတယ်။
အဖွားနဲ့ မြေးကြားက ရယ်မောဖွယ်၊​ ဝမ်းနည်းဖွယ်ဇာတ်လမ်းတစ်ပုဒ်ကို အလှပဆုံးပုံဖော်ထားတဲ့ ဒီရုပ်ရှင်ဟာ ထိုင်းနိုင်ငံအတွင်းသာမက အာရှရုပ်ရှင်စျေးကွက်မှာပါ စံချိန်တွေ ချိုးနိုင်ခဲ့တဲ့ရုပ်ရှင်ဖြစ်ပါတယ်။ How to Make Millions Before Grandma Dies ဟာ စင်္ကာပူနဲ့ မလေးရှားနိုင်ငံတို့မှာပြသတဲ့ ထိုင်းရုပ်ရှင်တွေထဲမှာ အအောင်မြင်ဆုံးထိုင်းရုပ်ရှင်ဖြစ်လာခဲ့သလို အင်ဒိုနီးရှားနိုင်ငံမှာဆိုရင်လည်း အာရှရုပ်ရှင်ထိပ်တန်းနိုင်ငံတစ်နိုင်ငံဖြစ်တဲ့ တောင်ကိုရီးယားနိုင်ငံက Exhuma ရုပ်ရှင်ကိုပါ ကျော်တက်ပြီး အင်ဒိုနီးရှားနိုင်ငံတွင်း အားပေးမှုအများဆုံး အာရှရုပ်ရှင်ဖြစ်ခဲ့ပါတယ်။ ဒါ့အပြင် နိုင်ငံတကာရုံဝင်ငွေစာရင်းမှာလည်း အမေရိကန်ဒေါ်လာ သန်း ၅၀ ကျော်ရရှိထားပါသေးတယ်။
How to Make Millions Before Grandma Dies ရုပ်ရှင်ကို အော်စကာဆုအတွက် ပါဝင်ယှဥ်ပြိုင်ဖို့​ ရွေးချယ်ခဲ့ပြီးနောက် ထိုင်းရုပ်ရှင်အစည်းအရုံးက “ဒီရုပ်ရှင်ဟာ ရုပ်ရှင်ရုံကို မျိုးဆက်ပေါင်းစုံ ခေါ်ဆောင်လာပေးတဲ့ ရုပ်ရှင်ဖြစ်ခဲ့ပြီး အသက် ၂၀ ကနေ ၅၀ ကြားအရွယ် ရုပ်ရှင်ပရိသတ်တွေက သူတို့ရဲ့ အသက် ၇၀ - ၈၀ ကြား အဖိုးအဖွားတွေကိုပါ ခေါ်လာပြီး အတူတူကြည့်ရှုကြကြောင်း၊ ဒီရုပ်ရှင်ဟာ ထိုင်းနိုင်ငံအတွက် ယဥ်ကျေးမှုမှတ်တိုင်တစ်ခုဖြစ်ကြောင်း” မှတ်ချက်ပြုခဲ့ပါတယ်။
ထိုင်းရုပ်ရှင်အစည်းအရုံးဟာ ၁၉၈၄ ခုနှစ်ကစပြီး နှစ်တိုင်းနီးပါး အော်စကာဆုအတွက် ရုပ်ရှင်တင်သွင်းယှဥ်ပြိုင်လေ့ရှိပေမယ့် နောက်ဆုံးဆန်ကာတင် ၅ ကားစာရင်းကိုတော့ တစ်ခါမှ မပါဝင်ဖူးသေးပါဘူး။ How to Make Millions Before Grandma Dies ရုပ်ရှင်ကိုတော့ အော်စကာဆုမရရှိသည့်တိုင် ဆန်ကာတင် ၆ ကားစာရင်းထဲ ပါဝင်ဖို့ ခန့်မှန်းနေကြပြီး ပရိသတ်တွေကလည်း ဒီရုပ်ရှင်အပေါ် ယုံကြည်မှုရှိနေကြတာကို တွေ့ရပါတယ်။​
အော်စကာဆုဆန်ကာတင်စာရင်းတွေကို လာမယ့် ၂၀၂၅ ခုနှစ် ဇန်နဝါရီလ ၁၇ ရက်နေ့မှာ ကြေညာသွားမှာဖြစ်ပြီး How to Make Millions Before Grandma Dies အနေနဲ့ ဆန်ကာတင်စာရင်းမှာ ပါဝင်လာမလားဆိုတာကိုတော့ စောင့်မျှော်ကြည့်ရှုကြရမှာပါ။

စာချုပ်ကုန်ဆုံးတဲ့အထိ ယူနိုက်တက်မှာ ဆက်ရှိချင်ကြောင်း ကတ်စီမီရိုပြော

ဖေဖော်ဝါရီ ၁၉

ကွင်းလယ်လူ ကတ်စီမီရိုဟာ ဒီရာသီ ယူနိုက်တက်အသင်းမှာ ပွဲထွက်ကစားခွင့် ဆုံးရှုံးနေပေမယ့် စာချုပ်ကုန်ဆုံး မယ့် ၂၀၂၆ ခုနှစ် နွေရာသီအထိ အသင်းမှာ ဆက်ရှိချင်တယ်လို့ ပြောခဲ့ပါတယ်။

ကတ်စီမီရိုက “ကျနော်ဟာ ဒီထက်ပိုကစားချင်ပြီး အသင်းကို အကူအညီပေးချင်ပါတယ်။ ကျနော်ဟာ စာချုပ် တစ်နှစ်ခွဲ ကျန်ရှိနေသေးပြီး စာချုပ်ကုန်ဆုံးတဲ့အထိ မန်ချက်စတာမှာ ရှိချင်ပါတယ်။ ကျနော်ဟာ ဒီမှာရှိနေရတာ အဆင်ပြေပြီး မိသားစုလည်း အတူတူပါပဲ။ ကျနော်ဟာ ပရိသတ်တွေနဲ့ ကလပ်ကို ကျေးဇူးတင်ပြီး အသင်းမှာ ပျော်ရွှင်ပါတယ်။ အရန်ခုံမှာထိုင်နေရတာ မပျော်ရွှင်တာကတော့ အကြောင်းအရာ သက်သက်ဖြစ်ပါတယ်”လို့ Diario AS နဲ့ ပြုလုပ်ခဲ့တဲ့ အင်တာဗျူးမှာ ပြောခဲ့တာပါ။

၂၀၂၂ ခုနှစ်၊ သြဂုတ်က ယူရိုသန်း ၇၀ နဲ့ ရီးရယ်လ်အသင်းကနေ ပြောင်းရွှေ့လာခဲ့တဲ့ ကတ်စီမီရိုဟာ ယူနိုက်တက် အသင်း ကစားသမားဘဝ ပွဲဦးထွက်ရာသီမှာ ခြေစွမ်းပြသနိုင်ခဲ့ပြီး အသင်းကို ကာရာဘောင်းဖလား ချန်ပီယံ ဖြစ်အောင်နဲ့ ချန်ပီယံလိဂ် ဝင်ခွင့်ရရှိအောင် ကူညီပေးနိုင်ခဲ့ပါတယ်။

ဒုတိယရာသီမှာ ကတ်စီမီရိုဟာ ဒဏ်ရာတွေနဲ့ ရုန်းကန်ခဲ့ရပြီး ခြေစွမ်းပျောက်ဆုံးခဲ့ကာ ဒီရာသီနည်းပြ အာမိုရင် လက်ထက်မှာတော့ ပွဲကစားခွင့်ရဖို့ ရုန်းကန်ခဲ့ရတာပါ။

ကတ်စီမီရိုဟာ စပါးအသင်းကို အရေးနိမ့်ခဲ့တဲ့ ပရီးမီးယားလိဂ် ပွဲစဉ်မှာတော့ ယူနိုက်တက်အသင်းရဲ့ ပွဲထွက် လူစာရင်းထဲ ပြန်ပြီးပါဝင်နိုင်ခဲ့တာ ဖြစ်ပါတယ်။

ကတ်စီမီရိုဟာ ယူနိုက်တက်အသင်းမှာ စာချုပ်ကုန်ဆုံးတဲ့အထိ ဆက်ရှိချင်တယ်လို့ ပြောခဲ့ပေမယ့် သူဟာ ပြီးခဲ့တဲ့ အပြောင်းအရွှေ့တွေမှာ အသင်းကနေ ထွက်ခွာဖို့ ချိတ်ဆက်မှုတွေခံခဲ့ရတာပါ။

ယူနိုက်တက်အသင်းဟာ လာမယ့် နွေရာသီမှာ အသင်းကို ပြုပြင်ပြောင်းလဲမှုတွေ ပြုလုပ်မှာဖြစ်ပြီး ကတ်စီမီရိုဟာ အသင်းရောင်းချမယ့် ကစားသမားစာရင်းထဲမှာ ပါဝင်နေပါတယ်။

အသက် ၃၂ နှစ်အရွယ်ရှိ ကတ်စီမီရိုဟာ ယူနိုက်တက်အသင်းအတွက် ပွဲပေါင်း ၁၀၈ ပွဲ ပါဝင်ကစားထားပြီး ၁၅ ဂိုး သွင်းယူကာ လာမယ့် အဲဗာတန်အသင်းနဲ့ ပရီးမီးယားလိဂ် ပွဲစဉ်မှာလည်း အသင်းရဲ့ ပွဲထွက်လူစာရင်းထဲ ပါဝင်ဖွယ်ရှိနေတာ ဖြစ်ပါတယ်။

Source: ESPN

ပုံ - ကတ်စီမီရိုကို တွေ့ရစဉ်

#ဘောလုံးသတင်းစုံ

အိန္ဒိယနှင့်မြန်မာ နယ်စပ်ကုန်သွယ်ရေး ပြန်ဖွင့်ရန် စီစဉ်

နယူးဒေလီ၊ ဖေဖော်ဝါရီ ၁၉

အိန္ဒိယနှင့်မြန်မာ နယ်စပ်ကုန်သွယ်ရေး လမ်းကြောင်းများကို ကုန်းလမ်းမှတဆင့် ပြန်လည်စတင်ရန် စီစဉ်နေ ကြောင်း Mokokchung Times မှ ဖော်ပြခဲ့သည်။

အဆိုပါ နယ်စပ်ကုန်သွယ်ရေး ပြန်ဖွင့်နိုင်ရန်နှင့်ပတ်သက်ပြီး နှစ်နိုင်ငံ ကုန်သွယ်ရေးဝန်ကြီးများအကြား မကြာသေးမီက ပြုလုပ်ခဲ့သည့် အစည်းအဝေးသည် တိုးတက်မှုရှိခဲ့ကြောင်း၊ အထူးသဖြင့် အိန္ဒိယ၏ အရှေ့မြောက် ဒေသအတွက် ကုန်သွယ်ရေးလမ်းကြောင်းများ ပြန်လည် ဖွင့်လှစ်ရန်စီစဉ်နေသည်။

ထိုတိုးတက်မှု အလားအလာသည် အိန္ဒိယ၏ Act East မူဝါဒ၏ တစ်စိတ်တစ်ပိုင်းဖြစ်သည့် ရခိုင်ပြည်နယ် စစ်တွေ ဆိပ်ကမ်းနှင့် အိန္ဒိယ၏ ကိုးလ်ကတ္တား (Kolkata) ဆိပ်ကမ်းကို ရေလမ်းကြောင်းမှ ဆက်သွယ်ထားသော ကုလား တန် သယ်ယူပို့ဆောင်ရေး စီမံကိန်းအတွက် ကောင်းသတင်းတစ်ခု ဖြစ်ခဲ့သည်။

ထိုအခြေအနေသည် မိုကော့ချန် (Mokokchung) မြို့တွင် လွန်ခဲ့သည့် ဆယ်စုနှစ်က ပေါ်ပေါက်ခဲ့သော သဘောထားအမြင်နှင့် လိုက်လျောညီထွေရှိစွာ ချိတ်ဆက်မှုရှိနေသည်မှာ စိတ်ဝင်စားစရာ ကောင်းလှသည်။

၂၀၁၂ ခုနှစ်က မိုကော့ချန် စက်မှုနှင့်ကုန်သည်ကြီးများအသင်း၏ ငွေရတု အထိမ်းအမှတ်ပွဲ အခမ်းအနားတွင် ထိုအချိန်က နာဂလန်းပြည်နယ်၏ တွဲဖက်အတွင်းရေးမှူးချုပ်နှင့် ဖွံ့ဖြိုးတိုးတက်ရေးကော်မရှင်နာ အလမ်တမ်ရှီ ဂျာမီယာ (Alemtemshi Jamir) က မိုကော့ချန်းမြို့၏ ပထဝီဝင်တည်နေရာအရ အားသာချက်ရှိမှုကို အလေးထား ပြောဆိုခဲ့သည်။

အထက်အာသံ (Upper Assam) နှင့် မြန်မာနိုင်ငံကို ဆက်သွယ်ထားသည့် ကုန်းလမ်းများသည် မိုကော့ချန်းမြို့ကို ဖြတ်ပြီး ဖောက်လုပ်ထားခြင်းဖြစ်၍ ထိုမြို့သည် အဓိကကျသည့် ကုန်စည်ဖြတ်သန်းသည့် နေရာတစ်ခု ဖြစ်နေ ကြောင်း ဂျာမီယာက ပြောကြားခဲ့သည်။

အိန္ဒိယ-မြန်မာ စင်္ကြံလမ်းသည် ပိုမိုခိုင်မာလာသည့် လက်ရှိအချိန်အခါတွင် မိုကော့ချန်းမြို့သည် နှစ်နိုင်ငံအကြား ကုန်စည်များ စီးဆင်းမှုအတွက် သယ်ယူပို့ဆောင်ရေးနှင့် စီးပွားရေး ဆုံချက်တစ်ခု ဖြစ်လာနိုင်သည်။

မိုကော့ချန်းမြို့သည် မဟာဗျူဟာကျသည့် တည်နေရာကို ခြေကုပ်ယူပြီး အိန္ဒိယအရှေ့မြောက်ဒေသနှင့် အရှေ့ တောင်အာရှအကြား အဓိကချိတ်ဆက်မှု လမ်းကြောင်းတစ်ခု ဖြစ်လာစေရန် လုပ်ဆောင်နိုင်သည်။

အာသံပြည်နယ်နှင့် မိုကော့ချန်းမြို့၏ အနီးကပ် တည်ရှိမှုသည် နယ်စပ်ဖြတ်ကျော် ကုန်သွယ်မှုများအတွက် အာသံပြည်နယ်ကို အဝင်အထွက်မုခ်ဝ တစ်ခုကဲ့သို့ ဖြစ်စေရန် အထောက်အကူပြုနေသည်။

ကုန်စည်သိုလှောင်သည့် ဂိုဒေါင်များ၊ သယ်ယူပို့ဆောင်ရေး စနစ်များနှင့် ကုန်သွယ်ရေးအထူးပြု လုပ်ငန်းများကဲ့သို့ အခြေခံ အဆောက်အအုံများတွင် ရင်းနှီးမြှုပ်နှံမှုများ ပြုလုပ်ခြင်းဖြင့် မိုကော့ချန်းမြို့သည် Tuensang ၊ Wokha နှင့် Zunheboto မြို့များကဲ့သို့ အနီးပတ်ဝန်းကျင်ရှိ မြို့များမှ စီးပွားရေးလုပ်ငန်းများကို ဆွဲဆောင်နိုင်သည်။

ထို့ပြင် အသစ် အကောင်အထည်ဖော်ခဲ့သည့် ရူပီး-ကျပ်ငွေ ကုန်သွယ်ရေး အဆင်ပြေမှု ယန္တရားသည်လည်း ဒေသန္တရစီးပွားရေး လုပ်ငန်းများအတွက် နယ်စပ်ဖြတ်ကျော် ငွေလွှဲပြောင်းမှုများတွင် ကောင်းမွန်သည့် အခွင့်အလမ်းကို ရရှိစေမည်ဖြစ်သည်။

Source: Mokokchung Times

ပုံ - အိန္ဒိယနဲ့မြန်မာ နယ်စပ်ပြန်ဖွင့်ရေးဆွေးနွေးကြစဉ်

#centralnewsnaypyitaw

အင်းလေးဒေသမှာ တိုက်ပွဲပြင်းထန်နေလို့ ဒေသခံ ၃၀၀၀ ကျော် တိမ်းရှောင်

ဖေဖော်ဝါရီ ၁၉

ရှမ်းပြည်နယ်တောင်ပိုင်း၊ ညောင်ရွှေမြို့နယ်၊ အင်းလေးဒေသမှာ နစက၊ PNO ပြည်သူ့စစ်ပူးပေါင်းတပ်ဖွဲ့နဲ့ ဒေသတွင်း လက်နက်ကိုင်တပ်ဖွဲ့တွေအကြား ဖေဖော်ဝါရီလ၊ ဒုတိယပါတ်ကနေ စတင်ပြီး တိုက်ပွဲပြင်းထန်စွာ ဖြစ်ပွားနေတာကြောင့် ဒေသခံ ၃၀၀၀ ကျော်ထွက်ပြေးနေရတယ်လို့ ဒေသတွင်း သတင်းရင်းမြစ်တွေထံကနေ သိရပါတယ်။

ညောင်ရွှေ - ပင်လောင်း - ဖယ်ခုံမြို့နယ်နယ်စပ်၊ အင်းလေးဒေသမှာ နစက၊ PNO ပြည်သူ့စစ် ပူးပေါင်းတပ်ဖွဲ့နဲ့ ဒေသတွင်း လက်နက်ကိုင်တပ်ဖွဲ့တွေအကြား ပြီးခဲ့တဲ့ ဇန်နဝါရီလ နောက်ဆုံးပါတ်မှာ စစ်ရေးတင်းမာမှုဖြစ်ပွားရာကနေ လက်ရှိမှာတော့ တိုက်ပွဲပြင်းထန်နေတာ ဖြစ်တယ်လို့ သိရပါတယ်။

“တိုက်ပွဲကတော့ တော်တော်လေးကြမ်းနေတာ။ နှစ်ဖက်စလုံးကတော့ ကျဆုံးတာ၊ ထိခိုက်တာ အသိမပေးတော့ မသိရဘူး။ ရွာကလူတွေကတော့ ရွာနဲ့နီးတဲ့ ကျောက်တောင်တွေ၊ တောတွေထဲမှာ ရှောင်နေရတယ်။ တခြားဖက်ကို ရှောင်ဖို့ကြတော့ လမ်းမှာ စစ်ဆေးရေးတွေက အရမ်းတင်းကြပ်ထားတော့ ဘယ်လိုမှ သွားလို့မရဘူး”လို့ သတင်းရင်းမြစ်တယောက်က ပြောပါတယ်။

ဒေသခံ ၃၀၀၀ကျော်ဟာ နီးစပ်ရာ တောတောင်တွေ၊ ဆွေမျိုးတွေနဲ့ ဘုန်းကြီးကျောင်းတို့မှာ ထွက်ပြေး တိမ်းရှောင်နေရတဲ့ အတွက် နေရာထိုင်ခင်းအပြင် စားသောက်ဖို့အတွက် အခက်အခဲများစွာ ကြုံတွေ့နေရပြီး အကူအညီတွေလည်း လိုအပ်နေတယ်လို့ စစ်ဘေးရှောင်အရေးကူညီနေသူတွေက ပြောပါတယ်။

“ဘေးလွတ်ရာကို ပြေးကြပြီး အဆင်ပြေတဲ့နေရာရှာပြီး နေနေကြတာပဲ၊ တချို့လည်း တောထဲမှာပဲနေတယ်။ ဒီသက်ကြီးရွယ်အို တချို့ဆို လေဖြတ်ရောဂါ ဝေဒနာကို ပိုခံစားနေရတယ်။ အကူအညီတွေကတော့ အများကြီး လိုနေတာ။ လမ်းပန်းဆက်သွယ်ရေးဖွင့်ပေးစေချင်တယ်။ ဒါမှလည်း ဒီဖက်ကို ထွက်ချင်တဲ့ သူတွေကော၊ သွားကူညီချင်တဲ့ သူတွေအတွက်ကော အဆင်ပြေမှာ”လို့ စစ်ဘေးရှောင်အရေးကူညီနေသူ တယောက်က ပြောပါတယ်။

Photo:CJ

Credit - VOM News Agency

#သတင်းဟင်းလေးအိုးကြီး

ချစ်ဦးညိုရဲ့ “လင်္ကာဒီပချစ်သူ” ကို အတော်များများ ဖတ်ဖူးကြမယ်ထင်ပါတယ်။ ရာမာယဏကဗျာရှည်ကြီးကို ဗီလိန် ဒသာဂီရိရှုထောင့်ကနေ ပြန်ရေးထားတဲ့ ဝတ္ထုကောင်းတစ်ပုဒ်ပါပဲ။ အဲ့ဒီဝတ္ထုဟာ ဒသာဂီရိကို လူကောင်းအဖြစ် အမွှန်းတင်တာထက် အကြွေစေ့တစ်စေ့မှာ ဘက် ၂ ဖက်ရှိတယ်ဆိုတာ တွေးမိစေဖို့ ရည်ရွယ်တယ်လို့ ခံစားရပါတယ်။ Wicked ရုပ်ရှင်ဟာလည်း “လင်္ကာဒီပချစ်သူ” နည်းတူ ကမ္ဘာကျော်စိတ်ကူးယဥ်ပုံပြင်တစ်ပုဒ်ရဲ့ ဗီလိန်တစ်ယောက်ကို သူ့ရဲ့ရှုထောင့်ကနေ ကြည့်နိုင်အောင် ဖန်တီးထားတာဖြစ်ပါတယ်။ ဒီလိုဘက်ပြောင်းကြည့်လိုက်တဲ့အခါ ကိုယ်ရင်းနှီးပြီးသားဇာတ်လမ်းမှာ သတိမမူခဲ့မိတဲ့ အဖြစ်အပျက်တွေ၊ မြင်ကွင်းသစ်တွေနဲ့ အိုင်ဒီယာအသစ်တွေကို မြင်တွေ့ခံစားလာရပါတယ်။
Wicked ဟာ ကမ္ဘာကျော် The Wizard of Oz ပုံပြင်ရဲ့ ဗီလိန်တစ်ယောက်ဖြစ််တဲ့ Wicked Witch of the West တဖြစ်လည်း Elphaba အကြောင်းကို ဗဟိုပြုထားတာဖြစ်ပါတယ်။ Oz တိုင်းပြည်ကြီးရဲ့ ဒီနာမည်ကျော်ပုံပြင်ကို ရုပ်ရှင်အနေနဲ့သော်လည်းကောင်း၊ ပုံပြင်စာအုပ်နဲ့သော်လည်းကောင်း ရင်းနှီးကျွမ်းဝင်ထားသူတွေအတွက် Wicked ဇာတ်လမ်းက သိပ်မထူးခြားလှပါဘူး။​ သိပြီးသားဇာတ်ကောင်တွေကို ရှုထောင့်ပြောင်းထားရုံပါပဲ။ ဒါကြောင့်ပဲ Wicked ရဲ့ ထူးခြားမှုကို ဇာတ်လမ်းမှာ သိပ်တွေ့ရမှာမဟုတ်ပါဘူး။ ဒီအစား Wicked ဟာ ပြောင်းလဲသွားတဲ့ရှုထောင့်အောက်မှာ Elphaba ကြုံတွေ့ရတဲ့ ဖိနှိပ်မှုတွေ၊ သိုးမည်းဖြစ်ခဲ့ရတဲ့ နောက်ဆက်တွဲ စိတ်မလုံခြုံမှုတွေ၊ ဆိတ်ကြီး Dr. Dillamon ကတဆင့် မြင်တွေ့ရတဲ့ လူမှုရေးအဆင့်အတန်းကွာဟချက်တွေကို ထည့်သွင်းသွားပြီး သူ့ရဲ့ထူးခြားတဲ့အချက်ကို ပုံဖော်သွားခဲ့ပါတယ်။
rWicked မှာ မဖြစ်မနေ ချီးကျူးရမယ့် ပထမဆုံးအချက်က Production Design မဟုတ်သလို သီချင်းတွေလည်းမဟုတ်ပါဘူး။ ဒါတွေက ချီးကျူးစရာမှန်ပေမယ့် သူတို့ထက်ပိုအရေးပါတယ်လို့ ခံစားရစေတဲ့အရာတစ်ခု ရှိနေပါတယ်။ အဲ့ဒါကတော့ သရုပ်ဆောင်ရွေးချယ်မှုပါ။ အပယ်ခံ သိုးမည်းတစ်ကောင်အဖြစ် ကြီးပြင်းလာရပြီး သူ့ရဲ့အသားအရောင်ကြောင့် ခွဲခြားဆက်ဆံခံရတဲ့ Elphaba ဇာတ်ကောင်နေရာမှာ ပြင်ပလောကမှာလည်း အခုအချိန်ထိ ခွဲခြားဆက်ဆံခံရဆဲဖြစ်တဲ့ လူမည်းတွေထဲက တစ်ယောက်ဖြစ်တဲ့ နိုင်ဂျီးရီးယားနိုင်ငံဖွား Cynthia Erivo ကို ရွေးချယ်ထားတာဟာ Elphaba ဇာတ်ကောင်အနေနဲ့ ကြုံတွေ့ခံစားရတဲ့ အခက်အခဲတွေကို ရုပ်ရှင်ပိတ်ကားပေါ်မှာ ရှည်ရှည်ဝေးဝေး ပြနေစရာမလိုတော့ဘဲ ပရိသတ်ရဲ့ မသိစိတ်ကနေ အလိုလိုသဘောပေါက်လာအောင် လုပ်နိုင်ဖို့ အထောက်အကူပြုနိုင်ခဲ့ပါတယ်။ သူ့ရဲ့ သူငယ်ချင်းလည်းဖြစ်သလို ခေါင်းနဲ့ပန်း သဘောသက်ရောက်တဲ့ Galinda (Glinda) နေရာမှာ ငယ်စဥ်ကတည်းက အနုပညာလောကထဲ ခြေချခဲ့ပြီး အောင်မြင်လာခဲ့တဲ့ အဆိုတော်၊ သရုပ်ဆောင် Ariana Grande ကို ရွေးချယ်ထားတာကလည်း Elphaba ဇာတ်ကောင်အတွက် အကောင်းဆုံးအထောက်အပံ့ဖြစ်စေခဲ့ပါတယ်။ ဒါဟာ သူတို့နှစ်ယောက်ရဲ့ သရုပ်ဆောင်စွမ်းရည်တွေအကြောင်း ပြောတဲ့အဆင့်အထိ မရောက်သေးပါဘူး။ ဒီလူနှစ်ယောက်ကို ရွေးချယ်လိုက်ကတည်းက မသိစိတ်ကနေ လူဖြူကြီးစိုး/ လူဖြူကိုးကွယ်လေ့ရှိတတ်ကြတဲ့ ပရိသတ်တွေအတွက် Elphaba နဲ့ Glinda ရဲ့ အားပြိုင်မှုကို ရုပ်ရှင်ထဲမှာ ခက်ခက်ခဲခဲ တည်ဆောက်ပြစရာ မလိုတော့တာကို မီးမောင်းထိုးပြချင်တာပါ။ Cynthia Eviro က ထူးခြားတဲ့အစွမ်းတစ်ခုကို ပိုင်ဆိုင်ထားတဲ့ မထုံတတ်တေး လူတစ်ယောက်အနေနဲ့ အကောင်းဆုံးသရုပ်ဆောင်ပြနိုင်ခဲ့သလို Ariana Grande ကလည်း Cynthia နဲ့ ပြောင်းပြန်ဆိုတဲ့အတိုင်း ဟိတ်ဟန်ကြီးပြီး ကိုယ့်ဖို့ကိုယ်ကြည့်တတ်တဲ့သူတစ်ယောက်အဖြစ် လုပ်ကွက်တွေအများကြီးရခဲ့ပါတယ်။ သူတို့နှစ်ယောက်ရဲ့ ရုပ်ရှင်ပိတ်ကားပေါ် အားပြိုင်မှုက Wicked ရုပ်ရှင်ရဲ့ ပထမပိုင်းနဲ့ ဒုတိယပိုင်းကို အသက်ဝင်နိုးကြွစေခဲ့တာ အမှန်ပါပဲ။
Wicked ရဲ့ Production Design ဟာ သာမန်ပရိသတ်တွေအဖို့ ဂီတရုပ်ရှင်ကားတစ်ကားရဲ့ ပုံမှန် ကိန်းကြီးခန်းကြီးပြင်ဆင်မှုတွေ ဆိုတာထက် မပိုကောင်းမပိုနိုင်ပေမယ့် Oz တိုင်းပြည်ကို အလည်ပြန်သွားရသူတွေအတွက် အိပ်မက်တစ်ခု အကောင်အထည်ပေါ်လာတယ်လို့ ပြောရင် ပိုမှန်ပါလိမ့်မယ်။ အနီးစပ်ဆုံးပြောရရင် Wonka ရုပ်ရှင်ရဲ့ Production Design ကို ဘတ်ဂျက်ပိုသုံးထားပြီး ပိုခမ်းနားအောင်လုပ်ထားတာနဲ့ တူပါတယ်။ Oz တိုင်းပြည်ကြီးဟာ အရောင်အသွေးစုံလင်လှပြီး Emerald City ကြီးကလည်း ရေနွေးငွေ့မြို့တော်ကြီးတစ်ခုအတိုင်း ခံစားရပါတယ်။ သီချင်းတွေကို တင်ဆက်ပုံကလည်း ဂီတရုပ်ရှင်ကားတစ်ကား ပီသပြီး Cynthia နဲ့ Eviro ရဲ့ အသံပါဝါအားက သီချင်းတွေ အသက်ပိုဝင်ပြီး မြူးကြွလာဖို့ သေချာစေခဲ့ပါတယ်။

MacBook Second ဝယ်တော့မယ်ဆိုရင် ဘာတွေစစ်ဆေးသင့်လဲ
Macbook ဆိုတာက နှစ်တွေအများကြီးကြာသွားရင်တောင် Daily Usage လောက်တော့သုံးလို့ရနေဆဲပဲမို့ ခုချိန်ထိ 2012 Model တွေကအစ ဈေးအသင့်အတင့်တွေနဲ့ ရောင်းဝယ်ပြီးသုံးစွဲနေကြတာ တွေ့ရမှာပါ။ ဆိုတော့ ဒီနေ့မှာတော့ MacBook တစ်ခြားသူစီကပြန်ဝယ်မယ်ဆိုရင် ဘာတွေစစ်ဆေးသင်လဲဆိုတဲ့အချက်တွေကို ပြောပြပေးပါမယ်။
၁. External Damage စစ်ဆေးပါ
နောက်ပိုင်း Mac တွေက ထိသွားရင် အရမ်းသိသာလို့ စစ်ဆေးရတာ မခက်ခဲပါဘူး။ နောက်ကျော်မှာပွန်းပဲ့တာတွေရှိလား၊ မှန်ထောင့်တွေမှာပဲ့နေတာတွေရှိလား၊ Edge တွေထိနေတာတွေရှိလားသေချာစစ်ဆေးပါ။ အားသွင်းပေါက်တွေ အားဝင်မဝင်စစ်ပါ။
၂. Internet ချိတ်ကြည့်ပါ။
ဖုန်းကနေဖြစ်ဖြစ်၊ Wifi ရတဲ့နေရာတစ်ခုခုကနေ Wifi ချိတ်ကြည့်ပြီး YouTube ကနေသီချင်းတစ်ပုဒ်ဖွင့်ကြည့်ပြီး Speaker ပါတစ်ခါတည်းစစ်လို့ရပါတယ်။
၃. Battery Cycle Count ကိုစစ်ပါ။
Coconut Battery လို့ခေါ်တဲ့ Tool ရှိပါတယ်။ ပိုင်ရှင်ကို ခွင့်တောင့်ပြီး Coconut Battery ဆိုတဲ့ Software တစ်ခုကို Download လုပ်ပြီး Battery Cycle Couunt ကိုစစ်လိုက်ပါ။ Model နဲ့ Battery Cycle နဲ့က အရမ်းကွာနေရင် Battery လဲထားမထားပါ ခန့်မှန်းလို့ရပါတယ်။ ဥပမာ ၂၀၁၈ Mac မှာ Cycle Count က ၃၀-၄၀ လောက်ပဲဖြစ်နေတာရှိတတ်ပါတယ်။
၄. I Cloud ဝင်ထားမထားစစ်ပါ။
Setting ထဲမှာ Icloud ဝင်ထားမထားစစ်ပါ။ မဝင်ရသေးတာဆိုရင် ကိုယ့်ရဲ့ Apple ID ဝင်ကြည့်ပြီး Lock ဖြစ်နေမဖြစ်နေကို စမ်းကြည့်လိုက်ပါ။ Lock ဖြစ်နေတဲ့အလုံးကိုဝယ်မိရင် ငိုနေရနိုင်ပါတယ်။
၅. Display စစ်ပါ။ Keyboard စစ်ပါ။
YouTube ကနေ Display Test ဆိုပြီး Video တစ်ပုဒ်ကို Full Screen Mode နဲ့ဖွင့်ပြီး Dead Pixel ရှိမရှိစစ်ဆေးပါ။ Keyboard ကိုလည်း Notepad ဖွင့်ပြီး တစ်လုံးခြင်းစီ ရိုက်ကြည့်ပြီး ကပ်နေတဲ့ Key ရှိမရှိစစ်နိုင်ပါတယ်။ True tone On ကြည့်ပါ။
နောက်ဆုံးနဲ့ အရေးကြီးဆုံးကတော့ တစ်ကယ်လို့ ကိုယ်ဝယ်မယ့်အလုံးက ဘူးပစ္စည်းအစုံပါတယ်ဆိုရင် ဗူးပေါ်က Serial Number နဲ့ Macbook ရဲ့ Serial တူမတူတိုက်စစ်လို့လည်းရပါတယ်။
ဒီအချက်တွေကိုသုံးပြီး ဂျင်းထည့်ခံရခြင်းကနေ အထိုက်အလျောက် ကာကွယ်ပေးနိုင်မယ်လို့ ထင်ပါတယ်။

လူသားတွေရဲ့ စိတ်ကို ၈၀ ရာခိုင်နှုန်း တိကျစွာ ဖတ်နိုင်တဲ့ Meta ရဲ့ AI
=======================================
လူသားတွေရဲ့ ဦးနှောက်ထဲမှာ ကိရိယာတွေကို ခွဲစိတ် ထည့်သွင်းပြီး ဦးနှောက်လှိုင်းတွေကို တွက်ချက်ကာ လူသားတွေရဲ့ စိတ်ကို ဖတ်နိုင်တဲ့ နည်းပညာတွေအကြောင်း သတင်းတွေမှာ တွေ့ခဲ့ကြရပြီးပါပြီ။
အခုတော့ Meta ရဲ့ AI နည်းပညာက လူ့ဦးခေါင်းကို ခွဲစိတ်ပြီး ကိရိယာတွေ ထည့်သွင်းစရာ မလိုဘဲ လူသားတွေရဲ့ စိတ်ကို ဖတ်နိုင်ပါတယ်။ ၈၀ ရာခိုင်နှုန်းတောင် တိကျစွာ ဖတ်နိုင်တယ်လို့ Meta က ပြောပါတယ်။ ဒီနည်းပညာဟာ စကားမပြောနိုင်တဲ့ လူတွေအတွက် အရမ်းကို အသုံးဝင်လာမှာ ဖြစ်ပါတယ်။
Meta ရဲ့ AI Model မှာ Magnetoencephalography (MEG) နဲ့ Electroencephalography (EEG) ကို အသုံးပြုထားပါတယ်။ AI Model ကို Volunteer ၃၅ ယောက်နဲ့ လေ့ကျင့်ပေးထားပြီး Volunteer တွေက စာရိုက်တာကို AI က ခန့်မှန်းရတာ ဖြစ်ပါတယ်။ Meta က AI ဟာ ၈၀ ရာခိုင်နှုန်း တိကျစွာ ဖတ်နိုင်တယ်လို့ ပြောပါတယ်။
လက်ရှိမှာ Meta က AI Model ကို ဆက်လက် ဖန်တီးနေပြီး အနာဂတ်မှာ စကားမပြောနိုင်တဲ့ လူသားတွေဟာ ဆက်သွယ်စကားပြောနိုင်တော့မှာ ဖြစ်ပါတယ်။