မလေးရှားမှာ မြန်မာနိုင်ငံသား ၈၉ ဦးအပါအဝင် အထောက်အထားမဲ့ နိုင်ငံခြားသား ၁၁၉ ဦးဖမ်းဆီးခံရ

နိုဝင်ဘာလ ၂၈

မလေးရှားနိုင်ငံ၊ ဆလန်ဂေါပြည်နယ်၊ အမ်ပန်းမြို့မှာ မြန်မာနိုင်ငံသား ၈၉ ဦးအပါအဝင် အထောက်အထားမဲ့ နိုင်ငံခြားသား ၁၁၉ ဦးဖမ်းဆီးခံရတယ်လို့ မလေးရှားရောက်မြန်မာနိုင်ငံသားတွေဆီက သိရပါတယ်။

နိုဝင်ဘာလ ၂၆ ရက်နေ့ မနက်ပိုင်းက နိုင်ငံခြားသားတွေ အများစု နေထိုင်တဲ့ အမ်ပန်းမြို့က အိမ်ဖလပ် ၆ခုကို မလေးရှား အာဏာပိုင်အဖွဲ့တွေ ဝင်ရောက်စီးနင်းစစ်ဆေးခဲ့ပါတယ်။အဲ့ဒီအိမ်ပလပ် ၆ခုက နိုင်ငံခြားသား ၄၀၀ ကို စစ်ဆေးခဲ့ရာ တရားမဝင်နေထိုင်သူ မြန်မာနိုင်ငံသားအပါအဝင် ၁၁၉ ဦးကို ဖမ်းဆီးခဲ့တယ်လို့ သိရပါတယ်။

"အခုဖမ်းတဲ့နေရာမှာ မြန်မာနိုင်ငံသား ချင်းလူမျိုးတွေများတယ်။ ဖမ်းခံရတဲ့ထဲမှာလည်း ကျတော်အသိ ချင်းတွေလည်းပါသွားတယ်။ မနေ့က တနေ့ကုန် ဖမ်းနေကြတယ်။"လို့ မလေးရှားရောက် မြန်မာနိုင်ငံသားတစ်ဦးက ပြောပါတယ်။

အဖမ်းခံရသူတွေထဲမှာ မြန်မာနိုင်ငံအမျိုးသား ၇၁ ဦး၊ အမျိုးသမီး ၁၈ဦး၊ဘင်္ဂလားဒေ့ရှ်နိုင်ငံသား ၁၄ ဦး၊ နီပေါနိုင်ငံသား ၈ ဦး၊ အိန္ဒိယနိုင်ငံအမျိုးသား ၄ဦး၊ အင်ဒိုနီးရှားနိုင်ငံအမျိုးသား ၃ ဦးနဲ့ အမျိုးသမီး ၁ဦးတို့ သိရပါတယ်။

အဖမ်းခံရသူတွေကို ဆက်လက်စစ်ဆေးနိုင်ရေးအတွက် ဆလန်ဂေါလူဝင်မူကြီးကြပ်ရေး ( ဆမုန်ညင်း) ကန့်မှာ ထိမ်းသိမ်းထားတယ်လို့ သိရပါတယ်။ ၎င်းတို့ကို မလေးရှားမှာ တရားမဝင်နေထိုင်မူ၊ ပါမစ်သက်တမ်းရက်လွန်နေထိုင်မူတို့နဲ့ စစ်ဆေးအရေးယူသွားမယ်လို့ သိရပါတယ်။

ဒါ့အပြင် မနေ့က မလာကာပြည်နယ်မှာလည်း မလေးရှားအာဏာပိုင်အဖွဲ့က တရားမဝင်နေထိုင်တဲ့ နိုင်ငံခြားသားတွေကို ဖမ်းဆီးရာ နိုင်ငံခြားသား ၁၆ ဦး ဖမ်းဆီးခံရပါတယ်။

#centralnewsnaypyitaw

နေပြည်တော်ပြည်ထောင်စုနယ်မြေ၊ ဒက္ခိဏသီရိမြို့နယ်၌ လူမှုကွန်ရက်စာမျက်နှာပေါ်တွင် ငွေစက္ကူအတုများ ဝယ်ယူရရှိနိုင်ကြောင်း ယုံကြည်အောင်ပြောဆို၍ ငွေစက္ကူအတု ဝယ်ယူလိုသူများထံမှ ငွေကြေးလိမ်လည်ရယူခဲ့သူအား ဖော်ထုတ်ဖမ်းဆီး

နိုဝင်ဘာ ၂၈

မသမာသူများအနေဖြင့် လူမှုကွန်ရက်ဖြစ်သည့် Facebook တွင် အမည်အမျိုးမျိုးဖြင့် ကိုယ်ပိုင် Page များ ဖွင့်လှစ်အသုံးပြုကာ ငွေစက္ကူအတုများ ဝယ်ယူရရှိနိုင်ကြောင်း ယုံကြည်အောင် ပြောဆို၍ ၎င်းတို့နှင့်ဆက်သွယ်လာသူ ငွေစက္ကူအတုဝယ်ယူလိုသူများထံမှ ငွေကြေးလိမ်လည် ရယူမှုများဖြစ်ပွားလျက်ရှိသည်။

အဆိုပါ Facebook အကောင့်ပိုင်ရှင်များအား ဖမ်းဆီးရမိရေး အတွက်လုံခြုံရေးတပ်ဖွဲ့ဝင်များမှ အထူးအမှုစစ်အဖွဲ့များဖွဲ့စည်း၍ နည်းပညာအကူအညီရယူကာ စုံစမ်းရှာဖွေဖော်ထုတ်ခြင်းများ ဆောင်ရွက်ခဲ့ကြောင်း သိရသည်။

#သတင်းဟင်းလေးအိုးကြီး

ဗိုလ်ချုပ်မှူးကြီးမင်းအောင်လှိုင်အား ICC ဖမ်းဝရမ်း အသိအမှတ်မပြုဟု နစက ပြော

နိုဝင်ဘာ ၂၇

နစကဥက္ကဋ္ဌ ဗိုလ်ချုပ်မှူးကြီးမင်းအောင်လှိုင်အား နိုင်ငံတကာ ရာဇဝတ်တရားရုံး(ICC)မှ ဖမ်းဝရမ်း ထုတ်ရန် ICC ၏ ရှေ့နေချုပ် ကာရင်အေအေခန်(Karim A.A Khan)က လျှောက်ထားခဲ့ရာ အသိအမှတ်မပြုကြောင်း နစက-က နိုဝင်ဘာ ၂၇ ရက်တွင် ထုတ်ပြန်ခဲ့သည်။

၂၀၁၇ ခုနှစ်က ရခိုင်ပြည်နယ်အတွင်းမှာ ဘင်္ဂါလီများအပေါ် ကျူးလွန်သည့် ရာဇဝတ်မှုများအတွက် ဗိုလ်ချုပ်မှူး ကြီးမင်းအောင်လှိုင်ကို ဖမ်းဝရမ်းထုတ်ရန် ICC ၏ ရှေ့နေချုပ် ကာရင်အေအေခန်က ICC တရားရုံးကို နိုဝင်ဘာ ၂၇ ရက်က လျှောက်ထားခဲ့သည်။

နစက-က “မြန်မာနိုင်ငံသည် ICC အဖွဲ့ဝင်နိုင်ငံမဟုတ်သကဲ့သို့ ICC ၏ ပြောကြားချက်များအပေါ် မည်သည့်အခါ ကမှ အသိအမှတ်ပြုခြင်းမရှိပါ။ မြန်မာနိုင်ငံအနေဖြင့် ဒေသတွင်းအပြင် ကမ္ဘာ့နိုင်ငံများနှင့် ဆက်ဆံရာတွင် လွတ် လပ်၍ တက်ကြွပြီး ဘက်မလိုက်သော နိုင်ငံခြားရေး မူဝါဒကို ကျင့်သုံးလျက်ရှိပြီး နိုင်ငံများအကြား ငြိမ်းချမ်းစွာ အတူယှဉ်တွဲနေထိုင်ရေးမူကို ကျင့်သုံးလျက်ရှိသည်”ဟု ထုတ်ပြန် ပြောကြားခဲ့သည်။

ရှေ့နေချုပ် ကာရင်အေအေခန်ကတော့ နောက်ထပ် ဝရမ်းများ လျှောက်ထားရန် ရှိသည်ဟု နိုင်ငံတကာ မီဒီယာ များသို့ ပြောကြားထားသည်။

၂၀၁၇ ခုနှစ်က ရခိုင်ပြည်နယ်အတွင်းရှိ နယ်ခြားစောင့်တပ် စခန်းများနှင့် ရဲစခန်းများကို ARSA က တပြိုင်တည်း ဝင်ရောက်တိုက်ခိုက်ခဲ့ခြင်းကြောင့် မြန်မာ့တပ်မတော်က နယ်မြေရှင်းလင်းရေး လုပ်ဆောင်ခဲ့သည်။

ထို့နောက် ရခိုင်ပြည်နယ်အတွင်းက ဘူးသီးတောင်၊ မောင်တော၊ ရသေ့တောင်မြို့နယ်များတွင် နေထိုင်ကြသည့် ဘင်္ဂါလီများသည် ဘင်္ဂလားဒေ့ရှ်နိုင်ငံဘက်သို့ ထွက်ပြေးတိမ်းရှောင်ခဲ့ကြရာ ဒေါ်အောင်ဆန်းစုကြည် ဦးဆောင် သည့် မြန်မာအစိုးရက ပြန်လည် လက်ခံရန် ကြိုးပမ်းခဲ့သော်လည်း ယနေ့အချိန်ထိ အဆင်မပြေသေးပေ။

အဆိုပါ ဖြစ်စဉ်အတွင်း မြန်မာနိုင်ငံကို လူမျိုးသုဥ်း သတ်ဖြတ်သည်ဟုဆိုကာ နိုင်ငံတကာက စွပ်စွဲခဲ့သလို ဂမ်ဘီယာနိုင်ငံက ICJ မှာ တရားစွဲခဲ့၍ ဒေါ်အောင်ဆန်းစုကြည် ကိုယ်တိုင် တက်ရောက်ဖြေရှင်းခဲ့သည်။

ယူကျုကပေးတဲ့ Silver Button ဆုလေးကို ရတနာမိုင်လည်း ရရှိခဲ့ပါပြီတဲ့
ရတနာမိုင်အနေနဲ့ သူမရဲ့ ယူကျုချန်နယ်မှာ Subscriber ၁သိန်းပြည့်သွားလို့ ယူကျုကပေးတဲ့ Silver Button လေး ရရှိခဲ့တာပါတဲ့. သူမအခုလိုရရှိအောင် အားပေးကြတဲ့ ပရိသတ်တွေကိုကျေးဇူးတင်ကြောင်းလည်း မိုင်လေးက ဆိုထားတာပါ.
#legendmedia #yadanarmy #youtube #silverbutton
#crd

Paid International Internship Program တွေကို ရှာနေတဲ့ သူများအတွက် international Company တွေကနေ ခေါ်ယူနေတဲ့ Internship လေးတွေကို စုပြီးဖော်ပြပေးလိုက်ပါတယ်။ Thailand, Singapore, Malaysia , U.S, Canada စသောနိုင်ငံတွေမှာ မိမိနှစ်သက်ရာကို ရွေးချယ်ပြီး လျောက်ကြည့်ပါ။
Website: HOSCO
Internship: Bachelor (Hospitality)
Link: https://www.hosco.com/en/internships/in/thailand
Company: Johnson & Johnson
Internship Level: Bachelor and MBA
Link: https://www.careers.jnj.com/internship
Company: Deloitte
Internship Level: Bachelor and MBA
Link: https://jobs.sea.deloitte.com/....search/?createNewAle
Company: BMW Thailand Company Limited
Internship Level: Bachelor (Internship International Purchasing Office)
Link: https://th.joblum.com/.../inte....rnship-international
Link: https://th.jobsdb.com/job/8018....4634?type=standout..
Company: ESSILOR
Internship: Bachelor (Internship Engineer and Purchasing officer 6 months contracts)
Link: https://th.joblum.com/.../inte....rnship-engineer.../8
Company: HELPER
Internship: Bachelor (Tour Operation Internship - April 2025 onwards (3-6 months)
Link: https://th.joblum.com/.../tour-operation.../867103
Company: SCB TECH
Internship: Bachelor (Software QA Engineer Internship 2025)
Link: https://th.jobsdb.com/job/8002....4589?type=standout..
Company: HASHED ANALYTICS
Internship: Bachelor (Corporate Assistant (Intern / Entry-level)
Link: https://th.jobsdb.com/job/8009....5685?type=standout..
Company: Lotus
Internship: Bachelor (2025 CP AXTRA (Lotus's) Tech Internship Program)
Link: https://th.jobsdb.com/job/7990....4456?type=standout..
Company: QualityPlus
Internship: Bachelor (Internship Program in Thailand for International Students)
Link: https://www.qualityplus.co.th/....en/internship-progra

#crd

နွမ်နရီကို စာချုပ်သစ်ချုပ်ဆိုဖို့ အာဆင်နယ် ပြင်ဆင်

နိုဝင်ဘာ ၂၈

အာဆင်နယ်အသင်းဟာ လူငယ်ကြယ်ပွင့် နွမ်နရီကို အသင်းမှာ ကာလရှည်ကြာရှိမယ့် စာချုပ်သစ်ချုပ်ဆိုဖို့ ပြင်ဆင်နေတယ်လို့ နာမည်ကြီးဂျာနယ်လစ် ဖာဘရီဇီယိုရိုမန်နိုက ဖော်ပြထားပါတယ်။

အသက် ၁၇ နှစ်အရွယ်ရှိ နွမ်နရီဟာ အာဆင်နယ်အသင်း လူငယ်စီမံကိန်းကနေ ထွက်ပေါ်လာတဲ့သူဖြစ်ပြီး အသင်းရဲ့ အနာဂတ် အစီအစဉ်မှာ အရေးပါတဲ့သူအဖြစ် သတ်မှတ်ခြင်းခံထားရတာပါ။

အာဆင်နယ်အသင်းဟာ နွမ်နရီကို ဥရောပပြိုင်ဘက် အသင်းတွေရဲ့ စိတ်ဝင်စားမှု ခံရခြင်းကနေ ရှောင်ရှား ဖို့အတွက် ကာလရှည် စာချုပ်ချုပ်ဆိုဖို့ ပြင်ဆင်နေတာ ဖြစ်ပါတယ်။

နွမ်နရီဟာ ဒီရာသီမှာ ပြသနေတဲ့ သူ့ရဲ့ခြေစွမ်းတွေကြောင့် ဥရောပကလပ်အသင်းအချို့ရဲ့ စိတ်ဝင်စားခြင်းကို ခံနေရတာပါ။

နွမ်နရီဟာ ဒီရာသီမှာ အာဆင်နယ်အသင်းအတွက် ၁၀ ပွဲ ပါဝင်ကစားထားပြီး ၄ ဂိုး သွင်းယူထားပါတယ်။

အသက် ၁၇ နှစ်အရွယ်ရှိ ကစားသမားဟာ ပြီးခဲ့တဲ့ အာဆင်နယ်အသင်းက နော်တင်ဟမ်ဖောရက်စ် အသင်းကို ၃ ဂိုး-ဂိုး မရှိနဲ့ အနိုင်ရခဲ့တဲ့ပွဲမှာ ပထမဆုံး ပရီးမီယားလိဂ် သွင်းဂိုးကို သွင်းယူနိုင်ခဲ့တာပါ။

အာဆင်နယ်အသင်းဟာ နွမ်နရီကို စာချုပ်သစ်အတွက် မကြာခင်မှာ သဘောတူညီမှု ရယူနိုင်ဖို့ မျှော်လင့်နေပြီး ကစားသမားကလည်း အသင်းမှာ ပျော်ရွှင်နေတာကြောင့် စာချုပ်သစ် အမြန်ဆုံးချုပ်ဆိုနိုင်ဖို့ ရှိနေပါတယ်။

နွမ်နရီဟာ အာဆင်နယ်အသင်းက စပို့တင်းလစ္စဘွန်းအသင်းကို ၅ ဂိုး-၁ ဂိုးနဲ့ အနိုင်ရခဲ့တဲ့ ချန်ပီယံလိဂ်ပွဲစဉ်မှာ လူစားဝင်အဖြစ် ပါဝင်ကစားသွားခဲ့တာပါ။

နွမ်နရီဟာ အင်္ဂလန်သက်တမ်းလိုက် အသင်းတွေမှာလည်း ခြေစွမ်းပြသနေပြီး လက်ရှိအချိန်မှာ အင်္ဂလန် ယူ-၁၉ အသင်းအတွက် ပါဝင်ကစားထားတဲ့ ၇ ပွဲမှာ ၆ ဂိုး သွင်းယူထားပါတယ်။

အာဆင်နယ်အသင်းနည်းပြ အာတီတာဟာ နွမ်နရီကို ပရီးမီးယားလိဂ်နဲ့ ချန်ပီယံလိဂ်ပြိုင်ပွဲတွေမှာ ပွဲကစားချိန် မိနစ်ပိုပြီးပေးနိုင်ဖို့ မျှော်လင့်ထားတာပါ။

အာဆင်နယ်အသင်းဟာ ဒီတစ်ပတ် ပရီးမီးယားလိဂ် ပွဲစဉ်အဖြစ် ဝက်စ်ဟမ်းအသင်းနဲ့ ယှဉ်ပြိုင်ရမှာဖြစ်ပြီး နွမ်နရီဟာ လူစားဝင်အဖြစ်သာ ပါဝင်ရဖို့ရှိနေတာဖြစ်ပါတယ်။

ပုံ - နွမ်နရီကို တွေ့ရစဉ်

#သတင်းဟင်းလေးအိုးကြီး

ဟားခါးမြို့မှာ ကုန်စျေးနှုန်းမြင့်တက်လို့ ဒေသခံတွေနဲ့ စစ်ဘေးရှောင်တွေ အထွေထွေကျပ်တည်းမှုဖြစ်

နိုဝင်ဘာလ ၂၇ ရက်

ချင်းပြည်နယ်၊ ဟားခါးမြို့မှာ ကုန်ပစ္စည်းအဝင်တွေနည်းပါးပြီး အခြေခံစားသောက်ကုန်တွေ စျေးမြင့်တက်သွားတဲ့အတွက် ဒေသခံတွေနဲ့ စစ်ဘေးရှောင်တွေ အထွေထွေကျပ်တည်းမှုနဲ့ ကြုံတွေ့နေကြရတယ်လို့ ဒေသခံတွေဆီက သိရပါတယ်။

ပြီးခဲ့တဲ့လတွေဖြစ်ပွားတဲ့ ဟားခါးမြို့ တိုက်ပွဲအခြေအနေကြောင့် ကုန်တင်ကားသမားတွေဟာ အရင်ကလို မရောက်လာနိုင်တော့တဲ့အတွက် အခြေခံစားသောက်ကုန်တွေ အဝင်နည်းပါးပြီး ကုန်စျေးနှုန်းတွေ မြင့်တက်သွားခြင်းဖြစ်ပါတယ်။

"တိုက်ပွဲဖြစ်တော့ ကားလမ်းတွေ ပိတ်လိုက်၊ ဖွင့်လိုက်နဲ့ ပြီးတော့ ပြည်မဘက်က ကားသမားတွေ မလာရဲကြဘူး။ ဒေသခံကားသမားတချို့လောက်ပဲ ရောက်နိုင်တယ်။ အဲ့လိုဆိုတော့ ကုန်ပစ္စည်းအဝင်က နည်းသွားပြီး ကုန်စျေးနှုန်းတွေ တက်သွားတယ်"လို့ ဒေသခံတစ်ဦးက ပြောပါတယ်။

ဟားခါးမြို့မှာ အခြေခံစားသောက်ကုန်တွေ အဝင်နည်းပါးလာတဲ့အတွက် စားသောက်ကုန်တွေ အရင်ကလိုမျိုး ဝယ်ယူလို့မရတော့ပဲ ရှိတဲ့စားသောက်ကုန်တွေကလည်း အရင်ကထက် စျေးမြင့်တက်သွားတယ်လို့ သိရပါတယ်။

အဲ့ဒီလို အခြေခံစားသောက်ကုန်တွေ စျေးမြင့်တက်သွားတဲ့အတွက် ဟားခါးဒေသခံတွေနဲ့ ပလက်ဝ၊ တီးတိန်၊ ထန်တလန်၊ ဖလမ်းစတဲ့မြို့တွေက ဟားခါးမှာစစ်ဘေးရှောင်ကြတဲ့ စစ်ဘေးရှောင်ဟာ စားဝတ်နေရေး၊ ကျန်းမာရေးနဲ့တခြား အထွေထွေကျပ်တည်းလာပါတယ်။

"အလုပ်အကိုင်လည်းရှားပါလာတော့ လူတွေက ပုံမှန်ဝင်ငွေမရှိဘူး။ ရတဲ့ဝင်ငွေကလည်း လက်ရှိကုန်စျေးနှုန်းနဲ့ မိသားစုစားဝတ်နေရေး မလောက်ဘူးဖြစ်နေတယ်။ နေ့စဥ်နဲ့အမျှကုန်စျေးနှုန်းတွေ တက်လာတယ်"လို့ စစ်ဘေးရှောင်တစ်ဦးက ပြောပါတယ်။

လက်ရှိ ဟားခါးမြို့ ကုန်စျေးနှုန်းမှာ ဆန်အမျိုးအစားပေါ်မှုတည်ပြီး တအိတ်ကို ၈၀,၀၀၀ ကျပ်ကနေ ၁၀၀,၀၀၀ကျပ်၊ ဝက်သား တပိဿာ ၃၅,၀၀၀ ကျပ်၊ ကြက်သား တပိဿာ ၃၂,၀၀၀ ကျပ်၊ ကြက်သွန်နီ တပိဿာ ၈၀၀၀ ကျပ်၊ အမဲသား တပိဿာ ၃၀,၀၀၀ ကျပ်၊ အာလူး တပိဿာ ၁၀,၀၀၀ ကျပ်၊ ကုလားပဲ တပိဿာ ၁၂,၀၀၀ ကျပ်၊ ကြက်သွန်နီ တပိဿာ ၈၀၀၀ ကျပ်ထိရှိပါတယ်။

#centralnewsnaypyitaw

ဆောင်းရာသီမှာ အဆီပြန် ဝက်ခြံအဆီဖုအသားအရေကို ဂရုစိုက်နည်း📍
ဆောင်းရာသီရောက်လဲ မျက်နှာအဆီပြန်တဲ့သူတွေက ပြန်ဆဲပါပဲ။ ရာသီဥတုအေးတာကြောင့် အသားခြောက်ပြီး အဆီပြန်တာလျော့သွားသလိုပဲ ရှိတာပါ။ Nyi အနေနဲ့ဆိုရင် ဝက်ခြံအဆီဖုသမားတွေက နွေရာသီလိုပူတဲ့ရာသီမျိုးထက် ဆောင်းရာသီလိုအေးတဲ့ရာသီမှာ ပိုအခက်တွေ့တယ်လို့ မြင်ပါတယ်။ ပူလို့အဆီပိုပြန်တာက oil control ဖြစ်တာတွေသုံးပြီး ထိန်းလို့ရပေမယ့် ဆောင်းရာသီလို မနက်နဲ့ညအေးပြီး နေ့ခင်းဘက်ပူတာမျိုးက skincare သုံးရတာလဲ လက်ပေါက်ခတ်သလို အခန့်မသင့်လို့ moisture များသွားရင်လဲ အဖုပိုထွက်မယ့်အဖြစ်မလို့။ Acne prone skin တွေ ဆောင်းရာသီမှာ ဂရုစိုက်ရမယ့်အချက်လေးတွေ ပြောပြပေးချင်ပါတယ်။
1. Cleansing
မနက်ခင်းကို foam cleanser တွေသုံးတာ ရှောင်ပေးပါ။ ဖြစ်နိုင်ရင် Cetaphil gentle skin cleanser, Simple refreshing facial wash တို့လိုမျိုး အမြုပ်ထွက်အားနည်းပြီး အစိုဓာတ်ပိုကျန်တဲ့မျက်နှာသစ်တွေ ရွေးသုံးပါ။ Morning cleansing step ကို skip လုပ်လို့လဲရပေမဲ့ အဆီပြန်တဲ့သူတွေက အဖုထွက်တတ်တော့ တရက်ခြားတခါလောက်ပဲ skip လုပ်စေချင်ပါတယ်။ ညဘက် double cleansing ကလဲ ကိုယ်က makeup, sunscreen အမြဲလိမ်းတဲ့သူဆိုရင် မလုပ်လို့လဲမဖြစ်ပြန်တော့ micellar water ထက်စာရင် အစိုဓာတ်ပိုကျန်တဲ့ oil/balm တွေပိုသုံးပေးပါနော်။
2. Toning
ဆောင်းတွင်းမှာ အစိုဓာတ်ရတဲ့ toner/essence တခုထည့်သုံးပေးတာလဲ အကြံကောင်းတခုပါပဲ။ Oil control toner တွေကိုတော့ လောလောဆယ်လက်ရှောင်ထားစေချင်တယ်။ Gel type, Milk type toner တွေသုံးလို့အဆင်ပြေပေမဲ့ ကိုယ်ကအဖုထွက်တတ်တဲ့ အသားအရေမျိုးဆိုရင် အလွန်အကြွံမလိမ်းမိဖို့ ဂရုပြုပေးပါ။ အဆီတထပ် ရေတထပ်ပါတဲ့ toner/essence တွေကိုတော့ ဝက်ခြံအဆီဖုသမားတွေက ဆောင်းရာသီမှာလဲ ရှောင်ဖို့လိုပါတယ်။ အသားအရေတင်းခြောက်ပြီး ယားယံလွယ် sensitive ဖြစ်လွယ်တဲ့ ရာသီဖြစ်တာမလို့ အမွှေးနံ့, alcohol များတာတွေရှောင်ဖို့လဲ သတိပေးပါရစေခင်ဗျာ။
3. Moisturizing
သုံးနေကျ moisturizer နဲ့အဆင်ပြေရင် ဆောင်းရာသီမှာ ပြောင်းမသုံးလဲရပါတယ်။ ဒါမှမဟုတ် အသားခြောက်လာတယ်၊ အတွင်းထဲမှာတင်းကပ်ပြီး အစိုဓာတ်လိုသလိုဖြစ်လာတယ်၊ အပေါ်ယံမှာ အဖတ်အဖတ်တွေလန်လာတယ်ဆိုရင်တော့ moisturizer ပြောင်းသုံးပေးဖို့ လိုလာပါပြီ။ အဲ့လိုဖြစ်ရင် တခြား steps တွေထက် moisturizer ကိုအဓိက change လုပ်ရပါမယ်နော်။ Moisturizer ပြောင်းသုံးတာတောင် မလုံလောက်မှ ကျန်တာတွေလဲပေးပါဗျ။ အရမ်းထူပျစ်နေတာမျိုး သုံးမှမဟုတ်ပါဘူး။ များသောအားဖြင့် ဝက်ခြံအဆီပြန်သမားတွေက gel cream/lotion လောက်နဲ့ လုံလောက်တာများပါတယ်။
4. Exfoliating
ကျိန်းသေပေါက် လျှော့ရမယ့် step ပါ။ Nyi အနေနဲ့ကတော့ လိုရမယ်ရ တပတ်တကြိမ်သာ လုပ်စေချင်ပါတယ်။ ပစ္စည်းတွေပြောင်းသုံးသော်လဲ အသားအရေကခြောက်အက်ကွဲနေဆဲ၊ sensitive skin friendly ဖြစ်တာတွေ ရွေးပေမဲ့လဲ အသားအရေက irritation တွေရနေဆဲဆိုရင် သေချာပါပြီ။ Over-exfoliation ဖြစ်လိမ့်မယ်။ ပုံမှန်အချိန်မှာ exfoliate လုပ်တဲ့အကြိမ်ရေကကို ဆောင်းရာသီမှာ over-exfoliate လုပ်သလို သဘောသက်ရောက်ပါတယ်။ Leave on exfoliant သုံးတဲ့သူတွေက ပိုသတိထားပေးပါ။ Recommend လုပ်ရရင်တော့ ဒီရာသီမှာ peeling gel ကို Nyi ပိုအားသန်ပါတယ်။ No Clay mask pls!
5. Protecting
သိပ်မပူတဲ့ဆောင်းရာသီကို ရောက်လာတာကြောင့်ရော၊ skincare တွေစျေးကြီးလာတာကြောင့်ရော ပေါင်းလိုက်တဲ့အခါ မနှစ်ကထက် ဒီနှစ် sunscreen ပိုမလိမ်းကြတော့မှာ Nyi မြင်ယောင်ပါတယ်။ ဒါပေမဲ့လဲ sunscreen သာမလိမ်းရင်မလိမ်းမယ်၊ exfoliate လုပ်တာကိုတော့မရပ်မယ့် ကိုယ့်လူတွေအကြောင်းကို တကွက်ကြိုပြီးသိလေတော့ အကြံတခုပေးပါရစေ။ Sunscreen ကိုစျေးကြီးပေးရတာချင်းအတူတူ ခုဆောင်းရာသီအတွက် moisturizer ကျော်လိမ်းလို့အဆင်ပြေမယ့် moisturizing sunscreen မျိုးရွေးချပစ်ပါ။ 2 fingers လိမ်းရမယ်လို့ Nyi မပြောလိုပါဘူး၊ မနည်းလွန်းတဲ့ပမာဏတခုဆို ကျေနပ်ပါပြီ။
ဒီအချက်တွေလိုက်နာရင်တော့ ဆောင်းရာသီရောက်လဲ ကိုယ့်လူတွေမမှုဘဲ ဆက်လှနေအုံးမှာ မြင်ယောင်ပါတယ်။ မေးချင်တာရှိရင် comment မှာရေးခဲ့ပါနော်။ စာအဆုံးထိဖတ်ပေးလို့ ကျေးဇူးအများကြီးတင်ပါတယ်ဗျ🫶😘
#knowledgesharingbynyi
#reviewbynyi
#crd