ကင်မရာအစွမ်း အတော်ကြမ်းမယ့် Nothing Phone 3a
အလတ်တန်းစားဈေးထဲက စိတ်ဝင်စားဖို့ကောင်းမယ့် ဖုန်းတစ်လုံးက Nothing Phone 3a ပါ။
ဒီဖုန်းက လာမယ့် မတ်လ ၃ ရက်နေ့မှ ထွက်မှာ ဖြစ်ပေမယ့် ကင်မရာ sample စမ်းပြထားတာတွေ ထွက်လာပါပြီ။ ကင်မရာ specs တွေလည်း သိနေရပြီ ဖြစ်ပါတယ်။ Nothing Phone 3a ကို ကင်မရာ demo စမ်းပြချိန်မှာ ရိုးရိုးဖုန်းနဲ့ မယှဉ်ဘဲ iPhone 16 Pro Max နဲ့ ယှဉ်ပြသွားတဲ့ ဗွီဒီယိုဖိုင်လည်း တက်လာပါတယ်။
ဗွီဒီယိုထဲကအတိုင်းဆို Nothing Phone 3a က အရင်ကထက် အတော်ကြီးကို upgrade လုပ်လာတာလို့ ပြောနိုင်ပါတယ်။ Sony ထုတ် ကင်မရာတွေရဲ့ အစွမ်းလို့ ဆိုရမှာပါ။ ဒီဖုန်းမှာက OIS ပါ 50MP Shake Free ကင်မရာ ၊ periscope lens ပါ 50MP telephoto ကင်မရာ နဲ့ 8MP Sony ထုတ် ultrawide ကင်မရာသုံးလုံးနဲ့ ရှေ့ 50MP ကင်မရာတို့ သုံးသွားတာပါ။
ဒေါ်လာ ၃၀၀ တန်းဖုန်းတစ်လုံးမှာ periscope သုံးလာတာက တော်တော်မိုက်ပါလိမ့်မယ်။ ဒီ lens က 70mm focal length ရှိပြီး 3x optical , 6x lossless နဲ့ 60x Ultra zoom တွေပါ ရပါတယ်။ နောက်ပြီး macro ရိုက်ချက်နဲ့ 6x အနီးကပ်ရိုက်ချက်တွေလည်း ရိုက်နိုင်မှာပါ။
Stablilization လည်း တော်တော်လည်း ကောင်းလာပါတယ်။ စက်ဘီးစီးပြီး stablization စမ်းပြချိန်မှာ 4K 30fps နဲ့ ဗွီဒီယိုရိုက်ပြတဲ့ sample ဆို တော်တော်ငြိမ်ပြီး ရုပ်ထွက်ကောင်းတာ တွေ့ရပါတယ်။ ကင်မရာ ၄ လုံးစလုံးကို Ultra HDR support ပေးထားပြီး main နဲ့ ရှေ့ကင်မရာတွေက 4K ဗွီဒီယိုကို stable footage နဲ့ ညရုပ်ထွက်ပိုကောင်းစေမယ့် night enhancement တွေ ပေးထားပါတယ်။
အခုပုံစံအရဆို Nothing Phone 3a က ဈေးကွက်ထဲက ကင်မရာကောင်းတယ်ဆိုတဲ့ ဖုန်းတွေနဲ့တောင် ယှဉ်နိုင်ဖို့ ရှိပါတယ်။ တခြား Specs တွေအနေနဲ့ ကြားထားတာက Nothing Phone 3a က Snapdragon 7s Gen 3 Chipset နဲ့ လာပြီး ၆.၇၂ လက်မ 120Hz AMOLED display ၊ IP64 rating နဲ့ 5000mAh ဘက်ထရီတို့ သုံးလာနိုင်ပါတယ်။
ဒီဖုန်းနဲ့အတူ ပိုပြီးအဆင့်မြင့်တဲ့ Pro မော်ဒယ်လည်း မတ်လ ၄ ရက်နေ့မှာ ကြေညာသွားဖို့ ရှိပါတယ်။

Part-2
*“ရှားရှားပါးပါး ဒေါသ”

ဆိုင်ထဲမှာ ဆရာနိုးနဲ့ ဆရာစွမ်းတို့က ရောက်နေစောင့်နေကြပါတယ်။ ကျွန်တော်တို့ ဆိုင်ထဲဝင်တယ်ဆိုရင်ပဲ ဆရာစွမ်းက ပြုံးပြုံး ပြုံးပြုံးနဲ့ “ဆရာဂျမ်း ခင်ဗျာ့ထီး ကျွန်တော်ယူလာခဲ့တယ်ဗျ”ပြောလိုက်တော့ ဆရာဂျမ်း ထပ်ပြီးဒေါသ ပေါက်ကွဲလာကာ ငဝက် မင့်ကြောင့် ငါ အရှက်တကွဲ အကျိုးနည်းဖြစ်ခဲ့ရတယ် ဆိုပြီး အုတ်ခဲကျိုးနဲ့ လိုက်ထုတာ ဆရာစွမ်းလည်း ပြုံးပြုံး ပြုံးပြုံးနဲ့ ဘာမျှမပြောနိုင် တော့ဘဲ ထွက်ပြေးရတော့တယ်။ ဒီနှစ်ယောက်ပြေးပုံ လိုက်ပုံကိုကြည့်ပြီး သဘောကျ ပြုံးနေသူက ဆရာနိုးပါ။
အေးအေးဆေးဆေး စားပွဲကိုပြန်ထိုင်ကြတော့မှ ဆရာစွမ်းက ရှင်းပြတယ်။ ခင်ဗျား ရုံးဆင်းမှာ ချိုင့်တွေရော အိတ်တွေရော ယူရတာများနေမှာစိုးလို့ သက်သာ အောင် ကျွန်တော်တို့က ထီးကိုဆွဲလာခဲ့တာတဲ့။
ဒီတော့ ဆရာမိုးက ခင်ဗျား သက်သာအောင်က ကိစ္စမရှိဘူး၊ ကျုပ်က ဟိုမှာ လူကြီးတွေကို မျက်နှာပျက်ခဲ့ရပြီတဲ့။
တဖြည်းဖြည်းနဲ့ သောကြာဝိုင်းကို လာစပြုနေကြပါပြီ။ ဦးစွာရောက်ရှိလာ သူတို့ကတော့ နုနုရည်(အင်းဝ)+ကိုအောင်ကျော်တိုးတို ့ အတွဲ။ သူတို ့နောက်က ဗိုလ်ရဲထွဋ် သား ကျော်ကျော်+သန္တာတို့အတွဲ ပြီးတော့ ကိုသိန်းထိုက်နဲ့ ကိုဟန်တင် တို့လည်း ဝင်လာကြပါတယ်။ တစ်အောင့်လောက်ကြာတော့ မသီတာ(စမ်းချောင်း)၊ ချစ်ဦးညို၊ ပုံမှန်လို လာတတ်တဲ့ သံဃာတော်တစ်ပါး (နောင်တွင် ထိုဆရာတော်ကား “တောင်စွန်း ဓမ္မဘေရီအရှင်ဝီရိယ” ဖြစ်သည်။) တစ်ခါတစ်ရံလာတတ်တဲ့ ဒါရိုက် တာ မောင်မိုးသူ၊ ဗိသုကာပညာရှင် ဆရာရွှေ၊ တစ်ခါတစ်ရံ ပါလာတတ်သူက စန္ဒရားဦးသိမ်းမောင်။ ထိုအတူ ဆရာနိုးကိုအကြောင်းပြုပြီး ရောက်လာတတ်တဲ့ ဆရာမကြီး ဒေါ်ခင်မျိုးချစ်။ ဆရာမိုး၊ ဆရာနိုးတို့နဲ့ ပါလာတတ်တဲ့ ဆရာမ ဒေါ်ခင်ဆွေဦး စသည် စသည်တို ့အပြင် ဆရာမိုး၊ ဆရာနိုးတို့ရဲ့ လူရင်းကြီး ဂုဏ်ထူးဦးသိန်းနိုင်။ ဆရာ ဦးသိန်းနိုင်က ကျူရှင်အားတဲ့အခါ တစ်ခါတစ်ရံမှသာ လာတတ်ပါတယ်။ (ကျွန်တော်မေ့၍ ကျန်ခဲ့သူများကို ဖြည့်စွက်ပေးကြပါရန် မေတ္တာ ရပ်ခံပါတယ်။)
လူကလည်းစုံ၊ နေကလည်း ချိုလာပြီဆိုတော့ ဆိုင်အပြင် ဗာဒံပင်ရိပ်ကို ရွှေ့ကြပါတယ်။ ဗာဒံပင်အောက်မှာ ဝိုင်းလိုက်မှ ဒီလူနှစ်ကျိပ်လောက်က အဆင် ပြေသွားပါတယ်။

#ဆက်ရန်ရှိ

1947 မှာ Ferrari ရဲ့ ပထမဦးဆုံးကားဖြစ်တဲ့ 125 S ကို မိတ်ဆက်ပြီးချိန်ကစလို့ ကနေ့အချိန်ထိ Ferrari အစီးရေ (၃) သိန်းကျော် ထုတ်လုပ်ခဲ့ပြီး ဖြစ်ပါတယ်။ ထူးဆန်းတာတစ်ခုကတော့ ထုတ်လုပ်ခဲ့ဖူးသမျှ Ferrari အားလုံးရဲ့ (၉၀) ရာခိုင်နှုန်းလောက်ကို လမ်းမတွေထက်မှာ ဆက်လက်မောင်းနှင်လို့ ရနေပါသေးသတဲ့။

Meta နဲ့ Google ရှယ်ယာတွေအကုန် ရောင်းထုတ်လိုက်တဲ့ ပင်စင်အဖွဲ့အစည်း
ကမ္ဘာ့အကြီးဆုံးပင်စင်ရန်ပုံငွေအဖွဲ့အစည်းတစ်ခုက အမေရိကန် Big Tech တွေနဲ့ အဆက်ဖြတ်လိုက်ပါပြီ။
ABP လို့ ခေါ်တဲ့ နယ်သာလန်က ပင်စင်အဖွဲ့အစည်းကြီးက Meta နဲ့ Alphabet တွေမှာ ဝယ်ထားတဲ့ အစုရှယ်ယာတွေအကုန် ရောင်းထုတ်လို့ပါ။ ရောင်းလိုက်တဲ့ ရှယ်ယာတန်ဖိုးကလည်း ဒေါ်လာဘီလျံချီ များပါတယ်။
အဖွဲ့အစည်းရဲ့ CEO ဗန် ဝစ်ဂျ်နန်က ရှယ်ယာတွေ ဘယ်တုန်းက ဘယ်ဈေးနဲ့ ရောင်းလိုက်တယ်တော့ မပြောပါဘူး။ မနှစ် ဒုတိယသုံးလပတ်ကအထိ ABP က Alphabet မှာ အစုရှယ်ယာ ယူရို ၃ ဘီလျံ (ဒေါ်လာ ၃.၁၅ ဘီလျံ) နဲ့ Meta မှာ ယူရို ၂ ဘီလျံ ပိုင်ဆိုင်ထားတာပါ။
ABP ဘက်ကတော့ ရှယ်ယာအကုန် ရောင်းလိုက်တဲ့ကိစ္စက ဒေါ်နယ်ထရမ့် အမေရိကန်သမ္မတပြန်ဖြစ်လာတာ ၊ ထရမ့်ကို Meta နဲ့ Alphabet တို့က ထောက်ခံတာတွေနဲ့ မဆိုင်ဘူးလို့ ပြောပါတယ်။ ABP ဟာ ပြီးခဲ့တဲ့လကပဲ Tesla မှာရှိတဲ့ ယူရို ၅၉၇ သန်းတန် အစုရှယ်ယာတွေ ထုတ်ရောင်းထားတာပါ။
Tesla ရှယ်ယာတွေ ရောင်းလိုက်ရတဲ့ကိစ္စမှာတော့ အီလွန်မတ်စ်ကို ဆုကြေးခံစားခွင့် အကြီးအကျယ်ပေးတဲ့ကိစ္စကို မကျေနပ်တာကြောင့်လို့ ဆိုပါတယ်။ ABP အနေနဲ့ Tesla ၊ Meta နဲ့ Alphabet ရှယ်ယာတွေ အကုန်ရောင်းလိုက်ပေမယ့် Nvidia , Apple , Microsoft နဲ့ Amazon တို့ဆီ ရင်းနှီးမြှုပ်နှံမှုကိုတော့ ဘီလျံ ၂၀ ဝန်းကျင်အထိ မြှင့်ထားတယ်လို့ ပြောပါတယ်။
ABP က ဥရောပမှာအကြီးဆုံး ဖြစ်သလို ကမ္ဘာ့အကြီးဆုံးပင်စင်ရန်ပုံငွေအဖွဲ့အစည်းထဲမှာလည်း ပါပြီး ကမ္ဘာတလွှားမှာ ယူရိုဘီလျံ ၅၀၀ လောက် ရင်းနှီးမြှုပ်နှံထားပါတယ်။

ကျွန်တော်တို့ EV တွေကို ဘာ့ကြောင့် မကြိုက်ကြသလဲ? စွမ်းဆောင်ရည်လည်းကောင်းတယ်၊ ICE ကားတွေလို အင်ဂျင်ဝိုင်ဘာညာလည်း လဲဖို့မလိုသလို ဆီဖိုးလည်းကုန်စရာမရှိဘူး၊ နောက်ဆုံးဗျာ လူတွေပြောပြောနေကြတဲ့ သဘာဝပတ်ဝန်းကျင်ဆိုတာကြီးကိုလည်း ထိန်းသိမ်းရာရောက်အုံးမယ်။ ဒီလောက်အဖက်ဖက်က ကောင်းကွက်တွေရှိနေပါလျက် ဘာ့ကြောင့်များ EV ဆို လက်တွန့်နေကြသလဲ? ဒီမေးခွန်းအတွက် ကျွန်တော့်ရဲ့အဖြေကတော့ Driving Enthusiasts စစ်စစ်တွေ သိပ်မက်မောကြတဲ့ ဝိညာဥ်တစ်စုံမပါလို့လို့ပဲ ဆိုရလိမ့်မယ်။ ဒါဆို ဒီဝိညာဥ်တစ်စုံကို ဖော်ထုတ်ပေးနိုင်မယ်ဆိုရင်ရော ကျွန်တော်တို့တစ်တွေ EV တွေအပေါ် လက်ခံပေးလာနိုင်မလား?
အောက်ကပုံထဲမှာ မြင်တွေ့ရတဲ့ကားက လာမယ့် 2027 လောက်မှာ မိတ်ဆက်သွားဖို့ရှိနေတဲ့ BMW ရဲ့ Pure EV စစ်စစ် M3 Prototype တစ်စီးပါ။ ပွင့်ပွင့်လင်းလင်းပြောရရင် Google News နဲ့ အခြားသော အင်တာနက်သတင်းစာမျက်နှာတွေပေါ်မှာ ဒီသတင်းကိုတွေ့နေတာ ကြာပါပြီ။ EV M3 ဆိုကတည်းက ဝင်ကိုမဖတ်ပဲနေနေခဲ့တာ "Cars with Miles" ရဲ့ YouTube ဗီဒီယိုလေး မကြည့်မိခင်အထိပဲဆိုပါတော့။
ဗီဒီယိုထဲက Miles Somerville ပြောထားသလိုပဲ လွန်ခဲ့တဲ့ နိုဝင်ဘာလ (၂၀၂၄) မှာ Apple ဆီကနေ လုံးဝ custom-designed နဲ့ M-series chips သုံး MacBook တွေ မိတ်မဆက်ခင်အထိတော့ Mac users တွေအနေနဲ့ Intel processors တွေနဲ့သာ ကျင်လည်ခဲ့ရပါတယ်။ ဒီပြောင်းလဲမှုအရွေ့ကြောင့်ပဲ MacBook တွေ ယခင်ကထက်ပိုစွမ်းဆောင်ရည်ကောင်းလာကြသလို Hardware နဲ့ Software optimization တွေပါ သိသိသာသာ တိုးတက်လာခဲ့တာကို မိတ်ဆွေသာနည်းပညာပိုင်းစိတ်ဝင်စားသူတစ်ယောက်ဆို ကောင်းကောင်းကြီး သိမှာပေါ့။ PlayStation 5 ကို developed လုပ်တုန်းက Sony အနေနဲ့ AMD ဆီပြေးကပ်ပြီး custom CPU နဲ့ GPU တွေ ဖန်တီးခဲ့တာတို့၊ Tesla အနေနဲ့ Autopilot အတွက် third-party chips တွေအပေါ် မှီခိုခဲ့ရာကနေ နောက်ပိုင်းမှာ ကိုယ်ပိုင် in-house ဖန်တီးထားတဲ့ FSD ကွန်ပြူတာတွေနဲ့ အစားထိုးလာနိုင်တာတို့လို သာဓကတွေများစွာရှိခဲ့တယ်။
ကားအကြောင်းမပြောပဲ အက်တမင်စကားပလ္လင်ခံနေတာ တော်တော်လေကြောရှည်တယ်ဆိုပြီးတော့ မထင်လိုက်ပါနဲ့အုံး။ အဓိကအကြောင်းအရာလာပါပြီ။ ခုနောက်ပိုင်းမှာ BMW ရဲ့ "Neue Klasse" Concept ကားတွေကို တအိအိနဲ့မြင်တွေ့လာရပါတယ်။ Concept ကားတွေဖြစ်နေသေးတာကတစ်ကြောင်း၊ EV ကလည်းဖြစ်နေပြန်သေးတော့ ဒီ platform အပေါ် လူတွေလည်း အရမ်းကြီးစိတ်ဝင်တစားမရှိကြပါဘူး။ မိတ်ဆွေ ယုံမလား မယုံလားတော့ အတတ်မပြောတတ်ပေမယ့် Apple ရဲ့ M-series chips တွေလိုပဲ "Neue Klasse" platform ရဲ့ "Heart of Joy" system ကျေးဇူးကြောင့် အနာဂတ် BMW ကားတွေအပေါ် ကြီးမားတဲ့ရိုက်ခတ်မှုတစ်ခု ဖြစ်လာနိုင်တယ်ဗျ။ အထူးသဖြင့် EV တွေဆိုပါတော့။
ဒီနေရာမှာ "Neue Klasse" platform က BMW အနာဂတ် EV တွေရဲ့ ဦးနှောက်တစ်ခုသာဆို "Heart of Joy" system က ဝိညာဥ်တစ်စုံလို့ တင်စားချင်တယ်။ ICE ကားတစ်စီးမှာသာရခဲ့ဖူးတဲ့ Driving Dynamics ဆိုတဲ့ စိတ်ဝိညာဥ်တွေကို EV တစ်စီးပေါ်ဆွဲတင်ပြီး fun to drive ဖြစ်အောင် လုပ်ယူပေးမှာဖြစ်သလို ဒီ control unit တစ်ခုလုံးကိုလည်း ခေါင်းအစခြေအဆုံး BMW ကိုယ်တိုင်ပဲ in-house developed လုပ်ထားတယ်ဆိုပဲ။
ကားရဲ့အပြင်ပိုင်း ဒီဇိုင်းနဲ့ပတ်သက်ပြီးကတော့ camouflague တွေကပ်ထားတာမို့ အထူးအထွေမပြောတော့ဘဲ ဒီကောင့်ရဲ့ စွမ်းဆောင်ရည်အကြောင်းပဲ ပြောပါ့မယ်။ BMW ရဲ့ EV M3 တစ်စီးမှာ 18,000 Nm of Torque ထွက်မယ်ဆို ယုံမလားမိတ်တွေ? အက်တမင်သုညတစ်လုံး ပိုရေးမိတာလည်းမဟုတ်သလို 'စ'နေတာလည်းမဟုတ်ပါဘူး။ တကယ်တော့ ဒါက wheel torque ကို ပြောချင်တာဗျ။ ကားတွေမှာ wheel torque နဲ့ motor torque ဆိုပြီး နှစ်မျိုးရှိပါတယ်။ ကားရဲ့ Gear Ratio ပေါ်မူတည်ပြီး တွက်ယူရတာဖြစ်လို့ Gear Ratio က 10:1 ဆို wheel torque နဲ့ motor torque ကလည်း ဆယ်ဆတစ်ဆကွာသွားပါတယ်။ လက်တွေ့မှာလည်း ကားတစ်စီးရဲ့ Torque ကို motor torque နဲ့ပဲ ပြောကြတာမို့ 18,000 Nm of wheel torque ထွက်တဲ့ EV M3 ရဲ့ motor torque အစစ်အမှန်က 1,800 Nm ရှိပါလိမ့်မယ်။ မည်သို့ပင်ဆိုစေကာမူ ဒီပမာဏကလည်း အတော်လေးများသေးသလို 1,600 Nm ထွက်တဲ့ Bugatti Chiron ထက်ကို သာပါသေးတယ်။
ပြောရရင် EV M3 အကြောင်းတင်ထားတဲ့ အင်တာနက်စာမျက်နှာတွေထက်က comment sections တွေထဲမှာတော့ ထုံးစံအတိုင်းပဲ သဘောမကျဘူးဆိုတဲ့သူတွေက ခပ်များများရယ်ပါ။ လောလောဆယ်အနေအထားအရလည်း Prototype အဆင့်ပဲရှိသေးတာရယ်၊ official debute မလုပ်ရသေးတာရယ်ကြောင့် အများကြီးတော့ ကောင်းသည်ဆိုးသည်ကို မပြောချင်သေးပါဘူး။ သို့ပေမယ့် "don't judge a book by its cover" ဆိုတဲ့စကားကိုလည်း မေ့ထားလို့မဖြစ်ဘူးမို့ 2027 ရောက်လို့ တကယ့်တကယ်မိတ်ဆက်တဲ့အခါမှပဲ စကားတွေအများကြီးထပ်ပြောပါတော့မယ်။

Funny Clip

ဘက်တစ်မှာ အလွန်ပျော်ရွှင်နေတယ်လို့ အန်တိုနီပြော

ဖေဖော်ဝါရီ ၂၀

ယူနိုက်တက်အသင်းကနေ ဘက်တစ်အသင်းမှာ အငှားသွားရောက်ကစားပြီး ခြေစွမ်းပြ သွင်းဂိုးတွေ သွင်းယူနေတဲ့ တောင်ပံကစားသမား အန်တိုနီက သူဟာ ဘက်တစ်အသင်းမှာ အလွန်ပျော်ရွှင်နေတယ်လို့ ပြောခဲ့ပါတယ်။

အန်တိုနီက “အရေးကြီးဆုံးအရာက ပျော်ရွှင်ဖို့ဖြစ်ပြီး ဘက်တစ်မှာ ကျနော် အလွန်ပျော်ရွှင်နေပါတယ်။ အရာ အားလုံးက သဘာဝအတိုင်း ဖြစ်လာပါတယ်။ ကျနော့်ကို ဥရောပထံ ခေါ်ဆောင်လာတဲ့ ဘောလုံးအရည်အသွေးကို ကျနော်ဒီမှာ ပြသနိုင်ခဲ့ပါတယ်။ ကျနော်ဟာ အလုပ်ကို ဆက်ကြိုးစားပြီး ကိုယ့်ကိုယ်ကို ပျော်ရွှင်စွာနဲ့ နေ့တိုင်း အာရုံစူးစိုက်နေပါတယ်။ ဒီအတိုင်းဆက်သွားမယ်”လို့ DAZN ကိုပြောခဲ့တာပါ။

အန်တိုနီဟာ ပြီးခဲ့တဲ့ ဆိုစီဒက်အသင်းနဲ့ပွဲစဉ်မှာ ဘက်တစ်အသင်းအတွက် လှပတဲ့ သွင်းဂိုးအပြင် ဂိုးဖန်တီးမှု ၁ ကြိမ်ကိုပါ ပြုလုပ်နိုင်ခဲ့တာ ဖြစ်ပါတယ်။

ဘရာဇီးလ် ကစားသမားဟာ ဘက်တစ်အသင်းကို ရောက်ရှိလာပြီးကတည်းက ကစားထားတဲ့ ၄ ပွဲမှာ ၃ ဂိုးသွင်းပြီး ၁ ဂိုးဖန်တီးကာ လာလီဂါပြိုင်ပွဲမှာ ၃ ပွဲဆက်တိုက် အကောင်းဆုံး ကစားသမားဆုကို ရရှိထားတာပါ။

အန်တိုနီဟာ ယူနိုက်တက်အသင်းမှာ ရုန်းကန်ခဲ့ရပေမယ့် ဘက်တစ်အသင်းမှာ သူ့ရဲ့အကောင်းဆုံးပုံစံတွေကို ပြန်လည်ရရှိနေတာဖြစ်ပါတယ်။

အန်တိုနီကတော့ သူ့ရဲ့အကောင်းဆုံးပုံစံကို ဒီရာသီအကုန်အထိ ဆက်ထိန်းနိုင်ဖို့ မျှော်လင့်နေတာပါ။

ဘက်တစ်အသင်းဟာ အန်တိုနီကို လာမယ့် ရာသီအသင်းမှာ ဆက်ပြီးရှိစေချင်နေပေမယ့် သူ့ရဲ့အငှားစာချုပ်ထဲမှာ အပြီးသတ်ဝယ်ယူခွင့် မပါဝင်ပါဘူး။

အဲဒါကြောင့် အန်တိုနီဟာ ရာသီကုန်ချိန်မှာ ယူနိုက်တက်အသင်းထံ ပြန်ရမှာဖြစ်ပြီး မန်ချက်စတာကလပ်မှာ ခြေစွမ်းပြသဖို့ သူ့အတွက် နောက်ထပ် အခွင့်အရေးရဖို့ရှိနေတာပါ။

ဘက်တစ်အသင်းဟာ လာမယ့်ပွဲစဉ်အဖြစ် ဂျန့်အသင်းနဲ့ ကွန်းဖရန့်လိဂ် ပလေးအော့ဖ် ဒုတိယအကျော့ ကစားရဖို့ ရှိနေပြီး ပထမအကျော့တုန်းက ၃ ဂိုး-ဂိုးမရှိနဲ့ ဂိုးပြတ်အနိုင်ရရှိထားတာ ဖြစ်ပါတယ်။

Source: Goal

ပုံ - အန်တိုနီကို တွေ့ရစဉ်

#ဘောလုံးသတင်းစုံ

တောင်ကြီးမှာ ကား၊ ဆိုင်ကယ် ခိုးယူခံရမှုတွေ တိုးပွားလာ

ဖေဖော်ဝါရီ ၂၀

ပြည်နယ်ရဲတပ်ဖွဲ့မှူးရုံးအခြေစိုက်တဲ့ ရှမ်းပြည်နယ်တောင်ပိုင်း၊ တောင်ကြီးမြို့မှာ အခု ဖေဖော်ဝါရီလ၊ တတိယပတ်အတွင်း ကားနဲ့ ဆိုင်ကယ်ခိုးယူခံရမှုတွေ ပိုမိုတိုးပွားလာတယ်လို့ ဒေသခံတွေက ပြောပါတယ်။

ယခုသီတင်းပတ်အတွင်းကလည်း ပညာရေးဝန်ထမ်းအိမ်ယာက ကားတစ်စီးအပါအဝင် ကားနှစ်စီး ခိုးယူခံရမှု ဖြစ်ပွားခဲ့တယ်လို့ ဒေသခံတွေထံကနေ သိရပါတယ်။

မနေ့ ဖေဖော်ဝါရီလ ၁၈ရက်၊ ညပိုင်းက တောင်ကြီးမြို့၊ အမှတ်-၂ရဲစခန်းအနီး၊ မင်္ဂလာဦးရပ်ကွက်၊ အရှေ့မြို့ပါတ်လမ်းဆုံးအနီးမှာ နေအိမ်ရှေ့ ရပ်ထားတဲ့ Honda Fitအမျိုးအစား၊ ခဲရောင် ကားတစီးကို ကားမှန်ရိုက်ခွဲကာ သော့ဖျက်ပြီးတော့ ခိုးယူခံရမှုဖြစ်ပွားခဲ့တယ်လို့ သိရပါတယ်။

“မနေ့ည ၈နာရီထိ ကားက ရှိနေပါသေးတယ်။ မိုးလင်းတော့ ကားက မရှိတော့ဘူး။ ကားမှန်ကို ရိုက်ခွဲပြီး ခိုးသွားတာ။ မှန်ကွဲစတွေ ကျန်ခဲ့တယ်။ အစစအရာရာ ရှားပါးနေတဲ့ အချိန်မှာ ခိုးခံရတော့ နှမျောတာပေါ့။ ရှေ့ရက်က ဝါးပြားမှာ ခိုးခံရတဲ့ ကားတစ်စီးနဲ့ ဖြစ်ပုံက အတူတူပဲ”လို့ ကားခိုးယူခံရသူက ပြောပါတယ်။

ပြီးခဲ့တဲ့ ဖေဖော်ဝါရီလ ၁၆ရက်၊ ညပိုင်းကလည်း တောင်ကြီးမြို့၊ ကျောင်းကြီးစုရပ်ကွက်၊ ဝါးပြားလမ်းဆုံ အနီးရှိ ပညာရေးဝန်ထမ်းအိမ်ယာမှာ ရပ်ထားတဲ့ အဖြူရောင် Hijet အမျိုးအစားကားကိုလည်း ကားမှန်ရိုက်ခွဲကာ ခိုးယူခံရမှုဖြစ်ပွားခဲ့ပေမယ့် ခိုးယူသူတွေကို ဒီကနေ့အချိန်ထိ ဖမ်းဆီးရမိတာ မရှိသေးဘူးလို့ သိရပါတယ်။

တောင်ကြီးမြို့မှာ ကားခိုးယူခံရမှုတွေ၊ မီးကြိုးခိုးယူခံရမှုတွေ မကြာခဏဖြစ်ပွားလေ့ရှိသလို ဆိုင်ကယ်ခိုးယူခံရမှုတွေလည်း နေ့တိုင်းဖြစ်ပွားလေ့ရှိပြီး ပြီးခဲ့တဲ့ ဖေဖော်ဝါရီလ ၁၇ရက်၊ မနက်အစောပိုင်းကလည်း တောင်ကြီးမြို့၊ ဘုရားဖြူရပ်ကွက်၊ နယ်မြေ (၃)ရှိ နေအိမ်တစ်လုံး ဖောက်ထွင်းခိုးယူခံရမှုဖြစ်ပွားခဲ့သေးတယ်လို့ သိရပါတယ်။

#centralnewsnaypyitaw

➕ Aung Zaya အထူးကုဆေးခန်းနှင့် ရောဂါရှာဖွေရေးစင်တာတွင် လုပ်ကိုင်ရန်

Marketing Executive (Female) - 2 Post
Reception (Female) - 1 Post

Marketing Executive
- ရုံးချိန်: 90 am to 50 pm
- Diploma in Marketing Management or Marketing
- လုပ်ငန်းအတွေ့ကြုံ: အနည်းဆုံး တစ်နှစ် ရှိရမည်။
- ဆယ်တန်းအောင် (သို့) ဘွဲ့ရ
- လစာ: 3 သိန်း - 4 သိန်းကြား
- တစ်ပတ်တစ်ရက် ပိတ်မည်။

Reception
- ရုံးချိန်: 7:30 am to 60 pm
- လုပ်ငန်းအတွေ့ကြုံ: အနည်းဆုံး တစ်နှစ် ရှိရမည်။
- ဝတ်စားဆင်ယင်မှု သေသပ်ပြီး ချမှတ်ထားသော စည်းမျဥ်း/စည်းကမ်းများကို အတိကျလိုက်နာပြီး အများနှင့် ပူးပေါင်းဆောင်ရွက်တတ်သူ ဖြစ်ရမည်။

လိပ်စာ: 487/မကွေးလမ်း/၉ရပ်ကွက်/မီးခွက်စျေးအနီး/ လှိုင်သာယာမြို့နယ်။
CV တင်ရန်
Viber - 09882715426 သို့ CV Form နှင့် လျှောက်ထားမည့်ရာထူး(သို့မဟုတ်) အလုပ်ခေါ်စာ Screenshot ဖြင့် လျှောက်ထားနိုင်ပါသည်။

အင်းလေးမှာ ခရမ်းချဉ်သီး တပိဿာကို ၄၀၀ ကျပ်ခန့်သာ ပေါက်ဈေးရှိလို့ တောင်သူတွေ အရှုံးပေါ်နေ

ဖေဖော်ဝါရီ ၂၀

ရှမ်းပြည်နယ်တောင်ပိုင်း၊ ညောင်ရွှေမြို့နယ်၊ အင်းလေးဒေသမှာ ပြီးခဲ့တဲ့ ဖေဖော်ဝါရီလ ၁ရက်ကနေ ဒီကနေ့ ဖေဖော်ဝါရီလ ၁၉ရက်အထိ ခရမ်းချဉ်သီး တပိဿာကို ၄၀၀ ကျပ်ဝန်းကျင်ခန့်သာ ဈေးရရှိနေတဲ့အတွက် အရှုံးပေါ်နေတယ်လို့ ခရမ်းချဉ်သီးစိုက်တောင်သူတွေထံကနေ သိရပါတယ်။

အင်းလေးဒေသထွက် ခရမ်းချဉ်သီးတွေဟာ ပြီးခဲ့တဲ့ ဇန်နဝါရီလ နောက်ဆုံးပါတ်အတွင်းက တပိဿကို ၇၀၀ကျပ်ကနေ ၉၀၀ကျပ်အထိ ဈေးရရှိခဲ့ပေမယ့် ဖေဖော်ဝါရီလ ၁ရက်ကနေစတင်ပြီး တစ်ပိဿကို ၃၀၀ကျပ်ကနေ ၄၀၀ကျပ်ဝန်းကျင် ဈေးကျဆင်းသွားခဲ့တာ ဖြစ်တယ်လို့ သိရပါတယ်။

“အခုချိန်က အင်းလေးက နေရာတိုင်းနီးပါးမှာ ခရမ်းချဉ်သီးတွေက တပြိုင်တည်းထွက်လာကြပြီဆိုတော့ ဈေးက ထိုးကျကုန်တာ။ အစိမ်းသီးဆိုရင် ၃၀၀၊ သံယောင်သီးဆိုရင် ၃၅၀၊ ၄၀၀လောက်ပဲ ရတယ်။ ကုန်ကျစရိတ်က တပိဿကို ၄၀၀၊ ၅၀၀လောက်ရှိတော့ ရှုံးပြီပေါ့။ ဒါတောင် ကိုယ့်လုပ်အားခ မပါသေးဘူး”လို့ တောင်သူတယောက်က ပြောပါတယ်။

အင်းလေးဒေသထွက်ခရမ်းချဉ်သီးတွေဟာ လက်ရှိအချိန်မှာ ဝယ်လိုအားထက် ရောင်းလိုအား ပိုမိုများပြားနေတာကြောင့် စက်သုံးဆီနဲ့ လုပ်သားငှားရမ်းခ မြင့်တက်မှုတွေ ဖြစ် ပေါ်နေချိန်မှာ စျေးနှုန်းက ကျဆင်းနေတဲ့အတွက် အခက်အခဲတွေနဲ့ ရင်ဆိုင်နေရတယ်လို့ တောင်သူတွေက ဆိုပါတယ်။

“အောင်ပန်းအထိ သွားရောင်းရင်တော့ ၆၀၀ကနေ ၈၀၀လောက်အထိ ရတယ်။ ဒါပေမယ့် စက်လှေခ၊ အလုပ်သမားခ၊ ကားခတွေနဲ့ ပြန်တွက်လိုက်ရင် ဘာမှမထူးဘူး။ ရှုံးတာက ရှုံးတာပါပဲ။ ဈေးက အဲဒီဝန်းကျင်မှာပဲ ငြိမ်နေသေးတယ်။ ထပ်ကျဖို့တော့ မရှိလောက်ဘူး။ တခြားဒေသကထွက်တဲ့ ခရမ်းချဉ်သီးတွေက ကုန်ခါနီးပြီ။ သူတို့ဖက်က ကုန်ရင်တော့ ဈေးပြန်တက်လာမယ်လို့ မျှော်မှန်းထားပါတယ်”လို့ ကုန်သည်တယောက်က VOMကို ပြောပါတယ်။

ရှမ်းပြည်နယ်တောင်ပိုင်းရဲ့ ကုန်စိမ်းဈေးကွက်ဖြစ်တဲ့ အောင်ပန်းကုန်စည်ဈေးကွက်မှာ အခုဖေဖော်ဝါရီလအတွင်း ခရမ်းချဉ်သီးအပြင် ဂျင်း၊ ပဲကြီး၊ ပဲစင်းငုံစတဲ့ ကုန်စည်တွေလည်း ဈေးဆက်တိုက်ကျဆင်းလာနေတဲ့အတွက် တောင်သူတွေ အရှုံးနဲ့ ရင်ဆိုင်နေရတယ်လို့လည်း သိရပါတယ်။

ဓာတ်ပုံ-Aungban Trading

#သတင်းဟင်း​လေးအိုးကြီး