ဆားဝက်ခြံအတွက် အထိရောက်ဆုံး skincare များ🔱
Skin concern တွေထဲမှာ ဖြေရှင်းရအခက်ဆုံးက ဆားဝက်ခြံလို့ပြောရင် ဘယ်သူမှငြင်းမယ်မထင်ဘူးနော်။ အဆီဖုဝက်ခြံထက်တောင် ပိုခေါင်းမာပြီး မျက်နှာပေါ်က ရှင်းထုတ်ရခက်ပါတယ်။ တချို့တွေက ဆားဝက်ခြံကို ညှစ်ထုတ်လိုက်ရင်ပျောက်ပြီလို့ အမှတ်မှားတတ်ပေမဲ့ တကယ်တမ်း ပိုဆိုးအောင်လုပ်သလိုဖြစ်သွားတာပါနော်။ ချွေးပေါက်တွေကျယ်ပြီးကျန်ရစ်ပြီး နောက်တကြိမ်ဆားဝက်ခြံဖြစ်ဖို့ လွယ်ကူသွားတဲ့အပြင် ဆားဝက်ခြံညှစ်ထားတဲ့နှာခေါင်းကို ကြည့်လိုက်ရင်လဲ ပွယောင်းယောင်းနီစပ်စပ်နဲ့ ဆားဝက်ခြံရှိတာထက်ကို ပိုရုပ်ဆိုးပါတယ်။ ဒါကြောင့် ဆားဝက်ခြံကိုမညှစ်ဖို့ ကပ်ခွါတွေမသုံးဖို့ Nyi အမြဲမှာတယ်ပေါ့နော်။ ဒီနေ့တော့ ဆားဝက်ခြံကြောင့် စိတ်ညစ်နေရတဲ့သူတွေအတွက် သုံးဖူးတဲ့ထဲမှာ blackheads အတွက် အထိမိဆုံး skincare လေးတွေ ရေးပေးလိုက်ပါတယ်ခင်ဗျာ။
~ B:Lab Squalene Reset Pore Deep Cleansing Oil
Full review လာဖို့ရှိပါတယ်။ Nyi ဒါ ကောင်းလွန်းတဲ့ cleansing oil လေးတခုကို အမြည်းကျွေးခြင်းပါ။ သုံးဖူးသမျှထဲ texture lightweight အဖြစ်ဆုံးဖြစ်ပြီး သူ lightweight ဖြစ်တာက pleasant ဖြစ်တဲ့ပုံစံမလို့ Nyi ညတိုင်းသုံးဖြစ်နေပါတယ်။ တချို့ညတွေ သုံးနေရင်း ဆားဝက်ခြံလေးတချို့ ပြုတ်ထွက်လာတာခံစားမိလို့ ဒီနေ့ list ထဲထည့်လိုက်ပါတယ်ခင်ဗျာ။ Full review ဖတ်တဲ့အခါ အပြန်အလှန်ဆွေးနွေးချင်ရင်တော့ ခုကတည်းက လိုက်သုံးကြည့်ထားပါနော်။
~ KAINE Rosemary Relief Gel Cleanser
ဆားဝက်ခြံက တော်ရုံသက်သာတဲ့အမျိုးမဟုတ်လို့ Nyi လက်လွယ်စပယ်မပြောဖူးပါဘူး။ Beauty Content Creator သက်တမ်းတလျှောက် ဆားဝက်ခြံသက်သာတဲ့ မျက်နှာသစ်ဆိုလို့ ဒီတခုသာ ကြုံဖူးပါသေးတယ်။ သူ့မှာပါတဲ့ BHA 0.45% က အရမ်းအလုပ်ဖြစ်တယ်လို့ ပြောပါရစေ။ Rosemary အနံ့လေးသင်းနေတာလဲ သဘောကျတယ်။ အမြုပ်ထွက်အားကောင်းပြီး သုံးတဲ့တလျှောက်လုံး နှာခေါင်းလေးကိုင်ကြည့်ရင် ချောနေတာ အကြိုက်ဆုံးပဲ။
~ Isntree Chestnut BHA 2% Clear Liquid
Isntree ရဲ့ 2% BHA liquidက သူများတွေရဲ့ 1% BHA toner ထက်ကို နူးညံ့တယ်။ ဒါပေမဲ့ နာမည်မှာ blackheads မပါသော်ငြား ဆားဝက်ခြံကိုတော့ အတော်နိုင်ပါတယ်။ ဆားဝက်ခြံက ခေါင်းအမာဆုံးအမျိုးဆိုတော့ ဒီလို product မျိုးကို တခြားနေရာထက် နှာခေါင်းကိုအကြိမ်ရေပိုသုံးပေးရတယ်။ Gentle ဖြစ်တဲ့ exfoliating option တခုပါ။ ဆားဝက်ခြံ ဝက်ခြံအဆီဖုနဲ့ ချွေးပေါက်အတွက်ဆိုရင် ဒါလေး try ကြည့်သင့်ပါတယ်။
~ Numbuzin No.1 Blackhead soakOFF Cleaner
ဒီ product လေးက အကိုတယောက်လက်ဆောင်ပို့ပေးလို့ သုံးဖူးတာပေါ့နော်။ Discontinued သွားပြီလားတော့မသိဘူး၊ info သိပ်မတွေ့ရတော့ဘူး။ ဒါပေမဲ့ blackheads အတွက် အရမ်းကိုမှထိရောက်တဲ့ hidden gem လေးတခုပဲ။ သူ့မှာ ပြင်းတဲ့ပါဝင်ပစ္စည်းတွေ တခုမှမပါဘူး။ Botanical extracts တွေပဲ။ တခါသုံးပြီးသွားတိုင်း နှာခေါင်းကချက်ချင်းကို smooth ဖြစ်သွားတာ လုံးဝမျက်လှည့်ပြသလိုပါဆို။ ဝယ်လို့ရသေးရင် သေချာပေါက်သုံးကြည့်နော်။
ဒါကတော့ ဆားဝက်ခြံအတွက် Nyi သုံးဖူးသမျှ effective အဖြစ်ဆုံး products လေးတွေပါ။ တခြားထဲကဆိုရင် Clay mask, Peeling gel လေးတွေသုံးလို့လဲ သက်သာနိုင်ပါတယ်နော်။ ဖတ်ရတာအကျိုးရှိမယ်လို့ မျှော်လင့်ပါတယ်ဗျ။ နောက်ရက်ပြန်တွေ့ပါမယ်ခင်ဗျာ💙🤗
#reviewbynyi
#crd
