On the ground ✿ ♡‿♡ ✿

အဘယ်ကြောင့်လိမ်ကြသနည်း
------------------------------
စကားပုံတစ်ခုကို မှတ်သားမိသည်။

မုသားက ကမ္ဘာပတ်နေချိန်မှာ အမှန်တရားက ဖိနပ်စီးနေဆဲ ဆိုသည့် စကားပုံလေး ဖြစ်ပါသည်။
လိမ်လည်ခြင်းသည်မကောင်း၊ ရိုးသားခြင်းကကောင်း၏ဆိုကာ ဆုံးမသွန်သင်မှုတွေကြားကပင် လိမ်ချင်သူ တွေကား ပေါများလှပေသည်။ အထက်ကအစ အောက်အဆုံး လိမ်ညာမှုတွေနှင့် အဘယ်ကြောင့် လောကတွင် အမှောင်ဖုံးနေရသနည်း။

လူတွေအဘယ်ကြောင့် လိမ်ကြသနည်း။ လိမ်လည်ရခြင်း အကြောင်းတရားများကို ဆန်းစစ်ကြည့်ရာတွင်

အကြောင်း ၁

အမှန်တရားကို ရင်ဆိုင်ပြီး မှန်ရာဘက်ကိုရပ်ကာ အမှန်အတိုင်းထုတ်ပြောလိုက်ခြင်းထက်၊ မိမိကိုယ်ကျိုးစီးပွား အတွက် လိမ်လည်လိုက်မှဖြစ်မည်ဟု ဦးနှောက်ကစေခိုင်းခြင်းကြောင့် လိမ်လည်ခြင်းကို ပြုလုပ်ကြသည်။

အကြောင်း ၂

မျက်နှာချင်းဆိုင် ရင်ဆိုင်ဖြေရှင်းလိုက်လျှင် ရနိုင်ပါလျက်၊ ရင်ဆိုင်ဖြေရှင်းရန်အတွက် သတ္တိမရှိခြင်းကလည်း လိမ်လည်ရန် တွန်းအားကိုဖြစ်စေသည်။ မရိုးသားသူတစ်ဦးအတွက် မလုပ်သင့်ဟု စိတ်ကသိနေသော်လည်း မကောင်းမှုကို တိုက်တွန်းစိတ်က အားများသွားသည့်အခါ မလိမ်ရဲတာဘာမျှမရှိ ဖြစ်ကုန်သည်။

အကြောင်း ၃

လိမ်လည်ပြောဆိုတတ်သူသည် နောက်ဆုံးတွင် ကိုယ့်လိမ်လည်မှုကိုပင် ကိုယ်တိုင်က ယုံကြည် သွားတတ် သည်။ မမှန်တာကိုပြောနေရခြင်းမှာ ထမင်းစားရေသောက်လိုဖြစ်လာသည့်အခါတွင် ကိုယ့်စကားကို ကိုယ်တိုင်က အလေးမထားမှုတွေ ဖြစ်လာတတ်သည်။ လိမ်လိုက်ရခြင်းကပင် သူ့အတွက် ဘာမျှအရေးမကြီး သလိုဖြစ်လာသည်။

အကြောင်း ၄

အချို့သော လိမ်လည်မှုများသည် ဖိအားတစ်ခုခုကြောင့်လည်း ဖြစ်နိုင်ပါသည်။ သူတို့အတွက် လိမ်သည်ဖြစ်စေ၊ မလိမ်သည်ဖြစ်စေ သူတို့ထံတွင် ပင်ကိုယ်အသိစိတ်ကပျောက်နေတတ်သည်။ လိမ်ခိုင်းသောကြောင့် လိမ်သည်။ လိမ်လိုက်မှဖြစ်မည်ဟု ယုံကြည်သောကြောင့် လိမ်ကြသည်။

အကြောင်း ၅

ကျွမ်းကျင်သော လူလိမ်တစ်ယောက်ဖြစ်ပါစေ သူတို့မျက်လုံးတွင် ပေါ်နေတတ်သည်။ လူလိမ် လူညာတို့သည် မျက်လုံးတည့်တည့်ကြည်ကာ ရင်ဆိုင်ရန်ကြောက်တတ်သည်။ လူလိမ်တို့ကို လေ့လာကြည့်သည့် စိတ်ပညာရှင်များက လူလိမ်တို့သည် အကြည့်ကိုကြောက်သောကြောင့် ရှောင်ဖယ်ရန် ကြိုးစားလေ့ရှိသည်ဟု ဆိုကြသည်။ လူမှန်တို့၏ မျက်လုံးများကို လူလိမ်တို့မကြည့်ရဲပေ။ ထို့ကြောင့် လိမ်၊ မလိမ် သိလိုလျှင် ငါ့မျက်လုံးကို တည့်တည့်ကြည့်စမ်းဆိုကာ ပြောလေ့ရှိကြသည်။

Friedrich Nietzsche ပြောဖူးသည့် စကားတစ်ခွန်းရှိပါသည်

မင်းငါ့ကို လိမ်လိုက်လို့ ငါစိတ်မကောင်းမဖြစ်ပါဘူး။ ဒါပေမဲ့ ခုချိန်ကစပြီး မင်းကို ငါမယုံကြည်တော့တာ ကိုတော့ စိတ်မကောင်းဖြစ်မိတယ် ဆိုသည့်စကားလေးဖြစ်ပါသည်။

ယုံကြည်မှုသည် စီးပွားရေး၊ နိုင်ငံရေး၊ လူမှုရေး၊ ပညာရေး၊ ကျန်းမာရေးဘက်ပေါင်းစုံ နေရာပေါင်းစုံ အတွက် အရေးကြီးပါသည်။ ယုံကြည်မှုပျောက်ဆုံးလျှင် အားလုံး ပျောက်ဆုံးသွားတတ်ပါသည်။

ထိုင်းမှာ Data Center ဖွင့်တော့မယ်ဆိုတဲ့သတင်းက ၂၀၂၂ ကတည်းကပါ။

ဘန်ကောက်မှာ Data Center တွေဆောက်တော့မယ်ဆိုတော့ အကုန်လုံးဝိုင်းပြီး ခုတော့ နောက်ကျကျန်ခဲ့ပြီ ဘာညာနဲ့ ပွဲဆူနေကြတာ အကုန်လုံးသိမှာပါ။ တစ်ကယ်တော့ ဒီသတင်းက 2022 August ကတည်းက Google ကကြေငြာထားပြီးသား။ ခုမှ Microsoft ကပြန်ကြေငြာပြီး Media အများစုက ပြန်တင်ကြလို့ သတင်းပွသွားတာ။

Google, Amazon, Microsoft တို့အတူတူပေါင်းပြီး ကုမ္ပဏီတစ်ခုကို ဘတ် 100 Billion နဲ့ ၃ ခု 300 Billion မြှပ်နှံဖို့စီစဥ်နေတယ်ဆိုတာ ၂၀၂၃ မှာထပ်ပြီးပြောတယ်။ ဒေါ်လာနဲ့တွက်ရင် 8.5 Billion လောက်ရှိတယ်။ ထိုင်း Tech Industory အတွက်ကတော့ ရွှေခေတ်ပဲ။ SEA ရဲ့ Silicon Valley ပေါ့။ ဒီပုံအတိုင်းဆိုနောက်ပိုင်း Meta နဲ့ Tesla လည်းလိုက်လာမှာ မလွဲဘူး

ဝန်ကြီးချုပ်ကိုယ်တိုင်က Company တွေကို Invite လုပ်ထားသလို၊ ဒီလိုလုပ်လိုက်တာဟာ ထိုင်းနိုင်ငံရဲ့ အာရှအတွင်းတိုးတက်မှုကို အကြီးအကျယ်အထောက်အကူပြုလိမ့်မယ်လို့ ထုတ်ပြောထားတယ်။ မြန်မာနိုင်ငံက လူ့စွမ်းအားအရင်းအမြစ်တွေကလည်း ထိုင်းကိုအကြီးအကျယ်ဝင်နေတာဆိုတော့ Singapore ကိုပါကျော်တက်ပြီး ထိုင်းက ဆရာကြီးဖြစ်လာဖို့ အခွင့်အရေးများသွားပြီ။

တရုတ်ဖက်ကလည်း Tencent က ဖွင့်မယ်ဆိုရင် နေရာတွေရှိပြီးသားဖြစ်သလို၊ Alibaba ကလည်း ဘန်ကောက်မှာ ၂၀၂၂ ကတည်းက ဖွင့်ပြီးသားဖြစ်ပါတယ်။

"တကယ်​တော့ ​ပျော်ရွှင်မှုဆိုတာ လိုက်ရှာရတာ မဟုတ်ဘူး။ တောင်းခံရတာလည်း မဟုတ်ဘူး။

ဖန်တီးယူရတာ ဖြစ်တယ်။ တစ်နည်းအားဖြင့် ကိုယ်လုပ်တဲ့ လုပ်ရပ်​​တွေရဲ့ အကျိုးဆက်လည်း ဖြစ်ပါတယ်။"
#drphyothiha#

ရင်ခုန်စရာ Upgrade တွေ အများကြီးမြင်ရဖို့မရှိတဲ့ Apple Watch များ

တစ်ကယ်လို့ Apple ဟာ 2 year upgrade cycle ကိုသာ ဆက်သွားမယ်ဆို Apple Watch SE 3 ကဒီနှစ်ထွက်လာဖို့ရှိပါတယ်။ Upgrade ကတော့ ထုံးစံအတိုင်း Software နဲ့ အရောင်တွေပြောင်းသွားတာပဲ အများဆုံး ဖြစ်ဖို့များမယ်လို့ ခန့်မှန်းရပါတယ်။

နောက်တစ်ခုကတော့ Apple Watch Ultra 3 ကလာမယ့် September မှာ ထွက်လာမလိုလို၊ မထွက်လာတော့ဘူးလိုလို သတင်းထွက်နေတာဖြစ်ပါတယ်။ Leaker တွေအဆိုအရတော့ Apple Watch Ultra 3 ဟာတစ်ကယ်လို့ ဒီနှစ်ထဲမှာ မိတ်ဆက်သွားမယ်ဆိုရင်တောင် Hardware Upgrade အနေနဲ့ အများကြီး မြင်ရဖို့မရှိပါဘူး။ ဆိုတော့ ဒီနှစ် Watch Ultra ထွက်လာမယ်ဆိုရင် Software ပိုင်းနဲ့ Features ပိုင်းမှာပဲ အပြောင်းအလဲ နည်းနည်းပါးပါး မြင်ရဖို့ရှိမှာပါ။

နောက်တစ်ခုကတော့ Apple Watch 9 လည်း ထိုနည်းတူလို့ပြောလို့ရပါတယ်။ ဒါပေမယ့် 2024 လိုလို၊ 2025 လိုလို မသေချာတဲ့ သတင်းတွေထွက်နေတဲ့ Apple Watch X က Bazel ပါးပါး၊ Magnetic Band နဲ့ထွက်လာမယ်လို့ သတင်းထွက်နေတော့ Apple ထုံးစံအတိုင်း နောက် Generation အတွက် Innovation ချန်တဲ့သဘောအနေနဲ့ Watch 9 မှာတော့ အရောင်နဲ့ Features တွေကို ကိုတင်ကွတ် Stage ပေါ်မှာ ရွက်ပြဦးမလားဆိုတာ စောင့်ကြည့်ရပါမယ်။

တစ်ကယ်တော့ Software Upgrade တွေပေးနေမယ့်အစား ဈေးတွေပိုသက်သာအောင် လုပ်ပေးလိုက်တာ User တွေအတွက်ပိုကောင်းတယ်လို့မြင်ပါတယ်။ ဒါပေမယ့် ဈေးချပေးဖို့ဆိုတာကတော့ Apple ဆိုတော့ သိတဲ့အတိုင်းပါပဲ။

"တကယ်​တော့ ​ပျော်ရွှင်မှုဆိုတာ လိုက်ရှာရတာ မဟုတ်ဘူး။ တောင်းခံရတာလည်း မဟုတ်ဘူး။

ဖန်တီးယူရတာ ဖြစ်တယ်။ တစ်နည်းအားဖြင့် ကိုယ်လုပ်တဲ့ လုပ်ရပ်​​တွေရဲ့ အကျိုးဆက်လည်း ဖြစ်ပါတယ်။"
#drphyothiha#

(၁၄)နှစ်အရွယ် အာဆင်နယ်ပရိသတ်အတွက် (၁၄)မိနစ်မှာ ထွက်ပေါ်လာတဲ့ ဝမ်းနည်းခြင်းလက်ခုပ်သံ

ယခုတစ်ပတ် ပရီးမီးယားလိဂ်ပွဲစဉ် အာဆင်နယ်(၃-ဝ)ဘုန်းမောက်ပွဲကစားရာ လန်ဒန်မြို့ရှိ အမ်းမရိတ်စ်ကွင်းအတွင်း ပွဲချိန်(၁၄)မိနစ်၌ ပရိသတ်များထံမှ လက်ခုပ်သံများထွက်ပေါ်လာခဲ့သည်။ ပရိသတ်အများစုက ပွဲကြည့်စင်ပေါ်တွင် မတ်တပ်ရပ်ခဲ့ကြပြီး R.I.P DANIEL ဆိုသည့် ကြီးမားသော စာတန်းကြီးကိုလည်း ပရိသတ်များအကြားတွေ့ခဲ့ရသည်။ယင်းမှာ ပြီးခဲ့သည့် အင်္ဂါနေ့က လန်ဒန်မြို့အရှေ့မြောက်အရပ်တွင် ကျောင်းသွားရင်း ဓားထိုးခံရ၍ သေဆုံးခဲ့ရသော အသက်(၁၄)နှစ်အရွယ်ကျောင်းသား ဒန်နီယယ်လ်အန်ဂျိုရင်အတွက် ပရိသတ်များက ဝမ်းနည်းကြောင်း ပြသခဲ့ကြခြင်းဖြစ်သည်။စပိန်-ဘရာဇီးလ်နိုင်ငံသားလက်မှတ်ကိုင်ဆောင်ထားသူ အသက်(၃၆)နှစ်အရွယ် မွန်ဇိုဟုအမည်ရသည့်သူတစ်ဦး၏ ဓားဖြင့်တိုက်ခိုက်မှုတွင် အန်ဂျိုရင်မှာ အသက်ဆုံးရှုံးခဲ့ပြီး ရဲ(၂)ဦးအပါအဝင် ကျန်လူ(၄)ဦးမှာ ဒဏ်ရာရရှိခဲ့ခြင်းဖြစ်သည်။ယင်းဖြစ်ရပ်မှာ ဖောက်ထွင်းမှုတစ်ခုကို မွန်ဇိုက ကျူးလွန်ခဲ့ရာမှဆက်စပ်ဖြစ်ပွားခြင်းဖြစ်ကြောင်း သိရသည်။ လက်ရှိတွင် ၎င်းအား လူသတ်မှု၊လူသတ်ရန်ကြံစည်မှု၊သူတစ်ပါးကို ထိခိုက်ဒဏ်ရာရစေမှု၊ ဖောက်ထွင်းမှု၊ချွန်ထက်သောလက်နက်ကိုင်ဆောင်မှု အစရှိသည့် စွဲချက်များဖြင့် ဖမ်းဆီးချုပ်နှောင်ထားကြောင်း သိရသည်။ကံဆိုးသူ အန်ဂျိုရင်၏ ကျန်ရစ်သူမိသားစုထံ ပရိသတ်ထောင်ပေါင်းများစွာက ငွေကြေးကူညီထောက်ပံ့မှုများ ပြုလုပ်နေကြောင်းလည်း သိရှိရသည်။

လူတစ်ယောက်နဲ့ပတ်သက်တဲ့အခါ
ငါတို့ဟာ အဲ့လူကိုအစဉ်အမြဲပိုင်ဆိုင်ပြီဆိုတဲ့
စိတ်ကို လျော့ရမယ်။
ဝေးသွားရင်တောင် ချစ်နေဦးမှာဆိုတဲ့ စိတ်ကို
ဖျောက်ရမယ်။
တကယ်လို့များ တခြားတစ်ယောက်နဲ့လက်ထပ်ဖြစ်ရင်တောင် ငါ့စိတ်ထဲကလူက မင်းပဲဖြစ်နေမှာပါဆိုတဲ့
စကားတွေက ဝတ္တုထဲလောက်ပဲ ဖတ်ကောင်းတယ်၊
ခံစားကောင်းတယ် ။

ချစ်ခြင်းမေတ္တာနဲ့ပတ်သက်တဲ့အခါ
အတ္တကင်းကင်းချစ်တတ်ဖို့ လိုတယ်။
ကိုယ့်ရဲ့ချစ်မေတ္တာကြိုးဟာ
သူများဘဝတွေကို ဖျက်စီးပစ်တာမျိုး၊သူများစိတ်နှလုံးကိုနာကျင်စေတာမျိုး မဖြစ်ဖို့လိုတယ်။

တစ်ခါတလေ လူတွေက ရသဦးစားပေးတဲ့ ဝတ္တုတွေအဖတ်များပြီး ပြင်ပလောကမှာလည်း အဲ့ဝတ္တုတွေထဲကအတိုင်းရှင်သန်လိုကြတယ်။လူ့ဘဝဆိုတာ
ဝတ္တုထဲကလိုမျိုး ပေါင်းဖက်ကြတဲ့နေရာမှာဖြစ်စေ၊
ဝေးကွာကြတဲ့နေရာမှာဖြစ်စေ
တစ်ခန်းရပ်ပစ်လို့ရတဲ့အရာမဟုတ်ဘူး။

ပေါင်းဖက်တဲ့နောက်မှာ အိမ်ထောင်ရဲ့သုခ၊ဒုက္ခကိုရမယ်။ဘဝကအခုမှစတယ်။
ကွေကွင်းတဲ့နောက်မှာလည်း ငါတို့ဟာ နောက်ထပ် လူတွေနဲ့ ထပ်တွေ့နေကြဦးမှာပဲ။
ဒါဟာ ဘဝပဲ ။

ငါတို့ လူသားပီပီသသ လုပ်ရမှာက
ငါတို့ပေါ် ကောင်းတဲ့လူကို ပြန်ကောင်းရမယ်။
ငါတို့ဆန္ဒနဲ့ကိုယ်တိုင် လက်တွဲယူထားတဲ့ချစ်သူ၊
အိမ်ထောင်ဖက်အပေါ် သစ္စာရှိရှိနဲ့ ချစ်မြတ်နိုးရမယ်။
ဒီနေရာမှာ ငါကဘယ်သူနဲ့လက်ထပ်လိုက်ပေမယ့်
ငါ့စိတ်ထဲမှာတော့ ဘယ်သူပါဆိုတာတွေက
သိပ်ရယ်ရတယ်၊ကလေးဆန်လွန်းတယ်။

ငါတို့ဟာ ကိုယ့်ခံစားချက်ကို
ကိုယ် ချုပ်ထိန်းနိုင်ရမယ်။
မေတ္တာပေးရမယ်၊သစ္စာပေးရမယ်၊ဒါတွေပေးနိုင်ပြီမှဆိုမှ ဘဝထဲကို လူသစ်တစ်ယောက်ကို ထပ်ခေါ်ရမယ်
တကယ်လို့ မင်းအနေနဲ့ တခြားလူတစ်ယောက်ကိုမမေ့နိုင်သေးဘူး၊စိတ်ထဲကမထုတ်နိုင်သေးဘူးဆိုရင်
မင်းတစ်ယောက်တည်းပဲ နေပါ၊
တစ်ယောက်တည်းပဲ ရှင်သန်ပါ ။

အဲ့လိုပဲ မင်းအတွက်မဟုတ်ဘဲ တခြားတစ်ယောက်ကို ရင်ဘတ်ထဲသိမ်းထားတဲ့ ခပ်ညံ့ညံ့လူတန်းစားတွေကိုလည်း ဝေးဝေးကရှောင်ပါ ။

ကိုယ့်ချစ်ခြင်းမေတ္တာကို တာဝန်မယူနိုင်တာက
တကယ့်လူညံ့တွေပဲလုပ်တာ...🖤

#nayvel

ချစ်ခြင်းတရားတွေသက်သေထူ ငါတို့ ပန်းတိုင်အတူလျောက်မယ်❤️❤️❤️

⚜️ Princess Charlotte of Wales ဟာဆိုရင် May 2 ရက်နေ့ 2015 ခုနှစ်တွင် London မြို့ရှိ St Mary’s ဆေးရုံမှာမွေးဖွားခဲ့တာပဲဖြစ်ပါတယ်။ Charlotte လေးဟာဆိုရင် Prince William နဲ့ Princess Catherine of Wales တို့ရဲ့ ဒုတိယမြောက်ကလေးဖြစ်ပြီး တစ်ဦးတည်းသော သမီးပဲဖြစ်ပါတယ်။ Charlotte လေးရဲ့နာမည်အပြည့်အစုံကတော့ Charlotte Elizabeth Diana ဖြစ်ပြီး သူမရဲ့ အဖွားနဲ့ Great Grandmother တို့ကိုအစွဲပြုပြီး Diana နဲ့ Elizabeth ဆိုတဲ့နာမည်လေးတွေကို ထည့်ပေးခဲ့တာပဲဖြစ်ပါတယ်။ Charlotte လေးဟာ အသက်ငယ်သော်ငြားလဲ သူမမိဘတွေနဲ့အတူ Royal Events တွေ၊ wedding တွေ၊ Trooping Colors ပွဲတွေကို အတူတက်ရောက်လေ့ရှိပြီး တစ်ခါတစ်လေမှာ Diana နဲ့တူတဲ့ အပြုအမူလေးတွေကြောင့် တိုင်းပြည်တစ်ခုလုံးကအပြင် တစ်ကမ္ဘာလုံးကပါ အချစ်ခံရတဲ့ မင်းသမီးလေးပဲဖြစ်ပါတယ်။ Charlotte လေးဟာတော့အခု Thomas’s Battersea ကျောင်းမှာ တက်ရောက်နေပြီး တစ်ခြားကလေးတွေလိုပဲ သာမန်ကလေးဘဝကို ပျော်ရွှင်စွာဖြတ်သန်းနေပါတယ်။ အသက်အရွယ်ငယ်လွန်းတာကြောင့် ကလေးတွေအကြောင်း အသေးစိတ်မသိရပေမယ့်လဲ Charlotte ဟာ အနာဂတ်မှာ ဘုရင်စနစ်ရဲ့အဓိကကျ​တဲ့နေရာကနေ ပါဝင်ပတ်သတ်ရမှာပဲဖြစ်ပါတယ်။