Good one

❤️❤️❤️❤️

"မဟုတ်ရင်မခံ
ပြန်ပြောတတ်တဲ့ အကျင့်ကို
ဒေါသကြီးတယ်လို့
တစ်ချို့က ထင်တတ်ကြတယ်။

ဒါပေမဲ့
အဲ့လို လူမျိုးတွေမှာ
ကောက်ကျစ်တဲ့ စိတ်ထား
မရှိတာ တစ်ချို့လူတွေ မသိကြဘူး။

စိတ်ထဲ မှန်တယ်ထင်ရင်
အပြောဆိုးတတ်တဲ့ အကျင့်ကို
စိတ်ထားပါဆိုးမယ်လို့
တစ်ချို့က ထင်တတ်ကြတယ်။

ဒါပေမဲ့
အဲ့လိုလူမျိုးတွေမှာ
ယုတ်မာတဲ့ စိတ်ထား
မရှိတာ တစ်ချို့လူတွေ မသိကြဘူး။

သည်းမခံနိုင်တဲ့အဆုံး
ပေါက်ကွဲစိတ်နဲ့
ချက်ကျလက်ကျပြောတတ်တဲ့အကျင့်ကို
ရိုင်းစိုင်းတယ်လို့
တစ်ချို့က ထင်တတ်ကြတယ်။

ဒါပေမဲ့
အဲ့လို လူမျိုးတွေ စိတ်ထဲ
အငြိုးအတေး မထားတတ်တာ
တစ်ချို့လူတွေ မသိကြဘူး။

ပွင့်ပွင့်လင်းလင်းနဲ့
ဘွင်းဘွင်း နေတတ်တဲ့ အကျင့်ကို
သိက္ခာမရှိဘူးလို့
တစ်ချို့က ထင်တတ်ကြတယ်။

ဒါပေမဲ့
အဲ့လိုလူမျိုးတွေစိတ်ထဲ
မကောင်းမှု မှန်သမျှ
ရှောင်ကျဉ်တတ်တာ
တစ်ချို့လူတွေ မသိကြဘူး။

တစ်ဦး တစ်ယောက်တည်း
နေတတ် သွားတတ်တဲ့အကျင့်ကို
မာနထားတယ်လို့
တစ်ချို့လူတွေက ထင်တတ်ကြတယ်။

ဒါပေမဲ့
အဲ့လိုလူမျိုးတွေ စိတ်ထဲ
လူညစ်တွေ ပေးတဲ့ သင်ခန်းစာတွေ
ကြောင့် လူတွေကို
ရှောင်ကျဉ်တတ်တာ
တစ်ချို့လူတွေ မသိကြဘူး။

ဒါ့ကြောင့်
တစ်ချို့လူတွေကို
အပေါ်ယံကြည့်ပြီး မဝေဖန်ကြဖို့၊
တစ်ချို့လူတွေ
အကြောင်း ခရေစေ့တွင်းကျ
မသိဘဲ
အထင်မကြီး
အထင်မသေးတတ်ဖို့၊
တစ်ချို့လူတွေ မသိကြပြန်ဘူးလေ။"

Credit To Original writer

မောင်းနေရင်သာ ပြိုင်မောင်းရင်မောင်းမယ်။
မီးပွိုင့်ဆိုအရိပ်လေးခိုလိုက်ရမှ

ခုမှပဲ အာရုံနောက်သက်သာသွားတော့တယ်
ဂိမ်းကိုကောင်းကောင်းမဆော့ရဘူး မနောပျက်တယ်

မည်သူ့ကိုမှ အပူမပေးခြင်းဖြင့်
ကိုယ့်ဘဝနဲ့ကိုယ် အေးဆေးနေထိုင်ပါတယ်

စိတ်ပင်ပန်းမှုတွေကို မုန်းတဲ့သူမို့

အပူပေးတဲ့သူတွေကို တတ်နိုင်သမျှရှောင်ပါတယ်

ကိုယ့်စိတ်အေးချမ်းစေတဲ့ အတိုင်းပဲနေတာမို့

မေတ္တာပေးနိုင်ရင် ပေးမယ်
မပေးနိုင်ရင် တိတ်ဆိတ်မှုတွေ ပေးလိုက်မယ်

ကိုယ်ကလေ
လူတစ်ယောက်ကို ဘဝထဲခေါ်မယ်အစား

စာအုပ်တွေကိုပဲ ပိုစုဆောင်းဖြစ်လာတော့တယ်...🖤
#ဖားစည်ရည်ကျော်

မြေဆီလွှာပြုပြင်ခြင်း နှင့် ပတ်သက်သော မှတ်ချက်များ
""""""""""""""""""""""""""""""""""""""""""""""""""
သက်ရှိသတ္တဝါအားလုံး၊ မြေကြီးပေါ်မှာ နည်းမျိုးစုံဖြင့် မှီတည် အသက်ရှင်သန်နေကြရပါတယ်။
အထူးသဖြင့် စိုက်ပျိုးရေးလုပ်ငန်းများ
လုပ်ကိုင်ရာတွင်၊ အခြေခံအကျဆုံး မူလ၊ပဓါန အရာသည်၊ မြေကြီး(တနည်းအားဖြင့်)မြေဆီလွှာ သာလျှင်ဖြစ်ပါတယ်။
အကြောင်းနဲ့ အကျိုးတရား
(Cause and effect)သီအိုရီအရ,မြေဆီလွှာကို အမှီပြုရတဲ့
သီးနှံတွေ ၊များများထွက်ပြီး၊ကောင်းကောင်းသီးပွင့်နိုင်ဖို့ အကြောင်းတရား(Cause)ကောင်းဖို့လိုအပ်တာ အမှန်ပါ။
အေကြာင်းတရား(Cause) ကောင်းရင်၊
အကျိုးတရား (effect )ကောင်းမှာ အသေအချာပါဘဲ။
မြေဆီလွှာကောင်းခြင်းလက္ခဏာများ
"""""""""""""""""""""""""""""""""""""""""""""""""
၁။မြေအမျိုးအစား(soil type)
၂။မြေချဥ်/ငံ ကိန်း (soil pH)
၃။မြေကြီးအာဟာရ (soil nutrients)
အထက်ပါ အချက်များကို ကြည့်၍ မြေဆီလှွာ ကောင်းခြင်း၊မကောင်းခြင်း လေ့လာအကဲခတ်နိုင်ပါတယ်။
၁။မြေဆီလွှာအမျိုးအစား
""""""""""""""""""""""
-သဲမြေလား(sand)
-နုံးမြေလား (silt)
-မြေစေးမြေလား (Clay)
ယေဘုယျ ခြုံငုံသုံးသပ်ပါက.
သဲ+နူံး+ မြေစေး = နုံးမြေနု(loam) မြေဟာ အပင်အတော်များများအတွက် ၊အကောင်းဆူံးမြေလို့ ဆိုနိုင်ပါတယ်။
၂။ မြေကြီးpH
မြေဆီလွှာကောင်းခြင်းလက္ခဏာထဲမှာ မြေချဥ်ငံ ကိန်းမျှတဖိူ့ လည်း အရေးပါပါတယ်။
pH.6နဲ့ 8 အကြား ရှိနေမှ၊ မြေဆီလွှာကောင်းခြင်းမည်ပါတယ်။
၃။မြေကြီးအာဟာရ
မြေဆီလွှာ ကောင်းခြင်းလက္ခဏာတွေထဲမှာ၊
သီးနှံပင်တွေကြိုက်နှစ်သက်တဲ့အာဟာရတွေ ရှိနေဖို့လည်း လိုအပ်ပါတယ်။
အပင်တွေကြိုက်တဲ့ အာဟာရ အမျိုး ၂၀ ရှိတယ်လို့၊ပညာရှင်တွေ ဆိုထားပါတယ်။
ကာဗွန်၊ဟိုက်ဒြိုဂျင်၊အောက်ဆီဂျင်
-နိုက်ထရိုဂျင်၊ဖော့စဖရပ်၊ပိုတက်စီယံ
-ကယ်လ်စီယံ၊မဂ္ဂမီစီယံ၊ဆာလဖာ
-မင်းဂနိ၊ဇင့်၊သံ၊ကော့ပါး၊ဘိုရွန်၊မော်လစ်ဒီနမ်
ဆီလီကွန်၊ကိုဘော့၊နီကယ်၊ဗာနာဒီယံ၊စထရွန်တီယံ၊(BAC, fertilizer)
သင့်မြေဟာ..
မြေသေ(Dead soil)လား?
မြေရှင်( living soil) လား?
""""""""""""""""""""""""""""
မြေသေ(Dead soil)ဆိုတာ..
-သစ်ဆွေးဓါတ်ကင်းမဲ့ပြီး၊ စိုလွယ်၊ခြောက်လွယ်သော /ထယ်ထိုးလျှင် နှမ်းဖတ်တောင့်ထွက်သော/ပတ်ကြားအက်သော /အမြစ်ဆီသို့ ရေမစိမ့်နိုင်/လေမရှူနိုင်သော.အထိန်းအသိမ်းမဲ့မြေမျိုးကိုခေါ်ပါတယ်။
-ရေတိုက်စားခံရပြီး ၊အပေါ်ယံမြေဆီလွှာအာဟာရဓါတ် ကင်းမဲ့သောမြေ..
-ဓါတုဗေဒပစ္စည်းများ(ပေါင်းသတ်ဆေး၊ပိုးသတ်ဆေး၊ ဓါတ်မြေသြဇာ..စသည်)အလွန်အကျွံသုံးစွဲပြီး ဓါတ်ကြွင်းများသောမြေ..
-ပေါင်းမြက်များ၊ဖျက်ပိုးများ၊ရေဆိုးရေညစ်များ၊
စက်ရုံစွန့်ပစ်ရေဝင်မြေများ..
အဆိုပါ.မြေအမျိုးအစား များကို မြေသေ(Dead soil)လို့ သတ်မှတ်နိုင်ပါတယ်။
သေချာတာကတော့..
အဆိုပါ အချက်တွေနဲ့ ကိုက်ညီနေသော မည်သည့်
လယ်ယာကိုင်းကျွန်းမြေမဆို..စိုက်ပျိုးရေးလုပ်ငန်း ဖြစ်ထွန်းဖို့ဝေးစွ..အကြွေးကျရုံသာအဖတ်တင်ပါလိမ့်မယ်။
မြေရှင်(Living soil)

ငွေကြေး ဖောင်းပွတာတွေကြောင့် ရွှေဈေးမြင့်တက်လာမှု ထိန်းချုပ်ဖို့ မလွယ်ကူ

ပြည်တွင်း ရွှေဈေးနှုန်း မြင့်တက်လာရခြင်းဟာ ငွေကြေးဖောင်းပွမှုကြောင့် ဖြစ်တဲ့အတွက် ထိန်းချုပ်နိုင်ဖို့ မလွယ်ကူဘူးလို့ ရွှေလုပ်ငန်းရှင်တွေနဲ့ ဈေးကွက်သုံးသပ်သူတွေက ပြောပါတယ်။

ပြည်တွင်းရွှေဈေးနှုန်းဟာ ဖေဖော်ဝါရီလကုန်ပိုင်းမှ စတင်ကာ အရှိန်အဟုန်နဲ့ ဆက်တိုက် မြင့်တက်လာခြင်းဖြစ်ပြီး လက်ရှိမှာ ကျပ် လေးဆယ့်လေးသိန်းဈေးကို စံချိန်တင် ရောက်ရှိနေပါတယ်။

“အဓိက ကတော့ စီးပွားရေးကျဆင်းမှုကြောင့် ဖြစ်ပါတယ်။ မြန်မာကျပ်ငွေတန်ဖိုး ဆက်တိုက် ကျဆင်းနေတာကြောင့် အခေါက်ရွှေဈေးနဲ့ ဒေါ်လာဈေးတွေ ဆက်တိုက် မြင့်တက်လာတာပါ။ သက်ဆိုင်ရာ တာဝန်ရှိသူတွေအနေနဲ့ ဈေးကွက်ထိန်းကျောင်းဖို့ ဘယ်လိုပဲ ကြိုးစားသော်ငြား ရွှေဈေးကတော့ သိန်း ၄၀ ကျော်လာခဲ့ပြီ ဖြစ်ပါတယ်” လို့ ဈေးကွက် လေ့လာသုံးသပ်သူတယောက်က ပြောပါတယ်။

အခုနှစ်ဆန်းပိုင်းက တကျပ်သား ကျပ် သုံးဆယ့်ခုနစ်သိန်း တသောင်းသာ ရှိခဲ့တဲ့ ပြည်တွင်းရွှေဈေးဟာ နှစ်လကျော်ကာလအတွင်း ကျပ် ခုနစ်သိန်းဝန်းကျင် အတက်ကြမ်းခဲ့တာ ဖြစ်ပါတယ်။

“ကမ္ဘာ့ရွှေဈေးကလည်း မနေ့ကထက် ဒီနေ့တောင် တော်တော်တက်သွားတယ်လေ။ ကမ္ဘာ့ရွှေဈေးတက်တော့ ဒီနေ့ကတော့ ပြည်တွင်းရွှေက ၄၄ သိန်းကို ကျော်သွားမယ်ထင်တယ်။ အခြေအနေတွေက ကမ္ဘာ့ဈေးရော၊ ပြည်တွင်း ဒေါ်လာဈေးရော မတည်မငြိမ် ဖြစ်နေတဲ့အတွက် ပိုဆိုးသွားတာပါ။ အဓိက ကတော့ ငွေကြေးဖောင်းပွမှုကြောင့် အခြေအနေတွေက ထိန်းမရ ဖြစ်နေတာပေါ့” လို့ ရွှေလုပ်ငန်းရှင်တယောက်က ပြောပါတယ်။

ရွှေဈေးနှုန်း စံချိန်တင်မြင့်တက်လာတာကြောင့် ဈေးကွက်အတွင်း အရောင်းအဝယ် သိသိသာသာ ကျဆင်းနေသလို နစက ကလည်း အဆက်မပြတ် စောင့်ကြည့် စစ်ဆေးတာတွေ ရှိနေတယ်လို့ သိရပါတယ်။

“‌ရွှေဈေးတွေ တက်နေပေမယ့် ဖမ်းမယ်ဆီးမယ်တွေလည်း သတင်းကြားနေတော့ ဒီနေ့ကတော့ အရောင်းအဝယ်ဖြစ်ဖို့ မရှိပါဘူး။ တချို့ လုပ်ငန်းရှင်တွေကတော့ ပုန်းနေကြမှာပဲ။ ဈေးကွက်တော့ တော်တော်ကြီးကို ဆိုးဆိုးရွားရွားပျက်နေတာ။ အခြေအနေတွေက အရမ်းကို မတည်မငြိမ်ဖြစ်နေတယ်။ လောလောဆယ်ကတော့ ဈေးကွက်က ငြိမ်ဖို့ မမြင်သေးဘူး။ မှန်းရခက်တဲ့အနေအထားပါ” လို့ ရွှေလုပ်ငန်းရှင်က ပြောပါတယ်။

ရွှေဈေးနှုန်း မြင့်တက်နေတာနဲ့ ပတ်သက်လို့ အခုမတ်လ လဆန်းပိုင်းကတည်းက ရန်ကုန်နဲ့ မန္တလေးမြို့က ရွှေလုပ်ငန်းရှင်တွေကို ခေါ်ယူစစ်ဆေး မေးမြန်းတာတွေ ရှိနေပြီး တချို့ကို ပြန်လွှတ်လိုက်ပြီဖြစ်ပေမယ့် ရန်ကုန်က ရွှေလုပ်ငန်း ၁၀ ယောက်ကတော့ ပြန်လွတ်မလာသေးဘဲ ဆက်လက် မေးမြန်းခံနေရဆဲ ဖြစ်တယ်လို့ သူက ပြောပါတယ်။

ဒါနဲ့ ပတ်သက်လို့ ဈေးကွက် လေ့လာသူတွေကတော့ မြန်မာကျပ်ငွေတန်ဖိုး ကျဆင်းခြင်းကို အရေးပေါ် ဖြေရှင်းနိုင်မှုမရှိဘဲ ပြင်ပငွေလဲလုပ်ငန်းတွေနဲ့ အခေါက်ရွှေ အ‌ရောင်းအဝယ်သမားတွေကို ဖမ်းဆီးနေခြင်းဟာ ဈေးကွက်ပြောင်းအလဲအတွက် အဖြေ မဟုတ်ဘူးလို့ သုံးသပ်ကြပါတယ်။

အခုလို ဖမ်းဆီးစစ်ဆေး၊ အရေးယူတဲ့ ဆောင်ရွက်ချက်တွေဟာ ပုံမှန်ဈေးကွက် တည်ငြိမ်ချိန်နဲ့ မြန်မာကျပ်ငွေတန်ဖိုး ခိုင်မာနေချိန်မှာ ထိရောက်မှု ရှိနိုင်ပေမယ့်လည်း လက်ရှိကာလမှာတော့ အသုံးဝင်မှာမဟုတ်ဘူးလို့ ဆိုကြပါတယ်။

အဲဒီလို ဖမ်းဆီးအရေးယူတာတွေ ရှိနေပေမယ့်လည်း လက်ရှိမှာ ပြည်ပငွေလဲဈေးကွက်ရဲ့ အမေရိကန်ဒေါ်လာဈေးကတော့ ကျဆင်းခြင်းမရှိဘဲ ဆက်တိုက် မြင့်တက်လျက်ရှိပါတယ်။

ပြီးခဲ့တဲ့ မတ်လ ၁ ရက်နေ့က တဒေါ်လာ ၃၆၃၀ ကျပ်ဝန်းကျင်သာရှိခဲ့တဲ့ ဒေါ်လာဈေးဟာ ဒီကနေ့ မတ်လ ၂၉ ရက်မှာတော့ တဒေါ်လာ ၃၈၅၀ ကျပ်ဝန်းကျင်ကို ရောက်ရှိနေပါတယ်။

ကမ္ဘာ့ရွှေဈေးကတော့ ပြီးခဲ့တဲ့ မတ်လ ၁ ရက်နေ့က တအောင်စ ၂၀၄၆ ဒေါ်လာသာ ရှိခဲ့ပေမယ့် ဒီကနေ့ မတ်လ ၂၉ ရက်မှာတော့ တအောင်စ ၂၂၃၂ ဒေါ်လာ ဝန်းကျင်ကို စံချိန်တင် ရောက်ရှိနေပါတယ်။

သုတေသနအဖွဲ့ဖြစ်တဲ့ Data for Myanmar ရဲ့ အချက်အလက်တွေအရ ရွှေဈေးနှုန်းတက်ရတဲ့ အကြောင်းရင်းတွေ များစွာရှိပြီး ပြည်တွင်း ရွှေဝယ်လိုအားက ရောင်းနိုင်တဲ့ ပမာဏထက် များနေတာက အဓိက ဖြစ်တယ်လို့ သိရပါတယ်။

နိုင်ငံရေးမတည်ငြိမ်တဲ့ ကာလတွေမှာ ငွေဖောင်းပွမှုဒဏ်ကို ခံနိုင်ဖို့တတ်နိုင်သူတွေက ရွှေဝယ်စုကြပြီး မြန်မာနိုင်ငံမှာ နိုင်ငံရေးမတည်ငြိမ်မှုတွေ၊ ငွေစက္ကူ ရိုက်နှိပ်မှုနဲ့ပတ်သက်တဲ့ ကောလဟာလတွေ၊ နယ်စပ်ကုန်သွယ်ရေးနဲ့ ပို့ကုန်မူဝါဒ မတည်ငြိမ်မှုတွေနဲ့ နိုင်ငံတကာက အရေးယူပိတ်ဆို့မှုတွေကြောင့် မြန်မာကျပ်ငွေအပေါ် ယုံကြည်မှု ကျဆင်းလာတယ်လို့ သိရပါတယ်။

ဒါအပြင် ရွှေထွက်တဲ့ဒေသတွေမှာ တိုက်ပွဲတွေဖြစ်နေတာ၊ ရွှေသယ်ယူ ပို့ဆောင်ဖို့ ခက်ခဲတာနဲ့ စောင့်ကြည့်ထိန်းကျောင်း အရေးယူတာ စတဲ့ အချက်တွေကလည်း ရွှေရောင်းလိုအားကို အကန့်အသတ် ရှိလာစေတယ်လို့လည်း သိရပါတယ်။