အမွှေးအကြိုင် ရနံ့ပါတဲ့ အရွက်တွေရဲ့ ဝေါဟာတွေပါ 🌿🍃
#englisheverywhere

အမွှေးအကြိုင် ရနံ့ပါတဲ့ အရွက်တွေရဲ့ ဝေါဟာတွေပါ 🌿🍃
#englisheverywhere

တောင်သူများကို ဓာတ်မြေဩဇာနှင့် မျိုးစပါးနှစ်ခုလုံးအတွက် တစ်ဧက ကျပ်နှစ်သိန်းခွဲ ထောက်ပံ့ရန် စီစဉ်နေ

ဒီဇင်ဘာ ၂

စပါးစိုက်တောင်သူများအား ဓာတ်မြေဩဇာအတွက် တစ်ဧက ကျပ်နှစ်သိန်း ထောက်ပံ့နေရာမှ မျိုးစပါးအတွက်ပါ ထည့်သွင်းပြီး ဓာတ်မြေဩဇာနှင့် မျိုးစပါးနှစ်ခုလုံးအတွက် တစ်ဧက ကျပ်နှစ်သိန်းခွဲနှုန်း ထောက်ပံ့ပေးသွားရန် စီစဉ်ဆောင်ရွက်နေကြောင်း မြန်မာနိုင်ငံဆန်စပါးအသင်းချုပ် (MRF)မှ သိရသည်။

“အခုလတ်တလောမှာတော့ ကျွန်တော်တို့ နိုင်ငံတော်ကနေ ဆောင်ရွက်နေတဲ့ နိုင်ငံ့စီးပွားမြှင့်တင်ရေး စီမံချက်အောက်ကနေ တောင်သူတွေကို မြေဩဇာထောက်ပံ့ပေးတာ တစ်ဧကနှစ်သိန်းရှိပါတယ်။ ကျွန်တော်တို့အနေနဲ့ မျိုးကိုပါ ထည့်သွင်းပြီးတော့ ထောက်ပံ့ပေးဖို့ နှစ်သိန်းခွဲနှုန်းနဲ့ ထောက်ပံ့ပေးဖို့ အကြံပြုတင်ပြထားပါတယ်” ဟု MRF မှ တာဝန်ရှိသူက ပြောသည်။

လက်ရှိတွင် စပါးပျိုးတောင်သူများအတွက် မျိုးစပါးသည် အဓိကလိုအပ်ချက်ဖြစ်နေမှုအပေါ် ယင်းကဲ့သို့ ဆောင်ရွက်ပေးခြင်းဖြင့် တောင်သူများ မျိုးစပါးကို လွယ်ကူစွာရရှိစေမည့်အပြင် မျိုးစေ့ထုတ်လုပ်ငန်းများလည်း ဖွံ့ဖြိုးတိုးတက်ကောင်းမွန်လာမည်ဖြစ်ကြောင်း သိရသည်။

“တစ်ဖက်မှာလည်း ကျွန်တော်တို့ မျိုးသည် တကယ်ကို လိုအပ်ချက်ဖြစ်ပါတယ်။ ကျွန်တော်တို့နိုင်ငံမှာ မျိုးထုတ်တဲ့ တောင်သူတွေရှိတယ်။ မျိုးထုတ်တဲ့ ကုမ္ပဏီတွေရှိတယ်။ မျိုးထုတ်တဲ့ အသင်းတွေရှိတယ်။ မျိုးထုတ်တဲ့ တောင်သူတွေ မျိုးထုတ်တဲ့ အသင်းတွေရဲ့ စီးပွားရေးလုပ်ငန်းလေးတွေ ကောင်းမှ မျိုးစေ့ထုတ်လုပ်ငန်းလည်း ဖွံ့ဖြိုးတိုးတက်လာမှာဖြစ်ပါတယ်” ဟု ၎င်းက ပြောသည်။

#centralnewsnaypyitae

အာဆီယံ ဘောလုံးအဖွဲ့ချုပ်ကောင်စီဝင်အဖြစ် ရန်ကုန်ယူနိုက်တက်ဘောလုံးအသင်းဥက္ကဋ္ဌကို ခန့်အပ်ခဲ့

ဒီဇင်ဘာ ၂

အိမ်ရှင်အဖြစ် လာအိုနိုင်ငံ၊ဗီယန်ကျင်းမြို့တွင် လက်ခံကျင်းပသည့် (၃၁) ကြိမ်မြောက် အာဆီယံ ဘောလုံး အဖွဲ့ချုပ်ကွန်ဂရက်အခမ်းအနားတွင် အာဆီယံဘောလုံးအဖွဲ့ချုပ်ကောင်စီဝင်အဖြစ် မြန်မာနိုင်ငံဘောလုံးအဖွဲ့ချုပ် အကြီးတန်းဒုတိယဥက္ကဋ္ဌနှင့်ရန်ကုန်ယူနိုက်တက်ဘောလုံးအသင်းဥက္ကဋ္ဌ ဦးပြည့်ဖြိုးတေဇကို ရွေးချယ်ခန့်အပ်ခြင်း ခံခဲ့ရကြောင်း သိရပါတယ်။

အဆိုပါအခမ်းအနားတွင် မြန်မာနိုင်ငံဘောလုံးအဖွဲ့ချုပ် (MFF) ကိုယ်စားလှယ်အဖွဲ့အဖြစ် ဥက္ကဋ္ဌ ဦးဇော်ဇော်၊အကြီးတန်း ဒုတိယဥက္ကဋ္ဌ ဦးပြည့်ဖြိုးတေဇ၊ အထွေထွေအတွင်းအရေးမှူး ဦးထွန်းထွန်းအောင်တို့ တက်ရောက်ခဲ့ပြီး အာဆီယံဘောလုံးအဖွဲ့ချုပ်ကောင်စီအဖွဲ့ဝင်မဲပေးရွေးချယ်ခြင်း၊ ၂၀၂၃ AFF ဘက်ဂျတ်အား အတည်ပြုခြင်း၊အာဆီယံဒေသတွင်း ဘောလုံးဖွံ့ဖြိုးရေးလုပ်ငန်းများ၊ ပြိုင်ပွဲများနှင့် အထွေထွေဆွေးနွေးမှုများ ပြုလုပ်ခဲ့ကြောင်းလည်း သိရပါတယ်။

#သတင်းဟင်းလေးအိုးကြီး

သားဖြစ်သူ ဟန်းတားအတွက် လွတ်ငြိမ်းချမ်းသာခွင့် ဘိုင်ဒန်လက်မှတ်ရေးထိုး

ဒီဇင်ဘာ ၂

အမေရိကန်သမ္မတဂျိုးဘိုင်ဒန်ဟာ ရာဇဝတ်မှုနှစ်ခုနဲ့ တရားစွဲဆိုခံထားရတဲ့ သားဖြစ်သူ ဟန်းတားအတွက် တရားဝင် လွတ်ငြိမ်းချမ်းသာခွင့်ကို လက်မှတ်ရေးထိုးအတည်ပြုလိုက်ပါတယ်။

သားဖြစ်သူ ဟန်းတားဟာ သီးသန့်ပစ်မှတ်ထားတိုက်ခိုက်ခံရပြီး ၎င်းမကျူးလွန်ခဲ့တဲ့ ပြစ်မှုအတွက် ပြစ်ဒဏ်ချမှတ်ခံခဲ့ ရတာဖြစ်ကြောင်း ဘိုင်ဒန်ရဲ့ထုတ်ပြန်ကြေညာချက်ထဲမှာ ဖော်ပြထားပါတယ်။

ဟန်းတားဘိုင်ဒန်ဟာ အခွန်ရှောင်မှုနဲ့ အပြစ်ရှိကြောင်း စက်တင်ဘာလအစောပိုင်းက ဝန်ခံခဲ့သလို တရားမဝင် မူးယစ် ဆေးဝါးသုံးစွဲမှု၊ သေနတ်တစ်လက်ပိုင်ဆိုင်ထားမှုတို့နဲ့ အပြစ်ရှိကြောင်း ဇွန်လအတွင်းက စစ်ဆေးတွေ့ရှိခဲ့ပါတယ်။

ဟန်းတားရဲ့ဖြစ်စဉ်ဟာ လက်ရှိအာဏာရသမ္မတတစ်ဦးရဲ့ သားသမီးတစ်ယောက်ကို တရားရုံးက အပြစ်ရှိတယ်လို့ ပထမဦးဆုံး ပြစ်ဒဏ်ချမှတ်ခံရတဲ့ ဖြစ်စဉ်ဖြစ်ပါတယ်။

လွတ်ငြိမ်းချမ်းသာခွင့်နဲ့ ပတ်သက်ပြီး ရွေးကောက်ပွဲနိုင် အကြိုသမ္မတဒေါ်နယ်ထရမ့်က တုံ့ပြန်ရာမှာ “ဂျိုးဘိုင်ဒန်က ဟန်းတားကို ပေးလိုက်တဲ့ လွတ်ငြိမ်းချမ်းသာခွင့်ထဲမှာ ဇန်နဝါရီလ ၆ ရက်နေ့က ဓားစာခံတွေအတွက်ရောပါသလား။ ဒါဟာ (အာဏာ) အလွဲသုံးစားမှုနဲ့ တရားရုံးရဲ့ မှားယွင်းတဲ့ဆုံးဖြတ်မှုလား။” လို့ ပြောပါတယ်။

သမ္မတဘိုင်ဒန်က ၎င်းသားကို ချမ်းသာခွင့်ပေးမှာမဟုတ်ကြောင်း အရင်က ပြောဆိုခဲ့ပြီးနောက်မှာ အခုလို ချွင်းချက်မရှိ လွတ်ငြိမ်းချမ်းသာခွင့် ထုတ်ပြန်ပေးလိုက်တာဖြစ်ပါတယ်။

သမ္မတဘိုင်ဒန်ဟာ သားဖြစ်သူအတွက် လွတ်ငြိမ်းချမ်းသာခွင့် ထုတ်ပြန်မှာမဟုတ်ကြောင်း စက်တင်ဘာလ ကလည်း အိမ်ဖြူတော်ပြန်ကြားရေးအရာရှိက ပြောကြားခဲ့ပါတယ်။

ဒါပေမဲ့ ဒီဇင်ဘာ ၁ ရက်နေ့ ညနေပိုင်းမှာတော့ “ဟန်းတားရဲ့အမှုကိစ္စမှာ နိုင်ငံရေးဘက်လိုက်မှုတွေ ရောယှက်ပါဝင် နေ သလို တရားရုံးဆုံးဖြတ်ချက်ဟာလည်း လွဲမှားနေတယ်လို့ ယုံကြည်ကြောင်း” ဘိုင်ဒန်က ပြောပါတယ်။

“သမ္မတတာဝန်စတင်ထမ်းဆောင်ချိန်ကစပြီး တရားရေးဝန်ကြီးဌာနရဲ့ ဆုံးဖြတ်ချက်တွေကို ဝင်ရောက် စွက်ဖက်ခြင်းမပြုဘူးလို့ ကျွန်ပြောဆိုခဲ့ပါတယ်။ ပြောထားတဲ့ကတိတည်ဖို့အတွက် ကျွန်တော့်သား မမျှမတ တရားစွဲဆိုခံနေရတာကို တောင် ကျွန်တော် ထိုင်ကြည့်နေခဲ့ပါတယ်။” လို့ ၎င်းက ပြောပါတယ်။

ဖခင်တစ်ဦးနဲ့ အမေရိကန်သမ္မတတစ်ဦးအနေနဲ့ ၎င်းရဲ့ဆုံးဖြတ်ချက်ကို အမေရိကန်ပြည်သူတွေ နားလည်နိုင်လိမ့်မယ်လို့ မျှော်လင့်ကြောင်း ဘိုင်ဒန်က ပြောပါတယ်။

အမေရိကန်သမ္မတတစ်ဦးက မိသားစုဝင်တစ်ဦးက လွတ်ငြိမ်းချမ်းသာခွင့်ပေးတဲ့ဖြစ်စဉ်မှာ အခုဖြစ်စဉ်ဟာ ပထမဦးဆုံး အကြိမ်ဖြစ်စဉ်တော့ မဟုတ်ပါဘူး။ အမေရိကန်သမ္မတဘီလ်ကလင်တန်ဟာ ၁၉၈၅ ခုနှစ် ကိုကင်းဆက်စပ်မှုနဲ့ တရားစွဲခံထားရတဲ့ ၎င်းရဲ့ အမေတူ ဖအေကွဲညီဖြစ်သူ ရော်ဂျာကလင်တန်ကို ၂၀၀၁ ခုနှစ်မှာ လွတ်ငြိမ်းချမ်းသာခွင့် ပေးခဲ့ပါတယ်။

Ref: Biden hopes Americans will understand son's pardon

#centralnewsnaypyitaw

❝စားအုန်းဆီ အခြေခံလက်ကား ရည်ညွှန်းဈေးနှုန်း တစ်ပိဿာ ၇၃၀၀ ကျော်အထိ မြင့်တက်လာ❞

ဒီဇင်ဘာ ၂

ယခုအပတ်အတွင်း ကမ္ဘာ့စားအုန်းဆီထုတ်လုပ်တင်ပို့သည့် နိုင်ငံများတွင် ဈေးကွက်နှင့်ဈေးနှုန်းဖြစ်ပေါ်မှုများအရ ဒီဇင်ဘာ ၂ ရက်မှ ၈ ရက်အထိ ရန်ကုန်အထိုင်ဈေး အခြေခံလက်ကားရည်ညွှန်းဈေးနှုန်းမှာ စားအုန်းဆီတစ်ပိဿာလျှင် ၇၃၀၅ ကျပ်ဖြစ်ကြောင်း ထုတ်ပြန်ထားသည်။

အဆိုပါဈေးနှုန်းသည် ကမ္ဘာ့စားအုန်းဆီထုတ်လုပ်တင်ပို့သည့် နိုင်ငံများ၌ ဖြစ်ပေါ်နေသော ဈေးကွက်နှင့် ဈေးနှုန်းများအရ သတ်မှတ်ထားခြင်းဖြစ်ပြီး ယခင်တစ်ပတ်ကရည်ညွှန်းဈေးနှုန်းမှာ ၇၂၈၀ ကျပ် ဖြစ်ခဲ့သဖြင့် ယခုတစ်ပတ်တွင် ၂၅ ကျပ် ထပ်တက်လာခဲ့သည်ကို တွေ့ရသည်။

အဆိုပါ စားအုန်းဆီများကို ပြည်တွင်းဈေးကွက်အတွင်း ဈေးနှုန်းမြှင့်တင်ရောင်းချခြင်း၊ ဈေးကစားရန် ရည်ရွယ်ချက်ဖြင့် သိုလှောင်ခြင်းအပါအဝင် မသမာသည့် လုပ်ဆောင်မှုများပြုလုပ်ပါက အရေးကြီးကုန်စည်နှင့် ဝန်ဆောင်မှုဥပဒေအရ အရေးယူဆောင်ရွက်သွားမည်ဖြစ်ကြောင်းလည်း အသိပေးထုတ်ပြန်ထားသည်။

#သတင်းဟင်းလေးအိုးကြီး

ယခုဘဏ္ဍာနှစ် ရှစ်လအတွင်း ပုဂံရှေးဟောင်းသုတေသနပြတိုက်သို့ ပြည်တွင်းပြည်ပခရီးသွား ၃၃,၀၀ ကျော် ဝင်ရောက်ခဲ့

ဒီဇင်ဘာ ၂

၂၀၂၄-၂၀၂၅ ဘဏ္ဍာနှစ် ဧပြီလမှ နိုဝင်ဘာလထိ ရှစ်လတာကာလအတွင်း ပုဂံရှေးဟောင်းသုတေသနပြတိုက်သို့ ပြည်တွင်း၊ ပြည်ပခရီးသွားဧည့်သည် ၃၃,၇၈၀ ဝင်ရောက်ခဲ့ပြီး ပွင့်လင်းရာသီ အောက်တိုဘာလမှစတင်၍ ပိုမိုဝင်ရောက်ခဲ့ကြောင်း သာသနာရေးနှင့် ယဉ်ကျေးမှုဝန်ကြီးဌာန၊ ရှေးဟောင်းသုတေသနနှင့် အမျိုးသားပြတိုက်ဦးစီးဌာနမှ သိရသည်။

ပြီးခဲ့သည့် စက်တင်ဘာလအတွင်း ပြတိုက်အတွင်းသို့ ခရီးသွားဧည့်သည် ၂,၀၀၀ ကျော်သာ ဝင်ရောက်မှုရှိသော်လည်း ပွင့်လင်းရာသီဖြစ်သည့် အောက်တိုဘာလတွင် ခရီးသွားဧည့်သည် ၅,၀၀၀ ကျော်အထိ ဝင်ရောက်ခဲ့သလို နိုဝင်ဘာလအတွင်း (၁ ရက်မှ ၂၆ ရက်အထိ) ခရီးသွားဧည့်သည် ၆,၉၀၀ ခန့်အထိ ဝင်ရောက်ခဲ့ကြောင်း သိရသည်။

ပုဂံရှေးဟောင်းသုတေသနပြတိုက်အား အများပြည်သူရုံးပိတ်ရက်များမှအပ နေ့စဉ် နံနက် ၉ နာရီမှ ညနေ ၄ နာရီအထိ ဖွင့်လှစ်ထားပြီး ပြတိုက်ဝင်ကြေးအနေဖြင့် ပြည်တွင်းခရီးသွားတစ်ဦးလျှင် ကျပ် ၁,၀၀၀ နှင့် ပြည်ပခရီးသွားတစ်ဦးလျှင် ကျပ် ၁၀,၀၀၀ နှုန်းသတ်မှတ်ထားသော်လည်း ပြည်တွင်းခရီးသွား ၁၂ နှစ်အောက် ကလေးငယ်များ၊ ကျောင်းထောက်ခံစာပါရှိသည့် ကျောင်းသား၊ ကျောင်းသူများနှင့် ရဟန်းသံဃာများအား ဝင်ကြေးကင်းလွတ်ခွင့် ပြုထားကြောင်း သိရသည်။

ပြီးခဲ့သည့် ၂၀၂၃-၂၀၂၄ ဘဏ္ဍာနှစ်တွင် ပုဂံရှေးဟောင်းသုတေသနပြတိုက်သို့ ပြည်တွင်း၊ ပြည်ပ ခရီးသွားဧည့်သည်ဦးရေ ၉၀,၀၀၀ ကျော် ဝင်ရောက်မှုရှိခဲ့ပြီး ဝင်ကြေး ကျပ် ၇၁၉ သိန်းကျော် ဝင်ငွေရရှိခဲ့ကြောင်း သိရသည်။

#သတင်းဟင်းလေးအိုးကြီး

ထုတ်ပယ်ခံရမယ့် သီဆိုမှုကို အန်ဖီးလ်မှာ မမျှော်လင့်ခဲ့ဘူးလို့ ဂွာဒီယိုလာပြော

ဒီဇင်ဘာ ၂

မန်စီးတီးအသင်းနည်းပြ ဂွာဒီယိုလာက သူထုတ်ပယ်ခံရမယ်ဆိုပြီး လီဗာပူးလ်အသင်း ပရိသတ်တွေရဲ့ သီဆိုမှုကို မမျှော်လင့်ခဲ့ဘူးလို့ လီဗာပူးလ်အသင်းကို ၂ ဂိုး-ဂိုးမရှိနဲ့ အရေးနိမ့်ခဲ့တဲ့ပွဲအပြီးမှာ ပြောခဲ့ပါတယ်။

ဂွာဒီယိုလာက “အန်ဖီးလ်မှာ ကျနော်ဒါကို မမျှော်လင့်ခဲ့ပါဘူး။ လီဗာပူးလ်မှာရှိတဲ့ လူတွေဆီကနေ ဒါကို ကျနော် မမျှော်လင့်ထားပေမယ့်လည်း အဆင်ပြေပါတယ်။ ဒါက ပွဲရဲ့ အစိတ်အပိုင်းဖြစ်ပြီး ကျနော် လုံးဝ နားလည်ပါတယ်။ ကျနော်တို့ဟာ မယုံနိုင်လောက်တဲ့ တိုက်ပွဲတွေမှာ အတူရှိခဲ့ကြပြီး ကျနော် သူတို့ကို လေးစားမှုရှိပါတယ်”လို့ Sky Sports ကို ပြောခဲ့တာပါ။

လီဗာပူးလ်အသင်းဟာ ဒီပွဲမှာ ဂတ်ပို၊ ဆာလက်တို့ရဲ့ သွင်းဂိုးတွေနဲ့ မန်စီးတီးအသင်းကို ၂ ဂိုး-ဂိုးမရှိနဲ့ အနိုင်ရပြီး ပရီးမီးယားလိဂ် အမှတ်ပေးဇယားကို ၉ မှတ်ဖြတ်ပြီး ဦးဆောင်နိုင်ခဲ့တာ ဖြစ်ပါတယ်။

လီဗာပူးလ်အသင်း ပရိသတ်တွေဟာ ဒီပွဲစဉ်ပြီးခါနီးမှာ ဂွာဒီယိုလာကို တိုက်ရိုက်ရည်ရွယ်ကာ “မနက်ကျရင် အလုပ် ထုတ်ခံရတော့မယ်၊ မနက်ကျရင် ခင်ဗျားအလုပ်ကနေ ထုတ်ခံရတော့မယ်”လို့ သီဆိုမှုတွေ ပြုလုပ်ခဲ့ တာပါ။

ဒီအချိန်မှာ မန်စီးတီးအသင်းနည်းပြ ဂွာဒီယိုလာကလည်း ပြုံးပြီး သူ့ရဲ့လက်ချောင်း ၆ ချောင်း ပြန်ထောင်ပြကာ လီဗာပူးလ်အသင်း ပရိသတ်တွေကို တုန့်ပြန်ခဲ့ပါတယ်။

ဂွာဒီယိုလာဟာ သူ့ရဲ့လက်ထက်မှာ မန်စီးတီးအသင်းကို ပရီးမီးယားလိဂ်ဖလား ၆ ကြိမ်အထိ ရယူပေးထားတာကို ရည်ရွယ်တဲ့အနေနဲ့ ပြသခဲ့တာပါ။

မန်စီးတီးအသင်းဟာ လက်ရှိအချိန်မှာ ပရီးမီးယားလိဂ် ၄ ပွဲ ဆက်တိုက် အရေးနိမ့်ပြီး အမှတ်ပေးဇယား အဆင့် ၅ နေရာအထိ ကျဆင်းကာ ရလဒ်ဆိုးတွေကို ဆက်တိုက် ကြုံတွေ့နေရတာ ဖြစ်ပါတယ်။

မန်စီးတီးအသင်းဟာ ပြိုင်ပွဲစုံ ၇ ပွဲ ဆက်တိုက် နိုင်ပွဲပျောက်ဆုံးနေပြီး ဂွာဒီယိုလာ အတွက်လည်း သူ့ရဲ့နည်းပြ ဘဝမှာ အဆိုးရွားဆုံး မှတ်တမ်းတစ်ခုကို ကြုံတွေ့နေရတာပါ။

လီဗာပူးလ်အသင်းနည်းပြ အာနီဆလော့ကတော့ ဂွာဒီယိုလာအတွက် ဘယ်သူမှ စိတ်မကောင်း ဖြစ်စရာမလိုဘဲ သူဟာ မန်စီးတီးအသင်းကို ရလဒ်ကောင်းတွေ ပြန်ရအောင် ယူပေးလိမ့်မယ်လို့ ပြောခဲ့ပါတယ်။

မန်စီးတီးအသင်းဟာ ကြားရက်ထဲမှာ ပရီးမီးယားလိဂ် ပွဲစဉ်အဖြစ် နော်တင်ဟမ်ဖောရက်စ်အသင်းနဲ့ ယှဉ်ပြိုင်ရ မှာဖြစ်ပြီး လီဗာပူးလ်အသင်းက နယူးကာဆယ်အသင်းနဲ့ ယှဉ်ပြိုင်ရမှာဖြစ်ပါတယ်။

ပုံ - မန်စီးတီးအသင်းကို တွေ့ရစဉ်

#centralnewsnaypyitaw

Beautiful Roses 🌹