I Am Legend (2007) နဲ့ Hancock (2008) တို့ရဲ့ အဆက်ရုပ်ရှင်များ စတင်ပြုလုပ်နေကြောင်း အဆိုပါရုပ်ရှင်တို့ရဲ့သရုပ်ဆောင် Will Smith ကိုယ်တိုင်အတည်ပြုလာခဲ့ပါတယ်..Will Smith အနေနဲ့ I Am Legend 2, Hancock 2 တို့အကြောင်းကို xQc ရဲ့ Twitch Live Stream မှာ ပြောပြသွားခဲ့တာဖြစ်ပြီး ဘယ်သရုပ်ဆောင်တွေပါဝင်လာနိုင်ချေရှိသလဲ၊ ဘယ်အခြေအနေအထိရောက်နေပြီလဲဆိုတာတွေပါ ပြောပြသွားခဲ့တာဖြစ်ပါတယ်။
ကမ္ဘာပျက်ကိန်းရုပ်ရှင်တစ်ခုဖြစ်တဲ့ I Am Legend ရဲ့ အဆက်ရုပ်ရှင်အတွက် Will Smith ဟာ Creed, Black Panther နဲ့ Sinners တို့ရဲ့သရုပ်ဆောင် Michael B. Jordan နဲ့ တစ်ပတ်လောက်အတူထိုင်ပြီး ဆွေးနွေးထားပြီဖြစ်သလို ဇာတ်ကောင်အကြောင်းနဲ့အကြောင်းတချို့ပါဝင်ပါတယ်တဲ့..Avika Goldsman ဟာ ဇာတ်ညွှန်းရေးသားနေပြီး တကယ်ထွက်လာမှာဖြစ်တယ်လို့လည်း ပြောပြခဲ့တာပါ။
ပရိတ်သတ်တွေရဲ့ ငယ်စဉ်အခါက စူပါဟီးရိုးတွေနဲ့ထိတွေ့ရစဉ် Will Smith ရဲ့ Hancock ကလည်း အပါအဝင်ဖြစ်ခဲ့ပါလိမ့်မယ်..စူပါဟီးရိုးပေမဲ့ လမ်းဘေးမှာ အမြဲတမ်းမူးရူးပြီး နေချင်သလိုနေတတ်တဲ့သူပေါ့..အခုဆိုရင် Hancock 2 အတွက်လည်း အကြံကောင်းရထားပြီးပြီ ၊ သို့သော် ရုပ်ရှင်နဲ့ပတ်သက်ပြီး စကားသေချာမပြောရသေးတာမို့ Zendaya ကို မျက်စိကျနေကြောင်းသာပြောရင်း Tease သွားခဲ့ပါတယ်။
I Am Legend ဟာ ၁၈ နှစ်အကြာ၊ Hancock ဟာ ၁၇ နှစ်အကြာမှာ ပြန်လည်အကောင်အထည်ပေါ်လာခဲ့ပြီဖြစ်သလို အဆက်ကြည့်ချင်နေတဲ့ပရိတ်သတ်တွေအတွက်ကတော့ သတင်းကောင်းတစ်ခုပါပဲ..အဆိုပါရုပ်ရှင် ၂ ကားစလုံးမှာ Will Smith အနေနဲ့ ဘယ်လိုပြန်ပါလာမလဲမသိရသေးသလို Michael B. Jordan နဲ့ Zendaya တို့ရဲ့ နေရာတွေကိုလည်း အတိအကျမဖော်ပြသွားသေးတာမို့ အသေးစိပ်ကိုတော့ ဆက်လက်စောင့်မျှော်ရပါလိမ့်မယ်။
