မြန်မာပြည်မြောက်ဖျားက
တိဗက်လူမျိုးတို့ရှိရာအရပ်
ဒေသတဟွန်ဒမ်း☁️
တဟွန်ဒမ်းရွာလေး၏ ရွာအ၀င်ကြိုးတံတားနှင့် ရွာအထွက်လမ်းတလျှောက်၊ အဒွန်းဝမ်ချောင်းဘေး ၊ ရွာဦးစေတီတို့တွင်တိဗက်ဘာသာဖြင့် ဆုတောင်းစာ ၊ မေတ္တာပို့စာများကို၊ ဝါစိမ်းနီပြာအဖြူ ရောင်စုံအလံများပေါ်တွင် ဆေးအဖြူရောင်၊ ဆေးအနက်ရောင်တို့ဖြင့် သစ်သားဘလောက်ပြားပေါ်တွင်ပုံနှိပ်စာထွင်းထုထားသောမျက်နှာပြင်အားဆေးများလိမ်းချယ်ကာ ဆုတောင်းစာသားများကိုတူညီသောအလံမျိုးစုံပေါ်သို့ပုံနှိပ်ပြီး၊ နှစ်စဥ်နှစ်တိုင်းချိတ်ဆွဲအလံလွင့်ထူကြပါသည်🍀
ထိုရေးသားထားသော တိဗက်ဆုတောင်းစာများသည်အရပ်ရှစ်မျက်နှာရှိ မတူညီသည့်နေရာ
မှာနေကြသော လူသားများအားလုံးအတွက်ဘေးရန်ကင်းကွာခြင်း ၊အနာငြိမ်းခြင်း ၊ ဆန်ရေစပါးပေါကြွယ်ခြင်း ၊နတ်မြတ်ဒေဝါတို့ရဲ့ စောင့်ရှောက်ခံရခြင်း ၊လာဒ်လာဘပေါများခြင်းကိုယ်စိတ်နှစ်ပါး ကျန်းမာရွင်လန်းခြင်းကို အများဆုံးရေးသားထားကြပြီး🍀
ထိုဆုမွန်ကောင်းတောင်း
စာများတို့သည် နေရာအနှံ့မှ တိုက်လာသော လေများနှင့်အတူလွင့်ပြန့်ကာ ၊နေရာအနှံ့တို့ထိုဆုမွန်ကောင်းတောင်းခြင်းများကလည်း သင်္ဝလွှာအဖြင့် လေနှင့်အတူလိုက်ပါသယ်ယူဆောင်သွားသည်ဟု တိဗက်လူမျိုးများ ယုံကြည်သက်၀င်ထားသော ချစ်စရာကောင်းသော ဓလေ့တစ်ခုလည်းဖြစ်လေသည်☘️
တဟွန်ဒမ်းရွာတွင်လည်း မြန်မာဗုဒ္ဓဘာသာကဲ့သို့ဂေါ်ပကလူကြီး နာယကလူကြီးများဖြင့်ဖွဲ့စည်းထား
ကာ၊ လူငယ်ခေါင်းဆောင်များနှင့်
ရွာသူရွာသားများကလည်း လိုက်ပါဝိုင်းရံကြ၍ ၊ သာရေး ၊နာရေး ၊ ရိုးရာပွဲတော်အမျိုးမျိုးတို့ကို မြို့ပြလောက်မစည်ကားတော်လည်း နှစ်စဥ်အလေးထားကာ ကျင်းပလေ့ရှိကြပါသည်☘️
ဆောင်း၀င်ချိန်တွင် ပြောင်းခင်း ဆပ်ခင်း လူးခင်းများကိုရိတ်သိမ်းစည်းကြပြီးနောက် ၊ မြေများကို
ပြန်လည်ထယ်စွကာ ဂျုံစိုက်ရန်ပြန်လည်ပြင်ဆင်ကြရလေသည်။ ဆောင်းမုတ်သုံလေစတင်သည့်
အချိန်နှင့် တပြေးတည်းညီ တောင်စွယ်တောင်တန်းများပေါ်တွင် နှင်းများစတင်၍ကျလာကာ တောင်အမြင့်ပိုင်းတို့တွင် စတင်ဖြူဖွေးစပြုကာ၊
မိုးတွင်းကာလတွင် ရွာသွန်းထားသောမိုးရေများကြောင့် နဂိုစိမ်းလန်းနေသော သစ်ပင်ပန်းမံများလည်း ပို၍စိမ်းလန်းလာကာ ပြာလဲ့နေသောမိုးကောင်းကင်ကြီး နှင့် ဖြူဖွေးနေသောနှင်းများဖြင့်ပေါင်းစပ်ထားသော သဘာ၀ရှု့ခင်းကြီးများကို နေရာအနှံ့ရင်သပ်ရှု့မောဖွယ်မဆုံးရှိနေပြီး ထိုနေရာဒေသလေးကိုမည်သူမဆိုလာရောက်လည်ပတ်ချင်စိတ်ကတော့ ရှိမှာတော့ အမှန်ပါပဲ☘️
ဆက်လက်ပြီး မြန်မာပြည်ဖွားတိဗက်တို့ဋ္ဌာနေ ဖြစ်ကြသော
ထအွန်ဒမ်းရွာ
ဂူဘားရွာ & ဆန်ဒမ်ရွာ
မဒိန်းရွာ
အိန္ဒိယနယ်စပ် တိဗက်တရုတ်နယ်စပ်ဘက်သို့ရှီးပဒီး၊ မချစ်ဥဆေးဂမုန်းမြစ် ၊ဂျင်ဆင် ၊ခမ်းတောက်မြစ်၊ဂျင်ဆင်ရှာဖွေခြင်း အခန်းကဏ္ဍအကြောင်းတို့ကိုဆက်လက်၍ဖော်ပြပေးသွားပါမည်။
လေးစားစွာဖြင့်🙏
မိုးစက်
Moe Kaung Kin(ဓာတ်ပုံ)
