ဒီနှစ်အတွင်းထွက်လာမဲ့ Stranger Things 5 နဲ့ပတ်သက်လို့ တရားဝင်ထုတ်ပြထားဆိုရင် ရိုက်ကွင်းကပုံရိပ်တွေရယ်၊ ပါဝင်လာမဲ့ အပိုင်း ၈ ပိုင်းရဲ့နာမည်တွေရယ်၊ တလောက Netflix ရဲ့ Event မှာထုတ်ပြသွားတဲ့ပိုစတာရယ်ပဲရှိပြီး ထွေလာလည်းမထွက်သေးသလို ပြသမဲ့ရက်ကိုလည်း တရားဝင်ကြေညာထားခြင်းမရှိသေးပါဘူး။
Stranger Things 5 ဟာ အဆုံးသတ်ရမဲ့နောက်ဆုံးသောအတွဲဖြစ်တာကြောင့် ဖန်တီးရှင် Duffer Bros အနေနဲ့လည်း မီးကုန်ယမ်းကုန်းကြိုးစားထားသလို ပါဝင်လာမဲ့အပိုင်း ၈ ပိုင်းဟာ Blockbuster ရုပ်ရှင်တစ်ကားစာလောက် ကြာမြင့်မယ်လို့လည်း ပြောထားပါသေးတယ်..နောက်ပြီး Stranger Things ကနေ ဖြာထွက်စီးဆင်းလာမဲ့ Spin-Off ပရောဂျက်များကိုလည်း စတင်အကောင်အထည်ဖော်နေဆဲပါ။
Stranger Things ရဲ့ Spin-Off တွေထွက်လာဦးမှာဖြစ်တဲ့အလျောက် ပရိတ်သတ်တွေဘက်က အသိချင်ဆုံးအရာတစ်ခုရှိလာပါတယ်..အဲ့ဒါကတော့ Stranger Things က ဇာတ်ကောင်အဟောင်းတွေကို ပြန်တွေ့ရဦးမလားဆိုတာပါပဲ..အမာခံပရိတ်သတ်တွေအနေနဲ့လည်း Stranger Things ပြီးသွားတာနဲ့အမျှ နှုတ်ဆက်ရတော့မဲ့ဇာတ်ကောင်တွေကို ပြန်မြင်ချင်မှာပေါ့။
သို့သော် Duffer Bros ကတော့ SCAD TVfest ကိုတက်ရောက်စဉ် ပရိတ်သတ်တွေအတွက် စိတ်မကောင်းစရာအဖြေတစ်ခုကို ပေးလာခဲ့ပါပြီ..အဲ့ဒါကတော့ Stranger Things 5 ပြီးသွားတာနဲ့အမျှ ဇာတ်ကောင်တွေရဲ့ဇာတ်လမ်းတွေအကုန်ပြီးဆုံးသွာမှာဖြစ်ပြီး ဇာတ်လမ်းတစ်ခုလုံးကိုလည်း နိဂုံးချုပ်လိုက်မှာဖြစ်ပါတယ်..ဒါကြောင့် ဇာတ်ကောင်ဟောင်းတွေကို လုံးဝပြန်တွေ့ရမှာမဟုတ်ပဲ Steve နဲ့ Dustin တို့ရဲ့ Spin-Off ဆိုတာမျိုးတွေ လာမှာမဟုတ်ပါဘူးတဲ့ခင်ဗျာ။
Spin-Off တွေနဲ့ပတ်သက်လို့လည်း အရမ်းမလောစေချင်ကြသလို ခြေလှမ်းတစ်လှမ်းချင်းစီ ဖြေးဖြေးမှန်မှန်သွားကာ ပိုက်ဆံကြောင့်မဟုတ်ပဲ ရှိသင့်ရှိထိုက်တဲ့ဇာတ်လမ်းတစ်ခုဖြစ်စေရန်ရည်ရွယ်ချက်နဲ့ လုပ်ဆောင်နေကြပါတယ်လို့ အစချီသွားခဲ့ပါတယ်..ဇာတ်ကောင်သစ်တွေကိုလည်း ချစ်ပေးနိုင်ကြမယ်လို့ မျှော်လင့်ပါတယ်တဲ့။
ဆိုတော့ ပရိတ်သတ်တွေအနေနဲ့ Stranger Things 5 မှာ မူလဇာတ်ကောင်များအားလုံးနဲ့ တကယ်ကိုခွဲရတော့မှာပါ..သူတို့ပြောပုံအရ ဘယ်နေရာမှာမှ ပြန်မြင်ရဖို့မရှိတာကြောင့် Stranger Things ရဲ့ Conclusion ဟာ ခံစားချက်မျိုးစုံကြောင့်စီးဆင်းလာတဲ့မျက်ရည်တွေနဲ့ ပိတ်သိမ်းရတော့မှာပဲဖြစ်ပါတယ်။
