ဂျင်းစိုက်ပျိုးနည်း

စိုက်မဲ့ဂျင်းတက်များသည် တစ်လက်မခွဲနှစ်လက်မအရွယ်၊ အလေးချိန် (3) ကျပ်သား ရှိရမည်။ အောက်ဆုံးချင်းတက်များသည် ပို၍ရင့်သဖြင့် မျိုးထားရန် အကောင်းဆုံးဖြစ်သည်။

#စိုက်ရမည့်အချိန်

မတ် အေပြီလတွင် ထွန်ရေးစပြီး တစ်ထပ် နှစ်ထပ် မြေလှန်ထားပါ။ မေလ မြေလည်းစို မိုးလည်းကျမှ သုံးသွား
ထွန် တစ်စပ်ထိုးပါ။ ဇွန်လမှာ ငါးသွားထွန်တစ်စပ်ထိုးပါ။ စိုက်ဘောင်လုပ်ပါ။ မြေကြီးထဲမှာ အတက်ပွားရမှာမို့ အပေါ်ယံ မြေလွှာ (12) လက်မခန့် ထူပွရွရပါမည်။ရေသွင်း ထုတ်မြောင်းများထားပါ။ ပေါင်းမြက်များရှင်းလင်းပြီး စိုက်လို့ရပါပြီ။

#စိုက်နည်း

မြေထဲသို့ တလက်မခွဲ နှစ်လက်မမြုပ်ပါ။ စိုက်တန်းတခုနှင့်တခု (1လက်မခွာပါ။ တပင်နှင့်တပင် (1လက်မခြားပြီး သုံးပွင့်ဆိုင်စိုက်ပါ။ အစိုဓာတ်ထိမ်းအောင် ကောက်ရိုးဖုံးပါ။ ရေလိုအပ်ပါက မိုးအကုန် အောက်တိုဘာ၊ နိုဝင်ဘာလတွေမှာ ရေသွင်းပေးပါ။ မလိုလျှင်မသွင်းရ။သဘာဝမြေဆွေး မြေသြဇာထည့်ပါ။ ကွန်ပေါင်းမြေသြဇာထည့်လည်းရပါတယ်။

#ဂျင်းမျိုးကိုတိုက်ရိုက်ဖဲ့ပြီးစိုက်ပျိုးခြင်း

ဂျင်းကို တိုက်ရိုက်စိုက်ပျိုးမည်ဆိုပါက မျက်စေ့(၁)စေ့မှ(၂)စေ့ ပါဝင်ပြီး (၂)ကျပ်သားခန့်ရှိ ဂျင်းတက်ကို တိုက်ရိုက်မြေချ စိုက်ပျိုး နိုင်ပါသည်။ ၎င်းအပြင် ဂျင်းတက်မှ မျက်စေ့ပါသော ဂျင်းတက်ဖုကို လက်ဖြင့်ဖဲ့၍ ဂျင်း မျက်စေ့ အား အပေါ်ဘက်ထားပြီး မြေတွင် ၁↔ခန့် တိုက်ရိုက်မြုပ်၍လည်း စိုက်ပျိုးနိုင်သည်။

ဂျင်းတက်ဖဲ့သည့် အခါ အစေးများထွက်ပြီး ၎င်းအစေးကြောင့် မှိုရောဂါဝင်ပြီး ဂျင်း ပုပ်တတ်ပါသည်။
သို့ပါ၍ ဂျင်းကို အတက်ဖဲ့ပြီး (၂)နာရီခန့် လေသလပ်ခန်ပြီး အစေးခြောက်ပါက ဘောင်စနစ်ဖြင့် လည်းကောင်း၊ဝါးပေါက်ခြင်း ဘောင်ခတ် စနစ်ဖြင့်လည်းကောင်း စိုက်ပျိုးနိုင်ပါသည်။

#ဂျင်းမျိုးကိုမျိုးညှောင့်ဖောက်ပြီးစိုက်ပျိုးခြင်း

ဧပြီလတွင် မျိုးညှောင့်ဖောက်လျှင် အကောင်းဆုံးဖြစ်ပါသည်။ -အရိပ်အောက်တွင် မြေကြီးပေါ်၌ သဲပါးပါး ခင်းပါ။
-မြေဆွေး (သို့မဟုတ်) နုံးမြေပါးပါးဖြင့် ဖုံးပါ။ အစိုဓါတ်မပြတ်စေရန် လိုအပ်လျှင် ရေလောင်း ပေးပါ။ -(၁၀) ရက်ခန့်ကြာလျှင် မျက်စေ့အဖုများမှာ အစိမ်းနုရောင် သန်းသော အညှောင့်ကလေးများ ထွက် လာသည်။ ၎င်းအစိမ်းနုရောင် မျက်စေ့ဖုများ၏ ပတ်ပတ်လည် လက်မဝက်ခန့် ချန်၍ ဓါးထက်ထက်ဖြင့် လှီး ဖြတ်ပါ။

-ဂျင်းမျိုး မျက်စေ့ဖုများ ရရှိလာပါသည်။
၎င်းဂျင်းမျိုးများကိုအစေးခြောက်သွားစေရန် (၂)နာရီခန့်လေသလပ်ခံပါ။ အစေးများခြောက်သွားပါက ဘောင်စနစ်ဖြင့် လည်းကောင်း၊ ခြင်းစနစ်ဖြင့် လည်းကောင်း၊ ဝါးပေါက်ခြင်း ဘောင်ခတ်စနစ်ဖြင့် လည်းကောင်း စိုက်ပျိုးနိုင်ပါသည်။

#အိတ်ဖြင့်စိုက်လျှင်မြေစာစပ်နည်း

-နုန်းမြေ (4) ဆ
-နွားချေးဆွေး (1) ဆ
-သစ်ရွက်ဆွေး (1) ဆ
-သဲကြမ်း (1)ဆ
-မီးဖိုပြာ (အနည်းငယ်)
-မဖောက်ထုံး (အနည်းငယ်)
-ငါးအမိုင်နိုအား ဖြန်းပေးနိုင်သည်။
(နုန်းမြေနုပါက သဲကြမ်း နှစ်ဆထည့်ပါ)

#ကျရောက်သောရောဂါပိုးများ

(1) ရွက်စားခူ
(2) ပျပိုးခေါင်ညွှန့်ထိုးပိုး
(3) လှေပိုး
(4) နှံကောင်
(5) ရွက်ပျောက်ရောဂါ
(6) မှိုရောဂါ

..................

#အထွက်နှုန်း

တဧက ပိသာ (200ကျော် ထွက်ရှိနိုင်ပြီး ကာလမှာ (7-8)လဖြစ်ပါသည်။ မျိုးထည့်ရမည့် နှုန်းမှာ တစ်ဧက (300-35 ပိသာဝန်းကျင် ရှိပါမည်။

#ထားသိုနည်း

ဂျင်းကိုအချို့တောင်သူများသည် (2-3)နှစ် ကြာမှဖော်ရောင်းကြပါသည်။ ပထမနှစ်ထွက်သော ဂျင်းကို နောက်နှစ် ထွက်သော အတက်မှတွယ်ကပ်နေရာ နှစ်ထပ်ဂျင်း အဖြစ်ရောင်းကြပါသည်။ ဂျင်းကို ဖော်ပြီးပြီးခြင်း အစိမ်းလိုက် ရောင်းရသည်။ ခြောက်သွေ့သွားလျှင် အလေးချိန်မလျော့ အောင် အောက်မှသဲခံပြီး အရိပ် အောက်တွင် ထားသိုနိုင်ပါသည်။

#ကြိုက်နှစ်သက်သောဒေသရာသီ

မိုးများဒေသ မြစ်ချောင်းပေါသောဒေသ သဲနုန်းမြေ၊ နုန်းမြေ၊ မြေနီသဲဝန်းမြေ ရေသွင်းရေထုတ်ကောင်းသောမြေ

#မစိုက်သင့်သောမြေ

မာကြောသောမြေ၊ မြေစီး ကျောက်တုံး ထူထပ်မြေများတွင် မစိုက်သင့်ပါ။

#အရိပ်ကြိုက်သောအပင်မျိုးဖြစ်သဖြင့် နှစ်ရှည်အပင်ကြီးများအောက်တွင် ဖြစ်စေ စင်တင်စိုက်သော အပင်များအောက်တွင် ဖြစ်စေ စိုက်ပျိုးနိုင်ပါသည်။ အရိပ်ကောင်းလေ အထွက်ကောင်းလေ ဖြစ်ပါသည်။

#ဂျင်း သည် မရှိမဖြစ်အသုံးပြုသော သီးနှံဖြစ်ခြင်း။ ပြည်ပပို့ကုန်ဖြစ်ခြင်းကြောင့် စီးပွားဖြစ်စိုက်ပျိုးသင့်သော သီးနှံတစ်မျိုး ဖြစ်ပါကြောင်း ရေးသားတင်ပြလိုက်ပါသည်။

#greengarden

🌞 နွေရာသီမှာ သရက်သီး ဆားရည်စိမ်ကြမယ်။
❄️ ဆောင်းရာသီမှာ မရမ်းသီး ဆားရည်စိမ်ကြမယ်။
✅ မကြာခင်မှာ မရမ်းသီးတွေ လှိုင်လှိုင်ပေါလာတော့မှာမို့
✅ နှစ်ပေါက် မရမ်းသီး ဆားရည်စိမ်ဖို့
✅ အကောင်းဆုံးအချိန်အခါလေး ရောက်တော့မှာပါ။
မရမ်းသီး ဆားရည်စိမ်တဲ့အခါ
မရမ်းသီးတွေ အရမ်းရင့်နေရင်
အရောင်တွေ ဝါသွားမှာမို့
အရမ်း မရင့်ခင် အချိန်ကောင်းလေးမှာ
ဆားရည်စိမ်ထားရမှာပါ။
မရမ်းသီး ဆားရည်စိမ်နည်းကတော့ တင်ထားပြီးသားပါ။
သိလိုသူတွေ အတွက် ထပ်ပြီးတင်ပေးလိုက်ပါတယ်။
အချို့က ကျောက်ချဥ်ထည့်တာ ခါးတယ်ပြောပါတယ်။
ကျောက်ချဥ်က မရမ်းသီး အသားကျစ်ဖို့ ထည့်တာပါ။
တစ်ပိဿာမှ ကွမ်းသီးလုံးလေး ၂ လုံးခန့်သာထည့်ပါ
မခါးပါဘူး။
တစ်နှစ်ပတ်လုံး အသားလေး တင်းနေပါတယ်။
၂ နှစ်ကြာတဲ့ အထိတောင် ဘာမှ မဖြစ်ပါဘူး။
ဒါပေမယ့် ဆောင်းရောက်တိုင်း
တစ်နှစ်တစ်ခါ ဆားရည်စိမ်စားတာ ပိုကောင်းပါတယ်။
ကျောက်ချဥ်မပါရင်တော့
အသားပျော့အိကြီး ဖြစ်နေတတ်ပါတယ်။
နောက်တစ်ခုက
မရမ်းသီး ဆားရည်စိမ်တဲ့အခါ
အနာအဆာပါတဲ့ အသီးတွေကို ထည့်မစိမ်ပါနဲ့။
ဖယ်ရှားပေးပါ။
အနာအဆာပါတဲ့ အသီးတွေကို ထည့်စိမ်မိလည်း
နောက်ဆို လွှင့်ပစ်ရတာပါပဲ။
ဒါကြောင့်မို့
မြေပေါ် ပြုတ်မကျအောင် ခူးထားတဲ့
အနာအဆာ မပါတဲ့
ဆွတ်မရမ်းပဲ ရွေးချယ် ဝယ်ယူတာအကောင်းဆုံးပါ။
သရက်သီး ဆားရည်စိမ်တဲ့အခါလည်း
မြေပေါ် ပြုတ်မကျအောင် ခူးထားတဲ့
အနာအဆာ မပါတဲ့
ဆွတ်ထားတဲ့ သရက်သီး ပဲအကောင်းဆုံးပါ။
စ် လုပ်ထားသင့်ပါတယ်။
မိမိအိမ်မှာ မရမ်းသီး ဆားရည်စိမ်ရှိရင်
ဝက်မရမ်း, ကြက်မရမ်းစသဖြင့်
အအီပြေအသားဟင်းလျာ ချက်စားနိုင်သလို
မရမ်းသီး ဆားရည်စိမ်သုပ်,လည်း
အအီပြေသုပ်စားနိုင်ပါတယ်။
ငါးနီတူသုပ် နဲ့လည်း တွဲဖက်သုပ်စားနိုင်သလို
ဟင်းလျာအတော်များများနဲ့
တွဲဖက်ပြီး ချက်စား, သုပ်စားနိုင်ပါတယ်။
သနပ်လည်း လုပ်စားနိုင်ပါတယ်။
အရင်ဆုံး နှစ်ပေါက်ထားနိုင်တဲ့
မရမ်းသီး ဆားရည်စိမ်နည်းကို ပြောပြပါမယ်။
ဒီနည်းနဲ့လုပ်ရင် တစ်နှစ်မကလည်း ထားလို့ရပါတယ်။
________________________________________________
💎 မရမ်းသီး ဆားရည်စိမ် 💎
**************************
မရမ်းသီး 👉 ၁ ပိဿာ ( ရေဆေး, ရေစစ်ထားပါ။ )
ဆား 👉 ၁၀ သား
ကျောက်ချဉ် 👉 ကွမ်းသီး ၂ လုံးခန့် ( အမှုန့်ထောင်းထားပါ။ )
ရေဆေး, ရေစစ်ထားတဲ့မရမ်းသီးကို
ဆား, ကျောက်ချဉ်မှုန့်နဲ့ ဖွဖွနယ်ပီး
ပုလင်း ( သို့ ) စဉ့်အိုး ထဲထည့်၍ အဖုံးလုံအောင် ပိတ်ထားပါ။
၂ ပတ်ကြာရင် မရမ်းသီး ဆားရည်စိမ်ရပါပြီ။
ရေထည့်စရာ မလိုပါဘူး။
သူ့ဟာသူ ရေတွေ ထွက်လာပါလိမ့်မယ်။
ထွက်လာတဲ့ အရည်တွေကိုလည်း သွန်မပြစ်ရပါဘူး။
________________________________________________
အကယ်၍ ပိဿာချိန်များလို့ မနယ်နိုင်ရင်တော့
မရမ်းသီးကို ရေဆေးပြီး ရေစစ်ထားပြီးရင် ဆားရည်စိမ်မယ့်
စဥ့်အိုး ( သို့ ) ပုလင်းအောက်ခြေမှာ ဆားခင်းပါ။
ဆားပေါ်မှာ မရမ်းသီး ခင်း၍
ဆားတစ်ထပ်, မရမ်းသီး တစ်ထပ်ဖြင့်
မိမိ စိမ်ချင်သလောက် ပိဿာချိန်ထည့်ပီး
အပေါ်ဆုံးမှ ဆား ထပ်ဖြူးပါ။
နောက်မှ ကျောက်ချဥ်ကို ရေကျက်အေး အနည်းငယ်နဲ့ ဖျော်ပြီး
အပေါ် မျက်နှာပြင်မှ ဖြည်းညင်းစွာ
လောင်းထည့် ပေးလိုက်ပါ။
နှစ်ပေါက် မရမ်းသီး ဆားရည်စိမ်တဲ့အခါ
စဉ့်အိုး ( သို့ ) ဖန်ပုလင်း နဲ့ပဲ စိမ်ပါ။
ကော်ဗူးက သိပ် မကောင်းပါဘူး။
အစေ့ယှက်ပီး အလုံးရင့်တဲ့ မရမ်းသီးထက်
အစေ့မယှက်သေးတဲ့ မရမ်းသီးကိုစိမ်ရင်
အလုံးပိုကျစ်ပီး ပိုအထားခံပါတယ်။
ဆားရည်စိမ် နှိုက်တဲ့အခါမှာလည်း
လက်နဲ့ မနှိုက်ပဲ ဇွန်းနဲ့နှိုက်ပေးပါ။
ပျော့အိတွဲနေတဲ့ အသီးတွေကိုလည်း ဖယ်ထုတ်ပစ်ပေးပါ။
🔺 မှတ်ချက် 🔺
****************
သရက်သီးဆားရည်စိမ်လို
ရေနွေးထဲ ဆားထည့်ကျို၍ အအေးခံပြီး
မရမ်းသီးထဲ လောင်းထည့်ကာ
ဆားရည်စိမ်ရင်လည်း ရတော့ရပေမယ့်
ရေမထည့်ပဲ စိမ်တဲ့ ခုနည်းကို ပိုကြိုက်လို့
နှစ်စဥ် ခုပြထားတဲ့နည်းအတိုင်း ရေမထည့်ပဲ
မရမ်းသီး ဆားရည်စိမ်ပါတော့တယ်။
ရေမထည့်လဲ ဆား နဲ့ မရမ်းသီးတွေပေါင်းစပ်ပြီး
မရမ်းသီးတွေ အိကာ သူ့ဟာသူ ရေထွက်လာပါလိမ့်မယ်။
ထွက်လာတဲ့ ရေတွေကို သွန်ပြစ်ရန် မလိုပါဘူး။
တစ်နှစ်ပတ်လုံး ဒီအတိုင်းပဲထားပါ။
⭐️ ဖြစ်နိုင်ရင်တော့ မိမိအိမ် ( သို့ ) မိမိခြံရဲ့
⭐️ နေ့လယ်ခင်း နေရောင်ခြည်ကျရောက်တဲ့နေရာမှာ
⭐️ ဆားရည်စိမ်အိုးကြီးတွေ
⭐️ ဆားရည်စိမ်ပုလင်းကြီးတွေကို ထားပေးထားပါ။
🌟 မှိုလုံးဝမတက်ပဲ ပကတိ သန့်ရှင်းနေပါလိမ့်မယ်။
crdပဲခူး‌ေဲဒါ်််ထွေးရီ

Part-3
*နိမိတ်မကောင်းသောပွဲအထွက်

ကျွန်တော့်၏ စိတ်ကူးယဉ်အိပ်မက်များ အကောင်အထည် ပေါ်လာ ပြီ။ ရေဒီယို၌ အသံလွှင့်ရရုံသာမက နံနက်ပိုင်းတွင် ၃ နာရီခန့် အသံလွှင့်ရ မည်။ ညနေပိုင်းတွင် ၆ ရက်အသံလွှင့်ရမည်။ CBS အသံလွှင့်ဌာန၏ လူကြိုက်များသည့် ပုဂ္ဂိုလ်တစ်ဦးဖြစ်သော အာသာဂေါ့ဖရီးကဲ့သို့ပင် မကြာ ခဏ အသံလွှင့်ရတော့မည်။
ထိုတစ်ပတ်လုံး ကျွန်တော် လုံးဝအိပ်မပျော်။ အသံလွှင့်ရာတွင် ပြောရ မည့်စကားများကို အစမ်းလေ့ကျင့်ကြည့်သည်။ အလုပ်သွားရမည့် နံနက် > နာရီခွဲ၌ ကျွန်တော်သည် အမှိုက်ခြင်းတစ်ခြင်းလို ဖြစ်နေသည်။ ကျွန်တော် ၏ပါးစပ်နှင့် လည်ချောင်း ခြောက်မနေစေရန် ကော်ဖီနှင့် ရေကို သောက် သည်။ လက်စပ်အဲလ်ဂင်၏ “လမ်းတစ်လျှောက်” အမည်ရှိသည့် ဓာတ်ပြားကို အဆင်သင့်ဖွင့်နိုင်ရန် ပြင်ထားသည်။ ကြာလာလေ စိတ်လှုပ်ရှား လေဖြစ်လာသည်။
ထို့နောက် မာရှယ်က သူ၏ရုံးခန်းထဲသို့ခေါ်ပြီး “ကံကောင်းပါစေ” ဟု ဆုတောင်းကြောင်းပြောသည်။ သူ့ကို ကျေးဇူးတင်စကား ဆိုပြီးနောက် သူက “မင်း ဘယ်နာမည်ကို သုံးမှာလဲ” ဟု မေးသည်။ ကျွန်တော်က “ခင်ဗျား ဘာတွေပြောနေတာလဲ” ဟု ပြန်မေးလိုက်သည်။
“ဒီလိုကွဲ မင်းဟာ လယ်ရီဇက်ကာဆိုတဲ့ နာမည်ကိုတော့သုံး လို့မရဘူး။ ဒီနာမည်က လူမျိုးစွဲရှိနေတယ်။ လူတွေက နာမည်ကို ကောင်းကောင်း ပေါင်းတတ်မှာ မဟုတ်ဘူး။ မှတ်မိကြမှာ မဟုတ်ဘူး။ ဒီထက်ကောင်းတဲ့ နာမည်တစ်ခုလိုတယ်။ အဲဒီတော့ အခုနာမည် လယ်ရီ ဇက်ကာဆိုတာတော့ မသုံးနဲ့ကွာ။”
သူ၏စားပွဲပေါ်၌ မီယာမီ ဟယ်ရာဒ်သတင်းစာကို ဖွင့်ထားသည်။ ထိုသတင်း၌ ‘ကင်းအရက်လက်ကားလုပ်ငန်း' ဟူသည့် မျက်နှာပြည့် ကြော်ငြာကို တွေ့ရသည်။ မာရှယ်က ထိုကြော်ငြာကို ငုံ့ကြည့်ပြီးနောက်...
“မင်းနာမည် လယ်ရီကင်းဆိုရင် ဘယ့်နှယ်လဲကွ” ဟု ပြောလိုက်သည်။
“သိပ်ကောင်းတာပေါ့ ဗျာ”
“ဟုတ်ပြီ ဒါဆိုရင် မင်းနာမည်ဟာ လယ်ရီကင်း မင်းဟာ လယ်ရီ ကင်း အစီအစဉ်ကို လွှင့်ထုတ်ရမယ်။”
ထိုသို့ဖြင့် အလုပ်သစ်တစ်ခု၊ အသံလွှင့် အစီအစဉ်တစ်ခု၊ သီချင်း အသစ်တစ်ခု၊ နာမည်သစ်တစ်ခုကို ရခဲ့သည်။ သတင်းများကို နံနက် ၉ နာရီ၌ လွှင့်ထုတ်ရာ အကြိုတီးလုံးကို ဖွင့်လှစ်ပြီးနောက် စောင့်မျှော်နေကြ သော သောတရှင် ပရိသတ်များအတွက် လယ်ရီကင်း၏ အစီအစဉ်ကို လွှင့်ထုတ်ရန် အဆင်သင့်ဖြစ်နေသည်။ ကျွန်တော်၏ နှုတ်ဖျားများသည် ဝါဂွမ်းစကဲ့သို့ ပေါ့ပါးလျက်ရှိနေသည်။ ကျွန်တော့်အစီအစဉ်ကို စက်ပိုင်း ဆိုင်ရာ တာဝန်ယူရသည်မှာလည်း ကျွန်တော်ကိုယ်တိုင်ပင်ဖြစ်သည်။ အသံ လွှင့်ရုံငယ်တစ်ခုအတွက် သီးခြားအင်ဂျင်နီယာမရှိ။ ကျွန်တော့် အစီအစဉ် အတွက် ဖွင့်လှစ်ရမည့် အကြိုတီးလုံးကို ကျွန်တော်ကိုယ်တိုင်ပင် ဖွင့်လှစ် ရသည်။ သီချင်းသံဝင်လာသည်။ ထို့နောက် စကားစတင်ပြောနိုင်ရန် သီချင်း သံကို ဖြည်းဖြည်းချင်း လျော့ချလိုက်သည်။ သီချင်းသံပျောက်သွားသော် လည်း ဘာသံမျှထွက်မလာ။

#ဆက်ရန်ရှိ

ကိုယ်ပိုင်တဲ့ အရာတွေကို ကာကွယ်မထားနိုင်ရင်
သူများယူသုံးတာခံရမယ်

ရုပ်ဝတ္ထုပစ္စည်းတွေကတော့ ခြံခတ် အခန်းထဲပိတ်
သိမ်းထားရတာလွယ်ပေမယ့်

ကိုယ့်ရဲ့ စိတ်နဲ့ ခန္ဓာအတွက်ကိုတော့
personal boundaries တွေထားမှရတယ်

မလုပ်ချင်တာ မကြိုက်တာ မနှစ်သက်တာကို
ဖွင့်ပြောတတ်ရတယ် No ပြောတတ်ရတယ်

မဟုတ်ရင် အသုံးချခံရလို
အကြီးအကျယ်စိတ်ညစ်ရမယ်မိတ်ဆွေ

ငြင်းလိုက်လို စိတ်ခုသွားမှာ မစိုးရိမ်ပါနဲ့
အဲ့ဒါသူတိုကိစ္စပါ

#crd
#positive

(အပစ်ပယ်ခံ လူသားတစ်ယောက်) ဇာတ်ကားသစ်
IMDb - 8.6/10

တောအုပ်ကြီးတစ်ခုရဲ့ ဘေးကရွာလေးတစ်ရွာ ရှန်မူဂမ်ဆိုတဲ့လူတစ်ယောက်
သူ့ရဲ့အမျိုးသမီးဖြစ်သူ နဲ့အတူ နေထိုင်ပါတယ်။

သူတိုအိမ်ထောင်သက်က အနည်းငယ်ကြာပြီဆိုပေမဲ့ သားသမီးမထွန်းကားတာကြောင့်
သူတိုကို လာဘ်မကောင်းဘူး နမိတ်မကောင်းဘူးဆိုပြီး တစ်ရွာလုံးက
သာရေးနာရေးကိစ္စ အဝဝမှာ လူလုပ်ပြီးမဖိတ်ဘဲ ပစ်ပယ်ထားကြပါတယ်။

ဒါတင်မကသေးဘဲ အတင်းအဖျင်းတွေပါပြောသေးတော့ ရှန်မူဂမ်တစ်ယောက်
စိတ်ထဲသိမ်းထားရတာတွေများလာတဲ့နောက် မဖြေသိမ့်နိုင်တော့ဘဲ အရက်တွေသောက်ပြီး
တစ်ရွာလုံးကို ငိုပြီးသူ့ခံစားချက်တွေကို ပြောပါတော့တယ်။

အဲ့လိုပြောရင်းပဲ သူ့ကိုဒီလိုပစ်ပယ်ထားတဲ့ ရွာသားတွေ တစ်နေ့သူ့ခြေရင်းမှာခပြီး
ဝပ်တွားတောင်းပန်လာစေရမယ်လို ကျိန်ဆိုသွားခဲ့ပါတယ်။
ဆိုတော့ အပစ်ပယ်ခံဆင်းရဲသား ရှန်မူဂမ်တစ်ယောက် သူပြောသလိုဖြစ်သွားမှာလား
ဘာတွေလုပ်ပြီးဖြစ်အောင်လုပ်မှာလဲဆိုတာ စိတ်ဝင်စားစွာနဲ့ ဆက်လက်ကြည့်ရှုပေးပါဦးခင်ဗျာ။

(အညွှန်းနဲ့ ဘာသာပြန်ကတော့ CM Bollywood Team ကပဲဖြစ်ပါတယ်ခင်ဗျ။)

#crd
#storymode

ထရမ့်က အာရှ၏ စွမ်းအင်လိုအပ်ချက်ကို ပုံဖော်ဖွယ်ရှိ

ဝါရှင်တန်၊ ဖေဖော်ဝါရီ ၂၂

အမေရိကန်သမ္မတ ဒေါ်နယ်ထရမ့် (Donald Trump) သည် ယခုလအတွင်း ဂျပန်ဝန်ကြီးချုပ် ရှီဂီရူ အီရှီဘာ (Shigeru Ishiba) နှင့် တွေ့ဆုံဆွေးနွေးခဲ့ချိန်က အာရှရှိ အမေရိကန်၏ မဟာမိတ်များအား အလက်စကာ (Alaska) ပြည်နယ်မှ ဓာတ်ငွေ့များ ဝယ်ယူရေးကိစ္စကို အဓိကထား ဆွေးနွေးခဲ့သည်ဟု ရိုက်တာမှ ဖော်ပြခဲ့သည်။

ဂျပန်သည် ၎င်း၏ စွမ်းအင်လိုအပ်ချက်အတွက် အရှေ့အလယ်ပိုင်းမှ ရေနံများ ဝယ်ယူတင်သွင်းနေမှုကို ပြောင်းလဲ ပြီး အမေရိကန်ထံမှ သဘာဝဓာတ်ငွေ့ရည် (LNG) များဝယ်ယူရန် ကြိုးပမ်းလျက်ရှိသည်။

ဂျပန်ဝန်ကြီးချုပ် အီရှီဘာကလည်း အမေရိကန်၏ အခွန်တိုးကောက်မည့် အစီအစဉ်ကို ကာမိစေရန် Alaska LNG ကုမ္ပဏီထံမှ ဓာတ်ငွေ့များကို ဝယ်ယူရန် စိတ်အားထက်သန်နေသည်။

အီရှီဘာက ထိုဓာတ်ငွေ့ရည်များ ဝယ်ယူရေးအတွက် ဒေါ်လာ ၄၄ ဘီလျံ တန်ကြေးရှိ ပရောဂျက်တွင် ပါဝင်ရန် မျှော်လင့်ကြောင်း ထရမ့်ကို ပြောကြားခဲ့သည်ဟု အမည်မဖော်လိုသည့် အမေရိကန်အရာရှိတစ်ဦးက ပြောကြား ခဲ့သည်။

ထရမ့်ကမူ အီရှီဘာနှင့် တွေ့ဆုံဆွေးနွေးပြီးနောက် သဘာဝဓာတ်ငွေ့ရည် ရောင်းဝယ်ရေး ကိစ္စနှင့်ပတ်သက်ပြီး မှတ်ချက်စကားများကို လူသိရှင်ကြား ပြောကြားခဲ့သော်လည်း အီရှီဘာကမူ တရားဝင် မှတ်ချက်ပေးခဲ့ခြင်းမရှိပေ။

အမေရိကန်၏ သဘာဝဓာတ်ငွေ့ရည်များကို ဝယ်ယူမှုသည် အာရှရှိ အမေရိကန်၏ မဟာမိတ်များအတွက် ရုရှားမှ ဓာတ်ငွေ့များအပေါ် မှီခိုနေရမှုကို လျော့ကျစေလိမ့်မည်ဟု အလက်စကာပြည်နယ် အထက်လွှတ်တော်အမတ် ဒန် ဆူလေဗန် (Dan Sullivan) က ပြောကြားခဲ့သည်။

အီရှီဘာအပြင် အိန္ဒိယဝန်ကြီးချုပ် နာရန်ဒရာမိုဒီ ( Narendra Modi ) သည်လည်း ယခုလအတွင်း ထရမ့်နှင့် တွေ့ဆုံခဲ့ချိန်က အမေရိကန်၏ ဓာတ်ငွေ့များကို ဝယ်ယူမည်ဟု ကတိပြုခဲ့သည်။

တရုတ်၏ နယ်နိမိတ်တစ်ခုအဖြစ် ကြေညာခံထားရသည့် ထိုင်ဝမ်ကလည်း အလက်စကာပြည်နယ်မှ ဓာတ်ငွေ့ ရည်များ အပါအဝင် အမေရိကန်ထံမှ စွမ်းအင်များကို ဝယ်ယူရန်စဉ်းစားနေသည်။

တောင်ကိုရီးယားကလည်း Alaskan LNG နှင့် အခြား အမေရိကန်၏ စွမ်းအင်ပရောဂျက်များတွင် ရင်းနှီးမြှုပ်နှံရန် စဉ်းစားနေသည်ဟု တောင်ကိုရီးယား အရာရှိနှစ်ဦးက ရိုက်တာသတင်းဌာနကို ပြောကြားခဲ့သည်။

Source: ရိုက်တာ

ပုံ - ဂျပန်ဝန်ကြီးချုပ် အီရှီဘာနဲ့ အမေရိကန်သမ္မတ ဒေါ်နယ်ထရမ့်ကို တွေ့ရစဉ်

#centralnewsnaypyitaw

ကိုဗစ်-၁၉ လို လင်းနို့ဗိုင်းရပ်စ်တမျိုး ကူးစက်နိုင်ခြေ တရုတ်သုတေသီတွေ သတိပေး

ပေကျင်း၊ ဖေဖော်ဝါရီ ၂၂

လင်းနို့တွေကနေ အသစ်တွေ့ရှိခဲ့တဲ့ ကိုရိုနာဗိုင်းရပ်စ်တမျိုးဟာ ကိုဗစ်-၁၉ ရောဂါဖြစ်စေတဲ့ SARS-CoV-2 ဗိုင်းရပ်စ်လိုမျိုး လူတွေကိုကူးစက်မှုမှာ တူညီတဲ့ဆဲလ်မျက်နှာပြင် ပရိုတင်းကိုအသုံးပြုတာကို တွေ့ရှိရပြီး တနေ့နေ့တချိန်ချိန်မှာ လူတွေကို ကူးစက်ပျံ့နှံ့နိုင်ခြေ တိုးလာတယ်လို့ တရုတ်သုတေသီတွေက သတိပေးလိုက်ပါတယ်။

ဒါပေမယ့်လည်း ဒီဗိုင်းရပ်စ်ဟာ SARS-CoV-2 လိုမျိုးတော့ လူတွေရဲ့ဆဲလ်အတွင်းကို အလွယ်တကူမဝင်ရောက်နိုင်ဘူးလို့ ဆိုပါတယ်။ ဒီလင်းနို့ဗိုင်းရပ်စ် HKU5-CoV-2 မှာ ကူးစက်နိုင်တဲ့ အင်္ဂါရပ်တချို့ရှိနေပြီး လူသားဆဲလ်မျက်နှာပြင်ပေါ်ရှိ ACE2 ပရိုတင်းတွေကတဆင့် လူသားတွေကို ကူးစက်နိုင်တယ်လို့ ဆိုပါတယ်။

ဓါတ်ခွဲခန်းစမ်းသပ်မှုတွေအရ ဒီဗိုင်းရပ်စ်ဟာ HKU5-CoV-2 စမ်းသပ်ပြွှန်များ၊ လူ့အူတွေနဲ့အသက်ရှူလမ်းကြောင်းတွေမှာ မြင့်မားတဲ့ ACE2 အဆင့်ရှိ လူသားဆဲလ်တွေကို ကူးစက်ခဲ့ကြောင်း ရလဒ်တွေမှာ ဖော်ပြထားပါတယ်။

နောက်ထပ်စမ်းသပ်မှုတွေမှာတော့ တရုတ်သုတေသီတွေဟာ အဲဒီလင်းနို့ဗိုင်းရပ်စ်ကို ပစ်မှတ်ထားပြီး တိုက်ခိုက်နိုင်တဲ့ ခုခံအားဆေးနဲ့ ပိုးသတ်ဆေးတွေကို ရှာဖွေတွေ့ရှိခဲ့ပါတယ်။ တရုတ်သုတေသီတွေရဲ့ အစီရင်ခံစာထွက်ပေါ်ပြီးနောက်မှာ ကိုဗစ်-၁၉ ကာကွယ်ရေးထုတ် ကုမ္ပဏီတွေရဲ့ အစုရှယ်ယာတွေ အပြောင်းအလဲ ဖြစ်ခဲ့တယ်လို့ ဆိုပါတယ်။

ဖိုင်ဇာကုမ္ပဏီရဲ့ ရှယ်ယာဟာ သောကြာနေ့မှာ ၁ ဒသမ ၅ ရာခှိုင်နှုန်း၊ မိုဒါနာက ၅ ဿမ ၃ ရာခိုင်နှုန်းနဲ့ နိုဗာဗက်ကတော့ ၁ ရာခိုင်းနှုန်း ရှယ်ယာတွေတက်သွားတယ်လို့ ဘလွန်းဘာ့ဂ်သတင်းဌာနက ဖော်ပြထားပါတယ်။

Ref:Reuters
Photo:Reuters

#သတင်းဟင်းလေးအိုးကြီး

အချိန်အခါမဟုတ် မိုးရွာသွန်းနိုင်ကြောင်း သတိပေး

ဖေဖော်ဝါရီ ၂၂ - ၂၀၂၅

လာမယ့် ဖေဖော်ဝါရီ ၂၄ ရက်ကနေ ၂၇ ရက်နေ့အထိ လေးရက်အတွင်း အချိန်အခါမဟုတ် မိုးရွာသွန်းနိုင်တဲ့အတွက် ရေစိုမခံနိုင်တဲ့လုပ်ငန်း လုပ်ကိုင်သူတွေ သတိပြုဖို့ လိုအပ်တယ်လို့ မိုးလေဝသနှင့် ဇလဗေဒညွှန်ကြားမှု ဦးစီးဌာနမှ ညွှန်ကြားရေးမှူး ဦးလှထွန်းက ပြောပါတယ်။

မိုး/ဇလဌာနရဲ့ တိုင်းထွာချက်တွေအရ ကပ္ပလီပင်လယ်ပြင်နဲ့ ဘင်္ဂလားပင်လယ်အော်တို့မှ လေနွေးတွေနဲ့ တရုတ်ပြည်မကြီးပေါ်ရှိ လေဖိအားကြီး ရပ်ဝန်းဒေသမှ ရွေ့လျားလာတဲ့ လေအေးတွေ တွေ့ဆုံမှုအပြင် အနောက်ဘက်မှ ရွေ့လျားလာတဲ့ လေပွေလှိုင်းတွေရဲ့ အရှိန်နဲ့ အရှေ့ဘက်မှ ရွေ့လျားလာတဲ့ လေပွေလှိုင်းတွေရဲ့ အရှိန်တွေကြောင့် တိုင်းဒေသကြီးနဲ့ ပြည်နယ်တချို့မှာ အချိန်အခါမဟုတ် မိုးရွာသွန်းမှုတွေ ဖြစ်ပေါ်နိုင်တယ်လို့ သိရပါတယ်။

“ဒီလိုအချိန်ကတော့ လေပွေလှိုင်းတွေ ဖြတ်တာရှိတယ်။ အဲဒီလို ဖြတ်တဲ့အခါမျိုးမှာ မိုးရွာနိုင်တယ်။ မြန်မာနိုင်ငံ ဒေသအတော်များများမှာ ရွာဖို့ရှိနေတယ်။ အခုက ဆောင်းရာသီဆိုတော့ ဆောင်းသီးနှံ စိုက်တာတွေလည်း ရှိမယ်။ ရေမလိုတဲ့ သီးနှံတွေရှိမယ်။ ရိတ်သိမ်းခါစပေါ့။ အဲဒါတွေလည်း သတိပြုရမယ်။ နောက်တခုက ပွင့်လင်းရာသီလုပ်တဲ့ ဆားလုပ်ငန်းတွေ။ မြစ်ဝကျွန်းပေါ်၊ ပင်လယ်ဒေသတို့၊ တောင်ပိုင်းတို့က ဆားလုပ်ငန်းတွေ သတိပြုရမယ်။ ခြုံပြီး ပြောရရင်တော့ ရေစိုမခံတဲ့လုပ်ငန်းတွေ အားလုံး သတိပြုဖို့ လိုအပ်ပါတယ်” လို့ ဦးလှထွန်းက ပြောပါတယ်။

မိုးရွာသွန်းနိုင်တဲ့ ဒေသတွေကတော့ နေပြည်တော်၊ ရန်ကုန်တိုင်း၊ ပဲခူးတိုင်း၊ ဧရာဝတီတိုင်း၊ တနင်္သာရီတိုင်း၊ ကချင်ပြည်နယ်၊ ကယားပြည်နယ်၊ ကရင်ပြည်နယ်၊ မွန်ပြည်နယ်နဲ့ ရှမ်းပြည်နယ်တို့မှာ နေရာကျဲကျဲမှ နေရာစိပ်စိပ်၊ မန္တလေးတိုင်း၊ စစ်ကိုင်းတိုင်း (အထက်ပိုင်း)၊ ချင်းပြည်နယ်နဲ့ ရခိုင်ပြည်နယ်တို့မှာ နေရာကွက်ကျား မိုးထစ်ချုန်းရွာနိုင်တယ်လို့ သူက ပြောပါတယ်။

“ရွာဖို့ကတော့ မြန်မာနိုင်ငံ တောင်ပိုင်းတို့၊ မြစ်ဝကျွန်းပေါ်တို့က ရာခိုင်နှုန်း ၈၀/၁၀၀ လောက် ရှိတယ်။ အလယ်ပိုင်းကတော့ ၆၀ ရာခိုင်နှုန်းလောက်ရှိတယ်။ အလယ်ပိုင်း ဆိုတာကတော့ မန္တလေး၊ မကွေးပေါ့လေ။ နောက် ချင်း၊ ရခိုင်ဘက်တို့ ၆၀ ရာခိုင်နှုန်းလောက်ပဲရှိမယ်။ များနိုင်တာကတော့ ရှမ်းနဲ့ မြစ်ဝကျွန်းပေါ် တောင်ပိုင်းပေါ့။ အဲဒီဘက်တွေကတော့ ရွာနှုန်း ၈၀/၁၀၀ လောက် ရှိနိုင်တယ်” လို့ မိုး/ဇလညွှန်မှူးက ပြောပါတယ်။

အဲဒီလို အချိန်အခါမဟုတ် မိုးရွာခြင်းနဲ့အတူ မိုးထစ်ချုန်းခြင်း၊ မိုးကြိုးပစ်ခြင်း၊ လျှပ်စီးလက်ခြင်းနဲ့ မိုးသီးကြွေခြင်း စတဲ့ မိုးလေဝသဖြစ်စဉ်တွေလည်း ဖြစ်ပေါ်နိုင်တယ်လို့ သူက ပြောပါတယ်။

“ဒီလို လေအေးနဲ့ လေနွေး တွေ့ဆုံမှုကြောင့် ရွာတာကတော့ မိုးခြိမ်းတာတွေ၊ မိုးကြိုးပစ်တာတွေ၊ မိုးသီးကြွေတာတွေ ဖြစ်နိုင်တော့ ဒါလေးတွေတော့ သတိပြုရမှာပေါ့။ ဒီကာလ မိုးရွာတာကတော့ အရင်နှစ်တွေကလည်း ဖြစ်လေ့ဖြစ်ထရှိတယ်။ ဒီရာသီက အခုက ဆောင်းနှောင်းကာလပေါ့။ ဆောင်းက ကုန်တော့မယ်။ မတ်လဆိုရင် နွေစပြီပေါ့။ အဲဒီလို ဆောင်းရာသီနဲ့ နွေရာသီ အကူးအပြောင်း ကာလတွေမှာ များသောအားဖြင့် မိုးရွာတာ ဖြစ်တတ်ပါတယ်။ ဒီရာသီအချိန်တွေက အရှေ့ဘက်က လေပွေလှိုင်းတွေလည်း ဖြတ်တတ်တယ်။ မြန်မာနိုင်ငံ မြောက်ပိုင်း ဆိုရင်တော့ အနောက်ဘက်က လေပွေလှိုင်းတွေ ဖြတ်တာပေါ့။ အဲဒါမျိုးတွေကြောင့် မိုးရွာတာပါ” လို့ သူက ပြောပါတယ်။

အခုလို မိုးရွာသွန်းနိုင်တဲ့ ဖြစ်စဉ်ဟာ လာနီညာနဲ့လည်း အနည်းငယ် သက်ဆိုင်မှုရှိပြီး လက်ရှိမှာ လာနီညာအခြေအနေဟာ အားနည်းတဲ့အဆင့်မှာသာ ရှိနေသေးတယ်လို့ သူက ပြောပါတယ်။

လာနီညာဆိုတာဟာ အယ်လ်နီညိုရဲ့ ပြောင်းပြန် ဆန့်ကျင်ဘက်ဖြစ်ပြီး ယေဘုယျအားဖြင့် အယ်လ်နီညိုကတော့ ပူပြင်းခြောက်သွေ့မှုကိုပေးကာ လာနီညာကတော့ အေးမြစွတ်စိုတဲ့ ရာသီဥတုဖြစ်တယ်လို့ ဆိုပါတယ်။

လာနီညာဖြစ်စဉ်ဟာ ပစိဖိတ်သမုဒ္ဒရာမှာ ဖြစ်ပေါ်တဲ့ ဖြစ်စဉ် ဖြစ်ပေမယ့်လည်း အကျိုးသက်ရောက်မှုကတော့ ယေဘုယျအားဖြင့် အရှေ့ဘက်မှ လေပွေလှိုင်းတွေ တိုက်ခတ်ခြင်း၊ ညအပူချိန်တွေ အနည်းငယ် လျော့နည်းခြင်းနဲ့ မိုးရွာသွန်းမှု မူမမှန်ခြင်း စတဲ့ ရာသီဥတုဖြစ်စဉ်တွေ ဖြစ်ပေါ်လေ့ရှိတယ်လို့ သိရပါတယ်။

Photo - CJ

#centralnewsnaypyitaw

အမေရိကန် ထိပ်တန်းစစ်ဗိုလ်ချုပ် ကျူစီဘရောင်းနဲ့ ထိပ်တန်းအရာရှိတွေ ရာထူးထုတ်ပယ်ခံရ

ဝါရှင်တန်၊ ဖေဖော်ဝါရီ ၂၂

အမေရိကန်သမ္မတ ဒေါ်နယ်ထရန့်ဟာ ပူးတွဲစစ်ဦးစီးချုပ်များအဖွဲ့ အကြီးအကဲ ဗိုလ်ချုပ်ကြီး ကျူစီဘရောင်းကို ရာထူးကနေ ထုတ်ပယ်လိုက်တယ်လို့ ပြောပါတယ်။ ဒါဟာ ပင်တဂွန်စစ်ဌာနချုပ်အတွက်တော့ ကြီးမားတဲ့ အပြောင်းအလဲတခုလည်း ဖြစ်ပါတယ်။

နိုင်ငံအတွက် နှစ်ပေါင်း ၄၀ ကျော် တာဝန်ထမ်းဆောင်ခဲ့တဲ့အတွက် ကျူစီဘရောင်းကို ကျေးဇူးတင်တယ်လို့ ထရန့်က ပြောပါတယ်။ အခြားထိပ်တန်းအရာရှိ ငါးယောက်ကိုလည်း အစားထိုးခန့်အပ်ထားတယ်လို့လည်း ဆိုပါတယ်။

ဗိုလ်ချုပ်ဘရောင်းဟာ ဒီရာထူးကို ထမ်းဆောင်တဲ့ ဒုတိယမြောက် လူမည်းအရာရှိဖြစ်ပြီး အမျိုးသားလုံခြုံရေးအတွက် သမ္မတနဲ့ ကာကွယ်ရေးဝန်ကြီးတို့ကို အကြံပေးရသူဖြစ်ပါတယ်။ အမေရိကန်ကာကွယ်ရေးဝန်ကြီး ပီးဟတ်ဆက်ကလည်း ဗိုလ်ချုပ်ဘရောင်းဟာ ထုတ်ပယ်ခံရနိုင်တယ်လို့ ပြောဆိုထားဖူးပါတယ်။

သောကြာနေ့နှောင်းပိုင်းမှာတော့ ပီးဟတ်ဆက်ဟာ နောက်ထပ်ထိပ်တန်းအရာရှိနှစ်ယောက်ဖြစ်တဲ့ ရေတပ်စစ်ဆင်ရေးမှူး လီဆာဖရန်တီနဲ့ လေတပ်ဒုတိယအကြီးအကဲ ဂျင်စလိုက်တို့ကို ရာထူးကနေ ထုတ်ပယ်ကြောင်း ကြေညာခဲ့ပါတယ်။

သမ္မတထရန့်လက်ထက်မှာ အမေရိကန်စစ်တပ်ကို ဟန့်တားခြင်း၊ တိုက်ခိုက်ခြင်းနဲ့ စစ်ပွဲတွေအနိုင်ရရှိရေးအတွက် အဓိကမစ်ရှင်တွေအတွက် ခေါင်းဆောင်မှုအသစ်ကို ရွေးချယ်နေခန့်ထားနေတယ်လို့ အမေရိကန်ကာကွယ်ရေးဝန်ကြီးက ပြောပါတယ်။

ထုတ်ပယ်ခံရတဲ့ ထိပ်တန်းစစ်ဘက်အရာရှိတွေဟာ သမ္မတဂျိုးဘိုင်ဒင်လက်ထက်က ခန့်အပ်ခံခဲ့ရသူတွေဖြစ်ပါတယ်။ ဒေါ်နယ်ထရန့်ကတော့ လစ်လပ်သွားတဲ့ ပူးတွဲစစ်ဦးစီးချုပ်များအဖွဲ့ အကြီးအကဲနေရာကို လေတပ်ဒုတိယဗိုလ်ချုပ်ကြီး ဒန်ကိန်းကို ခန့်အပ်ဖို့ အဆိုပြုထားပါတယ်။

Ref:BBC
Photo:Getty Images

#သတင်းဟင်းလေးအိုးကြီး

type c to lightning
🌟 Lightning OTG Adapter - iPhone & iPad များအတွက် အဆင်ပြေချောမွေ့စေမယ့် အကူကိရိယာ 🌟

သင့်ရဲ့ iPhone နဲ့ iPad ကို အားသွင်းဖို့နဲ့ ဒေတာတွေကို လွယ်ကူစွာ လဲလှယ်ဖို့ Lightning OTG Adapter ကို အခုပဲ ဝယ်ယူလိုက်ပါ! ဒီ adapter က သင့်ရဲ့ iOS စက်ပစ္စည်းတွေကို USB-C ကြိုးနဲ့ ချိတ်ဆက်အသုံးပြုနိုင်စေပြီး သယ်ဆောင်ရလွယ်ကူပါတယ်။

✨ အဓိကလုပ်ဆောင်ချက်များ:
✅ အားသွင်းခြင်းနှင့် ဒေတာလဲလှယ်ခြင်း: iPhone ကို ကွန်ပျူတာနဲ့ ချိတ်ဆက်ပြီး ဒေတာလဲလှယ်နိုင်ပါတယ်။ (OTG, HDMI, Audio, Mouse, Keyboard, Card Reader, U Disk, Flash Drive, External Hard Drives များနှင့် မသင့်တော်ပါ)။
✅ ကျယ်ပြန့်သောကိုက်ညီမှု: iOS 13 နှင့် အထက်ရှိတဲ့ iPhone 11, 12 Pro Max, Xs, Xs Max, X, 8/8 Plus, 7/7 Plus, 6/6 Plus, 5/5S, SE နဲ့ iPad Air, Mini, Pro အစရှိတဲ့ Lightning ပေါ်တွင် အသုံးပြုနိုင်ပါတယ်။
✅ USB-C to Lightning Adapter: USB-C ကြိုးကို အသုံးပြုပြီး iOS စက်ပစ္စည်းများကို အားသွင်းနိုင်ပြီး ဒေတာလဲလှယ်နိုင်ပါတယ်။ သီးသန့် driver မလိုအပ်ဘဲ အလွယ်တကူအသုံးပြုနိုင်ပါတယ်။
✅ Case ဖြုတ်စရာမလိုဘဲ အားသွင်းနိုင်ခြင်း: ပါးလွှာတဲ့ဒီဇိုင်းကြောင့် ရေမဝင်တဲ့ Case တွေနဲ့ပါ သင့်တော်ပြီး Case ကို ဖြုတ်စရာမလိုဘဲ အားသွင်းနိုင်ပါတယ်။

💡 ဘာကြောင့် ဒီ Adapter ကို ရွေးချယ်သင့်တာလဲ?

iPhone နဲ့ iPad အတွက် USB-C ကြိုးကို အသုံးပြုနိုင်စေပါတယ်။

ဒေတာလဲလှယ်ခြင်းနဲ့ အားသွင်းခြင်းကို တစ်ခါတည်းလုပ်ဆောင်နိုင်ပါတယ်။

သယ်ဆောင်ရလွယ်ကူပြီး ဒီဇိုင်းလှပပါတယ်။

📱 ကိုက်ညီမှု:

iPhone 11, 12 Pro Max, Xs, Xs Max, X, 8/8 Plus, 7/7 Plus, 6/6 Plus, 5/5S, SE

iPad Air, Mini, Pro အစရှိသော Lightning Port ပါသော စက်ပစ္စည်းများ

💰 ဈေးနှုန်းသက်သာပြီး အရည်အသွေးမြင့်မားပါတယ်!
ဒီ Lightning OTG Adapter ကို အခုပဲ ဝယ်ယူပြီး သင့်ရဲ့ iOS စက်ပစ္စည်းတွေကို ပိုမိုအဆင်ပြေစွာ အသုံးပြုလိုက်ပါ!
#shop, #kbzmarketplace , #uab market , Page chat တို့မှ တစ်နိုင်ငံလုံးသို့ အိမ်အရောက်ငွေခြေ. Banking တို့ဖြင့် ကြိုက်နှစ်သက်ရာရွေးခြယ် ဝယ်ယူနိုင်ပါသည်။
ဖုန်း၀၉၈၉၄၂၇၃၉၁၁ . အမှတ် ၂၈. သိန္ဒီလမ်း. သီတာရပ်ကွက်. ကြည့်မြင်တိုင်.ရန်ကုန်မြို. ဆိုင်တွင်လာရောက်လေ့လာဝယ်ယူလိုသူများ ဖုန်းကြိုတင်ဆက်သွယ်မေးနိုင်ပါသည်။
အသေးစိတ်အချက်လတ်များကို အောက်ပါလင့်မှဝင်ရောက်လေ့လာနိုင်ပါသည်။
www.shop.com.mm/shop/zaycho

#lightningotgadapter #iphoneaccessories #ipadaccessories #usb_c_adapter #datasync #chargingadapter #techaccessories #myanmartech