ရန်ကုန်-ပုသိမ်-ညောင်ဦး-မန္တလေး ခရီးစဉ်သစ် ပျံသန်းမည်
-----------------------
မြန်မာအမျိုးသားလေကြောင်းလိုင်း(MNA)ကနေ ပြည်တွင်းခရီးစဉ်သစ်အဖြစ် ရန်ကုန်-ပုသိမ်-ညောင်ဦး-မန္တလေး ခရီးစဉ်တွေကို အောက်တိုဘာလ(၁၃)ရက်က စတင်ပြီး ပျံသန်းပြေးဆွဲပေးသွားမှာဖြစ်တယ်လို့ အဲဒီ လေကြောင်း လိုင်းကနေ သိရပါတယ်။ ရန်ကုန်-ပုသိမ်-ညောင်ဦး- မန္တလေး ခရီးစဉ်ကို အောက်တိုဘာ(၁၃)ရက်မှာ ရန်ကုန်ကနေ မနက် (၆) နာရီခွဲ ထွက်ခွာပြီး ပုသိမ်ကို မနက် ၇ နာရီ ၁၀ မိနစ်လောက်မှာ ရောက်ရှိမှာဖြစ်ပါတယ်။
ပုသိမ်ကနေ ဆိုရင် မနက် ၇ နာရီ ၂၅ မိနစ်လောက်မှာ ထွက်ခွာပြီး ညောင်ဦးကို ၉ နာရီ ၁၀ မိနစ်လောက်မှာ ရောက်ရှိမှာ ဖြစ်ကာ ညောင်ဦးကနေဆိုရင် မနက် ၉ နာရီ ၂၅ မိနစ်လောက်မှာ ထွက်ခွာကာ မန္တလေးကို မနက် ၁၀ နာရီ လောက်မှာ ရောက်ရှိမှာ ဖြစ်ပါတယ်။ အောက်တိုဘာ(၁၄)ရက်နေ့မှာလည်း မန္တလေး-ညောင်ဦး-ပုသိမ်-ရန်ကုန် ခရီးစဉ်တွေကို မန္တလေးကနေ မွန်းလွဲ ၃ နာရီလောက်မှာ ထွက်ခွာကာ ညောင်ဦးကို ညနေ ၃ နာရီ ၃၅ မိနစ် လောက်မှာ ရောက်ရှိမှာဖြစ်ပြီး ညောင်ဦးကနေ ညနေ ၃ နာရီ မိနစ် ၅၀ လောက်မှာ ဆက်လက် ထွက်ခွာကာ ပုသိမ်ကို ညနေ ၅ နာရီ ၃၅ မိနစ်လောက်မှာ ရောက်ရှိမှာ ဖြစ်ပါတယ်။
အဲဒီနောက် ပုသိမ်ကနေ ညနေ ၅ နာရီ မိနစ် ၅၀ လောက်မှာ ထွက်ခွာပြီး ရန်ကုန်ကို ညနေ ၆ နာရီခွဲလောက်မှာ ရောက်ရှိမှာ ဖြစ်တယ်လို့ ထုတ်ပြန်ထား ပါတယ်။ လေယာဉ်လက်မှတ်ခ နှုန်းထားတွေအနေနဲ့ ရန်ကုန်-ပုသိမ်ကို ကျပ် ၂ သိန်းခွဲ၊ ပုသိမ်-ညောင်ဦးကို ကျပ် ၂ သိန်း ၈ သောင်း၊ မန္တလေး-ညောင်ဦးကို ငွေကျပ် ၂ သိန်းနဲ့ ရန်ကုန်-ညောင်ဦးကို ငွေကျပ် ၂ သိန်း ၉ သောင်း သတ်မှတ်ထားတယ်လို့ သိရပါတယ်။
