ဒီတခါဒီကောင်တွေကို အောက်ပို့လိုက်မယ်🤣။ဒီကောင်တွေက အလံနီလို့ နာမည်ကြီးပြီး တကယ်မနီတဲ့ကောင်တွေကွာ။သူတို့က သူတို့ကို သူတို့နီတယ်လို့ထင်အောင်ကိုလုပ်ယူထားကြတာ။ပတ်ဝန်းကျင်မှာလဲ ဒီကောင်တွေက ရည်းစားများတယ်၊ပြတ်သားတယ်ဘာညာနဲ့လက်မထောင်ထားကြတာ။
တကယ်ကျ နောက်ကွယ်မှ ကြိတ်ငိုတဲ့ကောင်တွေပြတ်သားနိုင်တဲ့ကောင်တွေလဲမဟုတ်ဘူးအလကား။ဒါပေမဲ့သူတို့က မာနကကြီးတော့ တဖက်လူ အထင်စမောမှာစိုးလို့ ငါနေနိုင်တယ် ဘာဖြစ်လဲနဲ့လုပ်ပြတတ်ကြတာ။
တကယ်တမ်းကျ သူတို့က သူတို့ချစ်တဲ့သူကို အဆုံးထိကာကွယ်ပေး၊အဆုံးထိသစ္စာရှိပေး၊တယောက်ဆိုတယောက်လွယ်လွယ်မပြောင်းလဲနိုင်တဲ့ သူတို့ ချစ်တဲ့သူအပေါ်အိမ်တိုင်ချွတ်ပေါင်အမ်းတဲ့ထိ စိမ်းတဲ့ နင်တို့ပြောပြောနေတဲ့ swaziland ကမြက်တွေလေ🤌
မှတ်ချက် - အပေါ်ကအချက်တွေက သူတို့ချစ်တဲ့သူအပေါ်မာပဲအကျုံးဝင်ပါတယ် မဟုတ်ရင်အလံကမနီပဲနက်ပါတယ်ရှန်
Virgo ♍️, Pisces ♓️, Capricorn ♑️, Scorpio ♏️, Taurus ♉️ ,Libra ♎️

#lunatarot

ရွှေတိဂုံဘုရားမှာ လုံးတော်ပြည့် ရွှေသင်္ကန်းကပ်လှူပူဇော်ခဲ့တဲ့ သင်ဇာဝင့်ကျော် 🙏🙏🙏
အားလုံးရဲ့ စုပေါင်းကုသိုလ်လေးဖြစ်တယ်လို့လည်း သူမကဆိုပါတယ်။ ရွှေတိဂုံဘုရားမှာ လုံးတော်ပြည့် ရွှေသင်္ကန်းကိုကပ်လှူပူဇော်ခဲ့တာလည်းဖြစ်ပါတယ်။ သင်ဇာဝင့်ကျော်ဟာ လွတ်ငြိမ်းချမ်းသာခွင့်နဲ့ ပြန်လည်လွတ်မြောက်လာပြီးနောက် အနုပညာအလုပ်တွေမလုပ်ခင် တရားစခန်းကို ဦးစွာဝင်ရောက်ခဲ့တာလည်းဖြစ်ပါတယ်။ ဘာသာရေးနဲ့ပတ်သက်တဲ့ လှူဒါန်းမှုတွေကိုလည်း ပရိသတ်တွေရဲ့အလှူအဖြစ် ပါဝင်လှူဒါန်းပေးနေတာလည်းဖြစ်ပါတယ်။

#celenews

Part-5
*ရိုးသားမှု
အသံလွှင့်လုပ်ငန်း၌ဖြစ်စေ၊ အသံလွှင့်လုပ်ငန်း မဟုတ်သည့် ပြင်ပ၌ ဖြစ်စေ ရိုးသားမှုရှိရန် လိုအပ်ကြောင်း မီယာမီကမ်းခြေ၏ နံနက်ခင်းတစ်ရက် တွင် သင်ခန်းစာရရှိခဲ့သည်။ အသံလွှင့်သည့် လုပ်ငန်း၌သာမက အခြားစကားပြောသည့် မည်သည့်နေရာ၌မဆို ရိုးသားသည့်အတွက် မည်သည့် အခါမျှ မမှားနိုင်ပါ။ အာသာဂေါ့ဖရီးက အောင်မြင်သည့် အသံလွှင့်သူ တစ်ယောက်ဖြစ်ရန် ရိုးသားမှုရှိရန်လိုကြောင်း ပြောပြခဲ့သည်။ မိမိ၏ သောတ ရှင်များ၊ ကြည့်ရှုသူများကို မိမိခံစားရသလို ခံစားရစေပြီး မိမိအတွေ့အကြုံကို ရရှိစေသင့်သည်။
မီယာမီ၌ပင် ရုပ်မြင်သံကြားရိုက်ကူးမှုတစ်ခု ပြုလုပ်သည့်အခါ ပထမ ဆုံးအကြိမ် ရေဒီယိုအသံလွှင့်စဉ်က တွေ့ကြုံခဲ့ရသည့် စိတ်လှုပ်ရှားမှုမျိုးကို တွေ့ကြုံခဲ့ရသည်။
ယခင်ကဆိုလျှင် ရုပ်မြင်သံကြားတစ်ခါမျှ လွှင့်ထုတ်ခဲ့ဖူးခြင်းမရှိပေ။ ထို့ကြောင့်ပင်လျှင် စိုးရိမ်စရာများ ဖြစ်လာခဲ့ရခြင်းဖြစ်သည်။ ရုပ်မြင်သံကြား ထုတ်လုပ်သူကလည်း ကျွန်တော်၏နေရာတွင်နေခိုင်း၊ ကိုယ်ချင်းစာခိုင်း သည်။ ကျွန်တော် စိတ်လှုပ်ရှားနေကြောင်း သူတို့ကို ပြောပြသည်။ ရေဒီယို ပေါ်၌ သူတို့ကို သုံးနှစ်ကြာပြောခဲ့သော်လည်း ရုပ်မြင်သံကြား၌ ယခု တစ်ကြိမ်သာ ပြောဖူးကြောင်း ပြောပြသည်။ ထို့နောက် ဆုံလည်ကုလား ထိုင်၌ ကျွန်တော့်ကို ထိုင်ခိုင်းကြောင်း ပြောပြသည်။
ထိုအခါ လူတိုင်းက ကျွန်တော်၏အခြေအနေကို သဘောပေါက်လာ သည်။ ကျွန်တော်လည်း ဆက်လက်ပြီး စိတ်လှုပ်ရှားခြင်း မရှိတော့ပေ။ ထို့နောက် ချောချောမွေ့ မွေ့ ပြေပြေပြစ်ပြစ် ပြောလာနိုင်သည်။ ရုပ်မြင်သံကြား ရိုက်သည့် ပထမည၌ပင် အောင်မြင်မှုရရှိခဲ့သည်။ ထိုသို့ အောင်မြင်မှုများ ရရှိခြင်းမှာ ကျွန်တော်စကားပြောနေသည့်သူများနှင့် ပတ်သက်၍ ရိုးရိုးသား သား ဆက်ဆံခြင်းကြောင့်ဖြစ်သည်။
ပုဂ္ဂိုလ်တစ်ဦးက မကြာသေးမီက မေးခွန်းမေးခဲ့ဖူးသည်။ “ခင်ဗျားဟာ NBC သတင်းဌာနခန်းမထဲကို လမ်းလျှောက်လာတယ်။ အဲဒီအခါ လူတစ်ယောက်က ခင်ဗျားကို ဆွဲခေါ်သွားတယ်။ စတူဒီယိုထဲက ကုလားထိုင် မှာ ထိုင်ခိုင်းလိုက်တယ်။ လက်ထဲကို စာရွက်အချို့ထည့်ပေးလိုက်တယ်။ ပြီးတဲ့အခါ ဘရိုကောကတော့ ဒီနေ့ နေမကောင်းဘူး။ အဲဒီတော့ မင်းပဲ သူ့နေရာဝင်တော့လို့ ပြောတယ်။ ချက်ချင်းမီးတွေထိုးပြီး စရိုက်ကြမယ်။ အဲဒီလိုဆိုရင် မင်းဘာလုပ်မလဲ” ဟု မေးခဲ့ဖူးသည်။

#ဆက်ရန်ရှိ

တနင်္သာရီတိုင်းတောင်ဘက်အစွန်က ကော့သောင်းမြို့မှာ ၂၄-၂၅ ၃ ရက် မိုးအနည်းငယ်မှ မိုးအသင့်အတင့်(၂၅ မီလီမီတာ ၁ လက်မနီးပါးခန့်)ရွာနိုင်ကြောင်း၊ လေတိုက်နှုန်းတနာရီ ၇ မိုင်မှ GUST ၃၂ မိုင်အထိရှိနိုင်ကြောင်း တွေ့ရပါတယ်။
ဒီနေ့ ၂၃ ရက်နေ့မှာလဲ မိုးအနည်းငယ်(၇ မီလီမီတာ)ရွာပြီး လေတိုက်နှုန်း ၄ မိုင်မှ GUST ၁၃ မိုင်အထိ ရှိနိုင်ကြောင်းတွေ့ရပါတယ်။
အရှေ့-အရှေ့မြောက်ဘက်မှ လှိုင်းအမြင့် ၀.၂ မီတာ(၀.၆၆ ပေ)ခန့်ရှိကြောင်းလည်း တွေ့ရပါတယ်။
ဒီနေ့ ကော့သောင်းမြို့ရဲ့ မိုးရွာ/လေတိုက်ခဲ့တဲ့ အခြေအနေကို Analyse လုပ်နိုင်ရန်အတွက် ကော့သောင်းမြို့ခံများမှ (ကျေးဇူးပြု၍)မျှဝေပေးစေချင်ပါတယ်။

#crd_mmweather
#topicnews

Ko.....nda Pol.....am [2021] မြန်မာစာတန်းထိုး

အင်ဂျင်နီယာကျောင်းဆင်း ရာဗင်ဒရာနာ့သ်ကာတာရုတစ်ယောက် ဘွဲ့ရပြီးပေမယ့်

အလုပ်မရသေးတော့ မိသားစုကိုလည်းမျက်နှာပူ ကိုယ်တိုင်လည်းအားငယ်ဖြစ်နေချိန် သူတို့ရွာမှာ ရေရှားလို့ သိုးတွေအသက်ရှင်ဖို့ရာ သူ့အဖေနဲ့အတူ တောင်ကုန်းဘက်ဆီစားကျက်ရွှေ့ရင်း ဘယ်လိုအတွေ့အကြုံတွေရပြီး ဘယ်လိုအခက်အခဲတွေကြုံရမလဲဆိုတာကို ကြည့်ရှုရမှာဖြစ်ပါတယ်။

ဒီအတွေ့အကြုံတွေကရော သူ့ရဲ့အင်ဂျင်နီယာအသက်မွေးဝမ်းကြောင်းအတွက် အထောက်အကူဖြစ်နိုင်မလား သူအလုပ်ရဖို့ကူညီပေးနိုင်မလားဆိုတာ ဆက်လက်ရှုစားကြပါခင်ဗျာ...

#crd
#storymode

Part-4
*နိမိတ်မကောင်းသောပွဲအထွက်

ထို့ကြောင့် ကျွန်တော်သီချင်းကို ထပ်ဖွင့်သည်။ ဖြည်းဖြည်းချင်း လျော့ ချသည်။ ကျွန်တော်နှုတ်ဖျားမှ မည်သည့်အသံမျှ ထွက်မလာ။ ထိုသို့ နောက် တစ်ခေါက် ထပ်လုပ်ရသည်။ သုံးကြိမ်တိုင်အောင် ကျွန်တော်၏ သောတ ရှင်များက ဓာတ်ပြားတစ်ချပ် အသံနိမ့်လိုက် မြင့်လိုက်ဖြစ်နေသည်ကိုသာ ကြားရသည်။ လူသံကို လုံးဝမကြားရပေ။
ကျွန်တော့်ကိုယ် ကျွန်တော် “ငါတော့မှားနေပြီ” ဟု ပြောမိသည်ကို မှတ်မိသည်။ ကျွန်တော့်အနေဖြင့် လမ်းပေါ်က လူတစ်ယောက်သာဖြစ်ပြီး ဤအလုပ်ကို ပိုင်ပိုင်နိုင်နိုင် ဆောင်ရွက်နိုင်ရန် အဆင်သင့်မဖြစ်သေး။ ဤ အလုပ်ကို ကျွန်တော် သဘောကျနှစ်ခြိုက်သော်လည်း ဤအလုပ်အတွက် ကျွန်တော် အဆင်သင့်မဖြစ်သေးပေ။ လုပ်နိုင်ရန်အတွက် အစွမ်းအစများ မရှိသေးပေ။
ထိုကဲ့သို့သော ဧရာမ အခွင့်အရေးကြီးကို ပေးလောက်အောင် အလွန်ကြင်နာတတ်သည့် မာရှယ်စင်မွန်က အထွေထွေမန်နေဂျာ တစ်ယောက် အနေဖြင့် ဒေါသထွက် ပေါက်ကွဲတော့သည်။ ထိန်းချုပ်ခန်းတံခါးကို သူ၏ ခြေထောက်ဖြင့် ကန်ဖွင့်လိုက်ပြီး စကားလုံး ငါးလုံးကို ကျယ်ကျယ်လောင် လောင် ရှင်းရှင်းလင်းလင်း ပြောလိုက်သည်။
“ဒါဟာ... ဆက်သွယ်ရေးလုပ်ငန်းကွ”
ထို့နောက် သူသည် တံခါးကိုဆောင့်ပိတ်ပြီး ကျောခိုင်းထွက်ခွာ သွားသည်။
ထိုအချိန်၌ မိုက်ကရိုဖုန်းကို ဆွဲယူလိုက်ပြီး အသံလွှင့်သူတစ်ယောက်၏ ပထမဆုံး ဝေါဟာရများကို ရွတ်ဆိုလိုက်သည်။
“မင်္ဂလာပါခင်ဗျား... ဒီနေ့ဟာ ကျွန်တော့်အတွက် ရေဒီယိုမှာ အသံလွှင့်တဲ့ ပထမဆုံးနေ့ဖြစ်ပါတယ်။ ကျွန်တော်ဟာ အလွန်အသံလွှင့် ခဲ့ချင်တာပါ။ ဒီလို အသံလွှင့်ဖို့လည်း တစ်ပတ်လုံး ပြင်ခဲ့ပါတယ်။ လွန်ခဲ့တဲ့ ၁၅ မိနစ်က ကျွန်တော်ဟာ နာမည်အသစ်ရပါတယ်။ ကျွန်တော့် အစီအစဉ်အတွက်လည်း သီချင်းအသစ်တစ်ပုဒ် အဆင်သင့်ရခဲ့ပါတယ်။ ဒါပေမဲ့ ကျွန်တော့်ပါးစပ်က ဘာသံမှမထွက်ဘူး။ ကျွန်တော့်စိတ်တွေ သိပ်လှုပ်ရှားနေတယ်။ ကျွန်တော့်ရဲ့ အထွေထွေမန်နေဂျာကြီးက အခုပဲ တံခါးကို ပိတ်ကန်ထည့်လိုက်ပြီး ဒါဟာ ဆက်သွယ်ရေးလုပ်ငန်းကွလို့ ပြောသွားပါတယ်”
ယခုလို စတင်ပြောနိုင်ခြင်းကြောင့် ဆက်ပြောရန် ယုံကြည်စိတ်ချမှု များ တိုးပွားလာခဲ့သည်။ ဆက်ပြောရာတွင်လည်း အစစအရာရာ အဆင်ပြေ သွားသည်။ ဤသည်မှာ စကားပြောသည့် လုပ်ငန်းအစ၌ ကျွန်တော်တွေ့ခဲ့ ရသည့် အတွေ့အကြုံဖြစ်သည်။ ရေဒီယိုအသံလွှင့်လုပ်ငန်းတွင် နောက် နောင်၌ မည်သည့်အခါမျှ စိတ်လှုပ်ရှားခြင်း မရှိတော့ပေ။

#ဆက်ရန်ရှိ

ရန်ကုန်မှာပျံ့နေတဲ့ အသည်းပိုးဆိုတာဘာလဲ
××××××××××××××××××××××××××××××

ဒီနေ့ည ရန်ကုန်မှာပျံ့နေတဲ့အသည်းပိုးဆိုပြီး ဖတ်လိုက်ရပါတယ်။

ကျွန်တော့် မိတ်ဆွေတို့ လူနာလေးတွေတို့ သိတာက အသည်းရောင်အသားဝါပိုးဆိုရင် B နဲ့ C က နာမည်ကြီးဆိုတော့ သိကြတာပေါ့လေ။

တကယ်က A, B, C, D and E ဆိုပြီး ၅မျိုးတောင်ရှိတာပေါ့ဗျာ။

B နဲ့ C ကတော့ သွေးလိင်စသဖြင့်ကနေကူးစက်တတ်တယ်ပေါ့။

ခုတော့ ပျံ့နေပါတယ်ဆိုတဲ့ အသည်းပိုးအကြောင်း ပြောချင်တာပါ။
A သို့မဟုတ် E ဖြစ်နိုင်ပါတယ်။ ကျွန်တော်တို့နိုင်ငံမှာက ပေါပါတယ်၊ ဖြစ်တတ်ကြပါတယ်၊ သတိမထားမိကြလို့ပေါ့နော်။ ဆေးရုံတွေမှာတော့ ထူးဆန်းတဲ့ကိစ္စတစ်ခုတော့ မဟုတ်ပြန်ဘူး။

နှစ်ခုစလုံးက အစားအသောက်ကတဆင့် ကူးစက်နိုင်စွမ်းရှိတဲ့ အသည်းကိုထိစေတဲ့ ဗိုင်းရပ်စ်ပိုးတွေဖြစ်ပါတယ်။ ရလဒ်ကတော့ အသည်းကို ရောင်ရမ်းစေပါတယ်။

ဒီနေ့ကူးစက် ဒီနေ့လက္ခဏာချက်ချင်းတော့ မပေါ်တတ်ဘူးပေါ့။
၂ပတ်ကနေ တခါတရံ ၅ပတ်၆ပတ်လောက်ကြာမှ ပေါ်လာတတ်ပါတယ်။ ပြန်ပျောက်ဖို့ကလည်း ကြာတတ်ပြန်တယ်၊ တချို့ဆို ၈ပတ်(၂လ)လောက်ကြာတတ်တယ်။

လက္ခဏာတွေကတော့ ဗိုက်နာဗိုက်အောင့်ခြင်း၊ ဝမ်းလျှောခြင်း၊ ဖျားခြင်း၊ အသားဝါ မျက်စိဝါခြင်း၊ အစားအသောက်ပျက်ခြင်း၊ မအီမသာဖြစ်ခြင်း၊ မူးဝေခြင်း၊ အန်ခြင်း နဲ့ နောက်ပိုင်းမှာ ဆီးအရောင်ရင့်ခြင်း/မည်းခြင်း ၊ ဝမ်းအရောင်ဖြူခြင်းများဖြစ်တတ်ပါတယ်။

ကူးစက်တာကတော့ ခုနကပြောသလိုပဲ မသန့်ရှင်းတဲ့ ပိုးကပ်ငြိနေတဲ့ အစားအသောက်တွေကို စားမိရာကနေဖြစ်တာပါပဲ၊ ပူပူနွေးနွေးချက်ပြုတ်စားသောက်တာက အန္တရာယ်ကင်းပါတယ်၊ သို့သော်လည်း ချက်ပြုတ်ပြီး အစားအစာတွေကို အသည်းရောင်အသားဝါ A သို့မဟုတ် E ရှိနေသူက ပြင်ဆင်ပေးရတာမျိုး မဖြစ်အောင်တော့ ဂရုစိုက်ရမှာပါ။

ကာကွယ်ခြင်းဟာ ကုသခြင်းထက်ကောင်းပါတယ်။

၁၊ ညစ်ပတ်တဲ့အစားအစာတွေကို ရှောင်ပါ
၂၊ မသန့်ရှင်းဘူးလို့ သံသယရှိရင် မစားပါနဲ့
၃၊ လက်ကိုစင်ကြယ်စွာဆေးပါ ၊ မကြာခဏဆေးပါ
၄၊ သန့်ရှင်းသောရေ၊ သန့်ရှင်းသော အစားအစာများ သုံးဆောင်ပါ
၅၊ တစ်ကိုယ်ရည်သန့်ရှင်းရေးဂရုစိုက်ပါ

ကုသခြင်း

-တိကျသောကုသမှုမရှိပါ
-အနားယူခြင်း၊ အာဟာရပြည့်ဝစွာစားသုံးခြင်း၊ ရေ/အရည်များများသောက်ခြင်း ပြုလုပ်ပေးရပါမယ်
- အသည်းကိုထိစေသောဆေးများ ရှောင်ရှားရပါမယ်
- အဆိုပါဆေးများကိုသိရှိဖို့အပြင် ဖြစ်လာခဲ့ရင် ကုသမှုခံယူဖို့ နီးစပ်ရာ ဆေးရုံဆေးခန်းတွေမှာ ပြသရပါမယ်

Hepatitis A/E နှင့် အရက်

လူငယ်တွေသိချင်နေကြမှာပါ
ဖြစ်လာရင်တော့ မသောက်ပဲ အချိန်တစ်ခုကြာအနားယူရပါမယ်
ဒီနည်းလမ်းကသာ အသည်းကိုအနားပေးတဲ့ ထိရောက်တဲ့နည်းလမ်းဖြစ်ပါတယ်

Hepatitis A/E နှင့် ကိုယ်ခံအားကျသူများ

ကိုယ်ခံအားနည်းသူများ၊ ဆီးချိုသမားများ၊ HIVလူနာများ၊ ကင်ဆာသမားများ ကူးစက်လွယ်တတ်ခြင်းကြောင့် ကာကွယ်ခြင်းနှင့် သတိဖြင့်နေထိုင်ခြင်းက အကောင်းဆုံးဖြစ်ပါတယ်

Hepatitis E နှင့် ကိုယ်ဝန်

တကယ်လို့ Hep E ဖြစ်ခဲ့ရင် ကိုယ်ဝန်ဆောင်တွေအနေနဲ့ သတိထားဂရုပြုရပါမယ်။ Fulminant Hepatitis E (ပြင်းထန်အသည်းရောင်) ဖြစ်တတ်လို့ပါ။ အထူးသဖြင့် ကိုယ်ဝန်၄လကနေ မွေးခါနီးထိ ကိုယ်ဝန်ဆောင်များ ဂရုစိုက်ရပါမယ်

နောက်ဆုံးမှာချင်တာက
- အပေါ်ကလက္ခဏာလေးတွေ သတိထားမိရင် ဆေးရုံဆေးခန်းသွားပါ
- တယ်လီကျန်းမာလို ဆေးခန်းတွေမှာလည်း အကြံဥာဏ်တောင်းခံနိုင်ပါတယ်
- မှန်ကြည့်ပါ မျက်သားအဖြူလေးဝါမဝါ ကြည့်ပါ (သံသယရှိပါ ဆိုက်ကိုတော့မဝင်စေချင်ပါ)
- ဘေးလူတွေက အတော်ဝါနေတယ်နော်လို့ ပြောရင် မပေါ့ဆပါနဲ့
- ဒေါင်ဆရာများ လျှော့ပါ

ချစ်သောအားဖြင့်

Dr. Swam Htet (Dr. Ted)
M.B.,B.S (Ygn)
M.R.C.S (Edin)

စာကြွင်း။ ။ Hepatitis A vaccine အခု စထိုးမယ်ဆိုရင်တောင် Heptatitis A ကို ပြန်တိုက်မယ့် ကိုယ်ခံအားက နောက်၁၀ရက် ၁၄ရက်ကြာမှ ထွက်ပါတယ်ခင်ဗျ။
ချက်ချင်းကြီး မကာကွယ်ပေးနိုင်ပါဘူးခင်ဗျာ။
ခရီးထွက်စရာမရှိရင် ဆင်ခြင်ပြီးလတ်တလောနေထိုင်ရင် လုံလောက်ပါတယ်။
ကိုယ်တိုင်ချက်စားနိုင်ရင်စားပြီး၊ မစားနိုင်ရင် သန့်ရှင်းတဲ့ဆိုင်များကို ရွေးချယ်စားသုံးလို့ရပါတယ်ခင်ဗျ။
အရမ်းကြီးသံသယမထားပါနဲ့ခင်ဗျာ စိတ်မပူပါနဲ့ခင်ဗျ။
ကျွန်တော်တို့ပြည်သူများက တစ်ခုခုဆိုအရမ်း Panic မဖြစ်ဖို့လိုပါတယ်ခင်ဗျာ။ တချို့တလေ လုပ်စားသွားမှာစိုးလို့ပါ။