🌟 Lightning OTG Adapter - iPhone & iPad များအတွက် အဆင်ပြေချောမွေ့စေမယ့် အကူကိရိယာ 🌟

သင့်ရဲ့ iPhone နဲ့ iPad ကို အားသွင်းဖို့နဲ့ ဒေတာတွေကို လွယ်ကူစွာ လဲလှယ်ဖို့ Lightning OTG Adapter ကို အခုပဲ ဝယ်ယူလိုက်ပါ! ဒီ adapter က သင့်ရဲ့ iOS စက်ပစ္စည်းတွေကို USB-C ကြိုးနဲ့ ချိတ်ဆက်အသုံးပြုနိုင်စေပြီး သယ်ဆောင်ရလွယ်ကူပါတယ်။

✨ အဓိကလုပ်ဆောင်ချက်များ:
✅ အားသွင်းခြင်းနှင့် ဒေတာလဲလှယ်ခြင်း: iPhone ကို ကွန်ပျူတာနဲ့ ချိတ်ဆက်ပြီး ဒေတာလဲလှယ်နိုင်ပါတယ်။ (OTG, HDMI, Audio, Mouse, Keyboard, Card Reader, U Disk, Flash Drive, External Hard Drives များနှင့် မသင့်တော်ပါ)။
✅ ကျယ်ပြန့်သောကိုက်ညီမှု: iOS 13 နှင့် အထက်ရှိတဲ့ iPhone 11, 12 Pro Max, Xs, Xs Max, X, 8/8 Plus, 7/7 Plus, 6/6 Plus, 5/5S, SE နဲ့ iPad Air, Mini, Pro အစရှိတဲ့ Lightning ပေါ်တွင် အသုံးပြုနိုင်ပါတယ်။
✅ USB-C to Lightning Adapter: USB-C ကြိုးကို အသုံးပြုပြီး iOS စက်ပစ္စည်းများကို အားသွင်းနိုင်ပြီး ဒေတာလဲလှယ်နိုင်ပါတယ်။ သီးသန့် driver မလိုအပ်ဘဲ အလွယ်တကူအသုံးပြုနိုင်ပါတယ်။
✅ Case ဖြုတ်စရာမလိုဘဲ အားသွင်းနိုင်ခြင်း: ပါးလွှာတဲ့ဒီဇိုင်းကြောင့် ရေမဝင်တဲ့ Case တွေနဲ့ပါ သင့်တော်ပြီး Case ကို ဖြုတ်စရာမလိုဘဲ အားသွင်းနိုင်ပါတယ်။

💡 ဘာကြောင့် ဒီ Adapter ကို ရွေးချယ်သင့်တာလဲ?

iPhone နဲ့ iPad အတွက် USB-C ကြိုးကို အသုံးပြုနိုင်စေပါတယ်။

ဒေတာလဲလှယ်ခြင်းနဲ့ အားသွင်းခြင်းကို တစ်ခါတည်းလုပ်ဆောင်နိုင်ပါတယ်။

သယ်ဆောင်ရလွယ်ကူပြီး ဒီဇိုင်းလှပပါတယ်။

📱 ကိုက်ညီမှု:

iPhone 11, 12 Pro Max, Xs, Xs Max, X, 8/8 Plus, 7/7 Plus, 6/6 Plus, 5/5S, SE

iPad Air, Mini, Pro အစရှိသော Lightning Port ပါသော စက်ပစ္စည်းများ

💰 ဈေးနှုန်းသက်သာပြီး အရည်အသွေးမြင့်မားပါတယ်!
ဒီ Lightning OTG Adapter ကို အခုပဲ ဝယ်ယူပြီး သင့်ရဲ့ iOS စက်ပစ္စည်းတွေကို ပိုမိုအဆင်ပြေစွာ အသုံးပြုလိုက်ပါ!
#shop, #kbzmarketplace , #uab market , Page chat တို့မှ တစ်နိုင်ငံလုံးသို့ အိမ်အရောက်ငွေခြေ. Banking တို့ဖြင့် ကြိုက်နှစ်သက်ရာရွေးခြယ် ဝယ်ယူနိုင်ပါသည်။
ဖုန်း၀၉၈၉၄၂၇၃၉၁၁ . အမှတ် ၂၈. သိန္ဒီလမ်း. သီတာရပ်ကွက်. ကြည့်မြင်တိုင်.ရန်ကုန်မြို. ဆိုင်တွင်လာရောက်လေ့လာဝယ်ယူလိုသူများ ဖုန်းကြိုတင်ဆက်သွယ်မေးနိုင်ပါသည်။
အသေးစိတ်အချက်လတ်များကို အောက်ပါလင့်မှဝင်ရောက်လေ့လာနိုင်ပါသည်။
www.shop.com.mm/shop/zaycho

#lightningotgadapter #iphoneaccessories #ipadaccessories #usb_c_adapter #datasync #chargingadapter #techaccessories #myanmartech

ယူနိုက်တက်မှာ ပြဿနာပိုများတယ်လို့ အာမိုရင်ပြော

ဖေဖော်ဝါရီ ၂၂

ပေါ်တူဂီလူမျိုးနည်းပြ အာမိုရင်က ယူနိုက်တက်အသင်းမှာ ဖြေရှင်းချက်ထက် ပြဿနာပိုများနေတယ်လို့ အဲဗာတန်အသင်းနဲ့ ပရီးမီးယားလိဂ်ပွဲစဉ် မတိုင်ခင်မှာ ပြောခဲ့ပါတယ်။

အာမိုရင်က “အသင်းဟာ တိုးတက်မှုမရှိဘူးလို့ တစ်ခါတရံမှာ ကျနော်ခံစားရပေမယ့် တချို့ပိုပြီးခက်ခဲတဲ့ပွဲတွေမှာ ကျနော်တို့ ကောင်းမွန်စွာ ကစားနိုင်ခဲ့ပါတယ်။ ဒါကတော့ ကောင်းတဲ့အရာပါ။ ဒါပေမယ့် အခုအခိုက်တန့်မှာ ကျနော်တို့ ကစားခဲ့တဲ့ပွဲတွေကို ကြည့်ရင် ဖြေရှင်းချက်ထက် ပြဿနာပိုများနေပါတယ်။ ကျနော်တို့ဟာ ပွဲတိုင်းကို တသမတ်တည်းကစားနိုင်ရပါမယ်”လို့ ပြောခဲ့တာပါ။

ပြီးခဲ့တဲ့ နိုဝင်ဘာလက ယူနိုက်တက်အသင်းကို နည်းပြသစ်အဖြစ် စတင်ကိုင်တွယ်ခဲ့တဲ့ အာမိုရင်ဟာ အသင်းကို ရလဒ်ကောင်းတွေ ရယူပေးနိုင်ဖို့ ခက်ခဲနေတာ ဖြစ်ပါတယ်။

အာမိုရင်ဟာ ယူနိုက်တက်အသင်းကို ကိုင်တွယ်ထားတဲ့ ပရီးမီးယားလိဂ် ၁၄ ပွဲမှာ ၄ ပွဲသာ နိုင်ပွဲရယူပေးနိုင်ခဲ့ပြီး သူဟာလည်း ဖိအားဒဏ်တွေကို ခံစားနေရတာပါ။

ယူနိုက်တက်အသင်းဟာ ရလဒ်ဆိုးတွေကြောင့် ပရီးမီးယားလိဂ် အမှတ်ပေးဇယား အဆင့် ၁၅ နေရာကို ရောက်ရှိသွားခဲ့ပြီး ဥရောပဝင်ခွင့် ရယူနိုင်ဖို့ဆိုရင် လက်ကျန်ပွဲစဉ်တွေမှာ ရလဒ်ကောင်းတွေ ရယူနိုင်ဖို့ လိုအပ်နေပါတယ်။

ယူနိုက်တက်အသင်းဟာ ဒီရာသီမှာ ရယူနိုင်စရာ ဆုဖလားအဖြစ် FA ဖလားနဲ့ ယူရိုပါလိဂ်ဖလား ကျန်ရှိနေပြီး အသင်းဟာ ဒီဆုဖလားတွေ ရယူနိုင်ဖို့ ပစ်မှတ်ထားနေတာပါ။

ယူနိုက်တက်အသင်းဟာ ယူရိုပါလိဂ် ၁၆ သင်းအဆင့်အဖြစ် ဆိုစီဒက်အသင်းနဲ့ ယှဉ်ပြိုင်ရမှာဖြစ်ပြီး FA ဖလား ပြိုင်ပွဲမှာတော့ ဖူလ်ဟမ်အသင်းနဲ့ ပဉ္စမအဆင့်ပွဲစဉ် ယှဉ်ပြိုင်ရမှာ ဖြစ်ပါတယ်။

ယူနိုက်တက်အသင်းဟာ ပရီးမီးယားလိဂ်ပြိုင်ပွဲမှာ ရလဒ်ကောင်းတွေ ပြန်လည်ရယူနိုင်ဖို့ အာရုံစိုက်နေပြီး အဲဗာတန်အသင်းနဲ့ပွဲစဉ်မှာ နိုင်ပွဲရယူနိုင်ဖို့ မျှော်လင့်နေပါတယ်။

Source: Goal

ပုံ - ယူနိုက်တက်အသင်းကို တွေ့ရစဉ်

#ဘောလုံးသတင်းစုံ

ပရီးမီးယားလိဂ်ပြိုင်ပွဲမှာ လက်စတာဆိုးရွားတဲ့ စံချိန်သစ်ရရှိ

ဖေဖော်ဝါရီ ၂၂

လက်စတာအသင်းဟာ ဘရန်ဖို့ဒ်အသင်းနဲ့ ကစားခဲ့တဲ့ ပရီးမီးယားလိဂ် ပွဲစဉ်မှာ ၄ ဂိုး-ဂိုးမရှိနဲ့ ဂိုးပြတ် အရေးနိမ့်ပြီးနောက် ပရီးမီးယားလိဂ်ပြိုင်ပွဲမှာ ဆိုးရွားတဲ့ စံချိန်သစ်ကို ရရှိသွားခဲ့ပါတယ်။

လက်စတာအသင်းဟာ နည်းပြနစ္စတယ်ရွိုင်း လက်အောက်မှာ ရလဒ်တွေ ဆက်တိုက် ဆိုးရွားနေပြီး ဘရန်ဖို့ဒ် အသင်းကို အရေးနိမ့်ခဲ့တာ အပါအဝင် ပရီးမီးယားလိဂ် ပြိုင်ပွဲမှာ အိမ်ကွင်း ၆ ပွဲဆက်တိုက် ဂိုးမသွင်းနိုင်ဘဲ အရေးနိမ့်ခဲ့တာပါ။

လက်စတာအသင်းဟာ အင်္ဂလန်ထိပ်တန်းလိဂ် သမိုင်းမှာ တစ်ရာသီအတွင်း ဒီလိုမျိုးဆိုးရွားတဲ့ ရလဒ်ကို ရယူနိုင်ခဲ့တဲ့ ပထမဆုံးအသင်းအဖြစ် စံချိန်သစ် တင်နိုင်ခဲ့ပါတယ်။

လက်စတာအသင်း ပရိသတ်တွေဟာ ရလဒ်တွေ ဆိုးရွားနေတဲ့ အသင်းအပေါ် အလွန်စိတ်ပျက်နေကြတာပါ။

နစ္စတယ်ရွိုင်းဟာ လက်စတာအသင်းကို ရလဒ်ကောင်းတွေ ရယူပေးနိုင်ဖို့ ခက်ခဲနေတာကြောင့် သူဟာ ဖိအားတွေကို ခံစားနေရပြီး ထုတ်ပယ်ခံရဖို့ နီးစပ်နေပြီလည်း ဖြစ်ပါတယ်။

နစ္စတယ်ရွိုင်းကတော့ ပြန်လည်သုံးသပ်မှုတွေပြုလုပ်ပြီး လာမယ့်ပွဲတွေအတွက် စုပေါင်းလက်တွဲကာ ဆက်ပြီး လုပ်ဆောင်ရမယ်လို့ ပွဲအပြီးမှာ ပြောခဲ့ပါတယ်။

လက်စတာအသင်းဟာ နောက်ဆုံးကစားခဲ့တဲ့ ပရီးမီးယားလိဂ် ၁၁ ပွဲမှာ ၁ ပွဲသာ အနိုင်ရခဲ့ပြီး ၁၀ ပွဲအထိ အရေးနိမ့်ခဲ့တာပါ။

လက်စတာအသင်းဟာ ဘရန်ဖို့ဒ်အသင်းကို အရေးနိမ့်ခဲ့တာကြောင့် ပရီးမီးယားလိဂ် အမှတ်ပေးဇယားအဆင့် ၁၉ နေရာမှာ ရပ်တည်နေပြီး အဆင့် ၁၇ နေရာက ဝုလ်ဗ်စ်အသင်းနဲ့ ၂ မှတ်ကွာဟနေပါတယ်။

လက်စတာအသင်းဟာ လာမယ့် ပရီးမီးယားလိဂ် ပွဲစဉ်တွေအဖြစ် ဝက်စ်ဟမ်း၊ ချယ်လ်ဆီး၊ ယူနိုက်တက်အသင်း တို့နဲ့ ကစားရမှာဖြစ်လို့ ရလဒ်ကောင်းတွေ ရယူနိုင်ဖို့ ခက်ခဲဦးမှာဖြစ်ပါတယ်။

Source: Metro

ပုံ - လက်စတာအသင်းကို တွေ့ရစဉ်

#ဘောလုံးသတင်းစုံ

ကုန်ကျစရိတ်မြင့်၍ ကျားဖြန့်နစ်နာသူများ ထောက်ပံ့မှု DKBA ရပ်မည်

ဘန်ကောက်၊ ဖေဖော်ဝါရီ ၂၂

ဒီမိုကရေစီအကျိုးပြုကရင်တပ်မ‌တော်(DKBA) က ထိုင်းနိုင်ငံ၊ တာ့ခ် (Tak) ပြည်နယ်၊ ဖိုဖရာ (Phop Phra) ခရိုင်၊ ဘန်ချောင်ကက် ( Ban Chong Kaep) ဒေသနှင့် မျက်နှာချင်းဆိုင်တွင် တည်ရှိသည့် ၎င်းတို့ထိန်းချုပ်ထားသော နေရာဒေသများအတွင်း ကျားဖြန့်ဂိုဏ်းများ၏ အတင်းအကျပ် စေခိုင်းခံခဲ့ရသည့် နစ်နာသူများကို ထောက်ပံ့ပေး နေမှုအား ရပ်တန့်ရန် ပြင်ဆင်နေကြောင်း ဖေဖော်ဝါရီ ၂၁ ရက်တွင် The Nation မှ ဖော်ပြခဲ့သည်။

ကျားဖြန့်နစ်နာသူများအတွက် ကူညီထောက်ပံ့ ပေးနေရမှုများသည် ငွေရေးကြေးရေးအရ ဝန်ထုတ်ဝန်ပိုး ဖြစ်လာ သဖြင့် ထိုကဲ့သို့ ရပ်တန့်ရန် ပြင်ဆင်ခဲ့ခြင်းဖြစ်သည်။

ယခင်က DKBA သည် ဖိုဖရာဒေသရှိ ထိုင်းအာဏာပိုင်များထံသို့ ကျားဖြန့်နစ်နာသူ ၂၆၀ ကို လွှဲပြောင်းအပ်နှံခဲ့ပြီး ကုန်ကျစရိတ်များကို ကျခံခဲ့ရသည်။

လက်ရှိတွင် DKBA သည် နောက်ထပ် ကျားဖြန့်နစ်နာသူ ၃၀၀ ခန့်ကို ကျွေးမွေးစောင့်ရှောက် ထားရဆဲဖြစ်သည်။

ထိုင်းနိုင်ငံကလည်း တာ့ခ်ပြည်နယ်၊ မူအန်း (Mueang) ခရိုင်ရှိ အမှတ် ၃၁၀ စစ်တပ်ဝင်းအတွင်း ကျားဖြန့်ဂိုဏ်း များကြောင့် နစ်နာခဲ့ရသည့် နိုင်ငံခြားသား ၂၀၀ ကျော်ကို ကျွေးမွေးစောင့်ရှောက်ထားသည်။

ဖေဖော်ဝါရီ ၁၈ ရက်က နစ်နာသူ ၂၈ ဦးကို ၎င်းတို့၏ သက်ဆိုင်ရာသံရုံးများထံ လွှဲပြောင်း အပ်နှံပေးခဲ့သည်။

တာ့ခ်ပြည်နယ် နယ်စပ်စစ်ဆင်ရေးစင်တာကမူ ထိုင်းနိုင်ငံအတွင်း နောက်ထပ် ကျားဖြန့်နစ်နာသူများကို ထပ်မံ လက်မခံတော့ရန် ဆုံးဖြတ်ခဲ့ပြီး နစ်နာသူများအား နေရပ်သို့ ပြန်ပို့ရန်အတွက် သက်ဆိုင်ရာ သံရုံးများက တာဝန်ယူ ဆောင်ရွက်ရန် ညွှန်ကြားခဲ့သည်။

သို့သော် မြဝတီမှ ကယ်တင်နိုင်ခဲ့သည့် တရုတ်နိုင်ငံသားများကိုမူ တရုတ်၏ အစီအစဉ်ဖြင့် ထိုင်းနိုင်ငံမှ တရုတ်သို့ လွှဲပြောင်းပို့ဆောင်ခွင့်ပြုထားသည်။

ဖေဖော်ဝါရီ ၂၀ ရက်တွင် နစ်နာသူ ၂၀၀ ခန့်သည် ထိုင်းနိုင်ငံမှ လေကြောင်းခရီးစဉ် ၄ ခုဖြင့် ထွက်ခွာသွားခဲ့ ကြသည်။

တရုတ်နိုင်ငံသား ၆၀၀ ကို နေရပ်ပြန်ပို့ပေးမည်ဖြစ်ပြီး ထိုအစီအစဉ်သည် ဖေဖော်ဝါရီ ၂၂ ရက်တွင် လေကြောင်း ခရီးစဉ် ၁၂ ခုနှင့်အတူ အပြီးသတ် ပို့ဆောင်ပေးနိုင်လိမ့်မည်ဟု ထိုင်းဒုတိယဝန်ကြီးချုပ်နှင့် ကာကွယ်ရေးဝန်ကြီး ဖွမ်သမ် ဝီချာရာချိုင်း (Phumtham Wechayachai) က ပြောကြားခဲ့သည်။

Source: The Nation

ပုံ - မြဝတီ/ရွှေကုက္ကိုလ်က ကျားဖြန့်နစ်နာသူများကို တွေ့ရစဉ်

#centralnewsnaypyitaw

တိုက်ပွဲပြင်းထန်နေလို့ မိုးဗြဲမြို့တွင်း အရပ်သားတွေ ဖြတ်သန်းသွားလာမှုကို ငါးရက် ပိတ်ပင်

ဖေဖော်ဝါရီ ၂၂

ဒေသတွင်းလက်နက်ကိုင်တပ်တွေ ထိန်းချုပ်ထားတဲ့ ရှမ်း-ကယားနယ်စပ်၊ ရှမ်းပြည်နယ်တောင်ပိုင်း၊ မိုးဗြဲမြို့မှာ နစက၊ ပအိုဝ်းပြည်သူ့စစ်(PNA)နဲ့ ဒေသတွင်းလက်နက်ကိုင်တပ်ဖွဲ့တွေအကြား တိုက်ပွဲပြင်းထန်နေလို့ အရပ်သားတွေ ဖြတ်သန်းသွားလာမှုကို ဒေသတွင်းလက်နက်ကိုင်တပ်တွေက ငါးရက်တာပိတ်ပင်လိုက်တယ်လို့ မိုးဗြဲ PDF နဲ့ KNDF တပ်ရင်း ၃ တို့က ပူးတွဲထုတ်ပြန်ထားပါတယ်။

မိုးဗြဲမှာ နှစ်လကျော်ကြာ တိုက်ပွဲပြင်းထန်နေပြီး နစကတပ်ဖွဲ့တွေမှ လက်နက်ကြီး၊ လေကြောင်းတိုက် ခိုက်မှုတွေ ပြုလုပ်နေတာကြောင့် မိုးဗြဲမြို့တွင်း ဖြတ်သန်းသွားလာခွင့်တွေကို ဖေဖော်ဝါရီလ ၂၄ ရက်ကနေ ၂၈ ရက်အထိ လုံခြုံရေးအရ ခေတ္တယာယီ ပိတ်ထားမှာဖြစ်တယ်လို့ ထုတ်ပြန်ချက်မှာ ဖော်ပြအသိပေးထားပါတယ်။

“မြို့တွင်းမှာ ဒေသခံကတော့ သိပ်မကျန်တော့ဘူး၊ တိုက်ပွဲတွေစပြင်းထန်တဲ့ ဒီဇင်ဘာလလယ်ပိုင်း လောက်ကတည်းက အားလုံးရှောင်ကုန်ကြပြီ။ အသက်ကြီးလို့ မရွေ့ပြောင်းနိုင်တဲ့သူတွေ၊ မရွေ့ချင်တဲ့ သူတွေနဲ့ ရိက္ခာ၊ လိုအပ်တာတွေ ပြန်ယူတဲ့သူတွေလောက်ပဲ ကျန်တော့တယ်။ တိုက်ပွဲကတော့ နေ့တိုင်းဖြစ်နေတာပဲ။ လက်နက်ကြီးနဲ့ လေကြောင်းပစ်ခတ်တာလည်း နေ့တိုင်းနီးပါးရှိနေတယ်။ ပြီးခဲ့တဲ့ ၂ရက်လုံး ညဖက်တွေမှာ လေယာဉ်လာတယ်”လို့ ဒေသခံတယောက်က ပြောပါတယ်။

မိုးဗြဲမြို့ကို ပြန်လည်ထိန်းချုပ်နိုင်ဖို့အတွက် နစကနဲ့ ပအိုဝ်းပြည်သူ့စစ်(PNA) ပူးပေါင်းအဖွဲ့က အင်အား အလုံးအရင်းနဲ့ ထိုးစစ်ဆင်နေတာကြောင့် တိုက်ပွဲပြင်းထန်နေတာဖြစ်ပြီး အရေးပေါ်သွားလာဖို့ ရှိပါက အထိုင်ချတပ်စွဲထားတဲ့ သက်ဆိုင်ရာ ဒေသတွင်းလက်နက်ကိုင် တပ်ရင်းတပ်ဖွဲ့တွေ၊ လုံခြုံရေးဂိတ်တွေကို အသိပေးခွင့်ပြုချက်ရယူဖို့ လိုအပ်ကြောင်း အသိပေးထားတယ်လို့ သိရပါတယ်။

အဲဒီဒေသမှာ တိုက်ပွဲတွေကြောင့် ဒေသခံ ၅၀၀၀ကျော်ဟာ စစ်ဘေးရှောင်စခန်းတွေမှာ သွားရောက်ခိုလှုံနေ ရသလို စားနပ်ရိက္ခာမလုံလောက်မှုအပြင် ရာသီတုပ်ကွေး၊ ဖျားနာမှုတွေအပြင် သောက်သုံးရေ မသန့်ရှင်းမှုကြောင့် အရေပြားရောဂါတွေ၊ ဝမ်းရောဂါတွေ ဆက်တိုက်ဖြစ်ပွားနေတာကြောင့် ဆေးဝါးပြတ်လပ်မှုတွေ ဖြစ်ပေါ်နေတယ်လို့လည်း သိရပါတယ်။

ဓာတ်ပုံ-Local

Credit - Myanmar Transparency News Agency

#သတင်းဟင်းလေးအိုးကြီး

Iron Dart ( 2024 )

ဇာတ်လမ်းအညွှန်းလေးကတော့ –
ယန်အိမ်တော်ရဲ့အ‌ မွေပြဿနာ‌တွေကြောင့် လီကွေ့ဖန်းလို့ခေါ်တဲ့
အမျိုးသမီးဟာ သူ့ရဲ့မတ်ဖြစ်သူ‌ထံကနေ သမီးလေးလက်ကို‌ဆွဲပြီးထွက်ပြေးနေရတာပါ။

အဲဒီအချိန် ထျယ်ရန့်လို့ခေါ်တဲ့ လူငယ်လေးကလည်း မြို့ကို
သူ့အဘွားလုပ်ခိုင်းလိုက်တဲ့ကိစ္စလေးကြောင့် မြို့ကိုရောက်နေတဲ့
ဒုက္ခတွေ့နေတဲ့ လီကွေ့ဖန်းတို့သားအမိကိုကယ်လိုက်ပါတော့တယ် ။

အဲဒီအချိန်မှာ လူဆိုးတွေကလည်းဆက်တိုက်လိုက်နေတော့ လီကွေ့ဖန်းက
ထျယ်ရန့်ကိုသူ့ကို ၃၂နာရီပဲကာကွယ်ပေးဖို့တောင်းဆိုပါတော့တယ် ။
တကယ်လို့ သူတို့သားအမိကိုသာ မနက်ဖြန်၁၀ နာရီထိ
ကာကွယ်ပေးရင် သိန်း၅၀ပေးမယ်လို့ကမ်းလှမ်းပါတယ် ။

အဲဒီကမ်းလှမ်းချက်ကို ထျယ်ရန့်တစ်ယောက်လက်ခံလိုက်မလား ?
ဒါမှမဟုတ် ၃၂နာရီအတွင်း ဘာတွေများဖြစ်လာလိမ့်မလဲဆိုတာ

#storymode
#crd

စိတ်ထွက်ပေါက်ရှာစရာမလိုတဲ့
ဘဝကိုတည်ထောင်ဖို့က အကြီးဆုံး goal ပဲ

စိတ်ညစ်တဲ့ အလုပ်ကိုတင်းခံလုပ်ပြီး
စိတ်ထွက်ပေါက်ပြန်ရှာရတာက

အဆိပ်တစ်ခွက် ဖြေဆေးတစ်ခွက်
သောက်နေရတာနဲ့တူတယ်

ကိုယ့်အတွက် တက်လမ်းမရှိရင်
သင်ယူစရာမရှိရင် ကိုယ့်အတွက်မကြည့်ရင်
ကျောခိုင်းခဲ့ဖို့လိုပြီ

#crd
#positive

မန္တလေးက ကမ္ဘောဇဘဏ်ခွဲ ၃၇ ကို ဓားပြတိုက်သွားတဲ့အမျိုးသားကို ဖမ်းမိ

မန္တလေး၊ ဖေဖော်ဝါရီ ၂၂

မန္တလေးမြို့၊ မဟာအောင်မြေမြို့နယ်၊ မန္တလေးတက္ကသိုလ်အနီး၊ မဟာနွယ်စဥ်ရပ်ကွက်က ကမ္ဘောဇဘဏ်ခွဲ ၃၇ မှာ မနေ့ဖေဖော်ဝါရီ ၂၁ ရက်နေ့က ဓါးပြတိုက်သွားတဲ့အမျိုးသားကိုဖမ်းမိပြီလို့ ရဲတပ်ဖွဲ့နဲ့ နီးစပ်တဲ့ အသိုင်း အဝိုင်းကနေ သိရပါတယ်။

ဓားပြမှု ကျူးလွန်ခဲ့တဲ့ ဦးသိန်းဇော်ဦး(၅၄)နှစ်ကို ပြည်ကြီးတံခွန်မြို့နယ်၊(ဂ)ရပ်ကွက်၊၁၂၀လမ်း၊၆၈( လမ်း ၆၈ (C)လမ်းကြားက နေအိမ်တစ်အိမ်မှာ ဒီကနေ့ နံနက် ၉ နာရီက ဘဏ်ဓားပြတိုက်ရာပါငွေ ၁၀၉၈ သိန်းနဲ့အတူ ပြစ်မှုကျူးလွန်ရာမှာ အသုံးပြုခဲ့တဲ့သက်သေခံပစ္စည်းတွေနဲ့အတူ ဖမ်းဆီး ရမိခဲ့တာဖြစ်တယ်လို့ သိရပါတယ်။

အဲ့ဒီ ကမ္ဘောဇဘဏ်(၃၇)ဟာ ဒုတိယအကြိမ် ဓားပြတိုက်ခံရတာဖြစ်ပြီး ပြီးခဲ့တဲ့ ဇန်နဝါရီ ၁၁ ရက်နေ့ကလည်း လက်လုပ်သေနတ်ကိုင်ဆောင်ထားတဲ့ တစ်ဦးတည်းဓားပြလာတိုက်မှု ဖြစ်ပွားခဲ့ပြီး အဲ့ဒီဓားပြတိုက်တဲ့သူကိုလည်း ဘဏ်ကနေအထွက်မှာ ဝိုင်းဝန်းဖမ်းဆီးခဲ့တာကြောင့် ဖမ်းဆီးရမိခဲ့တာဖြစ်ပါတယ်။

#သတင်းဟင်းလေးအိုးကြီး

စိတ်ထားကောင်းတဲ့ ငါ့မိထွေး???? <br>#Chamomellia <br>#?❣️?

လက်နက်ကိုင်များ နယ်မြေအလိုက် အာဏာရရေး လုပ်နေဟု တပ်ချုပ်ပြော

ဖေဖော်ဝါရီ ၂၂

လက်နက်ကိုင်လမ်းစဉ်ကို မစွန့်လွှတ်လိုသည့် တိုင်းရင်းသား လက်နက်ကိုင်အဖွဲ့များသည် နယ်မြေအလိုက် အာဏာရရှိရေးကို လုပ်ဆောင်နေသည်ဟု နစကဥက္ကဋ္ဌ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်က ပြောသည်။

၂၀၂၅ ခုနှစ်၊ ဖေဖော်ဝါရိ ၂၁ ရက်က ဗထူးဗိုလ်လောင်းသင်တန်း အမှတ်စဉ်(၁၂၈) သူရတပ်ခွဲ သင်တန်းဆင်း ဂုဏ်ပြုစစ်ရေးပြ အခမ်းအနား တက်ရောက်စဉ် ၎င်းက ပြောကြားခဲ့ခြင်း ဖြစ်သည်။

လက်ရှိ အချိန်တွင် လက်နက်ကိုင်လမ်းစဉ်ကို မစွန့်လွှတ်လိုသည့် တိုင်းရင်းသားလက်နက်ကိုင် အဖွဲ့အစည်းအချို့ သည် NUG၊ CRPH၊ PDF များနှင့် ပူးပေါင်းပြီး ပြည်သူများကို အကြောက်တရား လွှမ်းမိုးလာစေရေးနှင့် ၎င်းတို့ ထိန်းချုပ်နယ်မြေများချဲ့ထွင်နိုင်ရေးအတွက် နိုင်ငံရေးကိစ္စကို အကြောင်းပြပြီး အကြမ်းဖက် လက်နက်ကိုင် နည်းလမ်းကို တရားလက်လွတ်ဥပဒေမဲ့ လုပ်ဆောင်လျက်ရှိနေကြောင်း နစကဥက္ကဋ္ဌက ပြောသည်။

ဗိုလ်ချုပ်မှူးကြီးမင်း‌အောင်လှိုင်က “ အကြမ်းဖက် လက်နက်ကိုင်လမ်းစဉ် ကျင့်သုံးနေသည့် အကြမ်းဖက် သောင်းကျန်းသူများသည် ထာဝရငြိမ်းချမ်း‌ရေးရရှိပြီး ပြည်ထောင်စုနှင့်အတူ ပါတီစုံဒီမိုကရေစီ လမ်းကြောင်း ပေါ်တွင် ပါဝင်လျှောက်လှမ်းရေးထက် နယ်မြေအလိုက် အာဏာရရှိရေးကို လုပ်ဆောင်နေကြခြင်းဖြစ်သည်” ဟု ပြောသည်။

တအာင်းအမျိုးသားလွတ်မြောက်ရေးတပ်မတော်(TNLA)သည် ၁၀၂၇ စစ်ဆင်ရေးအတွင်း ရှမ်းပြည်နယ်မြောက် ပိုင်းရှိ နမ့်ခမ်း၊ နမ့်ဆန်၊ မန်တုံ၊ မိုင်းငေါ့၊ မိုင်းလုံ၊ ကျောက်မဲ၊ နောင်ချို၊ သီပေါ၊ ကွတ်ခိုင်၊ နမ္မတူနှင့် မန္တလေးတိုင်း ဒေသကြီးအတွင်းက မိုးကုတ်၊မိုးမိတ်၊ မဘိမ်းတို့ကို ထိန်းချုပ်ထားသည်။

မြန်မာအမျိုးသားဒီမိုကရက်တစ်မဟာမိတ်တပ်မတော်(MNDAA)သည် ၁၀၂၇ စစ်ဆင်ရေးအတွင်း လားရှိုး၊ သိန္နီ၊ ဖောင်းဆိုင်၊ ကုန်းကြမ်း၊ လောက်ကိုင်၊ ချင်းရွှေဟော်၊ မုံးကိုး အပါအဝင် အရှေ့မြောက်ပိုင်းတိုင်းစစ်ဌာနချုပ်(ရမခ) တို့ကို ထိန်းချုပ်ထားသည်။

ထို့နောက် ကချင်လွတ်လပ်ရေးတပ်မတော်(KIA)သည် ကချင်ပြည်နယ်မှ ဆွမ်ပရာဘွမ်၊ အင်ဂျန်းယန်၊ ဆဒုံး၊ ချီဖွေ၊ ဆော့လော်၊ ဖီမော်၊ ပန်ဝါ၊ ဒေါ့ဖုန်းယန်၊ ဆင်ဘို၊ မြို့လှ၊ မံစီ၊ ကန်ပိုက်တည်၊ မိုးမောက်မြို့များနှင့် နယ်စပ်ကုန်သွယ် ရေးမြို့ လွယ်ဂျယ်မြို့တို့ကို ထိန်းချုပ်ထားသည်။

အလားတူ အာရက္ခတပ်တော်(AA)ကလည်း ရခိုင်ပြည်နယ်အတွင်းက ဘူးသီးတောင်၊ မောင်းတော၊ ရသေ့တောင်၊ ကျောက်တော်၊ ပုဏ္ဏကျွန်း၊ မင်းပြား၊ မြေပုံ၊ အမ်း၊ ပေါက်တော၊ တောင်ကုတ်၊ မာန်အောင်၊ သံတွဲ၊ ဂွ၊ မြောက်ဦးနှင့် ချင်းပြည်နယ်အတွင်းက ပလက်ဝမြို့တို့ကို ထိန်းချုပ်ထားသည်။

ထို့ပြင် စစ်ကိုင်းတိုင်းဒေသကြီးအတွင်းက ရွှေပြည်အေး၊ ဖောင်းပြင်၊ ပင်လည်ဘူး၊ ခမ်းပတ် မြို့များသည်လည်း KIA-PDF တို့က ထိန်းချုပ်ထားသည်။

လက်ရှိ မြန်မာနိုင်ငံတစ်ဝန်းတွင် လက်နက်ကိုင်အင်အားစုများနှင့် မြန်မာ့တပ်မတော်ကြား တိုက်ပွဲများ အပြင်းအထန်ဖြစ်ပွားနေသည်။

အဆိုပါ တိုက်ပွဲများအတွင်း မြန်မာ့တပ်မတော်သည် မြို့နယ်ပေါင်း ၉၀ ကျော်နှင့် စစ်စခန်းပေါင်း ရာချီ လက်လွတ် ထားရသလို အရှေ့မြောက်ပိုင်းတိုင်းစစ်ဌာနချုပ်(ရမခ)နှင့် အနောက်ပိုင်းတိုင်းစစ်ဌာနချုပ်(နပခ)တို့ကိုလည်း လွတ်လက်ထားရသည်။

လက်နက်ကိုင်အဖွဲ့များ၏ ဥပဒေမဲ့ အကြမ်းဖက်လုပ်ရပ်များ၊ နယ်မြေချဲ့ထွင်ရေး တိုက်ပွဲဖော်ဆောင်လာမှုများကို တပ်မတော်အနေဖြင့် တည်ငြိမ်အေးချမ်းရေးကို လိုလားသည့် ဒေသခံပြည်သူများနှင့်ပူးပေါင်းပြီး တရားသောစစ် ကို ဆက်လက် ဆင်နွှဲသွားမည်ဟု နစကဥက္ကဋ္ဌ ဗိုလ်ချုပ်မှူးကြီးမင်းအောင်လှိုင်က ပြောသည်။

#centralnewsnaypyitaw